Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā)

    9. бодтабаад̣̇асуд̇д̇аван̣н̣анаа

    9. Poṭṭhapādasuttavaṇṇanā

    бодтабаад̣̇абариб̣б̣ааж̇агавад̇т̇уван̣н̣анаа

    Poṭṭhapādaparibbājakavatthuvaṇṇanā

    406. саавад̇т̇ияанд̇и самийбад̇т̇з бхумманд̇и ааха ‘‘саавад̇т̇им̣ убаниссааяаа’’д̇и. ж̇зд̇асса гумаарасса ванзд̇и ж̇зд̇зна наама рааж̇агумаарзна робид̇з убаванз. ниваасапаасуд̇аад̣̇инаа баб̣б̣аж̇ид̇аа аараманд̇и зд̇т̇аад̇и аараамо, вихааро. подо баад̣̇зсу ж̇аад̇од̇и бодтабаад̣̇о. вад̇т̇ажчааяаачаад̣̇анабаб̣б̣аж̇уубаг̇ад̇ад̇д̇аа чаннабариб̣б̣ааж̇аго. б̣раахман̣амахаасаалод̇и махаавибхавад̇ааяа махаасаарад̇аабад̇д̇о б̣раахман̣о. самаяанд̇и сааман̃н̃анид̣̇д̣̇зсо, д̇ам̣ д̇ам̣ самаяанд̇и ад̇т̇о. бавад̣̇анд̇ийд̇и багаарад̇о вад̣̇анд̇и, ад̇д̇анаа ад̇д̇анаа уг̇г̇ахид̇анияаамзна яат̇аа д̇ат̇аа самаяам̣ вад̣̇анд̇ийд̇и ад̇т̇о. ‘‘бабхуд̇аяо’’д̇и иминаа д̇од̣̇зяяаж̇аан̣усон̣ийсон̣ад̣̇ан̣д̣аад̣̇игз сан̇г̇ан̣хаад̇и, бариб̣б̣ааж̇агаад̣̇аяод̇и аад̣̇и-сад̣̇д̣̇зна чаннабариб̣б̣ааж̇агаад̣̇игз. д̇инд̣̇угаажийрамзд̇т̇а ад̇т̇ийд̇и д̇инд̣̇угаажийро, аараамо. д̇ат̇аа згаа саалаа зд̇т̇аад̇и згасаалаго, д̇асмим̣ д̇инд̣̇угаажийрз згасаалагз.

    406.Sāvatthiyanti samīpatthe bhummanti āha ‘‘sāvatthiṃ upanissāyā’’ti. Jetassa kumārassa vaneti jetena nāma rājakumārena ropite upavane. Nivāsaphāsutādinā pabbajitā āramanti etthāti ārāmo, vihāro. Phoṭo pādesu jātoti poṭṭhapādo. Vatthacchāyāchādanapabbajūpagatattā channaparibbājako. Brāhmaṇamahāsāloti mahāvibhavatāya mahāsāratāpatto brāhmaṇo. Samayanti sāmaññaniddeso, taṃ taṃ samayanti attho. Pavadantīti pakārato vadanti, attanā attanā uggahitaniyāmena yathā tathā samayaṃ vadantīti attho. ‘‘Pabhutayo’’ti iminā todeyyajāṇusoṇīsoṇadaṇḍādike saṅgaṇhāti, paribbājakādayoti ādi-saddena channaparibbājakādike. Tindukācīramettha atthīti tindukācīro, ārāmo. Tathā ekā sālā etthāti ekasālako, tasmiṃ tindukācīre ekasālake.

    анзгаагаараанавасзсан̃зяяад̇т̇авибхааванад̇о, абараабаруббад̇д̇ид̇о жа бхаг̇авад̇о н̃аан̣ам̣ д̇ад̇т̇а бад̇т̇адам̣ вияа ход̇ийд̇и вуд̇д̇ам̣ ‘‘саб̣б̣ан̃н̃уд̇ан̃н̃аан̣ам̣ бад̇т̇арид̇ваа’’д̇и, яад̇о д̇асса н̃аан̣аж̇аалад̇аа вужжад̇и, взнзяяаанам̣ д̇ад̣̇анд̇ог̇ад̇хад̇аа хздтаа вуд̇д̇ааязва. взнзяяасад̇д̇абариг̇г̇ан̣ханад̇т̇ам̣ саманнаахаарз гад̇з батамам̣ нзсам̣ взнзяяабхаавзнзва убадтаанам̣ ход̇и, ат̇а саран̣аг̇аманаад̣̇ивасзна гижжанибпад̇д̇и виймам̣сийяад̇ийд̇и ааха ‘‘гим̣ ну ко бхависсад̇ийд̇и убабаригканд̇о’’д̇и . нирод̇ханд̇и сан̃н̃аанирод̇хам̣. нирод̇хаа вудтаананд̇и д̇ад̇о нирод̇хад̇о вудтаанам̣ сан̃н̃уббад̇д̇им̣. саб̣б̣аб̣уд̣̇д̇хаанам̣ н̃аан̣зна сам̣санд̣̇ид̇ваад̇и яат̇аа д̇з нирод̇хам̣, нирод̇хад̇о вудтаанан̃жа б̣яаагарим̣су, б̣яаагариссанд̇и жа, д̇ат̇аа б̣яаагаран̣авасзна сам̣санд̣̇ид̇ваа. хад̇т̇исаарибуд̇д̇од̇и хад̇т̇исаарино буд̇д̇о. ‘‘яуг̇анд̇харабаб̣б̣ад̇ам̣ баригкибид̇ваа’’д̇и ид̣̇ам̣ баригаббаважанам̣ ‘‘д̇аад̣̇исам̣ ад̇т̇и жз, д̇ам̣ вияаа’’д̇и. мзгхаван̣н̣анд̇и рад̇д̇амзгхаван̣н̣ам̣, сан̃жхааббабхаануран̃ж̇ид̇амзгхасан̇гаасанд̇и ад̇т̇о. бажжаг̇гханд̇и абхинавам̣ аад̣̇ид̇о д̇ат̇аалад̣̇д̇хавохаарзна , анан̃н̃абарибхог̇ад̇ааяа , д̇ат̇аа ваа сад̇т̇у ад̇хидтаанзна со бад̇д̇о саб̣б̣агаалам̣ ‘‘бажжаг̇гхам̣’’ д̇взва вужжад̇и, силаад̣̇ивуд̇д̇арад̇аналагкан̣уубабад̇д̇ияаа ваа со бад̇д̇о ‘‘бажжаг̇гха’’нд̇и вужжад̇и.

    Anekākārānavasesañeyyatthavibhāvanato, aparāparuppattito ca bhagavato ñāṇaṃ tattha patthaṭaṃ viya hotīti vuttaṃ ‘‘sabbaññutaññāṇaṃ pattharitvā’’ti, yato tassa ñāṇajālatā vuccati, veneyyānaṃ tadantogadhatā heṭṭhā vuttāyeva. Veneyyasattapariggaṇhanatthaṃ samannāhāre kate paṭhamaṃ nesaṃ veneyyabhāveneva upaṭṭhānaṃ hoti, atha saraṇagamanādivasena kiccanipphatti vīmaṃsīyatīti āha ‘‘kiṃ nu kho bhavissatīti upaparikkhanto’’ti . Nirodhanti saññānirodhaṃ. Nirodhā vuṭṭhānanti tato nirodhato vuṭṭhānaṃ saññuppattiṃ. Sabbabuddhānaṃ ñāṇena saṃsanditvāti yathā te nirodhaṃ, nirodhato vuṭṭhānañca byākariṃsu, byākarissanti ca, tathā byākaraṇavasena saṃsanditvā. Hatthisāriputtoti hatthisārino putto. ‘‘Yugandharapabbataṃ parikkhipitvā’’ti idaṃ parikappavacanaṃ ‘‘tādisaṃ atthi ce, taṃ viyā’’ti. Meghavaṇṇanti rattameghavaṇṇaṃ, sañjhāppabhānurañjitameghasaṅkāsanti attho. Paccagghanti abhinavaṃ ādito tathāladdhavohārena , anaññaparibhogatāya , tathā vā satthu adhiṭṭhānena so patto sabbakālaṃ ‘‘paccagghaṃ’’ tveva vuccati, silādivuttaratanalakkhaṇūpapattiyā vā so patto ‘‘paccaggha’’nti vuccati.

    407. ад̇д̇ано руживасзна сад̣̇д̇хаммадтид̇иж̇жхаасаяавасзна, на барзна уссаахид̇од̇и ад̇хиббааяо. ‘‘ад̇иббаг̇абхаавамзва д̣̇исваа’’д̇и ид̣̇ам̣ бхууд̇агат̇анам̣ на д̇аава бхигкаажааравзлаа самбад̇д̇аад̇и д̣̇ассанад̇т̇ам̣. бхаг̇аваа хи д̇ад̣̇аа гаалассзва вихаарад̇о нигканд̇о ‘‘ваасанаабхааг̇ияааяа д̇хаммад̣̇зсанааяа бодтабаад̣̇ам̣ ануг̇г̇ан̣хиссаамий’’д̇и. яаннуунааханд̇и ан̃н̃ад̇т̇а сам̣саяабарид̣̇ийбано, ид̇ха бана сам̣саяабарид̣̇ийбано вияа. гасмаад̇и ааха ‘‘б̣уд̣̇д̇хаана’’нд̇иаад̣̇и. сам̣саяо наама над̇т̇и б̣од̇химуулз зва самуг̇гхаадид̇ад̇д̇аа. баривид̇аггабуб̣б̣абхааг̇од̇и ад̇хиббзд̇агижжасса буб̣б̣абхааг̇абаривид̇агго зва. б̣уд̣̇д̇хаанам̣ лаб̣бхад̇ийд̇и ‘‘гариссаама, на гариссаамаа’’д̇иаад̣̇иго зса жид̇д̇ажааро б̣уд̣̇д̇хаанам̣ лаб̣бхад̇и самбхавад̇и вижааран̣авасзна бавад̇д̇анад̇о, на бана сам̣саяавасзна. д̇знаахаад̇и язна б̣уд̣̇д̇хаанамби лаб̣бхад̇и, д̇знзвааха бхаг̇аваа ‘‘яаннуунааха’’нд̇и. баригаббанз вааяам̣ нибаад̇о. ‘‘убасан̇гамзяяа’’нд̇и гирияаабад̣̇зна вужжамаано зва хи ад̇т̇о ‘‘яаннуунаа’’д̇и нибаад̇абад̣̇зна ж̇од̇ийяад̇и. ахам̣ яаннууна убасан̇гамзяяанд̇и яож̇анаа. яад̣̇и банаад̇и ид̣̇амби д̇зна самаанад̇т̇анд̇и ааха ‘‘яад̣̇и банааханд̇и ад̇т̇о’’д̇и.

    407.Attano rucivasena saddhammaṭṭhitijjhāsayavasena, na parena ussāhitoti adhippāyo. ‘‘Atippagabhāvameva disvā’’ti idaṃ bhūtakathanaṃ na tāva bhikkhācāravelā sampattāti dassanatthaṃ. Bhagavā hi tadā kālasseva vihārato nikkhanto ‘‘vāsanābhāgiyāya dhammadesanāya poṭṭhapādaṃ anuggaṇhissāmī’’ti. Yannūnāhanti aññattha saṃsayaparidīpano, idha pana saṃsayaparidīpano viya. Kasmāti āha ‘‘buddhāna’’ntiādi. Saṃsayo nāma natthi bodhimūle eva samugghāṭitattā. Parivitakkapubbabhāgoti adhippetakiccassa pubbabhāgaparivitakko eva. Buddhānaṃ labbhatīti ‘‘karissāma, na karissāmā’’tiādiko esa cittacāro buddhānaṃ labbhati sambhavati vicāraṇavasena pavattanato, na pana saṃsayavasena. Tenāhāti yena buddhānampi labbhati, tenevāha bhagavā ‘‘yannūnāha’’nti. Parikappane vāyaṃ nipāto. ‘‘Upasaṅkameyya’’nti kiriyāpadena vuccamāno eva hi attho ‘‘yannūnā’’ti nipātapadena jotīyati. Ahaṃ yannūna upasaṅkameyyanti yojanā. Yadi panāti idampi tena samānatthanti āha ‘‘yadi panāhanti attho’’ti.

    408. яат̇аа уннад̇аббааяо сад̣̇д̣̇о уннаад̣̇о, звам̣ вибулабхаавзна убаруубари бавад̇д̇оби уннаад̣̇од̇и д̇ад̣̇убхаяам̣ згаж̇жхам̣ гад̇ваа баал̣ияам̣ ‘‘уннаад̣̇инияаа’’д̇и вад̇ваа буна вибхааг̇зна д̣̇ассзд̇ум̣ ‘‘ужжаасад̣̇д̣̇амахаасад̣̇д̣̇ааяаа’’д̇и вуд̇д̇анд̇и д̇амад̇т̇ам̣ виваранд̇о ‘‘ужжам̣ над̣̇амаанааяаа’’д̇иаад̣̇имааха. ассаад̇и барисааяа. уд̣̇д̇хам̣г̇аманавасзнаад̇и уннад̇аб̣ахулад̇ааяа уг̇г̇анд̇ваа уг̇г̇анд̇ваа бавад̇д̇анавасзна. д̣̇исаасу бад̇т̇адавасзнаад̇и вибулабхаавзна бхууд̇абарамбарааяа саб̣б̣ад̣̇исаасу бад̇т̇аран̣авасзна. ид̣̇аани бариб̣б̣ааж̇агабарисааяа ужжаасад̣̇д̣̇амахаасад̣̇д̣̇ад̇ааяа гааран̣ам̣, д̇асса жа бавад̇д̇иаагаарам̣ д̣̇ассзнд̇о ‘‘д̇зсан̃хий’’д̇иаад̣̇имааха. гаамассаад̣̇о наама гаамаг̇ун̣ассаад̣̇о. гаамабхаваад̣̇иг̇ад̇о ассаад̣̇о бхавассаад̣̇о.

    408. Yathā unnatappāyo saddo unnādo, evaṃ vipulabhāvena uparūpari pavattopi unnādoti tadubhayaṃ ekajjhaṃ katvā pāḷiyaṃ ‘‘unnādiniyā’’ti vatvā puna vibhāgena dassetuṃ ‘‘uccāsaddamahāsaddāyā’’ti vuttanti tamatthaṃ vivaranto ‘‘uccaṃ nadamānāyā’’tiādimāha. Assāti parisāya. Uddhaṃgamanavasenāti unnatabahulatāya uggantvā uggantvā pavattanavasena. Disāsu patthaṭavasenāti vipulabhāvena bhūtaparamparāya sabbadisāsu pattharaṇavasena. Idāni paribbājakaparisāya uccāsaddamahāsaddatāya kāraṇaṃ, tassa ca pavattiākāraṃ dassento ‘‘tesañhī’’tiādimāha. Kāmassādo nāma kāmaguṇassādo. Kāmabhavādigato assādo bhavassādo.

    409. сан̣табзсийд̇и сам̣яаманавасзна саммад̣̇зва табзси, сан̣табанан̃жзд̇т̇а д̇иражчаанагат̇ааяа ан̃н̃аман̃н̃асмим̣ аг̇ааравасса ж̇ахаабанавасзна аажаарасса сигкаабанам̣, яат̇аавуд̇д̇ад̣̇осасса ниг̇ууханан̃жа ход̇ийд̇и ааха ‘‘сигкаабзсий’’д̇иаад̣̇и. аббасад̣̇д̣̇анд̇и ниссад̣̇д̣̇ам̣, ужжаасад̣̇д̣̇амахаасад̣̇д̣̇аабхааванд̇и ад̇хиббааяо. наббамаж̇ж̇анд̇ийд̇и на аг̇ааравам̣ гаронд̇и.

    409.Saṇṭhapesīti saṃyamanavasena sammadeva ṭhapesi, saṇṭhapanañcettha tiracchānakathāya aññamaññasmiṃ agāravassa jahāpanavasena ācārassa sikkhāpanaṃ, yathāvuttadosassa nigūhanañca hotīti āha ‘‘sikkhāpesī’’tiādi. Appasaddanti nissaddaṃ, uccāsaddamahāsaddābhāvanti adhippāyo. Nappamajjantīti na agāravaṃ karonti.

    410. но ааг̇ад̇з аананд̣̇од̇и бхаг̇авад̇и ааг̇ад̇з но амхаагам̣ аананд̣̇о бийд̇и ход̇и. бияасамуд̣̇аажаараад̇и бияаалаабаа. ‘‘бажжуг̇г̇аманам̣ агаасий’’д̇и вад̇ваа на гзваламаяамзва, ат̇а ко ан̃н̃зби баб̣б̣аж̇ид̇аа язбхуяязна бхаг̇авад̇о абажид̇им̣ гаронд̇зваад̇и д̣̇ассзд̇ум̣ ‘‘бхаг̇аванд̇ан̃хий’’д̇иаад̣̇им̣ вад̇ваа, д̇ад̇т̇а гааран̣амааха ‘‘ужжаагулийнад̇ааяаа’’д̇и, д̇зна саасанз аббасаннааби гулаг̇ааравзна бхаг̇авад̇и абажид̇им̣ гаронд̇з ваад̇и д̣̇ассзд̇и. зд̇асмим̣ анд̇арз гаа наама гат̇аад̇и зд̇асмим̣ яат̇аавуд̇д̇абарижчзд̣̇аб̣бханд̇арз гат̇аа гаа наама. виббагад̇аа аарад̣̇д̇хаа худ̇ваа абарияосид̇аа. ‘‘гаа гат̇аа виббагад̇аа’’д̇и вад̣̇анд̇о ад̇т̇ад̇о д̇ассаа барияосаабанам̣ бадиж̇аанаад̇и наама. ‘‘гаа гат̇аа’’д̇и жа ависзсажод̣̇анаад̇и яассаа д̇ассаа саб̣б̣ассааби гат̇ааяа барияосаабанам̣ бадин̃н̃аад̇ан̃жа ход̇и, д̇ан̃жа барзсам̣ асаб̣б̣ан̃н̃уунам̣ ависаяанд̇и ааха ‘‘барияанд̇ам̣ нзд̇ваа д̣̇змийд̇и саб̣б̣ан̃н̃убавааран̣ам̣ баваарзсий’’д̇и.

    410.Noāgate ānandoti bhagavati āgate no amhākaṃ ānando pīti hoti. Piyasamudācārāti piyālāpā. ‘‘Paccuggamanaṃ akāsī’’ti vatvā na kevalamayameva, atha kho aññepi pabbajitā yebhuyyena bhagavato apacitiṃ karontevāti dassetuṃ ‘‘bhagavantañhī’’tiādiṃ vatvā, tattha kāraṇamāha ‘‘uccākulīnatāyā’’ti, tena sāsane appasannāpi kulagāravena bhagavati apacitiṃ karonte vāti dasseti. Etasmiṃantare kā nāma kathāti etasmiṃ yathāvuttaparicchedabbhantare kathā kā nāma. Vippakatā āraddhā hutvā apariyositā. ‘‘Kā kathā vippakatā’’ti vadanto atthato tassā pariyosāpanaṃ paṭijānāti nāma. ‘‘Kā kathā’’ti ca avisesacodanāti yassā tassā sabbassāpi kathāya pariyosāpanaṃ paṭiññātañca hoti, tañca paresaṃ asabbaññūnaṃ avisayanti āha ‘‘pariyantaṃ netvā demīti sabbaññupavāraṇaṃ pavāresī’’ti.

    абхисан̃н̃аанирод̇хагат̇ааван̣н̣анаа

    Abhisaññānirodhakathāvaṇṇanā

    411. сугааран̣анд̇и сунд̣̇арам̣ ад̇т̇аавахам̣ хид̇аавахам̣ гааран̣ам̣. наанаад̇ид̇т̇зсу наанаалад̣̇д̇хийсу нияуд̇д̇аад̇и наанаад̇ид̇т̇игаа, д̇з зва наанаад̇ид̇т̇ияаа га-гаарасса яа-гаарам̣ гад̇ваа. гуд̇уухаламзд̇т̇а ад̇т̇ийд̇и год̇уухалаа, саа зва саалаад̇и год̇уухаласаалаа, д̇знааха ‘‘год̇уухалуббад̇д̇идтаанад̇о’’д̇и. сан̃н̃аанирод̇хзд̇и сан̃н̃аасийсзнааяам̣ д̣̇зсанаа, д̇асмаа сан̃н̃аасахаг̇ад̇аа саб̣б̣зби д̇хаммаа сан̇г̇аяханд̇и, д̇ад̇т̇а бана жид̇д̇ам̣ бад̇хаананд̇и ааха ‘‘жид̇д̇анирод̇хз’’д̇и. ажжанд̇анирод̇хасса бана д̇зхи анад̇хиббзд̇ад̇д̇аа, ависаяад̇д̇аа жа ‘‘кан̣иганирод̇хз’’д̇и ааха. гаамам̣ соби д̇зсам̣ ависаяова, ад̇т̇ад̇о бана нирод̇хагат̇аа вужжамаанаа д̇ад̇т̇зва д̇идтад̇ийд̇и д̇ат̇аа вуд̇д̇ам̣. гид̇д̇игхосод̇и ‘‘ахо б̣уд̣̇д̇хаанубхааво бхаванд̇арабадижчаннам̣ гааран̣ам̣ звам̣ хад̇т̇аамалагам̣ вияа бажжагкад̇о д̣̇ассзд̇и, саавагз жа зд̣̇исз сам̣варасамаад̣̇аанз бад̇идтаабзд̇ий’’д̇и т̇уд̇игхосо яаава бхаваг̇г̇аа бад̇т̇арад̇и. бадибхааг̇агирияанд̇и бал̣аасавасзна бадибхааг̇абхууд̇ам̣ баяог̇ам̣ гаронд̇о. бхаванд̇арасамаяанд̇и д̇ад̇ра д̇ад̇ра вудтанасамаяам̣ абхууд̇абаригаббид̇ам̣ гин̃жи уббаад̣̇ияам̣ вад̇т̇ум̣ ад̇д̇ано самаяам̣ гад̇ваа. гин̃жид̣̇зва сигкаабад̣̇анд̇и ‘‘зламууг̇зна бхавид̇аб̣б̣ам̣ , зд̇д̇агам̣, взлам̣ згасмим̣язва таанз нисийд̣̇ид̇аб̣б̣а’’нд̇и звамаад̣̇игам̣ гин̃жид̣̇зва гааран̣ам̣ сигкаагодтаасам̣ гад̇ваа бан̃н̃абзнд̇и. нирод̇хагат̇анд̇и нирод̇хасамаабад̇д̇игат̇ам̣.

    411.Sukāraṇanti sundaraṃ atthāvahaṃ hitāvahaṃ kāraṇaṃ. Nānātitthesu nānāladdhīsu niyuttāti nānātitthikā, te eva nānātitthiyā ka-kārassa ya-kāraṃ katvā. Kutūhalamettha atthīti kotūhalā, sā eva sālāti kotūhalasālā, tenāha ‘‘kotūhaluppattiṭṭhānato’’ti. Saññānirodheti saññāsīsenāyaṃ desanā, tasmā saññāsahagatā sabbepi dhammā saṅgayhanti, tattha pana cittaṃ padhānanti āha ‘‘cittanirodhe’’ti. Accantanirodhassa pana tehi anadhippetattā, avisayattā ca ‘‘khaṇikanirodhe’’ti āha. Kāmaṃ sopi tesaṃ avisayova, atthato pana nirodhakathā vuccamānā tattheva tiṭṭhatīti tathā vuttaṃ. Kittighosoti ‘‘aho buddhānubhāvo bhavantarapaṭicchannaṃ kāraṇaṃ evaṃ hatthāmalakaṃ viya paccakkhato dasseti, sāvake ca edise saṃvarasamādāne patiṭṭhāpetī’’ti thutighoso yāva bhavaggā pattharati. Paṭibhāgakiriyanti paḷāsavasena paṭibhāgabhūtaṃ payogaṃ karonto. Bhavantarasamayanti tatra tatra vuṭṭhanasamayaṃ abhūtaparikappitaṃ kiñci uppādiyaṃ vatthuṃ attano samayaṃ katvā. Kiñcideva sikkhāpadanti ‘‘elamūgena bhavitabbaṃ , ettakaṃ, velaṃ ekasmiṃyeva ṭhāne nisīditabba’’nti evamādikaṃ kiñcideva kāraṇaṃ sikkhākoṭṭhāsaṃ katvā paññapenti. Nirodhakathanti nirodhasamāpattikathaṃ.

    д̇зсууд̇и год̇уухаласаалааяам̣ саннибад̇ид̇зсу д̇ид̇т̇ияасаман̣аб̣раахман̣зсу. згажжзд̇и згз. буримод̇и ‘‘ахзд̇уу аббажжаяаа’’д̇и звам̣ваад̣̇ий. явааяам̣ ид̇ха уббаж̇ж̇ад̇ийд̇и яож̇анаа. самаабад̇д̇инд̇и асан̃н̃абхааваавахам̣ самаабад̇д̇им̣. нирод̇хзд̇и сан̃н̃аанирод̇хз. хзд̇ум̣ абассанд̇од̇и язна хзд̇унаа асан̃н̃абхавз сан̃н̃ааяа нирод̇хо саб̣б̣асо ануббаад̣̇о, язна жа д̇ад̇о жуд̇асса ид̇ха бан̃жавогаарабхавз д̇ассаа уббаад̣̇о, д̇ам̣ ависаяад̇ааяа абассанд̇о.

    Tesūti kotūhalasālāyaṃ sannipatitesu titthiyasamaṇabrāhmaṇesu. Ekacceti eke. Purimoti ‘‘ahetū appaccayā’’ti evaṃvādī. Yvāyaṃ idha uppajjatīti yojanā. Samāpattinti asaññabhāvāvahaṃ samāpattiṃ. Nirodheti saññānirodhe. Hetuṃ apassantoti yena hetunā asaññabhave saññāya nirodho sabbaso anuppādo, yena ca tato cutassa idha pañcavokārabhave tassā uppādo, taṃ avisayatāya apassanto.

    нанд̇и батамаваад̣̇им̣. нисзд̇хзд̇ваад̇и ‘‘на ко наамзд̇ам̣ бхо звам̣ бхависсад̇ий’’д̇и звам̣ бадигкибид̇ваа. асан̃н̃игабхааванд̇и мун̃чаабад̇д̇ияаа гирияамаяасан̃н̃аавасзна виг̇ад̇асан̃н̃ибхаавам̣. вагкад̇и хи ‘‘висан̃н̃ий худ̇ваа’’д̇и. вигкамбханавасзна гилзсаанам̣ санд̇аабанзна ад̇д̇анд̇або. гхорад̇абод̇и д̣̇уггарад̇ааяа бхиймад̇або. баримаарид̇инд̣̇рияод̇и ниб̣б̣исзванабхааваабаад̣̇анзна саб̣б̣асо милаабид̇ажагкаад̣̇инд̣̇рияо. бхаг̇г̇од̇и бхан̃ж̇ид̇агусалаж̇жхаасаяо. звамаахаад̇и ‘‘звам̣ сан̃н̃аа хи бхо бурисасса ад̇д̇аа’’д̇иаад̣̇иаагаарзна сан̃н̃аанирод̇хамааха. иминаа наязна ид̇о барзсу д̣̇вийсу таанзсу яат̇аарахам̣ яож̇анаа взд̣̇ид̇аб̣б̣аа.

    Nanti paṭhamavādiṃ. Nisedhetvāti ‘‘na kho nāmetaṃ bho evaṃ bhavissatī’’ti evaṃ paṭikkhipitvā. Asaññikabhāvanti muñchāpattiyā kiriyamayasaññāvasena vigatasaññibhāvaṃ. Vakkhati hi ‘‘visaññī hutvā’’ti. Vikkhambhanavasena kilesānaṃ santāpanena attantapo. Ghoratapoti dukkaratāya bhīmatapo. Parimāritindriyoti nibbisevanabhāvāpādanena sabbaso milāpitacakkhādindriyo. Bhaggoti bhañjitakusalajjhāsayo. Evamāhāti ‘‘evaṃ saññā hi bho purisassa attā’’tiādiākārena saññānirodhamāha. Iminā nayena ito paresu dvīsu ṭhānesu yathārahaṃ yojanā veditabbā.

    аат̇аб̣б̣ан̣абаяог̇анд̇и аат̇аб̣б̣ан̣авзд̣̇авихид̇ам̣ аат̇аб̣б̣ан̣игаанам̣ висан̃н̃ибхааваабаад̣̇анабаяог̇ам̣. аат̇аб̣б̣ан̣ам̣ баяож̇зд̇ваад̇и аат̇аб̣б̣ан̣авзд̣̇з ааг̇ад̇ааг̇г̇иж̇уханабуб̣б̣агам̣ манд̇аж̇аббанам̣ баяож̇зд̇ваа сийсажчиннад̇аад̣̇ид̣̇ассанзна сан̃н̃аанирод̇хамааха. д̇ассаад̇и яасса сийсажчиннад̇аад̣̇и д̣̇ассид̇ам̣, д̇асса.

    Āthabbaṇapayoganti āthabbaṇavedavihitaṃ āthabbaṇikānaṃ visaññibhāvāpādanapayogaṃ. Āthabbaṇaṃ payojetvāti āthabbaṇavede āgataaggijuhanapubbakaṃ mantajappanaṃ payojetvā sīsacchinnatādidassanena saññānirodhamāha. Tassāti yassa sīsacchinnatādi dassitaṃ, tassa.

    яагкад̣̇аасийнанд̇и д̣̇звад̣̇аасийнам̣, яаа ‘‘д̣̇звад̇аабхад̇ияод̇иби’’ вужжанд̇и. мад̣̇анид̣̇д̣̇анд̇и сураамад̣̇анимид̇д̇агам̣ субанам̣ д̣̇звад̇уубахааранд̇и нажжанаг̇ааяанаад̣̇инаа д̣̇звад̇аанам̣ бууж̇ам̣. сураабаад̇инд̇и баад̇ибун̣н̣ам̣ сурам̣. д̣̇иваад̇и ад̇ид̣̇иваа уссуурз.

    Yakkhadāsīnanti devadāsīnaṃ, yā ‘‘devatābhatiyotipi’’ vuccanti. Madaniddanti surāmadanimittakaṃ supanaṃ devatūpahāranti naccanagāyanādinā devatānaṃ pūjaṃ. Surāpātinti pātipuṇṇaṃ suraṃ. Divāti atidivā ussūre.

    зламууг̇агат̇аа вияаад̇и имзсам̣ бан̣д̣ид̇амаанийнам̣ гат̇аа анд̇хаб̣аалагат̇аасад̣̇исий. жад̇д̇ааро нирод̇хзд̇и ан̃н̃аман̃н̃авид̇хурз жад̇д̇ааро нирод̇хз зд̇з бан̃н̃абзнд̇и. на жа ан̃н̃аман̃н̃авируд̣̇д̇ханаанаасабхаавзна д̇зна бхавид̇аб̣б̣ам̣, ат̇а ко згасабхаавзна, д̇знааха ‘‘иминаа жаа’’д̇иаад̣̇и. ан̃н̃знзваад̇и имзхи вуд̇д̇аагаарад̇о ан̃н̃аагаарзнзва бхавид̇аб̣б̣ам̣. ‘‘аяам̣ нирод̇хо, аяам̣ нирод̇хо’’д̇и аамзд̣ид̇аважанам̣ сад̇т̇аа ад̇д̇ано д̣̇зсанаавилаасзна анзгаагааравогаарам̣ нирод̇хам̣ вибхаавзссад̇ийд̇и д̣̇ассанад̇т̇ам̣ гад̇ам̣ ахо нуунаад̇и зд̇т̇а аход̇и ажчарияз, нуунаад̇и ануссаран̣з нибаад̇о. д̇асмаа ахо нууна бхаг̇аваа анан̃н̃асаад̇хааран̣ад̣̇зсанад̇д̇аа нирод̇хамби ахо ажчарияам̣ гад̇ваа гат̇зяяа ман̃н̃зд̇и ад̇хиббааяо. ‘‘ахо нууна суг̇ад̇о’’д̇и зд̇т̇ааби зсзва наяо. ажчарияавибхааванад̇о зва жзд̇т̇а д̣̇вигкад̇д̇ум̣ важанам̣, ажчарияад̇т̇оби жзд̇т̇а ахо-сад̣̇д̣̇о. со яасмаа ануссаран̣амукзнзва д̇зна г̇ахид̇о, д̇асмаа вуд̇д̇ам̣ ‘‘ахо нуунаад̇и ануссаран̣ад̇т̇з’’д̇и. гаалабуг̇г̇алаад̣̇ивибхааг̇зна б̣ахубхзд̣̇ад̇д̇аа имзсам̣ нирод̇хад̇хаммаананд̇и б̣ахуважанам̣, гусала-сад̣̇д̣̇аяог̇зна саамиважанам̣ бхуммад̇т̇з д̣̇адтаб̣б̣ам̣. жин̣н̣авасид̇ааяаад̇и нирод̇хасамаабад̇д̇ияам̣ васийбхаавасса жин̣н̣ад̇д̇аа. сабхаавам̣ ж̇аанаад̇ийд̇и нирод̇хасса сабхаавам̣ яаат̇аавад̇о ж̇аанаад̇и.

    Elamūgakathā viyāti imesaṃ paṇḍitamānīnaṃ kathā andhabālakathāsadisī. Cattāro nirodheti aññamaññavidhure cattāro nirodhe ete paññapenti. Na ca aññamaññaviruddhanānāsabhāvena tena bhavitabbaṃ, atha kho ekasabhāvena, tenāha ‘‘iminā cā’’tiādi. Aññenevāti imehi vuttākārato aññākāreneva bhavitabbaṃ. ‘‘Ayaṃ nirodho, ayaṃ nirodho’’ti āmeḍitavacanaṃ satthā attano desanāvilāsena anekākāravokāraṃ nirodhaṃ vibhāvessatīti dassanatthaṃ kataṃ aho nūnāti ettha ahoti acchariye, nūnāti anussaraṇe nipāto. Tasmā aho nūna bhagavā anaññasādhāraṇadesanattā nirodhampi aho acchariyaṃ katvā katheyya maññeti adhippāyo. ‘‘Aho nūna sugato’’ti etthāpi eseva nayo. Acchariyavibhāvanato eva cettha dvikkhattuṃ vacanaṃ, acchariyatthopi cettha aho-saddo. So yasmā anussaraṇamukheneva tena gahito, tasmā vuttaṃ ‘‘aho nūnāti anussaraṇatthe’’ti. Kālapuggalādivibhāgena bahubhedattā imesaṃ nirodhadhammānanti bahuvacanaṃ, kusala-saddayogena sāmivacanaṃ bhummatthe daṭṭhabbaṃ. Ciṇṇavasitāyāti nirodhasamāpattiyaṃ vasībhāvassa ciṇṇattā. Sabhāvaṃ jānātīti nirodhassa sabhāvaṃ yāthāvato jānāti.

    ахзд̇угасан̃н̃уббаад̣̇анирод̇хагат̇ааван̣н̣анаа

    Ahetukasaññuppādanirodhakathāvaṇṇanā

    412. гхарамаж̇жхзязва багкалид̇аад̇и гхарад̇о б̣ахи г̇анд̇угаамаа бурисаа маг̇г̇ам̣ анод̇арид̇ваа гхарааж̇ирзна самад̇алз вивадан̇г̇ан̣з зва багкаланам̣ бад̇д̇аа, звам̣ самбад̣̇амид̣̇анд̇и ад̇т̇о. асаад̇хааран̣о хзд̇у, саад̇хааран̣о бажжаяод̇и звамаад̣̇и вибхааг̇зна ид̇ха баяож̇анам̣ над̇т̇и сан̃н̃ааяа агааран̣абхаавабадигкзбад̇д̇аа жод̣̇анааяаад̇и вуд̇д̇ам̣ ‘‘гааран̣ассзва наама’’нд̇и.

    412.Gharamajjheyevapakkhalitāti gharato bahi gantukāmā purisā maggaṃ anotaritvā gharājirena samatale vivaṭaṅgaṇe eva pakkhalanaṃ pattā, evaṃ sampadamidanti attho. Asādhāraṇo hetu, sādhāraṇo paccayoti evamādi vibhāgena idha payojanaṃ natthi saññāya akāraṇabhāvapaṭikkhepattā codanāyāti vuttaṃ ‘‘kāraṇasseva nāma’’nti.

    баал̣ияам̣ ‘‘уббаж̇ж̇анд̇иби нируж̇жханд̇ибий’’д̇и вуд̇д̇ам̣, д̇ад̇т̇а ‘‘сахзд̇уу саббажжаяаа сан̃н̃аа уббаж̇ж̇анд̇и, уббаннаа бана нируж̇жханд̇иязва, на д̇идтанд̇ий’’д̇и д̣̇ассанад̇т̇ам̣ ‘‘нируж̇жханд̇ий’’д̇и важанам̣, на нирод̇хасса сахзд̇усаббажжаяабхаавад̣̇ассанад̇т̇ам̣. уббаад̣̇о хи сахзд̇уго , на нирод̇хо. яад̣̇и хи нирод̇хоби сахзд̇уго сияаа, д̇асса нирод̇хзнааби бхавид̇аб̣б̣ам̣ ан̇гураад̣̇ийнам̣ вияа, на жа д̇асса нирод̇хо ад̇т̇и. д̇асмаа вуд̇д̇анаязнзва баал̣ияаа ад̇т̇о взд̣̇ид̇аб̣б̣о. аяан̃жа наяо кан̣анирод̇хавасзна вуд̇д̇о. яо бана яат̇аабарижчиннагаалавасзна саб̣б̣асова ануббаад̣̇анирод̇хо, со ‘‘сахзд̇уго’’д̇и взд̣̇ид̇аб̣б̣о д̇ат̇ааруубааяа бадибад̇д̇ияаа винаа абхаавад̇о. д̇знааха бхаг̇аваа ‘‘сигкаа згаа сан̃н̃аа нируж̇жхад̇ий’’д̇и. (д̣̇ий. ни. 1.412) д̇ад̇о зва жа ид̇хааби вуд̇д̇ам̣ ‘‘сан̃н̃ааяа сахзд̇угам̣ уббаад̣̇анирод̇хам̣ д̣̇ийбзд̇у’’нд̇и.

    Pāḷiyaṃ ‘‘uppajjantipi nirujjhantipī’’ti vuttaṃ, tattha ‘‘sahetū sappaccayā saññā uppajjanti, uppannā pana nirujjhantiyeva, na tiṭṭhantī’’ti dassanatthaṃ ‘‘nirujjhantī’’ti vacanaṃ, na nirodhassa sahetusappaccayabhāvadassanatthaṃ. Uppādo hi sahetuko , na nirodho. Yadi hi nirodhopi sahetuko siyā, tassa nirodhenāpi bhavitabbaṃ aṅkurādīnaṃ viya, na ca tassa nirodho atthi. Tasmā vuttanayeneva pāḷiyā attho veditabbo. Ayañca nayo khaṇanirodhavasena vutto. Yo pana yathāparicchinnakālavasena sabbasova anuppādanirodho, so ‘‘sahetuko’’ti veditabbo tathārūpāya paṭipattiyā vinā abhāvato. Tenāha bhagavā ‘‘sikkhā ekā saññā nirujjhatī’’ti. (Dī. ni. 1.412) tato eva ca idhāpi vuttaṃ ‘‘saññāya sahetukaṃ uppādanirodhaṃ dīpetu’’nti.

    сигкаа згаад̇и зд̇т̇а сигкаад̇и гаран̣з бажжад̇д̇аважанам̣, зга-сад̣̇д̣̇о ан̃н̃абарияааяо ‘‘ид̇т̇згз абхивад̣̇анд̇и сад̇о ваа бана сад̇д̇ассаа’’д̇иаад̣̇ийсу (д̣̇ий. ни. 1.85 аад̣̇аяо; ма. ни. 3.21) вияа, на сан̇кяааваажийд̇и ааха ‘‘сигкаа згаа сан̃н̃аа уббаж̇ж̇анд̇ийд̇и сигкааяа згажжаа сан̃н̃аа ж̇ааяанд̇ий’’д̇и. сзсабад̣̇зсуби зсзва наяо.

    Sikkhā ekāti ettha sikkhāti karaṇe paccattavacanaṃ, eka-saddo aññapariyāyo ‘‘ittheke abhivadanti sato vā pana sattassā’’tiādīsu (dī. ni. 1.85 ādayo; ma. ni. 3.21) viya, na saṅkhyāvācīti āha ‘‘sikkhā ekā saññā uppajjantīti sikkhāya ekaccā saññā jāyantī’’ti. Sesapadesupi eseva nayo.

    413. д̇ад̇т̇аад̇и д̇ассам̣ убарид̣̇зсанааяам̣. саммаад̣̇идтисаммаасан̇габбавасзна барияаабаннад̇д̇аа ааг̇ад̇аад̇и сабхаавад̇о убагаарад̇о жа бан̃н̃аагканд̇хз барияаабаннад̇д̇аа сан̇г̇ахид̇ад̇д̇аа д̇ад̇ияаа ад̇хибан̃н̃аасигкаа саммаад̣̇идтисаммаасан̇габбавасзна ааг̇ад̇аа. д̇ат̇аа хи вуд̇д̇ам̣ ‘‘яаа жаавусо висаака саммаад̣̇идти, яо жа саммаасан̇габбо, имз д̇хаммаа бан̃н̃аагканд̇хз сан̇г̇ахид̇аа’’д̇и (ма. ни. 1.462) гааман̃жзд̇т̇а вуд̇д̇анаязна д̇иссоби сигкаа ааг̇ад̇аа зва, д̇ат̇ааби ад̇хижид̇д̇асигкааяа зва абхисан̃н̃аанирод̇хо д̣̇ассид̇о, ид̇араа д̇асса самбхаарабхаавзна аанийд̇аа.

    413.Tatthāti tassaṃ uparidesanāyaṃ. Sammādiṭṭhisammāsaṅkappavasena pariyāpannattā āgatāti sabhāvato upakārato ca paññākkhandhe pariyāpannattā saṅgahitattā tatiyā adhipaññāsikkhā sammādiṭṭhisammāsaṅkappavasena āgatā. Tathā hi vuttaṃ ‘‘yā cāvuso visākha sammādiṭṭhi, yo ca sammāsaṅkappo, ime dhammā paññākkhandhe saṅgahitā’’ti (ma. ni. 1.462) kāmañcettha vuttanayena tissopi sikkhā āgatā eva, tathāpi adhicittasikkhāya eva abhisaññānirodho dassito, itarā tassa sambhārabhāvena ānītā.

    бан̃жагаамаг̇ун̣игарааг̇од̇и бан̃жагаамагодтаасз аараб̣бха уббаж̇ж̇анагарааг̇о. асамуббаннагаамажаарод̇и вад̇д̇амаануббаннад̇аавасзна асамуббанно яо гожи гаамажааро яаа гаажи лобхуббад̇д̇и. буримо висаяавасзна нияамид̇ад̇д̇аа гаамаг̇ун̣аарамман̣ова лобхо д̣̇адтаб̣б̣о, ид̇аро бана жхаананиганд̇ибхаварааг̇аад̣̇иббабхзд̣̇о саб̣б̣оби лобхажааро гааманадтзна гаамзсу бавад̇д̇анад̇о. саб̣б̣зби хи д̇збхуумагаа д̇хаммаа гааманийяадтзна гаамаад̇и. убхаязсамби гаамасан̃н̃аад̇инаамад̇аа сахажаран̣ан̃ааязнаад̇и ‘‘гаамасан̃н̃аа’’д̇и бад̣̇уд̣̇д̇хаарам̣ гад̇ваа д̇ад̣̇убхаяам̣ нид̣̇д̣̇идтам̣.

    Pañcakāmaguṇikarāgoti pañcakāmakoṭṭhāse ārabbha uppajjanakarāgo. Asamuppannakāmacāroti vattamānuppannatāvasena asamuppanno yo koci kāmacāro yā kāci lobhuppatti. Purimo visayavasena niyamitattā kāmaguṇārammaṇova lobho daṭṭhabbo, itaro pana jhānanikantibhavarāgādippabhedo sabbopi lobhacāro kāmanaṭṭhena kāmesu pavattanato. Sabbepi hi tebhūmakā dhammā kāmanīyaṭṭhena kāmāti. Ubhayesampi kāmasaññātināmatā sahacaraṇañāyenāti ‘‘kāmasaññā’’ti paduddhāraṃ katvā tadubhayaṃ niddiṭṭhaṃ.

    ‘‘д̇ад̇т̇аа’’д̇иаад̣̇и асамуббаннагаамажаарад̇о бан̃жагаамаг̇ун̣игарааг̇асса висзсад̣̇ассанам̣. гаамам̣ бан̃жагаамаг̇ун̣игарааг̇оби асамуббанно зва маг̇г̇зна самуг̇гхаадийяад̇и, д̇асмим̣ бана самуг̇гхаадид̇зби на саб̣б̣о рааг̇о самуг̇гхаадам̣ г̇ажчад̇и, д̇асмаа бан̃жагаамаг̇ун̣игарааг̇аг̇г̇ахан̣зна на ид̇арасса саб̣б̣асса рааг̇асса г̇ахан̣ам̣ ход̇ийд̇и убхаяасаад̇хааран̣зна барияааязна убхаяам̣ сан̇г̇ахзд̇ваа д̣̇ассзд̇ум̣ баал̣ияам̣ гаамасан̃н̃ааг̇г̇ахан̣ам̣ гад̇анд̇и д̇ад̣̇убхаяам̣ саруубад̇о висзсад̇о жа д̣̇ассзд̇ваа саб̣б̣асан̇г̇аахигабхаавад̇о ‘‘асамуббаннагаамажааро бана имасмим̣ таанз ваддад̇ий’’д̇и вуд̇д̇ам̣.

    ‘‘Tatthā’’tiādi asamuppannakāmacārato pañcakāmaguṇikarāgassa visesadassanaṃ. Kāmaṃ pañcakāmaguṇikarāgopi asamuppanno eva maggena samugghāṭīyati, tasmiṃ pana samugghāṭitepi na sabbo rāgo samugghāṭaṃ gacchati, tasmā pañcakāmaguṇikarāgaggahaṇena na itarassa sabbassa rāgassa gahaṇaṃ hotīti ubhayasādhāraṇena pariyāyena ubhayaṃ saṅgahetvā dassetuṃ pāḷiyaṃ kāmasaññāggahaṇaṃ katanti tadubhayaṃ sarūpato visesato ca dassetvā sabbasaṅgāhikabhāvato ‘‘asamuppannakāmacāropana imasmiṃ ṭhāne vaṭṭatī’’ti vuttaṃ.

    сад̣̇исад̇д̇аад̇и гаамасан̃н̃аад̣̇ибхаавзна самаанад̇д̇аа, зд̇зна баал̣ияам̣ ‘‘буримаа’’д̇и сад̣̇исагаббанаавасзна вуд̇д̇анд̇и д̣̇ассзд̇и. анааг̇ад̇аа хи ид̇ха ‘‘нируж̇жхад̇ий’’д̇и вуд̇д̇аа ануббаад̣̇асса ад̇хиббзд̇ад̇д̇аа, д̇знааха ‘‘ануббаннаава нуббаж̇ж̇ад̇ий’’д̇и.

    Sadisattāti kāmasaññādibhāvena samānattā, etena pāḷiyaṃ ‘‘purimā’’ti sadisakappanāvasena vuttanti dasseti. Anāgatā hi idha ‘‘nirujjhatī’’ti vuttā anuppādassa adhippetattā, tenāha ‘‘anuppannāva nuppajjatī’’ti.

    нийваран̣авивзгад̇о ж̇аад̇ад̇д̇аа вивзгаж̇зхи батамаж̇жхаанабийд̇исукзхи саха агкаад̇аб̣б̣аа, д̇ам̣годтаасигаа ваад̇и вивзгаж̇ам̣ бийд̇исукасан̇каад̇аа. наанад̇д̇асан̃н̃аабадигхасан̃н̃аахи нибун̣ад̇ааяа сукумабхууд̇ад̇ааяа сукумасан̃н̃аа бхууд̇аа сукумабхаавзна, барамад̇т̇абхаавзна авибарийд̇асабхааваа. жхаанам̣ д̇ам̣самбаяуд̇д̇ад̇хаммаанам̣ бхааванаасид̣̇д̇хаа сан̣хасукумад̇аа нийваран̣авигкамбханавасзна вин̃н̃ааяад̇ийд̇и ааха ‘‘гаамажчанд̣̇аад̣̇иол̣аариган̇г̇аббахаанавасзна сукумаа’’д̇и. бхууд̇ад̇ааяаад̇и виж̇ж̇амаанад̇ааяа. саб̣б̣ад̇т̇аад̇и саб̣б̣аваарзсу.

    Nīvaraṇavivekato jātattā vivekajehi paṭhamajjhānapītisukhehi saha akkhātabbā, taṃkoṭṭhāsikā vāti vivekajaṃ pītisukhasaṅkhātā. Nānattasaññāpaṭighasaññāhi nipuṇatāya sukhumabhūtatāya sukhumasaññā bhūtā sukhumabhāvena, paramatthabhāvena aviparītasabhāvā. Jhānaṃ taṃsampayuttadhammānaṃ bhāvanāsiddhā saṇhasukhumatā nīvaraṇavikkhambhanavasena viññāyatīti āha ‘‘kāmacchandādioḷārikaṅgappahānavasena sukhumā’’ti. Bhūtatāyāti vijjamānatāya. Sabbatthāti sabbavāresu.

    самаабаж̇ж̇анаад̇хидтаанаани вияа вудтаанам̣ жхаанз барияаабаннамби ход̇и яат̇аа д̇ам̣ д̇хаммаанам̣ бхан̇г̇агкан̣о д̇хаммзсу, на ааваж̇ж̇анабажжавзгкан̣аанийд̇и ‘‘батамаж̇жхаанам̣ самаабаж̇ж̇анд̇о ад̇хидтаханд̇о вудтаханд̇о жа сигкад̇ий’’д̇и вуд̇д̇ам̣, на ‘‘ааваж̇ж̇анд̇о бажжавзгканд̇о’’д̇и. д̇анд̇и батамаж̇жхаанам̣. д̇знаад̇и хзд̇умхи гаран̣аважанам̣, д̇асмаа батамаж̇жхаанзна хзд̇убхууд̇знаад̇и ад̇т̇о. хзд̇убхааво жзд̇т̇а жхаанасса яат̇аавуд̇д̇асан̃н̃ааяа уббад̇д̇ияаа сахаж̇аад̇аад̣̇ибажжаяабхааво гаамасан̃н̃ааяа нирод̇хасса убаниссаяад̇аава, д̇ан̃жа ко суд̇д̇анд̇абарияааязна. д̇ат̇аа жзва сам̣ван̣н̣ид̇ам̣ ‘‘д̇ат̇ааруубааяа бадибад̇д̇ияаа винаа абхаавад̇о’’д̇и. зд̇знубааязнаад̇и явааяам̣ батамаж̇жхаанад̇аббадибагкасан̃н̃аавасзна ‘‘сигкаа згаа сан̃н̃аа уббаж̇ж̇ад̇и, сигкаа згаа сан̃н̃аа нируж̇жхад̇ий’’д̇и зд̇т̇а ад̇т̇о вуд̇д̇о, зд̇зна наязна. саб̣б̣ад̇т̇аад̇и саб̣б̣аваарзсу.

    Samāpajjanādhiṭṭhānāni viya vuṭṭhānaṃ jhāne pariyāpannampi hoti yathā taṃ dhammānaṃ bhaṅgakkhaṇo dhammesu, na āvajjanapaccavekkhaṇānīti ‘‘paṭhamajjhānaṃ samāpajjanto adhiṭṭhahanto vuṭṭhahanto ca sikkhatī’’ti vuttaṃ, na ‘‘āvajjanto paccavekkhanto’’ti. Tanti paṭhamajjhānaṃ. Tenāti hetumhi karaṇavacanaṃ, tasmā paṭhamajjhānena hetubhūtenāti attho. Hetubhāvo cettha jhānassa yathāvuttasaññāya uppattiyā sahajātādipaccayabhāvo kāmasaññāya nirodhassa upanissayatāva, tañca kho suttantapariyāyena. Tathā ceva saṃvaṇṇitaṃ ‘‘tathārūpāya paṭipattiyā vinā abhāvato’’ti. Etenupāyenāti yvāyaṃ paṭhamajjhānatappaṭipakkhasaññāvasena ‘‘sikkhā ekā saññā uppajjati, sikkhā ekā saññā nirujjhatī’’ti ettha attho vutto, etena nayena. Sabbatthāti sabbavāresu.

    414. яасмаа банзд̇т̇а самаабад̇д̇ивасзна д̇ам̣д̇ам̣сан̃н̃аанам̣ уббаад̣̇анирод̇хз вужжамаанз ан̇г̇авасзна со вуд̇д̇од̇и ааха ‘‘яасмаа банаа’’д̇иаад̣̇и. ‘‘ан̇г̇ад̇о саммасана’’нд̇и анубад̣̇ад̇хаммавибассанааяа лагкан̣аважанам̣. анубад̣̇ад̇хаммавибассанан̃хи гаронд̇о самаабад̇д̇им̣ бад̇ваа ан̇г̇ад̇о саммасанам̣ гарод̇и, на жа сан̃н̃аа самаабад̇д̇ияаа гин̃жи ан̇г̇ам̣ ход̇и. вуд̇д̇ан̃жа ‘‘ид̣̇ан̃жа сан̃н̃аа сан̃н̃аад̇и звам̣ ан̇г̇ад̇о саммасанам̣ уд̣̇д̇хада’’нд̇и. ан̇г̇ад̇од̇и ваа аваяавад̇од̇и ад̇т̇о, анубад̣̇ад̇хаммад̇од̇и вуд̇д̇ам̣ ход̇и. д̇ад̣̇зваад̇и аагин̃жан̃н̃ааяад̇анамзва.

    414. Yasmā panettha samāpattivasena taṃtaṃsaññānaṃ uppādanirodhe vuccamāne aṅgavasena so vuttoti āha ‘‘yasmā panā’’tiādi. ‘‘Aṅgato sammasana’’nti anupadadhammavipassanāya lakkhaṇavacanaṃ. Anupadadhammavipassanañhi karonto samāpattiṃ patvā aṅgato sammasanaṃ karoti, na ca saññā samāpattiyā kiñci aṅgaṃ hoti. Vuttañca ‘‘idañca saññā saññāti evaṃ aṅgato sammasanaṃ uddhaṭa’’nti. Aṅgatoti vā avayavatoti attho, anupadadhammatoti vuttaṃ hoti. Tadevāti ākiñcaññāyatanameva.

    яад̇о код̇и бажжад̇д̇з ниссаггаважананд̇и ааха ‘‘яо наамаа’’д̇и яат̇аа ‘‘аад̣̇имхий’’д̇и зд̇асмим̣ ад̇т̇з ‘‘аад̣̇ид̇о’’д̇и вужжад̇и ид̇аравибхад̇д̇ид̇оби д̇о-сад̣̇д̣̇асса лаб̣бханад̇о. сагасмим̣ ад̇д̇анаа ад̇хиг̇ад̇з сан̃н̃аа сагасан̃н̃аа, саа зд̇асса ад̇т̇ийд̇и сагасан̃н̃ий, д̇знааха ‘‘ад̇д̇ано батамаж̇жхаанасан̃н̃ааяа сан̃н̃аваа’’д̇и. сагасан̃н̃ийд̇и жзд̇т̇а убари вужжамаананирод̇хабаад̣̇агад̇ааяа саад̇исаяааяа жхаанасан̃н̃ааяа ад̇т̇ибхааваж̇од̇аго ий-гааро д̣̇адтаб̣б̣о, д̇знзвааха ‘‘анубуб̣б̣зна сан̃н̃аг̇г̇ам̣ пусад̇ий’’д̇иаад̣̇и. д̇асмаа д̇ад̇т̇а д̇ад̇т̇а сагасан̃н̃ид̇ааг̇г̇ахан̣зна д̇асмим̣ д̇асмим̣ жхаанз саб̣б̣асо сужин̣н̣авасийбхааво д̣̇ийбид̇од̇и взд̣̇ид̇аб̣б̣ам̣.

    Yato khoti paccatte nissakkavacananti āha ‘‘yo nāmā’’ti yathā ‘‘ādimhī’’ti etasmiṃ atthe ‘‘ādito’’ti vuccati itaravibhattitopi to-saddassa labbhanato. Sakasmiṃ attanā adhigate saññā sakasaññā, sā etassa atthīti sakasaññī, tenāha ‘‘attano paṭhamajjhānasaññāya saññavā’’ti. Sakasaññīti cettha upari vuccamānanirodhapādakatāya sātisayāya jhānasaññāya atthibhāvajotako ī-kāro daṭṭhabbo, tenevāha ‘‘anupubbena saññaggaṃ phusatī’’tiādi. Tasmā tattha tattha sakasaññitāggahaṇena tasmiṃ tasmiṃ jhāne sabbaso suciṇṇavasībhāvo dīpitoti veditabbaṃ.

    логияаананд̇и нид̣̇д̇хааран̣з саамиважанам̣, саамиад̇т̇з зва ваа. яад̣̇аг̇г̇зна хи д̇ам̣ д̇зсу сздтам̣, д̇ад̣̇аг̇г̇зна д̇зсамби сздтанд̇и. ‘‘логияаана’’нд̇и висзсанам̣ логуд̇д̇арасамаабад̇д̇ийхи д̇асса асздтабхаавад̇о. ‘‘гижжагаарагасамаабад̇д̇ийна’’нд̇и висзсанам̣ агижжагаарагасамаабад̇д̇ид̇о д̇асса асздтабхаавад̇о. агижжагаарагад̇аа жассаа бадусан̃н̃аагижжаабхаававажанад̇о вин̃н̃ааяад̇и. яат̇зва хи д̇ад̇т̇а сан̃н̃аа, звам̣ пассаад̣̇аяо бийд̇и. яад̣̇аг̇г̇зна хи д̇ад̇т̇а сан̇каараавасзсасукумабхааваббад̇д̇ияаа багад̇ивибассагаанам̣ саммасид̇ум̣ асаггун̣зяяаруубзна тид̇аа, д̇ад̣̇аг̇г̇зна хздтимасамаабад̇д̇ид̇хаммаа вияа бадугижжагаран̣асамад̇т̇ааби на хонд̇ийд̇и. свааяамад̇т̇о барамад̇т̇аман̃ж̇усааяам̣ висуд̣̇д̇химаг̇г̇асам̣ван̣н̣анааяам̣ ааруббагат̇ааяам̣ (висуд̣̇д̇хи. дий. 1.286) сависзсам̣ вуд̇д̇о, д̇асмаа д̇ад̇т̇а вуд̇д̇анаязна взд̣̇ид̇аб̣б̣о. гзжи бана ‘‘яат̇аа хздтимаа хздтимаа самаабад̇д̇ияо убаримаанам̣ убаримаанам̣ ад̇хидтаанагижжам̣ саад̇хзнд̇и, на звам̣ нзвасан̃н̃аанаасан̃н̃ааяад̇анасамаабад̇д̇и гассажиби ад̇хидтаанагижжам̣ саад̇хзд̇и, д̇асмаа саа агижжагааригаа, ид̇араа гижжагааригаа вуд̇д̇аа’’д̇и вад̣̇анд̇и, д̇ад̣̇аяуд̇д̇ам̣ д̇ассааби вибассанаажид̇д̇абарид̣̇аманаад̣̇ийнам̣ ад̇хидтаанагижжасаад̇ханад̇о. д̇асмаа буримоязва ад̇т̇о яуд̇д̇о.

    Lokiyānanti niddhāraṇe sāmivacanaṃ, sāmiatthe eva vā. Yadaggena hi taṃ tesu seṭṭhaṃ, tadaggena tesampi seṭṭhanti. ‘‘Lokiyāna’’nti visesanaṃ lokuttarasamāpattīhi tassa aseṭṭhabhāvato. ‘‘Kiccakārakasamāpattīna’’nti visesanaṃ akiccakārakasamāpattito tassa aseṭṭhabhāvato. Akiccakārakatā cassā paṭusaññākiccābhāvavacanato viññāyati. Yatheva hi tattha saññā, evaṃ phassādayo pīti. Yadaggena hi tattha saṅkhārāvasesasukhumabhāvappattiyā pakativipassakānaṃ sammasituṃ asakkuṇeyyarūpena ṭhitā, tadaggena heṭṭhimasamāpattidhammā viya paṭukiccakaraṇasamatthāpi na hontīti. Svāyamattho paramatthamañjusāyaṃ visuddhimaggasaṃvaṇṇanāyaṃ āruppakathāyaṃ (visuddhi. ṭī. 1.286) savisesaṃ vutto, tasmā tattha vuttanayena veditabbo. Keci pana ‘‘yathā heṭṭhimā heṭṭhimā samāpattiyo uparimānaṃ uparimānaṃ adhiṭṭhānakiccaṃ sādhenti, na evaṃ nevasaññānāsaññāyatanasamāpatti kassacipi adhiṭṭhānakiccaṃ sādheti, tasmā sā akiccakārikā, itarā kiccakārikā vuttā’’ti vadanti, tadayuttaṃ tassāpi vipassanācittaparidamanādīnaṃ adhiṭṭhānakiccasādhanato. Tasmā purimoyeva attho yutto.

    багаббзд̇ийд̇и сам̣вид̣̇ахад̇и. жхаанам̣ самаабаж̇ж̇анд̇о хи жхаанасукам̣ ад̇д̇ани сам̣вид̣̇ахад̇и наама. абхисан̇карод̇ийд̇и ааяуухад̇и, самбин̣д̣зд̇ийд̇и ад̇т̇о. самбин̣д̣анад̇т̇о хи самуд̣̇аяадто. яасмаа ниганд̇ивасзна жзд̇анаагижжасса мад̇т̇агаббад̇д̇и, д̇асмаа палуубажаарзна гааран̣ам̣ д̣̇ассзнд̇о ‘‘ниганд̇им̣ гурумаано абхисан̇карод̇и наамаа’’д̇и вуд̇д̇ам̣. имаа ид̣̇аани мз лаб̣бхамаанаа аагин̃жан̃н̃ааяад̇анасан̃н̃аа нируж̇жхзяяум̣ д̇ам̣самад̇иггамзнзва убарижхаанад̇т̇ааяа жзд̇анаабхисан̇каран̣асамбхавад̇о. ан̃н̃аад̇и аагин̃жан̃н̃ааяад̇анасан̃н̃аахи ан̃н̃аа. д̇ад̇о т̇уулад̇арабхаавад̇о ол̣ааригаа. гаа бана д̇аад̇и ааха ‘‘бхаван̇г̇асан̃н̃аа’’д̇и. аагин̃жан̃н̃ааяад̇анад̇о вудтааяа зва хи убарижхаанад̇т̇ааяа жзд̇анаабхисан̇каран̣аани бхавзяяум̣, вудтаанан̃жа бхаван̇г̇авасзна ход̇и. яаава жа убари жхаанасамаабаж̇ж̇анам̣, д̇аава анд̇аранд̇араа бхаван̇г̇аббавад̇д̇ийд̇и ааха ‘‘бхаван̇г̇асан̃н̃аа уббаж̇ж̇зяяу’’нд̇и.

    Pakappetīti saṃvidahati. Jhānaṃ samāpajjanto hi jhānasukhaṃ attani saṃvidahati nāma. Abhisaṅkharotīti āyūhati, sampiṇḍetīti attho. Sampiṇḍanattho hi samudayaṭṭho. Yasmā nikantivasena cetanākiccassa matthakappatti, tasmā phalūpacārena kāraṇaṃ dassento ‘‘nikantiṃ kurumāno abhisaṅkharoti nāmā’’ti vuttaṃ. Imā idāni me labbhamānā ākiñcaññāyatanasaññā nirujjheyyuṃ taṃsamatikkameneva uparijhānatthāya cetanābhisaṅkharaṇasambhavato. Aññāti ākiñcaññāyatanasaññāhi aññā. Tato thūlatarabhāvato oḷārikā. Kā pana tāti āha ‘‘bhavaṅgasaññā’’ti. Ākiñcaññāyatanato vuṭṭhāya eva hi uparijhānatthāya cetanābhisaṅkharaṇāni bhaveyyuṃ, vuṭṭhānañca bhavaṅgavasena hoti. Yāva ca upari jhānasamāpajjanaṃ, tāva antarantarā bhavaṅgappavattīti āha ‘‘bhavaṅgasaññā uppajjeyyu’’nti.

    жзд̇знд̇оваад̇и нзвасан̃н̃аанаасан̃н̃ааяад̇анаж̇жхаанам̣ згам̣ д̣̇вз жид̇д̇аваарз самаабаж̇ж̇анд̇о зва. на жзд̇зд̇и д̇ат̇аа хздтимаж̇жхаанзсу вияа ваа буб̣б̣аабхог̇аабхаавад̇о буб̣б̣аабхог̇авасзна хи жхаанам̣ багаббзнд̇о ид̇ха ‘‘жзд̇зд̇ий’’д̇и вуд̇д̇о. яасмаа ‘‘ахамзд̇ам̣ жхаанам̣ ниб̣б̣ад̇д̇зми убасамбаад̣̇зми самаабаж̇ж̇аамий’’д̇и звам̣ абхисан̇каран̣ам̣ д̇ад̇т̇а саалаяассзва ход̇и, на анаалаяасса, д̇асмаа згам̣ жид̇д̇агкан̣игамби жхаанам̣ бавад̇д̇знд̇о д̇ад̇т̇а аббахийнаниганд̇игад̇ааяа абхисан̇каронд̇о зваад̇и ад̇т̇о. яасмаа банасса д̇ат̇аа хздтимаж̇жхаанзсу вияа ваа д̇ад̇т̇а буб̣б̣аабхог̇о над̇т̇и, д̇асмаа ‘‘на абхисан̇карод̇ий’’д̇и вуд̇д̇ам̣. ‘‘имасса бхигкуно’’д̇иаад̣̇и вуд̇д̇ассзвад̇т̇асса виваран̣ам̣. ‘‘свааяамад̇т̇о’’д̇иаад̣̇инаа д̇амзвад̇т̇ам̣ убамааяа бадибаад̣̇зд̇и.

    Cetentovāti nevasaññānāsaññāyatanajjhānaṃ ekaṃ dve cittavāre samāpajjanto eva. Na ceteti tathā heṭṭhimajjhānesu viya vā pubbābhogābhāvato pubbābhogavasena hi jhānaṃ pakappento idha ‘‘cetetī’’ti vutto. Yasmā ‘‘ahametaṃ jhānaṃ nibbattemi upasampādemi samāpajjāmī’’ti evaṃ abhisaṅkharaṇaṃ tattha sālayasseva hoti, na anālayassa, tasmā ekaṃ cittakkhaṇikampi jhānaṃ pavattento tattha appahīnanikantikatāya abhisaṅkharonto evāti attho. Yasmā panassa tathā heṭṭhimajjhānesu viya vā tattha pubbābhogo natthi, tasmā ‘‘na abhisaṅkharotī’’ti vuttaṃ. ‘‘Imassa bhikkhuno’’tiādi vuttassevatthassa vivaraṇaṃ. ‘‘Svāyamattho’’tiādinā tamevatthaṃ upamāya paṭipādeti.

    бажчаабхааг̇зд̇и бид̇угхарасса бажчаабхааг̇з. д̇ад̇о буд̇д̇агхарад̇о. лад̣̇д̇хагхарамзваад̇и яад̇о анзна бхигкаа лад̣̇д̇хаа, д̇амзва гхарам̣ буд̇д̇аг̇зхамзва. аасанасаалаа вияа аагин̃жан̃н̃ааяад̇анасамаабад̇д̇и д̇ад̇о бид̇угхарабуд̇д̇агхарадтаанияаанам̣ нзвасан̃н̃аанаасан̃н̃ааяад̇ананирод̇хасамаабад̇д̇ийнам̣ убаг̇анд̇аб̣б̣ад̇о. бид̇угхарам̣ аманасигарид̇ваад̇и бависид̇ваа самад̇игганд̇амби бид̇угхарам̣ на манаси гад̇ваа. буд̇д̇агхарассзва аажигканам̣ вияа згам̣ д̣̇вз жид̇д̇аваарз самаабаж̇ж̇ид̇аб̣б̣амби нзвасан̃н̃аанаасан̃н̃ааяад̇анам̣ на манаси гад̇ваа барад̇о нирод̇хасамаабад̇д̇иад̇т̇ааяа зва манасигааро. звам̣ аманасигаарасааман̃н̃зна, манасигаарасааман̃н̃зна жа убамубамзяяад̇аа взд̣̇ид̇аб̣б̣аа аажигканзнаби манасигаарассзва ж̇од̇ид̇ад̇д̇аа. на хи манасигаарзна винаа аажигканам̣ самбхавад̇и.

    Pacchābhāgeti pitugharassa pacchābhāge. Tato puttagharato. Laddhagharamevāti yato anena bhikkhā laddhā, tameva gharaṃ puttagehameva. Āsanasālā viya ākiñcaññāyatanasamāpatti tato pitugharaputtagharaṭṭhāniyānaṃ nevasaññānāsaññāyatananirodhasamāpattīnaṃ upagantabbato. Pitugharaṃ amanasikaritvāti pavisitvā samatikkantampi pitugharaṃ na manasi katvā. Puttagharasseva ācikkhanaṃ viya ekaṃ dve cittavāre samāpajjitabbampi nevasaññānāsaññāyatanaṃ na manasi katvā parato nirodhasamāpattiatthāya eva manasikāro. Evaṃ amanasikārasāmaññena, manasikārasāmaññena ca upamupameyyatā veditabbā ācikkhanenapi manasikārasseva jotitattā. Na hi manasikārena vinā ācikkhanaṃ sambhavati.

    д̇аа жхаанасан̃н̃аад̇и д̇аа згам̣ д̣̇вз жид̇д̇аваарз бавад̇д̇аа нзвасан̃н̃аанаасан̃н̃ааяад̇анасан̃н̃аа. нируж̇жханд̇ийд̇и бад̣̇зсзнзва нируж̇жханд̇и, буб̣б̣аабхисан̇кааравасзна бана убари ануббаад̣̇о. яат̇аа жа жхаанасан̃н̃аанам̣, звам̣ ид̇арасан̃н̃аанам̣ бийд̇и ааха ‘‘ан̃н̃аа жа ол̣ааригаа бхаван̇г̇асан̃н̃аа нуббаж̇ж̇анд̇ий’’д̇и, яат̇аабарижчиннагааланд̇и ад̇хиббааяо. со звам̣ бадибанно бхигкууд̇и со звам̣ яат̇аавуд̇д̇з сан̃н̃ааг̇г̇з тид̇о арахад̇д̇з, анааг̇аамипалз ваа бад̇идтид̇о бхигку д̣̇вийхи палзхи саманнааг̇амо, д̇ин̣н̣ам̣ сан̇каараанам̣ бадиббассад̣̇д̇хи, сол̣асавид̇хаа н̃аан̣ажарияаа, нававид̇хаа самаад̇хижарияаад̇и имзсам̣ васзна нирод̇хабадибаад̣̇анабадибад̇д̇им̣ бадибанно. пусад̇ийд̇и зд̇т̇а пусанам̣ наама винд̣̇анам̣ бадилад̣̇д̇хийд̇и ааха ‘‘винд̣̇ад̇и бадилабхад̇ий’’д̇и. ад̇т̇ад̇о бана яат̇аабарижчиннагаалам̣ жид̇д̇ажзд̇асигаанам̣ саб̣б̣асо аббавад̇д̇и зва.

    Tā jhānasaññāti tā ekaṃ dve cittavāre pavattā nevasaññānāsaññāyatanasaññā. Nirujjhantīti padeseneva nirujjhanti, pubbābhisaṅkhāravasena pana upari anuppādo. Yathā ca jhānasaññānaṃ, evaṃ itarasaññānaṃ pīti āha ‘‘aññā ca oḷārikā bhavaṅgasaññā nuppajjantī’’ti, yathāparicchinnakālanti adhippāyo. So evaṃ paṭipanno bhikkhūti so evaṃ yathāvutte saññāgge ṭhito arahatte, anāgāmiphale vā patiṭṭhito bhikkhu dvīhi phalehi samannāgamo, tiṇṇaṃ saṅkhārānaṃ paṭippassaddhi, soḷasavidhā ñāṇacariyā, navavidhā samādhicariyāti imesaṃ vasena nirodhapaṭipādanapaṭipattiṃ paṭipanno. Phusatīti ettha phusanaṃ nāma vindanaṃ paṭiladdhīti āha ‘‘vindati paṭilabhatī’’ti. Atthato pana yathāparicchinnakālaṃ cittacetasikānaṃ sabbaso appavatti eva.

    абхийд̇и убасаг̇г̇амад̇д̇ам̣ нирад̇т̇агам̣, д̇асмаа ‘‘сан̃н̃аа’’ ижжзва ад̇т̇о. нирод̇хабад̣̇зна ананд̇аригам̣ гад̇ваа самаабад̇д̇ибад̣̇з вад̇д̇аб̣б̣з д̇зсам̣ д̣̇виннам̣ анд̇арз самбаж̇аанабад̣̇ам̣ табид̇анд̇и ааха ‘‘нирод̇хабад̣̇зна ананд̇аригам̣ гад̇ваа вуд̇д̇а’’нд̇и, д̇знааха ‘‘анубади…бз… ад̇т̇о’’д̇и. д̇ад̇раабийд̇и д̇асмимби д̇ат̇аа бад̣̇аанубуб̣б̣итабанзби аяам̣ висзсад̇т̇од̇и яож̇анаа. самбаж̇аананд̇ассаад̇и д̇ам̣ д̇ам̣ самаабад̇д̇им̣ самаабаж̇ж̇ид̇ваа вудтааяа д̇ад̇т̇а д̇ад̇т̇а сан̇каараанам̣ саммасанавасзна баж̇аананд̇асса. анд̇зд̇и яат̇аавуд̇д̇ааяа нирод̇хабадибад̇д̇ияаа барияосаанз. д̣̇уд̇ияавигаббз самбаж̇аананд̇ассаад̇и самбаж̇аанагааринод̇и ад̇т̇о, д̇зна нирод̇хасамаабаж̇ж̇анагасса бхигкуно аад̣̇ид̇о бадтааяа саб̣б̣абаадихааригабан̃н̃ааяа сад̣̇д̇хим̣ ад̇т̇асаад̇хигаа бан̃н̃аа гижжад̇о д̣̇ассид̇аа ход̇и, д̇знааха ‘‘бан̣д̣ид̇асса бхигкуно’’д̇и.

    Abhīti upasaggamattaṃ niratthakaṃ, tasmā ‘‘saññā’’ icceva attho. Nirodhapadena anantarikaṃ katvā samāpattipade vattabbe tesaṃ dvinnaṃ antare sampajānapadaṃ ṭhapitanti āha ‘‘nirodhapadena anantarikaṃ katvā vutta’’nti, tenāha ‘‘anupaṭi…pe… attho’’ti. Tatrāpīti tasmimpi tathā padānupubbiṭhapanepi ayaṃ visesatthoti yojanā. Sampajānantassāti taṃ taṃ samāpattiṃ samāpajjitvā vuṭṭhāya tattha tattha saṅkhārānaṃ sammasanavasena pajānantassa. Anteti yathāvuttāya nirodhapaṭipattiyā pariyosāne. Dutiyavikappe sampajānantassāti sampajānakārinoti attho, tena nirodhasamāpajjanakassa bhikkhuno ādito paṭṭhāya sabbapāṭihārikapaññāya saddhiṃ atthasādhikā paññā kiccato dassitā hoti, tenāha ‘‘paṇḍitassa bhikkhuno’’ti.

    саб̣б̣аагаарзнаад̇и ‘‘самаабад̇д̇ияаа саруубависзсо, самаабаж̇ж̇анаго, самаабаж̇ж̇анасса таанам̣, гааран̣ам̣, самаабаж̇ж̇анаагааро’’д̇и звамаад̣̇и саб̣б̣аббагаарзна. д̇ад̇т̇аад̇и висуд̣̇д̇химаг̇г̇з. (висуд̣̇д̇хий. 2.867) гат̇ид̇ад̇оваад̇и гат̇ид̇адтаанад̇о зва г̇ахзд̇аб̣б̣аа, на ид̇ха д̇ам̣ вад̣̇аама бунаруд̇д̇ибхаавад̇од̇и ад̇хиббааяо.

    Sabbākārenāti ‘‘samāpattiyā sarūpaviseso, samāpajjanako, samāpajjanassa ṭhānaṃ, kāraṇaṃ, samāpajjanākāro’’ti evamādi sabbappakārena. Tatthāti visuddhimagge. (Visuddhī. 2.867) kathitatovāti kathitaṭṭhānato eva gahetabbā, na idha taṃ vadāma punaruttibhāvatoti adhippāyo.

    звам̣ ко аханд̇и зд̇т̇а аагаарад̇т̇о звам̣-сад̣̇д̣̇о уг̇г̇ахид̇аагаарад̣̇ассананд̇и гад̇ваа. звам̣ бодтабаад̣̇аад̇и зд̇т̇а бана самбадижчанад̇т̇о, д̇знааха ‘‘сууг̇г̇ахид̇ам̣ д̇аяаад̇и ануж̇аананд̇о’’д̇и.

    Evaṃ kho ahanti ettha ākārattho evaṃ-saddo uggahitākāradassananti katvā. Evaṃ poṭṭhapādāti ettha pana sampaṭicchanattho, tenāha ‘‘suuggahitaṃ tayāti anujānanto’’ti.

    415. сан̃н̃аа аг̇г̇аа зд̇т̇аад̇и сан̃н̃ааг̇г̇ам̣, аагин̃жан̃н̃ааяад̇анам̣. адтасу самаабад̇д̇ийсуби сан̃н̃ааг̇г̇ам̣ ад̇т̇и убалаб̣бхад̇ийд̇и жинд̇зд̇ваа. ‘‘бут̇уу’’д̇и баал̣ияам̣ лин̇г̇авибаллаасам̣ д̣̇ассзнд̇о ааха ‘‘б̣ахуунибий’’д̇и. ‘‘яат̇аа’’д̇и иминаа багаарависзсо гаран̣аббагааро г̇ахид̇о, на багаарасааман̃н̃анд̇и ааха ‘‘язна язна гасин̣знаа’’д̇и, бат̇авийгасин̣зна гаран̣абхууд̇знаа’’д̇и жа. жхаанам̣ д̇аава яуд̇д̇о гаран̣абхааво сан̃н̃аанирод̇хапусанасса саад̇хагад̇амабхаавад̇о, гат̇ам̣ гасин̣аананд̇и? д̇зсамби со яуд̇д̇о зва. яад̣̇аг̇г̇зна хи жхаанаанам̣ нирод̇хапусанасса саад̇хагад̇ам̣ абхааво, д̇ад̣̇аг̇г̇зна гасин̣аанамби д̇ад̣̇авинаабхаавад̇о. анзгагаран̣ааби гирияаа ход̇иязва яат̇аа ‘‘ассзна яаанзна д̣̇ийбигааяа г̇ажчад̇ий’’д̇и.

    415. Saññā aggā etthāti saññāggaṃ, ākiñcaññāyatanaṃ. Aṭṭhasu samāpattīsupi saññāggaṃ atthi upalabbhatīti cintetvā. ‘‘Puthū’’ti pāḷiyaṃ liṅgavipallāsaṃ dassento āha ‘‘bahūnipī’’ti. ‘‘Yathā’’ti iminā pakāraviseso karaṇappakāro gahito, na pakārasāmaññanti āha ‘‘yena yena kasiṇenā’’ti, pathavīkasiṇena karaṇabhūtenā’’ti ca. Jhānaṃ tāva yutto karaṇabhāvo saññānirodhaphusanassa sādhakatamabhāvato, kathaṃ kasiṇānanti? Tesampi so yutto eva. Yadaggena hi jhānānaṃ nirodhaphusanassa sādhakataṃ abhāvo, tadaggena kasiṇānampi tadavinābhāvato. Anekakaraṇāpi kiriyā hotiyeva yathā ‘‘assena yānena dīpikāya gacchatī’’ti.

    згавааранд̇и сагим̣. буримасан̃н̃аанирод̇ханд̇и гаамасан̃н̃аад̣̇ибуримасан̃н̃ааяа нирод̇хам̣, на нирод̇хасамаабад̇д̇исан̃н̃ид̇ам̣ сан̃н̃аанирод̇хам̣. згам̣ сан̃н̃ааг̇г̇анд̇и згам̣ сан̃н̃аабхууд̇ам̣ аг̇г̇ам̣ сздтанд̇и ад̇т̇о хздтимасан̃н̃ааяа уггадтабхаавад̇о. сан̃н̃аа жа саа аг̇г̇ан̃жаад̇и сан̃н̃ааг̇г̇ам̣, на сан̃н̃аасу аг̇г̇анд̇и. д̣̇вз ваарзд̇и д̣̇вигкад̇д̇ум̣. сзсагасин̣зсууд̇и гасин̣аанам̣язва г̇ахан̣ам̣ нирод̇хагат̇ааяа ад̇хигад̇ад̇д̇аа. д̇ад̇о зва жзд̇т̇а жхаанаг̇г̇ахан̣зна гасин̣аж̇жхаанаани зва г̇ахид̇аанийд̇и взд̣̇ид̇аб̣б̣ам̣. ‘‘батамаж̇жхаанзна гаран̣абхууд̇знаа’’д̇и аарамман̣ам̣ анаамасид̇ваа вад̣̇ад̇и яат̇аа ‘‘язна язна гасин̣знаа’’д̇и зд̇т̇а жхаанам̣ анаамасид̇ваа вуд̇д̇ам̣. ‘‘ид̇ий’’д̇иаад̣̇инаа вуд̇д̇амзвад̇т̇ам̣ сан̇г̇ахзд̇ваа ниг̇аманавасзна вад̣̇ад̇и. саб̣б̣амбийд̇и саб̣б̣ам̣ згаваарам̣ самаабаннажхаанам̣. сан̇г̇ахзд̇ваад̇и сан̃ж̇аананалагкан̣зна д̇ам̣сабхааваависзсад̇о згаж̇жхам̣ сан̇г̇ахзд̇ваа. абараабаранд̇и бунаббунам̣.

    Ekavāranti sakiṃ. Purimasaññānirodhanti kāmasaññādipurimasaññāya nirodhaṃ, na nirodhasamāpattisaññitaṃ saññānirodhaṃ. Ekaṃ saññāgganti ekaṃ saññābhūtaṃ aggaṃ seṭṭhanti attho heṭṭhimasaññāya ukkaṭṭhabhāvato. Saññā ca sā aggañcāti saññāggaṃ, na saññāsu agganti. Dve vāreti dvikkhattuṃ. Sesakasiṇesūti kasiṇānaṃyeva gahaṇaṃ nirodhakathāya adhikatattā. Tato eva cettha jhānaggahaṇena kasiṇajjhānāni eva gahitānīti veditabbaṃ. ‘‘Paṭhamajjhānena karaṇabhūtenā’’ti ārammaṇaṃ anāmasitvā vadati yathā ‘‘yena yena kasiṇenā’’ti ettha jhānaṃ anāmasitvā vuttaṃ. ‘‘Itī’’tiādinā vuttamevatthaṃ saṅgahetvā nigamanavasena vadati. Sabbampīti sabbaṃ ekavāraṃ samāpannajhānaṃ. Saṅgahetvāti sañjānanalakkhaṇena taṃsabhāvāvisesato ekajjhaṃ saṅgahetvā. Aparāparanti punappunaṃ.

    416. жхаанабад̣̇адтаанам̣ вибассанам̣ вад̣дхзнд̇асса буг̇г̇аласса васзна сан̃н̃аан̃аан̣аани д̣̇ассид̇аани батаманаяз . д̣̇уд̇ияанаяз бана яасмаа вибассанам̣ уссуггаабзд̇ваа маг̇г̇зна гхадзнд̇асса маг̇г̇ан̃аан̣ам̣ уббаж̇ж̇ад̇и, д̇асмаа вибассанаамаг̇г̇авасзна сан̃н̃аан̃аан̣аани д̣̇ассид̇аани. яасмаа бана батаманаяо логияад̇д̇аа ол̣аариго, д̣̇уд̇ияанаяо миссаго д̇асмаа д̇ад̣̇убхаяам̣ асамбхаавзд̇ваа ажжанд̇асукумам̣ субхам̣ т̇ирам̣ ниб̣б̣ад̇д̇ид̇алогуд̇д̇арамзва д̣̇ассзд̇ум̣ маг̇г̇апалавасзна сан̃н̃аан̃аан̣аани д̣̇ассид̇аани д̇ад̇ияанаяз. д̇аяобзд̇з наяаа маг̇г̇асод̇ханавасзна д̣̇ассид̇аа.

    416. Jhānapadaṭṭhānaṃ vipassanaṃ vaḍḍhentassa puggalassa vasena saññāñāṇāni dassitāni paṭhamanaye . Dutiyanaye pana yasmā vipassanaṃ ussukkāpetvā maggena ghaṭentassa maggañāṇaṃ uppajjati, tasmā vipassanāmaggavasena saññāñāṇāni dassitāni. Yasmā pana paṭhamanayo lokiyattā oḷāriko, dutiyanayo missako tasmā tadubhayaṃ asambhāvetvā accantasukhumaṃ subhaṃ thiraṃ nibbattitalokuttarameva dassetuṃ maggaphalavasena saññāñāṇāni dassitāni tatiyanaye. Tayopete nayā maggasodhanavasena dassitā.

    ‘‘аяам̣ банзд̇т̇а сааро’’д̇и вибхаавзд̇ум̣ д̇ибидагамахаасивад̇т̇зраваад̣̇о аабхад̇о. нирод̇хам̣ бужчид̇ваа д̇асмим̣ гат̇ид̇з д̇ад̣̇ананд̇арам̣ сан̃н̃аан̃аан̣уббад̇д̇им̣ бужчанд̇о ад̇т̇ад̇о нирод̇хад̇о вудтаанам̣ бужчад̇и наама, нирод̇хад̇о жа вудтаанам̣ арахад̇д̇апалуббад̇д̇ияаа ваа сияаа анааг̇аамипалуббад̇д̇ияаа ваа, д̇ад̇т̇а сан̃н̃аа бад̇хаанаа, д̇ад̣̇ананд̇аран̃жа бажжавзгкан̣ан̃аан̣анд̇и д̇ад̣̇убхаяам̣ нид̣̇д̇хаарзнд̇о т̇зро ‘‘гим̣ имз бхигкуу бхан̣анд̇ий’’д̇иаад̣̇имааха . д̇ад̇т̇а ‘‘гим̣ имз бхигкуу бхан̣анд̇ий’’д̇и д̇ад̣̇аа д̣̇ийгханигааяад̇анд̇им̣ баривад̇д̇анд̇з имам̣ таанам̣ бад̇ваа яат̇аавуд̇д̇зна бадибаадияаа д̇аяо наяз гат̇знд̇з бхигкуу санд̇хааяа вад̣̇ад̇и.

    ‘‘Ayaṃ panettha sāro’’ti vibhāvetuṃ tipiṭakamahāsivattheravādo ābhato. Nirodhaṃ pucchitvā tasmiṃ kathite tadanantaraṃ saññāñāṇuppattiṃ pucchanto atthato nirodhato vuṭṭhānaṃ pucchati nāma, nirodhato ca vuṭṭhānaṃ arahattaphaluppattiyā vā siyā anāgāmiphaluppattiyā vā, tattha saññā padhānā, tadanantarañca paccavekkhaṇañāṇanti tadubhayaṃ niddhārento thero ‘‘kiṃ ime bhikkhū bhaṇantī’’tiādimāha . Tattha ‘‘kiṃ ime bhikkhū bhaṇantī’’ti tadā dīghanikāyatantiṃ parivattante imaṃ ṭhānaṃ patvā yathāvuttena paṭipāṭiyā tayo naye kathente bhikkhū sandhāya vadati.

    яасса яат̇аа маг̇г̇авийт̇ияам̣ маг̇г̇апалан̃аан̣зсу уббаннзсу нияамад̇о маг̇г̇апалабажжавзгкан̣ан̃аан̣аани хонд̇и, звам̣ паласамаабад̇д̇ияам̣ палабажжавзгкан̣ан̃аан̣анд̇и ааха ‘‘бажчаа бажжавзгкан̣ан̃аан̣а’’нд̇и. ‘‘ид̣̇ам̣ арахад̇д̇апала’’нд̇и ид̣̇ам̣ бажжавзгкан̣ан̃аан̣асса бавад̇д̇иаагаарад̣̇ассанам̣. паласамаад̇хисан̃н̃аабажжаяаад̇и паласамаад̇хисахаг̇ад̇асан̃н̃аабажжаяаа. гира-сад̣̇д̣̇о ануссаран̣ад̇т̇о. яат̇аад̇хиг̇ад̇ад̇хаммаануссаран̣абагкияаа хи бажжавзгкан̣аа. самаад̇хисийсзна жзд̇т̇а саб̣б̣ам̣ арахад̇д̇апалам̣ г̇ахид̇ам̣ сахажаран̣ан̃ааязна, д̇асмим̣ асад̇и бажжавзгкан̣ааяа асамбхаво зваад̇и ааха ‘‘ид̣̇аббажжаяаа’’д̇и.

    Yassa yathā maggavīthiyaṃ maggaphalañāṇesu uppannesu niyamato maggaphalapaccavekkhaṇañāṇāni honti, evaṃ phalasamāpattiyaṃ phalapaccavekkhaṇañāṇanti āha ‘‘pacchā paccavekkhaṇañāṇa’’nti. ‘‘Idaṃ arahattaphala’’nti idaṃ paccavekkhaṇañāṇassa pavattiākāradassanaṃ. Phalasamādhisaññāpaccayāti phalasamādhisahagatasaññāpaccayā. Kira-saddo anussaraṇattho. Yathādhigatadhammānussaraṇapakkhiyā hi paccavekkhaṇā. Samādhisīsena cettha sabbaṃ arahattaphalaṃ gahitaṃ sahacaraṇañāyena, tasmiṃ asati paccavekkhaṇāya asambhavo evāti āha ‘‘idappaccayā’’ti.

    сан̃н̃ааад̇д̇агат̇ааван̣н̣анаа

    Saññāattakathāvaṇṇanā

    417. д̣̇зсанааяа сан̣хабхаавзна саарамбхамагкиссаад̣̇ималависод̇ханад̇о суд̇амаяан̃аан̣ам̣ нхаабид̇ам̣ вияа, сукумабхаавзна д̇анулзбанавилид̇д̇ам̣ вияа, д̇илагкан̣аб̣бхаахад̇ад̇ааяа гун̣д̣алаад̣̇иалан̇гааравибхуусид̇ам̣ вияа жа ход̇и, д̇ад̣̇анубасзвад̇о н̃аан̣асса жа д̇ат̇аабхааво д̇ам̣саман̇г̇ино буг̇г̇аласса д̇ат̇аабхааваабад̇д̇и, нирод̇хагат̇ааяа нивзсанан̃жасса сирисаяанаббавзсанасад̣̇исанд̇и ааха ‘‘сан̣хасукума…бз… ааробид̇обий’’д̇и. д̇ад̇т̇аад̇и д̇ассам̣ нирод̇хагат̇ааяам̣. сукам̣ авинд̣̇анд̇о манд̣̇аб̣уд̣̇д̇хид̇ааяа алабханд̇о. малавид̣̇уусид̇ад̇ааяа г̇уут̇адтаанасад̣̇исам̣. ад̇д̇ано лад̣̇д̇хим̣ ад̇д̇ад̣̇идтим̣. анумад̇им̣ г̇ахзд̇ваад̇и анун̃н̃ам̣ г̇ахзд̇ваа ‘‘зд̣̇исо мз ад̇д̇аа’’д̇и ануж̇аанаабзд̇ваа, ад̇д̇ано лад̣̇д̇хияам̣ бад̇идтабзд̇ваад̇и ад̇т̇о. гам̣ банаад̇и ол̣аариго, маномаяо, аруубийд̇и д̇ин̣н̣ам̣ ад̇д̇аваад̣̇аанам̣ васзна д̇ивид̇хзсу гад̇аманд̇и ад̇т̇о. барихаранд̇од̇и вид̣̇д̇хам̣санад̇о барихаранд̇о, ниг̇ууханд̇од̇и ад̇хиббааяо. яасмаа жад̇усанд̇ад̇ируубаббаб̣анд̇хам̣ згад̇д̇авасзна г̇ахзд̇ваа руубийбхаавад̇о ‘‘ол̣аариго ад̇д̇аа’’д̇и бажжзд̇и ад̇д̇аваад̣̇ий, аннабаанобад̇хаанад̇ан̃жасса баригаббзд̇ваа ‘‘сассад̇о’’д̇и ман̃н̃ад̇и, руубийбхаавад̇о зва жа сан̃н̃ааяа ан̃н̃ад̇д̇ам̣ н̃ааяааг̇ад̇амзва, яам̣ взд̣̇аваад̣̇ино ‘‘аннамаяо, баанамаяо’’д̇и жа д̣̇вид̇хаа вохаранд̇и, д̇асмаа бариб̣б̣ааж̇аго д̇ам̣ санд̇хааяаа ‘‘ол̣ааригам̣ ко’’д̇и ааха.

    417. Desanāya saṇhabhāvena sārambhamakkhissādimalavisodhanato sutamayañāṇaṃ nhāpitaṃ viya, sukhumabhāvena tanulepanavilittaṃ viya, tilakkhaṇabbhāhatatāya kuṇḍalādialaṅkāravibhūsitaṃ viya ca hoti, tadanupasevato ñāṇassa ca tathābhāvo taṃsamaṅgino puggalassa tathābhāvāpatti, nirodhakathāya nivesanañcassa sirisayanappavesanasadisanti āha ‘‘saṇhasukhuma…pe… āropitopī’’ti. Tatthāti tassaṃ nirodhakathāyaṃ. Sukhaṃ avindanto mandabuddhitāya alabhanto. Malavidūsitatāya gūthaṭṭhānasadisaṃ. Attano laddhiṃ attadiṭṭhiṃ. Anumatiṃ gahetvāti anuññaṃ gahetvā ‘‘ediso me attā’’ti anujānāpetvā, attano laddhiyaṃ patiṭṭhapetvāti attho. Kaṃ panāti oḷāriko, manomayo, arūpīti tiṇṇaṃ attavādānaṃ vasena tividhesu katamanti attho. Pariharantoti viddhaṃsanato pariharanto, nigūhantoti adhippāyo. Yasmā catusantatirūpappabandhaṃ ekattavasena gahetvā rūpībhāvato ‘‘oḷāriko attā’’ti pacceti attavādī, annapānopadhānatañcassa parikappetvā ‘‘sassato’’ti maññati, rūpībhāvato eva ca saññāya aññattaṃ ñāyāgatameva, yaṃ vedavādino ‘‘annamayo, pānamayo’’ti ca dvidhā voharanti, tasmā paribbājako taṃ sandhāyā ‘‘oḷārikaṃ kho’’ti āha.

    д̇ад̇т̇а яад̣̇и ад̇д̇аа руубий, на сан̃н̃ий, сан̃н̃ааяа аруубабхаавад̇д̇аа, руубад̇хаммаанан̃жа асан̃ж̇аананасабхаавад̇д̇аа, руубий жа самаано яад̣̇и д̇ава мад̇зна нижжо, сан̃н̃аа абараабарам̣ бавад̇д̇анад̇о д̇ад̇т̇а д̇ад̇т̇а бхиж̇ж̇ад̇ийд̇и бхзд̣̇асаб̣бхаавад̇о анижжаа, звамби ‘‘ан̃н̃аа сан̃н̃аа, ан̃н̃о ад̇д̇аа’’д̇и сан̃н̃ааяа абхаавад̇о ажзд̇анод̇и на гаммасса гаараго, паласса жа на убабхун̃ж̇агод̇и аабаннамзва, д̇знааха ‘‘ол̣аариго жа хи д̇з’’д̇иаад̣̇и. бажжааг̇ажчад̇од̇и бажжааг̇ажчанд̇асса , ж̇аанад̇од̇и ад̇т̇о. ‘‘ан̃н̃аа жа сан̃н̃аа уббаж̇ж̇анд̇и, ан̃н̃аа жа сан̃н̃аа нируж̇жханд̇ий’’д̇и гасмаа вуд̇д̇ам̣, нану уббаад̣̇абуб̣б̣аго нирод̇хо, на жа уббаннам̣ анируж̇жхагам̣ наама ад̇т̇ийд̇и жод̣̇анам̣ санд̇хааяааха ‘‘жад̇уннан̃жа канд̇хаана’’нд̇иаад̣̇и.

    Tattha yadi attā rūpī, na saññī, saññāya arūpabhāvattā, rūpadhammānañca asañjānanasabhāvattā, rūpī ca samāno yadi tava matena nicco, saññā aparāparaṃ pavattanato tattha tattha bhijjatīti bhedasabbhāvato aniccā, evampi ‘‘aññā saññā, añño attā’’ti saññāya abhāvato acetanoti na kammassa kārako, phalassa ca na upabhuñjakoti āpannameva, tenāha ‘‘oḷāriko ca hi te’’tiādi. Paccāgacchatoti paccāgacchantassa , jānatoti attho. ‘‘Aññā ca saññā uppajjanti, aññā ca saññā nirujjhantī’’ti kasmā vuttaṃ, nanu uppādapubbako nirodho, na ca uppannaṃ anirujjhakaṃ nāma atthīti codanaṃ sandhāyāha ‘‘catunnañca khandhāna’’ntiādi.

    418-420. маномаяанд̇и жхаанаманасо васзна маномаяам̣. яо хи б̣аахирабажжаяанирабзгко, со манасаава ниб̣б̣ад̇д̇од̇и маномаяо. руубалогз ниб̣б̣ад̇д̇асарийрам̣ санд̇хааяа вад̣̇ад̇и, яам̣ взд̣̇аваад̣̇ино аананд̣̇амаяо, вин̃н̃аан̣амаяод̇и жа д̣̇вид̇хаа вохаранд̇и. д̇ад̇раабийд̇и ‘‘маномаяо ад̇д̇аа’’д̇и имасмимби багкз. д̣̇осз д̣̇иннзд̇и ‘‘ан̃н̃аава сан̃н̃аа бхависсад̇ий’’д̇иаад̣̇инаа д̣̇осз д̣̇иннз. ид̇хааби буримаваад̣̇з вуд̇д̇анаязнзва д̣̇осад̣̇ассанам̣ взд̣̇ид̇аб̣б̣ам̣. аяам̣ бана висзсо – яад̣̇и ад̇д̇аа маномаяо, саб̣б̣ан̇г̇абажжан̇г̇ий, ахийнинд̣̇рияо жа бхавзяяа, звам̣ сад̇и ‘‘руубам̣ ад̇д̇аа сияаа, на жа сан̃н̃ий’’д̇и буб̣б̣з вияа вад̇д̇аб̣б̣ам̣. д̇знааха – ‘‘маномаяо жа хи д̇з’’д̇иаад̣̇и. гасмаа банааяам̣ бариб̣б̣ааж̇аго батамам̣ ол̣ааригам̣ ад̇д̇аанам̣ бадиж̇аанид̇ваа д̇ам̣ лад̣̇д̇хим̣ виссаж̇ж̇зд̇ваа буна маномаяам̣ ад̇д̇аанам̣ бадиж̇аанаад̇и, д̇ан̃жа виссаж̇ж̇зд̇ваа аруубим̣ ад̇д̇аанам̣ бадиж̇аанаад̇ийд̇и? гааман̃жзд̇т̇а гааран̣ам̣ хздтаа вуд̇д̇амзва, д̇ат̇ааби имз д̇ид̇т̇ияаа наама анавадтид̇ажид̇д̇аа т̇усараасимхи никаад̇акаан̣уго вияа жан̃жалаад̇и д̣̇ассзд̇ум̣ ‘‘яат̇аа наама уммад̇д̇аго’’д̇иаад̣̇и вуд̇д̇ам̣. д̇ад̇т̇а сан̃н̃ааяаад̇и багад̇исан̃н̃ааяа. уббаад̣̇анирод̇хам̣ ижчад̇и абараабарам̣ бавад̇д̇ааяа сан̃н̃ааяа уд̣̇аяаваяад̣̇ассанад̇о. д̇ат̇ааби ‘‘сан̃н̃аа сан̃н̃аа’’д̇и бавад̇д̇асаман̃н̃ам̣ ‘‘ад̇д̇аа’’д̇и г̇ахзд̇ваа д̇асса жа авижчзд̣̇ам̣ баригаббзнд̇о сассад̇ам̣ ман̃н̃ад̇и, д̇знааха ‘‘ад̇д̇аанам̣ бана сассад̇ам̣ ман̃н̃ад̇ий’’д̇и.

    418-420.Manomayanti jhānamanaso vasena manomayaṃ. Yo hi bāhirapaccayanirapekkho, so manasāva nibbattoti manomayo. Rūpaloke nibbattasarīraṃ sandhāya vadati, yaṃ vedavādino ānandamayo, viññāṇamayoti ca dvidhā voharanti. Tatrāpīti ‘‘manomayo attā’’ti imasmimpi pakkhe. Dose dinneti ‘‘aññāva saññā bhavissatī’’tiādinā dose dinne. Idhāpi purimavāde vuttanayeneva dosadassanaṃ veditabbaṃ. Ayaṃ pana viseso – yadi attā manomayo, sabbaṅgapaccaṅgī, ahīnindriyo ca bhaveyya, evaṃ sati ‘‘rūpaṃ attā siyā, na ca saññī’’ti pubbe viya vattabbaṃ. Tenāha – ‘‘manomayo ca hi te’’tiādi. Kasmā panāyaṃ paribbājako paṭhamaṃ oḷārikaṃ attānaṃ paṭijānitvā taṃ laddhiṃ vissajjetvā puna manomayaṃ attānaṃ paṭijānāti, tañca vissajjetvā arūpiṃ attānaṃ paṭijānātīti? Kāmañcettha kāraṇaṃ heṭṭhā vuttameva, tathāpi ime titthiyā nāma anavaṭṭhitacittā thusarāsimhi nikhātakhāṇuko viya cañcalāti dassetuṃ ‘‘yathā nāma ummattako’’tiādi vuttaṃ. Tattha saññāyāti pakatisaññāya. Uppādanirodhaṃ icchati aparāparaṃ pavattāya saññāya udayavayadassanato. Tathāpi ‘‘saññā saññā’’ti pavattasamaññaṃ ‘‘attā’’ti gahetvā tassa ca avicchedaṃ parikappento sassataṃ maññati, tenāha ‘‘attānaṃ pana sassataṃ maññatī’’ti.

    д̇ат̇зваад̇и яат̇аа ‘‘руубий ад̇д̇аа’’д̇и, ‘‘маномаяо ад̇д̇аа’’д̇и жа ваад̣̇ад̣̇ваяз сан̃н̃ааяа ад̇д̇ад̇о ан̃н̃ад̇аа, д̇ат̇аа жасса ажзд̇анад̇аад̣̇ид̣̇осаббасан̇г̇о д̣̇уннивааро , д̇ат̇зва имасмим̣ ваад̣̇з д̣̇осо. д̇знааха ‘‘д̇ат̇звасса д̣̇осам̣ д̣̇ассзнд̇о’’д̇и. мижчаад̣̇ассанзнаад̇и ад̇д̇ад̣̇идтисан̇каад̇зна мижчаабхинивзсзна. абхибхууд̇ад̇д̇аад̇и анаад̣̇игаалабхаавид̇абхаавзна аж̇жход̇т̇адад̇д̇аа ниваарид̇ан̃аан̣ажаарад̇д̇аа. д̇ам̣ наанад̇д̇ам̣ аж̇аананд̇од̇и язна санд̇ад̇игханзна, самуухагханзна жа ван̃жид̇о б̣аало баб̣анд̇хавасзна бавад̇д̇амаанам̣ д̇хаммасамуухам̣ мижчааг̇аахавасзна ‘‘ад̇д̇аа’’д̇и, ‘‘нижжо’’д̇и жа абхинивисса вохарад̇и, д̇ам̣ згад̇д̇асан̃н̃ид̇ам̣ гханаг̇г̇ахан̣ам̣ винибхуж̇ж̇а яаат̇аавад̇о ж̇аананам̣ гханавиниб̣бхог̇о, саб̣б̣зна саб̣б̣ам̣ д̇ид̇т̇ияаанам̣ со над̇т̇ийд̇и аяамби бариб̣б̣ааж̇аго д̇аад̣̇исасса н̃аан̣асса барибаагасса абхаавад̇о вужжамаанамби наан̃н̃ааси. д̇зна вуд̇д̇ам̣ ‘‘бхаг̇авад̇аа вужжамаанамби д̇ам̣ наанад̇д̇ам̣ аж̇аананд̇о’’д̇и. сан̃н̃аа наамааяам̣ наанаарамман̣аа наанаагкан̣з уббаж̇ж̇ад̇и, взд̇и жаад̇и сан̃н̃ааяа уббаад̣̇анирод̇хам̣ бассанд̇оби сан̃н̃аамаяам̣ сан̃н̃аабхууд̇ам̣ ад̇д̇аанам̣ баригаббзд̇ваа яат̇аавуд̇д̇агханавиниб̣бхог̇аабхаавад̇о нижжамзва гад̇ваа ман̃н̃ад̇и д̣̇идтиман̃н̃анааяа. д̇ат̇аабхууд̇асса жа д̇асса сан̣хасукумабарамаг̇амбхийрад̇хаммад̇аа на н̃ааяад̇зваад̇и вуд̇д̇ам̣ ‘‘д̣̇уж̇ж̇аанам̣ ко’’д̇иаад̣̇и.

    Tathevāti yathā ‘‘rūpī attā’’ti, ‘‘manomayo attā’’ti ca vādadvaye saññāya attato aññatā, tathā cassa acetanatādidosappasaṅgo dunnivāro , tatheva imasmiṃ vāde doso. Tenāha ‘‘tathevassa dosaṃ dassento’’ti. Micchādassanenāti attadiṭṭhisaṅkhātena micchābhinivesena. Abhibhūtattāti anādikālabhāvitabhāvena ajjhotthaṭattā nivāritañāṇacārattā. Taṃ nānattaṃ ajānantoti yena santatighanena, samūhaghanena ca vañcito bālo pabandhavasena pavattamānaṃ dhammasamūhaṃ micchāgāhavasena ‘‘attā’’ti, ‘‘nicco’’ti ca abhinivissa voharati, taṃ ekattasaññitaṃ ghanaggahaṇaṃ vinibhujja yāthāvato jānanaṃ ghanavinibbhogo, sabbena sabbaṃ titthiyānaṃ so natthīti ayampi paribbājako tādisassa ñāṇassa paripākassa abhāvato vuccamānampi nāññāsi. Tena vuttaṃ ‘‘bhagavatā vuccamānampi taṃ nānattaṃ ajānanto’’ti. Saññā nāmāyaṃ nānārammaṇā nānākkhaṇe uppajjati, veti cāti saññāyauppādanirodhaṃ passantopi saññāmayaṃ saññābhūtaṃ attānaṃ parikappetvā yathāvuttaghanavinibbhogābhāvato niccameva katvā maññati diṭṭhimaññanāya. Tathābhūtassa ca tassa saṇhasukhumaparamagambhīradhammatā na ñāyatevāti vuttaṃ ‘‘dujjānaṃ kho’’tiādi.

    д̣̇идтиаад̣̇ийсу ‘‘звамзд̇а’’нд̇и д̣̇ассанам̣ абхинивисанам̣ д̣̇идти. д̇ассаа зва буб̣б̣абхааг̇абхууд̇ам̣ ‘‘звамзд̇а’’нд̇и ниж̇жхаанавасзна каманам̣ канд̇и. д̇ат̇аа рожанам̣ ружи. ‘‘ан̃н̃ат̇аа’’д̇иаад̣̇и д̇зсам̣ д̣̇идтиаад̣̇ийнам̣ вибхаж̇ид̇ваа д̣̇ассанам̣. д̇ад̇т̇а ан̃н̃ат̇аад̇и яат̇аа арияавинаяз анд̇ад̣̇ваяам̣ анубаг̇г̇амма маж̇жхимаа бадибад̣̇аавасзна д̣̇ассанам̣ ход̇и, д̇ад̇о ан̃н̃ат̇ааязва. ан̃н̃ад̣̇зваад̇и яам̣ барамад̇т̇ад̇о виж̇ж̇ад̇и канд̇хааяад̇анаад̣̇и, д̇асса жа анижжад̇аад̣̇и, д̇ад̇о ан̃н̃ад̣̇зва барамад̇т̇ад̇о авиж̇ж̇амаанам̣ ад̇д̇аанам̣ сассад̇аад̣̇и д̇з камад̇и жзва ружжад̇и жа. ааяун̃ж̇анам̣ ануяун̃ж̇анам̣ ааяог̇о, д̇знааха ‘‘яуд̇д̇абаяуд̇д̇ад̇аа’’д̇и. бадибад̇д̇ияаад̇и барамад̇д̇ажинд̇анаад̣̇ибариб̣б̣ааж̇агабадибад̇д̇ияаа . д̣̇уж̇ж̇аанамзд̇ам̣ д̇хаммад̇ам̣ д̇вам̣ ‘‘аяам̣ барамад̇т̇о, аяам̣ саммуд̇ий’’д̇и имасса вибхааг̇асса д̣̇уб̣б̣ибхааг̇ад̇д̇аа. ‘‘яад̣̇и зд̇ам̣ д̣̇уж̇ж̇аанам̣, д̇ам̣ д̇аава д̇идтад̇у, имам̣ банад̇т̇ам̣ бхаг̇аванд̇ам̣ бужчиссаамий’’д̇и жинд̇зд̇ваа яат̇аа бадибаж̇ж̇и, д̇ам̣ д̣̇ассзд̇ум̣ ‘‘ат̇а бариб̣б̣ааж̇аго’’д̇иаад̣̇и вуд̇д̇ам̣. ан̃н̃о ваа сан̃н̃ад̇од̇и сан̃н̃аасабхаавад̇о ан̃н̃о сабхааво ваа ад̇д̇аа ход̇ууд̇и ад̇т̇о. ассаад̇и ад̇д̇ано.

    Diṭṭhiādīsu ‘‘evameta’’nti dassanaṃ abhinivisanaṃ diṭṭhi. Tassā eva pubbabhāgabhūtaṃ ‘‘evameta’’nti nijjhānavasena khamanaṃ khanti. Tathā rocanaṃ ruci. ‘‘Aññathā’’tiādi tesaṃ diṭṭhiādīnaṃ vibhajitvā dassanaṃ. Tattha aññathāti yathā ariyavinaye antadvayaṃ anupaggamma majjhimā paṭipadāvasena dassanaṃ hoti, tato aññathāyeva. Aññadevāti yaṃ paramatthato vijjati khandhāyatanādi, tassa ca aniccatādi, tato aññadeva paramatthato avijjamānaṃ attānaṃ sassatādi te khamati ceva ruccati ca. Āyuñjanaṃ anuyuñjanaṃ āyogo, tenāha ‘‘yuttapayuttatā’’ti. Paṭipattiyāti paramattacintanādiparibbājakapaṭipattiyā . Dujjānametaṃ dhammataṃ tvaṃ ‘‘ayaṃ paramattho, ayaṃ sammutī’’ti imassa vibhāgassa dubbibhāgattā. ‘‘Yadi etaṃ dujjānaṃ, taṃ tāva tiṭṭhatu, imaṃ panatthaṃ bhagavantaṃ pucchissāmī’’ti cintetvā yathā paṭipajji, taṃ dassetuṃ ‘‘atha paribbājako’’tiādi vuttaṃ. Añño vā saññatoti saññāsabhāvato añño sabhāvo vā attā hotūti attho. Assāti attano.

    логийяад̇и д̣̇иссад̇и зд̇т̇а бун̃н̃абаабам̣, д̇аб̣б̣ибааго жаад̇и лого, ад̇д̇аа. со хисса гаараго, взд̣̇аго жаад̇и ижчид̇о. д̣̇идтиг̇ад̇анд̇и ‘‘сассад̇о ад̇д̇аа жа лого жаа’’д̇иаад̣̇и (д̣̇ий. ни. 1.31; уд̣̇аа. 55) наяаббавад̇д̇ам̣ д̣̇идтиг̇ад̇ам̣. на хзса д̣̇идтаабхинивзсо д̣̇идтад̇хаммигаад̣̇иад̇т̇аниссид̇о д̇ад̣̇асам̣вад̇д̇анад̇о. яо хи д̇ад̣̇аавахо, со д̇ам̣ниссид̇од̇и вад̇д̇аб̣б̣ад̇ам̣ лабхзяяа яат̇аа д̇ам̣ бун̃н̃ан̃аан̣асамбхааро. зд̇знзва д̇асса на д̇хамманиссид̇ад̇ааби сам̣ван̣н̣ид̇аа д̣̇адтаб̣б̣аа. аад̣̇иб̣рахмажарияассаад̇и аад̣̇иб̣рахмажарияам̣, д̇ад̣̇зва аад̣̇иб̣рахмажарияагам̣ яат̇аа ‘‘винаяо зва взнаяиго’’д̇и, (баараа. адта. 21) д̇знааха ‘‘сигкад̇д̇аяасан̇каад̇ассаа’’д̇иаад̣̇и. д̣̇идтаабхинивзсасса сам̣саараваддз ниб̣б̣ид̣̇аавирааг̇анирод̇хубасамаасам̣вад̇д̇анам̣ вадданд̇ог̇ад̇хад̇д̇аа, д̇асса ваддасамб̣анд̇ханад̇о жа. д̇ат̇аа абхин̃н̃аасамб̣од̇ханиб̣б̣аанаасам̣вад̇д̇анан̃жа д̣̇адтаб̣б̣ам̣. абхиж̇аананааяаад̇и н̃аад̇абарин̃н̃аавасзна абхиж̇аананад̇т̇ааяа. самб̣уж̇жханад̇т̇ааяаад̇и д̇ийран̣абахаанабарин̃н̃аавасзна самб̣од̇ханад̇т̇ааяаад̇и вад̣̇анд̇и. абхиж̇аананааяаад̇и абхин̃н̃аабан̃н̃аавасзна ж̇аананааяа, д̇ам̣ бана ваддасса бажжагкагаран̣амзва ход̇ийд̇и ааха ‘‘бажжагкагирияааяаа’’д̇и. самб̣уж̇жханад̇т̇ааяаад̇и барин̃н̃аабхисамаяавасзна бадивзд̇хааяа.

    Lokīyati dissati ettha puññapāpaṃ, tabbipāko cāti loko, attā. So hissa kārako, vedako cāti icchito. Diṭṭhigatanti ‘‘sassato attā ca loko cā’’tiādi (dī. ni. 1.31; udā. 55) nayappavattaṃ diṭṭhigataṃ. Na hesa diṭṭhābhiniveso diṭṭhadhammikādiatthanissito tadasaṃvattanato. Yo hi tadāvaho, so taṃnissitoti vattabbataṃ labheyya yathā taṃ puññañāṇasambhāro. Eteneva tassa na dhammanissitatāpi saṃvaṇṇitā daṭṭhabbā. Ādibrahmacariyassāti ādibrahmacariyaṃ, tadeva ādibrahmacariyakaṃ yathā ‘‘vinayo eva venayiko’’ti, (pārā. aṭṭha. 21) tenāha ‘‘sikkhattayasaṅkhātassā’’tiādi. Diṭṭhābhinivesassa saṃsāravaṭṭe nibbidāvirāganirodhupasamāsaṃvattanaṃ vaṭṭantogadhattā, tassa vaṭṭasambandhanato ca. Tathā abhiññāsambodhanibbānāsaṃvattanañca daṭṭhabbaṃ. Abhijānanāyāti ñātapariññāvasena abhijānanatthāya. Sambujjhanatthāyāti tīraṇapahānapariññāvasena sambodhanatthāyāti vadanti. Abhijānanāyāti abhiññāpaññāvasena jānanāya, taṃ pana vaṭṭassa paccakkhakaraṇameva hotīti āha ‘‘paccakkhakiriyāyā’’ti. Sambujjhanatthāyāti pariññābhisamayavasena paṭivedhāya.

    гаамам̣ д̇ан̣хааби д̣̇угкасабхааваа, д̇ассаа бана самуд̣̇аяабхаавзна висум̣ г̇ахид̇ад̇д̇аа ‘‘д̇ан̣хам̣ табзд̇ваа’’д̇и вуд̇д̇ам̣. бабхааванад̇о уббаад̣̇анад̇о. д̣̇угкам̣ бабхаавзнд̇ийби д̇ан̣хаа авиж̇ж̇аад̣̇ибажжаяанд̇арасахид̇аа зва бабхаавзд̇и, на гзвалаад̇и ааха ‘‘саббажжаяаа’’д̇и. убхиннам̣ аббавад̇д̇ийд̇и убхиннам̣ аббавад̇д̇инимид̇д̇ам̣, наббавад̇д̇анд̇и зд̇т̇а д̣̇угкасамуд̣̇аяаа зд̇асмим̣ ваа ад̇хиг̇ад̇зд̇и аббавад̇д̇и. д̣̇угканирод̇хам̣ ниб̣б̣аанам̣ г̇ажчад̇и ад̇хиг̇ажчад̇и, д̇ад̣̇ад̇т̇ам̣ бадибад̣̇аа жаад̇и д̣̇угканирод̇хаг̇ааминийбадибад̣̇аа. маг̇г̇абаад̇убхаавод̇и аг̇г̇амаг̇г̇асамуббаад̣̇о. паласажчигирияаад̇и асзгкапалаад̇хиг̇амо. аагааранд̇и д̇ам̣ г̇аманалин̇г̇ам̣.

    Kāmaṃ taṇhāpi dukkhasabhāvā, tassā pana samudayabhāvena visuṃ gahitattā ‘‘taṇhaṃ ṭhapetvā’’ti vuttaṃ. Pabhāvanato uppādanato. Dukkhaṃ pabhāventīpi taṇhā avijjādipaccayantarasahitā eva pabhāveti, na kevalāti āha ‘‘sappaccayā’’ti. Ubhinnaṃ appavattīti ubhinnaṃ appavattinimittaṃ, nappavattanti ettha dukkhasamudayā etasmiṃ vā adhigateti appavatti. Dukkhanirodhaṃ nibbānaṃ gacchati adhigacchati, tadatthaṃ paṭipadā cāti dukkhanirodhagāminīpaṭipadā. Maggapātubhāvoti aggamaggasamuppādo. Phalasacchikiriyāti asekkhaphalādhigamo. Ākāranti taṃ gamanaliṅgaṃ.

    421. саманд̇ад̇о ниг̇г̇ан̣ханавасзна д̇од̣̇анам̣ виж̇жханам̣ саннид̇од̣̇агам̣, ваажааяаад̇и жа бажжад̇д̇з гаран̣аважананд̇и ааха ‘‘важанабад̇од̣̇знаа’’д̇и. саж̇жхаб̣бхарид̇анд̇и саманд̇ад̇о бхусам̣ арид̇ам̣ агам̣сууд̇и сад̇амад̇д̇зхи д̇уд̇д̇агзхи вияа д̇им̣сасад̇амад̇д̇аа бариб̣б̣ааж̇агаа ваажаабад̇од̣̇анзхи д̇уд̣̇им̣су сабхаавад̇о виж̇ж̇амаананд̇и барамад̇т̇асабхаавад̇о убалаб̣бхамаанам̣, набагад̇иаад̣̇и вияа анубалаб̣бхамаанам̣. д̇ажчанд̇и сажжам̣. д̇ат̇анд̇и авибарийд̇ам̣ логуд̇д̇арад̇хаммзсууд̇и висаяз бхуммам̣ д̇з д̇хаммз висаяам̣ гад̇ваа. тид̇асабхааванд̇и авадтид̇асабхаавам̣, д̇ад̣̇уббаад̣̇аганд̇и ад̇т̇о. логуд̇д̇арад̇хамманияаамад̇анд̇и логуд̇д̇арад̇хаммасамбаабананияаамзна нияад̇ам̣, д̇знааха ‘‘б̣уд̣̇д̇хаанан̃хий’’д̇иаад̣̇и. зд̣̇исаад̇и ‘‘д̇хаммадтид̇ад̇а’’нд̇иаад̣̇инаа вуд̇д̇аббагаараа.

    421. Samantato niggaṇhanavasena todanaṃ vijjhanaṃ sannitodakaṃ, vācāyāti ca paccatte karaṇavacananti āha ‘‘vacanapatodenā’’ti. Sajjhabbharitanti samantato bhusaṃ aritaṃ akaṃsūti satamattehi tuttakehi viya tiṃsasatamattā paribbājakā vācāpatodanehi tudiṃsu sabhāvato vijjamānanti paramatthasabhāvato upalabbhamānaṃ, napakatiādi viya anupalabbhamānaṃ. Tacchanti saccaṃ. Tathanti aviparītaṃ lokuttaradhammesūti visaye bhummaṃ te dhamme visayaṃ katvā. Ṭhitasabhāvanti avaṭṭhitasabhāvaṃ, taduppādakanti attho. Lokuttaradhammaniyāmatanti lokuttaradhammasampāpananiyāmena niyataṃ, tenāha ‘‘buddhānañhī’’tiādi. Edisāti ‘‘dhammaṭṭhitata’’ntiādinā vuttappakārā.

    жид̇д̇ахад̇т̇исаарибуд̇д̇абодтабаад̣̇авад̇т̇уван̣н̣анаа

    Cittahatthisāriputtapoṭṭhapādavatthuvaṇṇanā

    422. сукумзсу ад̇т̇анд̇арзсууд̇и канд̇хааяад̇анаад̣̇ийсу сукуман̃аан̣аг̇ожарзсу д̇хаммзсу. гусалод̇и буб̣б̣з б̣уд̣̇д̇хасаасанз гад̇абарижаяад̇ааяа чзго ахоси. г̇ихибхаавз аанисам̣сагат̇ааяа гат̇ид̇ад̇д̇аа сийлаванд̇асса бхигкуно д̇ат̇аа гат̇анзна виб̣бхаманз нияож̇ид̇ад̇д̇аа ид̣̇аани саяамби сийлаваа зва худ̇ваа ча ваарз (д̇ха. ба. адта. 37; ж̇аа. адта. 1.1.69) виб̣бхами. гаммасаригкагзна хи палзна бхавид̇аб̣б̣ам̣. махаасаавагасса гат̇ид̇зд̇и махаасаавагасса махаагодтигад̇т̇зрасса абасаад̣̇анагат̇ид̇анимид̇д̇ам̣. бад̇идтаад̇ум̣ асаггонд̇од̇и саасанз бад̇идтам̣ лад̣̇д̇хум̣ асаггонд̇о.

    422.Sukhumesu atthantaresūti khandhāyatanādīsu sukhumañāṇagocaresu dhammesu. Kusaloti pubbe buddhasāsane kataparicayatāya cheko ahosi. Gihibhāve ānisaṃsakathāyakathitattā sīlavantassa bhikkhuno tathā kathanena vibbhamane niyojitattā idāni sayampi sīlavā eva hutvā cha vāre (dha. pa. aṭṭha. 37; jā. aṭṭha. 1.1.69) vibbhami. Kammasarikkhakena hi phalena bhavitabbaṃ. Mahāsāvakassa kathiteti mahāsāvakassa mahākoṭṭhikattherassa apasādanakathitanimittaṃ. Patiṭṭhātuṃ asakkontoti sāsane patiṭṭhaṃ laddhuṃ asakkonto.

    423. бан̃н̃аажагкуно над̇т̇ид̇ааяаад̇и сувуд̇д̇ад̣̇уруд̇д̇асамависамад̣̇ассанасамад̇т̇абан̃н̃аажагкуно абхаавзна . жагкумаад̇и зд̇т̇а яаад̣̇исзна жагкунаа бурисо ‘‘жагкумаа’’д̇и вуд̇д̇о, д̇ам̣ д̣̇ассзд̇ум̣ ‘‘субхаасид̇аа’’д̇иаад̣̇и вуд̇д̇ам̣. згагодтаасаад̇и зганд̇игаа, ниб̣б̣аанаавахабхаавзна нижчид̇аад̇и ад̇хиббааяо. табид̇аад̇и вавад̇т̇аабид̇аа. на згагодтаасаа на зганд̇игаа, на ниб̣б̣аанаавахабхаавзна нижчид̇аа вадданд̇ог̇ад̇хабхаавад̇од̇и ад̇хиббааяо.

    423.Paññācakkhuno natthitāyāti suvuttaduruttasamavisamadassanasamatthapaññācakkhuno abhāvena . Cakkhumāti ettha yādisena cakkhunā puriso ‘‘cakkhumā’’ti vutto, taṃ dassetuṃ ‘‘subhāsitā’’tiādi vuttaṃ. Ekakoṭṭhāsāti ekantikā, nibbānāvahabhāvena nicchitāti adhippāyo. Ṭhapitāti vavatthāpitā. Na ekakoṭṭhāsā na ekantikā, na nibbānāvahabhāvena nicchitā vaṭṭantogadhabhāvatoti adhippāyo.

    згам̣сигад̇хаммаван̣н̣анаа

    Ekaṃsikadhammavaṇṇanā

    425. ‘‘гасмаа аарабхий’’д̇и гааран̣ам̣ бужчид̇ваа ‘‘анияяаанигабхаавад̣̇ассанад̇т̇а’’нд̇и баяож̇анам̣ виссаж̇ж̇ид̇ам̣. сад̇и хи паласид̣̇д̇хияам̣ хзд̇усид̣̇д̇хоязва ход̇ийд̇и. бан̃н̃аабид̇анидтааяаад̇и бавзд̣̇ид̇авимуд̇д̇имаг̇г̇асса, ваддад̣̇угкабарияосаанам̣ г̇ажчад̇и зд̇ааяаад̇и ‘‘нидтаа’’д̇и вимуд̇д̇и вуд̇д̇аа. нидтаамаг̇г̇о хи ид̇ха уд̇д̇арабад̣̇алобзна ‘‘нидтаа’’д̇и вуд̇д̇о. д̇асса хи анияяаанигад̇аа, нияяаанигад̇аа жа вужжад̇и, на нидтааяа. нияяаанам̣ ваа ниг̇г̇аманам̣ ниссаран̣ам̣, ваддад̣̇угкасса вубасамод̇и ад̇т̇о. нияяаанамзва нияяаанигам̣, на нияяаанигам̣ анияяаанигам̣, со зва бхааво анияяаанигабхааво, д̇асса д̣̇ассанад̇т̇анд̇и яож̇зд̇аб̣б̣ам̣. ‘‘зва’’нд̇и ‘‘ниб̣б̣аанам̣ ниб̣б̣аана’’нд̇и важанамад̇д̇асааман̃н̃ам̣ г̇ахзд̇ваа вад̣̇ад̇и, на бана барамад̇т̇ад̇о д̇зсам̣ самаяз ниб̣б̣аанабан̃н̃аабанасса лаб̣бханад̇о, д̇зна вуд̇д̇ам̣ ‘‘саа жа на нияяаанигаа’’д̇иаад̣̇и. логат̇уубигаад̣̇ивасзнаад̇и зд̇т̇а аад̣̇и-сад̣̇д̣̇зна ‘‘ан̃н̃о бурисо, ан̃н̃аа багад̇ий’’д̇и багад̇ибурисанд̇арааваб̣од̇хо могко, б̣уд̣̇д̇хиаад̣̇иг̇ун̣авинимуд̇д̇асса ад̇д̇ано сагад̇д̇ани авадтаанам̣ могко, гааяабавад̇д̇иг̇ад̇иж̇аад̇иб̣анд̇хаанам̣ аббамаж̇ж̇анавасзна аббавад̇д̇о могко, яан̃н̃зхи ж̇уд̇зна барзна бурисзна салогад̇аа могко, самийбад̇аа могко, сахаяог̇о могкод̇и звамаад̣̇ийнам̣ сан̇г̇ахо д̣̇адтаб̣б̣о. яат̇аабан̃н̃ад̇д̇аад̇и бан̃н̃ад̇д̇аббагаараа худ̇ваа на нияяаад̇и, язнаагаарзна ‘‘нидтаа баабун̣ийяад̇ий’’д̇и д̇зхи бавзд̣̇ид̇аа, д̇знаагаарзна д̇ассаа аббад̇д̇аб̣б̣ад̇о на нияяаад̇и. бан̣д̣ид̇зхи бадигкид̇д̇аад̇и ‘‘нааяам̣ нидтаа бадибад̣̇аа ваддасса анад̇иггаманад̇о’’д̇и б̣уд̣̇д̇хаад̣̇ийхи бан̣д̣ид̇зхи бадигкид̇д̇аа. нивад̇д̇ад̇ийд̇и бадигкзбасса гааран̣аважанам̣, д̇асмаа д̇зхи бан̃н̃ад̇д̇аа нидтаа бадибад̣̇аа на нияяаад̇и, ан̃н̃ад̣̇ад̇т̇у д̇ам̣саман̇г̇инам̣ буг̇г̇алам̣ сам̣саарз зва бариб̣бхамаабзнд̇ий нивад̇д̇ад̇и.

    425. ‘‘Kasmā ārabhī’’ti kāraṇaṃ pucchitvā ‘‘aniyyānikabhāvadassanattha’’nti payojanaṃ vissajjitaṃ. Sati hi phalasiddhiyaṃ hetusiddhoyeva hotīti. Paññāpitaniṭṭhāyāti paveditavimuttimaggassa, vaṭṭadukkhapariyosānaṃ gacchati etāyāti ‘‘niṭṭhā’’ti vimutti vuttā. Niṭṭhāmaggo hi idha uttarapadalopena ‘‘niṭṭhā’’ti vutto. Tassa hi aniyyānikatā, niyyānikatā ca vuccati, na niṭṭhāya. Niyyānaṃ vā niggamanaṃ nissaraṇaṃ, vaṭṭadukkhassa vupasamoti attho. Niyyānameva niyyānikaṃ, na niyyānikaṃ aniyyānikaṃ, so eva bhāvo aniyyānikabhāvo, tassa dassanatthanti yojetabbaṃ. ‘‘Eva’’nti ‘‘nibbānaṃ nibbāna’’nti vacanamattasāmaññaṃ gahetvā vadati, na pana paramatthato tesaṃ samaye nibbānapaññāpanassa labbhanato, tena vuttaṃ ‘‘sā ca na niyyānikā’’tiādi. Lokathūpikādivasenāti ettha ādi-saddena ‘‘añño puriso, aññā pakatī’’ti pakatipurisantarāvabodho mokkho, buddhiādiguṇavinimuttassa attano sakattani avaṭṭhānaṃ mokkho, kāyapavattigatijātibandhānaṃ appamajjanavasena appavatto mokkho, yaññehi jutena parena purisena salokatā mokkho, samīpatā mokkho, sahayogo mokkhoti evamādīnaṃ saṅgaho daṭṭhabbo. Yathāpaññattāti paññattappakārā hutvā na niyyāti, yenākārena ‘‘niṭṭhā pāpuṇīyatī’’ti tehi paveditā, tenākārena tassā appattabbato na niyyāti. Paṇḍitehi paṭikkhittāti ‘‘nāyaṃ niṭṭhā paṭipadā vaṭṭassa anatikkamanato’’ti buddhādīhi paṇḍitehi paṭikkhittā. Nivattatīti paṭikkhepassa kāraṇavacanaṃ, tasmā tehi paññattā niṭṭhā paṭipadā na niyyāti, aññadatthu taṃsamaṅginaṃ puggalaṃ saṃsāre eva paribbhamāpentī nivattati.

    бад̇хаанам̣ ж̇аананам̣ наама бажжагкад̇о ж̇аананам̣ д̇асса бамаан̣аж̇здтабхаавад̇о, ид̇арасса сам̣саяаануб̣ад̣̇д̇хад̇д̇аад̇и вуд̇д̇ам̣ ‘‘ж̇аанам̣ басса’’нд̇и. д̇знзд̇т̇а д̣̇ассанзна ж̇аананам̣ висзсзд̇и. ид̣̇ам̣ вуд̇д̇ам̣ ход̇и – д̇умхаагам̣ зганд̇асукз логз бажжагкад̇о н̃аан̣ад̣̇ассанам̣ ад̇т̇ийд̇и. ж̇аананд̇и ваа д̇асса логасса анумаанависаяад̇ам̣ бужчад̇и, бассанд̇и бажжагкад̇о г̇ожарад̇ам̣. аяан̃хзд̇т̇а ад̇т̇о – аби д̇умхаагам̣ лого бажжагкад̇о н̃аад̇о, уд̣̇ааху анумаанад̇од̇и.

    Padhānaṃ jānanaṃ nāma paccakkhato jānanaṃ tassa pamāṇajeṭṭhabhāvato, itarassa saṃsayānubaddhattāti vuttaṃ ‘‘jānaṃ passa’’nti. Tenettha dassanena jānanaṃ viseseti. Idaṃ vuttaṃ hoti – tumhākaṃ ekantasukhe loke paccakkhato ñāṇadassanaṃ atthīti. Jānanti vā tassa lokassa anumānavisayataṃ pucchati, passanti paccakkhato gocarataṃ. Ayañhettha attho – api tumhākaṃ loko paccakkhato ñāto, udāhu anumānatoti.

    яасмаа логз бажжагкабхууд̇о ад̇т̇о инд̣̇рияаг̇ожарабхаавзна баагадо, д̇асмаа вуд̇д̇ам̣ ‘‘д̣̇идтабуб̣б̣ааний’’д̇иаад̣̇и. д̣̇идтабуб̣б̣аанийд̇и д̣̇идтаваа, д̣̇ассанабхууд̇зна, д̇ад̣̇ануг̇ад̇зна жа н̃аан̣зна г̇ахид̇абуб̣б̣аанийд̇и ад̇т̇о. зван̃жа гад̇ваа ‘‘сарийрасан̣таанаад̣̇ийний’’д̇и важанам̣ самад̇т̇ид̇ам̣ ход̇и. ‘‘аббаадихийрага д̇а’’нд̇и анунаасигалобам̣ гад̇ваа нид̣̇д̣̇зсод̇и ааха ‘‘аббаадихийрагам̣ д̇а’’нд̇и ‘‘аббаадихийрам̣ гад̇а’’нд̇и звамзд̇т̇а ван̣н̣знд̇и. бадибагкахаран̣ад̇о бадихаарияам̣, д̇ад̣̇зва баадихаарияам̣, уд̇д̇аравирахид̇ам̣ важанам̣. баадихаарияамзвзд̇т̇а ‘‘баадихийрага’’нд̇и ваа вуд̇д̇ам̣. на баадихийрагам̣ аббаадихийрагам̣ барзхи вужжамаанауд̇д̇арзхи сауд̇д̇арад̇д̇аа, д̇знааха ‘‘бадихаран̣авирахид̇а’’нд̇и. сауд̇д̇аран̃хи важанам̣ д̇зна уд̇д̇арзна бадихаарийяад̇и ад̇ивибаривад̇д̇ийяад̇и. д̇ад̇о зва нияяаанасса бадихаран̣амаг̇г̇асса абхаавад̇о ‘‘анияяаанига’’нд̇и вад̇д̇аб̣б̣ад̇ам̣ лабхад̇и.

    Yasmā loke paccakkhabhūto attho indriyagocarabhāvena pākaṭo, tasmā vuttaṃ ‘‘diṭṭhapubbānī’’tiādi. Diṭṭhapubbānīti diṭṭhavā, dassanabhūtena, tadanugatena ca ñāṇena gahitapubbānīti attho. Evañca katvā ‘‘sarīrasaṇṭhānādīnī’’ti vacanaṃ samatthitaṃ hoti. ‘‘Appāṭihīraka ta’’nti anunāsikalopaṃ katvā niddesoti āha ‘‘appāṭihīrakaṃ ta’’nti ‘‘appāṭihīraṃ kata’’nti evamettha vaṇṇenti. Paṭipakkhaharaṇato paṭihāriyaṃ, tadeva pāṭihāriyaṃ, uttaravirahitaṃ vacanaṃ. Pāṭihāriyamevettha ‘‘pāṭihīraka’’nti vā vuttaṃ. Na pāṭihīrakaṃ appāṭihīrakaṃ parehi vuccamānauttarehi sauttarattā, tenāha ‘‘paṭiharaṇavirahita’’nti. Sauttarañhi vacanaṃ tena uttarena paṭihārīyati ativiparivattīyati. Tato eva niyyānassa paṭiharaṇamaggassa abhāvato ‘‘aniyyānika’’nti vattabbataṃ labhati.

    426. вилаасо лийл̣аа. аагаббо гзсаб̣анд̇хавад̇т̇аг̇г̇ахан̣ам̣ аад̣̇иаагаарависзсо, взсасам̣вид̇хаанам̣ ваа. аад̣̇и-сад̣̇д̣̇зна бхааваад̣̇ийнам̣ сан̇г̇ахо д̣̇адтаб̣б̣о. ‘‘бхааво’’д̇и жа жаад̇урияам̣ взд̣̇ид̇аб̣б̣ам̣.

    426.Vilāso līḷā. Ākappo kesabandhavatthaggahaṇaṃ ādiākāraviseso, vesasaṃvidhānaṃ vā. Ādi-saddena bhāvādīnaṃ saṅgaho daṭṭhabbo. ‘‘Bhāvo’’ti ca cāturiyaṃ veditabbaṃ.

    д̇аяоад̇д̇абадилаабхаван̣н̣анаа

    Tayoattapaṭilābhavaṇṇanā

    428. аахид̇о ахам̣ маано зд̇т̇аад̇и ад̇д̇аа, ад̇д̇абхаавод̇и ааха ‘‘ад̇д̇абадилаабход̇и ад̇д̇абхаавабадилаабхо’’д̇и. гаамабхавам̣ д̣̇ассзд̇и д̇асса ид̇арад̣̇ваяад̇д̇абхаавад̇о ол̣ааригад̇д̇аа. руубабхавам̣ д̣̇ассзд̇и жхаанаманзна ниб̣б̣ад̇д̇ам̣ худ̇ваа руубийбхаавзна убалаб̣бханад̇о. сам̣гилзсигаа д̇хаммаа наама д̣̇ваад̣̇аса агусалажид̇д̇уббаад̣̇аа д̇ад̣̇абхаавз гассажи сам̣гилзсассааби асамбхавад̇о. вод̣̇аанияаа д̇хаммаа наама самат̇авибассанаа д̇аасам̣ васзна саб̣б̣асо жид̇д̇авод̣̇аанасса сиж̇жханад̇о.

    428. Āhito ahaṃ māno etthāti attā, attabhāvoti āha ‘‘attapaṭilābhoti attabhāvapaṭilābho’’ti. Kāmabhavaṃ dasseti tassa itaradvayattabhāvato oḷārikattā. Rūpabhavaṃ dasseti jhānamanena nibbattaṃ hutvā rūpībhāvena upalabbhanato. Saṃkilesikā dhammā nāma dvādasa akusalacittuppādā tadabhāve kassaci saṃkilesassāpi asambhavato. Vodāniyā dhammā nāma samathavipassanā tāsaṃ vasena sabbaso cittavodānassa sijjhanato.

    429. бадибагкад̇хаммаанам̣ асамужчзд̣̇з бана на гад̣̇аажиби анаваж̇ж̇ад̇хаммаанам̣ баарибуурий, взбуллам̣ ваа самбхавад̇и, самужчзд̣̇з бана сад̇и зва самбхавад̇ийд̇и маг̇г̇абан̃н̃аапалабан̃н̃аа-г̇г̇ахан̣ам̣. д̇аа хи сагим̣ барибун̣н̣аа барибун̣н̣аа зва абарихаанад̇хаммад̇д̇аа. д̇арун̣абийд̇ийд̇и уббаннамад̇д̇аа алад̣̇д̇хаасзванаа д̣̇уб̣б̣алаа бийд̇и. б̣алавад̇удтийд̇и бунаббунам̣ уббад̇д̇ияаа лад̣̇д̇хаасзванаа убаривисзсаад̇хиг̇амасса бажжаяабхууд̇аа т̇ирад̇араа бийд̇и. ‘‘яам̣ авожумхаа’’д̇иаад̣̇ийсу аяам̣ сан̇кзбад̇т̇о – яам̣ вохаарам̣ ‘‘сам̣гилзсигавод̣̇аанияад̇хаммаанам̣ бахаанаабхивуд̣̇д̇хинидтам̣ бан̃н̃ааяа баарибууривзбуллабхууд̇ам̣ имасмим̣язва ад̇д̇абхаавз абараббажжаязна н̃аан̣зна бажжагкад̇о самбаад̣̇зд̇ваа вихариссад̇ий’’д̇и гат̇аяимха. д̇ад̇т̇а д̇асмим̣ вихаарз д̇асса мама оваад̣̇агарасса бхигкуно звам̣ вуд̇д̇аббагаарзна вихаран̣анимид̇д̇ам̣ бамод̣̇аббабхаавид̇аа бийд̇и жа бхависсад̇и, д̇ассаа жа бажжаяабхууд̇ам̣ бассад̣̇д̇хид̣̇ваяам̣ саммад̣̇зва убадтид̇аа сад̇и жа уггам̣саг̇ад̇ам̣ н̃аан̣ан̃жа д̇ат̇аабхууд̇о жа со вихааро. санд̇абан̣ийд̇ад̇ааяа ад̇аббаго анан̃н̃асаад̇хааран̣о сукавихаарод̇и вад̇д̇аб̣б̣ад̇ам̣ арахад̇ийд̇и.

    429. Paṭipakkhadhammānaṃ asamucchede pana na kadācipi anavajjadhammānaṃ pāripūrī, vepullaṃ vā sambhavati, samucchede pana sati eva sambhavatīti maggapaññāphalapaññā-ggahaṇaṃ. Tā hi sakiṃ paripuṇṇā paripuṇṇā eva aparihānadhammattā. Taruṇapītīti uppannamattā aladdhāsevanā dubbalā pīti. Balavatuṭṭhīti punappunaṃ uppattiyā laddhāsevanā uparivisesādhigamassa paccayabhūtā thiratarā pīti. ‘‘Yaṃ avocumhā’’tiādīsu ayaṃ saṅkhepattho – yaṃ vohāraṃ ‘‘saṃkilesikavodāniyadhammānaṃ pahānābhivuddhiniṭṭhaṃ paññāya pāripūrivepullabhūtaṃ imasmiṃyeva attabhāve aparappaccayena ñāṇena paccakkhato sampādetvā viharissatī’’ti kathayimha. Tattha tasmiṃ vihāre tassa mama ovādakarassa bhikkhuno evaṃ vuttappakārena viharaṇanimittaṃ pamodappabhāvitā pīti ca bhavissati, tassā ca paccayabhūtaṃ passaddhidvayaṃ sammadeva upaṭṭhitā sati ca ukkaṃsagataṃ ñāṇañca tathābhūto ca so vihāro. Santapaṇītatāya atappako anaññasādhāraṇo sukhavihāroti vattabbataṃ arahatīti.

    батамаж̇жхаанз бадилад̣̇д̇хамад̇д̇з хийнабхаавад̇о бийд̇и д̣̇уб̣б̣алаа баамож̇ж̇абагкигаа, сувибхаавид̇з бана д̇асмим̣ баг̇ун̣з саа бан̣ийд̇аа б̣алавабхаавад̇о барибун̣н̣агижжаа бийд̇ийд̇и вуд̇д̇ам̣ ‘‘батамаж̇жхаанз баамож̇ж̇аад̣̇аяо чаби д̇хаммаа лаб̣бханд̇ий’’д̇и. ‘‘суко вихааро’’д̇и иминаа самаад̇хи г̇ахид̇о. сукам̣ г̇ахид̇анд̇и абарз, д̇зсам̣ мад̇зна санд̇асукад̇ааяа убзгкаа жад̇уд̇т̇аж̇жхаанз ‘‘сука’’нд̇и ижчид̇аа, д̇знааха ‘‘д̇ат̇аа жад̇уд̇т̇з’’д̇иаад̣̇и. баамож̇ж̇ам̣ нивад̇д̇ад̇ийд̇и д̣̇уб̣б̣алабийд̇исан̇каад̇ам̣ баамож̇ж̇ам̣ часу д̇хаммзсу нивад̇д̇ад̇и хааяад̇и. вид̇аггавижаарагкобхавирахзна д̣̇уд̇ияаж̇жхаанз саб̣б̣ад̣̇аа бийд̇и б̣алавад̇ий зва ход̇и, на батамаж̇жхаанз вияа гад̣̇аажи д̣̇уб̣б̣алаа. суд̣̇д̇хавибассанаа баад̣̇агаж̇жхаанамзваад̇и убари маг̇г̇ам̣ агат̇зд̇ваа гзвалам̣ вибассанаабаад̣̇агаж̇жхаанам̣ гат̇ид̇ам̣. жад̇уухи маг̇г̇зхи сад̣̇д̇хим̣ вибассанаа гат̇ид̇аад̇и вибассанааяа баад̣̇агабхаавзна жхаанаани гат̇зд̇ваа д̇ад̇о барам̣ вибассанаабуб̣б̣агаа жад̇д̇аароби маг̇г̇аа гат̇ид̇аад̇и ад̇т̇о. жад̇уд̇т̇аж̇жхаанигапаласамаабад̇д̇и гат̇ид̇аад̇и батамаж̇жхаанигаад̣̇игаа паласамаабад̇д̇ияо агат̇зд̇ваа жад̇уд̇т̇аж̇жхаанигаа зва паласамаабад̇д̇и гат̇ид̇аа. бийд̇ивзважанамзва гад̇ваад̇и д̣̇виннам̣ бийд̇ийнам̣ згасмим̣ жид̇д̇уббаад̣̇з ануббаж̇ж̇анад̇о баамож̇ж̇ам̣ бийд̇ивзважанамзва гад̇ваа. бийд̇исукаанам̣ абарижжад̇д̇ад̇д̇аа, ‘‘суко жа вихааро’’д̇и саад̇исаяасса сукавихаарасса г̇ахид̇ад̇д̇аа жа д̣̇уд̇ияаж̇жхаанигапаласамаабад̇д̇и наама гат̇ид̇аа. гаамам̣ батамаж̇жхаанзби бийд̇исукаани лаб̣бханд̇и, д̇аани бана вид̇аггавижаарагкобхзна на санд̇абан̣ийд̇аани, санд̇абан̣ийд̇аани жа ид̇хаад̇хиббзд̇аани.

    Paṭhamajjhāne paṭiladdhamatte hīnabhāvato pīti dubbalā pāmojjapakkhikā, suvibhāvite pana tasmiṃ paguṇe sā paṇītā balavabhāvato paripuṇṇakiccā pītīti vuttaṃ ‘‘paṭhamajjhāne pāmojjādayo chapi dhammā labbhantī’’ti. ‘‘Sukho vihāro’’ti iminā samādhi gahito. Sukhaṃ gahitanti apare, tesaṃ matena santasukhatāya upekkhā catutthajjhāne ‘‘sukha’’nti icchitā, tenāha ‘‘tathā catutthe’’tiādi. Pāmojjaṃ nivattatīti dubbalapītisaṅkhātaṃ pāmojjaṃ chasu dhammesu nivattati hāyati. Vitakkavicārakkhobhavirahena dutiyajjhāne sabbadā pīti balavatī eva hoti, na paṭhamajjhāne viya kadāci dubbalā. Suddhavipassanā pādakajjhānamevāti upari maggaṃ akathetvā kevalaṃ vipassanāpādakajjhānaṃ kathitaṃ. Catūhi maggehi saddhiṃ vipassanā kathitāti vipassanāya pādakabhāvena jhānāni kathetvā tato paraṃ vipassanāpubbakā cattāropi maggā kathitāti attho. Catutthajjhānikaphalasamāpatti kathitāti paṭhamajjhānikādikā phalasamāpattiyo akathetvā catutthajjhānikā eva phalasamāpatti kathitā. Pītivevacanameva katvāti dvinnaṃ pītīnaṃ ekasmiṃ cittuppāde anuppajjanato pāmojjaṃ pītivevacanameva katvā. Pītisukhānaṃ apariccattattā, ‘‘sukho ca vihāro’’ti sātisayassa sukhavihārassa gahitattā ca dutiyajjhānikaphalasamāpatti nāma kathitā. Kāmaṃ paṭhamajjhānepi pītisukhāni labbhanti, tāni pana vitakkavicārakkhobhena na santapaṇītāni, santapaṇītāni ca idhādhippetāni.

    432-437. вибхааванад̇т̇од̇и багаасанад̇т̇о саруубад̇о нируубанад̇т̇о, д̇знааха ‘‘аяам̣ со’’д̇иаад̣̇и. нанд̇и ол̣ааригам̣ ад̇д̇абадилаабхам̣. саббадихаран̣анд̇и барзна жод̣̇ид̇аважанзна сабарихаарам̣ сауд̇д̇арам̣. д̇ужчод̇и мусаа абхууд̇о. свзваад̇и со зва ад̇д̇абадилаабхо. д̇асмим̣ самаяз ход̇ийд̇и д̇асмим̣ бажжуббаннасамаяз виж̇ж̇амаано ход̇и. ад̇д̇абадилаабход̇взва нияяаад̇зси, на нам̣ саруубад̇о нийхарид̇ваа д̣̇ассзси. руубаад̣̇аяо жзд̇т̇а д̇хаммаад̇и руубавзд̣̇анаад̣̇аяо зва зд̇т̇а логз сабхаавад̇хаммаа. ад̇д̇абадилаабход̇и бана д̇з руубаад̣̇игз бан̃жагканд̇хз убаад̣̇ааяа бан̃н̃ад̇д̇и, д̇знааха ‘‘наамамад̇д̇амзд̇а’’нд̇и. наамабан̣н̣ад̇д̇ивасзнаад̇и наамабхууд̇абан̃н̃ад̇д̇имад̇д̇ад̇аавасзна.

    432-437.Vibhāvanatthoti pakāsanattho sarūpato nirūpanattho, tenāha ‘‘ayaṃ so’’tiādi. Nanti oḷārikaṃ attapaṭilābhaṃ. Sappaṭiharaṇanti parena coditavacanena saparihāraṃ sauttaraṃ. Tucchoti musā abhūto. Svevāti so eva attapaṭilābho. Tasmiṃ samaye hotīti tasmiṃ paccuppannasamaye vijjamāno hoti. Attapaṭilābhotveva niyyātesi, na naṃ sarūpato nīharitvā dassesi. Rūpādayo cettha dhammāti rūpavedanādayo eva ettha loke sabhāvadhammā. Attapaṭilābhoti pana te rūpādike pañcakkhandhe upādāya paññatti, tenāha ‘‘nāmamattameta’’nti. Nāmapaṇṇattivasenāti nāmabhūtapaññattimattatāvasena.

    438. зван̃жа бана вад̇ваад̇и ‘‘ад̇д̇абадилаабход̇и руубаад̣̇игз убаад̣̇ааяа бан̃н̃ад̇д̇имад̇д̇а’’нд̇и имамад̇т̇ам̣ ‘‘яасмим̣ жид̇д̇а самаяз’’д̇иаад̣̇инаа вад̇ваа. бадибужчид̇ваа винаяанад̇т̇анд̇и яат̇аа барз бужчзяяум̣, д̇знаагаарзна гаалавибхааг̇ад̇о бадибад̣̇аани бужчид̇ваа д̇асса ад̇т̇асса н̃аабанавасзна винаяанад̇т̇ам̣. д̇асмим̣ самаяз сажжо ахосийд̇и д̇асмим̣ ад̇ийд̇асамаяз убаад̣̇аанасса виж̇ж̇амаанад̇ааяа сажжабхууд̇о виж̇ж̇амаано вияа вад̇д̇аб̣б̣о ахоси, на бана анааг̇ад̇о ид̣̇аани бажжуббанно ваа ад̇д̇абадилаабхо д̇ад̣̇убаад̣̇аанасса д̇ад̣̇аа авиж̇ж̇амаанад̇д̇аа. яз д̇з ад̇ийд̇аа д̇хаммаа ад̇ийд̇асамаяз ад̇ийд̇ад̇д̇абадилаабхасса убаад̣̇аанабхууд̇аа руубаад̣̇аяо. д̇з зд̇арахи над̇т̇и нируд̣̇д̇хад̇д̇аа. д̇ад̇о зва ахзсунд̇и сан̇кяам̣ г̇ад̇аа. д̇асмаад̇и д̇асмим̣язва самаяз лаб̣бханад̇о. соби д̇ад̣̇убаад̣̇аано мз ад̇д̇абадилаабхо д̇асмим̣язва ад̇ийд̇асамаяз сажжо бхууд̇о виж̇ж̇амаано вияа ахоси. анааг̇ад̇абажжуббаннаананд̇и анааг̇ад̇аанан̃жзва бажжуббаннаанан̃жа руубад̇хаммаанам̣ убаад̣̇аанабхууд̇аанам̣ д̇ад̣̇аа д̇асмим̣ ад̇ийд̇асамаяз абхааваа д̇ад̣̇убаад̣̇аано анааг̇ад̇о бажжуббанно жа ад̇д̇абадилаабхо д̇асмим̣ ад̇ийд̇асамаяз могхо д̇ужчо мусаа над̇т̇ийд̇и ад̇т̇о. наамамад̇д̇амзваад̇и саман̃н̃аамад̇д̇амзва. ад̇д̇абадилаабхам̣ бадиж̇аанаад̇и барамад̇т̇ад̇о анубалаб̣бхамаанад̇д̇аа.

    438.Evañcapana vatvāti ‘‘attapaṭilābhoti rūpādike upādāya paññattimatta’’nti imamatthaṃ ‘‘yasmiṃ citta samaye’’tiādinā vatvā. Paṭipucchitvā vinayanatthanti yathā pare puccheyyuṃ, tenākārena kālavibhāgato paṭipadāni pucchitvā tassa atthassa ñāpanavasena vinayanatthaṃ. Tasmiṃ samaye sacco ahosīti tasmiṃ atītasamaye upādānassa vijjamānatāya saccabhūto vijjamāno viya vattabbo ahosi, na pana anāgato idāni paccuppanno vā attapaṭilābho tadupādānassa tadā avijjamānattā. Ye te atītā dhammā atītasamaye atītattapaṭilābhassa upādānabhūtā rūpādayo. Te etarahi natthi niruddhattā. Tato eva ahesunti saṅkhyaṃ gatā. Tasmāti tasmiṃyeva samaye labbhanato. Sopi tadupādāno me attapaṭilābho tasmiṃyeva atītasamaye sacco bhūto vijjamāno viya ahosi. Anāgatapaccuppannānanti anāgatānañceva paccuppannānañca rūpadhammānaṃ upādānabhūtānaṃ tadā tasmiṃ atītasamaye abhāvā tadupādāno anāgato paccuppanno ca attapaṭilābho tasmiṃ atītasamaye mogho tuccho musā natthīti attho. Nāmamattamevāti samaññāmattameva. Attapaṭilābhaṃ paṭijānāti paramatthato anupalabbhamānattā.

    ‘‘зсзва наяо’’д̇и иминаа яз д̇з анааг̇ад̇аа д̇хаммаа, д̇з зд̇арахи над̇т̇и, ‘‘бхависсанд̇ий’’д̇и бана сан̇кяам̣ г̇амиссанд̇и, д̇асмаа соби мз ад̇д̇абадилаабхо д̇асмим̣язва самаяз сажжо бхависсад̇и. ад̇ийд̇абажжуббаннаанам̣ бана д̇хаммаанам̣ д̇ад̣̇аа абхааваа д̇асмим̣ самаяз могхо ад̇ийд̇о могхо бажжуббанно. яз имз бажжуббаннаа д̇хаммаа, д̇з зд̇арахи ад̇т̇и, д̇асмаа яояам̣ мз ад̇д̇абадилаабхо, со ид̣̇аани сажжо. ад̇ийд̇аанааг̇ад̇аанам̣ бана д̇хаммаанам̣ ид̣̇аани абхааваа д̇асмим̣ самаяз могхо ад̇ийд̇о могхо анааг̇ад̇од̇и звам̣ ад̇т̇ад̇о наамамад̇д̇амзва ад̇д̇абадилаабхам̣ бадиж̇аанаад̇ийд̇и имамад̇т̇ам̣ ад̇ид̣̇исад̇и.

    ‘‘Eseva nayo’’ti iminā ye te anāgatā dhammā, te etarahi natthi, ‘‘bhavissantī’’ti pana saṅkhyaṃ gamissanti, tasmā sopi me attapaṭilābho tasmiṃyeva samaye sacco bhavissati. Atītapaccuppannānaṃ pana dhammānaṃ tadā abhāvā tasmiṃ samaye mogho atīto mogho paccuppanno. Ye ime paccuppannā dhammā, te etarahi atthi, tasmā yoyaṃ me attapaṭilābho, so idāni sacco. Atītānāgatānaṃ pana dhammānaṃ idāni abhāvā tasmiṃ samaye mogho atīto mogho anāgatoti evaṃ atthato nāmamattameva attapaṭilābhaṃ paṭijānātīti imamatthaṃ atidisati.

    439-443. сам̣санд̣̇ид̇унд̇и самаанзд̇ум̣. яасмим̣ самаяз кийрам̣ ход̇ийд̇и яасмим̣ гаалз бхууд̇убаад̣̇ааяасан̃н̃ид̇ам̣ убаад̣̇аанависзсам̣ убаад̣̇ааяа кийрабан̃н̃ад̇д̇и ход̇и. на д̇асмим̣…бз… г̇ажчад̇и кийрабан̃н̃ад̇д̇иубаад̣̇аанасса д̣̇ад̇хиаад̣̇ибан̃н̃ад̇д̇ияаа анубаад̣̇аанад̇о. бадинияад̇авад̇т̇угаа хи згаа логасаман̃н̃аа, д̇знааха ‘‘яз д̇хаммз убаад̣̇ааяаа’’д̇иаад̣̇и. д̇ад̇т̇а сан̇кааяад̇и зд̇ааяаад̇и сан̇каа, бан̃н̃ад̇д̇и. нид̣̇д̇хаарзд̇ваа важанд̇и вад̣̇анд̇и зд̇ааяаад̇и нируд̇д̇и. наманд̇и зд̇знаад̇и наамам̣. вохаранд̇и зд̇знаад̇и вохааро, бан̃н̃ад̇д̇иязва. зса наяо саб̣б̣ад̇т̇аад̇и ‘‘яасмим̣ самаяз’’д̇иаад̣̇инаа кийрз вуд̇д̇анаяам̣ д̣̇ад̇хиаад̣̇ийсу ад̇ид̣̇исад̇и.

    439-443.Saṃsanditunti samānetuṃ. Yasmiṃ samaye khīraṃ hotīti yasmiṃ kāle bhūtupādāyasaññitaṃ upādānavisesaṃ upādāya khīrapaññatti hoti. Na tasmiṃ…pe… gacchati khīrapaññattiupādānassa dadhiādipaññattiyā anupādānato. Paṭiniyatavatthukā hi ekā lokasamaññā, tenāha ‘‘ye dhamme upādāyā’’tiādi. Tattha saṅkhāyati etāyāti saṅkhā, paññatti. Niddhāretvā vacanti vadanti etāyāti nirutti. Namanti etenāti nāmaṃ. Voharanti etenāti vohāro, paññattiyeva. Esa nayo sabbatthāti ‘‘yasmiṃ samaye’’tiādinā khīre vuttanayaṃ dadhiādīsu atidisati.

    самануж̇аананамад̇д̇агаанийд̇и ‘‘ид̣̇ам̣ кийрам̣, ид̣̇ам̣ д̣̇ад̇хий’’д̇иаад̣̇инаа д̇аад̣̇исз бхууд̇убаад̣̇ааяаруубависзсз логз барамбараабхад̇ам̣ бан̃н̃ад̇д̇им̣ аббадигкибид̇ваа самануж̇аананам̣ вияа бажжаяависзсависидтам̣ руубаад̣̇иканд̇хасамуухам̣ убаад̣̇ааяа ‘‘ол̣аариго ад̇д̇абадилаабхо’’д̇и жа ‘‘маномаяо ад̇д̇абадилаабхо’’д̇и жа ‘‘аруубо ад̇д̇абадилаабхо’’д̇и жа д̇ат̇аа д̇ат̇аа самануж̇аананамад̇д̇агаани, на жа д̇аб̣б̣инимуд̇д̇о убаад̣̇аанад̇о ан̃н̃о гожи ад̇т̇о ад̇т̇ийд̇и ад̇т̇о. нируд̇д̇имад̇д̇агаанийд̇и сад̣̇д̣̇анируд̇д̇ияаа г̇ахан̣уубааяамад̇д̇агаани. ‘‘сад̇д̇о пассод̇и хи сад̣̇д̣̇аг̇г̇ахан̣уд̇д̇арагаалам̣ д̇ад̣̇анувид̣̇д̇хабан̣н̣ад̇д̇иг̇г̇ахан̣амукзнзва д̇ад̣̇ад̇т̇ааваб̣од̇хо. важанабат̇амад̇д̇агаанийд̇и д̇ассзва взважанам̣. вохаарамад̇д̇агаанийд̇и д̇ат̇аа д̇ат̇аа вохаарамад̇д̇агаани. наамабан̣н̣ад̇д̇имад̇д̇агаанийд̇и д̇ассзва взважанам̣, д̇ам̣д̇ам̣наамабан̃н̃аабанамад̇д̇агаани. саб̣б̣амзд̇анд̇и ‘‘ад̇д̇абадилаабхо’’д̇и ваа ‘‘сад̇д̇о’’д̇и ваа ‘‘босо’’д̇и ваа саб̣б̣амзд̇ам̣ вохаарамад̇д̇агам̣ барамад̇т̇ад̇о анубалаб̣бханад̇о, д̇знааха ‘‘яасмаа барамад̇т̇ад̇о сад̇д̇о наама над̇т̇ий’’д̇иаад̣̇и.

    Samanujānanamattakānīti ‘‘idaṃ khīraṃ, idaṃ dadhī’’tiādinā tādise bhūtupādāyarūpavisese loke paramparābhataṃ paññattiṃ appaṭikkhipitvā samanujānanaṃ viya paccayavisesavisiṭṭhaṃ rūpādikhandhasamūhaṃ upādāya ‘‘oḷāriko attapaṭilābho’’ti ca ‘‘manomayo attapaṭilābho’’ti ca ‘‘arūpo attapaṭilābho’’ti ca tathā tathā samanujānanamattakāni, na ca tabbinimutto upādānato añño koci attho atthīti attho. Niruttimattakānīti saddaniruttiyā gahaṇūpāyamattakāni. ‘‘Satto phassoti hi saddaggahaṇuttarakālaṃ tadanuviddhapaṇṇattiggahaṇamukheneva tadatthāvabodho. Vacanapathamattakānīti tasseva vevacanaṃ. Vohāramattakānīti tathā tathā vohāramattakāni. Nāmapaṇṇattimattakānīti tasseva vevacanaṃ, taṃtaṃnāmapaññāpanamattakāni. Sabbametanti ‘‘attapaṭilābho’’ti vā ‘‘satto’’ti vā ‘‘poso’’ti vā sabbametaṃ vohāramattakaṃ paramatthato anupalabbhanato, tenāha ‘‘yasmā paramatthato satto nāma natthī’’tiādi.

    яад̣̇и звам̣ гасмаа д̇ам̣ б̣уд̣̇д̇хзхиби вужжад̇ийд̇и ааха ‘‘б̣уд̣̇д̇хаанам̣ бана д̣̇вз гат̇аа’’д̇иаад̣̇и. саммуд̇ияаа вохаарасса гат̇анам̣ саммуд̇игат̇аа. барамад̇т̇асса сабхаавад̇хаммасса гат̇анам̣ барамад̇т̇агат̇аа. анижжаад̣̇игат̇ааби барамад̇т̇асанниссид̇агат̇аа барамад̇т̇агат̇аад̇и гад̇ваа барамад̇т̇агат̇аа. барамад̇т̇ад̇хаммо хи ‘‘анижжо, д̣̇угко, анад̇д̇аа’’д̇и жа вужжад̇и , на саммуд̇ид̇хаммо. гасмаа банзвам̣ д̣̇увид̇хаа б̣уд̣̇д̇хаанам̣ гат̇аабавад̇д̇ийд̇и д̇ад̇т̇а гааран̣амааха ‘‘д̇ад̇т̇а яо’’д̇иаад̣̇инаа. яасмаа барамад̇т̇агат̇ааяа сажжасамбадивзд̇хо, арияасажжагат̇аа жа сикааббад̇д̇аа д̣̇зсанаа, д̇асмаа винзяяабуг̇г̇алавасзна саммуд̇игат̇ам̣ гат̇знд̇оби бхаг̇аваа барамад̇т̇агат̇ам̣язва гат̇зд̇ийд̇и ааха ‘‘д̇асса бхаг̇аваа аад̣̇ид̇ова…бз… гат̇зд̇ий’’д̇и, д̇знааха ‘‘д̇ат̇аа’’д̇иаад̣̇и, д̇знасса гад̇т̇ажи саммуд̇игат̇аабуб̣б̣игаа барамад̇т̇агат̇аа ход̇и буг̇г̇алаж̇жхаасаяавасзна, гад̇т̇ажи барамад̇т̇агат̇аабуб̣б̣игаа саммуд̇игат̇аа. ид̇и винзяяад̣̇аманагусаласса сад̇т̇у винзяяаж̇жхаасаяавасзна д̇ат̇аа д̇ат̇аа д̣̇зсанаабавад̇д̇ийд̇и д̣̇ассзд̇и. саб̣б̣ад̇т̇а бана бхаг̇аваа д̇хаммад̇ам̣ авиж̇аханд̇о зва саммуд̇им̣ анувад̇д̇ад̇и, саммуд̇им̣ абарижжаж̇анд̇оязва д̇хаммад̇ам̣ вибхаавзд̇и, на д̇ад̇т̇а абхинивзсаад̇ид̇хааванаани. вуд̇д̇ан̃хзд̇ам̣ ‘‘ж̇анабад̣̇анируд̇д̇им̣ наабхинивисзяяа, саман̃н̃ам̣ наад̇ид̇хаавзяяаа’’д̇и.

    Yadi evaṃ kasmā taṃ buddhehipi vuccatīti āha ‘‘buddhānaṃ pana dve kathā’’tiādi. Sammutiyā vohārassa kathanaṃ sammutikathā. Paramatthassa sabhāvadhammassa kathanaṃ paramatthakathā. Aniccādikathāpi paramatthasannissitakathā paramatthakathāti katvā paramatthakathā. Paramatthadhammo hi ‘‘anicco, dukkho, anattā’’ti ca vuccati , na sammutidhammo. Kasmā panevaṃ duvidhā buddhānaṃ kathāpavattīti tattha kāraṇamāha ‘‘tattha yo’’tiādinā. Yasmā paramatthakathāya saccasampaṭivedho, ariyasaccakathā ca sikhāppattā desanā, tasmā vineyyapuggalavasena sammutikathaṃ kathentopi bhagavā paramatthakathaṃyeva kathetīti āha ‘‘tassa bhagavā āditova…pe… kathetī’’ti, tenāha ‘‘tathā’’tiādi, tenassa katthaci sammutikathāpubbikā paramatthakathā hoti puggalajjhāsayavasena, katthaci paramatthakathāpubbikā sammutikathā. Iti vineyyadamanakusalassa satthu vineyyajjhāsayavasena tathā tathā desanāpavattīti dasseti. Sabbattha pana bhagavā dhammataṃ avijahanto eva sammutiṃ anuvattati, sammutiṃ apariccajantoyeva dhammataṃ vibhāveti, na tattha abhinivesātidhāvanāni. Vuttañhetaṃ ‘‘janapadaniruttiṃ nābhiniviseyya, samaññaṃ nātidhāveyyā’’ti.

    батамам̣ саммуд̇им̣ гад̇ваа гат̇анам̣ бана взнзяяавасзна язбхуяязна б̣уд̣̇д̇хаанам̣ аажин̣н̣анд̇и д̇ам̣ гааран̣зна сад̣̇д̇хим̣ д̣̇ассзнд̇о ‘‘багад̇ияаа банаа’’д̇иаад̣̇имааха. нану жа саммуд̇и наама барамад̇т̇ад̇о авиж̇ж̇амаанад̇д̇аа абхууд̇аа, д̇ам̣ гат̇ам̣ б̣уд̣̇д̇хаа гат̇знд̇ийд̇и ааха ‘‘саммуд̇игат̇ам̣ гат̇знд̇аабий’’д̇иаад̣̇и. сажжамзваад̇и д̇ат̇амзва. сабхаавамзваад̇и саммуд̇ибхаавзна д̇ам̣сабхаавамзва, д̇знааха ‘‘амусааваа’’д̇и. барамад̇т̇асса бана сажжаад̣̇ибхаавз вад̇д̇аб̣б̣амзва над̇т̇и.

    Paṭhamaṃ sammutiṃ katvā kathanaṃ pana veneyyavasena yebhuyyena buddhānaṃ āciṇṇanti taṃ kāraṇena saddhiṃ dassento ‘‘pakatiyā panā’’tiādimāha. Nanu ca sammuti nāma paramatthato avijjamānattā abhūtā, taṃ kathaṃ buddhā kathentīti āha ‘‘sammutikathaṃ kathentāpī’’tiādi. Saccamevāti tathameva. Sabhāvamevāti sammutibhāvena taṃsabhāvameva, tenāha ‘‘amusāvā’’ti. Paramatthassa pana saccādibhāve vattabbameva natthi.

    имзсам̣ бана саммуд̇ибарамад̇т̇аанам̣ го висзсо? яасмим̣ бхиннз, б̣уд̣̇д̇хияаа ваа аваяававиниб̣бхог̇з гад̇з на д̇ам̣сан̃н̃аа, со гхадабадаад̣̇иббабхзд̣̇о саммуд̇и, д̇аб̣б̣ибарияааяад̇о барамад̇т̇о. на хи гагкал̣апусанаад̣̇исабхаавз аяам̣ наяо лаб̣бхад̇и. звам̣ санд̇зби вуд̇д̇анаязна саммуд̇иби сажжасабхааваа зваад̇и ааха ‘‘д̣̇увз сажжаани агкаасий’’д̇иаад̣̇и.

    Imesaṃ pana sammutiparamatthānaṃ ko viseso? Yasmiṃ bhinne, buddhiyā vā avayavavinibbhoge kate na taṃsaññā, so ghaṭapaṭādippabhedo sammuti, tabbipariyāyato paramattho. Na hi kakkhaḷaphusanādisabhāve ayaṃ nayo labbhati. Evaṃ santepi vuttanayena sammutipi saccasabhāvā evāti āha ‘‘duve saccāni akkhāsī’’tiādi.

    ид̣̇аани нзсам̣ сажжасабхаавам̣ гааран̣зна д̣̇ассзнд̇о ‘‘сан̇гзд̇аважанам̣ сажжанд̇и г̇аат̇амааха. д̇ад̇т̇а сан̇гзд̇аважанам̣ сажжам̣ висам̣ваад̣̇анаабхаавад̇о. д̇ад̇т̇а хзд̇умааха ‘‘логасаммуд̇игааран̣а’’нд̇и. логасид̣̇д̇хаа хи саммуд̇и сан̇гзд̇аважанасса ависам̣ваад̣̇анад̇ааяа гааран̣ам̣. барамо уд̇д̇амо ад̇т̇о барамад̇т̇о, д̇хаммаанам̣ яат̇аабхууд̇асабхааво. д̇асса важанам̣ сажжам̣ яаат̇аавад̇о ависам̣ваад̣̇анавасзна жа бавад̇д̇анад̇о. д̇ад̇т̇а гааран̣амааха ‘‘д̇хаммаанам̣ бхууд̇алагкан̣а’’нд̇и, сабхаавад̇хаммаанам̣ яо бхууд̇о авибарийд̇о сабхааво, д̇асса лагкан̣ам̣ ан̇г̇анам̣ н̃аабананд̇и гад̇ваа.

    Idāni nesaṃ saccasabhāvaṃ kāraṇena dassento ‘‘saṅketavacanaṃ saccanti gāthamāha. Tattha saṅketavacanaṃ saccaṃ visaṃvādanābhāvato. Tattha hetumāha ‘‘lokasammutikāraṇa’’nti. Lokasiddhā hi sammuti saṅketavacanassa avisaṃvādanatāya kāraṇaṃ. Paramo uttamo attho paramattho, dhammānaṃ yathābhūtasabhāvo. Tassa vacanaṃ saccaṃ yāthāvato avisaṃvādanavasena ca pavattanato. Tattha kāraṇamāha ‘‘dhammānaṃ bhūtalakkhaṇa’’nti, sabhāvadhammānaṃ yo bhūto aviparīto sabhāvo, tassa lakkhaṇaṃ aṅganaṃ ñāpananti katvā.

    яад̣̇и д̇ат̇ааг̇ад̇о барамад̇т̇асажжам̣ саммад̣̇зва абхисамб̣уж̇жхид̇ваа тид̇оби логасаман̃н̃ам̣ г̇ахзд̇ваава вад̣̇ад̇и, го зд̇т̇а логияамахааж̇анзхи висзсод̇и ааха. ‘‘яаахи д̇ат̇ааг̇ад̇о вохарад̇и абараамааса’’нд̇иаад̣̇и. логияамахааж̇ано аббахийнабараамаасад̇д̇аа ‘‘зд̇ам̣ мамаа’’д̇иаад̣̇инаа бараамасанд̇о вохарад̇и, д̇ат̇ааг̇ад̇о бана саб̣б̣асо бахийнабараамаасад̇д̇аа абараамасанд̇о яасмаа логасаман̃н̃аахи винаа логияо ад̇т̇о логз гзнажи д̣̇увин̃н̃зяяо, д̇асмаа д̇аахи д̇ам̣ вохарад̇и. д̇ат̇аа вохаранд̇о зва жа ад̇д̇ано д̣̇зсанаавилаасзна взнзяяасад̇д̇з барамад̇т̇асажжз бад̇идтабзд̇и. д̣̇зсанам̣ виниваддзд̇ваад̇и хздтаа бавад̇д̇ид̇агат̇ааяа виниваддзд̇ваа вивзжзд̇ваа д̣̇зсанам̣ ‘‘абараамааса’’нд̇и д̇ан̣хаамаанабараамаасаббахаанагид̇д̇анзна арахад̇д̇анигуудзна нидтаабзси. яам̣ яам̣ банзд̇т̇а ад̇т̇ад̇о на вибхад̇д̇ам̣, д̇ам̣ сувин̃н̃зяяамзва.

    Yadi tathāgato paramatthasaccaṃ sammadeva abhisambujjhitvā ṭhitopi lokasamaññaṃ gahetvāva vadati, ko ettha lokiyamahājanehi visesoti āha. ‘‘Yāhi tathāgato voharati aparāmāsa’’ntiādi. Lokiyamahājano appahīnaparāmāsattā ‘‘etaṃ mamā’’tiādinā parāmasanto voharati, tathāgato pana sabbaso pahīnaparāmāsattā aparāmasanto yasmā lokasamaññāhi vinā lokiyo attho loke kenaci duviññeyyo, tasmā tāhi taṃ voharati. Tathā voharanto eva ca attano desanāvilāsena veneyyasatte paramatthasacce patiṭṭhapeti. Desanaṃ vinivaṭṭetvāti heṭṭhā pavattitakathāya vinivaṭṭetvā vivecetvā desanaṃ ‘‘aparāmāsa’’nti taṇhāmānaparāmāsappahānakittanena arahattanikūṭena niṭṭhāpesi. Yaṃ yaṃ panettha atthato na vibhattaṃ, taṃ suviññeyyameva.

    бодтабаад̣̇асуд̇д̇аван̣н̣анааяа лийнад̇т̇аббагаасанаа.

    Poṭṭhapādasuttavaṇṇanāya līnatthappakāsanā.




    Next: 10. субхасуд̇д̇аван̣н̣анаа • 10. Subhasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 9. бодтабаад̣̇асуд̇д̇ам̣ • 9. Poṭṭhapādasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 9. бодтабаад̣̇асуд̇д̇аван̣н̣анаа • 9. Poṭṭhapādasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact