| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. буб̣б̣агаммабилод̇игаб̣уд̣̇д̇хаабад̣̇аанаван̣н̣анаа
10. Pubbakammapilotikabuddhaapadānavaṇṇanā
64. д̣̇асамаабад̣̇аанз анод̇ад̇д̇асараасаннзд̇и баб̣б̣ад̇агуудзхи бадижчаннад̇д̇аа жанд̣̇имасуурияаанам̣ санд̇аабзхи од̇ад̇д̇ам̣ ун̣хам̣ уд̣̇агам̣ зд̇т̇а над̇т̇ийд̇и анод̇ад̇д̇о. саранд̇и г̇ажчанд̇и бабхаванд̇и санд̣̇анд̇и зд̇асмаа махаанад̣̇ияод̇и саро. сийхамукаад̣̇ийхи нигканд̇аа махаанад̣̇ияо д̇игкад̇д̇ум̣ д̇игкад̇д̇ум̣ бад̣̇агкин̣ам̣ гад̇ваа нигканд̇анигканд̇ад̣̇исаабхааг̇зна саранд̇и г̇ажчанд̇ийд̇и ад̇т̇о. анод̇ад̇д̇о жа со саро жаад̇и анод̇ад̇д̇асаро . д̇асса аасаннам̣ самийбадтаананд̇и анод̇ад̇д̇асараасаннам̣, д̇асмим̣ анод̇ад̇д̇асараасаннз, самийбзд̇и ад̇т̇о. раман̣ийязд̇и д̣̇звад̣̇аанаваг̇анд̇хаб̣б̣агиннарораг̇аб̣уд̣̇д̇хабажжзгаб̣уд̣̇д̇хаад̣̇ийхи рамид̇аб̣б̣ам̣ аллийяид̇аб̣б̣анд̇и раман̣ийяам̣, д̇асмим̣ раман̣ийяз. силаад̇алзд̇и згаг̇гханабаб̣б̣ад̇асилаад̇алзд̇и ад̇т̇о. наанаарад̇анабаж̇ж̇од̇зд̇и бад̣̇умарааг̇авзл̣урияаад̣̇инаанааанзгзхи рад̇анзхи баж̇ж̇од̇з багаарзна ж̇од̇амаанз. наанааг̇анд̇хавананд̇арзд̇и наанаббагаарзхи жанд̣̇анааг̇аругаббуурад̇амаалад̇илагаасоганааг̇абуннааг̇агзд̇агаад̣̇ийхи анзгзхи суг̇анд̇хабубпзхи г̇аханийбхууд̇авананд̇арз силаад̇алзд̇и самб̣анд̇хо.
64. Dasamāpadāne anotattasarāsanneti pabbatakūṭehi paṭicchannattā candimasūriyānaṃ santāpehi otattaṃ uṇhaṃ udakaṃ ettha natthīti anotatto. Saranti gacchanti pabhavanti sandanti etasmā mahānadiyoti saro. Sīhamukhādīhi nikkhantā mahānadiyo tikkhattuṃ tikkhattuṃ padakkhiṇaṃ katvā nikkhantanikkhantadisābhāgena saranti gacchantīti attho. Anotatto ca so saro cāti anotattasaro . Tassa āsannaṃ samīpaṭṭhānanti anotattasarāsannaṃ, tasmiṃ anotattasarāsanne, samīpeti attho. Ramaṇīyeti devadānavagandhabbakinnaroragabuddhapaccekabuddhādīhi ramitabbaṃ allīyitabbanti ramaṇīyaṃ, tasmiṃ ramaṇīye. Silātaleti ekagghanapabbatasilātaleti attho. Nānāratanapajjoteti padumarāgaveḷuriyādinānāanekehi ratanehi pajjote pakārena jotamāne. Nānāgandhavanantareti nānappakārehi candanāgarukappūratamālatilakāsokanāgapunnāgaketakādīhi anekehi sugandhapupphehi gahanībhūtavanantare silātaleti sambandho.
65. г̇ун̣амаханд̇ад̇ааяа сан̇кяаамаханд̇ад̇ааяа жа махад̇аа бхигкусан̇гхзна, барзд̇о баривуд̇о логанааяаго логад̇д̇аяасаамисаммаасамб̣уд̣̇д̇хо д̇ад̇т̇а силаасанз нисинно ад̇д̇ано буб̣б̣аани гаммаани б̣яаагарий висзсзна баагадамагаасийд̇и ад̇т̇о. сзсамзд̇т̇а хздтаа б̣уд̣̇д̇хаабад̣̇аанз (аба. т̇зра 1.1.1 аад̣̇аяо) вуд̇д̇ад̇д̇аа уд̇д̇аанад̇т̇ад̇д̇аа жа сувин̃н̃зяяамзва. б̣уд̣̇д̇хаабад̣̇аанз анд̇ог̇ад̇хамби ид̇хаабад̣̇аанз гусалаагусалам̣ гаммасам̣суужагад̇д̇аа ваг̇г̇асан̇г̇ахавасзна д̇хаммасан̇г̇аахагад̇т̇зраа сан̇г̇ааяим̣сууд̇и.
65. Guṇamahantatāya saṅkhyāmahantatāya ca mahatā bhikkhusaṅghena, pareto parivuto lokanāyako lokattayasāmisammāsambuddho tattha silāsane nisinno attano pubbāni kammāni byākarī visesena pākaṭamakāsīti attho. Sesamettha heṭṭhā buddhāpadāne (apa. thera 1.1.1 ādayo) vuttattā uttānatthattā ca suviññeyyameva. Buddhāpadāne antogadhampi idhāpadāne kusalākusalaṃ kammasaṃsūcakattā vaggasaṅgahavasena dhammasaṅgāhakattherā saṅgāyiṃsūti.
буб̣б̣агаммабилод̇игаб̣уд̣̇д̇хаабад̣̇аанаван̣н̣анаа самад̇д̇аа.
Pubbakammapilotikabuddhaapadānavaṇṇanā samattā.
згуунажад̇д̇аалийсамаваг̇г̇аван̣н̣анаа самад̇д̇аа.
Ekūnacattālīsamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. буб̣б̣агаммабилод̇игаб̣уд̣̇д̇хаабад̣̇аанам̣ • 10. Pubbakammapilotikabuddhaapadānaṃ
