| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
புப்³ப³கரணனிதா³னாதி³விபா⁴க³வண்ணனா
Pubbakaraṇanidānādivibhāgavaṇṇanā
405. புப்³ப³கரணங் கிங்னிதா³னந்திஆதி³புச்சா²விஸ்ஸஜ்ஜனங் உத்தானமேவ.
405.Pubbakaraṇaṃ kiṃnidānantiādipucchāvissajjanaṃ uttānameva.
406-7. ‘‘பயோகோ³ கிங்னிதா³னோ’’திஆதீ³ஸு புச்சா²த்³வயவிஸ்ஸஜ்ஜனேஸு ஹேதுனிதா³னோ பச்சயனிதா³னோதி எத்த² ச² சீவரானி ஹேது சேவ பச்சயோ சாதி வேதி³தப்³பா³னி. புப்³ப³பயோகா³தீ³னஞ்ஹி ஸப்³பே³ஸங் தானியேவ ஹேது, தானி பச்சயோ. ந ஹி ச²ப்³பி³தே⁴ சீவரே அஸதி பயோகோ³ அத்தி², ந புப்³ப³கரணாதீ³னி, தஸ்மா ‘‘பயோகோ³ ஹேதுனிதா³னோ’’திஆதி³ வுத்தங்.
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
408. ஸங்க³ஹவாரே – வசீபே⁴தே³னாதி ‘‘இமாய ஸங்கா⁴டியா, இமினா உத்தராஸங்கே³ன, இமினா அந்தரவாஸகேன கதி²னங் அத்த²ராமீ’’தி ஏதேன வசீபே⁴தே³ன. கதிமூலாதி³புச்சா²விஸ்ஸஜ்ஜனே – கிரியா மஜ்ஜே²தி பச்சுத்³தா⁴ரோ சேவ அதி⁴ட்டா²னஞ்ச.
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
411. வத்து²விபன்னங் ஹோதீதி அகப்பியது³ஸ்ஸங் ஹோதி. காலவிபன்னங் நாம அஜ்ஜ தா³யகேஹி தி³ன்னங் ஸ்வே ஸங்கோ⁴ கதி²னத்தா²ரகஸ்ஸ தே³தி. கரணவிபன்னங் நாம தத³ஹேவ சி²ந்தி³த்வா அகதங்.
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 3. புப்³ப³கரணனிதா³னாதி³விபா⁴கோ³ • 3. Pubbakaraṇanidānādivibhāgo
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / புப்³ப³கரணனிதா³னாதி³விபா⁴க³வண்ணனா • Pubbakaraṇanidānādivibhāgavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / புப்³ப³கரணனிதா³னாதி³விபா⁴க³வண்ணனா • Pubbakaraṇanidānādivibhāgavaṇṇanā
