| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
புப்³ப³கரணனிதா³னாதி³விபா⁴க³வண்ணனா
Pubbakaraṇanidānādivibhāgavaṇṇanā
406-7. த்³விக்க²த்துங் புச்சி²தத்தா ‘‘புச்சா²த்³வய’’ந்தி வுத்தங். ஹேதுபச்சயானங் ஸரூபங் த³ஸ்ஸெந்தோ ஆஹ ‘‘ச² சீவரானீ’’தி. கஸ்மா வேதி³தப்³பா³னீதி ஆஹ ‘‘புப்³ப³பயோகா³தீ³னஞ்ஹீ’’திஆதி³. ஹீதி யஸ்மா. தானியேவாதி ச² சீவரானி ஏவ. ஏவஸத்³தோ³ பச்சா²பி யோஜேதப்³போ³, தானி ஏவாதி அத்தோ². ஹீதி ஸச்சங், புப்³ப³கரணாதீ³னி ந அத்தீ²தி யோஜனா.
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
408. ‘‘இமாய ஸங்கா⁴டியா’’திஆதி³னா வசீபே⁴தா³காரங் த³ஸ்ஸேதி. கதி²னத்தா²ரகேன யஸ்மா பச்சுத்³தா⁴ரோ ச அதி⁴ட்டா²னஞ்ச கரீயதி, தஸ்மா கிரியாதி வுச்சதி. தேன வுத்தங் ‘‘பச்சுத்³தா⁴ரோ சேவ அதி⁴ட்டா²னஞ்சா’’தி.
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
411. வத்து²விபன்னாதீ³னங் ஸரூபங் த³ஸ்ஸெந்தோ ஆஹ ‘‘அகப்பியது³ஸ்ஸங் ஹோதீ’’திஆதி³. வினாஸங், விகாரங் வா பஜ்ஜதீதி விபன்னங், வத்து²மேவ விபன்னங் வத்து²விபன்னங்.
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi / 3. புப்³ப³கரணனிதா³னாதி³விபா⁴கோ³ • 3. Pubbakaraṇanidānādivibhāgo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / புப்³ப³கரணனிதா³னாதி³விபா⁴க³வண்ணனா • Pubbakaraṇanidānādivibhāgavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / புப்³ப³கரணனிதா³னாதி³விபா⁴க³வண்ணனா • Pubbakaraṇanidānādivibhāgavaṇṇanā
