| Library / Tipiṭaka / তিপিটক • Tipiṭaka / পরিৰার-অট্ঠকথা • Parivāra-aṭṭhakathā |
পুব্বকরণনিদানাদিৰিভাগৰণ্ণনা
Pubbakaraṇanidānādivibhāgavaṇṇanā
৪০৫. পুব্বকরণং কিংনিদানন্তিআদিপুচ্ছাৰিস্সজ্জনং উত্তানমেৰ।
405.Pubbakaraṇaṃ kiṃnidānantiādipucchāvissajjanaṃ uttānameva.
৪০৬-৭. ‘‘পযোগো কিংনিদানো’’তিআদীসু পুচ্ছাদ্ৰযৰিস্সজ্জনেসু হেতুনিদানো পচ্চযনিদানোতি এত্থ ছ চীৰরানি হেতু চেৰ পচ্চযো চাতি ৰেদিতব্বানি। পুব্বপযোগাদীনঞ্হি সব্বেসং তানিযেৰ হেতু, তানি পচ্চযো। ন হি ছব্বিধে চীৰরে অসতি পযোগো অত্থি, ন পুব্বকরণাদীনি, তস্মা ‘‘পযোগো হেতুনিদানো’’তিআদি ৰুত্তং।
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
৪০৮. সঙ্গহৰারে – ৰচীভেদেনাতি ‘‘ইমায সঙ্ঘাটিযা, ইমিনা উত্তরাসঙ্গেন, ইমিনা অন্তরৰাসকেন কথিনং অত্থরামী’’তি এতেন ৰচীভেদেন। কতিমূলাদিপুচ্ছাৰিস্সজ্জনে – কিরিযা মজ্ঝেতি পচ্চুদ্ধারো চেৰ অধিট্ঠানঞ্চ।
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
৪১১. ৰত্থুৰিপন্নং হোতীতি অকপ্পিযদুস্সং হোতি। কালৰিপন্নং নাম অজ্জ দাযকেহি দিন্নং স্ৰে সঙ্ঘো কথিনত্থারকস্স দেতি। করণৰিপন্নং নাম তদহেৰ ছিন্দিত্ৰা অকতং।
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ৩. পুব্বকরণনিদানাদিৰিভাগো • 3. Pubbakaraṇanidānādivibhāgo
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / পুব্বকরণনিদানাদিৰিভাগৰণ্ণনা • Pubbakaraṇanidānādivibhāgavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / পুব্বকরণনিদানাদিৰিভাগৰণ্ণনা • Pubbakaraṇanidānādivibhāgavaṇṇanā
