| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
পুব্বকরণনিদানাদিৰিভাগৰণ্ণনা
Pubbakaraṇanidānādivibhāgavaṇṇanā
৪০৬-৭. ছ চীৰরানীতি খোমাদীসু ছসু অঞ্ঞতরং সন্ধায ৰুত্তং। সব্বসঙ্গাহিকৰসেন পন ‘‘চীৰরানী’’তি বহুৰচনং কতং। পাল়িযং পনেত্থ ৰত্থু, আসা চ অনাসা চাতিআদীসু অত্থতে কথিনে আনিসংসৰসেন উপ্পজ্জনকপচ্চাসাচীৰরং ‘‘ৰত্থূ’’তি ৰুত্তং। কথিনচীৰরং হেতুপচ্চয-সদ্দেহি ৰুত্তন্তি ৰেদিতব্বং।
406-7.Cha cīvarānīti khomādīsu chasu aññataraṃ sandhāya vuttaṃ. Sabbasaṅgāhikavasena pana ‘‘cīvarānī’’ti bahuvacanaṃ kataṃ. Pāḷiyaṃ panettha vatthu, āsā ca anāsā cātiādīsu atthate kathine ānisaṃsavasena uppajjanakapaccāsācīvaraṃ ‘‘vatthū’’ti vuttaṃ. Kathinacīvaraṃ hetupaccaya-saddehi vuttanti veditabbaṃ.
৪০৮. পচ্চুদ্ধারো তীহি ধম্মেহীতিআদি কথিনত্থারত্থায তিচীৰরতো অঞ্ঞং ৰস্সিকসাটিকাদিং পচ্চুদ্ধরিতুং, অধিট্ঠহিত্ৰা অত্থরিতুঞ্চ ন ৰট্টতীতি দস্সনত্থং ৰুত্তং। ‘‘ৰচীভেদেনা’’তি এতেন কেৰলং কাযেন কথিনত্থারো ন রুহতীতি দস্সেতি।
408.Paccuddhāro tīhi dhammehītiādi kathinatthāratthāya ticīvarato aññaṃ vassikasāṭikādiṃ paccuddharituṃ, adhiṭṭhahitvā attharituñca na vaṭṭatīti dassanatthaṃ vuttaṃ. ‘‘Vacībhedenā’’ti etena kevalaṃ kāyena kathinatthāro na ruhatīti dasseti.
পুব্বকরণনিদানাদিৰিভাগৰণ্ণনা নিট্ঠিতা।
Pubbakaraṇanidānādivibhāgavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ৩. পুব্বকরণনিদানাদিৰিভাগো • 3. Pubbakaraṇanidānādivibhāgo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / পুব্বকরণনিদানাদিৰিভাগৰণ্ণনা • Pubbakaraṇanidānādivibhāgavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / পুব্বকরণনিদানাদিৰিভাগৰণ্ণনা • Pubbakaraṇanidānādivibhāgavaṇṇanā
