| Library / Tipiṭaka / д̇ибидага • Tipiṭaka / бариваара-адтагат̇аа • Parivāra-aṭṭhakathā |
буб̣б̣агаран̣анид̣̇аанаад̣̇ивибхааг̇аван̣н̣анаа
Pubbakaraṇanidānādivibhāgavaṇṇanā
405. буб̣б̣агаран̣ам̣ гим̣нид̣̇аананд̇иаад̣̇ибужчаависсаж̇ж̇анам̣ уд̇д̇аанамзва.
405.Pubbakaraṇaṃ kiṃnidānantiādipucchāvissajjanaṃ uttānameva.
406-7. ‘‘баяог̇о гим̣нид̣̇аано’’д̇иаад̣̇ийсу бужчаад̣̇ваяависсаж̇ж̇анзсу хзд̇унид̣̇аано бажжаяанид̣̇аанод̇и зд̇т̇а ча жийвараани хзд̇у жзва бажжаяо жаад̇и взд̣̇ид̇аб̣б̣аани. буб̣б̣абаяог̇аад̣̇ийнан̃хи саб̣б̣зсам̣ д̇ааниязва хзд̇у, д̇аани бажжаяо. на хи чаб̣б̣ид̇хз жийварз асад̇и баяог̇о ад̇т̇и, на буб̣б̣агаран̣аад̣̇ийни, д̇асмаа ‘‘баяог̇о хзд̇унид̣̇аано’’д̇иаад̣̇и вуд̇д̇ам̣.
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
408. сан̇г̇ахаваарз – важийбхзд̣̇знаад̇и ‘‘имааяа сан̇гхаадияаа, иминаа уд̇д̇араасан̇г̇зна, иминаа анд̇араваасагзна гат̇инам̣ ад̇т̇араамий’’д̇и зд̇зна важийбхзд̣̇зна. гад̇имуулаад̣̇ибужчаависсаж̇ж̇анз – гирияаа маж̇жхзд̇и бажжуд̣̇д̇хааро жзва ад̇хидтаанан̃жа.
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
411. вад̇т̇увибаннам̣ ход̇ийд̇и агаббияад̣̇уссам̣ ход̇и. гаалавибаннам̣ наама аж̇ж̇а д̣̇ааяагзхи д̣̇иннам̣ свз сан̇гхо гат̇инад̇т̇аарагасса д̣̇зд̇и. гаран̣авибаннам̣ наама д̇ад̣̇ахзва чинд̣̇ид̇ваа агад̇ам̣.
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. буб̣б̣агаран̣анид̣̇аанаад̣̇ивибхааг̇о • 3. Pubbakaraṇanidānādivibhāgo
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / буб̣б̣агаран̣анид̣̇аанаад̣̇ивибхааг̇аван̣н̣анаа • Pubbakaraṇanidānādivibhāgavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / буб̣б̣агаран̣анид̣̇аанаад̣̇ивибхааг̇аван̣н̣анаа • Pubbakaraṇanidānādivibhāgavaṇṇanā
