| Library / Tipiṭaka / తిపిటక • Tipiṭaka / పాచిత్యాదియోజనాపాళి • Pācityādiyojanāpāḷi |
పుబ్బకరణనిదానాదివిభాగవణ్ణనా
Pubbakaraṇanidānādivibhāgavaṇṇanā
౪౦౬-౭. ద్విక్ఖత్తుం పుచ్ఛితత్తా ‘‘పుచ్ఛాద్వయ’’న్తి వుత్తం. హేతుపచ్చయానం సరూపం దస్సేన్తో ఆహ ‘‘ఛ చీవరానీ’’తి. కస్మా వేదితబ్బానీతి ఆహ ‘‘పుబ్బపయోగాదీనఞ్హీ’’తిఆది. హీతి యస్మా. తానియేవాతి ఛ చీవరాని ఏవ. ఏవసద్దో పచ్ఛాపి యోజేతబ్బో, తాని ఏవాతి అత్థో. హీతి సచ్చం, పుబ్బకరణాదీని న అత్థీతి యోజనా.
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
౪౦౮. ‘‘ఇమాయ సఙ్ఘాటియా’’తిఆదినా వచీభేదాకారం దస్సేతి. కథినత్థారకేన యస్మా పచ్చుద్ధారో చ అధిట్ఠానఞ్చ కరీయతి, తస్మా కిరియాతి వుచ్చతి. తేన వుత్తం ‘‘పచ్చుద్ధారో చేవ అధిట్ఠానఞ్చా’’తి.
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
౪౧౧. వత్థువిపన్నాదీనం సరూపం దస్సేన్తో ఆహ ‘‘అకప్పియదుస్సం హోతీ’’తిఆది. వినాసం, వికారం వా పజ్జతీతి విపన్నం, వత్థుమేవ విపన్నం వత్థువిపన్నం.
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౩. పుబ్బకరణనిదానాదివిభాగో • 3. Pubbakaraṇanidānādivibhāgo
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / పుబ్బకరణనిదానాదివిభాగవణ్ణనా • Pubbakaraṇanidānādivibhāgavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పుబ్బకరణనిదానాదివిభాగవణ్ణనా • Pubbakaraṇanidānādivibhāgavaṇṇanā
