| Library / Tipiṭaka / ติปิฎก • Tipiṭaka / ปริวาร-อฎฺฐกถา • Parivāra-aṭṭhakathā |
ปุพฺพกรณนิทานาทิวิภาควณฺณนา
Pubbakaraṇanidānādivibhāgavaṇṇanā
๔๐๕. ปุพฺพกรณํ กิํนิทานนฺติอาทิปุจฺฉาวิสฺสชฺชนํ อุตฺตานเมวฯ
405.Pubbakaraṇaṃ kiṃnidānantiādipucchāvissajjanaṃ uttānameva.
๔๐๖-๗. ‘‘ปโยโค กิํนิทาโน’’ติอาทีสุ ปุจฺฉาทฺวยวิสฺสชฺชเนสุ เหตุนิทาโน ปจฺจยนิทาโนติ เอตฺถ ฉ จีวรานิ เหตุ เจว ปจฺจโย จาติ เวทิตพฺพานิฯ ปุพฺพปโยคาทีนญฺหิ สเพฺพสํ ตานิเยว เหตุ, ตานิ ปจฺจโยฯ น หิ ฉพฺพิเธ จีวเร อสติ ปโยโค อตฺถิ, น ปุพฺพกรณาทีนิ, ตสฺมา ‘‘ปโยโค เหตุนิทาโน’’ติอาทิ วุตฺตํฯ
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
๔๐๘. สงฺคหวาเร – วจีเภเทนาติ ‘‘อิมาย สงฺฆาฎิยา, อิมินา อุตฺตราสเงฺคน, อิมินา อนฺตรวาสเกน กถินํ อตฺถรามี’’ติ เอเตน วจีเภเทนฯ กติมูลาทิปุจฺฉาวิสฺสชฺชเน – กิริยา มเชฺฌติ ปจฺจุทฺธาโร เจว อธิฎฺฐานญฺจฯ
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
๔๑๑. วตฺถุวิปนฺนํ โหตีติ อกปฺปิยทุสฺสํ โหติฯ กาลวิปนฺนํ นาม อชฺช ทายเกหิ ทินฺนํ เสฺว สโงฺฆ กถินตฺถารกสฺส เทติฯ กรณวิปนฺนํ นาม ตทเหว ฉินฺทิตฺวา อกตํฯ
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๓. ปุพฺพกรณนิทานาทิวิภาโค • 3. Pubbakaraṇanidānādivibhāgo
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปุพฺพกรณนิทานาทิวิภาควณฺณนา • Pubbakaraṇanidānādivibhāgavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ปุพฺพกรณนิทานาทิวิภาควณฺณนา • Pubbakaraṇanidānādivibhāgavaṇṇanā
