| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
ปุพฺพกรณนิทานาทิวิภาควณฺณนา
Pubbakaraṇanidānādivibhāgavaṇṇanā
๔๐๖-๗. ทฺวิกฺขตฺตุํ ปุจฺฉิตตฺตา ‘‘ปุจฺฉาทฺวย’’นฺติ วุตฺตํฯ เหตุปจฺจยานํ สรูปํ ทเสฺสโนฺต อาห ‘‘ฉ จีวรานี’’ติฯ กสฺมา เวทิตพฺพานีติ อาห ‘‘ปุพฺพปโยคาทีนญฺหี’’ติอาทิฯ หีติ ยสฺมาฯ ตานิเยวาติ ฉ จีวรานิ เอวฯ เอวสโทฺท ปจฺฉาปิ โยเชตโพฺพ, ตานิ เอวาติ อโตฺถฯ หีติ สจฺจํ, ปุพฺพกรณาทีนิ น อตฺถีติ โยชนาฯ
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
๔๐๘. ‘‘อิมาย สงฺฆาฎิยา’’ติอาทินา วจีเภทาการํ ทเสฺสติฯ กถินตฺถารเกน ยสฺมา ปจฺจุทฺธาโร จ อธิฎฺฐานญฺจ กรียติ, ตสฺมา กิริยาติ วุจฺจติฯ เตน วุตฺตํ ‘‘ปจฺจุทฺธาโร เจว อธิฎฺฐานญฺจา’’ติฯ
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
๔๑๑. วตฺถุวิปนฺนาทีนํ สรูปํ ทเสฺสโนฺต อาห ‘‘อกปฺปิยทุสฺสํ โหตี’’ติอาทิฯ วินาสํ, วิการํ วา ปชฺชตีติ วิปนฺนํ, วตฺถุเมว วิปนฺนํ วตฺถุวิปนฺนํฯ
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๓. ปุพฺพกรณนิทานาทิวิภาโค • 3. Pubbakaraṇanidānādivibhāgo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / ปุพฺพกรณนิทานาทิวิภาควณฺณนา • Pubbakaraṇanidānādivibhāgavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปุพฺพกรณนิทานาทิวิภาควณฺณนา • Pubbakaraṇanidānādivibhāgavaṇṇanā
