| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
បុព្ពករណនិទានាទិវិភាគវណ្ណនា
Pubbakaraṇanidānādivibhāgavaṇṇanā
៤០៥. បុព្ពករណំ កិំនិទានន្តិអាទិបុច្ឆាវិស្សជ្ជនំ ឧត្តានមេវ។
405.Pubbakaraṇaṃ kiṃnidānantiādipucchāvissajjanaṃ uttānameva.
៤០៦-៧. ‘‘បយោគោ កិំនិទានោ’’តិអាទីសុ បុច្ឆាទ្វយវិស្សជ្ជនេសុ ហេតុនិទានោ បច្ចយនិទានោតិ ឯត្ថ ឆ ចីវរានិ ហេតុ ចេវ បច្ចយោ ចាតិ វេទិតព្ពានិ។ បុព្ពបយោគាទីនញ្ហិ សព្ពេសំ តានិយេវ ហេតុ, តានិ បច្ចយោ។ ន ហិ ឆព្ពិធេ ចីវរេ អសតិ បយោគោ អត្ថិ, ន បុព្ពករណាទីនិ, តស្មា ‘‘បយោគោ ហេតុនិទានោ’’តិអាទិ វុត្តំ។
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
៤០៨. សង្គហវារេ – វចីភេទេនាតិ ‘‘ឥមាយ សង្ឃាដិយា, ឥមិនា ឧត្តរាសង្គេន, ឥមិនា អន្តរវាសកេន កថិនំ អត្ថរាមី’’តិ ឯតេន វចីភេទេន។ កតិមូលាទិបុច្ឆាវិស្សជ្ជនេ – កិរិយា មជ្ឈេតិ បច្ចុទ្ធារោ ចេវ អធិដ្ឋានញ្ច។
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
៤១១. វត្ថុវិបន្នំ ហោតីតិ អកប្បិយទុស្សំ ហោតិ។ កាលវិបន្នំ នាម អជ្ជ ទាយកេហិ ទិន្នំ ស្វេ សង្ឃោ កថិនត្ថារកស្ស ទេតិ។ ករណវិបន្នំ នាម តទហេវ ឆិន្ទិត្វា អកតំ។
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ៣. បុព្ពករណនិទានាទិវិភាគោ • 3. Pubbakaraṇanidānādivibhāgo
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បុព្ពករណនិទានាទិវិភាគវណ្ណនា • Pubbakaraṇanidānādivibhāgavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / បុព្ពករណនិទានាទិវិភាគវណ្ណនា • Pubbakaraṇanidānādivibhāgavaṇṇanā
