| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ပုဗ္ဗကရဏနိဒာနာဒိဝိဘာဂဝဏ္ဏနာ
Pubbakaraṇanidānādivibhāgavaṇṇanā
၄၀၆-၇. ဒ္ဝိက္ခတ္တုံ ပုစ္ဆိတတ္တာ ‘‘ပုစ္ဆာဒ္ဝယ’’န္တိ ဝုတ္တံ။ ဟေတုပစ္စယာနံ သရူပံ ဒသ္သေန္တော အာဟ ‘‘ဆ စီဝရာနီ’’တိ။ ကသ္မာ ဝေဒိတဗ္ဗာနီတိ အာဟ ‘‘ပုဗ္ဗပယောဂာဒီနဉ္ဟီ’’တိအာဒိ။ ဟီတိ ယသ္မာ။ တာနိယေဝာတိ ဆ စီဝရာနိ ဧဝ။ ဧဝသဒ္ဒော ပစ္ဆာပိ ယောဇေတဗ္ဗော, တာနိ ဧဝာတိ အတ္ထော။ ဟီတိ သစ္စံ, ပုဗ္ဗကရဏာဒီနိ န အတ္ထီတိ ယောဇနာ။
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
၄၀၈. ‘‘ဣမာယ သင္ဃာဋိယာ’’တိအာဒိနာ ဝစီဘေဒာကာရံ ဒသ္သေတိ။ ကထိနတ္ထာရကေန ယသ္မာ ပစ္စုဒ္ဓာရော စ အဓိဋ္ဌာနဉ္စ ကရီယတိ, တသ္မာ ကိရိယာတိ ဝုစ္စတိ။ တေန ဝုတ္တံ ‘‘ပစ္စုဒ္ဓာရော စေဝ အဓိဋ္ဌာနဉ္စာ’’တိ။
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
၄၁၁. ဝတ္ထုဝိပန္နာဒီနံ သရူပံ ဒသ္သေန္တော အာဟ ‘‘အကပ္ပိယဒုသ္သံ ဟောတီ’’တိအာဒိ။ ဝိနာသံ, ဝိကာရံ ဝာ ပဇ္ဇတီတိ ဝိပန္နံ, ဝတ္ထုမေဝ ဝိပန္နံ ဝတ္ထုဝိပန္နံ။
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၃. ပုဗ္ဗကရဏနိဒာနာဒိဝိဘာဂော • 3. Pubbakaraṇanidānādivibhāgo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ပုဗ္ဗကရဏနိဒာနာဒိဝိဘာဂဝဏ္ဏနာ • Pubbakaraṇanidānādivibhāgavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပုဗ္ဗကရဏနိဒာနာဒိဝိဘာဂဝဏ္ဏနာ • Pubbakaraṇanidānādivibhāgavaṇṇanā
