| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಪುಬ್ಬಕರಣನಿದಾನಾದಿವಿಭಾಗವಣ್ಣನಾ
Pubbakaraṇanidānādivibhāgavaṇṇanā
೪೦೬-೭. ಛ ಚೀವರಾನೀತಿ ಖೋಮಾದೀಸು ಛಸು ಅಞ್ಞತರಂ ಸನ್ಧಾಯ ವುತ್ತಂ। ಸಬ್ಬಸಙ್ಗಾಹಿಕವಸೇನ ಪನ ‘‘ಚೀವರಾನೀ’’ತಿ ಬಹುವಚನಂ ಕತಂ। ಪಾಳಿಯಂ ಪನೇತ್ಥ ವತ್ಥು, ಆಸಾ ಚ ಅನಾಸಾ ಚಾತಿಆದೀಸು ಅತ್ಥತೇ ಕಥಿನೇ ಆನಿಸಂಸವಸೇನ ಉಪ್ಪಜ್ಜನಕಪಚ್ಚಾಸಾಚೀವರಂ ‘‘ವತ್ಥೂ’’ತಿ ವುತ್ತಂ। ಕಥಿನಚೀವರಂ ಹೇತುಪಚ್ಚಯ-ಸದ್ದೇಹಿ ವುತ್ತನ್ತಿ ವೇದಿತಬ್ಬಂ।
406-7.Cha cīvarānīti khomādīsu chasu aññataraṃ sandhāya vuttaṃ. Sabbasaṅgāhikavasena pana ‘‘cīvarānī’’ti bahuvacanaṃ kataṃ. Pāḷiyaṃ panettha vatthu, āsā ca anāsā cātiādīsu atthate kathine ānisaṃsavasena uppajjanakapaccāsācīvaraṃ ‘‘vatthū’’ti vuttaṃ. Kathinacīvaraṃ hetupaccaya-saddehi vuttanti veditabbaṃ.
೪೦೮. ಪಚ್ಚುದ್ಧಾರೋ ತೀಹಿ ಧಮ್ಮೇಹೀತಿಆದಿ ಕಥಿನತ್ಥಾರತ್ಥಾಯ ತಿಚೀವರತೋ ಅಞ್ಞಂ ವಸ್ಸಿಕಸಾಟಿಕಾದಿಂ ಪಚ್ಚುದ್ಧರಿತುಂ, ಅಧಿಟ್ಠಹಿತ್ವಾ ಅತ್ಥರಿತುಞ್ಚ ನ ವಟ್ಟತೀತಿ ದಸ್ಸನತ್ಥಂ ವುತ್ತಂ। ‘‘ವಚೀಭೇದೇನಾ’’ತಿ ಏತೇನ ಕೇವಲಂ ಕಾಯೇನ ಕಥಿನತ್ಥಾರೋ ನ ರುಹತೀತಿ ದಸ್ಸೇತಿ।
408.Paccuddhāro tīhi dhammehītiādi kathinatthāratthāya ticīvarato aññaṃ vassikasāṭikādiṃ paccuddharituṃ, adhiṭṭhahitvā attharituñca na vaṭṭatīti dassanatthaṃ vuttaṃ. ‘‘Vacībhedenā’’ti etena kevalaṃ kāyena kathinatthāro na ruhatīti dasseti.
ಪುಬ್ಬಕರಣನಿದಾನಾದಿವಿಭಾಗವಣ್ಣನಾ ನಿಟ್ಠಿತಾ।
Pubbakaraṇanidānādivibhāgavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi / ೩. ಪುಬ್ಬಕರಣನಿದಾನಾದಿವಿಭಾಗೋ • 3. Pubbakaraṇanidānādivibhāgo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
