| Library / Tipiṭaka / තිපිටක • Tipiṭaka / පරිවාර-අට්‌ඨකථා • Parivāra-aṭṭhakathā |
පුබ්‌බකරණනිදානාදිවිභාගවණ්‌ණනා
Pubbakaraṇanidānādivibhāgavaṇṇanā
405. පුබ්‌බකරණං කිංනිදානන්‌තිආදිපුච්‌ඡාවිස්‌සජ්‌ජනං උත්‌තානමෙව.
405.Pubbakaraṇaṃ kiṃnidānantiādipucchāvissajjanaṃ uttānameva.
406-7. ‘‘පයොගො කිංනිදානො’’තිආදීසු පුච්‌ඡාද්‌වයවිස්‌සජ්‌ජනෙසු හෙතුනිදානො පච්‌චයනිදානොති එත්‌ථ ඡ චීවරානි හෙතු චෙව පච්‌චයො චාති වෙදිතබ්‌බානි. පුබ්‌බපයොගාදීනඤ්‌හි සබ්‌බෙසං තානියෙව හෙතු, තානි පච්‌චයො. න හි ඡබ්‌බිධෙ චීවරෙ අසති පයොගො අත්‌ථි, න පුබ්‌බකරණාදීනි, තස්‌මා ‘‘පයොගො හෙතුනිදානො’’තිආදි වුත්‌තං.
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
408. සඞ්‌ගහවාරෙ – වචීභෙදෙනාති ‘‘ඉමාය සඞ්‌ඝාටියා, ඉමිනා උත්‌තරාසඞ්‌ගෙන, ඉමිනා අන්‌තරවාසකෙන කථිනං අත්‌ථරාමී’’ති එතෙන වචීභෙදෙන. කතිමූලාදිපුච්‌ඡාවිස්‌සජ්‌ජනෙ – කිරියා මජ්‌ඣෙති පච්‌චුද්‌ධාරො චෙව අධිට්‌ඨානඤ්‌ච.
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
411. වත්‌ථුවිපන්‌නං හොතීති අකප්‌පියදුස්‌සං හොති. කාලවිපන්‌නං නාම අජ්‌ජ දායකෙහි දින්‌නං ස්‌වෙ සඞ්‌ඝො කථිනත්‌ථාරකස්‌ස දෙති. කරණවිපන්‌නං නාම තදහෙව ඡින්‌දිත්‌වා අකතං.
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 3. පුබ්‌බකරණනිදානාදිවිභාගො • 3. Pubbakaraṇanidānādivibhāgo
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පුබ්‌බකරණනිදානාදිවිභාගවණ්‌ණනා • Pubbakaraṇanidānādivibhāgavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / පුබ්‌බකරණනිදානාදිවිභාගවණ්‌ණනා • Pubbakaraṇanidānādivibhāgavaṇṇanā
