| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
පුබ්‌බකරණනිදානාදිවිභාගවණ්‌ණනා
Pubbakaraṇanidānādivibhāgavaṇṇanā
406-7. ද්‌වික්‌ඛත්‌තුං පුච්‌ඡිතත්‌තා ‘‘පුච්‌ඡාද්‌වය’’න්‌ති වුත්‌තං. හෙතුපච්‌චයානං සරූපං දස්‌සෙන්‌තො ආහ ‘‘ඡ චීවරානී’’ති. කස්‌මා වෙදිතබ්‌බානීති ආහ ‘‘පුබ්‌බපයොගාදීනඤ්‌හී’’තිආදි. හීති යස්‌මා. තානියෙවාති ඡ චීවරානි එව. එවසද්‌දො පච්‌ඡාපි යොජෙතබ්‌බො, තානි එවාති අත්‌ථො. හීති සච්‌චං, පුබ්‌බකරණාදීනි න අත්‌ථීති යොජනා.
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
408. ‘‘ඉමාය සඞ්‌ඝාටියා’’තිආදිනා වචීභෙදාකාරං දස්‌සෙති. කථිනත්‌ථාරකෙන යස්‌මා පච්‌චුද්‌ධාරො ච අධිට්‌ඨානඤ්‌ච කරීයති, තස්‌මා කිරියාති වුච්‌චති. තෙන වුත්‌තං ‘‘පච්‌චුද්‌ධාරො චෙව අධිට්‌ඨානඤ්‌චා’’ති.
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
411. වත්‌ථුවිපන්‌නාදීනං සරූපං දස්‌සෙන්‌තො ආහ ‘‘අකප්‌පියදුස්‌සං හොතී’’තිආදි. විනාසං, විකාරං වා පජ්‌ජතීති විපන්‌නං, වත්‌ථුමෙව විපන්‌නං වත්‌ථුවිපන්‌නං.
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 3. පුබ්‌බකරණනිදානාදිවිභාගො • 3. Pubbakaraṇanidānādivibhāgo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / පුබ්‌බකරණනිදානාදිවිභාගවණ්‌ණනා • Pubbakaraṇanidānādivibhāgavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පුබ්‌බකරණනිදානාදිවිභාගවණ්‌ණනා • Pubbakaraṇanidānādivibhāgavaṇṇanā
