| Library / Tipiṭaka / ཏིཔིཊཀ • Tipiṭaka / པརིཝཱར-ཨཊྛཀཐཱ • Parivāra-aṭṭhakathā |
པུབྦཀརཎནིདཱནཱདིཝིབྷཱགཝཎྞནཱ
Pubbakaraṇanidānādivibhāgavaṇṇanā
༤༠༥. པུབྦཀརཎཾ ཀིཾནིདཱནནྟིཨཱདིཔུཙྪཱཝིསྶཛྫནཾ ཨུཏྟཱནམེཝ།
405.Pubbakaraṇaṃ kiṃnidānantiādipucchāvissajjanaṃ uttānameva.
༤༠༦-༧. ‘‘པཡོགོ ཀིཾནིདཱནོ’’ཏིཨཱདཱིསུ པུཙྪཱདྭཡཝིསྶཛྫནེསུ ཧེཏུནིདཱནོ པཙྩཡནིདཱནོཏི ཨེཏྠ ཚ ཙཱིཝརཱནི ཧེཏུ ཙེཝ པཙྩཡོ ཙཱཏི ཝེདིཏབྦཱནི། པུབྦཔཡོགཱདཱིནཉྷི སབྦེསཾ ཏཱནིཡེཝ ཧེཏུ, ཏཱནི པཙྩཡོ། ན ཧི ཚབྦིདྷེ ཙཱིཝརེ ཨསཏི པཡོགོ ཨཏྠི, ན པུབྦཀརཎཱདཱིནི, ཏསྨཱ ‘‘པཡོགོ ཧེཏུནིདཱནོ’’ཏིཨཱདི ཝུཏྟཾ།
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
༤༠༨. སངྒཧཝཱརེ – ཝཙཱིབྷེདེནཱཏི ‘‘ཨིམཱཡ སངྒྷཱཊིཡཱ, ཨིམིནཱ ཨུཏྟརཱསངྒེན, ཨིམིནཱ ཨནྟརཝཱསཀེན ཀཐིནཾ ཨཏྠརཱམཱི’’ཏི ཨེཏེན ཝཙཱིབྷེདེན། ཀཏིམཱུལཱདིཔུཙྪཱཝིསྶཛྫནེ – ཀིརིཡཱ མཛ྄ཛྷེཏི པཙྩུདྡྷཱརོ ཙེཝ ཨདྷིཊྛཱནཉྩ།
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
༤༡༡. ཝཏྠུཝིཔནྣཾ ཧོཏཱིཏི ཨཀཔྤིཡདུསྶཾ ཧོཏི། ཀཱལཝིཔནྣཾ ནཱམ ཨཛྫ དཱཡཀེཧི དིནྣཾ སྭེ སངྒྷོ ཀཐིནཏྠཱརཀསྶ དེཏི། ཀརཎཝིཔནྣཾ ནཱམ ཏདཧེཝ ཚིནྡིཏྭཱ ཨཀཏཾ།
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༣. པུབྦཀརཎནིདཱནཱདིཝིབྷཱགོ • 3. Pubbakaraṇanidānādivibhāgo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པུབྦཀརཎནིདཱནཱདིཝིབྷཱགཝཎྞནཱ • Pubbakaraṇanidānādivibhāgavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / པུབྦཀརཎནིདཱནཱདིཝིབྷཱགཝཎྞནཱ • Pubbakaraṇanidānādivibhāgavaṇṇanā
