| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೩. ಪುಬ್ಬಕರಣನಿದಾನಾದಿವಿಭಾಗೋ
3. Pubbakaraṇanidānādivibhāgo
೪೦೫. ಪುಬ್ಬಕರಣಂ ಕಿಂನಿದಾನಂ, ಕಿಂಸಮುದಯಂ, ಕಿಂಜಾತಿಕಂ, ಕಿಂಪಭವಂ, ಕಿಂಸಮ್ಭಾರಂ, ಕಿಂಸಮುಟ್ಠಾನಂ ? ಪಚ್ಚುದ್ಧಾರೋ ಕಿಂನಿದಾನೋ, ಕಿಂಸಮುದಯೋ, ಕಿಂಜಾತಿಕೋ, ಕಿಂಪಭವೋ, ಕಿಂಸಮ್ಭಾರೋ, ಕಿಂಸಮುಟ್ಠಾನೋ? ಅಧಿಟ್ಠಾನಂ ಕಿಂನಿದಾನಂ, ಕಿಂಸಮುದಯಂ, ಕಿಂಜಾತಿಕಂ, ಕಿಂಪಭವಂ, ಕಿಂಸಮ್ಭಾರಂ, ಕಿಂಸಮುಟ್ಠಾನಂ? ಅತ್ಥಾರೋ ಕಿಂನಿದಾನೋ, ಕಿಂಸಮುದಯೋ, ಕಿಂಜಾತಿಕೋ, ಕಿಂಪಭವೋ, ಕಿಂಸಮ್ಭಾರೋ, ಕಿಂಸಮುಟ್ಠಾನೋ? ಮಾತಿಕಾ ಚ ಪಲಿಬೋಧಾ ಚ ಕಿಂನಿದಾನಾ, ಕಿಂಸಮುದಯಾ, ಕಿಂಜಾತಿಕಾ, ಕಿಂಪಭವಾ, ಕಿಂಸಮ್ಭಾರಾ ಕಿಂಸಮುಟ್ಠಾನಾ? ಆಸಾ ಚ ಅನಾಸಾ ಚ ಕಿಂನಿದಾನಾ, ಕಿಂಸಮುದಯಾ, ಕಿಂಜಾತಿಕಾ, ಕಿಂಪಭವಾ, ಕಿಂಸಮ್ಭಾರಾ, ಕಿಂಸಮುಟ್ಠಾನಾ?
405. Pubbakaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ ? Paccuddhāro kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Adhiṭṭhānaṃ kiṃnidānaṃ, kiṃsamudayaṃ, kiṃjātikaṃ, kiṃpabhavaṃ, kiṃsambhāraṃ, kiṃsamuṭṭhānaṃ? Atthāro kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Mātikā ca palibodhā ca kiṃnidānā, kiṃsamudayā, kiṃjātikā, kiṃpabhavā, kiṃsambhārā kiṃsamuṭṭhānā? Āsā ca anāsā ca kiṃnidānā, kiṃsamudayā, kiṃjātikā, kiṃpabhavā, kiṃsambhārā, kiṃsamuṭṭhānā?
ಪುಬ್ಬಕರಣಂ ಪಯೋಗನಿದಾನಂ, ಪಯೋಗಸಮುದಯಂ, ಪಯೋಗಜಾತಿಕಂ, ಪಯೋಗಪಭವಂ, ಪಯೋಗಸಮ್ಭಾರಂ, ಪಯೋಗಸಮುಟ್ಠಾನಂ। ಪಚ್ಚುದ್ಧಾರೋ ಪುಬ್ಬಕರಣನಿದಾನೋ, ಪುಬ್ಬಕರಣಸಮುದಯೋ, ಪುಬ್ಬಕರಣಜಾತಿಕೋ, ಪುಬ್ಬಕರಣಪಭವೋ, ಪುಬ್ಬಕರಣಸಮ್ಭಾರೋ, ಪುಬ್ಬಕರಣಸಮುಟ್ಠಾನೋ। ಅಧಿಟ್ಠಾನಂ ಪಚ್ಚುದ್ಧಾರನಿದಾನಂ, ಪಚ್ಚುದ್ಧಾರಸಮುದಯಂ, ಪಚ್ಚುದ್ಧಾರಜಾತಿಕಂ, ಪಚ್ಚುದ್ಧಾರಪಭವಂ, ಪಚ್ಚುದ್ಧಾರಸಮ್ಭಾರಂ, ಪಚ್ಚುದ್ಧಾರಸಮುಟ್ಠಾನಂ। ಅತ್ಥಾರೋ ಅಧಿಟ್ಠಾನನಿದಾನೋ, ಅಧಿಟ್ಠಾನಸಮುದಯೋ, ಅಧಿಟ್ಠಾನಜಾತಿಕೋ, ಅಧಿಟ್ಠಾನಪಭವೋ, ಅಧಿಟ್ಠಾನಸಮ್ಭಾರೋ, ಅಧಿಟ್ಠಾನಸಮುಟ್ಠಾನೋ। ಮಾತಿಕಾ ಚ ಪಲಿಬೋಧಾ ಚ ಅತ್ಥಾರನಿದಾನಾ, ಅತ್ಥಾರಸಮುದಯಾ, ಅತ್ಥಾರಜಾತಿಕಾ, ಅತ್ಥಾರಪಭವಾ, ಅತ್ಥಾರಸಮ್ಭಾರಾ, ಅತ್ಥಾರಸಮುಟ್ಠಾನಾ। ಆಸಾ ಚ ಅನಾಸಾ ಚ ವತ್ಥುನಿದಾನಾ, ವತ್ಥುಸಮುದಯಾ, ವತ್ಥುಜಾತಿಕಾ, ವತ್ಥುಪಭವಾ, ವತ್ಥುಸಮ್ಭಾರಾ, ವತ್ಥುಸಮುಟ್ಠಾನಾ।
Pubbakaraṇaṃ payoganidānaṃ, payogasamudayaṃ, payogajātikaṃ, payogapabhavaṃ, payogasambhāraṃ, payogasamuṭṭhānaṃ. Paccuddhāro pubbakaraṇanidāno, pubbakaraṇasamudayo, pubbakaraṇajātiko, pubbakaraṇapabhavo, pubbakaraṇasambhāro, pubbakaraṇasamuṭṭhāno. Adhiṭṭhānaṃ paccuddhāranidānaṃ, paccuddhārasamudayaṃ, paccuddhārajātikaṃ, paccuddhārapabhavaṃ, paccuddhārasambhāraṃ, paccuddhārasamuṭṭhānaṃ. Atthāro adhiṭṭhānanidāno, adhiṭṭhānasamudayo, adhiṭṭhānajātiko, adhiṭṭhānapabhavo, adhiṭṭhānasambhāro, adhiṭṭhānasamuṭṭhāno. Mātikā ca palibodhā ca atthāranidānā, atthārasamudayā, atthārajātikā, atthārapabhavā, atthārasambhārā, atthārasamuṭṭhānā. Āsā ca anāsā ca vatthunidānā, vatthusamudayā, vatthujātikā, vatthupabhavā, vatthusambhārā, vatthusamuṭṭhānā.
೪೦೬. ಪಯೋಗೋ ಕಿಂನಿದಾನೋ, ಕಿಂಸಮುದಯೋ, ಕಿಂಜಾತಿಕೋ, ಕಿಂಪಭವೋ, ಕಿಂಸಮ್ಭಾರೋ, ಕಿಂಸಮುಟ್ಠಾನೋ, ಪುಬ್ಬಕರಣಂ…ಪೇ॰… ಪಚ್ಚುದ್ಧಾರೋ… ಅಧಿಟ್ಠಾನಂ… ಅತ್ಥಾರೋ… ಮಾತಿಕಾ ಚ ಪಲಿಬೋಧಾ ಚ… ವತ್ಥು… ಆಸಾ ಚ ಅನಾಸಾ ಚ ಕಿಂನಿದಾನಾ, ಕಿಂಸಮುದಯಾ, ಕಿಂಜಾತಿಕಾ, ಕಿಂಪಭವಾ, ಕಿಂಸಮ್ಭಾರಾ, ಕಿಂಸಮುಟ್ಠಾನಾ?
406. Payogo kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno, pubbakaraṇaṃ…pe… paccuddhāro… adhiṭṭhānaṃ… atthāro… mātikā ca palibodhā ca… vatthu… āsā ca anāsā ca kiṃnidānā, kiṃsamudayā, kiṃjātikā, kiṃpabhavā, kiṃsambhārā, kiṃsamuṭṭhānā?
ಪಯೋಗೋ ಹೇತುನಿದಾನೋ, ಹೇತುಸಮುದಯೋ, ಹೇತುಜಾತಿಕೋ, ಹೇತುಪಭವೋ, ಹೇತುಸಮ್ಭಾರೋ, ಹೇತುಸಮುಟ್ಠಾನೋ। ಪುಬ್ಬಕರಣಂ…ಪೇ॰… ಪಚ್ಚುದ್ಧಾರೋ… ಅಧಿಟ್ಠಾನಂ… ಅತ್ಥಾರೋ … ಮಾತಿಕಾ ಚ ಪಲಿಬೋಧಾ ಚ… ವತ್ಥು… ಆಸಾ ಚ ಅನಾಸಾ ಚ ಹೇತುನಿದಾನಾ, ಹೇತುಸಮುದಯಾ, ಹೇತುಜಾತಿಕಾ, ಹೇತುಪಭವಾ, ಹೇತುಸಮ್ಭಾರಾ, ಹೇತುಸಮುಟ್ಠಾನಾ।
Payogo hetunidāno, hetusamudayo, hetujātiko, hetupabhavo, hetusambhāro, hetusamuṭṭhāno. Pubbakaraṇaṃ…pe… paccuddhāro… adhiṭṭhānaṃ… atthāro … mātikā ca palibodhā ca… vatthu… āsā ca anāsā ca hetunidānā, hetusamudayā, hetujātikā, hetupabhavā, hetusambhārā, hetusamuṭṭhānā.
೪೦೭. ಪಯೋಗೋ ಕಿಂನಿದಾನೋ, ಕಿಂಸಮುದಯೋ, ಕಿಂಜಾತಿಕೋ, ಕಿಂಪಭವೋ, ಕಿಂಸಮ್ಭಾರೋ, ಕಿಂಸಮುಟ್ಠಾನೋ? ಪುಬ್ಬಕರಣಂ…ಪೇ॰… ಪಚ್ಚುದ್ಧಾರೋ… ಅಧಿಟ್ಠಾನಂ… ಅತ್ಥಾರೋ… ಮಾತಿಕಾ ಚ ಪಲಿಬೋಧಾ ಚ… ವತ್ಥು… ಆಸಾ ಚ ಅನಾಸಾ ಚ ಕಿಂನಿದಾನಾ, ಕಿಂಸಮುದಯಾ, ಕಿಂಜಾತಿಕಾ, ಕಿಂಪಭವಾ, ಕಿಂಸಮ್ಭಾರಾ, ಕಿಂಸಮುಟ್ಠಾನಾ?
407. Payogo kiṃnidāno, kiṃsamudayo, kiṃjātiko, kiṃpabhavo, kiṃsambhāro, kiṃsamuṭṭhāno? Pubbakaraṇaṃ…pe… paccuddhāro… adhiṭṭhānaṃ… atthāro… mātikā ca palibodhā ca… vatthu… āsā ca anāsā ca kiṃnidānā, kiṃsamudayā, kiṃjātikā, kiṃpabhavā, kiṃsambhārā, kiṃsamuṭṭhānā?
ಪಯೋಗೋ ಪಚ್ಚಯನಿದಾನೋ, ಪಚ್ಚಯಸಮುದಯೋ, ಪಚ್ಚಯಜಾತಿಕೋ, ಪಚ್ಚಯಪಭವೋ, ಪಚ್ಚಯಸಮ್ಭಾರೋ, ಪಚ್ಚಯಸಮುಟ್ಠಾನೋ। ಪುಬ್ಬಕರಣಂ…ಪೇ॰… ಪಚ್ಚುದ್ಧಾರೋ… ಅಧಿಟ್ಠಾನಂ… ಅತ್ಥಾರೋ… ಮಾತಿಕಾ ಚ ಪಲಿಬೋಧಾ ಚ… ವತ್ಥು… ಆಸಾ ಚ ಅನಾಸಾ ಚ ಪಚ್ಚಯನಿದಾನಾ, ಪಚ್ಚಯಸಮುದಯಾ, ಪಚ್ಚಯಜಾತಿಕಾ, ಪಚ್ಚಯಪಭವಾ, ಪಚ್ಚಯಸಮ್ಭಾರಾ, ಪಚ್ಚಯಸಮುಟ್ಠಾನಾ।
Payogo paccayanidāno, paccayasamudayo, paccayajātiko, paccayapabhavo, paccayasambhāro, paccayasamuṭṭhāno. Pubbakaraṇaṃ…pe… paccuddhāro… adhiṭṭhānaṃ… atthāro… mātikā ca palibodhā ca… vatthu… āsā ca anāsā ca paccayanidānā, paccayasamudayā, paccayajātikā, paccayapabhavā, paccayasambhārā, paccayasamuṭṭhānā.
೪೦೮. ಪುಬ್ಬಕರಣಂ ಕತಿಹಿ ಧಮ್ಮೇಹಿ ಸಙ್ಗಹಿತಂ? ಪುಬ್ಬಕರಣಂ ಸತ್ತಹಿ ಧಮ್ಮೇಹಿ ಸಙ್ಗಹಿತಂ। ಧೋವನೇನ, ವಿಚಾರಣೇನ, ಛೇದನೇನ, ಬನ್ಧನೇನ, ಸಿಬ್ಬನೇನ, ರಜನೇನ, ಕಪ್ಪಕರಣೇನ – ಪುಬ್ಬಕರಣಂ ಇಮೇಹಿ ಸತ್ತಹಿ ಧಮ್ಮೇಹಿ ಸಙ್ಗಹಿತಂ।
408. Pubbakaraṇaṃ katihi dhammehi saṅgahitaṃ? Pubbakaraṇaṃ sattahi dhammehi saṅgahitaṃ. Dhovanena, vicāraṇena, chedanena, bandhanena, sibbanena, rajanena, kappakaraṇena – pubbakaraṇaṃ imehi sattahi dhammehi saṅgahitaṃ.
ಪಚ್ಚುದ್ಧಾರೋ ಕತಿಹಿ ಧಮ್ಮೇಹಿ ಸಙ್ಗಹಿತೋ? ಪಚ್ಚುದ್ಧಾರೋ ತೀಹಿ ಧಮ್ಮೇಹಿ ಸಙ್ಗಹಿತೋ – ಸಙ್ಘಾಟಿಯಾ, ಉತ್ತರಾಸಙ್ಗೇನ, ಅನ್ತರವಾಸಕೇನ।
Paccuddhāro katihi dhammehi saṅgahito? Paccuddhāro tīhi dhammehi saṅgahito – saṅghāṭiyā, uttarāsaṅgena, antaravāsakena.
ಅಧಿಟ್ಠಾನಂ ಕತಿಹಿ ಧಮ್ಮೇಹಿ ಸಙ್ಗಹಿತಂ? ಅಧಿಟ್ಠಾನಂ ತೀಹಿ ಧಮ್ಮೇಹಿ ಸಙ್ಗಹಿತಂ – ಸಙ್ಘಾಟಿಯಾ, ಉತ್ತರಾಸಙ್ಗೇನ, ಅನ್ತರವಾಸಕೇನ।
Adhiṭṭhānaṃ katihi dhammehi saṅgahitaṃ? Adhiṭṭhānaṃ tīhi dhammehi saṅgahitaṃ – saṅghāṭiyā, uttarāsaṅgena, antaravāsakena.
ಅತ್ಥಾರೋ ಕತಿಹಿ ಧಮ್ಮೇಹಿ ಸಙ್ಗಹಿತೋ? ಅತ್ಥಾರೋ ಏಕೇನ ಧಮ್ಮೇನ ಸಙ್ಗಹಿತೋ – ವಚೀಭೇದೇನ।
Atthāro katihi dhammehi saṅgahito? Atthāro ekena dhammena saṅgahito – vacībhedena.
ಕಥಿನಸ್ಸ ಕತಿ ಮೂಲಾನಿ, ಕತಿ ವತ್ಥೂನಿ, ಕತಿ ಭೂಮಿಯೋ? ಕಥಿನಸ್ಸ ಏಕಂ ಮೂಲಂ – ಸಙ್ಘೋ; ತೀಣಿ ವತ್ಥೂನಿ – ಸಙ್ಘಾಟಿ, ಉತ್ತರಾಸಙ್ಗೋ, ಅನ್ತರವಾಸಕೋ, ಛ ಭೂಮಿಯೋ – ಖೋಮಂ, ಕಪ್ಪಾಸಿಕಂ, ಕೋಸೇಯ್ಯಂ, ಕಮ್ಬಲಂ, ಸಾಣಂ, ಭಙ್ಗಂ।
Kathinassa kati mūlāni, kati vatthūni, kati bhūmiyo? Kathinassa ekaṃ mūlaṃ – saṅgho; tīṇi vatthūni – saṅghāṭi, uttarāsaṅgo, antaravāsako, cha bhūmiyo – khomaṃ, kappāsikaṃ, koseyyaṃ, kambalaṃ, sāṇaṃ, bhaṅgaṃ.
ಕಥಿನಸ್ಸ ಕೋ ಆದಿ, ಕಿಂ ಮಜ್ಝೇ, ಕಿಂ ಪರಿಯೋಸಾನಂ? ಕಥಿನಸ್ಸ ಪುಬ್ಬಕರಣಂ ಆದಿ, ಕ್ರಿಯಾ ಮಜ್ಝೇ, ಅತ್ಥಾರೋ ಪರಿಯೋಸಾನಂ।
Kathinassa ko ādi, kiṃ majjhe, kiṃ pariyosānaṃ? Kathinassa pubbakaraṇaṃ ādi, kriyā majjhe, atthāro pariyosānaṃ.
೪೦೯. ಕತಿಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಅಭಬ್ಬೋ ಕಥಿನಂ ಅತ್ಥರಿತುಂ? ಕತಿಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಭಬ್ಬೋ ಕಥಿನಂ ಅತ್ಥರಿತುಂ? ಅಟ್ಠಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಅಭಬ್ಬೋ ಕಥಿನಂ ಅತ್ಥರಿತುಂ। ಅಟ್ಠಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಭಬ್ಬೋ ಕಥಿನಂ ಅತ್ಥರಿತುಂ। ಕತಮೇಹಿ ಅಟ್ಠಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಅಭಬ್ಬೋ ಕಥಿನಂ ಅತ್ಥರಿತುಂ? ಪುಬ್ಬಕರಣಂ ನ ಜಾನಾತಿ, ಪಚ್ಚುದ್ಧಾರಂ ನ ಜಾನಾತಿ, ಅಧಿಟ್ಠಾನಂ ನ ಜಾನಾತಿ, ಅತ್ಥಾರಂ ನ ಜಾನಾತಿ, ಮಾತಿಕಂ ನ ಜಾನಾತಿ, ಪಲಿಬೋಧಂ ನ ಜಾನಾತಿ, ಉದ್ಧಾರಂ ನ ಜಾನಾತಿ, ಆನಿಸಂಸಂ ನ ಜಾನಾತಿ – ಇಮೇಹಿ ಅಟ್ಠಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಅಭಬ್ಬೋ ಕಥಿನಂ ಅತ್ಥರಿತುಂ। ಕತಮೇಹಿ ಅಟ್ಠಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಭಬ್ಬೋ ಕಥಿನಂ ಅತ್ಥರಿತುಂ? ಪುಬ್ಬಕರಣಂ ಜಾನಾತಿ, ಪಚ್ಚುದ್ಧಾರಂ ಜಾನಾತಿ, ಅಧಿಟ್ಠಾನಂ ಜಾನಾತಿ, ಅತ್ಥಾರಂ ಜಾನಾತಿ, ಮಾತಿಕಂ ಜಾನಾತಿ, ಪಲಿಬೋಧಂ ಜಾನಾತಿ, ಉದ್ಧಾರಂ ಜಾನಾತಿ, ಆನಿಸಂಸಂ ಜಾನಾತಿ – ಇಮೇಹಿ ಅಟ್ಠಹಙ್ಗೇಹಿ ಸಮನ್ನಾಗತೋ ಪುಗ್ಗಲೋ ಭಬ್ಬೋ ಕಥಿನಂ ಅತ್ಥರಿತುಂ।
409. Katihaṅgehi samannāgato puggalo abhabbo kathinaṃ attharituṃ? Katihaṅgehi samannāgato puggalo bhabbo kathinaṃ attharituṃ? Aṭṭhahaṅgehi samannāgato puggalo abhabbo kathinaṃ attharituṃ. Aṭṭhahaṅgehi samannāgato puggalo bhabbo kathinaṃ attharituṃ. Katamehi aṭṭhahaṅgehi samannāgato puggalo abhabbo kathinaṃ attharituṃ? Pubbakaraṇaṃ na jānāti, paccuddhāraṃ na jānāti, adhiṭṭhānaṃ na jānāti, atthāraṃ na jānāti, mātikaṃ na jānāti, palibodhaṃ na jānāti, uddhāraṃ na jānāti, ānisaṃsaṃ na jānāti – imehi aṭṭhahaṅgehi samannāgato puggalo abhabbo kathinaṃ attharituṃ. Katamehi aṭṭhahaṅgehi samannāgato puggalo bhabbo kathinaṃ attharituṃ? Pubbakaraṇaṃ jānāti, paccuddhāraṃ jānāti, adhiṭṭhānaṃ jānāti, atthāraṃ jānāti, mātikaṃ jānāti, palibodhaṃ jānāti, uddhāraṃ jānāti, ānisaṃsaṃ jānāti – imehi aṭṭhahaṅgehi samannāgato puggalo bhabbo kathinaṃ attharituṃ.
೪೧೦. ಕತಿನಂ ಪುಗ್ಗಲಾನಂ ಕಥಿನತ್ಥಾರಾ ನ ರುಹನ್ತಿ? ಕತಿನಂ ಪುಗ್ಗಲಾನಂ ಕಥಿನತ್ಥಾರಾ ರುಹನ್ತಿ? ತಿಣ್ಣಂ ಪುಗ್ಗಲಾನಂ ಕಥಿನತ್ಥಾರಾ ನ ರುಹನ್ತಿ। ತಿಣ್ಣಂ ಪುಗ್ಗಲಾನಂ ಕಥಿನತ್ಥಾರಾ ರುಹನ್ತಿ। ಕತಮೇಸಂ ತಿಣ್ಣಂ ಪುಗ್ಗಲಾನಂ ಕಥಿನತ್ಥಾರಾ ನ ರುಹನ್ತಿ? ನಿಸ್ಸೀಮಟ್ಠೋ ಅನುಮೋದತಿ, ಅನುಮೋದೇನ್ತೋ ನ ವಾಚಂ ಭಿನ್ದತಿ, ವಾಚಂ ಭಿನ್ದನ್ತೋ ನ ಪರಂ ವಿಞ್ಞಾಪೇತಿ – ಇಮೇಸಂ ತಿಣ್ಣಂ ಪುಗ್ಗಲಾನಂ ಕಥಿನತ್ಥಾರಾ ನ ರುಹನ್ತಿ। ಕತಮೇಸಂ ತಿಣ್ಣಂ ಪುಗ್ಗಲಾನಂ ಕಥಿನತ್ಥಾರಾ ರುಹನ್ತಿ? ಸೀಮಟ್ಠೋ ಅನುಮೋದತಿ, ಅನುಮೋದೇನ್ತೋ ವಾಚಂ ಭಿನ್ದತಿ, ವಾಚಂ ಭಿನ್ದನ್ತೋ ಪರಂ ವಿಞ್ಞಾಪೇತಿ – ಇಮೇಸಂ ತಿಣ್ಣಂ ಪುಗ್ಗಲಾನಂ ಕಥಿನತ್ಥಾರಾ ರುಹನ್ತಿ।
410. Katinaṃ puggalānaṃ kathinatthārā na ruhanti? Katinaṃ puggalānaṃ kathinatthārā ruhanti? Tiṇṇaṃ puggalānaṃ kathinatthārā na ruhanti. Tiṇṇaṃ puggalānaṃ kathinatthārā ruhanti. Katamesaṃ tiṇṇaṃ puggalānaṃ kathinatthārā na ruhanti? Nissīmaṭṭho anumodati, anumodento na vācaṃ bhindati, vācaṃ bhindanto na paraṃ viññāpeti – imesaṃ tiṇṇaṃ puggalānaṃ kathinatthārā na ruhanti. Katamesaṃ tiṇṇaṃ puggalānaṃ kathinatthārā ruhanti? Sīmaṭṭho anumodati, anumodento vācaṃ bhindati, vācaṃ bhindanto paraṃ viññāpeti – imesaṃ tiṇṇaṃ puggalānaṃ kathinatthārā ruhanti.
೪೧೧. ಕತಿ ಕಥಿನತ್ಥಾರಾ ನ ರುಹನ್ತಿ? ಕತಿ ಕಥಿನತ್ಥಾರಾ ರುಹನ್ತಿ? ತಯೋ ಕಥಿನತ್ಥಾರಾ ನ ರುಹನ್ತಿ। ತಯೋ ಕಥಿನತ್ಥಾರಾ ರುಹನ್ತಿ। ಕತಮೇ ತಯೋ ಕಥಿನತ್ಥಾರಾ ನ ರುಹನ್ತಿ? ವತ್ಥುವಿಪನ್ನಞ್ಚೇವ ಹೋತಿ, ಕಾಲವಿಪನ್ನಞ್ಚ, ಕರಣವಿಪನ್ನಞ್ಚ – ಇಮೇ ತಯೋ ಕಥಿನತ್ಥಾರಾ ನ ರುಹನ್ತಿ। ಕತಮೇ ತಯೋ ಕಥಿನತ್ಥಾರಾ ರುಹನ್ತಿ? ವತ್ಥುಸಮ್ಪನ್ನಞ್ಚೇವ ಹೋತಿ, ಕಾಲಸಮ್ಪನ್ನಞ್ಚ, ಕರಣಸಮ್ಪನ್ನಞ್ಚ – ಇಮೇ ತಯೋ ಕಥಿನತ್ಥಾರಾ ರುಹನ್ತಿ।
411. Kati kathinatthārā na ruhanti? Kati kathinatthārā ruhanti? Tayo kathinatthārā na ruhanti. Tayo kathinatthārā ruhanti. Katame tayo kathinatthārā na ruhanti? Vatthuvipannañceva hoti, kālavipannañca, karaṇavipannañca – ime tayo kathinatthārā na ruhanti. Katame tayo kathinatthārā ruhanti? Vatthusampannañceva hoti, kālasampannañca, karaṇasampannañca – ime tayo kathinatthārā ruhanti.
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಪುಬ್ಬಕರಣನಿದಾನಾದಿವಿಭಾಗವಣ್ಣನಾ • Pubbakaraṇanidānādivibhāgavaṇṇanā
