| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปุพฺพงฺคมิยเตฺถรอปทานํ
10. Pubbaṅgamiyattheraapadānaṃ
๔๓.
43.
‘‘จุลฺลาสีติสหสฺสานิ , ปพฺพชิมฺห อกิญฺจนา;
‘‘Cullāsītisahassāni , pabbajimha akiñcanā;
เตสํ ปุพฺพงฺคโม อาสิํ, อุตฺตมตฺถสฺส ปตฺติยาฯ
Tesaṃ pubbaṅgamo āsiṃ, uttamatthassa pattiyā.
๔๔.
44.
อุปฎฺฐหิํสุ สกฺกจฺจํ, ปสนฺนา เสหิ ปาณิภิฯ
Upaṭṭhahiṃsu sakkaccaṃ, pasannā sehi pāṇibhi.
๔๕.
45.
‘‘ขีณาสวา วนฺตโทสา, กตกิจฺจา อนาสวา;
‘‘Khīṇāsavā vantadosā, katakiccā anāsavā;
ผริํสุ เมตฺตจิเตฺตน, สยมฺภู อปราชิตาฯ
Phariṃsu mettacittena, sayambhū aparājitā.
๔๖.
46.
‘‘เตสํ อุปฎฺฐหิตฺวาน, สมฺพุทฺธานํ ปติสฺสโต;
‘‘Tesaṃ upaṭṭhahitvāna, sambuddhānaṃ patissato;
มรณญฺจ อนุปฺปโตฺต, เทวตฺตญฺจ อคมฺหเสฯ
Maraṇañca anuppatto, devattañca agamhase.
๔๗.
47.
‘‘จตุนฺนวุติโต กเปฺป, ยํ สีลมนุปาลยิํ;
‘‘Catunnavutito kappe, yaṃ sīlamanupālayiṃ;
ทุคฺคติํ นาภิชานามิ, สญฺญมสฺส อิทํ ผลํฯ
Duggatiṃ nābhijānāmi, saññamassa idaṃ phalaṃ.
๔๘.
48.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปุพฺพงฺคมิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā pubbaṅgamiyo thero imā gāthāyo abhāsitthāti.
ปุพฺพงฺคมิยเตฺถรสฺสาปทานํ ทสมํฯ
Pubbaṅgamiyattherassāpadānaṃ dasamaṃ.
ปณฺณทายกวโคฺค เอกูนติํสติโมฯ
Paṇṇadāyakavaggo ekūnatiṃsatimo.
ตสฺสุทฺทานํ –
Tassuddānaṃ –
ปณฺณํ ผลํ ปจฺจุคฺคมํ, เอกปุปฺผิ จ มฆวา;
Paṇṇaṃ phalaṃ paccuggamaṃ, ekapupphi ca maghavā;
อุปฎฺฐากาปทานญฺจ , ปพฺพชฺชา พุทฺธุปฎฺฐาโก;
Upaṭṭhākāpadānañca , pabbajjā buddhupaṭṭhāko;
ปุพฺพงฺคโม จ คาถาโย, อฎฺฐตาลีส กิตฺติตาฯ
Pubbaṅgamo ca gāthāyo, aṭṭhatālīsa kittitā.
Footnotes:
