| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. буб̣б̣ан̣хасуд̇д̇аван̣н̣анаа
10. Pubbaṇhasuttavaṇṇanā
156. д̣̇асамз сунагкад̇д̇анд̇иаад̣̇ийсу яасмим̣ д̣̇ивасз д̇аяо сужарид̇ад̇хаммаа буурид̇аа хонд̇и, со д̣̇ивасо лад̣̇д̇ханагкад̇д̇аяог̇о наама, д̇знасса сад̣̇аа сунагкад̇д̇ам̣ наама ход̇ийд̇и вужжад̇и. свзва д̣̇ивасо гад̇аман̇г̇ало наама ход̇и, д̇знасса сад̣̇аа суман̇г̇аланд̇и вужжад̇и. бабхаад̇амбисса сад̣̇аа суббабхаад̇амзва, саяанад̇о удтаанамби сухудтид̇амзва, кан̣оби сугкан̣ова, мухуд̇д̇оби сумухуд̇д̇ова. зд̇т̇а жа д̣̇асажчарабамаан̣о гаало кан̣о наама, д̇зна кан̣зна д̣̇асагкан̣о гаало лаяо наама, д̇зна лаязна жа д̣̇асалаяо гаало кан̣алаяо наама, д̇зна д̣̇асаг̇ун̣о мухуд̇д̇о наама, д̇зна д̣̇асаг̇ун̣о кан̣амухуд̇д̇о наамаад̇и аяам̣ вибхааг̇о взд̣̇ид̇аб̣б̣о. суяидтам̣ б̣рахмажаарисууд̇и яасмим̣ д̣̇ивасз д̇ийн̣и сужарид̇аани буурид̇аани, д̇ад̣̇аасса сздтажаарийсу д̣̇иннад̣̇аанам̣ суяидтам̣ наама ход̇и . бад̣̇агкин̣ам̣ гааяагамманд̇и д̇ам̣ д̣̇ивасам̣ д̇зна гад̇ам̣ гааяагаммам̣ вад̣дхигааяагаммам̣ наама ход̇и. сзсабад̣̇зсуби зсзва наяо. бад̣̇агкин̣аани гад̇ваанаад̇и вад̣дхияуд̇д̇аани гааяагаммаад̣̇ийни гад̇ваа. лабханд̇ад̇т̇з бад̣̇агкин̣зд̇и бад̣̇агкин̣з вад̣дхиад̇т̇зязва лабхад̇и. сзсам̣ уд̇д̇аанамзваад̇и.
156. Dasame sunakkhattantiādīsu yasmiṃ divase tayo sucaritadhammā pūritā honti, so divaso laddhanakkhattayogo nāma, tenassa sadā sunakkhattaṃ nāma hotīti vuccati. Sveva divaso katamaṅgalo nāma hoti, tenassa sadā sumaṅgalanti vuccati. Pabhātampissa sadā suppabhātameva, sayanato uṭṭhānampi suhuṭṭhitameva, khaṇopi sukkhaṇova, muhuttopi sumuhuttova. Ettha ca dasaccharapamāṇo kālo khaṇo nāma, tena khaṇena dasakkhaṇo kālo layo nāma, tena layena ca dasalayo kālo khaṇalayo nāma, tena dasaguṇo muhutto nāma, tena dasaguṇo khaṇamuhutto nāmāti ayaṃ vibhāgo veditabbo. Suyiṭṭhaṃ brahmacārisūti yasmiṃ divase tīṇi sucaritāni pūritāni, tadāssa seṭṭhacārīsu dinnadānaṃ suyiṭṭhaṃ nāma hoti . Padakkhiṇaṃ kāyakammanti taṃ divasaṃ tena kataṃ kāyakammaṃ vaḍḍhikāyakammaṃ nāma hoti. Sesapadesupi eseva nayo. Padakkhiṇāni katvānāti vaḍḍhiyuttāni kāyakammādīni katvā. Labhantatthe padakkhiṇeti padakkhiṇe vaḍḍhiattheyeva labhati. Sesaṃ uttānamevāti.
ман̇г̇алаваг̇г̇о бан̃жамо.
Maṅgalavaggo pañcamo.
д̇ад̇ияабан̣н̣аасагам̣ нидтид̇ам̣.
Tatiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. буб̣б̣ан̣хасуд̇д̇ам̣ • 10. Pubbaṇhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 11-13. батамамораниваабасуд̇д̇аад̣̇иван̣н̣анаа • 11-13. Paṭhamamoranivāpasuttādivaṇṇanā
