| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. ปุพฺพณฺหสุตฺตวณฺณนา
10. Pubbaṇhasuttavaṇṇanā
๑๕๖. ทสเม สุนกฺขตฺตนฺติอาทีสุ ยสฺมิํ ทิวเส ตโย สุจริตธมฺมา ปูริตา โหนฺติ, โส ทิวโส ลทฺธนกฺขตฺตโยโค นาม, เตนสฺส สทา สุนกฺขตฺตํ นาม โหตีติ วุจฺจติฯ เสฺวว ทิวโส กตมงฺคโล นาม โหติ, เตนสฺส สทา สุมงฺคลนฺติ วุจฺจติฯ ปภาตมฺปิสฺส สทา สุปฺปภาตเมว, สยนโต อุฎฺฐานมฺปิ สุหุฎฺฐิตเมว, ขโณปิ สุกฺขโณว, มุหุโตฺตปิ สุมุหุโตฺตวฯ เอตฺถ จ ทสจฺฉรปมาโณ กาโล ขโณ นาม, เตน ขเณน ทสกฺขโณ กาโล ลโย นาม, เตน ลเยน จ ทสลโย กาโล ขณลโย นาม, เตน ทสคุโณ มุหุโตฺต นาม, เตน ทสคุโณ ขณมุหุโตฺต นามาติ อยํ วิภาโค เวทิตโพฺพฯ สุยิฎฺฐํ พฺรหฺมจาริสูติ ยสฺมิํ ทิวเส ตีณิ สุจริตานิ ปูริตานิ, ตทาสฺส เสฎฺฐจารีสุ ทินฺนทานํ สุยิฎฺฐํ นาม โหติ ฯ ปทกฺขิณํ กายกมฺมนฺติ ตํ ทิวสํ เตน กตํ กายกมฺมํ วฑฺฒิกายกมฺมํ นาม โหติฯ เสสปเทสุปิ เอเสว นโยฯ ปทกฺขิณานิ กตฺวานาติ วฑฺฒิยุตฺตานิ กายกมฺมาทีนิ กตฺวาฯ ลภนฺตเตฺถ ปทกฺขิเณติ ปทกฺขิเณ วฑฺฒิอเตฺถเยว ลภติฯ เสสํ อุตฺตานเมวาติฯ
156. Dasame sunakkhattantiādīsu yasmiṃ divase tayo sucaritadhammā pūritā honti, so divaso laddhanakkhattayogo nāma, tenassa sadā sunakkhattaṃ nāma hotīti vuccati. Sveva divaso katamaṅgalo nāma hoti, tenassa sadā sumaṅgalanti vuccati. Pabhātampissa sadā suppabhātameva, sayanato uṭṭhānampi suhuṭṭhitameva, khaṇopi sukkhaṇova, muhuttopi sumuhuttova. Ettha ca dasaccharapamāṇo kālo khaṇo nāma, tena khaṇena dasakkhaṇo kālo layo nāma, tena layena ca dasalayo kālo khaṇalayo nāma, tena dasaguṇo muhutto nāma, tena dasaguṇo khaṇamuhutto nāmāti ayaṃ vibhāgo veditabbo. Suyiṭṭhaṃ brahmacārisūti yasmiṃ divase tīṇi sucaritāni pūritāni, tadāssa seṭṭhacārīsu dinnadānaṃ suyiṭṭhaṃ nāma hoti . Padakkhiṇaṃ kāyakammanti taṃ divasaṃ tena kataṃ kāyakammaṃ vaḍḍhikāyakammaṃ nāma hoti. Sesapadesupi eseva nayo. Padakkhiṇāni katvānāti vaḍḍhiyuttāni kāyakammādīni katvā. Labhantatthe padakkhiṇeti padakkhiṇe vaḍḍhiattheyeva labhati. Sesaṃ uttānamevāti.
มงฺคลวโคฺค ปญฺจโมฯ
Maṅgalavaggo pañcamo.
ตติยปณฺณาสกํ นิฎฺฐิตํฯ
Tatiyapaṇṇāsakaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. ปุพฺพณฺหสุตฺตํ • 10. Pubbaṇhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๑-๑๓. ปฐมโมรนิวาปสุตฺตาทิวณฺณนา • 11-13. Paṭhamamoranivāpasuttādivaṇṇanā
