| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਪੁਬ੍ਬਣ੍ਹਸੁਤ੍ਤવਣ੍ਣਨਾ
10. Pubbaṇhasuttavaṇṇanā
੧੫੬. ਦਸਮੇ ਸੁਨਕ੍ਖਤ੍ਤਨ੍ਤਿਆਦੀਸੁ ਯਸ੍ਮਿਂ ਦਿવਸੇ ਤਯੋ ਸੁਚਰਿਤਧਮ੍ਮਾ ਪੂਰਿਤਾ ਹੋਨ੍ਤਿ, ਸੋ ਦਿવਸੋ ਲਦ੍ਧਨਕ੍ਖਤ੍ਤਯੋਗੋ ਨਾਮ, ਤੇਨਸ੍ਸ ਸਦਾ ਸੁਨਕ੍ਖਤ੍ਤਂ ਨਾਮ ਹੋਤੀਤਿ વੁਚ੍ਚਤਿ। ਸ੍વੇવ ਦਿવਸੋ ਕਤਮਙ੍ਗਲੋ ਨਾਮ ਹੋਤਿ, ਤੇਨਸ੍ਸ ਸਦਾ ਸੁਮਙ੍ਗਲਨ੍ਤਿ વੁਚ੍ਚਤਿ। ਪਭਾਤਮ੍ਪਿਸ੍ਸ ਸਦਾ ਸੁਪ੍ਪਭਾਤਮੇવ, ਸਯਨਤੋ ਉਟ੍ਠਾਨਮ੍ਪਿ ਸੁਹੁਟ੍ਠਿਤਮੇવ, ਖਣੋਪਿ ਸੁਕ੍ਖਣੋવ, ਮੁਹੁਤ੍ਤੋਪਿ ਸੁਮੁਹੁਤ੍ਤੋવ। ਏਤ੍ਥ ਚ ਦਸਚ੍ਛਰਪਮਾਣੋ ਕਾਲੋ ਖਣੋ ਨਾਮ, ਤੇਨ ਖਣੇਨ ਦਸਕ੍ਖਣੋ ਕਾਲੋ ਲਯੋ ਨਾਮ, ਤੇਨ ਲਯੇਨ ਚ ਦਸਲਯੋ ਕਾਲੋ ਖਣਲਯੋ ਨਾਮ, ਤੇਨ ਦਸਗੁਣੋ ਮੁਹੁਤ੍ਤੋ ਨਾਮ, ਤੇਨ ਦਸਗੁਣੋ ਖਣਮੁਹੁਤ੍ਤੋ ਨਾਮਾਤਿ ਅਯਂ વਿਭਾਗੋ વੇਦਿਤਬ੍ਬੋ। ਸੁਯਿਟ੍ਠਂ ਬ੍ਰਹ੍ਮਚਾਰਿਸੂਤਿ ਯਸ੍ਮਿਂ ਦਿવਸੇ ਤੀਣਿ ਸੁਚਰਿਤਾਨਿ ਪੂਰਿਤਾਨਿ, ਤਦਾਸ੍ਸ ਸੇਟ੍ਠਚਾਰੀਸੁ ਦਿਨ੍ਨਦਾਨਂ ਸੁਯਿਟ੍ਠਂ ਨਾਮ ਹੋਤਿ । ਪਦਕ੍ਖਿਣਂ ਕਾਯਕਮ੍ਮਨ੍ਤਿ ਤਂ ਦਿવਸਂ ਤੇਨ ਕਤਂ ਕਾਯਕਮ੍ਮਂ વਡ੍ਢਿਕਾਯਕਮ੍ਮਂ ਨਾਮ ਹੋਤਿ। ਸੇਸਪਦੇਸੁਪਿ ਏਸੇવ ਨਯੋ। ਪਦਕ੍ਖਿਣਾਨਿ ਕਤ੍વਾਨਾਤਿ વਡ੍ਢਿਯੁਤ੍ਤਾਨਿ ਕਾਯਕਮ੍ਮਾਦੀਨਿ ਕਤ੍વਾ। ਲਭਨ੍ਤਤ੍ਥੇ ਪਦਕ੍ਖਿਣੇਤਿ ਪਦਕ੍ਖਿਣੇ વਡ੍ਢਿਅਤ੍ਥੇਯੇવ ਲਭਤਿ। ਸੇਸਂ ਉਤ੍ਤਾਨਮੇવਾਤਿ।
156. Dasame sunakkhattantiādīsu yasmiṃ divase tayo sucaritadhammā pūritā honti, so divaso laddhanakkhattayogo nāma, tenassa sadā sunakkhattaṃ nāma hotīti vuccati. Sveva divaso katamaṅgalo nāma hoti, tenassa sadā sumaṅgalanti vuccati. Pabhātampissa sadā suppabhātameva, sayanato uṭṭhānampi suhuṭṭhitameva, khaṇopi sukkhaṇova, muhuttopi sumuhuttova. Ettha ca dasaccharapamāṇo kālo khaṇo nāma, tena khaṇena dasakkhaṇo kālo layo nāma, tena layena ca dasalayo kālo khaṇalayo nāma, tena dasaguṇo muhutto nāma, tena dasaguṇo khaṇamuhutto nāmāti ayaṃ vibhāgo veditabbo. Suyiṭṭhaṃ brahmacārisūti yasmiṃ divase tīṇi sucaritāni pūritāni, tadāssa seṭṭhacārīsu dinnadānaṃ suyiṭṭhaṃ nāma hoti . Padakkhiṇaṃ kāyakammanti taṃ divasaṃ tena kataṃ kāyakammaṃ vaḍḍhikāyakammaṃ nāma hoti. Sesapadesupi eseva nayo. Padakkhiṇāni katvānāti vaḍḍhiyuttāni kāyakammādīni katvā. Labhantatthe padakkhiṇeti padakkhiṇe vaḍḍhiattheyeva labhati. Sesaṃ uttānamevāti.
ਮਙ੍ਗਲવਗ੍ਗੋ ਪਞ੍ਚਮੋ।
Maṅgalavaggo pañcamo.
ਤਤਿਯਪਣ੍ਣਾਸਕਂ ਨਿਟ੍ਠਿਤਂ।
Tatiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਪੁਬ੍ਬਣ੍ਹਸੁਤ੍ਤਂ • 10. Pubbaṇhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੧-੧੩. ਪਠਮਮੋਰਨਿવਾਪਸੁਤ੍ਤਾਦਿવਣ੍ਣਨਾ • 11-13. Paṭhamamoranivāpasuttādivaṇṇanā
