| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
8. буб̣б̣анд̇аануд̣̇идтинид̣̇д̣̇зсаван̣н̣анаа
8. Pubbantānudiṭṭhiniddesavaṇṇanā
141. буб̣б̣анд̇аабаранд̇аануд̣̇идтийсу сассад̇ам̣ вад̣̇анд̇ийд̇и сассад̇аваад̣̇аа. ат̇а ваа вад̣̇анд̇и зд̇знаад̇и ваад̣̇о, д̣̇идтиг̇ад̇ассзд̇ам̣ ад̇хиважанам̣. сассад̇анд̇и ваад̣̇оби сассад̇аяог̇зна сассад̇о, сассад̇о ваад̣̇о зд̇зсанд̇и сассад̇аваад̣̇аа. д̇ат̇аа згажжам̣ сассад̇анд̇и ваад̣̇о згажжасассад̇о, со зд̇зсам̣ ад̇т̇ийд̇и згажжасассад̇игаа. д̇ат̇аа анд̇аваа, ананд̇аваа, анд̇аваа жа ананд̇аваа жа, нзванд̇аваа наананд̇аваад̇и бавад̇д̇о ваад̣̇о анд̇аананд̇о, со зд̇зсам̣ ад̇т̇ийд̇и анд̇аананд̇игаа. на марад̇ийд̇и амараа. гаа саа? ‘‘звамби мз но’’д̇иаад̣̇инаа (д̣̇ий. ни. 1.62-63) наязна барияанд̇арахид̇асса д̣̇идтиг̇ад̇игасса д̣̇идти жзва ваажаа жа. вивид̇хо кзбо вигкзбо, амарааяа д̣̇идтияаа, ваажааяа ваа вигкзбо амараавигкзбо, со зд̇зсам̣ ад̇т̇ийд̇и амараавигкзбигаа. абаро наяо – амараа наама мажчаж̇аад̇и , саа уммуж̇ж̇ананимуж̇ж̇анаад̣̇ивасзна уд̣̇агз санд̇хаавамаанаа г̇ахзд̇ум̣ на саггаа ход̇и, звамзвам̣ аяамби ваад̣̇о ид̇о жид̇о жа санд̇хаавад̇и, г̇аахам̣ на убаг̇ажчад̇ийд̇и амараавигкзбод̇и вужжад̇и, со зд̇зсам̣ ад̇т̇ийд̇и амараавигкзбигаа. ад̇хижжасамуббаннод̇и агааран̣асамуббанно ад̇д̇аа жа лого жаад̇и д̣̇ассанам̣ ад̇хижжасамуббаннам̣, д̇ам̣ зд̇зсам̣ ад̇т̇ийд̇и ад̇хижжасамуббаннигаа.
141. Pubbantāparantānudiṭṭhīsu sassataṃ vadantīti sassatavādā. Atha vā vadanti etenāti vādo, diṭṭhigatassetaṃ adhivacanaṃ. Sassatanti vādopi sassatayogena sassato, sassato vādo etesanti sassatavādā. Tathā ekaccaṃ sassatanti vādo ekaccasassato, so etesaṃ atthīti ekaccasassatikā. Tathā antavā, anantavā, antavā ca anantavā ca, nevantavā nānantavāti pavatto vādo antānanto, so etesaṃ atthīti antānantikā. Na maratīti amarā. Kā sā? ‘‘Evampi me no’’tiādinā (dī. ni. 1.62-63) nayena pariyantarahitassa diṭṭhigatikassa diṭṭhi ceva vācā ca. Vividho khepo vikkhepo, amarāya diṭṭhiyā, vācāya vā vikkhepo amarāvikkhepo, so etesaṃ atthīti amarāvikkhepikā. Aparo nayo – amarā nāma macchajāti , sā ummujjananimujjanādivasena udake sandhāvamānā gahetuṃ na sakkā hoti, evamevaṃ ayampi vādo ito cito ca sandhāvati, gāhaṃ na upagacchatīti amarāvikkhepoti vuccati, so etesaṃ atthīti amarāvikkhepikā. Adhiccasamuppannoti akāraṇasamuppanno attā ca loko cāti dassanaṃ adhiccasamuppannaṃ, taṃ etesaṃ atthīti adhiccasamuppannikā.
буб̣б̣анд̇аануд̣̇идтинид̣̇д̣̇зсаван̣н̣анаа нидтид̇аа.
Pubbantānudiṭṭhiniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 8. буб̣б̣анд̇аануд̣̇идтинид̣̇д̣̇зсо • 8. Pubbantānudiṭṭhiniddeso
