| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. буб̣б̣абзд̇аад̣̇исабан̃хо
4. Pubbapetādisapañho
4. ‘‘бханд̇з нааг̇асзна, имз д̣̇ааяагаа д̣̇аанам̣ д̣̇ад̇ваа буб̣б̣абзд̇аанам̣ аад̣̇исанд̇и 1 ‘ид̣̇ам̣ д̇зсам̣ баабун̣аад̇уу’д̇и, аби ну д̇з гин̃жи д̇ад̇онид̣̇аанам̣ вибаагам̣ бадилабханд̇ий’’д̇и? ‘‘гзжи, махаарааж̇а, бадилабханд̇и, гзжи наббадилабханд̇ий’’д̇и. ‘‘гз, бханд̇з, бадилабханд̇и, гз наббадилабханд̇ий’’д̇и? ‘‘нираяуубабаннаа, махаарааж̇а, наббадилабханд̇и, саг̇г̇аг̇ад̇аа наббадилабханд̇и, д̇иражчаанаяониг̇ад̇аа наббадилабханд̇и, жад̇уннам̣ бзд̇аанам̣ д̇аяо бзд̇аа наббадилабханд̇и ванд̇аасигаа куббибаасино ниж̇жхаамад̇ан̣хигаа, лабханд̇и бзд̇аа барад̣̇ад̇д̇уубаж̇ийвино, д̇зби сарамаанаа язва лабханд̇ий’’д̇и.
4. ‘‘Bhante nāgasena, ime dāyakā dānaṃ datvā pubbapetānaṃ ādisanti 2 ‘idaṃ tesaṃ pāpuṇātū’ti, api nu te kiñci tatonidānaṃ vipākaṃ paṭilabhantī’’ti? ‘‘Keci, mahārāja, paṭilabhanti, keci nappaṭilabhantī’’ti. ‘‘Ke, bhante, paṭilabhanti, ke nappaṭilabhantī’’ti? ‘‘Nirayūpapannā, mahārāja, nappaṭilabhanti, saggagatā nappaṭilabhanti, tiracchānayonigatā nappaṭilabhanti, catunnaṃ petānaṃ tayo petā nappaṭilabhanti vantāsikā khuppipāsino nijjhāmataṇhikā, labhanti petā paradattūpajīvino, tepi saramānā yeva labhantī’’ti.
‘‘д̇зна хи, бханд̇з нааг̇асзна, д̣̇ааяагаанам̣ д̣̇аанам̣ висосид̇ам̣ 3 ход̇и апалам̣, язсам̣ уд̣̇д̣̇исса гад̇ам̣ яад̣̇и д̇з наббадилабханд̇ий’’д̇и? ‘‘на хи д̇ам̣, махаарааж̇а, д̣̇аанам̣ апалам̣ ход̇и авибаагам̣, д̣̇ааяагаа язва д̇асса палам̣ анубхаванд̇ий’’д̇и. ‘‘д̇зна хи, бханд̇з нааг̇асзна, гааран̣зна мам̣ сан̃н̃аабзхий’’д̇и. ‘‘ид̇ха, махаарааж̇а, гзжи мануссаа мажчамам̣сасураабхад̇д̇акаж̇ж̇агаани бадияаад̣̇зд̇ваа н̃аад̇игулам̣ г̇ажчанд̇и, яад̣̇и д̇з н̃аад̇агаа д̇ам̣ убааяанам̣ на самбадижчзяяум̣, аби ну д̇ам̣ убааяанам̣ висосид̇ам̣ г̇ажчзяяа винассзяяа ваа’’д̇и? ‘‘на хи, бханд̇з, саамигаанам̣ язва д̇ам̣ ход̇ий’’д̇и. ‘‘звамзва ко, махаарааж̇а, д̣̇ааяагаа язва д̇асса палам̣ анубхаванд̇и. яат̇аа бана , махаарааж̇а, бурисо г̇аб̣бхам̣ бавидто асад̇и бурад̇о нигкаманамукз гзна нигкамзяяаа’’д̇и. ‘‘бавидтзнзва бханд̇з’’д̇и. ‘‘звамзва ко, махаарааж̇а, д̣̇ааяагаа язва д̇асса палам̣ анубхаванд̇ий’’д̇и. ‘‘ход̇у, бханд̇з нааг̇асзна, звамзд̇ам̣ д̇ат̇аа самбадижчаами, д̣̇ааяагаа язва д̇асса палам̣ анубхаванд̇и, на маяам̣ д̇ам̣ гааран̣ам̣ виломзмаад̇и.
‘‘Tena hi, bhante nāgasena, dāyakānaṃ dānaṃ visositaṃ 4 hoti aphalaṃ, yesaṃ uddissa kataṃ yadi te nappaṭilabhantī’’ti? ‘‘Na hi taṃ, mahārāja, dānaṃ aphalaṃ hoti avipākaṃ, dāyakā yeva tassa phalaṃ anubhavantī’’ti. ‘‘Tena hi, bhante nāgasena, kāraṇena maṃ saññāpehī’’ti. ‘‘Idha, mahārāja, keci manussā macchamaṃsasurābhattakhajjakāni paṭiyādetvā ñātikulaṃ gacchanti, yadi te ñātakā taṃ upāyanaṃ na sampaṭiccheyyuṃ, api nu taṃ upāyanaṃ visositaṃ gaccheyya vinasseyya vā’’ti? ‘‘Na hi, bhante, sāmikānaṃ yeva taṃ hotī’’ti. ‘‘Evameva kho, mahārāja, dāyakā yeva tassa phalaṃ anubhavanti. Yathā pana , mahārāja, puriso gabbhaṃ paviṭṭho asati purato nikkhamanamukhe kena nikkhameyyā’’ti. ‘‘Paviṭṭheneva bhante’’ti. ‘‘Evameva kho, mahārāja, dāyakā yeva tassa phalaṃ anubhavantī’’ti. ‘‘Hotu, bhante nāgasena, evametaṃ tathā sampaṭicchāmi, dāyakā yeva tassa phalaṃ anubhavanti, na mayaṃ taṃ kāraṇaṃ vilomemāti.
‘‘бханд̇з нааг̇асзна, яад̣̇и имзсам̣ д̣̇ааяагаанам̣ д̣̇иннад̣̇аанам̣ буб̣б̣абзд̇аанам̣ баабун̣аад̇и, д̇з жа д̇асса вибаагам̣ анубхаванд̇и. д̇зна хи яо баан̣аад̇ибаад̇ий луд̣̇д̣̇о лохид̇абаан̣ий бад̣̇удтаманасан̇габбо мануссз гхаад̇зд̇ваа д̣̇аарун̣ам̣ гаммам̣ гад̇ваа буб̣б̣абзд̇аанам̣ аад̣̇исзяяа ‘имасса мз гаммасса вибааго буб̣б̣абзд̇аанам̣ баабун̣аад̇уу’д̇и, аби ну д̇асса вибааго буб̣б̣абзд̇аанам̣ баабун̣аад̇ий’’д̇и? ‘‘на хи, махаарааж̇аа’’д̇и.
‘‘Bhante nāgasena, yadi imesaṃ dāyakānaṃ dinnadānaṃ pubbapetānaṃ pāpuṇāti, te ca tassa vipākaṃ anubhavanti. Tena hi yo pāṇātipātī luddo lohitapāṇī paduṭṭhamanasaṅkappo manusse ghātetvā dāruṇaṃ kammaṃ katvā pubbapetānaṃ ādiseyya ‘imassa me kammassa vipāko pubbapetānaṃ pāpuṇātū’ti, api nu tassa vipāko pubbapetānaṃ pāpuṇātī’’ti? ‘‘Na hi, mahārājā’’ti.
‘‘бханд̇з нааг̇асзна, го д̇ад̇т̇а хзд̇у гим̣ гааран̣ам̣, язна гусалам̣ баабун̣аад̇и агусалам̣ на баабун̣аад̇ий’’д̇и? ‘‘нзсо, махаарааж̇а, бан̃хо бужчид̇аб̣б̣о, маа жа д̇вам̣, махаарааж̇а, ‘висаж̇ж̇аго ад̇т̇ий’д̇и абужчид̇аб̣б̣ам̣ бужчи, ‘гисса аагаасо нирааламб̣о, гисса г̇ан̇г̇аа уд̣̇д̇хаммукаа на санд̣̇ад̇и, гисса имз мануссаа жа д̣̇иж̇аа жа д̣̇вибад̣̇аа миг̇аа жад̇уббад̣̇аа’д̇и д̇амби мам̣ д̇вам̣ бужчиссасий’’д̇и. ‘‘наахам̣ д̇ам̣, бханд̇з нааг̇асзна, вихзсаабзгко бужчаами, аби жа ниб̣б̣ааханад̇т̇ааяа 5 санд̣̇зхасса бужчаами, б̣ахуу мануссаа логз ваамаг̇аамино 6 вижагкугаа, ‘гинд̇и д̇з од̇аарам̣ на лабхзяяу’нд̇и зваахам̣ д̇ам̣ бужчаамий’’д̇и. ‘‘на саггаа, махаарааж̇а, саха агад̇зна ананумад̇зна саха баабам̣ гаммам̣ сам̣вибхаж̇ид̇ум̣.
‘‘Bhante nāgasena, ko tattha hetu kiṃ kāraṇaṃ, yena kusalaṃ pāpuṇāti akusalaṃ na pāpuṇātī’’ti? ‘‘Neso, mahārāja, pañho pucchitabbo, mā ca tvaṃ, mahārāja, ‘visajjako atthī’ti apucchitabbaṃ pucchi, ‘kissa ākāso nirālambo, kissa gaṅgā uddhammukhā na sandati, kissa ime manussā ca dijā ca dvipadā migā catuppadā’ti tampi maṃ tvaṃ pucchissasī’’ti. ‘‘Nāhaṃ taṃ, bhante nāgasena, vihesāpekkho pucchāmi, api ca nibbāhanatthāya 7 sandehassa pucchāmi, bahū manussā loke vāmagāmino 8 vicakkhukā, ‘kinti te otāraṃ na labheyyu’nti evāhaṃ taṃ pucchāmī’’ti. ‘‘Na sakkā, mahārāja, saha akatena ananumatena saha pāpaṃ kammaṃ saṃvibhajituṃ.
‘‘яат̇аа, махаарааж̇а, мануссаа уд̣̇аганиб̣б̣ааханзна уд̣̇агам̣ сувид̣̇уурамби харанд̇и, аби ну, махаарааж̇а, саггаа гханамахаасзлабаб̣б̣ад̇о 9 ниб̣б̣ааханзна яат̇ижчид̇ам̣ харид̇у’’нд̇и? ‘‘на хи, бханд̇з’’д̇и. ‘‘звамзва ко, махаарааж̇а, саггаа гусалам̣ сам̣вибхаж̇ид̇ум̣, на саггаа агусалам̣ сам̣вибхаж̇ид̇ум̣. яат̇аа ваа бана, махаарааж̇а, саггаа д̇злзна бад̣̇ийбо ж̇аалзд̇ум̣, аби ну, махаарааж̇а, саггаа уд̣̇агзна бад̣̇ийбо ж̇аалзд̇у’’нд̇и? ‘‘на хи, бханд̇з’’д̇и. ‘‘звамзва ко, махаарааж̇а, саггаа гусалам̣ сам̣вибхаж̇ид̇ум̣, на саггаа агусалам̣ сам̣вибхаж̇ид̇ум̣. яат̇аа ваа бана, махаарааж̇а, гассагаа д̇ал̣аагад̇о уд̣̇агам̣ нийхарид̇ваа д̇хан̃н̃ам̣ барибаажзнд̇и, аби ну ко, махаарааж̇а, саггаа махаасамуд̣̇д̣̇ад̇о уд̣̇агам̣ нийхарид̇ваа д̇хан̃н̃ам̣ барибаажзд̇у’’нд̇и? ‘‘на хи, бханд̇з’’д̇и. ‘‘звамзва ко, махаарааж̇а, саггаа гусалам̣ сам̣вибхаж̇ид̇ум̣, на саггаа агусалам̣ сам̣вибхаж̇ид̇у’’нд̇и.
‘‘Yathā, mahārāja, manussā udakanibbāhanena udakaṃ suvidūrampi haranti, api nu, mahārāja, sakkā ghanamahāselapabbato 10 nibbāhanena yathicchitaṃ haritu’’nti? ‘‘Na hi, bhante’’ti. ‘‘Evameva kho, mahārāja, sakkā kusalaṃ saṃvibhajituṃ, na sakkā akusalaṃ saṃvibhajituṃ. Yathā vā pana, mahārāja, sakkā telena padīpo jāletuṃ, api nu, mahārāja, sakkā udakena padīpo jāletu’’nti? ‘‘Na hi, bhante’’ti. ‘‘Evameva kho, mahārāja, sakkā kusalaṃ saṃvibhajituṃ, na sakkā akusalaṃ saṃvibhajituṃ. Yathā vā pana, mahārāja, kassakā taḷākato udakaṃ nīharitvā dhaññaṃ paripācenti, api nu kho, mahārāja, sakkā mahāsamuddato udakaṃ nīharitvā dhaññaṃ paripācetu’’nti? ‘‘Na hi, bhante’’ti. ‘‘Evameva kho, mahārāja, sakkā kusalaṃ saṃvibhajituṃ, na sakkā akusalaṃ saṃvibhajitu’’nti.
‘‘бханд̇з нааг̇асзна, гзна гааран̣зна саггаа гусалам̣ сам̣вибхаж̇ид̇ум̣, на саггаа агусалам̣ сам̣вибхаж̇ид̇ум̣. гааран̣зна мам̣ сан̃н̃аабзхи, наахам̣ анд̇хо анаалого суд̇ваа взд̣̇иссаамий’’д̇и. ‘‘агусалам̣, махаарааж̇а, т̇огам̣, гусалам̣ б̣ахугам̣, т̇огад̇д̇аа агусалам̣ гад̇д̇аарам̣ язва барияаад̣̇ияад̇и, б̣ахугад̇д̇аа гусалам̣ сад̣̇звагам̣ логам̣ аж̇жход̇т̇арад̇ий’’д̇и. ‘‘обаммам̣ гарохий’’д̇и.
‘‘Bhante nāgasena, kena kāraṇena sakkā kusalaṃ saṃvibhajituṃ, na sakkā akusalaṃ saṃvibhajituṃ. Kāraṇena maṃ saññāpehi, nāhaṃ andho anāloko sutvā vedissāmī’’ti. ‘‘Akusalaṃ, mahārāja, thokaṃ, kusalaṃ bahukaṃ, thokattā akusalaṃ kattāraṃ yeva pariyādiyati, bahukattā kusalaṃ sadevakaṃ lokaṃ ajjhottharatī’’ti. ‘‘Opammaṃ karohī’’ti.
‘‘яат̇аа, махаарааж̇а, барид̇д̇ам̣ згам̣ уд̣̇агаб̣инд̣̇у бат̇авияам̣ нибад̇зяяа, аби ну ко д̇ам̣, махаарааж̇а, уд̣̇агаб̣инд̣̇у д̣̇асаби д̣̇ваад̣̇асаби яож̇анаани аж̇жход̇т̇арзяяаа’’д̇и? ‘‘на хи, бханд̇з, яад̇т̇а д̇ам̣ уд̣̇агаб̣инд̣̇у нибад̇ид̇ам̣, д̇ад̇т̇зва барияаад̣̇ияад̇ий’’д̇и. ‘‘гзна гааран̣зна, махаарааж̇аа’’д̇и? ‘‘барид̇д̇ад̇д̇аа, бханд̇з, уд̣̇агаб̣инд̣̇уссаа’’д̇и. ‘‘звамзва ко, махаарааж̇а, барид̇д̇ам̣ агусалам̣ барид̇д̇ад̇д̇аа гад̇д̇аарам̣ язва барияаад̣̇ияад̇и, на саггаа сам̣вибхаж̇ид̇ум̣.
‘‘Yathā, mahārāja, parittaṃ ekaṃ udakabindu pathaviyaṃ nipateyya, api nu kho taṃ, mahārāja, udakabindu dasapi dvādasapi yojanāni ajjhotthareyyā’’ti? ‘‘Na hi, bhante, yattha taṃ udakabindu nipatitaṃ, tattheva pariyādiyatī’’ti. ‘‘Kena kāraṇena, mahārājā’’ti? ‘‘Parittattā, bhante, udakabindussā’’ti. ‘‘Evameva kho, mahārāja, parittaṃ akusalaṃ parittattā kattāraṃ yeva pariyādiyati, na sakkā saṃvibhajituṃ.
‘‘яат̇аа ваа бана, махаарааж̇а, махад̇имахаамзгхо абхивассзяяа д̇аббаяанд̇о д̇харан̣ид̇алам̣, аби ну ко со, махаарааж̇а, махаамзгхо саманд̇ад̇о од̇т̇арзяяаа’’д̇и. ‘‘аама, бханд̇з, буураяид̇ваа со махаамзгхо соб̣бхасара сарид̇асаакааганд̣̇арабад̣̇арад̣̇ахад̇ал̣аага 11 уд̣̇абаанабогкаран̣ияо д̣̇асаби д̣̇ваад̣̇асаби яож̇анаани аж̇жход̇т̇арзяяаа’’д̇и. ‘‘гзна гааран̣зна, махаарааж̇аа’’д̇и? ‘‘маханд̇ад̇д̇аа, бханд̇з, мзгхассаа’’д̇и. ‘‘звамзва ко, махаарааж̇а, гусалам̣ б̣ахугам̣, б̣ахугад̇д̇аа саггаа д̣̇звамануссзхиби сам̣вибхаж̇ид̇у’’нд̇и.
‘‘Yathā vā pana, mahārāja, mahatimahāmegho abhivasseyya tappayanto dharaṇitalaṃ, api nu kho so, mahārāja, mahāmegho samantato otthareyyā’’ti. ‘‘Āma, bhante, pūrayitvā so mahāmegho sobbhasara saritasākhākandarapadaradahataḷāka 12 udapānapokkharaṇiyo dasapi dvādasapi yojanāni ajjhotthareyyā’’ti. ‘‘Kena kāraṇena, mahārājā’’ti? ‘‘Mahantattā, bhante, meghassā’’ti. ‘‘Evameva kho, mahārāja, kusalaṃ bahukaṃ, bahukattā sakkā devamanussehipi saṃvibhajitu’’nti.
‘‘бханд̇з нааг̇асзна, гзна гааран̣зна агусалам̣ т̇огам̣ гусалам̣ б̣ахуд̇ара’’нд̇и? ‘‘ид̇ха, махаарааж̇а, яо гожи д̣̇аанам̣ д̣̇зд̇и, сийлам̣ самаад̣̇ияад̇и, убосат̇агаммам̣ гарод̇и, со хадто бахадто хасид̇о бамуд̣̇ид̇о басаннамаанасо взд̣̇аж̇аад̇о ход̇и, д̇асса абараабарам̣ бийд̇и уббаж̇ж̇ад̇и, бийд̇иманасса бхияяо бхияяо гусалам̣ бавад̣дхад̇и.
‘‘Bhante nāgasena, kena kāraṇena akusalaṃ thokaṃ kusalaṃ bahutara’’nti? ‘‘Idha, mahārāja, yo koci dānaṃ deti, sīlaṃ samādiyati, uposathakammaṃ karoti, so haṭṭho pahaṭṭho hasito pamudito pasannamānaso vedajāto hoti, tassa aparāparaṃ pīti uppajjati, pītimanassa bhiyyo bhiyyo kusalaṃ pavaḍḍhati.
‘‘яат̇аа, махаарааж̇а, уд̣̇абаанз б̣ахусалиласамбун̣н̣з згзна д̣̇зсзна уд̣̇агам̣ бависзяяа, згзна нигкамзяяа, нигкаманд̇зби абараабарам̣ уббаж̇ж̇ад̇и, на саггаа ход̇и каяам̣ баабзд̇ум̣. звамзва ко , махаарааж̇а, гусалам̣ бхияяо бхияяо бавад̣дхад̇и. вассасад̇зби жз, махаарааж̇а, бурисо гад̇ам̣ гусалам̣ ааваж̇ж̇зяяа, ааваж̇ж̇ид̇з ааваж̇ж̇ид̇з бхияяо бхияяо гусалам̣ бавад̣дхад̇и. д̇асса д̇ам̣ гусалам̣ саггаа ход̇и яат̇ижчагзхи сад̣̇д̇хим̣ сам̣вибхаж̇ид̇ум̣, ид̣̇амзд̇т̇а, махаарааж̇а, гааран̣ам̣, язна гааран̣зна гусалам̣ б̣ахуд̇арам̣.
‘‘Yathā, mahārāja, udapāne bahusalilasampuṇṇe ekena desena udakaṃ paviseyya, ekena nikkhameyya, nikkhamantepi aparāparaṃ uppajjati, na sakkā hoti khayaṃ pāpetuṃ. Evameva kho , mahārāja, kusalaṃ bhiyyo bhiyyo pavaḍḍhati. Vassasatepi ce, mahārāja, puriso kataṃ kusalaṃ āvajjeyya, āvajjite āvajjite bhiyyo bhiyyo kusalaṃ pavaḍḍhati. Tassa taṃ kusalaṃ sakkā hoti yathicchakehi saddhiṃ saṃvibhajituṃ, idamettha, mahārāja, kāraṇaṃ, yena kāraṇena kusalaṃ bahutaraṃ.
‘‘агусалам̣ бана, махаарааж̇а, гаронд̇о бажчаа виббадисаарий ход̇и, виббадисаарино жид̇д̇ам̣ бадилийяад̇и бадигудад̇и бадивад̇д̇ад̇и на самбасаарийяад̇и сожад̇и д̇аббад̇и хааяад̇и кийяад̇и на баривад̣дхад̇и д̇ад̇т̇зва барияаад̣̇ияад̇и. яат̇аа, махаарааж̇а, сугкааяа над̣̇ияаа махаабул̣инааяа уннад̇ааванад̇ааяа гудиласан̇гудилааяа убарид̇о барид̇д̇ам̣ уд̣̇агам̣ ааг̇ажчанд̇ам̣ хааяад̇и кийяад̇и на баривад̣дхад̇и д̇ад̇т̇зва барияаад̣̇ияад̇и. звамзва ко, махаарааж̇а, агусалам̣ гаронд̇асса жид̇д̇ам̣ бадилийяад̇и бадигудад̇и бадивад̇д̇ад̇и на самбасаарийяад̇и сожад̇и д̇аббад̇и хааяад̇и кийяад̇и на баривад̣дхад̇и д̇ад̇т̇зва барияаад̣̇ияад̇и, ид̣̇амзд̇т̇а, махаарааж̇а, гааран̣ам̣, язна гааран̣зна агусалам̣ т̇ога’’нд̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Akusalaṃ pana, mahārāja, karonto pacchā vippaṭisārī hoti, vippaṭisārino cittaṃ paṭilīyati paṭikuṭati paṭivattati na sampasārīyati socati tappati hāyati khīyati na parivaḍḍhati tattheva pariyādiyati. Yathā, mahārāja, sukkhāya nadiyā mahāpuḷināya unnatāvanatāya kuṭilasaṅkuṭilāya uparito parittaṃ udakaṃ āgacchantaṃ hāyati khīyati na parivaḍḍhati tattheva pariyādiyati. Evameva kho, mahārāja, akusalaṃ karontassa cittaṃ paṭilīyati paṭikuṭati paṭivattati na sampasārīyati socati tappati hāyati khīyati na parivaḍḍhati tattheva pariyādiyati, idamettha, mahārāja, kāraṇaṃ, yena kāraṇena akusalaṃ thoka’’nti. ‘‘Sādhu, bhante nāgasena, evametaṃ tathā sampaṭicchāmī’’ti.
буб̣б̣абзд̇аад̣̇исабан̃хо жад̇уд̇т̇о.
Pubbapetādisapañho catuttho.
Footnotes:
