Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi

1. б̣аахирагат̇аа

1. Bāhirakathā

буб̣б̣аяог̇аад̣̇и

Pubbayogādi

3. ад̇ийд̇з гира гассабасса бхаг̇авад̇о саасанз вад̇д̇амаанз г̇ан̇г̇ааяа самийбз згасмим̣ ааваасз махаабхигкусан̇гхо бадивасад̇и, д̇ад̇т̇а вад̇д̇асийласамбаннаа бхигкуу баад̇ова удтааяа яадтисаммаж̇ж̇анияо ¹ аад̣̇ааяа б̣уд̣̇д̇хаг̇ун̣з ааваж̇ж̇знд̇аа ан̇г̇ан̣ам̣ саммаж̇ж̇ид̇ваа гажавараб̣яуухам̣ гаронд̇и. ат̇зго бхигку згам̣ сааман̣зрам̣ ‘‘зхи сааман̣зра, имам̣ гажаварам̣ чад̣д̣зхий’’д̇и ааха, со асун̣анд̇о вияа г̇ажчад̇и, со д̣̇уд̇ияамби…бз… д̇ад̇ияамби ааманд̇ияамаано асун̣анд̇о вияа г̇ажчад̇зва. д̇ад̇о со бхигку ‘‘д̣̇уб̣б̣ажо вад̇ааяам̣ сааман̣зро’’д̇и гуд̣̇д̇хо саммаж̇ж̇анид̣̇ан̣д̣зна бахаарам̣ ад̣̇ааси. д̇ад̇о со род̣̇анд̇о бхаязна гажаварам̣ чад̣д̣знд̇о ‘‘иминаа гажаварачад̣д̣анабун̃н̃агаммзна яааваахам̣ ниб̣б̣аанам̣ баабун̣аами ², зд̇т̇анд̇арз ниб̣б̣ад̇д̇аниб̣б̣ад̇д̇адтаанз маж̇жханхигасуурияо ³ вияа махзсагко махаад̇зж̇о бхавзяяа’’нд̇и батамам̣ бад̇т̇анам̣ бадтабзси. гажаварам̣ чад̣д̣зд̇ваа нахаанад̇т̇ааяа г̇ан̇г̇аад̇ид̇т̇ам̣ г̇ад̇о г̇ан̇г̇ааяа уумивзг̇ам̣ г̇аг̇г̇арааяамаанам̣ д̣̇исваа ‘‘яааваахам̣ ниб̣б̣аанам̣ баабун̣аами ⁴, зд̇т̇анд̇арз ниб̣б̣ад̇д̇аниб̣б̣ад̇д̇адтаанз аяам̣ уумивзг̇о вияа таануббад̇д̇игабадибхаано бхавзяяам̣ агкаяабадибхаано’’д̇и д̣̇уд̇ияамби бад̇т̇анам̣ бадтабзси.

3. Atīte kira kassapassa bhagavato sāsane vattamāne gaṅgāya samīpe ekasmiṃ āvāse mahābhikkhusaṅgho paṭivasati, tattha vattasīlasampannā bhikkhū pātova uṭṭhāya yaṭṭhisammajjaniyo ⁵ ādāya buddhaguṇe āvajjentā aṅgaṇaṃ sammajjitvā kacavarabyūhaṃ karonti. Atheko bhikkhu ekaṃ sāmaṇeraṃ ‘‘ehi sāmaṇera, imaṃ kacavaraṃ chaḍḍehī’’ti āha, so asuṇanto viya gacchati, so dutiyampi…pe… tatiyampi āmantiyamāno asuṇanto viya gacchateva. Tato so bhikkhu ‘‘dubbaco vatāyaṃ sāmaṇero’’ti kuddho sammajjanidaṇḍena pahāraṃ adāsi. Tato so rodanto bhayena kacavaraṃ chaḍḍento ‘‘iminā kacavarachaḍḍanapuññakammena yāvāhaṃ nibbānaṃ pāpuṇāmi ⁶, etthantare nibbattanibbattaṭṭhāne majjhanhikasūriyo ⁷ viya mahesakkho mahātejo bhaveyya’’nti paṭhamaṃ patthanaṃ paṭṭhapesi. Kacavaraṃ chaḍḍetvā nahānatthāya gaṅgātitthaṃ gato gaṅgāya ūmivegaṃ gaggarāyamānaṃ disvā ‘‘yāvāhaṃ nibbānaṃ pāpuṇāmi ⁸, etthantare nibbattanibbattaṭṭhāne ayaṃ ūmivego viya ṭhānuppattikapaṭibhāno bhaveyyaṃ akkhayapaṭibhāno’’ti dutiyampi patthanaṃ paṭṭhapesi.

соби бхигку саммаж̇ж̇анисаалааяа саммаж̇ж̇аним̣ табзд̇ваа нахаанад̇т̇ааяа г̇ан̇г̇аад̇ид̇т̇ам̣ г̇ажчанд̇о сааман̣зрасса бад̇т̇анам̣ суд̇ваа ‘‘зса маяаа баяож̇ид̇оби д̇аава звам̣ бад̇т̇зд̇и, маяхам̣ гим̣ на самиж̇жхиссад̇ий’’д̇и жинд̇зд̇ваа ‘‘яааваахам̣ ниб̣б̣аанам̣ баабун̣аами ⁹, зд̇т̇анд̇арз ниб̣б̣ад̇д̇аниб̣б̣ад̇д̇адтаанз аяам̣ г̇ан̇г̇аауумивзг̇о вияа агкаяабадибхаано бхавзяяам̣, иминаа бужчид̇абужчид̇ам̣ саб̣б̣ам̣ бан̃хабадибхаанам̣ виж̇адзд̇ум̣ ниб̣б̣зтзд̇ум̣ самад̇т̇о бхавзяяа’’нд̇и бад̇т̇анам̣ бадтабзси.

Sopi bhikkhu sammajjanisālāya sammajjaniṃ ṭhapetvā nahānatthāya gaṅgātitthaṃ gacchanto sāmaṇerassa patthanaṃ sutvā ‘‘esa mayā payojitopi tāva evaṃ pattheti, mayhaṃ kiṃ na samijjhissatī’’ti cintetvā ‘‘yāvāhaṃ nibbānaṃ pāpuṇāmi ¹⁰, etthantare nibbattanibbattaṭṭhāne ayaṃ gaṅgāūmivego viya akkhayapaṭibhāno bhaveyyaṃ, iminā pucchitapucchitaṃ sabbaṃ pañhapaṭibhānaṃ vijaṭetuṃ nibbeṭhetuṃ samattho bhaveyya’’nti patthanaṃ paṭṭhapesi.

д̇з убхоби д̣̇звзсу жа мануссзсу жа сам̣саранд̇аа згам̣ б̣уд̣̇д̇ханд̇арам̣ кзбзсум̣. ат̇а амхаагам̣ бхаг̇авад̇ааби яат̇аа мог̇г̇алибуд̇д̇ад̇иссад̇т̇зро д̣̇иссад̇и, звамзд̇зби д̣̇иссанд̇и мама бариниб̣б̣аанад̇о бан̃жавассасад̇з ад̇игганд̇з зд̇з уббаж̇ж̇иссанд̇и, яам̣ маяаа сукумам̣ гад̇ваа д̣̇зсид̇ам̣ д̇хаммавинаяам̣, д̇ам̣ зд̇з бан̃хабужчанаобаммаяуд̇д̇ивасзна ниж̇ж̇адам̣ ниг̇г̇умб̣ам̣ гад̇ваа вибхаж̇иссанд̇ийд̇и нид̣̇д̣̇идтаа.

Te ubhopi devesu ca manussesu ca saṃsarantā ekaṃ buddhantaraṃ khepesuṃ. Atha amhākaṃ bhagavatāpi yathā moggaliputtatissatthero dissati, evametepi dissanti mama parinibbānato pañcavassasate atikkante ete uppajjissanti, yaṃ mayā sukhumaṃ katvā desitaṃ dhammavinayaṃ, taṃ ete pañhapucchanaopammayuttivasena nijjaṭaṃ niggumbaṃ katvā vibhajissantīti niddiṭṭhā.

4. д̇зсу сааман̣зро ж̇амб̣уд̣̇ийбз сааг̇аланаг̇арз милинд̣̇о наама рааж̇аа ахоси бан̣д̣ид̇о б̣яад̇д̇о мзд̇хаавий бадиб̣ало ад̇ийд̇аанааг̇ад̇абажжуббаннаанам̣ манд̇аяог̇авид̇хаанагирияаанам̣ ¹¹, гаран̣агаалз нисаммагаарий ход̇и, б̣ахууни жасса сад̇т̇аани уг̇г̇ахид̇аани хонд̇и. сзяяат̇ид̣̇ам̣, суд̇и саммуд̇и сан̇кяаа яог̇аа нийд̇и висзсигаа г̇ан̣игаа г̇анд̇хаб̣б̣аа д̇игижчаа д̇хануб̣б̣зд̣̇аа ¹² бураан̣аа ид̇ихаасаа ж̇од̇исаа мааяаа гзд̇у ¹³ манд̇анаа яуд̣̇д̇хаа чанд̣̇асаа б̣уд̣̇д̇хаважанзна ¹⁴ згуунавийсад̇и, вид̇ан̣д̣аваад̣̇ий ¹⁵ д̣̇ураасад̣̇о д̣̇уббасахо бут̇уд̇ид̇т̇агараанам̣ аг̇г̇амагкааяад̇и, сагалаж̇амб̣уд̣̇ийбз милинд̣̇зна ран̃н̃аа само гожи наахоси яад̣̇ид̣̇ам̣ т̇аамзна ж̇авзна суурзна бан̃н̃ааяа, ад̣дхо махад̣̇д̇хано махаабхог̇о ананд̇аб̣алаваахано.

4. Tesu sāmaṇero jambudīpe sāgalanagare milindo nāma rājā ahosi paṇḍito byatto medhāvī paṭibalo atītānāgatapaccuppannānaṃ mantayogavidhānakiriyānaṃ ¹⁶, karaṇakāle nisammakārī hoti, bahūni cassa satthāni uggahitāni honti. Seyyathidaṃ, suti sammuti saṅkhyā yogā nīti visesikā gaṇikā gandhabbā tikicchā dhanubbedā ¹⁷ purāṇā itihāsā jotisā māyā ketu ¹⁸ mantanā yuddhā chandasā buddhavacanena ¹⁹ ekūnavīsati, vitaṇḍavādī ²⁰ durāsado duppasaho puthutitthakarānaṃ aggamakkhāyati, sakalajambudīpe milindena raññā samo koci nāhosi yadidaṃ thāmena javena sūrena paññāya, aḍḍho mahaddhano mahābhogo anantabalavāhano.

5. ат̇згад̣̇ивасам̣ милинд̣̇о рааж̇аа ананд̇аб̣алавааханам̣ жад̇уран̇г̇иним̣ б̣алаг̇г̇асзнааб̣яуухам̣ д̣̇ассанагамяад̇ааяа наг̇араа нигкамид̇ваа б̣ахинаг̇арз сзнан̇г̇ад̣̇ассанам̣ гад̇ваа ²¹ саарзд̇ваа со рааж̇аа бхассаббаваад̣̇аго логааяад̇авид̇ан̣д̣а ²² ж̇анасаллаабаблава жид̇д̇агод̇уухало висаарад̣̇о виж̇амбхаго суурияам̣ ологзд̇ваа амажжз ааманд̇зси ‘‘б̣аху бхан̣з д̇аава д̣̇ивасаавасзсо гим̣ гариссаама, ид̣̇аанзва наг̇арам̣ бависид̇ваа ад̇т̇и гожи бан̣д̣ид̇о саман̣о ваа б̣раахман̣о ваа сан̇гхий г̇ан̣ий г̇ан̣аажарияо аби араханд̇ам̣ саммаасамб̣уд̣̇д̇хам̣ бадиж̇аанамаано, яо маяаа сад̣̇д̇хим̣ саллабид̇ум̣ саггод̇и ган̇кам̣ бадивинзд̇ум̣, д̇ам̣ убасан̇гамид̇ваа бан̃хам̣ бужчиссаама, ган̇кам̣ бадивинаяиссаамаа’’д̇и.

5. Athekadivasaṃ milindo rājā anantabalavāhanaṃ caturaṅginiṃ balaggasenābyūhaṃ dassanakamyatāya nagarā nikkhamitvā bahinagare senaṅgadassanaṃ katvā ²³ sāretvā so rājā bhassappavādako lokāyatavitaṇḍa ²⁴ janasallāpaplava cittakotūhalo visārado vijambhako sūriyaṃ oloketvā amacce āmantesi ‘‘bahu bhaṇe tāva divasāvaseso kiṃ karissāma, idāneva nagaraṃ pavisitvā atthi koci paṇḍito samaṇo vā brāhmaṇo vā saṅghī gaṇī gaṇācariyo api arahantaṃ sammāsambuddhaṃ paṭijānamāno, yo mayā saddhiṃ sallapituṃ sakkoti kaṅkhaṃ paṭivinetuṃ, taṃ upasaṅkamitvā pañhaṃ pucchissāma, kaṅkhaṃ paṭivinayissāmā’’ti.

звам̣ вуд̇д̇з бан̃жасад̇аа яонагаа рааж̇аанам̣ милинд̣̇ам̣ зд̇ад̣̇авожум̣ ‘‘ад̇т̇и, махаарааж̇а, ча сад̇т̇ааро бууран̣о гассабо магкалиг̇осаало ниг̇ан̣то наадабуд̇д̇о ²⁵ сан̃ж̇аяо б̣зладтабуд̇д̇о аж̇ид̇о гзсагамб̣ало багуд̇хо гажжааяано, д̇з сан̇гхино г̇ан̣ино г̇ан̣аажарияагаа н̃аад̇аа яасассино д̇ид̇т̇агараа саад̇хусаммад̇аа б̣ахуж̇анасса, г̇ажча д̇вам̣ махаарааж̇а, д̇з бан̃хам̣ бужчассу, ган̇кам̣ бадивинаяассуу’’д̇и.

Evaṃ vutte pañcasatā yonakā rājānaṃ milindaṃ etadavocuṃ ‘‘atthi, mahārāja, cha satthāro pūraṇo kassapo makkhaligosālo nigaṇṭho nāṭaputto ²⁶ sañjayo belaṭṭhaputto ajito kesakambalo pakudho kaccāyano, te saṅghino gaṇino gaṇācariyakā ñātā yasassino titthakarā sādhusammatā bahujanassa, gaccha tvaṃ mahārāja, te pañhaṃ pucchassu, kaṅkhaṃ paṭivinayassū’’ti.

6. ат̇а ко милинд̣̇о рааж̇аа бан̃жахи яонагасад̇зхи баривуд̇о бхад̣̇равааханам̣ рат̇аварамааруяха язна бууран̣о гассабо д̇знубасан̇гами, убасан̇гамид̇ваа бууран̣зна гассабзна сад̣̇д̇хим̣ саммод̣̇и, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и, згаманд̇ам̣ нисинно ко милинд̣̇о рааж̇аа бууран̣ам̣ гассабам̣ зд̇ад̣̇авожа ‘‘го, бханд̇з гассаба, логам̣ баалзд̇ий’’д̇и? ‘‘бат̇авий, махаарааж̇а , логам̣ баалзд̇ий’’д̇и. ‘‘яад̣̇и, бханд̇з гассаба, бат̇авий ²⁷ логам̣ баалзд̇и, ат̇а гасмаа авийжинираяам̣ г̇ажчанд̇аа сад̇д̇аа бат̇авим̣ ад̇иггамид̇ваа г̇ажчанд̇ий’’д̇и? звам̣ вуд̇д̇з бууран̣о гассабо нзва сагки ог̇илид̇ум̣, но сагки уг̇г̇илид̇ум̣, ад̇хомуко бад̇д̇агканд̇хо д̇ун̣хийбхууд̇о баж̇жхааяанд̇о нисийд̣̇и.

6. Atha kho milindo rājā pañcahi yonakasatehi parivuto bhadravāhanaṃ rathavaramāruyha yena pūraṇo kassapo tenupasaṅkami, upasaṅkamitvā pūraṇena kassapena saddhiṃ sammodi, sammodanīyaṃ kathaṃ sāraṇīyaṃ vītisāretvā ekamantaṃ nisīdi, ekamantaṃ nisinno kho milindo rājā pūraṇaṃ kassapaṃ etadavoca ‘‘ko, bhante kassapa, lokaṃ pāletī’’ti? ‘‘Pathavī, mahārāja , lokaṃ pāletī’’ti. ‘‘Yadi, bhante kassapa, pathavī ²⁸ lokaṃ pāleti, atha kasmā avīcinirayaṃ gacchantā sattā pathaviṃ atikkamitvā gacchantī’’ti? Evaṃ vutte pūraṇo kassapo neva sakkhi ogilituṃ, no sakkhi uggilituṃ, adhomukho pattakkhandho tuṇhībhūto pajjhāyanto nisīdi.

7. ат̇а ко милинд̣̇о рааж̇аа магкалим̣ г̇осаалам̣ зд̇ад̣̇авожа ‘‘ад̇т̇и, бханд̇з г̇осаала, гусалаагусалаани гаммаани, ад̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и? ‘‘над̇т̇и, махаарааж̇а, гусалаагусалаани гаммаани, над̇т̇и сугад̇ад̣̇уггадаанам̣ гаммаанам̣ палам̣ вибааго. яз д̇з, махаарааж̇а, ид̇ха логз кад̇д̇ияаа, д̇з баралогам̣ г̇анд̇вааби буна кад̇д̇ияаава бхависсанд̇и, яз д̇з б̣раахман̣аа взссаа суд̣̇д̣̇аа жан̣д̣аалаа буггусаа, д̇з баралогам̣ г̇анд̇вааби буна б̣раахман̣аа взссаа суд̣̇д̣̇аа жан̣д̣аалаа буггусаава бхависсанд̇и. гим̣ гусалаагусалзхи гаммзхий’’д̇и? ‘‘яад̣̇и, бханд̇з г̇осаала, ид̇ха логз кад̇д̇ияаа б̣раахман̣аа взссаа суд̣̇д̣̇аа жан̣д̣аалаа буггусаа, д̇з баралогам̣ г̇анд̇вааби буна кад̇д̇ияаа б̣раахман̣аа взссаа суд̣̇д̣̇аа жан̣д̣аалаа буггусаава бхависсанд̇и, над̇т̇и гусалаагусалзхи гаммзхи гаран̣ийяам̣. д̇зна хи, бханд̇з г̇осаала, яз д̇з ид̇ха логз хад̇т̇ажчиннаа, д̇з баралогам̣ г̇анд̇вааби буна хад̇т̇ажчиннаава бхависсанд̇и. яз баад̣̇ажчиннаа, д̇з баад̣̇ажчиннаава бхависсанд̇и. яз хад̇т̇абаад̣̇ажчиннаа, д̇з хад̇т̇абаад̣̇ажчиннаава бхависсанд̇и. яз ган̣н̣ажчиннаа, д̇з ган̣н̣ажчиннаава бхависсанд̇и. яз наасажчиннаа, д̇з наасажчиннаава бхависсанд̇и. яз ган̣н̣анаасажчиннаа, д̇з ган̣н̣анаасажчиннаава бхависсанд̇ий’’д̇и. звам̣ вуд̇д̇з г̇осаало д̇ун̣хий ахоси.

7. Atha kho milindo rājā makkhaliṃ gosālaṃ etadavoca ‘‘atthi, bhante gosāla, kusalākusalāni kammāni, atthi sukatadukkaṭānaṃ kammānaṃ phalaṃ vipāko’’ti? ‘‘Natthi, mahārāja, kusalākusalāni kammāni, natthi sukatadukkaṭānaṃ kammānaṃ phalaṃ vipāko. Ye te, mahārāja, idha loke khattiyā, te paralokaṃ gantvāpi puna khattiyāva bhavissanti, ye te brāhmaṇā vessā suddā caṇḍālā pukkusā, te paralokaṃ gantvāpi puna brāhmaṇā vessā suddā caṇḍālā pukkusāva bhavissanti. Kiṃ kusalākusalehi kammehī’’ti? ‘‘Yadi, bhante gosāla, idha loke khattiyā brāhmaṇā vessā suddā caṇḍālā pukkusā, te paralokaṃ gantvāpi puna khattiyā brāhmaṇā vessā suddā caṇḍālā pukkusāva bhavissanti, natthi kusalākusalehi kammehi karaṇīyaṃ. Tena hi, bhante gosāla, ye te idha loke hatthacchinnā, te paralokaṃ gantvāpi puna hatthacchinnāva bhavissanti. Ye pādacchinnā, te pādacchinnāva bhavissanti. Ye hatthapādacchinnā, te hatthapādacchinnāva bhavissanti. Ye kaṇṇacchinnā, te kaṇṇacchinnāva bhavissanti. Ye nāsacchinnā, te nāsacchinnāva bhavissanti. Ye kaṇṇanāsacchinnā, te kaṇṇanāsacchinnāva bhavissantī’’ti. Evaṃ vutte gosālo tuṇhī ahosi.

ат̇а ко милинд̣̇асса ран̃н̃о зд̇ад̣̇ахоси ‘‘д̇ужчо вад̇а бхо ж̇амб̣уд̣̇ийбо, балаабо вад̇а бхо ж̇амб̣уд̣̇ийбо, над̇т̇и гожи саман̣о ваа б̣раахман̣о ваа, яо маяаа сад̣̇д̇хим̣ саллабид̇ум̣ саггод̇и ган̇кам̣ бадивинзд̇у’’нд̇и.

Atha kho milindassa rañño etadahosi ‘‘tuccho vata bho jambudīpo, palāpo vata bho jambudīpo, natthi koci samaṇo vā brāhmaṇo vā, yo mayā saddhiṃ sallapituṃ sakkoti kaṅkhaṃ paṭivinetu’’nti.

ат̇а ко милинд̣̇о рааж̇аа амажжз ааманд̇зси ‘‘раман̣ийяаа вад̇а бхо д̣̇осинаа рад̇д̇и, гам̣ ну кваж̇ж̇а саман̣ам̣ ваа б̣раахман̣ам̣ ваа убасан̇гамзяяаама бан̃хам̣ бужчид̇ум̣, го маяаа сад̣̇д̇хим̣ саллабид̇ум̣ саггод̇и ган̇кам̣ бадивинзд̇у’’нд̇и? звам̣ вуд̇д̇з амажжаа д̇ун̣хийбхууд̇аа ран̃н̃о мукам̣ ологаяамаанаа адтам̣су.

Atha kho milindo rājā amacce āmantesi ‘‘ramaṇīyā vata bho dosinā ratti, kaṃ nu khvajja samaṇaṃ vā brāhmaṇaṃ vā upasaṅkameyyāma pañhaṃ pucchituṃ, ko mayā saddhiṃ sallapituṃ sakkoti kaṅkhaṃ paṭivinetu’’nti? Evaṃ vutte amaccā tuṇhībhūtā rañño mukhaṃ olokayamānā aṭṭhaṃsu.

д̇зна ко бана самаязна сааг̇аланаг̇арам̣ д̣̇ваад̣̇аса вассаани сун̃н̃ам̣ ахоси саман̣аб̣раахман̣аг̇ахабад̇ибан̣д̣ид̇зхи, яад̇т̇а саман̣аб̣раахман̣аг̇ахабад̇ибан̣д̣ид̇аа бадивасанд̇ийд̇и сун̣аад̇и, д̇ад̇т̇а г̇анд̇ваа рааж̇аа д̇з бан̃хам̣ бужчад̇и, д̇з саб̣б̣зби бан̃хависаж̇ж̇анзна рааж̇аанам̣ аараад̇хзд̇ум̣ асаггонд̇аа язна ваа д̇зна ваа баггаманд̇и. яз ан̃н̃ам̣ д̣̇исам̣ на баггаманд̇и, д̇з саб̣б̣з д̇ун̣хийбхууд̇аа ажчанд̇и. бхигкуу бана язбхуяязна химаванд̇амзва г̇ажчанд̇и.

Tena kho pana samayena sāgalanagaraṃ dvādasa vassāni suññaṃ ahosi samaṇabrāhmaṇagahapatipaṇḍitehi, yattha samaṇabrāhmaṇagahapatipaṇḍitā paṭivasantīti suṇāti, tattha gantvā rājā te pañhaṃ pucchati, te sabbepi pañhavisajjanena rājānaṃ ārādhetuṃ asakkontā yena vā tena vā pakkamanti. Ye aññaṃ disaṃ na pakkamanti, te sabbe tuṇhībhūtā acchanti. Bhikkhū pana yebhuyyena himavantameva gacchanti.

8. д̇зна ко бана самаязна годисад̇аа араханд̇о химаванд̇з баб̣б̣ад̇з рагкид̇ад̇алз бадивасанд̇и. ат̇а ко ааяасмаа ассаг̇уд̇д̇о д̣̇иб̣б̣ааяа сод̇ад̇хаад̇уяаа милинд̣̇асса ран̃н̃о важанам̣ суд̇ваа яуг̇анд̇харамад̇т̇агз бхигкусан̇гхам̣ саннибаад̇зд̇ваа бхигкуу бужчи ‘‘ад̇т̇аавусо гожи бхигку бадиб̣ало милинд̣̇зна ран̃н̃аа сад̣̇д̇хим̣ саллабид̇ум̣ ган̇кам̣ бадивинзд̇у’’нд̇и?

8. Tena kho pana samayena koṭisatā arahanto himavante pabbate rakkhitatale paṭivasanti. Atha kho āyasmā assagutto dibbāya sotadhātuyā milindassa rañño vacanaṃ sutvā yugandharamatthake bhikkhusaṅghaṃ sannipātetvā bhikkhū pucchi ‘‘atthāvuso koci bhikkhu paṭibalo milindena raññā saddhiṃ sallapituṃ kaṅkhaṃ paṭivinetu’’nti?

звам̣ вуд̇д̇з годисад̇аа араханд̇о д̇ун̣хий ахзсум̣. д̣̇уд̇ияамби д̇ад̇ияамби будтаа д̇ун̣хий ахзсум̣. ат̇а ко ааяасмаа ассаг̇уд̇д̇о бхигкусан̇гхам̣ зд̇ад̣̇авожа ‘‘ад̇т̇аавусо д̇аавад̇им̣сабхаванз взж̇аяанд̇асса баажийнад̇о гзд̇умад̇ий наама вимаанам̣, д̇ад̇т̇а махаасзно наама д̣̇звабуд̇д̇о бадивасад̇и, со бадиб̣ало д̇зна милинд̣̇зна ран̃н̃аа сад̣̇д̇хим̣ саллабид̇ум̣ ган̇кам̣ бадивинзд̇у’’нд̇и.

Evaṃ vutte koṭisatā arahanto tuṇhī ahesuṃ. Dutiyampi tatiyampi puṭṭhā tuṇhī ahesuṃ. Atha kho āyasmā assagutto bhikkhusaṅghaṃ etadavoca ‘‘atthāvuso tāvatiṃsabhavane vejayantassa pācīnato ketumatī nāma vimānaṃ, tattha mahāseno nāma devaputto paṭivasati, so paṭibalo tena milindena raññā saddhiṃ sallapituṃ kaṅkhaṃ paṭivinetu’’nti.

ат̇а ко годисад̇аа араханд̇о яуг̇анд̇харабаб̣б̣ад̇з анд̇арахид̇аа д̇аавад̇им̣сабхаванз баад̇урахзсум̣. ад̣̇д̣̇асаа ко сагго д̣̇зваанаминд̣̇о д̇з бхигкуу д̣̇уурад̇ова ааг̇ажчанд̇з, д̣̇исваана язнааяасмаа ассаг̇уд̇д̇о д̇знубасан̇гами, убасан̇гамид̇ваа ааяасманд̇ам̣ ассаг̇уд̇д̇ам̣ абхиваад̣̇зд̇ваа згаманд̇ам̣ адтааси, згаманд̇ам̣ тид̇о ко сагго д̣̇зваанаминд̣̇о ааяасманд̇ам̣ ассаг̇уд̇д̇ам̣ зд̇ад̣̇авожа ‘‘махаа ко, бханд̇з, бхигкусан̇гхо ануббад̇д̇о, ахам̣ сан̇гхасса аараамиго, гзнад̇т̇о, гим̣ маяаа гаран̣ийяа’’нд̇и?

Atha kho koṭisatā arahanto yugandharapabbate antarahitā tāvatiṃsabhavane pāturahesuṃ. Addasā kho sakko devānamindo te bhikkhū dūratova āgacchante, disvāna yenāyasmā assagutto tenupasaṅkami, upasaṅkamitvā āyasmantaṃ assaguttaṃ abhivādetvā ekamantaṃ aṭṭhāsi, ekamantaṃ ṭhito kho sakko devānamindo āyasmantaṃ assaguttaṃ etadavoca ‘‘mahā kho, bhante, bhikkhusaṅgho anuppatto, ahaṃ saṅghassa ārāmiko, kenattho, kiṃ mayā karaṇīya’’nti?

ат̇а ко ааяасмаа ассаг̇уд̇д̇о саггам̣ д̣̇зваанаминд̣̇ам̣ зд̇ад̣̇авожа ‘‘аяам̣ ко, махаарааж̇а, ж̇амб̣уд̣̇ийбз сааг̇аланаг̇арз милинд̣̇о наама рааж̇аа вид̇ан̣д̣аваад̣̇ий д̣̇ураасад̣̇о д̣̇уббасахо бут̇уд̇ид̇т̇агараанам̣ аг̇г̇амагкааяад̇и, со бхигкусан̇гхам̣ убасан̇гамид̇ваа д̣̇идтиваад̣̇зна бан̃хам̣ бужчид̇ваа бхигкусан̇гхам̣ вихзтзд̇ий’’д̇и.

Atha kho āyasmā assagutto sakkaṃ devānamindaṃ etadavoca ‘‘ayaṃ kho, mahārāja, jambudīpe sāgalanagare milindo nāma rājā vitaṇḍavādī durāsado duppasaho puthutitthakarānaṃ aggamakkhāyati, so bhikkhusaṅghaṃ upasaṅkamitvā diṭṭhivādena pañhaṃ pucchitvā bhikkhusaṅghaṃ viheṭhetī’’ti.

ат̇а ко сагго д̣̇зваанаминд̣̇о ааяасманд̇ам̣ ассаг̇уд̇д̇ам̣ зд̇ад̣̇авожа ‘‘аяам̣ ко, бханд̇з, милинд̣̇о рааж̇аа ид̇о жуд̇о мануссзсу уббанно, зсо ко, бханд̇з, гзд̇умад̇ивимаанз махаасзно наама д̣̇звабуд̇д̇о бадивасад̇и, со бадиб̣ало д̇зна милинд̣̇зна ран̃н̃аа сад̣̇д̇хим̣ саллабид̇ум̣ ган̇кам̣ бадивинзд̇ум̣, д̇ам̣ д̣̇звабуд̇д̇ам̣ яаажиссаама мануссалогуубабад̇д̇ияаа’’д̇и.

Atha kho sakko devānamindo āyasmantaṃ assaguttaṃ etadavoca ‘‘ayaṃ kho, bhante, milindo rājā ito cuto manussesu uppanno, eso kho, bhante, ketumativimāne mahāseno nāma devaputto paṭivasati, so paṭibalo tena milindena raññā saddhiṃ sallapituṃ kaṅkhaṃ paṭivinetuṃ, taṃ devaputtaṃ yācissāma manussalokūpapattiyā’’ti.

ат̇а ко сагго д̣̇зваанаминд̣̇о бхигкусан̇гхам̣ бурагкад̇ваа гзд̇умад̇ивимаанам̣ бависид̇ваа махаасзнам̣ д̣̇звабуд̇д̇ам̣ аалин̇г̇ид̇ваа зд̇ад̣̇авожа ‘‘яаажад̇и д̇ам̣, маариса, бхигкусан̇гхо мануссалогуубабад̇д̇ияаа’’д̇и. ‘‘на мз, бханд̇з, мануссалогзнад̇т̇о гаммаб̣ахулзна, д̇иб̣б̣о мануссалого, ид̇хзваахам̣, бханд̇з, д̣̇звалогз убаруубаруубабад̇д̇иго худ̇ваа бариниб̣б̣ааяиссаамий’’д̇и. д̣̇уд̇ияамби…бз… д̇ад̇ияамби ко саггзна д̣̇зваанаминд̣̇зна яаажид̇о махаасзно д̣̇звабуд̇д̇о звамааха ‘‘на мз, бханд̇з, мануссалогзнад̇т̇о гаммаб̣ахулзна, д̇иб̣б̣о мануссалого, ид̇хзваахам̣, бханд̇з, д̣̇звалогз убаруубаруубабад̇д̇иго худ̇ваа бариниб̣б̣ааяиссаамий’’д̇и.

Atha kho sakko devānamindo bhikkhusaṅghaṃ purakkhatvā ketumativimānaṃ pavisitvā mahāsenaṃ devaputtaṃ āliṅgitvā etadavoca ‘‘yācati taṃ, mārisa, bhikkhusaṅgho manussalokūpapattiyā’’ti. ‘‘Na me, bhante, manussalokenattho kammabahulena, tibbo manussaloko, idhevāhaṃ, bhante, devaloke uparūparūpapattiko hutvā parinibbāyissāmī’’ti. Dutiyampi…pe… tatiyampi kho sakkena devānamindena yācito mahāseno devaputto evamāha ‘‘na me, bhante, manussalokenattho kammabahulena, tibbo manussaloko, idhevāhaṃ, bhante, devaloke uparūparūpapattiko hutvā parinibbāyissāmī’’ti.

ат̇а ко ааяасмаа ассаг̇уд̇д̇о махаасзнам̣ д̣̇звабуд̇д̇ам̣ зд̇ад̣̇авожа ‘‘ид̇ха маяам̣, маариса, сад̣̇звагам̣ логам̣ анувилогаяамаанаа ан̃н̃ад̇ра д̇аяаа милинд̣̇асса ран̃н̃о ваад̣̇ам̣ бхинд̣̇ид̇ваа саасанам̣ баг̇г̇ахзд̇ум̣ самад̇т̇ам̣ ан̃н̃ам̣ ган̃жи на бассаама, яаажад̇и д̇ам̣, маариса, бхигкусан̇гхо, саад̇ху саббуриса мануссалогз ниб̣б̣ад̇д̇ид̇ваа д̣̇асаб̣аласса саасанам̣ баг̇г̇ан̣хаахий’’д̇и. звам̣ вуд̇д̇з махаасзно д̣̇звабуд̇д̇о ‘‘ахам̣ гира милинд̣̇асса ран̃н̃о ваад̣̇ам̣ бхинд̣̇ид̇ваа б̣уд̣̇д̇хасаасанам̣ баг̇г̇ахзд̇ум̣ самад̇т̇о бхависсаамий’’д̇и хадтабахадто уд̣̇аг̇г̇уд̣̇аг̇г̇о худ̇ваа ‘‘саад̇ху, бханд̇з, мануссалогз уббаж̇ж̇иссаамий’’д̇и бадин̃н̃ам̣ ад̣̇ааси.

Atha kho āyasmā assagutto mahāsenaṃ devaputtaṃ etadavoca ‘‘idha mayaṃ, mārisa, sadevakaṃ lokaṃ anuvilokayamānā aññatra tayā milindassa rañño vādaṃ bhinditvā sāsanaṃ paggahetuṃ samatthaṃ aññaṃ kañci na passāma, yācati taṃ, mārisa, bhikkhusaṅgho, sādhu sappurisa manussaloke nibbattitvā dasabalassa sāsanaṃ paggaṇhāhī’’ti. Evaṃ vutte mahāseno devaputto ‘‘ahaṃ kira milindassa rañño vādaṃ bhinditvā buddhasāsanaṃ paggahetuṃ samattho bhavissāmī’’ti haṭṭhapahaṭṭho udaggudaggo hutvā ‘‘sādhu, bhante, manussaloke uppajjissāmī’’ti paṭiññaṃ adāsi.

9. ат̇а ко д̇з бхигкуу д̣̇звалогз д̇ам̣ гаран̣ийяам̣ д̇ийрзд̇ваа д̣̇звзсу д̇аавад̇им̣сзсу анд̇арахид̇аа химаванд̇з баб̣б̣ад̇з рагкид̇ад̇алз баад̇урахзсум̣.

9. Atha kho te bhikkhū devaloke taṃ karaṇīyaṃ tīretvā devesu tāvatiṃsesu antarahitā himavante pabbate rakkhitatale pāturahesuṃ.

ат̇а ко ааяасмаа ассаг̇уд̇д̇о бхигкусан̇гхам̣ зд̇ад̣̇авожа ‘‘ад̇т̇аавусо, имасмим̣ бхигкусан̇гхз гожи бхигку саннибаад̇ам̣ анааг̇ад̇о’’д̇и. звам̣ вуд̇д̇з ан̃н̃ад̇аро бхигку ааяасманд̇ам̣ ассаг̇уд̇д̇ам̣ зд̇ад̣̇авожа ‘‘ад̇т̇и, бханд̇з , ааяасмаа рохан̣о ид̇о сад̇д̇амз д̣̇ивасз химаванд̇ам̣ баб̣б̣ад̇ам̣ бависид̇ваа нирод̇хам̣ самаабанно, д̇асса санд̇игз д̣̇ууд̇ам̣ баахзт̇аа’’д̇и. ааяасмааби рохан̣о д̇ан̇кан̣ан̃н̃зва нирод̇хаа вудтааяа ‘‘сан̇гхо мам̣ бадимаанзд̇ий’’д̇и химаванд̇з баб̣б̣ад̇з анд̇арахид̇о рагкид̇ад̇алз годисад̇аанам̣ араханд̇аанам̣ бурад̇о баад̇урахоси.

Atha kho āyasmā assagutto bhikkhusaṅghaṃ etadavoca ‘‘atthāvuso, imasmiṃ bhikkhusaṅghe koci bhikkhu sannipātaṃ anāgato’’ti. Evaṃ vutte aññataro bhikkhu āyasmantaṃ assaguttaṃ etadavoca ‘‘atthi, bhante , āyasmā rohaṇo ito sattame divase himavantaṃ pabbataṃ pavisitvā nirodhaṃ samāpanno, tassa santike dūtaṃ pāhethā’’ti. Āyasmāpi rohaṇo taṅkhaṇaññeva nirodhā vuṭṭhāya ‘‘saṅgho maṃ paṭimānetī’’ti himavante pabbate antarahito rakkhitatale koṭisatānaṃ arahantānaṃ purato pāturahosi.

ат̇а ко ааяасмаа ассаг̇уд̇д̇о ааяасманд̇ам̣ рохан̣ам̣ зд̇ад̣̇авожа ‘‘гим̣ ну ко, аавусо, рохан̣а б̣уд̣̇д̇хасаасанз бхиж̇ж̇анд̇з ²⁹ на бассаси сан̇гхасса гаран̣ийяааний’’д̇и. ‘‘аманасигааро мз, бханд̇з, ахосий’’д̇и.

Atha kho āyasmā assagutto āyasmantaṃ rohaṇaṃ etadavoca ‘‘kiṃ nu kho, āvuso, rohaṇa buddhasāsane bhijjante ³⁰ na passasi saṅghassa karaṇīyānī’’ti. ‘‘Amanasikāro me, bhante, ahosī’’ti.

‘‘д̇зна , хаавусо рохан̣а, д̣̇ан̣д̣агаммам̣ гарохий’’д̇и. ‘‘гим̣, бханд̇з, гаромий’’д̇и? ‘‘ад̇т̇аавусо рохан̣а, химаванд̇абаб̣б̣ад̇абассз г̇аж̇ан̇г̇алам̣ ³¹ наама б̣раахман̣аг̇аамо, д̇ад̇т̇а сон̣уд̇д̇аро наама б̣раахман̣о бадивасад̇и, д̇асса буд̇д̇о уббаж̇ж̇иссад̇и нааг̇асзнод̇и наама д̣̇аараго, д̇зна хи д̇вам̣, аавусо рохан̣а, д̣̇асамаасаад̇хигаани сад̇д̇а вассаани д̇ам̣ гулам̣ бин̣д̣ааяа бависид̇ваа нааг̇асзнам̣ д̣̇аарагам̣ нийхарид̇ваа баб̣б̣ааж̇зхи, баб̣б̣аж̇ид̇зва д̇асмим̣ д̣̇ан̣д̣агаммад̇о мужжиссасий’’д̇и. ааяасмааби ко рохан̣о ‘‘саад̇хуу’’д̇и самбадижчи.

‘‘Tena , hāvuso rohaṇa, daṇḍakammaṃ karohī’’ti. ‘‘Kiṃ, bhante, karomī’’ti? ‘‘Atthāvuso rohaṇa, himavantapabbatapasse gajaṅgalaṃ³² nāma brāhmaṇagāmo, tattha soṇuttaro nāma brāhmaṇo paṭivasati, tassa putto uppajjissati nāgasenoti nāma dārako, tena hi tvaṃ, āvuso rohaṇa, dasamāsādhikāni satta vassāni taṃ kulaṃ piṇḍāya pavisitvā nāgasenaṃ dārakaṃ nīharitvā pabbājehi, pabbajiteva tasmiṃ daṇḍakammato muccissasī’’ti. Āyasmāpi kho rohaṇo ‘‘sādhū’’ti sampaṭicchi.

10. махаасзноби ко д̣̇звабуд̇д̇о д̣̇звалогаа жавид̇ваа сон̣уд̇д̇араб̣раахман̣асса бхарияааяа гужчисмим̣ бадисанд̇хим̣ аг̇г̇ахзси, саха бадисанд̇хиг̇г̇ахан̣аа д̇аяо ажчарияаа аб̣бхуд̇аа д̇хаммаа баад̇урахзсум̣, аавуд̇хабхан̣д̣аани баж̇ж̇алим̣су, аг̇г̇асассам̣ абхинибпаннам̣, махаамзгхо абхиббавасси. ааяасмааби ко рохан̣о д̇асса бадисанд̇хиг̇г̇ахан̣ад̇о бадтааяа д̣̇асамаасаад̇хигаани сад̇д̇а вассаани д̇ам̣ гулам̣ бин̣д̣ааяа бависанд̇о згад̣̇ивасамби гадажчумад̇д̇ам̣ бхад̇д̇ам̣ ваа ул̣ун̇гамад̇д̇ам̣ яааг̇ум̣ ваа абхиваад̣̇анам̣ ваа ан̃ж̇алигаммам̣ ваа саамийжигаммам̣ ваа наалад̇т̇а, ат̇а ко аггосан̃н̃зва барибхаасан̃н̃зва бадилабхад̇и ‘‘ад̇ижчат̇а бханд̇з’’д̇и важанамад̇д̇амби вад̇д̇аа наама наахоси, д̣̇асамаасаад̇хигаанам̣ бана сад̇д̇аннам̣ вассаанам̣ ажжаязна згад̣̇ивасам̣ ‘‘ад̇ижчат̇а бханд̇з’’д̇и важанамад̇д̇ам̣ алад̇т̇а. д̇ам̣ д̣̇ивасамзва б̣раахман̣оби б̣ахи гамманд̇аа ааг̇ажчанд̇о бадибат̇з т̇зрам̣ д̣̇исваа ‘‘гим̣, бхо баб̣б̣аж̇ид̇а, амхаагам̣ г̇зхам̣ аг̇амид̇т̇аа’’д̇и ааха. ‘‘аама, б̣раахман̣а, аг̇амамхаа’’д̇и. ‘‘аби гин̃жи лабхид̇т̇аа’’д̇и. ‘‘аама, б̣раахман̣а, лабхимхаа’’д̇и. со анад̇д̇амано г̇зхам̣ г̇анд̇ваа бужчи ‘‘д̇асса баб̣б̣аж̇ид̇асса гин̃жи ад̣̇ад̇т̇аа’’д̇и. ‘‘на гин̃жи ад̣̇амхаа’’д̇и. б̣раахман̣о д̣̇уд̇ияад̣̇ивасз гхарад̣̇ваарз язва нисийд̣̇и ‘‘аж̇ж̇а баб̣б̣аж̇ид̇ам̣ мусааваад̣̇зна ниг̇г̇ахзссаамий’’д̇и. т̇зро д̣̇уд̇ияад̣̇ивасз б̣раахман̣асса гхарад̣̇ваарам̣ самбад̇д̇о.

10. Mahāsenopi kho devaputto devalokā cavitvā soṇuttarabrāhmaṇassa bhariyāya kucchismiṃ paṭisandhiṃ aggahesi, saha paṭisandhiggahaṇā tayo acchariyā abbhutā dhammā pāturahesuṃ, āvudhabhaṇḍāni pajjaliṃsu, aggasassaṃ abhinipphannaṃ, mahāmegho abhippavassi. Āyasmāpi kho rohaṇo tassa paṭisandhiggahaṇato paṭṭhāya dasamāsādhikāni satta vassāni taṃ kulaṃ piṇḍāya pavisanto ekadivasampi kaṭacchumattaṃ bhattaṃ vā uḷuṅkamattaṃ yāguṃ vā abhivādanaṃ vā añjalikammaṃ vā sāmīcikammaṃ vā nālattha, atha kho akkosaññeva paribhāsaññeva paṭilabhati ‘‘aticchatha bhante’’ti vacanamattampi vattā nāma nāhosi, dasamāsādhikānaṃ pana sattannaṃ vassānaṃ accayena ekadivasaṃ ‘‘aticchatha bhante’’ti vacanamattaṃ alattha. Taṃ divasameva brāhmaṇopi bahi kammantā āgacchanto paṭipathe theraṃ disvā ‘‘kiṃ, bho pabbajita, amhākaṃ gehaṃ agamitthā’’ti āha. ‘‘Āma, brāhmaṇa, agamamhā’’ti. ‘‘Api kiñci labhitthā’’ti. ‘‘Āma, brāhmaṇa, labhimhā’’ti. So anattamano gehaṃ gantvā pucchi ‘‘tassa pabbajitassa kiñci adatthā’’ti. ‘‘Na kiñci adamhā’’ti. Brāhmaṇo dutiyadivase gharadvāre yeva nisīdi ‘‘ajja pabbajitaṃ musāvādena niggahessāmī’’ti. Thero dutiyadivase brāhmaṇassa gharadvāraṃ sampatto.

б̣раахман̣о т̇зрам̣ д̣̇исваава звамааха ‘‘д̇умхз хияяо амхаагам̣ г̇зхз гин̃жи алабхид̇ваава ‘‘лабхимхаа’’д̇и авожуд̇т̇а, ваддад̇и ну ко д̇умхаагам̣ мусааваад̣̇о’’д̇и. т̇зро ааха ‘‘маяам̣, б̣раахман̣а, д̇умхаагам̣ г̇зхз ( ) ³³ д̣̇асамаасаад̇хигаани сад̇д̇а вассаани ‘ад̇ижчат̇аа’д̇и важанамад̇д̇амби алабхид̇ваа хияяо ‘ад̇ижчат̇аа’д̇и важанамад̇д̇ам̣ лабхимхаа, ат̇зд̇ам̣ ваажаабадисанд̇хаарам̣ ³⁴ убаад̣̇ааяа звамавожумхаа’’д̇и.

Brāhmaṇo theraṃ disvāva evamāha ‘‘tumhe hiyyo amhākaṃ gehe kiñci alabhitvāva ‘‘labhimhā’’ti avocuttha, vaṭṭati nu kho tumhākaṃ musāvādo’’ti. Thero āha ‘‘mayaṃ, brāhmaṇa, tumhākaṃ gehe ( ) ³⁵ dasamāsādhikāni satta vassāni ‘aticchathā’ti vacanamattampi alabhitvā hiyyo ‘aticchathā’ti vacanamattaṃ labhimhā, athetaṃ vācāpaṭisandhāraṃ ³⁶ upādāya evamavocumhā’’ti.

б̣раахман̣о жинд̇зси ‘‘имз ваажаабадисанд̇хаарамад̇д̇амби лабхид̇ваа ж̇анамаж̇жхз ‘лабхимхаа’д̇и басам̣санд̇и, ан̃н̃ам̣ гин̃жи каад̣̇анийяам̣ ваа бхож̇анийяам̣ ваа лабхид̇ваа гасмаа наббасам̣санд̇ий’’д̇и басийд̣̇ид̇ваа ад̇д̇ано ад̇т̇ааяа бадияаад̣̇ид̇абхад̇д̇ад̇о гадажчубхигкам̣, д̇ад̣̇убияан̃жа б̣яан̃ж̇анам̣ д̣̇аабзд̇ваа ‘‘имам̣ бхигкам̣ саб̣б̣агаалам̣ д̇умхз лабхиссат̇аа’’д̇и ааха.

Brāhmaṇo cintesi ‘‘ime vācāpaṭisandhāramattampi labhitvā janamajjhe ‘labhimhā’ti pasaṃsanti, aññaṃ kiñci khādanīyaṃ vā bhojanīyaṃ vā labhitvā kasmā nappasaṃsantī’’ti pasīditvā attano atthāya paṭiyāditabhattato kaṭacchubhikkhaṃ, tadupiyañca byañjanaṃ dāpetvā ‘‘imaṃ bhikkhaṃ sabbakālaṃ tumhe labhissathā’’ti āha.

со бунад̣̇ивасад̇о бабхуд̇и убасан̇гаманд̇асса т̇зрасса убасамам̣ д̣̇исваа бхияяосо мад̇д̇ааяа басийд̣̇ид̇ваа т̇зрам̣ нижжагаалам̣ ад̇д̇ано гхарз бхад̇д̇ависсаг̇г̇агаран̣ад̇т̇ааяа яаажи. т̇зро д̇ун̣хийбхаавзна ад̇хиваасзд̇ваа д̣̇ивасз д̣̇ивасз бхад̇д̇агижжам̣ гад̇ваа г̇ажчанд̇о т̇огам̣ т̇огам̣ б̣уд̣̇д̇хаважанам̣ гат̇зд̇ваа г̇ажчад̇и. сааби ко б̣раахман̣ий д̣̇асамаасажжаязна буд̇д̇ам̣ виж̇ааяи, ‘‘нааг̇асзно’’д̇исса наамамагам̣су, со ануггамзна вад̣дханд̇о сад̇д̇авассиго ж̇аад̇о.

So punadivasato pabhuti upasaṅkamantassa therassa upasamaṃ disvā bhiyyoso mattāya pasīditvā theraṃ niccakālaṃ attano ghare bhattavissaggakaraṇatthāya yāci. Thero tuṇhībhāvena adhivāsetvā divase divase bhattakiccaṃ katvā gacchanto thokaṃ thokaṃ buddhavacanaṃ kathetvā gacchati. Sāpi kho brāhmaṇī dasamāsaccayena puttaṃ vijāyi, ‘‘nāgaseno’’tissa nāmamakaṃsu, so anukkamena vaḍḍhanto sattavassiko jāto.

11. ат̇а ко нааг̇асзнасса д̣̇аарагасса бид̇аа нааг̇асзнам̣ д̣̇аарагам̣ зд̇ад̣̇авожа ‘‘имасмим̣ ко , д̇аад̇а нааг̇асзна, б̣раахман̣агулз сигкаани сигкзяяаасий’’д̇и. ‘‘гад̇амаани, д̇аад̇а, имасмим̣ б̣раахман̣агулз сигкаани наамаа’’д̇и? ‘‘д̇аяо ко, д̇аад̇а нааг̇асзна, взд̣̇аа сигкаани наама, авасзсаани сиббаани сиббам̣ наамаа’’д̇и. ‘‘д̇зна хи, д̇аад̇а, сигкиссаамий’’д̇и.

11. Atha kho nāgasenassa dārakassa pitā nāgasenaṃ dārakaṃ etadavoca ‘‘imasmiṃ kho , tāta nāgasena, brāhmaṇakule sikkhāni sikkheyyāsī’’ti. ‘‘Katamāni, tāta, imasmiṃ brāhmaṇakule sikkhāni nāmā’’ti? ‘‘Tayo kho, tāta nāgasena, vedā sikkhāni nāma, avasesāni sippāni sippaṃ nāmā’’ti. ‘‘Tena hi, tāta, sikkhissāmī’’ti.

ат̇а ко сон̣уд̇д̇аро б̣раахман̣о аажарияаб̣раахман̣асса аажарияабхааг̇ам̣ сахассам̣ д̣̇ад̇ваа анд̇обаасаад̣̇з згасмим̣ г̇аб̣бхз згад̇о ман̃жагам̣ бан̃н̃абзд̇ваа аажарияаб̣раахман̣ам̣ зд̇ад̣̇авожа ‘‘саж̇жхаабзхи ко, д̇вам̣ б̣раахман̣а, имам̣ д̣̇аарагам̣ манд̇аанийд̇и. д̇зна хи ‘д̇аад̇а д̣̇аарага’ уг̇г̇ан̣хаахи манд̇ааний’’д̇и. аажарияаб̣раахман̣о саж̇жхааяад̇и нааг̇асзнасса д̣̇аарагасса згзнзва уд̣̇д̣̇зсзна д̇аяо взд̣̇аа хад̣̇аяан̇г̇ад̇аа ваажуг̇г̇ад̇аа суубад̇хаарид̇аа сувавад̇т̇аабид̇аа суманасигад̇аа ахзсум̣, сагимзва жагкум̣ уд̣̇абаад̣̇и д̇ийсу взд̣̇зсу санигхан̣д̣угздубхзсу ³⁷ саагкараббабхзд̣̇зсу ид̇ихаасабан̃жамзсу бад̣̇аго взяяаагаран̣о логааяад̇амахаабурисалагкан̣зсу анаваяо ахоси.

Atha kho soṇuttaro brāhmaṇo ācariyabrāhmaṇassa ācariyabhāgaṃ sahassaṃ datvā antopāsāde ekasmiṃ gabbhe ekato mañcakaṃ paññapetvā ācariyabrāhmaṇaṃ etadavoca ‘‘sajjhāpehi kho, tvaṃ brāhmaṇa, imaṃ dārakaṃ mantānīti. Tena hi ‘tāta dāraka’ uggaṇhāhi mantānī’’ti. Ācariyabrāhmaṇo sajjhāyati nāgasenassa dārakassa ekeneva uddesena tayo vedā hadayaṅgatā vācuggatā sūpadhāritā suvavatthāpitā sumanasikatā ahesuṃ, sakimeva cakkhuṃ udapādi tīsu vedesu sanighaṇḍukeṭubhesu ³⁸ sākkharappabhedesu itihāsapañcamesu padako veyyākaraṇo lokāyatamahāpurisalakkhaṇesu anavayo ahosi.

ат̇а ко нааг̇асзно д̣̇аараго бид̇арам̣ зд̇ад̣̇авожа ‘‘ад̇т̇и ну ко, д̇аад̇а, имасмим̣ б̣раахман̣агулз ид̇о уд̇д̇аримби сигкид̇аб̣б̣аани, уд̣̇ааху зд̇д̇агаанзваа’’д̇и. ‘‘над̇т̇и, д̇аад̇а нааг̇асзна, имасмим̣ б̣раахман̣агулз ид̇о уд̇д̇арим̣ сигкид̇аб̣б̣аани, зд̇д̇агаанзва сигкид̇аб̣б̣ааний’’д̇и.

Atha kho nāgaseno dārako pitaraṃ etadavoca ‘‘atthi nu kho, tāta, imasmiṃ brāhmaṇakule ito uttarimpi sikkhitabbāni, udāhu ettakānevā’’ti. ‘‘Natthi, tāta nāgasena, imasmiṃ brāhmaṇakule ito uttariṃ sikkhitabbāni, ettakāneva sikkhitabbānī’’ti.

ат̇а ко нааг̇асзно д̣̇аараго аажарияасса ануяог̇ам̣ д̣̇ад̇ваа баасаад̣̇аа оруяха буб̣б̣аваасанааяа жод̣̇ид̇ахад̣̇аяо рахог̇ад̇о бадисаллийно ад̇д̇ано сиббасса аад̣̇имаж̇жхабарияосаанам̣ ологзнд̇о аад̣̇имхи ваа маж̇жхз ваа барияосаанз ваа аббамад̇д̇агамби саарам̣ ад̣̇исваа ‘‘д̇ужчаа вад̇а бхо имз взд̣̇аа, балаабаа вад̇а бхо имз взд̣̇аа асаараа ниссаараа’’д̇и виббадисаарий анад̇д̇амано ахоси.

Atha kho nāgaseno dārako ācariyassa anuyogaṃ datvā pāsādā oruyha pubbavāsanāya coditahadayo rahogato paṭisallīno attano sippassa ādimajjhapariyosānaṃ olokento ādimhi vā majjhe vā pariyosāne vā appamattakampi sāraṃ adisvā ‘‘tucchā vata bho ime vedā, palāpā vata bho ime vedā asārā nissārā’’ti vippaṭisārī anattamano ahosi.

12. д̇зна ко бана самаязна ааяасмаа рохан̣о вад̇д̇анияз сзнаасанз нисинно нааг̇асзнасса д̣̇аарагасса жзд̇асаа жзд̇обаривид̇аггаман̃н̃ааяа ниваасзд̇ваа бад̇д̇ажийварамаад̣̇ааяа вад̇д̇анияз сзнаасанз анд̇арахид̇о г̇аж̇ан̇г̇алаб̣раахман̣аг̇аамасса бурад̇о баад̇урахоси. ад̣̇д̣̇асаа ко нааг̇асзно д̣̇аараго ад̇д̇ано д̣̇ваарагодтагз тид̇о ааяасманд̇ам̣ рохан̣ам̣ д̣̇уурад̇ова ааг̇ажчанд̇ам̣, д̣̇исваана ад̇д̇амано уд̣̇аг̇г̇о бамуд̣̇ид̇о бийд̇исоманассаж̇аад̇о ‘‘аббзва наамааяам̣ баб̣б̣аж̇ид̇о ган̃жи саарам̣ ж̇аанзяяаа’’д̇и язнааяасмаа рохан̣о д̇знубасан̇гами, убасан̇гамид̇ваа ааяасманд̇ам̣ рохан̣ам̣ зд̇ад̣̇авожа ‘‘го ну ко, д̇вам̣ маариса, зд̣̇исо бхан̣д̣угаасаававасано’’д̇и. ‘‘баб̣б̣аж̇ид̇о ³⁹ наамаахам̣ д̣̇аарагаа’’д̇и. ‘‘гзна, д̇вам̣ маариса, баб̣б̣аж̇ид̇о наамаасий’’д̇и? ‘‘баабагаани малаани баб̣б̣ааж̇зд̇и, д̇асмаахам̣, д̣̇аарага, баб̣б̣аж̇ид̇о наамаа’’д̇и. ‘‘гим̣гааран̣аа, маариса, гзсаа д̇з на яат̇аа ан̃н̃зса’’нд̇и ? ‘‘сол̣асимз, д̣̇аарага, балиб̣од̇хз д̣̇исваа гзсамассум̣ охаарзд̇ваа баб̣б̣аж̇ид̇о. ‘‘гад̇амз сол̣аса’’? ‘‘алан̇гаарабалиб̣од̇хо ман̣д̣анабалиб̣од̇хо д̇зламагканабалиб̣од̇хо д̇хованабалиб̣од̇хо маалаабалиб̣од̇хо г̇анд̇хабалиб̣од̇хо ваасанабалиб̣од̇хо харийдагабалиб̣од̇хо аамалагабалиб̣од̇хо ран̇г̇абалиб̣од̇хо б̣анд̇ханабалиб̣од̇хо гожчабалиб̣од̇хо габбагабалиб̣од̇хо виж̇аданабалиб̣од̇хо уугаабалиб̣од̇хо, гзсзсу вилуунзсу сожанд̇и гиламанд̇и барид̣̇званд̇и урад̇д̇аал̣им̣ ганд̣̇анд̇и саммохам̣ аабаж̇ж̇анд̇и, имзсу ко, д̣̇аарага, сол̣асасу балиб̣од̇хзсу балиг̇ун̣тид̇аа мануссаа саб̣б̣аани ад̇исукумаани сиббаани наасзнд̇ий’’д̇и. ‘‘гим̣гааран̣аа, маариса, вад̇т̇ааниби д̇з на яат̇аа ан̃н̃зса’’нд̇и? ‘‘гааманиссид̇аани ко, д̣̇аарага, вад̇т̇аани, гааманиссид̇аани г̇ихиб̣яан̃ж̇анабхан̣д̣аани ⁴⁰, яаани гаанижи ко бхаяаани вад̇т̇ад̇о уббаж̇ж̇анд̇и, д̇аани гаасаававасанасса на хонд̇и, д̇асмаа вад̇т̇ааниби мз на яат̇аа ан̃н̃зса’’нд̇и. ‘‘ж̇аанааси ко, д̇вам̣ маариса, сиббаани наамаа’’д̇и? ‘‘аама, д̣̇аарага, ж̇аанаамахам̣ сиббаани, яам̣ логз уд̇д̇амам̣ манд̇ам̣, д̇амби ж̇аанаамий’’д̇и. ‘‘маяхамби д̇ам̣, маариса, д̣̇аад̇ум̣ саггаа’’д̇и? ‘‘аама, д̣̇аарага, саггаа’’д̇и. ‘‘д̇зна хи мз д̣̇зхий’’д̇и. ‘‘агаало ко, д̣̇аарага, анд̇арагхарам̣ бин̣д̣ааяа бавидтамхаа’’д̇и.

12. Tena kho pana samayena āyasmā rohaṇo vattaniye senāsane nisinno nāgasenassa dārakassa cetasā cetoparivitakkamaññāya nivāsetvā pattacīvaramādāya vattaniye senāsane antarahito gajaṅgalabrāhmaṇagāmassa purato pāturahosi. Addasā kho nāgaseno dārako attano dvārakoṭṭhake ṭhito āyasmantaṃ rohaṇaṃ dūratova āgacchantaṃ, disvāna attamano udaggo pamudito pītisomanassajāto ‘‘appeva nāmāyaṃ pabbajito kañci sāraṃ jāneyyā’’ti yenāyasmā rohaṇo tenupasaṅkami, upasaṅkamitvā āyasmantaṃ rohaṇaṃ etadavoca ‘‘ko nu kho, tvaṃ mārisa, ediso bhaṇḍukāsāvavasano’’ti. ‘‘Pabbajito ⁴¹ nāmāhaṃ dārakā’’ti. ‘‘Kena, tvaṃ mārisa, pabbajito nāmāsī’’ti? ‘‘Pāpakāni malāni pabbājeti, tasmāhaṃ, dāraka, pabbajito nāmā’’ti. ‘‘Kiṃkāraṇā, mārisa, kesā te na yathā aññesa’’nti ? ‘‘Soḷasime, dāraka, palibodhe disvā kesamassuṃ ohāretvā pabbajito. ‘‘Katame soḷasa’’? ‘‘Alaṅkārapalibodho maṇḍanapalibodho telamakkhanapalibodho dhovanapalibodho mālāpalibodho gandhapalibodho vāsanapalibodho harīṭakapalibodho āmalakapalibodho raṅgapalibodho bandhanapalibodho kocchapalibodho kappakapalibodho vijaṭanapalibodho ūkāpalibodho, kesesu vilūnesu socanti kilamanti paridevanti urattāḷiṃ kandanti sammohaṃ āpajjanti, imesu kho, dāraka, soḷasasu palibodhesu paliguṇṭhitā manussā sabbāni atisukhumāni sippāni nāsentī’’ti. ‘‘Kiṃkāraṇā, mārisa, vatthānipi te na yathā aññesa’’nti? ‘‘Kāmanissitāni kho, dāraka, vatthāni, kāmanissitāni gihibyañjanabhaṇḍāni ⁴², yāni kānici kho bhayāni vatthato uppajjanti, tāni kāsāvavasanassa na honti, tasmā vatthānipi me na yathā aññesa’’nti. ‘‘Jānāsi kho, tvaṃ mārisa, sippāni nāmā’’ti? ‘‘Āma, dāraka, jānāmahaṃ sippāni, yaṃ loke uttamaṃ mantaṃ, tampi jānāmī’’ti. ‘‘Mayhampi taṃ, mārisa, dātuṃ sakkā’’ti? ‘‘Āma, dāraka, sakkā’’ti. ‘‘Tena hi me dehī’’ti. ‘‘Akālo kho, dāraka, antaragharaṃ piṇḍāya paviṭṭhamhā’’ti.

ат̇а ко нааг̇асзно д̣̇аараго ааяасмад̇о рохан̣асса хад̇т̇ад̇о бад̇д̇ам̣ г̇ахзд̇ваа гхарам̣ бавзсзд̇ваа бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа ааяасманд̇ам̣ рохан̣ам̣ бхуд̇д̇аавим̣ онийд̇абад̇д̇абаан̣им̣ зд̇ад̣̇авожа ‘‘д̣̇зхи мз д̣̇аани, маариса, манд̇а’’нд̇и. ‘‘яад̣̇аа ко д̇вам̣, д̣̇аарага, ниббалиб̣од̇хо худ̇ваа маад̇аабид̇аро ануж̇аанаабзд̇ваа маяаа г̇ахид̇ам̣ баб̣б̣аж̇ид̇авзсам̣ г̇ан̣хиссаси, д̇ад̣̇аа д̣̇ассаамий’’д̇и ааха.

Atha kho nāgaseno dārako āyasmato rohaṇassa hatthato pattaṃ gahetvā gharaṃ pavesetvā paṇītena khādanīyena bhojanīyena sahatthā santappetvā sampavāretvā āyasmantaṃ rohaṇaṃ bhuttāviṃ onītapattapāṇiṃ etadavoca ‘‘dehi me dāni, mārisa, manta’’nti. ‘‘Yadā kho tvaṃ, dāraka, nippalibodho hutvā mātāpitaro anujānāpetvā mayā gahitaṃ pabbajitavesaṃ gaṇhissasi, tadā dassāmī’’ti āha.

ат̇а ко нааг̇асзно д̣̇аараго маад̇аабид̇аро убасан̇гамид̇ваа ааха ‘‘аммад̇аад̇аа, аяам̣ баб̣б̣аж̇ид̇о ‘яам̣ логз уд̇д̇амам̣ манд̇ам̣, д̇ам̣ ж̇аанаамий’д̇и вад̣̇ад̇и, на жа ад̇д̇ано санд̇игз абаб̣б̣аж̇ид̇асса д̣̇зд̇и, ахам̣ зд̇асса санд̇игз баб̣б̣аж̇ид̇ваа д̇ам̣ уд̇д̇амам̣ манд̇ам̣ уг̇г̇ан̣хиссаамий’’д̇и. ат̇асса маад̇аабид̇аро ‘‘баб̣б̣аж̇ид̇вааби но буд̇д̇о манд̇ам̣ г̇ан̣хад̇у, г̇ахзд̇ваа буна ааг̇ажчиссад̇ий’’д̇и ман̃н̃амаанаа ‘‘г̇ан̣ха буд̇д̇аа’’д̇и ануж̇ааним̣су.

Atha kho nāgaseno dārako mātāpitaro upasaṅkamitvā āha ‘‘ammatātā, ayaṃ pabbajito ‘yaṃ loke uttamaṃ mantaṃ, taṃ jānāmī’ti vadati, na ca attano santike apabbajitassa deti, ahaṃ etassa santike pabbajitvā taṃ uttamaṃ mantaṃ uggaṇhissāmī’’ti. Athassa mātāpitaro ‘‘pabbajitvāpi no putto mantaṃ gaṇhatu, gahetvā puna āgacchissatī’’ti maññamānā ‘‘gaṇha puttā’’ti anujāniṃsu.

13. ат̇а ко ааяасмаа рохан̣о нааг̇асзнам̣ д̣̇аарагам̣ аад̣̇ааяа язна вад̇д̇анияам̣ сзнаасанам̣, язна виж̇амбхавад̇т̇у д̇знубасан̇гами, убасан̇гамид̇ваа виж̇амбхавад̇т̇усмим̣ сзнаасанз згарад̇д̇ам̣ васид̇ваа язна рагкид̇ад̇алам̣ д̇знубасан̇гами, убасан̇гамид̇ваа годисад̇аанам̣ араханд̇аанам̣ маж̇жхз нааг̇асзнам̣ д̣̇аарагам̣ баб̣б̣ааж̇зси. баб̣б̣аж̇ид̇о жа банааяасмаа нааг̇асзно ааяасманд̇ам̣ рохан̣ам̣ зд̇ад̣̇авожа ‘‘г̇ахид̇о мз, бханд̇з, д̇ава взсо, д̣̇зт̇а мз д̣̇аани манд̇а’’нд̇и. ат̇а ко ааяасмаа рохан̣о ‘‘гимхи ну кохам̣ нааг̇асзнам̣ винзяяам̣ батамам̣ винаяз ваа суд̇д̇анд̇з ваа абхид̇хаммз ваа’’д̇и жинд̇зд̇ваа ‘‘бан̣д̣ид̇о ко аяам̣ нааг̇асзно, саггод̇и сукзнзва абхид̇хаммам̣ барияаабун̣ид̇у’’нд̇и батамам̣ абхид̇хаммз винзси.

13. Atha kho āyasmā rohaṇo nāgasenaṃ dārakaṃ ādāya yena vattaniyaṃ senāsanaṃ, yena vijambhavatthu tenupasaṅkami, upasaṅkamitvā vijambhavatthusmiṃ senāsane ekarattaṃ vasitvā yena rakkhitatalaṃ tenupasaṅkami, upasaṅkamitvā koṭisatānaṃ arahantānaṃ majjhe nāgasenaṃ dārakaṃ pabbājesi. Pabbajito ca panāyasmā nāgaseno āyasmantaṃ rohaṇaṃ etadavoca ‘‘gahito me, bhante, tava veso, detha me dāni manta’’nti. Atha kho āyasmā rohaṇo ‘‘kimhi nu khohaṃ nāgasenaṃ vineyyaṃ paṭhamaṃ vinaye vā suttante vā abhidhamme vā’’ti cintetvā ‘‘paṇḍito kho ayaṃ nāgaseno, sakkoti sukheneva abhidhammaṃ pariyāpuṇitu’’nti paṭhamaṃ abhidhamme vinesi.

ааяасмаа жа нааг̇асзно ‘‘гусалаа д̇хаммаа, агусалаа д̇хаммаа, аб̣яаагад̇аа д̇хаммаа’’д̇и д̇игад̣̇угабадиман̣д̣ид̇ам̣ д̇хаммасан̇г̇ан̣ийбагаран̣ам̣, канд̇хавибхан̇г̇аад̣̇и адтаараса вибхан̇г̇абадиман̣д̣ид̇ам̣ вибхан̇г̇аббагаран̣ам̣, ‘‘сан̇г̇ахо асан̇г̇ахо’’д̇и аад̣̇инаа жуд̣̇д̣̇асавид̇хзна вибхад̇д̇ам̣ д̇хаад̇угат̇аабагаран̣ам̣, ‘‘канд̇хабан̃н̃ад̇д̇и ааяад̇анабан̃н̃ад̇д̇ий’’д̇и аад̣̇инаа чаб̣б̣ид̇хзна вибхад̇д̇ам̣ буг̇г̇алабан̃н̃ад̇д̇иббагаран̣ам̣, сагаваад̣̇з бан̃жасуд̇д̇асад̇аани бараваад̣̇з бан̃жасуд̇д̇асад̇аанийд̇и суд̇д̇асахассам̣ самод̇хаанзд̇ваа вибхад̇д̇ам̣ гат̇аавад̇т̇уббагаран̣ам̣, ‘‘муулаяамагам̣ канд̇хаяамага’’нд̇и аад̣̇инаа д̣̇асавид̇хзна вибхад̇д̇ам̣ яамагаббагаран̣ам̣, ‘‘хзд̇убажжаяо аарамман̣абажжаяо’’д̇и аад̣̇инаа жад̇увийсад̇ивид̇хзна вибхад̇д̇ам̣ бадтаанаббагаран̣анд̇и саб̣б̣ам̣ д̇ам̣ абхид̇хаммабидагам̣ згзнзва саж̇жхааязна баг̇ун̣ам̣ гад̇ваа ‘‘д̇идтат̇а бханд̇з, на буна осаарзт̇а, зд̇д̇агзнзваахам̣ саж̇жхааяиссаамий’’д̇и ааха.

Āyasmā ca nāgaseno ‘‘kusalā dhammā, akusalā dhammā, abyākatā dhammā’’ti tikadukapaṭimaṇḍitaṃ dhammasaṅgaṇīpakaraṇaṃ, khandhavibhaṅgādi aṭṭhārasa vibhaṅgapaṭimaṇḍitaṃ vibhaṅgappakaraṇaṃ, ‘‘saṅgaho asaṅgaho’’ti ādinā cuddasavidhena vibhattaṃ dhātukathāpakaraṇaṃ, ‘‘khandhapaññatti āyatanapaññattī’’ti ādinā chabbidhena vibhattaṃ puggalapaññattippakaraṇaṃ, sakavāde pañcasuttasatāni paravāde pañcasuttasatānīti suttasahassaṃ samodhānetvā vibhattaṃ kathāvatthuppakaraṇaṃ, ‘‘mūlayamakaṃ khandhayamaka’’nti ādinā dasavidhena vibhattaṃ yamakappakaraṇaṃ, ‘‘hetupaccayo ārammaṇapaccayo’’ti ādinā catuvīsatividhena vibhattaṃ paṭṭhānappakaraṇanti sabbaṃ taṃ abhidhammapiṭakaṃ ekeneva sajjhāyena paguṇaṃ katvā ‘‘tiṭṭhatha bhante, na puna osāretha, ettakenevāhaṃ sajjhāyissāmī’’ti āha.

14. ат̇а ко ааяасмаа нааг̇асзно язна годисад̇аа араханд̇о д̇знубасан̇гами, убасан̇гамид̇ваа годисад̇з араханд̇з зд̇ад̣̇авожа ‘‘ахам̣ ко бханд̇з ‘гусалаа д̇хаммаа, агусалаа д̇хаммаа , аб̣яаагад̇аа д̇хаммаа’д̇и имзсу д̇ийсу бад̣̇зсу багкибид̇ваа саб̣б̣ам̣ д̇ам̣ абхид̇хаммабидагам̣ вид̇т̇аарзна осаарзссаамий’’д̇и. ‘‘саад̇ху, нааг̇асзна, осаарзхий’’д̇и.

14. Atha kho āyasmā nāgaseno yena koṭisatā arahanto tenupasaṅkami, upasaṅkamitvā koṭisate arahante etadavoca ‘‘ahaṃ kho bhante ‘kusalā dhammā, akusalā dhammā , abyākatā dhammā’ti imesu tīsu padesu pakkhipitvā sabbaṃ taṃ abhidhammapiṭakaṃ vitthārena osāressāmī’’ti. ‘‘Sādhu, nāgasena, osārehī’’ti.

ат̇а ко ааяасмаа нааг̇асзно сад̇д̇а маасаани сад̇д̇а багаран̣аани вид̇т̇аарзна осаарзси, бат̇авий уннад̣̇и, д̣̇звад̇аа саад̇хугаарамад̣̇ам̣су, б̣рахмаано абподзсум̣, д̣̇иб̣б̣аани жанд̣̇анажун̣н̣аани д̣̇иб̣б̣аани жа манд̣̇ааравабубпаани абхиббавассим̣су.

Atha kho āyasmā nāgaseno satta māsāni satta pakaraṇāni vitthārena osāresi, pathavī unnadi, devatā sādhukāramadaṃsu, brahmāno apphoṭesuṃ, dibbāni candanacuṇṇāni dibbāni ca mandāravapupphāni abhippavassiṃsu.

15. ат̇а ко годисад̇аа араханд̇о ааяасманд̇ам̣ нааг̇асзнам̣ барибун̣н̣авийсад̇ивассам̣ рагкид̇ад̇алз убасамбаад̣̇зсум̣. убасамбанно жа банааяасмаа нааг̇асзно д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа убаж̇жхааязна сад̣̇д̇хим̣ г̇аамам̣ бин̣д̣ааяа бависанд̇о зваруубам̣ баривид̇аггам̣ уббаад̣̇зси ‘‘д̇ужчо вад̇а мз убаж̇жхааяо, б̣аало вад̇а мз убаж̇жхааяо, табзд̇ваа авасзсам̣ б̣уд̣̇д̇хаважанам̣ батамам̣ мам̣ абхид̇хаммз винзсий’’д̇и.

15. Atha kho koṭisatā arahanto āyasmantaṃ nāgasenaṃ paripuṇṇavīsativassaṃ rakkhitatale upasampādesuṃ. Upasampanno ca panāyasmā nāgaseno tassā rattiyā accayena pubbaṇhasamayaṃ nivāsetvā pattacīvaramādāya upajjhāyena saddhiṃ gāmaṃ piṇḍāya pavisanto evarūpaṃ parivitakkaṃ uppādesi ‘‘tuccho vata me upajjhāyo, bālo vata me upajjhāyo, ṭhapetvā avasesaṃ buddhavacanaṃ paṭhamaṃ maṃ abhidhamme vinesī’’ti.

ат̇а ко ааяасмаа рохан̣о ааяасмад̇о нааг̇асзнасса жзд̇асаа жзд̇обаривид̇аггаман̃н̃ааяа ааяасманд̇ам̣ нааг̇асзнам̣ зд̇ад̣̇авожа ‘‘ананужчавигам̣ ко нааг̇асзна баривид̇аггам̣ вид̇аггзси, на ко банзд̇ам̣ нааг̇асзна д̇аваанужчавига’’нд̇и.

Atha kho āyasmā rohaṇo āyasmato nāgasenassa cetasā cetoparivitakkamaññāya āyasmantaṃ nāgasenaṃ etadavoca ‘‘ananucchavikaṃ kho nāgasena parivitakkaṃ vitakkesi, na kho panetaṃ nāgasena tavānucchavika’’nti.

ат̇а ко ааяасмад̇о нааг̇асзнасса зд̇ад̣̇ахоси ‘‘ажчарияам̣ вад̇а бхо, аб̣бхуд̇ам̣ вад̇а бхо, яад̇ра хи наама мз убаж̇жхааяо жзд̇асаа жзд̇обаривид̇аггам̣ ж̇ааниссад̇и, бан̣д̣ид̇о вад̇а мз убаж̇жхааяо, яам̣нуунаахам̣ убаж̇жхааяам̣ камаабзяяа’’нд̇и. ат̇а ко ааяасмаа нааг̇асзно ааяасманд̇ам̣ рохан̣ам̣ зд̇ад̣̇авожа ‘‘камат̇а мз, бханд̇з, на буна зваруубам̣ вид̇аггзссаамий’’д̇и.

Atha kho āyasmato nāgasenassa etadahosi ‘‘acchariyaṃ vata bho, abbhutaṃ vata bho, yatra hi nāma me upajjhāyo cetasā cetoparivitakkaṃ jānissati, paṇḍito vata me upajjhāyo, yaṃnūnāhaṃ upajjhāyaṃ khamāpeyya’’nti. Atha kho āyasmā nāgaseno āyasmantaṃ rohaṇaṃ etadavoca ‘‘khamatha me, bhante, na puna evarūpaṃ vitakkessāmī’’ti.

ат̇а ко ааяасмаа рохан̣о ааяасманд̇ам̣ нааг̇асзнам̣ зд̇ад̣̇авожа ‘‘на ко д̇яаахам̣ нааг̇асзна зд̇д̇аавад̇аа камаами, ад̇т̇и ко нааг̇асзна сааг̇алам̣ наама наг̇арам̣, д̇ад̇т̇а милинд̣̇о наама рааж̇аа раж̇ж̇ам̣ гаарзд̇и, со д̣̇идтиваад̣̇зна бан̃хам̣ бужчид̇ваа бхигкусан̇гхам̣ вихзтзд̇и, сажз д̇вам̣ д̇ад̇т̇а г̇анд̇ваа д̇ам̣ рааж̇аанам̣ д̣̇амзд̇ваа б̣уд̣̇д̇хасаасанз басаад̣̇зссаси, зваахам̣ д̇ам̣ камиссаамий’’д̇и.

Atha kho āyasmā rohaṇo āyasmantaṃ nāgasenaṃ etadavoca ‘‘na kho tyāhaṃ nāgasena ettāvatā khamāmi, atthi kho nāgasena sāgalaṃ nāma nagaraṃ, tattha milindo nāma rājā rajjaṃ kāreti, so diṭṭhivādena pañhaṃ pucchitvā bhikkhusaṅghaṃ viheṭheti, sace tvaṃ tattha gantvā taṃ rājānaṃ dametvā buddhasāsane pasādessasi, evāhaṃ taṃ khamissāmī’’ti.

‘‘д̇идтад̇у, бханд̇з, зго милинд̣̇о рааж̇аа; сажз, бханд̇з, сагалаж̇амб̣уд̣̇ийбз саб̣б̣з рааж̇аано ааг̇анд̇ваа мам̣ бан̃хам̣ бужчзяяум̣, саб̣б̣ам̣ д̇ам̣ висаж̇ж̇зд̇ваа самбад̣̇аалзссаами, ‘камат̇а мз бханд̇з’д̇и вад̇ваа, ‘на камаамий’д̇и вуд̇д̇з ‘д̇зна хи, бханд̇з, имам̣ д̇змаасам̣ гасса санд̇игз васиссаамий’д̇и ааха’’ . аяам̣ ко, нааг̇асзна, ааяасмаа ассаг̇уд̇д̇о вад̇д̇анияз сзнаасанз вихарад̇и, г̇ажча д̇вам̣, нааг̇асзна, язнааяасмаа ассаг̇уд̇д̇о д̇знубасан̇гама, убасан̇гамид̇ваа мама важанзна ааяасмад̇о ассаг̇уд̇д̇асса баад̣̇з сирасаа ванд̣̇а, зван̃жа нам̣ вад̣̇зхи ‘убаж̇жхааяо мз, бханд̇з, д̇умхаагам̣ баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и, убаж̇жхааяо мз, бханд̇з, имам̣ д̇змаасам̣ д̇умхаагам̣ санд̇игз васид̇ум̣ мам̣ бахин̣ий’д̇и , ‘гонаамо д̇з убаж̇жхааяо’д̇и жа вуд̇д̇з ‘рохан̣ад̇т̇зро наама бханд̇з’’д̇и вад̣̇зяяааси, ‘ахам̣ гонаамо’д̇и вуд̇д̇з звам̣ вад̣̇зяяааси ‘мама убаж̇жхааяо, бханд̇з, д̇умхаагам̣ наамам̣ ж̇аанаад̇ий’’’д̇и. ‘‘звам̣ бханд̇з’’д̇и ко ааяасмаа нааг̇асзно ааяасманд̇ам̣ рохан̣ам̣ абхиваад̣̇зд̇ваа бад̣̇агкин̣ам̣ гад̇ваа бад̇д̇ажийварамаад̣̇ааяа анубуб̣б̣зна жааригам̣ жарамаано язна вад̇д̇анияам̣ сзнаасанам̣, язнааяасмаа ассаг̇уд̇д̇о д̇знубасан̇гами, убасан̇гамид̇ваа ааяасманд̇ам̣ ассаг̇уд̇д̇ам̣ абхиваад̣̇зд̇ваа згаманд̇ам̣ адтааси, згаманд̇ам̣ тид̇о ко ааяасмаа нааг̇асзно ааяасманд̇ам̣ ассаг̇уд̇д̇ам̣ зд̇ад̣̇авожа ‘‘убаж̇жхааяо мз, бханд̇з, д̇умхаагам̣ баад̣̇з сирасаа ванд̣̇ад̇и, зван̃жа вад̣̇зд̇и аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и, убаж̇жхааяо мз, бханд̇з, имам̣ д̇змаасам̣ д̇умхаагам̣ санд̇игз васид̇ум̣ мам̣ бахин̣ий’’д̇и.

‘‘Tiṭṭhatu, bhante, eko milindo rājā; sace, bhante, sakalajambudīpe sabbe rājāno āgantvā maṃ pañhaṃ puccheyyuṃ, sabbaṃ taṃ visajjetvā sampadālessāmi, ‘khamatha me bhante’ti vatvā, ‘na khamāmī’ti vutte ‘tena hi, bhante, imaṃ temāsaṃ kassa santike vasissāmī’ti āha’’ . Ayaṃ kho, nāgasena, āyasmā assagutto vattaniye senāsane viharati, gaccha tvaṃ, nāgasena, yenāyasmā assagutto tenupasaṅkama, upasaṅkamitvā mama vacanena āyasmato assaguttassa pāde sirasā vanda, evañca naṃ vadehi ‘upajjhāyo me, bhante, tumhākaṃ pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati, upajjhāyo me, bhante, imaṃ temāsaṃ tumhākaṃ santike vasituṃ maṃ pahiṇī’ti , ‘konāmo te upajjhāyo’ti ca vutte ‘rohaṇatthero nāma bhante’’ti vadeyyāsi, ‘ahaṃ konāmo’ti vutte evaṃ vadeyyāsi ‘mama upajjhāyo, bhante, tumhākaṃ nāmaṃ jānātī’’’ti. ‘‘Evaṃ bhante’’ti kho āyasmā nāgaseno āyasmantaṃ rohaṇaṃ abhivādetvā padakkhiṇaṃ katvā pattacīvaramādāya anupubbena cārikaṃ caramāno yena vattaniyaṃ senāsanaṃ, yenāyasmā assagutto tenupasaṅkami, upasaṅkamitvā āyasmantaṃ assaguttaṃ abhivādetvā ekamantaṃ aṭṭhāsi, ekamantaṃ ṭhito kho āyasmā nāgaseno āyasmantaṃ assaguttaṃ etadavoca ‘‘upajjhāyo me, bhante, tumhākaṃ pāde sirasā vandati, evañca vadeti appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati, upajjhāyo me, bhante, imaṃ temāsaṃ tumhākaṃ santike vasituṃ maṃ pahiṇī’’ti.

ат̇а ко ааяасмаа ассаг̇уд̇д̇о ааяасманд̇ам̣ нааг̇асзнам̣ зд̇ад̣̇авожа ‘‘д̇вам̣ гиннаамосий’’д̇и. ‘‘ахам̣, бханд̇з, нааг̇асзно наамаа’’д̇и. ‘‘гонаамо д̇з убаж̇жхааяо’’д̇и? ‘‘убаж̇жхааяо мз, бханд̇з, рохан̣о наамаа’’д̇и. ‘‘ахам̣ гонаамо’’д̇и. ‘‘убаж̇жхааяо мз, бханд̇з, д̇умхаагам̣ наамам̣ ж̇аанаад̇ий’’д̇и.

Atha kho āyasmā assagutto āyasmantaṃ nāgasenaṃ etadavoca ‘‘tvaṃ kinnāmosī’’ti. ‘‘Ahaṃ, bhante, nāgaseno nāmā’’ti. ‘‘Konāmo te upajjhāyo’’ti? ‘‘Upajjhāyo me, bhante, rohaṇo nāmā’’ti. ‘‘Ahaṃ konāmo’’ti. ‘‘Upajjhāyo me, bhante, tumhākaṃ nāmaṃ jānātī’’ti.

‘‘саад̇ху, нааг̇асзна, бад̇д̇ажийварам̣ бадисаамзхий’’д̇и. ‘‘саад̇ху бханд̇з’’д̇и бад̇д̇ажийварам̣ бадисаамзд̇ваа бунад̣̇ивасз баривзн̣ам̣ саммаж̇ж̇ид̇ваа мукод̣̇агам̣ д̣̇анд̇абон̣ам̣ убадтабзси. т̇зро саммаж̇ж̇ид̇адтаанам̣ бадисаммаж̇ж̇и, д̇ам̣ уд̣̇агам̣ чад̣д̣зд̇ваа ан̃н̃ам̣ уд̣̇агам̣ аахари, д̇ан̃жа д̣̇анд̇агадтам̣ абанзд̇ваа ан̃н̃ам̣ д̣̇анд̇агадтам̣ г̇ан̣хи, на аалаабасаллаабам̣ агааси, звам̣ сад̇д̇а д̣̇ивасаани гад̇ваа сад̇д̇амз д̣̇ивасз буна бужчид̇ваа буна д̇зна д̇ат̇зва вуд̇д̇з вассаваасам̣ ануж̇аани.

‘‘Sādhu, nāgasena, pattacīvaraṃ paṭisāmehī’’ti. ‘‘Sādhu bhante’’ti pattacīvaraṃ paṭisāmetvā punadivase pariveṇaṃ sammajjitvā mukhodakaṃ dantapoṇaṃ upaṭṭhapesi. Thero sammajjitaṭṭhānaṃ paṭisammajji, taṃ udakaṃ chaḍḍetvā aññaṃ udakaṃ āhari, tañca dantakaṭṭhaṃ apanetvā aññaṃ dantakaṭṭhaṃ gaṇhi, na ālāpasallāpaṃ akāsi, evaṃ satta divasāni katvā sattame divase puna pucchitvā puna tena tatheva vutte vassavāsaṃ anujāni.

16. д̇зна ко бана самаязна згаа махааубаасигаа ааяасманд̇ам̣ ассаг̇уд̇д̇ам̣ д̇им̣самад̇д̇аани вассаани убадтааси. ат̇а ко саа махааубаасигаа д̇змаасажжаязна язнааяасмаа ассаг̇уд̇д̇о д̇знубасан̇гами, убасан̇гамид̇ваа ааяасманд̇ам̣ ассаг̇уд̇д̇ам̣ зд̇ад̣̇авожа ‘‘ад̇т̇и ну ко, д̇аад̇а, д̇умхаагам̣ санд̇игз ан̃н̃о бхигкуу’’д̇и. ‘‘ад̇т̇и, махааубаасигз, амхаагам̣ санд̇игз нааг̇асзно наама бхигкуу’’д̇и . ‘‘д̇зна хи, д̇аад̇а ассаг̇уд̇д̇а, ад̇хиваасзхи нааг̇асзнзна сад̣̇д̇хим̣ сваад̇анааяа бхад̇д̇а’’нд̇и. ад̇хиваасзси ко ааяасмаа ассаг̇уд̇д̇о д̇ун̣хийбхаавзна.

16. Tena kho pana samayena ekā mahāupāsikā āyasmantaṃ assaguttaṃ tiṃsamattāni vassāni upaṭṭhāsi. Atha kho sā mahāupāsikā temāsaccayena yenāyasmā assagutto tenupasaṅkami, upasaṅkamitvā āyasmantaṃ assaguttaṃ etadavoca ‘‘atthi nu kho, tāta, tumhākaṃ santike añño bhikkhū’’ti. ‘‘Atthi, mahāupāsike, amhākaṃ santike nāgaseno nāma bhikkhū’’ti . ‘‘Tena hi, tāta assagutta, adhivāsehi nāgasenena saddhiṃ svātanāya bhatta’’nti. Adhivāsesi kho āyasmā assagutto tuṇhībhāvena.

ат̇а ко ааяасмаа ассаг̇уд̇д̇о д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ааяасмад̇аа нааг̇асзнзна сад̣̇д̇хим̣ бажчаасаман̣зна язна махааубаасигааяа нивзсанам̣ д̇знубасан̇гами, убасан̇гамид̇ваа бан̃н̃ад̇д̇з аасанз нисийд̣̇и. ат̇а ко саа махааубаасигаа ааяасманд̇ам̣ ассаг̇уд̇д̇ам̣ ааяасманд̇ан̃жа нааг̇асзнам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко ааяасмаа ассаг̇уд̇д̇о бхуд̇д̇аавим̣ онийд̇абад̇д̇абаан̣им̣ ааяасманд̇ам̣ нааг̇асзнам̣ зд̇ад̣̇авожа ‘‘д̇вам̣, нааг̇асзна, махааубаасигааяа анумод̣̇анам̣ гарохий’’д̇и ид̣̇ам̣ вад̇ваа удтааяаасанаа баггаами.

Atha kho āyasmā assagutto tassā rattiyā accayena pubbaṇhasamayaṃ nivāsetvā pattacīvaramādāya āyasmatā nāgasenena saddhiṃ pacchāsamaṇena yena mahāupāsikāya nivesanaṃ tenupasaṅkami, upasaṅkamitvā paññatte āsane nisīdi. Atha kho sā mahāupāsikā āyasmantaṃ assaguttaṃ āyasmantañca nāgasenaṃ paṇītena khādanīyena bhojanīyena sahatthā santappesi sampavāresi. Atha kho āyasmā assagutto bhuttāviṃ onītapattapāṇiṃ āyasmantaṃ nāgasenaṃ etadavoca ‘‘tvaṃ, nāgasena, mahāupāsikāya anumodanaṃ karohī’’ti idaṃ vatvā uṭṭhāyāsanā pakkāmi.

ат̇а ко саа махааубаасигаа ааяасманд̇ам̣ нааг̇асзнам̣ зд̇ад̣̇авожа ‘‘махаллигаа кохам̣, д̇аад̇а нааг̇асзна, г̇амбхийрааяа д̇хаммагат̇ааяа маяхам̣ анумод̣̇анам̣ гарохий’’д̇и. ат̇а ко ааяасмаа нааг̇асзно д̇ассаа махааубаасигааяа г̇амбхийрааяа д̇хаммагат̇ааяа логуд̇д̇арааяа сун̃н̃ад̇аббадисам̣яуд̇д̇ааяа анумод̣̇анам̣ агааси. ат̇а ко д̇ассаа махааубаасигааяа д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и. ааяасмааби ко нааг̇асзно д̇ассаа махааубаасигааяа анумод̣̇анам̣ гад̇ваа ад̇д̇анаа д̣̇зсид̇ам̣ д̇хаммам̣ бажжавзгканд̇о вибассанам̣ бадтабзд̇ваа д̇асмим̣язва аасанз нисинно сод̇аабад̇д̇ипалз бад̇идтааси.

Atha kho sā mahāupāsikā āyasmantaṃ nāgasenaṃ etadavoca ‘‘mahallikā khohaṃ, tāta nāgasena, gambhīrāya dhammakathāya mayhaṃ anumodanaṃ karohī’’ti. Atha kho āyasmā nāgaseno tassā mahāupāsikāya gambhīrāya dhammakathāya lokuttarāya suññatappaṭisaṃyuttāya anumodanaṃ akāsi. Atha kho tassā mahāupāsikāya tasmiṃyeva āsane virajaṃ vītamalaṃ dhammacakkhuṃ udapādi ‘‘yaṃ kiñci samudayadhammaṃ, sabbaṃ taṃ nirodhadhamma’’nti. Āyasmāpi kho nāgaseno tassā mahāupāsikāya anumodanaṃ katvā attanā desitaṃ dhammaṃ paccavekkhanto vipassanaṃ paṭṭhapetvā tasmiṃyeva āsane nisinno sotāpattiphale patiṭṭhāsi.

ат̇а ко ааяасмаа ассаг̇уд̇д̇о ман̣д̣аламаал̣з нисинно д̣̇виннамби д̇хаммажагкубадилаабхам̣ н̃ад̇ваа саад̇хугаарам̣ бавад̇д̇зси ‘‘саад̇ху саад̇ху нааг̇асзна, згзна ган̣д̣аббахаарзна д̣̇вз махаагааяаа бад̣̇аалид̇аа’’д̇и, анзгаани жа д̣̇звад̇аасахассаани саад̇хугаарам̣ бавад̇д̇зсум̣.

Atha kho āyasmā assagutto maṇḍalamāḷe nisinno dvinnampi dhammacakkhupaṭilābhaṃ ñatvā sādhukāraṃ pavattesi ‘‘sādhu sādhu nāgasena, ekena kaṇḍappahārena dve mahākāyā padālitā’’ti, anekāni ca devatāsahassāni sādhukāraṃ pavattesuṃ.

17. ат̇а ко ааяасмаа нааг̇асзно удтааяаасанаа язнааяасмаа ассаг̇уд̇д̇о д̇знубасан̇гами, убасан̇гамид̇ваа ааяасманд̇ам̣ ассаг̇уд̇д̇ам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисиннам̣ ко ааяасманд̇ам̣ нааг̇асзнам̣ ааяасмаа ассаг̇уд̇д̇о зд̇ад̣̇авожа ‘‘г̇ажча, д̇вам̣ нааг̇асзна, баадалибуд̇д̇ам̣, баадалибуд̇д̇анаг̇арз асогаараамз ааяасмаа д̇хаммарагкид̇о бадивасад̇и, д̇асса санд̇игз б̣уд̣̇д̇хаважанам̣ барияаабун̣аахий’’д̇и. ‘‘гийва д̣̇ууро, бханд̇з, ид̇о баадалибуд̇д̇анаг̇ара’’нд̇и? ‘‘яож̇анасад̇аани ко нааг̇асзнаа’’д̇и. ‘‘д̣̇ууро ко, бханд̇з, маг̇г̇о . анд̇араамаг̇г̇з бхигкаа д̣̇уллабхаа, гат̇аахам̣ г̇амиссаамий’’д̇и? ‘‘г̇ажча, д̇вам̣ нааг̇асзна, анд̇араамаг̇г̇з бин̣д̣абаад̇ам̣ лабхиссаси саалийнам̣ од̣̇анам̣ виг̇ад̇агаал̣агам̣ анзгасуубам̣ анзгаб̣яан̃ж̇ана’’нд̇и. ‘‘звам̣ бханд̇з’’д̇и ко ааяасмаа нааг̇асзно ааяасманд̇ам̣ ассаг̇уд̇д̇ам̣ абхиваад̣̇зд̇ваа бад̣̇агкин̣ам̣ гад̇ваа бад̇д̇ажийварамаад̣̇ааяа язна баадалибуд̇д̇ам̣ д̇зна жааригам̣ баггаами.

17. Atha kho āyasmā nāgaseno uṭṭhāyāsanā yenāyasmā assagutto tenupasaṅkami, upasaṅkamitvā āyasmantaṃ assaguttaṃ abhivādetvā ekamantaṃ nisīdi, ekamantaṃ nisinnaṃ kho āyasmantaṃ nāgasenaṃ āyasmā assagutto etadavoca ‘‘gaccha, tvaṃ nāgasena, pāṭaliputtaṃ, pāṭaliputtanagare asokārāme āyasmā dhammarakkhito paṭivasati, tassa santike buddhavacanaṃ pariyāpuṇāhī’’ti. ‘‘Kīva dūro, bhante, ito pāṭaliputtanagara’’nti? ‘‘Yojanasatāni kho nāgasenā’’ti. ‘‘Dūro kho, bhante, maggo . Antarāmagge bhikkhā dullabhā, kathāhaṃ gamissāmī’’ti? ‘‘Gaccha, tvaṃ nāgasena, antarāmagge piṇḍapātaṃ labhissasi sālīnaṃ odanaṃ vigatakāḷakaṃ anekasūpaṃ anekabyañjana’’nti. ‘‘Evaṃ bhante’’ti kho āyasmā nāgaseno āyasmantaṃ assaguttaṃ abhivādetvā padakkhiṇaṃ katvā pattacīvaramādāya yena pāṭaliputtaṃ tena cārikaṃ pakkāmi.

18. д̇зна ко бана самаязна баадалибуд̇д̇аго сздти бан̃жахи сагадасад̇зхи баадалибуд̇д̇аг̇аамимаг̇г̇ам̣ бадибанно ход̇и. ад̣̇д̣̇асаа ко баадалибуд̇д̇аго сздти ааяасманд̇ам̣ нааг̇асзнам̣ д̣̇уурад̇ова ааг̇ажчанд̇ам̣, д̣̇исваана язнааяасмаа нааг̇асзно д̇знубасан̇гами, убасан̇гамид̇ваа ааяасманд̇ам̣ нааг̇асзнам̣ абхиваад̣̇зд̇ваа ‘‘гухим̣ г̇ажчаси д̇аад̇аа’’д̇и ааха. ‘‘баадалибуд̇д̇ам̣ г̇ахабад̇ий’’д̇и. ‘‘саад̇ху д̇аад̇а, маяамби баадалибуд̇д̇ам̣ г̇ажчаама. амхзхи сад̣̇д̇хим̣ сукам̣ г̇ажчат̇аа’’д̇и.

18. Tena kho pana samayena pāṭaliputtako seṭṭhi pañcahi sakaṭasatehi pāṭaliputtagāmimaggaṃ paṭipanno hoti. Addasā kho pāṭaliputtako seṭṭhi āyasmantaṃ nāgasenaṃ dūratova āgacchantaṃ, disvāna yenāyasmā nāgaseno tenupasaṅkami, upasaṅkamitvā āyasmantaṃ nāgasenaṃ abhivādetvā ‘‘kuhiṃ gacchasi tātā’’ti āha. ‘‘Pāṭaliputtaṃ gahapatī’’ti. ‘‘Sādhu tāta, mayampi pāṭaliputtaṃ gacchāma. Amhehi saddhiṃ sukhaṃ gacchathā’’ti.

ат̇а ко баадалибуд̇д̇аго сздти ааяасмад̇о нааг̇асзнасса ирияаабат̇з басийд̣̇ид̇ваа ааяасманд̇ам̣ нааг̇асзнам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа ааяасманд̇ам̣ нааг̇асзнам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и, згаманд̇ам̣ нисинно ко баадалибуд̇д̇аго сздти ааяасманд̇ам̣ нааг̇асзнам̣ зд̇ад̣̇авожа ‘‘гиннаамоси д̇вам̣ д̇аад̇аа’’д̇и. ‘‘ахам̣, г̇ахабад̇и, нааг̇асзно наамаа’’д̇и. ‘‘ж̇аанааси ко, д̇вам̣ д̇аад̇а, б̣уд̣̇д̇хаважанам̣ наамаа’’д̇и? ‘‘ж̇аанаами кохам̣, г̇ахабад̇и, абхид̇хаммабад̣̇ааний’’д̇и. ‘‘лаабхаа но д̇аад̇а, сулад̣̇д̇хам̣ но д̇аад̇а, ахамби ко, д̇аад̇а, аабхид̇хаммиго, д̇вамби аабхид̇хаммиго, бхан̣а, д̇аад̇а, абхид̇хаммабад̣̇ааний’’д̇и. ат̇а ко ааяасмаа нааг̇асзно баадалибуд̇д̇агасса сздтисса абхид̇хаммам̣ д̣̇зсзси, д̣̇зсзнд̇з язва баадалибуд̇д̇агасса сздтисса вираж̇ам̣ вийд̇амалам̣ д̇хаммажагкум̣ уд̣̇абаад̣̇и ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и.

Atha kho pāṭaliputtako seṭṭhi āyasmato nāgasenassa iriyāpathe pasīditvā āyasmantaṃ nāgasenaṃ paṇītena khādanīyena bhojanīyena sahatthā santappetvā sampavāretvā āyasmantaṃ nāgasenaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi, ekamantaṃ nisinno kho pāṭaliputtako seṭṭhi āyasmantaṃ nāgasenaṃ etadavoca ‘‘kinnāmosi tvaṃ tātā’’ti. ‘‘Ahaṃ, gahapati, nāgaseno nāmā’’ti. ‘‘Jānāsi kho, tvaṃ tāta, buddhavacanaṃ nāmā’’ti? ‘‘Jānāmi khohaṃ, gahapati, abhidhammapadānī’’ti. ‘‘Lābhā no tāta, suladdhaṃ no tāta, ahampi kho, tāta, ābhidhammiko, tvampi ābhidhammiko, bhaṇa, tāta, abhidhammapadānī’’ti. Atha kho āyasmā nāgaseno pāṭaliputtakassa seṭṭhissa abhidhammaṃ desesi, desente yeva pāṭaliputtakassa seṭṭhissa virajaṃ vītamalaṃ dhammacakkhuṃ udapādi ‘‘yaṃ kiñci samudayadhammaṃ, sabbaṃ taṃ nirodhadhamma’’nti.

ат̇а ко баадалибуд̇д̇аго сздти бан̃жамад̇д̇аани сагадасад̇аани бурад̇о уяяож̇зд̇ваа саяам̣ бажчад̇о г̇ажчанд̇о баадалибуд̇д̇асса авид̣̇уурз д̣̇взд̇хаабат̇з тад̇ваа ааяасманд̇ам̣ нааг̇асзнам̣ зд̇ад̣̇авожа ‘‘аяам̣ ко, д̇аад̇а нааг̇асзна, асогаараамасса маг̇г̇о, ид̣̇ам̣ ко, д̇аад̇а, амхаагам̣ гамб̣аларад̇анам̣ сол̣асахад̇т̇ам̣ ааяаамзна, адтахад̇т̇ам̣ вид̇т̇аарзна, бадиг̇г̇ан̣хаахи ко, д̇аад̇а, ид̣̇ам̣ гамб̣аларад̇анам̣ анугамбам̣ убаад̣̇ааяаа’’д̇и. бадиг̇г̇ахзси ко ааяасмаа нааг̇асзно д̇ам̣ гамб̣аларад̇анам̣ анугамбам̣ убаад̣̇ааяа. ат̇а ко баадалибуд̇д̇аго сздти ад̇д̇амано уд̣̇аг̇г̇о бамуд̣̇ид̇о бийд̇исоманассаж̇аад̇о ааяасманд̇ам̣ нааг̇асзнам̣ абхиваад̣̇зд̇ваа бад̣̇агкин̣ам̣ гад̇ваа баггаами.

Atha kho pāṭaliputtako seṭṭhi pañcamattāni sakaṭasatāni purato uyyojetvā sayaṃ pacchato gacchanto pāṭaliputtassa avidūre dvedhāpathe ṭhatvā āyasmantaṃ nāgasenaṃ etadavoca ‘‘ayaṃ kho, tāta nāgasena, asokārāmassa maggo, idaṃ kho, tāta, amhākaṃ kambalaratanaṃ soḷasahatthaṃ āyāmena, aṭṭhahatthaṃ vitthārena, paṭiggaṇhāhi kho, tāta, idaṃ kambalaratanaṃ anukampaṃ upādāyā’’ti. Paṭiggahesi kho āyasmā nāgaseno taṃ kambalaratanaṃ anukampaṃ upādāya. Atha kho pāṭaliputtako seṭṭhi attamano udaggo pamudito pītisomanassajāto āyasmantaṃ nāgasenaṃ abhivādetvā padakkhiṇaṃ katvā pakkāmi.

19. ат̇а ко ааяасмаа нааг̇асзно язна асогаараамо язнааяасмаа д̇хаммарагкид̇о д̇знубасан̇гами , убасан̇гамид̇ваа ааяасманд̇ам̣ д̇хаммарагкид̇ам̣ абхиваад̣̇зд̇ваа ад̇д̇ано ааг̇ад̇агааран̣ам̣ гат̇зд̇ваа ааяасмад̇о д̇хаммарагкид̇асса санд̇игз д̇збидагам̣ б̣уд̣̇д̇хаважанам̣ згзнзва уд̣̇д̣̇зсзна д̇ийхи маасзхи б̣яан̃ж̇анасо барияаабун̣ид̇ваа буна д̇ийхи маасзхи ад̇т̇асо манасаагааси.

19. Atha kho āyasmā nāgaseno yena asokārāmo yenāyasmā dhammarakkhito tenupasaṅkami , upasaṅkamitvā āyasmantaṃ dhammarakkhitaṃ abhivādetvā attano āgatakāraṇaṃ kathetvā āyasmato dhammarakkhitassa santike tepiṭakaṃ buddhavacanaṃ ekeneva uddesena tīhi māsehi byañjanaso pariyāpuṇitvā puna tīhi māsehi atthaso manasākāsi.

ат̇а ко ааяасмаа д̇хаммарагкид̇о ааяасманд̇ам̣ нааг̇асзнам̣ зд̇ад̣̇авожа ‘‘сзяяат̇ааби, нааг̇асзна, г̇обаалаго г̇ааво рагкад̇и, ан̃н̃з г̇орасам̣ барибхун̃ж̇анд̇и. звамзва ко, д̇вам̣ нааг̇асзна, д̇збидагам̣ б̣уд̣̇д̇хаважанам̣ д̇хаарзнд̇оби на бхааг̇ий сааман̃н̃ассаа’’д̇и. ‘‘ход̇у, бханд̇з, алам̣ зд̇д̇агзнаа’’д̇и. д̇знзва д̣̇ивасабхааг̇зна д̇зна рад̇д̇ибхааг̇зна саха бадисамбхид̣̇аахи арахад̇д̇ам̣ баабун̣и, саха сажжаббадивзд̇хзна ааяасмад̇о нааг̇асзнасса саб̣б̣з д̣̇зваа саад̇хугаарамад̣̇ам̣су, бат̇авий уннад̣̇и, б̣рахмаано абподзсум̣, д̣̇иб̣б̣аани жанд̣̇анажун̣н̣аани д̣̇иб̣б̣аани жа манд̣̇ааравабубпаани абхиббавассим̣су.

Atha kho āyasmā dhammarakkhito āyasmantaṃ nāgasenaṃ etadavoca ‘‘seyyathāpi, nāgasena, gopālako gāvo rakkhati, aññe gorasaṃ paribhuñjanti. Evameva kho, tvaṃ nāgasena, tepiṭakaṃ buddhavacanaṃ dhārentopi na bhāgī sāmaññassā’’ti. ‘‘Hotu, bhante, alaṃ ettakenā’’ti. Teneva divasabhāgena tena rattibhāgena saha paṭisambhidāhi arahattaṃ pāpuṇi, saha saccappaṭivedhena āyasmato nāgasenassa sabbe devā sādhukāramadaṃsu, pathavī unnadi, brahmāno apphoṭesuṃ, dibbāni candanacuṇṇāni dibbāni ca mandāravapupphāni abhippavassiṃsu.

20. д̇зна ко бана самаязна годисад̇аа араханд̇о химаванд̇з баб̣б̣ад̇з рагкид̇ад̇алз саннибад̇ид̇ваа ааяасмад̇о нааг̇асзнасса санд̇игз д̣̇ууд̇ам̣ баахзсум̣ ‘‘ааг̇ажчад̇у нааг̇асзно, д̣̇ассанагаамаа маяам̣ нааг̇асзна’’нд̇и. ат̇а ко ааяасмаа нааг̇асзно д̣̇ууд̇асса важанам̣ суд̇ваа асогаараамз анд̇арахид̇о химаванд̇з баб̣б̣ад̇з рагкид̇ад̇алз годисад̇аанам̣ араханд̇аанам̣ бурад̇о баад̇урахоси.

20. Tena kho pana samayena koṭisatā arahanto himavante pabbate rakkhitatale sannipatitvā āyasmato nāgasenassa santike dūtaṃ pāhesuṃ ‘‘āgacchatu nāgaseno, dassanakāmā mayaṃ nāgasena’’nti. Atha kho āyasmā nāgaseno dūtassa vacanaṃ sutvā asokārāme antarahito himavante pabbate rakkhitatale koṭisatānaṃ arahantānaṃ purato pāturahosi.

ат̇а ко годисад̇аа араханд̇о ааяасманд̇ам̣ нааг̇асзнам̣ зд̇ад̣̇авожум̣ ‘‘зсо ко, нааг̇асзна, милинд̣̇о рааж̇аа бхигкусан̇гхам̣ вихзтзд̇и ваад̣̇аббадиваад̣̇зна бан̃хабужчааяа. саад̇ху, нааг̇асзна, г̇ажча д̇вам̣ милинд̣̇ам̣ рааж̇аанам̣ д̣̇амзхий’’д̇и. ‘‘д̇идтад̇у, бханд̇з, зго милинд̣̇о рааж̇аа; сажз, бханд̇з, сагалаж̇амб̣уд̣̇ийбз рааж̇аано ааг̇анд̇ваа мам̣ бан̃хам̣ бужчзяяум̣, саб̣б̣ам̣ д̇ам̣ висаж̇ж̇зд̇ваа самбад̣̇аалзссаами, г̇ажчат̇а во, бханд̇з, ажчамбхид̇аа сааг̇аланаг̇ара’’нд̇и. ат̇а ко т̇зраа бхигкуу сааг̇аланаг̇арам̣ гаасааваббаж̇ж̇од̇ам̣ исиваад̇абадиваад̇ам̣ агам̣су.

Atha kho koṭisatā arahanto āyasmantaṃ nāgasenaṃ etadavocuṃ ‘‘eso kho, nāgasena, milindo rājā bhikkhusaṅghaṃ viheṭheti vādappaṭivādena pañhapucchāya. Sādhu, nāgasena, gaccha tvaṃ milindaṃ rājānaṃ damehī’’ti. ‘‘Tiṭṭhatu, bhante, eko milindo rājā; sace, bhante, sakalajambudīpe rājāno āgantvā maṃ pañhaṃ puccheyyuṃ, sabbaṃ taṃ visajjetvā sampadālessāmi, gacchatha vo, bhante, acchambhitā sāgalanagara’’nti. Atha kho therā bhikkhū sāgalanagaraṃ kāsāvappajjotaṃ isivātapaṭivātaṃ akaṃsu.

21. д̇зна ко бана самаязна ааяасмаа ааяубаало сан̇кязяяабаривзн̣з бадивасад̇и. ат̇а ко милинд̣̇о рааж̇аа амажжз зд̇ад̣̇авожа ‘‘раман̣ийяаа вад̇а бхо д̣̇осинаа рад̇д̇и, ганну кваж̇ж̇а саман̣ам̣ ваа б̣раахман̣ам̣ ваа убасан̇гамзяяаама саагажчааяа бан̃хабужчанааяа, го маяаа сад̣̇д̇хим̣ саллабид̇ум̣ уссахад̇и ган̇кам̣ бадивинзд̇у’’нд̇и. звам̣ вуд̇д̇з бан̃жасад̇аа яонагаа рааж̇аанам̣ милинд̣̇ам̣ зд̇ад̣̇авожум̣ ‘‘ад̇т̇и, махаарааж̇а, ааяубаало наама т̇зро д̇збидаго б̣ахуссуд̇о ааг̇ад̇ааг̇амо, со зд̇арахи сан̇кязяяабаривзн̣з бадивасад̇и; г̇ажча, д̇вам̣ махаарааж̇а, ааяасманд̇ам̣ ааяубаалам̣ бан̃хам̣ бужчассуу’’д̇и. ‘‘д̇зна хи, бхан̣з, бхад̣̇анд̇асса аарожзт̇аа’’д̇и.

21. Tena kho pana samayena āyasmā āyupālo saṅkhyeyyapariveṇe paṭivasati. Atha kho milindo rājā amacce etadavoca ‘‘ramaṇīyā vata bho dosinā ratti, kannu khvajja samaṇaṃ vā brāhmaṇaṃ vā upasaṅkameyyāma sākacchāya pañhapucchanāya, ko mayā saddhiṃ sallapituṃ ussahati kaṅkhaṃ paṭivinetu’’nti. Evaṃ vutte pañcasatā yonakā rājānaṃ milindaṃ etadavocuṃ ‘‘atthi, mahārāja, āyupālo nāma thero tepiṭako bahussuto āgatāgamo, so etarahi saṅkhyeyyapariveṇe paṭivasati; gaccha, tvaṃ mahārāja, āyasmantaṃ āyupālaṃ pañhaṃ pucchassū’’ti. ‘‘Tena hi, bhaṇe, bhadantassa ārocethā’’ti.

ат̇а ко нзмид̇д̇иго ааяасмад̇о ааяубааласса санд̇игз д̣̇ууд̇ам̣ баахзси ‘‘рааж̇аа, бханд̇з, милинд̣̇о ааяасманд̇ам̣ ааяубаалам̣ д̣̇ассанагаамо’’д̇и. ааяасмааби ко ааяубаало звамааха ‘‘д̇зна хи ааг̇ажчад̇уу’’д̇и. ат̇а ко милинд̣̇о рааж̇аа бан̃жамад̇д̇зхи яонагасад̇зхи баривуд̇о рат̇аварамааруяха язна сан̇кязяяабаривзн̣ам̣ язнааяасмаа ааяубаало д̇знубасан̇гами, убасан̇гамид̇ваа ааяасмад̇аа ааяубаалзна сад̣̇д̇хим̣ саммод̣̇и, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и, згаманд̇ам̣ нисинно ко милинд̣̇о рааж̇аа ааяасманд̇ам̣ ааяубаалам̣ зд̇ад̣̇авожа ‘‘гимад̇т̇ияаа, бханд̇з ааяубаала, д̇умхаагам̣ баб̣б̣аж̇ж̇аа, го жа д̇умхаагам̣ барамад̇т̇о’’д̇и. т̇зро ааха ‘‘д̇хаммажарияасамажарияад̇т̇аа ко, махаарааж̇а, баб̣б̣аж̇ж̇аа, сааман̃н̃апалам̣ ко бана амхаагам̣ барамад̇т̇о’’д̇и. ‘‘ад̇т̇и бана, бханд̇з, гожи г̇ихийби д̇хаммажаарий самажаарий’’д̇и? ‘‘аама, махаарааж̇а, ад̇т̇и г̇ихийби д̇хаммажаарий самажаарий, бхаг̇авад̇и ко, махаарааж̇а, б̣аараан̣асияам̣ исибад̇анз миг̇ад̣̇ааяз д̇хаммажаггам̣ бавад̇д̇знд̇з адтаарасаннам̣ б̣рахмагодийнам̣ д̇хаммаабхисамаяо ахоси, д̣̇звад̇аанам̣ бана д̇хаммаабхисамаяо г̇ан̣анабат̇ам̣ вийд̇ивад̇д̇о, саб̣б̣зд̇з г̇ихибхууд̇аа, на баб̣б̣аж̇ид̇аа.

Atha kho nemittiko āyasmato āyupālassa santike dūtaṃ pāhesi ‘‘rājā, bhante, milindo āyasmantaṃ āyupālaṃ dassanakāmo’’ti. Āyasmāpi kho āyupālo evamāha ‘‘tena hi āgacchatū’’ti. Atha kho milindo rājā pañcamattehi yonakasatehi parivuto rathavaramāruyha yena saṅkhyeyyapariveṇaṃ yenāyasmā āyupālo tenupasaṅkami, upasaṅkamitvā āyasmatā āyupālena saddhiṃ sammodi, sammodanīyaṃ kathaṃ sāraṇīyaṃ vītisāretvā ekamantaṃ nisīdi, ekamantaṃ nisinno kho milindo rājā āyasmantaṃ āyupālaṃ etadavoca ‘‘kimatthiyā, bhante āyupāla, tumhākaṃ pabbajjā, ko ca tumhākaṃ paramattho’’ti. Thero āha ‘‘dhammacariyasamacariyatthā kho, mahārāja, pabbajjā, sāmaññaphalaṃ kho pana amhākaṃ paramattho’’ti. ‘‘Atthi pana, bhante, koci gihīpi dhammacārī samacārī’’ti? ‘‘Āma, mahārāja, atthi gihīpi dhammacārī samacārī, bhagavati kho, mahārāja, bārāṇasiyaṃ isipatane migadāye dhammacakkaṃ pavattente aṭṭhārasannaṃ brahmakoṭīnaṃ dhammābhisamayo ahosi, devatānaṃ pana dhammābhisamayo gaṇanapathaṃ vītivatto, sabbete gihibhūtā, na pabbajitā.

‘‘буна жабарам̣, махаарааж̇а, бхаг̇авад̇аа ко махаасамаяасуд̇д̇анд̇з д̣̇зсияамаанз, махааман̇г̇аласуд̇д̇анд̇з д̣̇зсияамаанз, самажид̇д̇абарияааяасуд̇д̇анд̇з д̣̇зсияамаанз, раахуловаад̣̇асуд̇д̇анд̇з д̣̇зсияамаанз, бараабхавасуд̇д̇анд̇з д̣̇зсияамаанз г̇ан̣анабат̇ам̣ вийд̇ивад̇д̇аанам̣ д̣̇звад̇аанам̣ д̇хаммаабхисамаяо ахоси, саб̣б̣зд̇з г̇ихибхууд̇аа, на баб̣б̣аж̇ид̇аа’’д̇и. ‘‘д̇зна хи, бханд̇з ааяубаала, нирад̇т̇игаа д̇умхаагам̣ баб̣б̣аж̇ж̇аа, буб̣б̣з гад̇асса баабагаммасса ниссанд̣̇зна саман̣аа сагяабуд̇д̇ияаа баб̣б̣аж̇анд̇и д̇худ̇ан̇г̇аани жа барихаранд̇и. яз ко д̇з, бханд̇з ааяубаала, бхигкуу згаасанигаа, нууна д̇з буб̣б̣з барзсам̣ бхог̇ахаарагаа жораа, д̇з барзсам̣ бхог̇з ажчинд̣̇ид̇ваа д̇асса гаммасса ниссанд̣̇зна зд̇арахи згаасанигаа бхаванд̇и, на лабханд̇и гаалзна гаалам̣ барибхун̃ж̇ид̇ум̣, над̇т̇и д̇зсам̣ сийлам̣, над̇т̇и д̇або, над̇т̇и б̣рахмажарияам̣. яз ко бана д̇з, бханд̇з ааяубаала, бхигкуу аб̣бхогаасигаа, нууна д̇з буб̣б̣з г̇аамагхаад̇агаа жораа, д̇з барзсам̣ г̇зхаани винаасзд̇ваа д̇асса гаммасса ниссанд̣̇зна зд̇арахи аб̣бхогаасигаа бхаванд̇и, на лабханд̇и сзнаасанаани барибхун̃ж̇ид̇ум̣, над̇т̇и д̇зсам̣ сийлам̣, над̇т̇и д̇або, над̇т̇и б̣рахмажарияам̣. яз ко бана д̇з, бханд̇з ааяубаала, бхигкуу нзсаж̇ж̇игаа, нууна д̇з буб̣б̣з бант̇ад̣̇уусагаа жораа, д̇з барзсам̣ бат̇игз ж̇анз г̇ахзд̇ваа б̣анд̇хид̇ваа нисийд̣̇аабзд̇ваа д̇асса гаммасса ниссанд̣̇зна зд̇арахи нзсаж̇ж̇игаа бхаванд̇и, на лабханд̇и сзяяам̣ габбзд̇ум̣, над̇т̇и д̇зсам̣ сийлам̣, над̇т̇и д̇або, над̇т̇и б̣рахмажарияа’’нд̇и ааха.

‘‘Puna caparaṃ, mahārāja, bhagavatā kho mahāsamayasuttante desiyamāne, mahāmaṅgalasuttante desiyamāne, samacittapariyāyasuttante desiyamāne, rāhulovādasuttante desiyamāne, parābhavasuttante desiyamāne gaṇanapathaṃ vītivattānaṃ devatānaṃ dhammābhisamayo ahosi, sabbete gihibhūtā, na pabbajitā’’ti. ‘‘Tena hi, bhante āyupāla, niratthikā tumhākaṃ pabbajjā, pubbe katassa pāpakammassa nissandena samaṇā sakyaputtiyā pabbajanti dhutaṅgāni ca pariharanti. Ye kho te, bhante āyupāla, bhikkhū ekāsanikā, nūna te pubbe paresaṃ bhogahārakā corā, te paresaṃ bhoge acchinditvā tassa kammassa nissandena etarahi ekāsanikā bhavanti, na labhanti kālena kālaṃ paribhuñjituṃ, natthi tesaṃ sīlaṃ, natthi tapo, natthi brahmacariyaṃ. Ye kho pana te, bhante āyupāla, bhikkhū abbhokāsikā, nūna te pubbe gāmaghātakā corā, te paresaṃ gehāni vināsetvā tassa kammassa nissandena etarahi abbhokāsikā bhavanti, na labhanti senāsanāni paribhuñjituṃ, natthi tesaṃ sīlaṃ, natthi tapo, natthi brahmacariyaṃ. Ye kho pana te, bhante āyupāla, bhikkhū nesajjikā, nūna te pubbe panthadūsakā corā, te paresaṃ pathike jane gahetvā bandhitvā nisīdāpetvā tassa kammassa nissandena etarahi nesajjikā bhavanti, na labhanti seyyaṃ kappetuṃ, natthi tesaṃ sīlaṃ, natthi tapo, natthi brahmacariya’’nti āha.

звам̣ вуд̇д̇з ааяасмаа ааяубаало д̇ун̣хий ахоси, на гин̃жи бадибхааси. ат̇а ко бан̃жасад̇аа яонагаа рааж̇аанам̣ милинд̣̇ам̣ зд̇ад̣̇авожум̣ ‘‘бан̣д̣ид̇о, махаарааж̇а, т̇зро, аби жа ко ависаарад̣̇о на гин̃жи бадибхаасад̇ий’’д̇и.

Evaṃ vutte āyasmā āyupālo tuṇhī ahosi, na kiñci paṭibhāsi. Atha kho pañcasatā yonakā rājānaṃ milindaṃ etadavocuṃ ‘‘paṇḍito, mahārāja, thero, api ca kho avisārado na kiñci paṭibhāsatī’’ti.

ат̇а ко милинд̣̇о рааж̇аа ааяасманд̇ам̣ ааяубаалам̣ д̇ун̣хийбхууд̇ам̣ д̣̇исваа абподзд̇ваа уггудтим̣ гад̇ваа яонагз зд̇ад̣̇авожа ‘‘д̇ужчо вад̇а бхо ж̇амб̣уд̣̇ийбо, балаабо вад̇а бхо ж̇амб̣уд̣̇ийбо, над̇т̇и гожи саман̣о ваа б̣раахман̣о ваа, яо маяаа сад̣̇д̇хим̣ саллабид̇ум̣ уссахад̇и ган̇кам̣ бадивинзд̇у’’нд̇и.

Atha kho milindo rājā āyasmantaṃ āyupālaṃ tuṇhībhūtaṃ disvā apphoṭetvā ukkuṭṭhiṃ katvā yonake etadavoca ‘‘tuccho vata bho jambudīpo, palāpo vata bho jambudīpo, natthi koci samaṇo vā brāhmaṇo vā, yo mayā saddhiṃ sallapituṃ ussahati kaṅkhaṃ paṭivinetu’’nti.

22. ат̇а ко милинд̣̇асса ран̃н̃о саб̣б̣ам̣ д̇ам̣ барисам̣ анувилогзнд̇асса абхийд̇з аман̇губхууд̇з яонагз д̣̇исваа зд̇ад̣̇ахоси ‘‘ниссам̣саяам̣ ад̇т̇и ман̃н̃з ан̃н̃о гожи бан̣д̣ид̇о бхигку, яо маяаа сад̣̇д̇хим̣ саллабид̇ум̣ уссахад̇и, язнимз яонагаа на ман̇губхууд̇аа’’д̇и. ат̇а ко милинд̣̇о рааж̇аа яонагз зд̇ад̣̇авожа ‘‘ад̇т̇и, бхан̣з, ан̃н̃о гожи бан̣д̣ид̇о бхигку, яо маяаа сад̣̇д̇хим̣ саллабид̇ум̣ уссахад̇и ган̇кам̣ бадивинзд̇у’’нд̇и.

22. Atha kho milindassa rañño sabbaṃ taṃ parisaṃ anuvilokentassa abhīte amaṅkubhūte yonake disvā etadahosi ‘‘nissaṃsayaṃ atthi maññe añño koci paṇḍito bhikkhu, yo mayā saddhiṃ sallapituṃ ussahati, yenime yonakā na maṅkubhūtā’’ti. Atha kho milindo rājā yonake etadavoca ‘‘atthi, bhaṇe, añño koci paṇḍito bhikkhu, yo mayā saddhiṃ sallapituṃ ussahati kaṅkhaṃ paṭivinetu’’nti.

д̇зна ко бана самаязна ааяасмаа нааг̇асзно саман̣аг̇ан̣абаривуд̇о сан̇гхий г̇ан̣ий г̇ан̣аажарияо н̃аад̇о яасассий саад̇хусаммад̇о б̣ахуж̇анасса бан̣д̣ид̇о б̣яад̇д̇о мзд̇хаавий нибун̣о вин̃н̃уу вибхаавий винийд̇о висаарад̣̇о б̣ахуссуд̇о д̇збидаго взд̣̇аг̇уу бабхиннаб̣уд̣̇д̇химаа ааг̇ад̇ааг̇амо бабхиннабадисамбхид̣̇о наван̇г̇асад̇т̇усаасанз барияад̇д̇ид̇харо баарамиббад̇д̇о ж̇инаважанз д̇хаммад̇т̇ад̣̇зсанаабадивзд̇хагусало агкаяавижид̇рабадибхаано жид̇рагат̇ий галяаан̣авааггаран̣о д̣̇ураасад̣̇о д̣̇уббасахо д̣̇уруд̇д̇аро д̣̇урааваран̣о д̣̇унниваараяо, сааг̇аро вияа агкобхо, г̇ирирааж̇аа вияа нижжало, ран̣ан̃ж̇ахо д̇амонуд̣̇о бабхан̇гаро махаагат̇ий бараг̇ан̣иг̇ан̣амат̇ано барад̇ид̇т̇ияамад̣̇д̣̇ано бхигкуунам̣ бхигкунийнам̣ убаасагаанам̣ убаасигаанам̣ рааж̇уунам̣ рааж̇амахаамад̇д̇аанам̣ саггад̇о г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣ лаабхаг̇г̇аяасаг̇г̇аббад̇д̇о вуд̣̇д̇хаанам̣ вин̃н̃уунам̣ сод̇аавад̇хаанзна саманнааг̇ад̇аанам̣ санд̣̇ассзнд̇о наван̇г̇ам̣ ж̇инасаасанарад̇анам̣, убад̣̇исанд̇о д̇хаммамаг̇г̇ам̣, д̇хаарзнд̇о д̇хаммаббаж̇ж̇од̇ам̣, уссаабзнд̇о д̇хаммаяуубам̣, яаж̇анд̇о д̇хаммаяааг̇ам̣, баг̇г̇ан̣ханд̇о д̇хаммад̣̇д̇хаж̇ам̣, уссаабзнд̇о д̇хаммагзд̇ум̣, д̇хамзнд̇о ⁴³ д̇хаммасан̇кам̣, аахананд̇о д̇хаммабхзрим̣, над̣̇анд̇о сийханаад̣̇ам̣ , г̇аж̇ж̇анд̇о инд̣̇аг̇аж̇ж̇ид̇ам̣, мад̇хураг̇ираг̇аж̇ж̇ид̇зна н̃аан̣аваравиж̇ж̇уж̇аалабаривзтид̇зна гарун̣ааж̇алабхарид̇зна махад̇аа д̇хаммаамад̇амзгхзна сагалалогамабхид̇аббаяанд̇о г̇ааманиг̇амарааж̇ад̇хаанийсу жааригам̣ жарамаано анубуб̣б̣зна сааг̇аланаг̇арам̣ ануббад̇д̇о ход̇и. д̇ад̇ра суд̣̇ам̣ ааяасмаа нааг̇асзно асийд̇ияаа бхигкусахассзхи сад̣̇д̇хим̣ сан̇кязяяабаривзн̣з бадивасад̇и. д̇знааху бораан̣аа –

Tena kho pana samayena āyasmā nāgaseno samaṇagaṇaparivuto saṅghī gaṇī gaṇācariyo ñāto yasassī sādhusammato bahujanassa paṇḍito byatto medhāvī nipuṇo viññū vibhāvī vinīto visārado bahussuto tepiṭako vedagū pabhinnabuddhimā āgatāgamo pabhinnapaṭisambhido navaṅgasatthusāsane pariyattidharo pāramippatto jinavacane dhammatthadesanāpaṭivedhakusalo akkhayavicitrapaṭibhāno citrakathī kalyāṇavākkaraṇo durāsado duppasaho duruttaro durāvaraṇo dunnivārayo, sāgaro viya akkhobho, girirājā viya niccalo, raṇañjaho tamonudo pabhaṅkaro mahākathī paragaṇigaṇamathano paratitthiyamaddano bhikkhūnaṃ bhikkhunīnaṃ upāsakānaṃ upāsikānaṃ rājūnaṃ rājamahāmattānaṃ sakkato garukato mānito pūjito apacito lābhī cīvarapiṇḍapātasenāsanagilānappaccayabhesajjaparikkhārānaṃ lābhaggayasaggappatto vuddhānaṃ viññūnaṃ sotāvadhānena samannāgatānaṃ sandassento navaṅgaṃ jinasāsanaratanaṃ, upadisanto dhammamaggaṃ, dhārento dhammappajjotaṃ, ussāpento dhammayūpaṃ, yajanto dhammayāgaṃ, paggaṇhanto dhammaddhajaṃ, ussāpento dhammaketuṃ, dhamento ⁴⁴ dhammasaṅkhaṃ, āhananto dhammabheriṃ, nadanto sīhanādaṃ , gajjanto indagajjitaṃ, madhuragiragajjitena ñāṇavaravijjujālapariveṭhitena karuṇājalabharitena mahatā dhammāmatameghena sakalalokamabhitappayanto gāmanigamarājadhānīsu cārikaṃ caramāno anupubbena sāgalanagaraṃ anuppatto hoti. Tatra sudaṃ āyasmā nāgaseno asītiyā bhikkhusahassehi saddhiṃ saṅkhyeyyapariveṇe paṭivasati. Tenāhu porāṇā –

‘‘б̣ахуссуд̇о жид̇рагат̇ий, нибун̣о жа висаарад̣̇о;

‘‘Bahussuto citrakathī, nipuṇo ca visārado;

саамаяиго жа гусало, бадибхаанз жа говид̣̇о.

Sāmayiko ca kusalo, paṭibhāne ca kovido.

‘‘д̇з жа д̇збидагаа бхигкуу, бан̃жанзгааяигааби жа;

‘‘Te ca tepiṭakā bhikkhū, pañcanekāyikāpi ca;

жад̇унзгааяигаа жзва, нааг̇асзнам̣ бурагкарум̣.

Catunekāyikā ceva, nāgasenaṃ purakkharuṃ.

‘‘г̇амбхийрабан̃н̃о мзд̇хаавий, маг̇г̇аамаг̇г̇асса говид̣̇о;

‘‘Gambhīrapañño medhāvī, maggāmaggassa kovido;

уд̇д̇амад̇т̇ам̣ ануббад̇д̇о, нааг̇асзно висаарад̣̇о.

Uttamatthaṃ anuppatto, nāgaseno visārado.

‘‘д̇зхи бхигкуухи баривуд̇о, нибун̣зхи сажжаваад̣̇ибхи;

‘‘Tehi bhikkhūhi parivuto, nipuṇehi saccavādibhi;

жаранд̇о г̇ааманиг̇амам̣, сааг̇алам̣ убасан̇гами.

Caranto gāmanigamaṃ, sāgalaṃ upasaṅkami.

‘‘сан̇кязяяабаривзн̣асмим̣ , нааг̇асзно д̇ад̣̇аа васи;

‘‘Saṅkhyeyyapariveṇasmiṃ , nāgaseno tadā vasi;

гат̇зд̇и со мануссзхи, баб̣б̣ад̇з гзсарий яат̇аа’’д̇и.

Katheti so manussehi, pabbate kesarī yathā’’ti.

23. ат̇а ко д̣̇зваманд̇ияо рааж̇аанам̣ милинд̣̇ам̣ зд̇ад̣̇авожа ‘‘ааг̇амзхи, д̇вам̣ махаарааж̇а; ад̇т̇и, махаарааж̇а, нааг̇асзно наама т̇зро бан̣д̣ид̇о б̣яад̇д̇о мзд̇хаавий винийд̇о висаарад̣̇о б̣ахуссуд̇о жид̇рагат̇ий галяаан̣абадибхаано ад̇т̇ад̇хамманируд̇д̇ибадибхаанабадисамбхид̣̇аасу баарамиббад̇д̇о, со зд̇арахи сан̇кязяяабаривзн̣з бадивасад̇и, г̇ажча, д̇вам̣ махаарааж̇а, ааяасманд̇ам̣ нааг̇асзнам̣ бан̃хам̣ бужчассу, уссахад̇и со д̇аяаа сад̣̇д̇хим̣ саллабид̇ум̣ ган̇кам̣ бадивинзд̇у’’нд̇и. ат̇а ко милинд̣̇асса ран̃н̃о сахасаа ‘‘нааг̇асзно’’д̇и сад̣̇д̣̇ам̣ суд̇ваава ахуд̣̇зва бхаяам̣, ахуд̣̇зва чамбхид̇ад̇д̇ам̣, ахуд̣̇зва ломахам̣со. ат̇а ко милинд̣̇о рааж̇аа д̣̇зваманд̇ияам̣ зд̇ад̣̇авожа ‘‘уссахад̇и бхо нааг̇асзно бхигку маяаа сад̣̇д̇хим̣ саллабид̇у’’нд̇и? ‘‘уссахад̇и, махаарааж̇а, аби инд̣̇аяамаварун̣агувзрабаж̇аабад̇и суяаама санд̇усид̇алогабаалзхиби бид̇убид̇аамахзна махааб̣рахмунааби сад̣̇д̇хим̣ саллабид̇ум̣, гиман̇г̇ам̣ бана мануссабхууд̇знаа’’д̇и.

23. Atha kho devamantiyo rājānaṃ milindaṃ etadavoca ‘‘āgamehi, tvaṃ mahārāja; atthi, mahārāja, nāgaseno nāma thero paṇḍito byatto medhāvī vinīto visārado bahussuto citrakathī kalyāṇapaṭibhāno atthadhammaniruttipaṭibhānapaṭisambhidāsu pāramippatto, so etarahi saṅkhyeyyapariveṇe paṭivasati, gaccha, tvaṃ mahārāja, āyasmantaṃ nāgasenaṃ pañhaṃ pucchassu, ussahati so tayā saddhiṃ sallapituṃ kaṅkhaṃ paṭivinetu’’nti. Atha kho milindassa rañño sahasā ‘‘nāgaseno’’ti saddaṃ sutvāva ahudeva bhayaṃ, ahudeva chambhitattaṃ, ahudeva lomahaṃso. Atha kho milindo rājā devamantiyaṃ etadavoca ‘‘ussahati bho nāgaseno bhikkhu mayā saddhiṃ sallapitu’’nti? ‘‘Ussahati, mahārāja, api indayamavaruṇakuverapajāpati suyāma santusitalokapālehipi pitupitāmahena mahābrahmunāpi saddhiṃ sallapituṃ, kimaṅgaṃ pana manussabhūtenā’’ti.

ат̇а ко милинд̣̇о рааж̇аа д̣̇зваманд̇ияам̣ зд̇ад̣̇авожа ‘‘д̇зна хи, д̇вам̣ д̣̇зваманд̇ияа, бхад̣̇анд̇асса санд̇игз д̣̇ууд̇ам̣ бзсзхий’’д̇и. ‘‘звам̣ д̣̇зваа’’д̇и ко д̣̇зваманд̇ияо ааяасмад̇о нааг̇асзнасса санд̇игз д̣̇ууд̇ам̣ баахзси ‘‘рааж̇аа, бханд̇з, милинд̣̇о ааяасманд̇ам̣ д̣̇ассанагаамо’’д̇и. ааяасмааби ко нааг̇асзно звамааха ‘‘д̇зна хи ааг̇ажчад̇уу’’д̇и.

Atha kho milindo rājā devamantiyaṃ etadavoca ‘‘tena hi, tvaṃ devamantiya, bhadantassa santike dūtaṃ pesehī’’ti. ‘‘Evaṃ devā’’ti kho devamantiyo āyasmato nāgasenassa santike dūtaṃ pāhesi ‘‘rājā, bhante, milindo āyasmantaṃ dassanakāmo’’ti. Āyasmāpi kho nāgaseno evamāha ‘‘tena hi āgacchatū’’ti.

ат̇а ко милинд̣̇о рааж̇аа бан̃жамад̇д̇зхи яонагасад̇зхи баривуд̇о рат̇аварамааруяха махад̇аа б̣алагааязна сад̣̇д̇хим̣ язна сан̇кязяяабаривзн̣ам̣ язнааяасмаа нааг̇асзно д̇знубасан̇гами. д̇зна ко бана самаязна ааяасмаа нааг̇асзно асийд̇ияаа бхигкусахассзхи сад̣̇д̇хим̣ ман̣д̣аламаал̣з нисинно ход̇и. ад̣̇д̣̇асаа ко милинд̣̇о рааж̇аа ааяасмад̇о нааг̇асзнасса барисам̣ д̣̇уурад̇ова, д̣̇исваана д̣̇зваманд̇ияам̣ зд̇ад̣̇авожа ‘‘гассзсаа, д̣̇зваманд̇ияа, махад̇ий барисаа’’д̇и? ‘‘ааяасмад̇о ко, махаарааж̇а, нааг̇асзнасса барисаа’’д̇и.

Atha kho milindo rājā pañcamattehi yonakasatehi parivuto rathavaramāruyha mahatā balakāyena saddhiṃ yena saṅkhyeyyapariveṇaṃ yenāyasmā nāgaseno tenupasaṅkami. Tena kho pana samayena āyasmā nāgaseno asītiyā bhikkhusahassehi saddhiṃ maṇḍalamāḷe nisinno hoti. Addasā kho milindo rājā āyasmato nāgasenassa parisaṃ dūratova, disvāna devamantiyaṃ etadavoca ‘‘kassesā, devamantiya, mahatī parisā’’ti? ‘‘Āyasmato kho, mahārāja, nāgasenassa parisā’’ti.

ат̇а ко милинд̣̇асса ран̃н̃о ааяасмад̇о нааг̇асзнасса барисам̣ д̣̇уурад̇ова д̣̇исваа ахуд̣̇зва бхаяам̣, ахуд̣̇зва чамбхид̇ад̇д̇ам̣, ахуд̣̇зва ломахам̣со. ат̇а ко милинд̣̇о рааж̇аа каг̇г̇абариваарид̇о вияа г̇аж̇о, г̇арул̣абариваарид̇о вияа нааг̇о, аж̇аг̇арабариваарид̇о вияа год̇т̇уго ⁴⁵, махим̣сабаривуд̇о вияа ажчо, нааг̇аануб̣ад̣̇д̇хо вияа ман̣д̣ууго, сад̣̇д̣̇уулаануб̣ад̣̇д̇хо вияа миг̇о, ахид̇ун̣д̣игасамааг̇ад̇о ⁴⁶ вияа баннаг̇о, маж̇ж̇аарасамааг̇ад̇о вияа унд̣̇ууро, бхууд̇авзж̇ж̇асамааг̇ад̇о вияа бисаажо, раахумакаг̇ад̇о вияа жанд̣̇о, баннаг̇о вияа бзл̣анд̇араг̇ад̇о, сагун̣о вияа бан̃ж̇аранд̇араг̇ад̇о, мажчо вияа ж̇ааланд̇араг̇ад̇о, ваал̣аванамануббавидто вияа бурисо, взссаван̣аабараад̇хиго вияа яагко, баригкийн̣ааяуго вияа д̣̇звабуд̇д̇о бхийд̇о уб̣б̣иг̇г̇о уд̇расд̇о сам̣виг̇г̇о ломахадтаж̇аад̇о вимано д̣̇уммано бханд̇ажид̇д̇о вибарин̣ад̇амаанасо ‘‘маа мам̣ аяам̣ бариж̇ано барибхавий’’д̇и сад̇им̣ ⁴⁷ убадтабзд̇ваа д̣̇зваманд̇ияам̣ зд̇ад̣̇авожа – ‘‘маа ко, д̇вам̣ д̣̇зваманд̇ияа , ааяасманд̇ам̣ нааг̇асзнам̣ маяхам̣ аажигкзяяааси, анагкаад̇ан̃н̃зваахам̣ нааг̇асзнам̣ ж̇ааниссаамий’’д̇и. ‘‘саад̇ху, махаарааж̇а, д̇ван̃н̃зва ж̇аанаахий’’д̇и.

Atha kho milindassa rañño āyasmato nāgasenassa parisaṃ dūratova disvā ahudeva bhayaṃ, ahudeva chambhitattaṃ, ahudeva lomahaṃso. Atha kho milindo rājā khaggaparivārito viya gajo, garuḷaparivārito viya nāgo, ajagaraparivārito viya kotthuko ⁴⁸, mahiṃsaparivuto viya accho, nāgānubaddho viya maṇḍūko, saddūlānubaddho viya migo, ahituṇḍikasamāgato ⁴⁹ viya pannago, majjārasamāgato viya undūro, bhūtavejjasamāgato viya pisāco, rāhumakhagato viya cando, pannago viya peḷantaragato, sakuṇo viya pañjarantaragato, maccho viya jālantaragato, vāḷavanamanuppaviṭṭho viya puriso, vessavaṇāparādhiko viya yakkho, parikkhīṇāyuko viya devaputto bhīto ubbiggo utrasto saṃviggo lomahaṭṭhajāto vimano dummano bhantacitto vipariṇatamānaso ‘‘mā maṃ ayaṃ parijano paribhavī’’ti satiṃ ⁵⁰ upaṭṭhapetvā devamantiyaṃ etadavoca – ‘‘mā kho, tvaṃ devamantiya , āyasmantaṃ nāgasenaṃ mayhaṃ ācikkheyyāsi, anakkhātaññevāhaṃ nāgasenaṃ jānissāmī’’ti. ‘‘Sādhu, mahārāja, tvaññeva jānāhī’’ti.

д̇зна ко бана самаязна ааяасмаа нааг̇асзно д̇ассаа бхигкубарисааяа бурад̇о жад̇д̇аалийсааяа бхигкусахассаанам̣ навагад̇аро ход̇и бажчад̇о жад̇д̇аалийсааяа бхигкусахассаанам̣ вуд̣дхад̇аро.

Tena kho pana samayena āyasmā nāgaseno tassā bhikkhuparisāya purato cattālīsāya bhikkhusahassānaṃ navakataro hoti pacchato cattālīsāya bhikkhusahassānaṃ vuḍḍhataro.

ат̇а ко милинд̣̇о рааж̇аа саб̣б̣ам̣ д̇ам̣ бхигкусан̇гхам̣ бурад̇о жа бажчад̇о жа маж̇жхад̇о жа анувилогзнд̇о ад̣̇д̣̇асаа ко ааяасманд̇ам̣ нааг̇асзнам̣ д̣̇уурад̇ова бхигкусан̇гхасса маж̇жхз нисиннам̣ гзсарасийхам̣ вияа виг̇ад̇абхаяабхзравам̣ виг̇ад̇аломахам̣сам̣ виг̇ад̇абхаяасаараж̇ж̇ам̣, д̣̇исваана аагаарзнзва ан̃н̃ааси ‘‘зсо ко зд̇т̇а нааг̇асзно’’д̇и.

Atha kho milindo rājā sabbaṃ taṃ bhikkhusaṅghaṃ purato ca pacchato ca majjhato ca anuvilokento addasā kho āyasmantaṃ nāgasenaṃ dūratova bhikkhusaṅghassa majjhe nisinnaṃ kesarasīhaṃ viya vigatabhayabheravaṃ vigatalomahaṃsaṃ vigatabhayasārajjaṃ, disvāna ākāreneva aññāsi ‘‘eso kho ettha nāgaseno’’ti.

ат̇а ко милинд̣̇о рааж̇аа д̣̇зваманд̇ияам̣ зд̇ад̣̇авожа ‘‘зсо ко, д̣̇зваманд̇ияа, ааяасмаа нааг̇асзно’’д̇и. ‘‘аама, махаарааж̇а, зсо ко нааг̇асзно, судту ко, д̇вам̣ махаарааж̇а, нааг̇асзнам̣ ан̃н̃аасий’’д̇и . д̇ад̇о рааж̇аа д̇удто ахоси ‘‘анагкаад̇ова маяаа нааг̇асзно ан̃н̃аад̇о’’д̇и. ат̇а ко милинд̣̇асса ран̃н̃о ааяасманд̇ам̣ нааг̇асзнам̣ д̣̇исваава ахуд̣̇зва бхаяам̣, ахуд̣̇зва чамбхид̇ад̇д̇ам̣, ахуд̣̇зва ломахам̣со.

Atha kho milindo rājā devamantiyaṃ etadavoca ‘‘eso kho, devamantiya, āyasmā nāgaseno’’ti. ‘‘Āma, mahārāja, eso kho nāgaseno, suṭṭhu kho, tvaṃ mahārāja, nāgasenaṃ aññāsī’’ti . Tato rājā tuṭṭho ahosi ‘‘anakkhātova mayā nāgaseno aññāto’’ti. Atha kho milindassa rañño āyasmantaṃ nāgasenaṃ disvāva ahudeva bhayaṃ, ahudeva chambhitattaṃ, ahudeva lomahaṃso.

д̇знааху –

Tenāhu –

‘‘жаран̣зна жа самбаннам̣, суд̣̇анд̇ам̣ уд̇д̇амз д̣̇амз;

‘‘Caraṇena ca sampannaṃ, sudantaṃ uttame dame;

д̣̇исваа рааж̇аа нааг̇асзнам̣, ид̣̇ам̣ важанамаб̣рави.

Disvā rājā nāgasenaṃ, idaṃ vacanamabravi.

‘‘гат̇ид̇аа ⁵¹ маяаа б̣ахуу д̣̇идтаа, саагажчаа осадаа б̣ахуу;

‘‘Kathitā ⁵² mayā bahū diṭṭhā, sākacchā osaṭā bahū;

на д̇аад̣̇исам̣ бхаяам̣ ааси, аж̇ж̇а д̇аасо яат̇аа мама.

Na tādisaṃ bhayaṃ āsi, ajja tāso yathā mama.

‘‘ниссам̣саяам̣ барааж̇аяо, мама аж̇ж̇а бхависсад̇и;

‘‘Nissaṃsayaṃ parājayo, mama ajja bhavissati;

ж̇аяо жа нааг̇асзнасса, яат̇аа жид̇д̇ам̣ на сан̣тид̇а’’нд̇и.

Jayo ca nāgasenassa, yathā cittaṃ na saṇṭhita’’nti.

б̣аахирагат̇аа нидтид̇аа.

Bāhirakathā niṭṭhitā.

Next: 2-3. милинд̣̇абан̃хо • 2-3. Milindapañho

Footnotes:

1. яадтисаммун̃ж̇анияо (сий. бий.)

2. на баабун̣аами (сяаа.)

3. сурияо (сий. бий.)

4. на баабун̣аами (сяаа.)

5. yaṭṭhisammuñjaniyo (sī. pī.)

6. na pāpuṇāmi (syā.)

7. suriyo (sī. pī.)

8. na pāpuṇāmi (syā.)

9. на баабун̣аами (сяаа.)

10. na pāpuṇāmi (syā.)

11. саманд̇аяог̇а … (сий. бий.)

12. жад̇уб̣б̣зд̣̇аа (сий. бий.)

13. хзд̇у (сий. бий.)

14. чанд̣̇асаамуд̣̇д̣̇аважанзна (сий. бий.)

15. ваад̣̇ий (сий. бий.)

16. samantayoga … (sī. pī.)

17. catubbedā (sī. pī.)

18. hetu (sī. pī.)

19. chandasāmuddavacanena (sī. pī.)

20. vādī (sī. pī.)

21. сзнааг̇ан̣анам̣ гаарзд̇ваа (сий. бий.)

22. бавад̇д̇а (сий. бий.)

23. senāgaṇanaṃ kāretvā (sī. pī.)

24. pavatta (sī. pī.)

25. наат̇абуд̇д̇о (сий. бий.)

26. nāthaputto (sī. pī.)

27. батавий (сий. сяаа. бий.)

28. paṭhavī (sī. syā. pī.)

29. балуж̇ж̇анд̇з (сий. бий.)

30. palujjante (sī. pī.)

31. гаж̇ан̇г̇алам̣ (сий. бий.)

32. kajaṅgalaṃ (sī. pī.)

33. (бависанд̇аа) (га.)

34. бадисанд̇аарам̣ (сий. бий.)

35. (pavisantā) (ka.)

36. paṭisantāraṃ (sī. pī.)

37. санигхан̣дугздубхзсу (га.)

38. sanighaṇṭukeṭubhesu (ka.)

39. баабагаанам̣ малаанам̣ баб̣б̣ааж̇зд̇ум̣ баб̣б̣аж̇ид̇о (сий. бий.)

40. гаманийяаани г̇ихиб̣яан̃ж̇анаани (сий. бий.)

41. pāpakānaṃ malānaṃ pabbājetuṃ pabbajito (sī. pī.)

42. kamanīyāni gihibyañjanāni (sī. pī.)

43. уббал̣аасзнд̇о (сий. бий.)

44. uppaḷāsento (sī. pī.)

45. год̇т̇уго (сий. бий.)

46. абхиг̇ун̣тигасамааг̇ад̇о (сий. бий.)

47. д̇хийд̇им̣ (сий. бий.)

48. kotthuko (sī. pī.)

49. abhiguṇṭhikasamāgato (sī. pī.)

50. dhītiṃ (sī. pī.)

51. гат̇игаа (сий. бий.)

52. kathikā (sī. pī.)

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact