буб̣б̣зниваасагат̇аа

12. ид̇и имаани жад̇д̇аари жхаанаани гзсан̃жи жид̇д̇згаг̇г̇ад̇ад̇т̇аани хонд̇и, гзсан̃жи вибассанаабаад̣̇агаани, гзсан̃жи абхин̃н̃аабаад̣̇агаани, гзсан̃жи нирод̇хабаад̣̇агаани, гзсан̃жи бхавоггаманад̇т̇аани. д̇ад̇т̇а кийн̣аасаваанам̣ жид̇д̇згаг̇г̇ад̇ад̇т̇аани хонд̇и, д̇з хи самаабаж̇ж̇ид̇ваа ‘‘згаг̇г̇ажид̇д̇аа сукам̣ д̣̇ивасам̣ вихариссаамаа’’д̇и ижжзвам̣ гасин̣абаригаммам̣ гад̇ваа адта самаабад̇д̇ияо ниб̣б̣ад̇д̇знд̇и. сзгкабут̇уж̇ж̇анаанам̣ ‘‘самаабад̇д̇ид̇о вудтааяа самаахид̇зна жид̇д̇зна вибассиссаамаа’’д̇и ниб̣б̣ад̇д̇знд̇аанам̣ вибассанаабаад̣̇агаани хонд̇и. яз бана адта самаабад̇д̇ияо ниб̣б̣ад̇д̇зд̇ваа абхин̃н̃аабаад̣̇агам̣ жхаанам̣ самаабаж̇ж̇ид̇ваа самаабад̇д̇ид̇о вудтааяа ‘‘згоби худ̇ваа б̣ахуд̇хаа ход̇ий’’д̇и вуд̇д̇анаяаа абхин̃н̃ааяо бад̇т̇знд̇аа ниб̣б̣ад̇д̇знд̇и, д̇зсам̣ абхин̃н̃аабаад̣̇агаани хонд̇и. яз бана адта самаабад̇д̇ияо ниб̣б̣ад̇д̇зд̇ваа ‘‘нирод̇хасамаабад̇д̇им̣ самаабаж̇ж̇ид̇ваа сад̇д̇аахам̣ ажид̇д̇агаа худ̇ваа д̣̇идтзва д̇хаммз нирод̇хам̣ ниб̣б̣аанам̣ бад̇ваа сукам̣ вихариссаамаа’’д̇и ниб̣б̣ад̇д̇знд̇и, д̇зсам̣ нирод̇хабаад̣̇агаани хонд̇и. яз бана адта самаабад̇д̇ияо ниб̣б̣ад̇д̇зд̇ваа ‘‘абарихийнаж̇жхаанаа худ̇ваа б̣рахмалогз уббаж̇ж̇иссаамаа’’д̇и ниб̣б̣ад̇д̇знд̇и, д̇зсам̣ бхавоггаманад̇т̇аани хонд̇и.

бхаг̇авад̇аа банид̣̇ам̣ жад̇уд̇т̇аж̇жхаанам̣ б̣од̇хиругкамуулз ниб̣б̣ад̇д̇ид̇ам̣, д̇ам̣ д̇асса вибассанаабаад̣̇аган̃жзва ахоси абхин̃н̃аабаад̣̇аган̃жа нирод̇хабаад̣̇аган̃жа саб̣б̣агижжасаад̇хаган̃жа саб̣б̣алогияалогуд̇д̇араг̇ун̣ад̣̇ааяаганд̇и взд̣̇ид̇аб̣б̣ам̣. язсан̃жа г̇ун̣аанам̣ д̣̇ааяагам̣ ахоси, д̇зсам̣ згад̣̇зсам̣ д̣̇ассзнд̇о ‘‘со звам̣ самаахид̇з жид̇д̇з’’д̇иаад̣̇имааха.

д̇ад̇т̇а сод̇и со ахам̣. званд̇и жад̇уд̇т̇аж̇жхаанаггаманид̣̇ассанамзд̇ам̣. иминаа гамзна жад̇уд̇т̇аж̇жхаанам̣ бадилабхид̇ваад̇и вуд̇д̇ам̣ ход̇и. самаахид̇зд̇и иминаа жад̇уд̇т̇аж̇жхаанасамаад̇хинаа самаахид̇з. барисуд̣̇д̇хзд̇иаад̣̇ийсу бана убзгкаасад̇ибаарисуд̣̇д̇хибхаавзна барисуд̣̇д̇хз. барисуд̣̇д̇хад̇д̇ааязва барияод̣̇аад̇з, бабхассарзд̇и вуд̇д̇ам̣ ход̇и. сукаад̣̇ийнам̣ бажжаяаанам̣ гхаад̇зна вихад̇арааг̇аад̣̇иан̇г̇ан̣ад̇д̇аа анан̇г̇ан̣з. анан̇г̇ан̣ад̇д̇ааязва жа виг̇ад̇уубаггилзсз; ан̇г̇ан̣зна хи жид̇д̇ам̣ убаггилиссад̇и. субхаавид̇ад̇д̇аа муд̣̇убхууд̇з, васийбхааваббад̇д̇зд̇и вуд̇д̇ам̣ ход̇и. васз вад̇д̇амаанан̃хи жид̇д̇ам̣ муд̣̇ууд̇и вужжад̇и. муд̣̇уд̇д̇ааязва жа гамманияз, гаммагкамз гаммаяог̇г̇зд̇и вуд̇д̇ам̣ ход̇и. муд̣̇у хи жид̇д̇ам̣ гамманияам̣ ход̇и суд̇ханд̇амива суван̣н̣ам̣, д̇ад̣̇убхаяамби жа субхаавид̇ад̇д̇аа зва. яат̇ааха – ‘‘наахам̣, бхигкавз, ан̃н̃ам̣ згад̇хаммамби саманубассаами, яам̣ звам̣ бхаавид̇ам̣ б̣ахулийгад̇ам̣ муд̣̇у жа ход̇и гамманияан̃жа, яат̇аяид̣̇ам̣, бхигкавз, жид̇д̇а’’нд̇и (а. ни. 1.22).

зд̇зсу барисуд̣̇д̇хабхааваад̣̇ийсу тид̇ад̇д̇аа тид̇з. тид̇ад̇д̇ааязва аанзн̃ж̇аббад̇д̇з, ажалз нирин̃ж̇анзд̇и вуд̇д̇ам̣ ход̇и. муд̣̇угамман̃н̃абхаавзна ваа ад̇д̇ано васз тид̇ад̇д̇аа тид̇з, сад̣̇д̇хаад̣̇ийхи бариг̇г̇ахид̇ад̇д̇аа аанзн̃ж̇аббад̇д̇з. сад̣̇д̇хаабариг̇г̇ахид̇ан̃хи жид̇д̇ам̣ ассад̣̇д̇хиязна на ин̃ж̇ад̇и, вийрияабариг̇г̇ахид̇ам̣ госаж̇ж̇зна на ин̃ж̇ад̇и, сад̇ибариг̇г̇ахид̇ам̣ бамаад̣̇зна на ин̃ж̇ад̇и, самаад̇хибариг̇г̇ахид̇ам̣ уд̣̇д̇хажжзна на ин̃ж̇ад̇и, бан̃н̃аабариг̇г̇ахид̇ам̣ авиж̇ж̇ааяа на ин̃ж̇ад̇и, обхаасаг̇ад̇ам̣ гилзсанд̇хагаарзна на ин̃ж̇ад̇и. имзхи чахи д̇хаммзхи бариг̇г̇ахид̇ам̣ аанзн̃ж̇аббад̇д̇ам̣ жид̇д̇ам̣ ход̇и. звам̣ адтан̇г̇асаманнааг̇ад̇ам̣ жид̇д̇ам̣ абхинийхаарагкамам̣ ход̇и абхин̃н̃аасажчигаран̣ийяаанам̣ д̇хаммаанам̣ абхин̃н̃аасажчигирияааяа.

абаро наяо – жад̇уд̇т̇аж̇жхаанасамаад̇хинаа самаахид̇з. нийваран̣ад̣̇уурийбхаавзна барисуд̣̇д̇хз. вид̇аггаад̣̇исамад̇иггамзна барияод̣̇аад̇з. жхаанаббадилаабхабажжаяаанам̣ баабагаанам̣ ижчааважараанам̣ абхаавзна анан̇г̇ан̣з. абхиж̇жхаад̣̇ийнам̣ жид̇д̇уубаггилзсаанам̣ виг̇амзна виг̇ад̇уубаггилзсз. убхаяамби жзд̇ам̣ анан̇г̇ан̣авад̇т̇асуд̇д̇аанусаарзна (ма. ни. 1.57 аад̣̇аяо) взд̣̇ид̇аб̣б̣ам̣. васиббад̇д̇ияаа муд̣̇убхууд̇з. ид̣̇д̇хибаад̣̇абхаавуубаг̇амзна гамманияз. бхааванаабаарибуурияаа бан̣ийд̇абхаавуубаг̇амзна тид̇з аанзн̃ж̇аббад̇д̇з . яат̇аа аанзн̃ж̇аббад̇д̇ам̣ ход̇и; звам̣ тид̇зд̇и ад̇т̇о. звамби адтан̇г̇асаманнааг̇ад̇ам̣ жид̇д̇ам̣ абхинийхаарагкамам̣ ход̇и абхин̃н̃аасажчигаран̣ийяаанам̣ д̇хаммаанам̣ абхин̃н̃аасажчигирияааяа, баад̣̇агам̣ бад̣̇адтаанабхууд̇анд̇и ад̇т̇о.

буб̣б̣зниваасаануссад̇ин̃аан̣ааяаад̇и звам̣ абхин̃н̃аабаад̣̇агз ж̇аад̇з зд̇асмим̣ жид̇д̇з буб̣б̣зниваасаануссад̇имхи яам̣ н̃аан̣ам̣ д̇ад̣̇ад̇т̇ааяа. д̇ад̇т̇а буб̣б̣зниваасод̇и буб̣б̣з ад̇ийд̇аж̇аад̇ийсу нивуд̇т̇агканд̇хаа. нивуд̇т̇аад̇и аж̇жхаавуд̇т̇аа анубхууд̇аа ад̇д̇ано санд̇аанз уббаж̇ж̇ид̇ваа нируд̣̇д̇хаа нивуд̇т̇ад̇хаммаа ваа нивуд̇т̇аа, г̇ожараниваасзна нивуд̇т̇аа, ад̇д̇ано вин̃н̃аан̣зна вин̃н̃аад̇аа барижчиннаа, баравин̃н̃аан̣авин̃н̃аад̇ааби ваа чиннавадумагаануссаран̣аад̣̇ийсу. буб̣б̣зниваасаануссад̇ийд̇и яааяа сад̇ияаа буб̣б̣зниваасам̣ ануссарад̇и, саа буб̣б̣зниваасаануссад̇и. н̃аан̣анд̇и д̇ааяа сад̇ияаа самбаяуд̇д̇ан̃аан̣ам̣. звамимасса буб̣б̣зниваасаануссад̇ин̃аан̣асса ад̇т̇ааяа буб̣б̣зниваасаануссад̇ин̃аан̣ааяа зд̇асса н̃аан̣асса ад̇хиг̇амааяа бад̇д̇ияаад̇и вуд̇д̇ам̣ ход̇и. абхининнаамзсинд̇и абхинийхарим̣.

сод̇и со ахам̣. анзгавихид̇анд̇и анзгавид̇хам̣, анзгзхи ваа багаарзхи бавад̇д̇ид̇ам̣ сам̣ван̣н̣ид̇анд̇и ад̇т̇о. буб̣б̣зниваасанд̇и самананд̇араад̇ийд̇ам̣ бхавам̣ аад̣̇им̣ гад̇ваа д̇ад̇т̇а д̇ад̇т̇а нивуд̇т̇асанд̇аанам̣. ануссараамийд̇и ‘‘згамби ж̇аад̇им̣ д̣̇взби ж̇аад̇ияо’’д̇и звам̣ ж̇аад̇ибадибаадияаа ануг̇анд̇ваа ануг̇анд̇ваа сараами, ануд̣̇зва ваа сараами, жид̇д̇з абхининнаамид̇амад̇д̇з зва сараамийд̇и д̣̇ассзд̇и. буурид̇абаарамийнан̃хи махаабурисаанам̣ баригаммагаран̣ам̣ над̇т̇и, д̇зна д̇з жид̇д̇ам̣ абхининнаамзд̇ваава саранд̇и. аад̣̇игаммигагулабуд̇д̇аа бана баригаммам̣ гад̇ваава саранд̇и, д̇асмаа д̇зсам̣ васзна баригаммам̣ вад̇д̇аб̣б̣ам̣ сияаа. д̇ам̣ бана вужжамаанам̣ ад̇ибхаарияам̣ винаяанид̣̇аанам̣ гарод̇и, д̇асмаа д̇ам̣ на вад̣̇аама. ад̇т̇игзхи бана висуд̣̇д̇химаг̇г̇з (висуд̣̇д̇хи. 2.402 аад̣̇аяо) вуд̇д̇анаязнзва г̇ахзд̇аб̣б̣ам̣. ид̇ха бана баал̣имзва ван̣н̣аяиссаама.

сзяяат̇ид̣̇анд̇и аарад̣̇д̇хаббагаарад̣̇ассанад̇т̇з нибаад̇о. д̇знзва явааяам̣ буб̣б̣зниваасо аарад̣̇д̇хо, д̇асса багаараббабхзд̣̇ам̣ д̣̇ассзнд̇о згамби ж̇аад̇инд̇иаад̣̇имааха. д̇ад̇т̇а згамби ж̇аад̇инд̇и згамби бадисанд̇химуулам̣ жуд̇ибарияосаанам̣ згабхавабарияаабаннам̣ канд̇хасанд̇аанам̣. зса наяо д̣̇взби ж̇аад̇ияод̇иаад̣̇ийсу. анзгзби сам̣ваддагаббзд̇иаад̣̇ийсу бана барихааяамаано габбо сам̣ваддагаббо, вад̣дхамаано виваддагаббод̇и взд̣̇ид̇аб̣б̣о. д̇ад̇т̇а жа сам̣ваддзна сам̣ваддадтааяий г̇ахид̇о ход̇и д̇аммуулагад̇д̇аа. виваддзна жа виваддадтааяий. зван̃хи сад̇и яаани д̇аани ‘‘жад̇д̇ааримаани, бхигкавз, габбасса асан̇кязяяаани . гад̇амаани жад̇д̇аари? сам̣ваддо сам̣ваддадтааяий, виваддо виваддадтааяий’’д̇и вуд̇д̇аани д̇аани саб̣б̣аани бариг̇г̇ахид̇аани хонд̇и.

д̇ад̇т̇а д̇аяо сам̣ваддаа – д̇зж̇осам̣ваддо, аабосам̣ваддо, вааяосам̣ваддод̇и. д̇иссо сам̣ваддасиймаа – аабхассараа, субхагин̣хаа, взхабпалаад̇и. яад̣̇аа габбо д̇зж̇зна сам̣ваддад̇и, аабхассарад̇о хздтаа аг̇г̇инаа д̣аяхад̇и. яад̣̇аа уд̣̇агзна сам̣ваддад̇и, субхагин̣хад̇о хздтаа уд̣̇агзна вилийяад̇и. яад̣̇аа ваад̇зна сам̣ваддад̇и, взхабпалад̇о хздтаа ваад̇зна вид̣̇д̇хам̣сияад̇и. вид̇т̇аарад̇о бана сад̣̇ааби згам̣ б̣уд̣̇д̇хагкзд̇д̇ам̣ винассад̇и.

б̣уд̣̇д̇хагкзд̇д̇ам̣ наама д̇ивид̇хам̣ ход̇и – ж̇аад̇игкзд̇д̇ам̣, аан̣аагкзд̇д̇ам̣, висаяагкзд̇д̇ан̃жа. д̇ад̇т̇а ж̇аад̇игкзд̇д̇ам̣ д̣̇асасахассажаггаваал̣абарияанд̇ам̣ ход̇и, яам̣ д̇ат̇ааг̇ад̇асса бадисанд̇хиаад̣̇ийсу гамбад̇и. аан̣аагкзд̇д̇ам̣ годисад̇асахассажаггаваал̣абарияанд̇ам̣ ход̇и. яад̇т̇а рад̇анабарид̇д̇ам̣, канд̇хабарид̇д̇ам̣, д̇хаж̇аг̇г̇абарид̇д̇ам̣, аадаанаадияабарид̇д̇ам̣, морабарид̇д̇анд̇и имзсам̣ барид̇д̇аанам̣ аанубхааво бавад̇д̇ад̇и. висаяагкзд̇д̇ам̣ бана ананд̇ам̣ абаримаан̣ам̣, ‘‘яам̣ яаавад̇аа ваа бана ааган̇кзяяаа’’д̇и (а. ни. 3.81) вуд̇д̇ам̣ яад̇т̇а яам̣ яам̣ ааган̇кад̇и д̇ам̣ д̇ам̣ ануссарад̇и. звамзд̇зсу д̇ийсу б̣уд̣̇д̇хагкзд̇д̇зсу згам̣ аан̣аагкзд̇д̇ам̣ винассад̇и. д̇асмим̣ бана винассанд̇з ж̇аад̇игкзд̇д̇амби винадтамзва ход̇и; винассанд̇ан̃жа згад̇ова винассад̇и, сан̣таханд̇амби згад̇ова сан̣тахад̇и. д̇асса винаасо жа сан̣таханан̃жа висуд̣̇д̇химаг̇г̇з (висуд̣̇д̇хи. 2.404) вуд̇д̇ам̣. ад̇т̇игзхи д̇ад̇о г̇ахзд̇аб̣б̣ам̣.

яз банзд̇з сам̣ваддавиваддаа вуд̇д̇аа, зд̇зсу бхаг̇аваа б̣од̇химан̣д̣з саммаасамб̣од̇хим̣ абхисамб̣уж̇жханад̇т̇ааяа нисинно анзгзби сам̣ваддагаббз анзгзби виваддагаббз анзгзби сам̣ваддавиваддагаббз сари. гат̇ам̣? ‘‘амуд̇рааси’’нд̇иаад̣̇инаа наязна. д̇ад̇т̇а амуд̇раасинд̇и амумхи сам̣ваддагаббз ахам̣ амумхи бхавз ваа яонияаа ваа г̇ад̇ияаа ваа вин̃н̃аан̣адтид̇ияаа ваа сад̇д̇ааваасз ваа сад̇д̇анигааяз ваа ахосим̣. звам̣наамод̇и взссанд̇аро ваа ж̇од̇ибаало ваа. звам̣г̇од̇д̇од̇и бхаг̇г̇аво ваа г̇од̇амо ваа. звам̣ван̣н̣од̇и од̣̇аад̇о ваа саамо ваа. звамаахаарод̇и саалимам̣сод̣̇анаахааро ваа бавад̇д̇апалабхож̇ано ваа. звам̣сукад̣̇угкаббадисам̣взд̣̇ийд̇и анзгаббагаарзна гааяигажзд̇асигаанам̣ саамисанираамисаад̣̇иббабхзд̣̇аанам̣ ваа сукад̣̇угкаанам̣ бадисам̣взд̣̇ий. звамааяубарияанд̇од̇и звам̣ вассасад̇абарамааяубарияанд̇о ваа жад̇ураасийд̇игаббасахассабарамааяубарияанд̇о ваа.

со д̇ад̇о жуд̇о амуд̇ра уд̣̇абаад̣̇инд̇и со ахам̣ д̇ад̇о бхавад̇о яонид̇о г̇ад̇ид̇о вин̃н̃аан̣адтид̇ид̇о сад̇д̇ааваасад̇о сад̇д̇анигааяад̇о ваа жуд̇о, буна амугасмим̣ наама бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа уд̣̇абаад̣̇им̣. д̇ад̇раабаасинд̇и ат̇а д̇ад̇рааби бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа буна ахосим̣. звам̣наамод̇иаад̣̇и вуд̇д̇анаяамзва.

ат̇а ваа яасмаа амуд̇раасинд̇и ид̣̇ам̣ анубуб̣б̣зна аароханд̇асса яаавад̣̇ижчагам̣ саран̣ам̣. со д̇ад̇о жуд̇од̇и бадинивад̇д̇анд̇асса бажжавзгкан̣ам̣. д̇асмаа ид̇хуубабаннод̇и имиссаа ид̇хуубабад̇д̇ияаа ананд̇арам̣ амуд̇ра уд̣̇абаад̣̇инд̇и д̇усид̇абхаванам̣ санд̇хааяаахаад̇и взд̣̇ид̇аб̣б̣ам̣. д̇ад̇раабаасим̣ звам̣наамод̇и д̇ад̇рааби д̇усид̇абхаванз сзд̇агзд̇у наама д̣̇звабуд̇д̇о ахосим̣. звам̣г̇од̇д̇од̇и д̇аахи д̣̇звад̇аахи сад̣̇д̇хим̣ згаг̇од̇д̇о. звам̣ван̣н̣од̇и суван̣н̣аван̣н̣о. звамаахаарод̇и д̣̇иб̣б̣асуд̇хаахааро. звам̣сукад̣̇угкаббадисам̣взд̣̇ийд̇и звам̣ д̣̇иб̣б̣асукаббадисам̣взд̣̇ий. д̣̇угкам̣ бана сан̇каарад̣̇угкамад̇д̇амзва. звамааяубарияанд̇од̇и звам̣ сад̇д̇абан̃н̃аасавассагодисадтивассасад̇асахассааяубарияанд̇о. со д̇ад̇о жуд̇од̇и со ахам̣ д̇ад̇о д̇усид̇абхаванад̇о жуд̇о. ид̇хуубабаннод̇и ид̇ха махаамааяааяа д̣̇звияаа гужчимхи ниб̣б̣ад̇д̇о.

ид̇ийд̇и звам̣. саагаарам̣ сауд̣̇д̣̇зсанд̇и наамаг̇од̇д̇авасзна сауд̣̇д̣̇зсам̣, ван̣н̣аад̣̇ивасзна саагаарам̣. наамаг̇од̇д̇авасзна хи сад̇д̇о ‘‘д̣̇ад̇д̇о, д̇иссо, г̇од̇амо’’д̇и уд̣̇д̣̇исийяад̇и; ван̣н̣аад̣̇ийхи од̣̇аад̇о, саамод̇и наанад̇д̇ад̇о бан̃н̃ааяад̇и; д̇асмаа наамаг̇од̇д̇ам̣ уд̣̇д̣̇зсо, ид̇арз аагаараа. гим̣ бана б̣уд̣̇д̇хааязва буб̣б̣зниваасам̣ саранд̇ийд̇и? вужжад̇з – на б̣уд̣̇д̇хааязва, бажжзгаб̣уд̣̇д̇ха-б̣уд̣̇д̇хасаавага-д̇ид̇т̇ияааби, но жа ко ависзсзна. д̇ид̇т̇ияаа хи жад̇д̇аалийсам̣язва габбз саранд̇и, на д̇ад̇о барам̣. гасмаа? д̣̇уб̣б̣алабан̃н̃ад̇д̇аа. д̇зсан̃хи наамаруубабарижчзд̣̇авирахад̇о д̣̇уб̣б̣алаа бан̃н̃аа ход̇и. саавагзсу бана асийд̇имахаасаавагаа габбасад̇асахассам̣ саранд̇и; д̣̇вз аг̇г̇асаавагаа згамасан̇кязяяам̣ сад̇асахассан̃жа. бажжзгаб̣уд̣̇д̇хаа д̣̇вз асан̇кязяяаани сад̇асахассан̃жа. зд̇д̇аго хи д̇зсам̣ абхинийхааро. б̣уд̣̇д̇хаанам̣ бана барижчзд̣̇о над̇т̇и, яаава ижчанд̇и д̇аава саранд̇и. д̇ид̇т̇ияаа жа канд̇хабадибаадимзва саранд̇и. бадибаадим̣ мун̃жид̇ваа жуд̇ибадисанд̇хивасзна сарид̇ум̣ на саггонд̇и. д̇зсан̃хи анд̇хаанам̣ вияа ижчид̇аббад̣̇зсоггаманам̣ над̇т̇и. саавагаа убхаяат̇ааби саранд̇и; д̇ат̇аа бажжзгаб̣уд̣̇д̇хаа. б̣уд̣̇д̇хаа бана канд̇хабадибаадияааби жуд̇ибадисанд̇хивасзнаби сийхогганд̇авасзнаби анзгаасу габбагодийсу хздтаа ваа убари ваа яам̣ яам̣ таанам̣ ааган̇канд̇и, д̇ам̣ саб̣б̣ам̣ саранд̇иязва.

аяам̣ ко мз б̣раахман̣аад̇иаад̣̇ийсу мзд̇и маяаа. виж̇ж̇аад̇и вид̣̇ид̇агаран̣адтзна виж̇ж̇аа. гим̣ вид̣̇ид̇ам̣ гарод̇и? буб̣б̣зниваасам̣. авиж̇ж̇аад̇и д̇ассзва буб̣б̣зниваасасса авид̣̇ид̇агаран̣адтзна д̇аббадижчаад̣̇агамохо вужжад̇и. д̇амод̇и свзва мохо д̇аббадижчаад̣̇агадтзна ‘‘д̇амо’’д̇и вужжад̇и. аалогод̇и сааязвавиж̇ж̇аа обхаасагаран̣адтзна ‘‘аалого’’д̇и вужжад̇и. зд̇т̇а жа виж̇ж̇аа ад̇хиг̇ад̇аад̇и аяам̣ ад̇т̇о, сзсам̣ басам̣сааважанам̣. яож̇анаа банзд̇т̇а – аяам̣ ко мз виж̇ж̇аа ад̇хиг̇ад̇аа, д̇асса мз ад̇хиг̇ад̇авиж̇ж̇асса авиж̇ж̇аа вихад̇аа, винадтаад̇и ад̇т̇о. гасмаа? яасмаа виж̇ж̇аа уббаннаа. зса наяо ид̇арасмимби бад̣̇ад̣̇ваяз.

яат̇аа д̇анд̇и зд̇т̇а яат̇аад̇и обаммад̇т̇з. д̇анд̇и нибаад̇о. сад̇ияаа авиббаваасзна аббамад̇д̇асса. вийрияаад̇аабзна аад̇аабино. гааяз жа ж̇ийвид̇з жа анабзгкад̇ааяа бахид̇ад̇д̇асса, бзсид̇ажид̇д̇ассаад̇и ад̇т̇о. ид̣̇ам̣ вуд̇д̇ам̣ ход̇и – яат̇аа аббамад̇д̇асса аад̇аабино бахид̇ад̇д̇асса вихарад̇о авиж̇ж̇аа вихан̃н̃зяяа виж̇ж̇аа уббаж̇ж̇зяяа, д̇амо вихан̃н̃зяяа аалого уббаж̇ж̇зяяа; звамзва мама авиж̇ж̇аа вихад̇аа виж̇ж̇аа уббаннаа, д̇амо вихад̇о аалого уббанно. зд̇асса мз бад̇хаанаануяог̇асса ануруубамзва палам̣ лад̣̇д̇ханд̇и.

аяам̣ ко мз б̣раахман̣а батамаа абхиниб̣бхид̣̇аа ахоси гуггудажчаабагассзва ан̣д̣агосамхаад̇и аяам̣ ко мама б̣раахман̣а буб̣б̣зниваасаануссад̇ин̃аан̣амукад̇ун̣д̣агзна буб̣б̣з нивуд̇т̇агканд̇хабадижчаад̣̇агам̣ авиж̇ж̇ан̣д̣агосам̣ бад̣̇аалзд̇ваа батамаа абхиниб̣бхид̣̇аа батамаа нигканд̇и батамаа арияааж̇аад̇и ахоси, гуггудажчаабагассзва мукад̇ун̣д̣агзна ваа баад̣̇анакасикааяа ваа ан̣д̣агосам̣ бад̣̇аалзд̇ваа д̇амхаа ан̣д̣агосамхаа абхиниб̣бхид̣̇аа нигканд̇и гуггуданигааяз бажжааж̇аад̇ийд̇и.

буб̣б̣зниваасагат̇аа нидтид̇аа.