| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
буб̣б̣зниваасагат̇ааван̣н̣анаа
Pubbenivāsakathāvaṇṇanā
12. аруубаж̇жхаанаанамби ан̇г̇асамад̇ааяа жад̇уд̇т̇аж̇жхаанз сан̇г̇аход̇и ааха гзсан̃жи абхин̃н̃аабаад̣̇агаанийд̇иаад̣̇и, д̇знзва вагкад̇и ‘‘адта самаабад̇д̇ияо ниб̣б̣ад̇д̇зд̇ваа’’д̇иаад̣̇и (баараа. адта. 1.12). д̇зсу жа жад̇уд̇т̇аж̇жхаанамзва абхин̃н̃аабаад̣̇агам̣ нирод̇хабаад̣̇агам̣ ход̇и, на ид̇араани. д̣̇уурагааран̣ад̇ам̣ бана санд̇хааяа ‘‘жад̇д̇аари жхаанааний’’д̇и нзсамби згад̇о г̇ахан̣ам̣ гад̇анд̇и д̣̇адтаб̣б̣ам̣. жид̇д̇згаг̇г̇ад̇ад̇т̇аанийд̇и ид̣̇ам̣ д̣̇идтад̇хаммасукавихаарам̣ санд̇хааяа вуд̇д̇анд̇и ааха кийн̣аасаваананд̇иаад̣̇и. саб̣б̣агижжасаад̇хаганд̇и д̣̇иб̣б̣авихаараад̣̇исаб̣б̣аб̣уд̣̇д̇хагижжасаад̇хагам̣. саб̣б̣алогияалогуд̇д̇араг̇ун̣ад̣̇ааяаганд̇и иминаа яат̇аавуд̇д̇ам̣ вибассанаабаад̣̇агад̇д̇аад̣̇исаб̣б̣ам̣ самбин̣д̣зд̇и. ид̣̇ан̃хи жхаанам̣ бхаг̇авад̇о саб̣б̣аб̣уд̣̇д̇хаг̇ун̣ад̣̇ааяагасса маг̇г̇ан̃аан̣асса бад̣̇адтаанад̇д̇аа звам̣ вуд̇д̇анд̇и д̣̇адтаб̣б̣ам̣. яат̇аяид̣̇анд̇и яат̇аа ид̣̇ам̣. абхинийхаарагкаманд̇и ид̣̇д̇хивид̇хаад̣̇иад̇т̇ам̣ д̇ад̣̇абхимукам̣ нийхаран̣аяог̇г̇ам̣.
12. Arūpajjhānānampi aṅgasamatāya catutthajjhāne saṅgahoti āha kesañci abhiññāpādakānītiādi, teneva vakkhati ‘‘aṭṭha samāpattiyo nibbattetvā’’tiādi (pārā. aṭṭha. 1.12). Tesu ca catutthajjhānameva abhiññāpādakaṃ nirodhapādakaṃ hoti, na itarāni. Dūrakāraṇataṃ pana sandhāya ‘‘cattāri jhānānī’’ti nesampi ekato gahaṇaṃ katanti daṭṭhabbaṃ. Cittekaggatatthānīti idaṃ diṭṭhadhammasukhavihāraṃ sandhāya vuttanti āha khīṇāsavānantiādi. Sabbakiccasādhakanti dibbavihārādisabbabuddhakiccasādhakaṃ. Sabbalokiyalokuttaraguṇadāyakanti iminā yathāvuttaṃ vipassanāpādakattādisabbaṃ sampiṇḍeti. Idañhi jhānaṃ bhagavato sabbabuddhaguṇadāyakassa maggañāṇassa padaṭṭhānattā evaṃ vuttanti daṭṭhabbaṃ. Yathayidanti yathā idaṃ. Abhinīhārakkhamanti iddhividhādiatthaṃ tadabhimukhaṃ nīharaṇayoggaṃ.
жхаанаббадилаабхабажжаяаананд̇и жхаанаббадилаабхахзд̇угаанам̣ жхаанаббадилаабхам̣ ниссааяа уббаж̇ж̇анагаанам̣. баабагаананд̇и лаамагаанам̣. ижчааважараананд̇и ижчааяа васзна од̇ин̣н̣аанам̣ нийваран̣абхаавам̣ д̇ад̣̇згадтад̇ан̃жа аббад̇д̇аанам̣ ад̇д̇уггам̣санаад̣̇ивасаббавад̇д̇аанам̣ ахо вад̇а мамзва сад̇т̇аа бадибужчид̇ваа бхигкуунам̣ зваруубам̣ д̇хаммам̣ д̣̇зсзяяаад̇иаад̣̇инаяаббавад̇д̇аанам̣ маанаад̣̇ийнам̣. бод̇т̇агзсу бана ‘‘жхаанаббадилаабхабажжанийгаана’’нд̇иби баатам̣ ликанд̇и, со бамаад̣̇абаатод̇и г̇ахзд̇аб̣б̣о ‘‘жхаанаббадилаабхабажжанийгаанам̣ нийваран̣аанам̣ абхаавасса нийваран̣ад̣̇уурийбхаавзна барисуд̣̇д̇хо’’д̇и звам̣ буб̣б̣з барисуд̣̇д̇хабад̣̇зязва вуд̇д̇ад̇д̇аа. саарад̇т̇ад̣̇ийбанияам̣ (саарад̇т̇а. дий. 1.12) бана ‘‘ижчааважараананд̇и ижчааяа аважараанам̣ ижчаавасзна од̇ин̣н̣аанам̣ бавад̇д̇аанам̣ наанаббагаараанам̣ гобааббажжаяаананд̇и ад̇т̇од̇и аяамби баато аяуд̇д̇о зваад̇и г̇ахзд̇аб̣б̣ам̣. д̇ад̇о зва жа висуд̣̇д̇химаг̇г̇з аяам̣ баато саб̣б̣зна саб̣б̣ам̣ на д̣̇ассид̇о’’д̇и вуд̇д̇ам̣. д̇ад̇т̇а жа наанаббагаараанам̣ гобааббажжаяаананд̇и звам̣ нийваран̣абхааваббад̇д̇ад̣̇осаанам̣ бараамадтад̇д̇аа аяам̣ баато бадигкид̇д̇од̇и взд̣̇ид̇аб̣б̣о.
Jhānappaṭilābhapaccayānanti jhānappaṭilābhahetukānaṃ jhānappaṭilābhaṃ nissāya uppajjanakānaṃ. Pāpakānanti lāmakānaṃ. Icchāvacarānanti icchāya vasena otiṇṇānaṃ nīvaraṇabhāvaṃ tadekaṭṭhatañca appattānaṃ attukkaṃsanādivasappavattānaṃ aho vata mameva satthā paṭipucchitvā bhikkhūnaṃ evarūpaṃ dhammaṃ deseyyātiādinayappavattānaṃ mānādīnaṃ. Potthakesu pana ‘‘jhānappaṭilābhapaccanīkāna’’ntipi pāṭhaṃ likhanti, so pamādapāṭhoti gahetabbo ‘‘jhānappaṭilābhapaccanīkānaṃ nīvaraṇānaṃ abhāvassa nīvaraṇadūrībhāvena parisuddho’’ti evaṃ pubbe parisuddhapadeyeva vuttattā. Sāratthadīpaniyaṃ (sārattha. ṭī. 1.12) pana ‘‘icchāvacarānanti icchāya avacarānaṃ icchāvasena otiṇṇānaṃ pavattānaṃ nānappakārānaṃ kopaappaccayānanti atthoti ayampi pāṭho ayutto evāti gahetabbaṃ. Tato eva ca visuddhimagge ayaṃ pāṭho sabbena sabbaṃ na dassito’’ti vuttaṃ. Tattha ca nānappakārānaṃ kopaappaccayānanti evaṃ nīvaraṇabhāvappattadosānaṃ parāmaṭṭhattā ayaṃ pāṭho paṭikkhittoti veditabbo.
абхиж̇жхаад̣̇ийнанд̇и зд̇т̇а абхиж̇жхаа-сад̣̇д̣̇зна жа анийваран̣асабхаавассзва лобхасса маанаад̣̇ийнан̃жа г̇ахан̣ам̣ жхаанаббадилаабхабажжаяаананд̇и анувад̇д̇амаанад̇д̇аа. убхаяамбийд̇и анан̇г̇ан̣ад̇д̇ам̣ виг̇ад̇уубаггилзсад̇д̇ан̃жаад̇и зд̇ам̣ убхаяамби яат̇ааггамам̣ анан̇г̇ан̣асуд̇д̇авад̇т̇асуд̇д̇аанусаарзнзва взд̣̇ид̇аб̣б̣ам̣. д̇зсу жа суд̇д̇зсу гин̃жааби нийваран̣асабхааваббад̇д̇аа т̇уулад̣̇осааби вуд̇д̇аа, д̇ат̇ааби ад̇хиг̇ад̇ажад̇ауд̇т̇аж̇жхаанасса васзна вуд̇д̇ад̇д̇аа ид̇ха сукумаа зва д̇з г̇ахид̇аа. ан̇г̇ан̣убаггилзсасааман̃н̃зна банзд̇т̇а суд̇д̇аанам̣ абад̣̇исанам̣. д̇ат̇аа хи ‘‘суд̇д̇аанусаарзнаа’’д̇и вуд̇д̇ам̣, на бана суд̇д̇авасзнаад̇и.
Abhijjhādīnanti ettha abhijjhā-saddena ca anīvaraṇasabhāvasseva lobhassa mānādīnañca gahaṇaṃ jhānappaṭilābhapaccayānanti anuvattamānattā. Ubhayampīti anaṅgaṇattaṃ vigatūpakkilesattañcāti etaṃ ubhayampi yathākkamaṃ anaṅgaṇasuttavatthasuttānusāreneva veditabbaṃ. Tesu ca suttesu kiñcāpi nīvaraṇasabhāvappattā thūladosāpi vuttā, tathāpi adhigatacatautthajjhānassa vasena vuttattā idha sukhumā eva te gahitā. Aṅgaṇupakkilesasāmaññena panettha suttānaṃ apadisanaṃ. Tathā hi ‘‘suttānusārenā’’ti vuttaṃ, na pana suttavasenāti.
буб̣б̣зниваасаануссад̇ияам̣ н̃аан̣ам̣ буб̣б̣зниваасаануссад̇ин̃аан̣анд̇и ниб̣б̣ажанам̣ д̣̇ассзнд̇о ааха буб̣б̣зниваасаануссад̇имхийд̇иаад̣̇и. ид̣̇аани буб̣б̣зниваасам̣ буб̣б̣зниваасаануссад̇им̣ д̇ад̇т̇а н̃аан̣ан̃жа вибхааг̇ад̇о д̣̇ассзд̇ум̣ д̇ад̇т̇аад̇иаад̣̇и вуд̇д̇ам̣. буб̣б̣а-сад̣̇д̣̇о ад̇ийд̇абхавависаяо, нивааса-сад̣̇д̣̇о жа гаммасаад̇ханод̇и ааха ‘‘буб̣б̣з ад̇ийд̇аж̇аад̇ийсу нивуд̇т̇агканд̇хаа’’д̇и. нивуд̇т̇ад̇аа жзд̇т̇а сагасанд̇аанз бавад̇д̇ад̇аа, д̇знааха анубхууд̇аад̇иаад̣̇и. ид̣̇аани сабарасанд̇аанасаад̇ханавасзна нивааса-сад̣̇д̣̇асса ад̇т̇ам̣ д̣̇ассзд̇ум̣ ‘‘нивуд̇т̇ад̇хаммаа ваа нивуд̇т̇аа’’д̇и вад̇ваа д̇ам̣ виварид̇ум̣ г̇ожараниваасзнаад̇иаад̣̇и вуд̇д̇ам̣. г̇ожарабхууд̇ааби хи д̇хаммаа н̃аан̣зна нивуд̇т̇аа наама хонд̇и, д̇з бана сабаравин̃н̃аан̣аг̇ожарад̇ааяа д̣̇увид̇хаад̇и д̣̇ассзд̇ум̣ ад̇д̇анод̇иаад̣̇и вуд̇д̇ам̣. баравин̃н̃аан̣авин̃н̃аад̇ааби ваа нивуд̇т̇аад̇и самб̣анд̇хо. ид̇хааби барижчиннаад̇и бад̣̇ам̣ аанзд̇ваа самб̣анд̇хид̇аб̣б̣ам̣. анамад̇аг̇г̇зби хи сам̣саарз ад̇д̇анаа авин̃н̃аад̇абуб̣б̣аанам̣ сад̇д̇аанам̣ канд̇хаа барзхзва гзхижи вин̃н̃аад̇ад̇д̇аа баравин̃н̃аан̣авин̃н̃аад̇аа наама вуд̇д̇аа, д̇зсам̣ ануссаран̣ам̣ буримад̇о д̣̇уггарам̣ язхи барзхи вин̃н̃аад̇ад̇ааяа д̇з баравин̃н̃аан̣авин̃н̃аад̇аа наама ж̇аад̇аа, д̇зсам̣ вад̇д̇амаанасанд̇аанаанусаарзна вин̃н̃аад̇аб̣б̣ад̇о. д̇з жа баравин̃н̃аан̣авин̃н̃аад̇аа д̣̇увид̇хаа бариниб̣б̣уд̇аа абариниб̣б̣уд̇аад̇и. д̇зсу жа бариниб̣б̣уд̇аануссаран̣ам̣ д̣̇уггарам̣ саб̣б̣асо сусамужчиннасанд̇аанад̇д̇аа. д̇ам̣ бана сикааббад̇д̇абаравин̃н̃аад̇ам̣ буб̣б̣зниваасам̣ д̣̇ассзд̇ум̣ ‘‘чиннавадумагаануссаран̣аад̣̇ийсуу’’д̇и вуд̇д̇ам̣. д̇ад̇т̇а чиннавадумагаа ад̇ийд̇з бариниб̣б̣уд̇аа кийн̣аасаваа чиннасам̣саарамаг̇г̇ад̇д̇аа . аад̣̇и-сад̣̇д̣̇зна абариниб̣б̣уд̇аанам̣ баравин̃н̃аан̣авин̃н̃аад̇аанамби сийхогганд̇игавасазна ануссаран̣ам̣ г̇ахид̇ам̣. яааяа сад̇ияаа буб̣б̣зниваасам̣ ануссарад̇и, саа буб̣б̣зниваасаануссад̇ийд̇и аанзд̇ваа самб̣анд̇хид̇аб̣б̣ам̣.
Pubbenivāsānussatiyaṃ ñāṇaṃ pubbenivāsānussatiñāṇanti nibbacanaṃ dassento āha pubbenivāsānussatimhītiādi. Idāni pubbenivāsaṃ pubbenivāsānussatiṃ tattha ñāṇañca vibhāgato dassetuṃ tatthātiādi vuttaṃ. Pubba-saddo atītabhavavisayo, nivāsa-saddo ca kammasādhanoti āha ‘‘pubbe atītajātīsu nivutthakkhandhā’’ti. Nivutthatā cettha sakasantāne pavattatā, tenāha anubhūtātiādi. Idāni saparasantānasādhanavasena nivāsa-saddassa atthaṃ dassetuṃ ‘‘nivutthadhammā vā nivutthā’’ti vatvā taṃ vivarituṃ gocaranivāsenātiādi vuttaṃ. Gocarabhūtāpi hi dhammā ñāṇena nivutthā nāma honti, te pana saparaviññāṇagocaratāya duvidhāti dassetuṃ attanotiādi vuttaṃ. Paraviññāṇaviññātāpi vā nivutthāti sambandho. Idhāpi paricchinnāti padaṃ ānetvā sambandhitabbaṃ. Anamataggepi hi saṃsāre attanā aviññātapubbānaṃ sattānaṃ khandhā pareheva kehici viññātattā paraviññāṇaviññātā nāma vuttā, tesaṃ anussaraṇaṃ purimato dukkaraṃ yehi parehi viññātatāya te paraviññāṇaviññātā nāma jātā, tesaṃ vattamānasantānānusārena viññātabbato. Te ca paraviññāṇaviññātā duvidhā parinibbutā aparinibbutāti. Tesu ca parinibbutānussaraṇaṃ dukkaraṃ sabbaso susamucchinnasantānattā. Taṃ pana sikhāppattaparaviññātaṃ pubbenivāsaṃ dassetuṃ ‘‘chinnavaṭumakānussaraṇādīsū’’ti vuttaṃ. Tattha chinnavaṭumakā atīte parinibbutā khīṇāsavā chinnasaṃsāramaggattā . Ādi-saddena aparinibbutānaṃ paraviññāṇaviññātānampi sīhokkantikavasaena anussaraṇaṃ gahitaṃ. Yāya satiyā pubbenivāsaṃ anussarati, sā pubbenivāsānussatīti ānetvā sambandhitabbaṃ.
вихид̇а-сад̣̇д̣̇о вид̇ха-сад̣̇д̣̇абарияааяод̇и ааха ‘‘анзгавид̇ха’’нд̇и, бхаваяониаад̣̇ивасзна б̣ахувид̇ханд̇и ад̇т̇о. вихид̇анд̇и ваа баяуд̇д̇ам̣ ван̣н̣ид̇анд̇и ад̇т̇ам̣ г̇ахзд̇ваа ‘‘анзгзхи багаарзхи вихид̇а’’нд̇и вад̇д̇аб̣б̣з маж̇жхзбад̣̇алобам̣ гад̇ваа нид̣̇д̣̇идтанд̇и ааха ‘‘анзгзхи…бз… сам̣ван̣н̣ид̇а’’нд̇и. багаарзхийд̇и наамаг̇од̇д̇аад̣̇ибагаарзхи. сам̣ван̣н̣ид̇анд̇и б̣уд̣̇д̇хаад̣̇ийхи гат̇ид̇ам̣. ану-сад̣̇д̣̇о ананд̇арад̇т̇ад̣̇ийбагод̇и ааха ‘‘абхининнаамид̇амад̇д̇з зваа’’д̇и, зд̇зна жа баригаммасса аарад̣̇д̇хад̇ам̣ д̣̇ассзд̇и. буурид̇абаарамийнан̃хийд̇иаад̣̇инаа баригаммам̣ винааби сид̣̇д̇хим̣ д̣̇ассзд̇и.
Vihita-saddo vidha-saddapariyāyoti āha ‘‘anekavidha’’nti, bhavayoniādivasena bahuvidhanti attho. Vihitanti vā payuttaṃ vaṇṇitanti atthaṃ gahetvā ‘‘anekehi pakārehi vihita’’nti vattabbe majjhepadalopaṃ katvā niddiṭṭhanti āha ‘‘anekehi…pe… saṃvaṇṇita’’nti. Pakārehīti nāmagottādipakārehi. Saṃvaṇṇitanti buddhādīhi kathitaṃ. Anu-saddo anantaratthadīpakoti āha ‘‘abhininnāmitamatte evā’’ti, etena ca parikammassa āraddhataṃ dasseti. Pūritapāramīnañhītiādinā parikammaṃ vināpi siddhiṃ dasseti.
аарад̣̇д̇хаббагаарад̣̇ассанад̇т̇зд̇и ануссарид̇ум̣ аарад̣̇д̇хаанам̣ буб̣б̣з нивуд̇т̇агканд̇хаанам̣ д̣̇ассанад̇т̇з. ж̇ааяад̇ийд̇и ж̇аад̇и, бхаво. со згагаммамуулаго аад̣̇аананигкзбабарижчинно канд̇хаббаб̣анд̇хо ид̇ха ‘‘ж̇аад̇ий’’д̇и ад̇хиббзд̇од̇и ааха згамбийд̇иаад̣̇и. габбод̇и асан̇кязяяагаббо, со бана ад̇т̇ад̇о гаало д̇ат̇аабавад̇д̇ад̇хаммамубаад̣̇ааяа бан̃н̃ад̇д̇о, д̇зсам̣ васзнасса барихаани жа вад̣дхи жа взд̣̇ид̇аб̣б̣аа. сам̣ваддо сам̣вадданам̣ винаасо асса ад̇т̇ийд̇и сам̣ваддо, асан̇кязяяагаббо. сам̣ваддзна винаасзна саха д̇идтад̇и сийлзнаад̇и сам̣ваддадтааяий. звам̣ виваддод̇иаад̣̇ийсуби. д̇ад̇т̇а вивадданам̣ виваддо, уббад̇д̇и, вад̣дхи ваа. д̇зж̇зна винаасо д̇зж̇осам̣ваддо. вид̇т̇аарад̇о банаад̇и бут̇улад̇о бана сам̣ваддасиймаабхзд̣̇о над̇т̇и, д̇знааха ‘‘сад̣̇аабий’’д̇и. зганаг̇арияаа вияа асса ж̇аад̇агкан̣з вигаараабаж̇ж̇анад̇о ж̇аад̇игкзд̇д̇авохаарод̇и д̣̇ассзд̇ум̣ ‘‘бадисанд̇хиаад̣̇ийсу гамбад̇ий’’д̇и вуд̇д̇ам̣. аанубхааво бавад̇д̇ад̇ийд̇и д̇ад̣̇анд̇ог̇ад̇хаанам̣ саб̣б̣зсам̣ сад̇д̇аанам̣ рог̇аад̣̇иубад̣̇д̣̇аво вуубасаммад̇ийд̇и ад̇хиббааяо. яам̣ яаавад̇аа ваа бана ааган̇кзяяаад̇и вуд̇д̇анд̇и яам̣ висаяагкзд̇д̇ам̣ санд̇хааяа згасмим̣ зва кан̣з саб̣б̣ад̇т̇а сарзна абхивин̃н̃аабанам̣, ад̇д̇ано руубагааяад̣̇ассанан̃жа бадиж̇аананд̇зна бхаг̇авад̇аа ‘‘яаавад̇аа ваа бана ааган̇кзяяаа’’д̇и вуд̇д̇ам̣.
Āraddhappakāradassanattheti anussarituṃ āraddhānaṃ pubbe nivutthakkhandhānaṃ dassanatthe. Jāyatīti jāti, bhavo. So ekakammamūlako ādānanikkhepaparicchinno khandhappabandho idha ‘‘jātī’’ti adhippetoti āha ekampītiādi. Kappoti asaṅkhyeyyakappo, so pana atthato kālo tathāpavattadhammamupādāya paññatto, tesaṃ vasenassa parihāni ca vaḍḍhi ca veditabbā. Saṃvaṭṭo saṃvaṭṭanaṃ vināso assa atthīti saṃvaṭṭo, asaṅkhyeyyakappo. Saṃvaṭṭena vināsena saha tiṭṭhati sīlenāti saṃvaṭṭaṭṭhāyī. Evaṃ vivaṭṭotiādīsupi. Tattha vivaṭṭanaṃ vivaṭṭo, uppatti, vaḍḍhi vā. Tejena vināso tejosaṃvaṭṭo. Vitthārato panāti puthulato pana saṃvaṭṭasīmābhedo natthi, tenāha ‘‘sadāpī’’ti. Ekanagariyā viya assa jātakkhaṇe vikārāpajjanato jātikkhettavohāroti dassetuṃ ‘‘paṭisandhiādīsu kampatī’’ti vuttaṃ. Ānubhāvo pavattatīti tadantogadhānaṃ sabbesaṃ sattānaṃ rogādiupaddavo vūpasammatīti adhippāyo. Yaṃ yāvatā vā pana ākaṅkheyyāti vuttanti yaṃ visayakkhettaṃ sandhāya ekasmiṃ eva khaṇe sabbattha sarena abhiviññāpanaṃ, attano rūpakāyadassanañca paṭijānantena bhagavatā ‘‘yāvatā vā pana ākaṅkheyyā’’ti vuttaṃ.
зд̇зсууд̇и нид̣̇д̇хааран̣з бхуммам̣. бавад̇д̇апалабхож̇анод̇и саяам̣бад̇ид̇апалаахааро, ид̣̇ан̃жа д̇аабасагаалам̣ санд̇хааяа вуд̇д̇ам̣. ид̇хуубабад̇д̇ияаад̇и ид̇ха жаримабхавз убабад̇д̇ияаа. згаг̇од̇д̇од̇и д̇усид̇аг̇од̇д̇зна згаг̇од̇д̇о. ид̇арзд̇и ван̣н̣аад̣̇аяо. д̇ид̇т̇ияаад̇и гаммапалаваад̣̇ино. абхинийхаарод̇и абхинийхааробалагкид̇о бун̃н̃ан̃аан̣асамбхаран̣агаало вуд̇д̇о. жуд̇ибадисанд̇хивасзнаад̇и ад̇д̇ано барасса ваа д̇асмим̣ д̇асмим̣ ад̇д̇абхаавз жуд̇им̣ д̣̇исваа анд̇араа гин̃жи анаамасид̇ваа бадисанд̇хияаа зва г̇ахан̣авасзна звам̣ ж̇аананам̣ ижчид̇аббад̣̇зсоггамананд̇и ааха д̇зсан̃хийд̇иаад̣̇и. убхаяат̇аабийд̇и канд̇хабадибаадияааби жуд̇ибадисанд̇хивасзнаби. сийхогганд̇авасзнабийд̇и сийханибаад̇авасзнаби. гилзсаанам̣ аад̇аабанабарид̇аабанадтзна вийрияам̣ аад̇аабод̇и ааха ‘‘вийрияаад̇аабзнаа’’д̇и.
Etesūti niddhāraṇe bhummaṃ. Pavattaphalabhojanoti sayaṃpatitaphalāhāro, idañca tāpasakālaṃ sandhāya vuttaṃ. Idhūpapattiyāti idha carimabhave upapattiyā. Ekagottoti tusitagottena ekagotto. Itareti vaṇṇādayo. Titthiyāti kammaphalavādino. Abhinīhāroti abhinīhāropalakkhito puññañāṇasambharaṇakālo vutto. Cutipaṭisandhivasenāti attano parassa vā tasmiṃ tasmiṃ attabhāve cutiṃ disvā antarā kiñci anāmasitvā paṭisandhiyā eva gahaṇavasena evaṃ jānanaṃ icchitappadesokkamananti āha tesañhītiādi. Ubhayathāpīti khandhapaṭipāṭiyāpi cutipaṭisandhivasenapi. Sīhokkantavasenapīti sīhanipātavasenapi. Kilesānaṃ ātāpanaparitāpanaṭṭhena vīriyaṃ ātāpoti āha ‘‘vīriyātāpenā’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / буб̣б̣зниваасагат̇аа • Pubbenivāsakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
буб̣б̣зниваасагат̇аа • Pubbenivāsakathā
1. суггависсадтисигкаабад̣̇аван̣н̣анаа • 1. Sukkavissaṭṭhisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / буб̣б̣зниваасагат̇ааван̣н̣анаа • Pubbenivāsakathāvaṇṇanā
