| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
53. буб̣б̣зниваасаануссад̇ин̃аан̣анид̣̇д̣̇зсаван̣н̣анаа
53. Pubbenivāsānussatiñāṇaniddesavaṇṇanā
105. буб̣б̣зниваасаануссад̇ин̃аан̣анид̣̇д̣̇зсз звам̣ баж̇аанаад̇ийд̇иаад̣̇и жад̇уусу ид̣̇д̇хибаад̣̇зсу барибхаавид̇ажид̇д̇асса буб̣б̣зниваасаануссад̇ин̃аан̣ам̣ уббаад̣̇зд̇угаамасса д̇ад̣̇уббаад̣̇анавид̇хаанад̣̇ассанад̇т̇ам̣ вуд̇д̇ам̣. гамад̇о хи бадижжасамуббаад̣̇ам̣ бассид̇ваа вин̃н̃аан̣анаамаруубасал̣ааяад̇анапассавзд̣̇анаасан̇каад̇ам̣ бажжуббаннам̣ паласан̇кзбам̣ бассад̇и, д̇асса бажжаяам̣ буримабхавз гаммагилзсасан̇каад̇ам̣ хзд̇усан̇кзбам̣ бассад̇и, д̇асса бажжаяам̣ буримабхавзязва паласан̇кзбам̣ бассад̇и, д̇асса бажжаяам̣ д̇ад̇ияабхавз хзд̇усан̇кзбам̣ бассад̇и. звам̣ бадижжасамуббаад̣̇ад̣̇ассанзна ж̇аад̇ибарамбарам̣ бассад̇и. звам̣ б̣ахуубагааро буб̣б̣зниваасаануссад̇ин̃аан̣асса бадижжасамуббаад̣̇аманасигааро . д̇ад̇т̇а ‘‘имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇ий’’д̇и ид̣̇ам̣ бадижжасамуббаад̣̇анид̣̇д̣̇зсасса уд̣̇д̣̇зсаважанам̣. звам̣ д̇зсам̣ ан̃н̃ад̇араважанзнзва ад̇т̇з сид̣̇д̇хз д̣̇вид̇хаа важанам̣ гасмаад̇и жз? ад̇т̇анаанад̇д̇асаб̣бхаавад̇о. гат̇ам̣? имасмим̣ сад̇ийд̇и имасмим̣ бажжаяз виж̇ж̇амаанз. ид̣̇ам̣ саб̣б̣абажжаяаанам̣ саад̇хааран̣аважанам̣. ид̣̇ам̣ ход̇ийд̇и ид̣̇ам̣ бажжаяуббаннам̣ бхавад̇и. ид̣̇ам̣ саб̣б̣абажжаяуббаннаанам̣ саад̇хааран̣аважанам̣. иминаа сагалзна важанзна ахзд̇угаваад̣̇о бадисид̣̇д̇хо ход̇и. яз хи д̇хаммаа бажжаяасамбхаваа хонд̇и, на бажжаяаабхааваа, д̇з ахзд̇угаа наама на хонд̇ийд̇и. имассуббаад̣̇аад̇и имасса бажжаяасса уббаад̣̇ахзд̇у. ид̣̇ам̣ саб̣б̣абажжаяаанам̣ уббаад̣̇аванд̇ад̇аад̣̇ийбанаважанам̣. ид̣̇ам̣ уббаж̇ж̇ад̇ийд̇и ид̣̇ам̣ бажжаяуббаннам̣ уббаж̇ж̇ад̇и. ид̣̇ам̣ саб̣б̣абажжаяуббаннаанам̣ д̇ад̇о уббаж̇ж̇амаанад̇аад̣̇ийбанаважанам̣. иминаа сагалзна важанзна сассад̇аахзд̇угаваад̣̇о бадисид̣̇д̇хо ход̇и. яз хи уббаад̣̇аванд̇о д̇хаммаа, д̇з анижжаа. д̇асмаа сад̇иби сахзд̇угад̇д̇з анижжахзд̇угаа зд̇з д̇хаммаа на логз нижжасаммад̇абагад̇ибурисаад̣̇ихзд̇угаад̇и вуд̇д̇ам̣ ход̇и.
105. Pubbenivāsānussatiñāṇaniddese evaṃ pajānātītiādi catūsu iddhipādesu paribhāvitacittassa pubbenivāsānussatiñāṇaṃ uppādetukāmassa taduppādanavidhānadassanatthaṃ vuttaṃ. Kamato hi paṭiccasamuppādaṃ passitvā viññāṇanāmarūpasaḷāyatanaphassavedanāsaṅkhātaṃ paccuppannaṃ phalasaṅkhepaṃ passati, tassa paccayaṃ purimabhave kammakilesasaṅkhātaṃ hetusaṅkhepaṃ passati, tassa paccayaṃ purimabhaveyeva phalasaṅkhepaṃ passati, tassa paccayaṃ tatiyabhave hetusaṅkhepaṃ passati. Evaṃ paṭiccasamuppādadassanena jātiparamparaṃ passati. Evaṃ bahūpakāro pubbenivāsānussatiñāṇassa paṭiccasamuppādamanasikāro . Tattha ‘‘imasmiṃ sati idaṃ hoti, imassuppādā idaṃ uppajjatī’’ti idaṃ paṭiccasamuppādaniddesassa uddesavacanaṃ. Evaṃ tesaṃ aññataravacaneneva atthe siddhe dvidhā vacanaṃ kasmāti ce? Atthanānattasabbhāvato. Kathaṃ? Imasmiṃ satīti imasmiṃ paccaye vijjamāne. Idaṃ sabbapaccayānaṃ sādhāraṇavacanaṃ. Idaṃ hotīti idaṃ paccayuppannaṃ bhavati. Idaṃ sabbapaccayuppannānaṃ sādhāraṇavacanaṃ. Iminā sakalena vacanena ahetukavādo paṭisiddho hoti. Ye hi dhammā paccayasambhavā honti, na paccayābhāvā, te ahetukā nāma na hontīti. Imassuppādāti imassa paccayassa uppādahetu. Idaṃ sabbapaccayānaṃ uppādavantatādīpanavacanaṃ. Idaṃ uppajjatīti idaṃ paccayuppannaṃ uppajjati. Idaṃ sabbapaccayuppannānaṃ tato uppajjamānatādīpanavacanaṃ. Iminā sakalena vacanena sassatāhetukavādo paṭisiddho hoti. Ye hi uppādavanto dhammā, te aniccā. Tasmā satipi sahetukatte aniccahetukā ete dhammā na loke niccasammatapakatipurisādihetukāti vuttaṃ hoti.
яад̣̇ид̣̇анд̇и нид̣̇д̣̇исид̇аб̣б̣ад̇т̇асанд̣̇ассанам̣. авиж̇ж̇аабажжаяаа сан̇каараад̇и зд̇т̇а яам̣ бадижжа паламзд̇и, со бажжаяо. бадижжаад̇и на винаа, абажжагкид̇ваад̇и ад̇т̇о. зд̇ийд̇и уббаж̇ж̇ад̇и жзва бавад̇д̇ад̇и жаад̇и ад̇т̇о. абижа убагаарагадто бажжаяадто, авиж̇ж̇аа жа саа бажжаяо жаад̇и авиж̇ж̇аабажжаяо. д̇асмаа авиж̇ж̇аабажжаяаа сан̇каараа самбхаванд̇ийд̇и яож̇анаа. звам̣ самбхаванд̇и-сад̣̇д̣̇асса сзсабад̣̇зхиби яож̇анаа гаад̇аб̣б̣аа. согаад̣̇ийсу жа сожанам̣ сого. барид̣̇званам̣ барид̣̇зво. д̣̇угкад̇ийд̇и д̣̇угкам̣. уббаад̣̇адтид̇ивасзна ваа д̣̇взд̇хаа канад̇ийд̇иби д̣̇угкам̣. д̣̇умманасса бхааво д̣̇оманассам̣. бхусо ааяаасо убааяаасо. самбхаванд̇ийд̇и ниб̣б̣ад̇д̇анд̇и. званд̇и нид̣̇д̣̇идтанаяанид̣̇ассанам̣. д̇зна авиж̇ж̇аад̣̇ийхзва гааран̣зхи, на иссараниммаанаад̣̇ийхийд̇и д̣̇ассзд̇и. зд̇ассаад̇и яат̇аавуд̇д̇асса. гзвалассаад̇и асаммиссасса, сагаласса ваа. д̣̇угкагканд̇хассаад̇и д̣̇угкасамуухасса, на сад̇д̇асса на сукасубхаад̣̇ийнам̣. самуд̣̇аяод̇и ниб̣б̣ад̇д̇и. ход̇ийд̇и самбхавад̇и.
Yadidanti niddisitabbatthasandassanaṃ. Avijjāpaccayā saṅkhārāti ettha yaṃ paṭicca phalameti, so paccayo. Paṭiccāti na vinā, apaccakkhitvāti attho. Etīti uppajjati ceva pavattati cāti attho. Apica upakārakaṭṭho paccayaṭṭho, avijjā ca sā paccayo cāti avijjāpaccayo. Tasmā avijjāpaccayā saṅkhārā sambhavantīti yojanā. Evaṃ sambhavanti-saddassa sesapadehipi yojanā kātabbā. Sokādīsu ca socanaṃ soko. Paridevanaṃ paridevo. Dukkhatīti dukkhaṃ. Uppādaṭṭhitivasena vā dvedhā khanatītipi dukkhaṃ. Dummanassa bhāvo domanassaṃ. Bhuso āyāso upāyāso. Sambhavantīti nibbattanti. Evanti niddiṭṭhanayanidassanaṃ. Tena avijjādīheva kāraṇehi, na issaranimmānādīhīti dasseti. Etassāti yathāvuttassa. Kevalassāti asammissassa, sakalassa vā. Dukkhakkhandhassāti dukkhasamūhassa, na sattassa na sukhasubhādīnaṃ. Samudayoti nibbatti. Hotīti sambhavati.
д̇ад̇т̇а гад̇амаа авиж̇ж̇аа? д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣, д̣̇угканирод̇хз ан̃н̃аан̣ам̣, д̣̇угканирод̇хаг̇ааминияаа бадибад̣̇ааяа ан̃н̃аан̣ам̣, буб̣б̣анд̇з ан̃н̃аан̣ам̣, абаранд̇з ан̃н̃аан̣ам̣, буб̣б̣анд̇аабаранд̇з ан̃н̃аан̣ам̣, ид̣̇аббажжаяад̇аабадижжасамуббаннзсу д̇хаммзсу ан̃н̃аан̣ам̣. гад̇амз сан̇каараа? бун̃н̃аабхисан̇кааро, абун̃н̃аабхисан̇кааро, аанзн̃ж̇аабхисан̇кааро, гааяасан̇кааро, важийсан̇кааро, жид̇д̇асан̇кааро. адта гаамааважарагусалажзд̇анаа бан̃жа руубааважарагусалажзд̇анаа бун̃н̃аабхисан̇кааро, д̣̇ваад̣̇аса агусалажзд̇анаа абун̃н̃аабхисан̇кааро, жад̇ассо аруубааважарагусалажзд̇анаа аанзн̃ж̇аабхисан̇кааро. гааяасан̃жзд̇анаа гааяасан̇кааро, важийсан̃жзд̇анаа важийсан̇кааро, маносан̃жзд̇анаа жид̇д̇асан̇кааро.
Tattha katamā avijjā? Dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ, idappaccayatāpaṭiccasamuppannesu dhammesu aññāṇaṃ. Katame saṅkhārā? Puññābhisaṅkhāro, apuññābhisaṅkhāro, āneñjābhisaṅkhāro, kāyasaṅkhāro, vacīsaṅkhāro, cittasaṅkhāro. Aṭṭha kāmāvacarakusalacetanā pañca rūpāvacarakusalacetanā puññābhisaṅkhāro, dvādasa akusalacetanā apuññābhisaṅkhāro, catasso arūpāvacarakusalacetanā āneñjābhisaṅkhāro. Kāyasañcetanā kāyasaṅkhāro, vacīsañcetanā vacīsaṅkhāro, manosañcetanā cittasaṅkhāro.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘имз сан̇каараа авиж̇ж̇аабажжаяаа хонд̇ий’’д̇и? авиж̇ж̇аабхаавз бхаавад̇о. яасса хи д̣̇угкаад̣̇ийсу авиж̇ж̇аасан̇каад̇ам̣ ан̃н̃аан̣ам̣ аббахийнам̣ ход̇и. со д̣̇угкз д̇аава буб̣б̣анд̇аад̣̇ийсу жа ан̃н̃аан̣зна сам̣саарад̣̇угкам̣ сукасан̃н̃ааяа г̇ахзд̇ваа д̇ассзва хзд̇убхууд̇з д̇ивид̇хзби сан̇каарз аарабхад̇и. самуд̣̇аяз ан̃н̃аан̣зна д̣̇угкахзд̇убхууд̇зби д̇ан̣хаабаригкаарз сан̇каарз сукахзд̇уд̇о ман̃н̃амаано аарабхад̇и. нирод̇хз бана маг̇г̇з жа ан̃н̃аан̣зна д̣̇угкасса анирод̇хабхууд̇зби г̇ад̇ивисзсз д̣̇угканирод̇хасан̃н̃ий худ̇ваа нирод̇хасса жа амаг̇г̇абхууд̇зсуби яан̃н̃аамарад̇абаад̣̇ийсу нирод̇хамаг̇г̇асан̃н̃ий худ̇ваа д̣̇угканирод̇хам̣ бад̇т̇аяамаано яан̃н̃аамарад̇абаад̣̇имукзна д̇ивид̇хзби сан̇каарз аарабхад̇и.
Tattha siyā – kathaṃ panetaṃ jānitabbaṃ ‘‘ime saṅkhārā avijjāpaccayā hontī’’ti? Avijjābhāve bhāvato. Yassa hi dukkhādīsu avijjāsaṅkhātaṃ aññāṇaṃ appahīnaṃ hoti. So dukkhe tāva pubbantādīsu ca aññāṇena saṃsāradukkhaṃ sukhasaññāya gahetvā tasseva hetubhūte tividhepi saṅkhāre ārabhati. Samudaye aññāṇena dukkhahetubhūtepi taṇhāparikkhāre saṅkhāre sukhahetuto maññamāno ārabhati. Nirodhe pana magge ca aññāṇena dukkhassa anirodhabhūtepi gativisese dukkhanirodhasaññī hutvā nirodhassa ca amaggabhūtesupi yaññāmaratapādīsu nirodhamaggasaññī hutvā dukkhanirodhaṃ patthayamāno yaññāmaratapādimukhena tividhepi saṅkhāre ārabhati.
абижа со д̇ааяа жад̇уусу сажжзсу аббахийнаавиж̇ж̇ад̇ааяа висзсад̇о ж̇аад̇иж̇араарог̇амаран̣аад̣̇ианзгаад̣̇ийнававогин̣н̣амби бун̃н̃апаласан̇каад̇ам̣ д̣̇угкам̣ д̣̇угкад̇о аж̇аананд̇о д̇асса ад̇хиг̇амааяа гааяаважийжид̇д̇асан̇каарабхзд̣̇ам̣ бун̃н̃аабхисан̇каарам̣ аарабхад̇и д̣̇зважчарагаамаго вияа марубабаад̇ам̣. сукасаммад̇ассааби жа д̇асса бун̃н̃апаласса анд̇з махаабарил̣аахаж̇анигам̣ вибарин̣аамад̣̇угкад̇ам̣ аббассаад̣̇ад̇ан̃жа абассанд̇оби д̇аббажжаяам̣ вуд̇д̇аббагаарамзва бун̃н̃аабхисан̇каарам̣ аарабхад̇и салабхо вияа д̣̇ийбасикаабхинибаад̇ам̣, мад̇хуб̣инд̣̇уг̇ид̣̇д̇хо вияа жа мад̇хулид̇д̇асад̇т̇ад̇хаараалзханам̣. гаамуубасзванаад̣̇ийсу жа савибаагзсу аад̣̇ийнавам̣ абассанд̇о сукасан̃н̃ааяа жзва гилзсаабхибхууд̇ад̇ааяа жа д̣̇ваарад̇д̇аяаббавад̇д̇амби абун̃н̃аабхисан̇каарам̣ аарабхад̇и б̣аало вияа г̇уут̇агийл̣анам̣, марид̇угаамо вияа жа висакаад̣̇анам̣. ааруббавибаагзсу жааби сан̇кааравибарин̣аамад̣̇угкад̇ам̣ анаваб̣уж̇жхамаано сассад̇аад̣̇ивибаллаасзна жид̇д̇асан̇каарабхууд̇ам̣ аанзн̃ж̇аабхисан̇каарам̣ аарабхад̇и д̣̇исаамуул̣хо вияа бисаажанаг̇араабхимукамаг̇г̇аг̇аманам̣. звам̣ яасмаа авиж̇ж̇аабхаавад̇ова сан̇каарабхааво, на абхаавад̇о, д̇асмаа ж̇аанид̇аб̣б̣амзд̇ам̣ ‘‘имз сан̇каараа авиж̇ж̇аабажжаяаа хонд̇ий’’д̇и.
Apica so tāya catūsu saccesu appahīnāvijjatāya visesato jātijarārogamaraṇādianekādīnavavokiṇṇampi puññaphalasaṅkhātaṃ dukkhaṃ dukkhato ajānanto tassa adhigamāya kāyavacīcittasaṅkhārabhedaṃ puññābhisaṅkhāraṃ ārabhati devaccharakāmako viya marupapātaṃ. Sukhasammatassāpi ca tassa puññaphalassa ante mahāpariḷāhajanikaṃ vipariṇāmadukkhataṃ appassādatañca apassantopi tappaccayaṃ vuttappakārameva puññābhisaṅkhāraṃ ārabhati salabho viya dīpasikhābhinipātaṃ, madhubindugiddho viya ca madhulittasatthadhārālehanaṃ. Kāmūpasevanādīsu ca savipākesu ādīnavaṃ apassanto sukhasaññāya ceva kilesābhibhūtatāya ca dvārattayappavattampi apuññābhisaṅkhāraṃ ārabhati bālo viya gūthakīḷanaṃ, maritukāmo viya ca visakhādanaṃ. Āruppavipākesu cāpi saṅkhāravipariṇāmadukkhataṃ anavabujjhamāno sassatādivipallāsena cittasaṅkhārabhūtaṃ āneñjābhisaṅkhāraṃ ārabhati disāmūḷho viya pisācanagarābhimukhamaggagamanaṃ. Evaṃ yasmā avijjābhāvatova saṅkhārabhāvo, na abhāvato, tasmā jānitabbametaṃ ‘‘ime saṅkhārā avijjāpaccayā hontī’’ti.
зд̇т̇ааха – г̇ан̣хаама д̇аава зд̇ам̣ ‘‘авиж̇ж̇аа сан̇каараанам̣ бажжаяо’’д̇и. гим̣ банааяамзгаава авиж̇ж̇аа сан̇каараанам̣ бажжаяо, уд̣̇ааху ан̃н̃зби бажжаяаа санд̇ийд̇и? гим̣ банзд̇т̇а яад̣̇и д̇аава згаава, згагааран̣аваад̣̇о аабаж̇ж̇ад̇и. ат̇а ан̃н̃зби санд̇и, ‘‘авиж̇ж̇аабажжаяаа сан̇каараа’’д̇и згагааран̣анид̣̇д̣̇зсо нубабаж̇ж̇ад̇ийд̇и? на нубабаж̇ж̇ад̇и. гасмаа? яасмаа –
Etthāha – gaṇhāma tāva etaṃ ‘‘avijjā saṅkhārānaṃ paccayo’’ti. Kiṃ panāyamekāva avijjā saṅkhārānaṃ paccayo, udāhu aññepi paccayā santīti? Kiṃ panettha yadi tāva ekāva, ekakāraṇavādo āpajjati. Atha aññepi santi, ‘‘avijjāpaccayā saṅkhārā’’ti ekakāraṇaniddeso nupapajjatīti? Na nupapajjati. Kasmā? Yasmā –
‘‘згам̣ на згад̇о ид̇ха, наанзгаманзгад̇оби но згам̣;
‘‘Ekaṃ na ekato idha, nānekamanekatopi no ekaṃ;
паламад̇т̇и ад̇т̇и бана зга-хзд̇упалад̣̇ийбанз ад̇т̇о’’.
Phalamatthi atthi pana eka-hetuphaladīpane attho’’.
бхаг̇аваа хи гад̇т̇ажи бад̇хаанад̇д̇аа гад̇т̇ажи баагадад̇д̇аа гад̇т̇ажи асаад̇хааран̣ад̇д̇аа д̣̇зсанаавилаасасса жа взнзяяаанан̃жа ануруубад̇о згамзва хзд̇ун̃жа палан̃жа д̣̇ийбзд̇и. д̇асмаа аяамид̇ха авиж̇ж̇аа виж̇ж̇амаанзсуби ан̃н̃зсу вад̇т̇аарамман̣асахаж̇аад̇ад̇хаммаад̣̇ийсу сан̇каарагааран̣зсу ‘‘ассаад̣̇аанубассино д̇ан̣хаа бавад̣дхад̇ий’’д̇и (сам̣. ни. 2.52) жа, ‘‘авиж̇ж̇аасамуд̣̇аяаа аасавасамуд̣̇аяо’’д̇и (ма. ни. 1.104) жа важанад̇о ан̃н̃зсамби д̇ан̣хаад̣̇ийнам̣ сан̇каарахзд̇уунам̣ хзд̇ууд̇и бад̇хаанад̇д̇аа, ‘‘авид̣̇ваа, бхигкавз, авиж̇ж̇ааг̇ад̇о бун̃н̃аабхисан̇каарамби абхисан̇карод̇ий’’д̇и баагадад̇д̇аа, асаад̇хааран̣ад̇д̇аа жа сан̇каараанам̣ хзд̇убхаавзна д̣̇ийбид̇аад̇и взд̣̇ид̇аб̣б̣аа. зд̇знзва жа згзгахзд̇упалад̣̇ийбанабарихаараважанзна саб̣б̣ад̇т̇а згзгахзд̇упалад̣̇ийбанз баяож̇анам̣ взд̣̇ид̇аб̣б̣анд̇и.
Bhagavā hi katthaci padhānattā katthaci pākaṭattā katthaci asādhāraṇattā desanāvilāsassa ca veneyyānañca anurūpato ekameva hetuñca phalañca dīpeti. Tasmā ayamidha avijjā vijjamānesupi aññesu vatthārammaṇasahajātadhammādīsu saṅkhārakāraṇesu ‘‘assādānupassino taṇhā pavaḍḍhatī’’ti (saṃ. ni. 2.52) ca, ‘‘avijjāsamudayā āsavasamudayo’’ti (ma. ni. 1.104) ca vacanato aññesampi taṇhādīnaṃ saṅkhārahetūnaṃ hetūti padhānattā, ‘‘avidvā, bhikkhave, avijjāgato puññābhisaṅkhārampi abhisaṅkharotī’’ti pākaṭattā, asādhāraṇattā ca saṅkhārānaṃ hetubhāvena dīpitāti veditabbā. Eteneva ca ekekahetuphaladīpanaparihāravacanena sabbattha ekekahetuphaladīpane payojanaṃ veditabbanti.
зд̇т̇ааха – звам̣ санд̇зби зганд̇аанидтапалааяа сааваж̇ж̇ааяа авиж̇ж̇ааяа гат̇ам̣ бун̃н̃аанзн̃ж̇аабхисан̇каарабажжаяад̇д̇ам̣ яуж̇ж̇ад̇и? на хи нимб̣аб̣ийж̇ад̇о ужчу уббаж̇ж̇ад̇ийд̇и. гат̇ам̣ на яуж̇ж̇иссад̇и? логасмин̃хи –
Etthāha – evaṃ santepi ekantāniṭṭhaphalāya sāvajjāya avijjāya kathaṃ puññāneñjābhisaṅkhārapaccayattaṃ yujjati? Na hi nimbabījato ucchu uppajjatīti. Kathaṃ na yujjissati? Lokasmiñhi –
‘‘вируд̣̇д̇хо жаавируд̣̇д̇хо жа, сад̣̇исаасад̣̇исо д̇ат̇аа;
‘‘Viruddho cāviruddho ca, sadisāsadiso tathā;
д̇хаммаанам̣ бажжаяо сид̣̇д̇хо, вибаагаа зва д̇з жа на’’.
Dhammānaṃ paccayo siddho, vipākā eva te ca na’’.
ид̇и аяам̣ авиж̇ж̇аа вибаагавасзна зганд̇аанидтапалаа, сабхаававасзна жа сааваж̇ж̇ааби самаанаа саб̣б̣зсамби зд̇зсам̣ бун̃н̃аабхисан̇каараад̣̇ийнам̣ яат̇аануруубам̣ таанагижжасабхаававируд̣̇д̇хаавируд̣̇д̇хабажжаяавасзна сад̣̇исаасад̣̇исабажжаяавасзна жа бажжаяо ход̇ийд̇и взд̣̇ид̇аб̣б̣аа.
Iti ayaṃ avijjā vipākavasena ekantāniṭṭhaphalā, sabhāvavasena ca sāvajjāpi samānā sabbesampi etesaṃ puññābhisaṅkhārādīnaṃ yathānurūpaṃ ṭhānakiccasabhāvaviruddhāviruddhapaccayavasena sadisāsadisapaccayavasena ca paccayo hotīti veditabbā.
абижа –
Apica –
‘‘жуд̇уубабаад̇з сам̣саарз, сан̇каараанан̃жа лагкан̣з;
‘‘Cutūpapāte saṃsāre, saṅkhārānañca lakkhaṇe;
яо бадижжасамуббанна-д̇хаммзсу жа вимуяхад̇и.
Yo paṭiccasamuppanna-dhammesu ca vimuyhati.
‘‘абхисан̇карод̇и со зд̇з, сан̇каарз д̇ивид̇хз яад̇о;
‘‘Abhisaṅkharoti so ete, saṅkhāre tividhe yato;
авиж̇ж̇аа бажжаяо д̇зсам̣, д̇ивид̇хаанам̣ аяам̣ д̇ад̇о.
Avijjā paccayo tesaṃ, tividhānaṃ ayaṃ tato.
‘‘яат̇ааби наама ж̇ажжанд̇хо, наро абарин̣ааяаго;
‘‘Yathāpi nāma jaccandho, naro apariṇāyako;
згад̣̇аа яаад̇и маг̇г̇зна, уммаг̇г̇знааби згад̣̇аа.
Ekadā yāti maggena, ummaggenāpi ekadā.
‘‘сам̣саарз сам̣сарам̣ б̣аало, д̇ат̇аа абарин̣ааяаго;
‘‘Saṃsāre saṃsaraṃ bālo, tathā apariṇāyako;
гарод̇и згад̣̇аа бун̃н̃ам̣, абун̃н̃амаби згад̣̇аа.
Karoti ekadā puññaṃ, apuññamapi ekadā.
‘‘яад̣̇аа жа н̃ад̇ваа со д̇хаммам̣, сажжаани абхисамзссад̇и;
‘‘Yadā ca ñatvā so dhammaṃ, saccāni abhisamessati;
д̇ад̣̇аа авиж̇ж̇уубасамаа, убасанд̇о жариссад̇ий’’д̇и.
Tadā avijjūpasamā, upasanto carissatī’’ti.
сан̇каарабажжаяаа вин̃н̃аан̣анд̇и ча вин̃н̃аан̣агааяаа жагкувин̃н̃аан̣ам̣ сод̇авин̃н̃аан̣ам̣ гхаанавин̃н̃аан̣ам̣ ж̇ивхаавин̃н̃аан̣ам̣ гааяавин̃н̃аан̣ам̣ мановин̃н̃аан̣ам̣. д̇ад̇т̇а жагкувин̃н̃аан̣ам̣ гусалавибаагам̣ агусалавибааганд̇и д̣̇увид̇хам̣. д̇ат̇аа сод̇агхаанаж̇ивхаагааяавин̃н̃аан̣аани. мановин̃н̃аан̣ам̣ д̣̇вз вибаагаманод̇хаад̇уяо, д̇иссо ахзд̇угамановин̃н̃аан̣ад̇хаад̇уяо, адта сахзд̇угавибаагажид̇д̇аани, бан̃жа руубааважараани, жад̇д̇аари аруубааважараанийд̇и б̣аавийсад̇ивид̇хам̣. ид̇и саб̣б̣аани б̣аад̇д̇им̣са логияавибаагавин̃н̃аан̣аани.
Saṅkhārapaccayāviññāṇanti cha viññāṇakāyā cakkhuviññāṇaṃ sotaviññāṇaṃ ghānaviññāṇaṃ jivhāviññāṇaṃ kāyaviññāṇaṃ manoviññāṇaṃ. Tattha cakkhuviññāṇaṃ kusalavipākaṃ akusalavipākanti duvidhaṃ. Tathā sotaghānajivhākāyaviññāṇāni. Manoviññāṇaṃ dve vipākamanodhātuyo, tisso ahetukamanoviññāṇadhātuyo, aṭṭha sahetukavipākacittāni, pañca rūpāvacarāni, cattāri arūpāvacarānīti bāvīsatividhaṃ. Iti sabbāni bāttiṃsa lokiyavipākaviññāṇāni.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘ид̣̇ам̣ вуд̇д̇аббагаарам̣ вин̃н̃аан̣ам̣ сан̇каарабажжаяаа ход̇ий’’д̇и? убажид̇агаммаабхаавз вибаагаабхаавад̇о. вибааган̃хзд̇ам̣, вибааган̃жа на убажид̇агаммаабхаавз уббаж̇ж̇ад̇и. яад̣̇и уббаж̇ж̇зяяа, саб̣б̣зсам̣ саб̣б̣авибаагаани уббаж̇ж̇зяяум̣, на жа уббаж̇ж̇анд̇ийд̇и ж̇аанид̇аб̣б̣амзд̇ам̣ ‘‘сан̇каарабажжаяаа ид̣̇ам̣ вин̃н̃аан̣ам̣ ход̇ий’’д̇и. саб̣б̣амзва хи ид̣̇ам̣ бавад̇д̇ибадисанд̇хивасзна д̣̇взд̇хаа бавад̇д̇ад̇и. д̇ад̇т̇а д̣̇вз бан̃жавин̃н̃аан̣аани д̣̇вз манод̇хаад̇уяо соманассасахаг̇ад̇аахзд̇угамановин̃н̃аан̣ад̇хаад̇ууд̇и имаани д̇зраса бан̃жавогаарабхавз бавад̇д̇ияам̣язва бавад̇д̇анд̇и, сзсаани згуунавийсад̇и д̇ийсу бхавзсу яат̇аануруубам̣ бавад̇д̇ияамби бадисанд̇хияамби бавад̇д̇анд̇и.
Tattha siyā – kathaṃ panetaṃ jānitabbaṃ ‘‘idaṃ vuttappakāraṃ viññāṇaṃ saṅkhārapaccayā hotī’’ti? Upacitakammābhāve vipākābhāvato. Vipākañhetaṃ, vipākañca na upacitakammābhāve uppajjati. Yadi uppajjeyya, sabbesaṃ sabbavipākāni uppajjeyyuṃ, na ca uppajjantīti jānitabbametaṃ ‘‘saṅkhārapaccayā idaṃ viññāṇaṃ hotī’’ti. Sabbameva hi idaṃ pavattipaṭisandhivasena dvedhā pavattati. Tattha dve pañcaviññāṇāni dve manodhātuyo somanassasahagatāhetukamanoviññāṇadhātūti imāni terasa pañcavokārabhave pavattiyaṃyeva pavattanti, sesāni ekūnavīsati tīsu bhavesu yathānurūpaṃ pavattiyampi paṭisandhiyampi pavattanti.
‘‘лад̣̇д̇хаббажжаяамид̇и д̇хаммамад̇д̇амзд̇ам̣ бхаванд̇арамубзд̇и;
‘‘Laddhappaccayamiti dhammamattametaṃ bhavantaramupeti;
наасса д̇ад̇о сан̇ганд̇и, на д̇ад̇о хзд̇ум̣ винаа ход̇и’’.
Nāssa tato saṅkanti, na tato hetuṃ vinā hoti’’.
ид̇и хзд̇ам̣ лад̣̇д̇хаббажжаяам̣ руубааруубад̇хаммамад̇д̇ам̣ уббаж̇ж̇амаанам̣ бхаванд̇арамубзд̇ийд̇и вужжад̇и, на сад̇д̇о, на ж̇ийво. д̇асса жа нааби ад̇ийд̇абхавад̇о ид̇ха сан̇ганд̇и ад̇т̇и, нааби д̇ад̇о хзд̇ум̣ винаа ид̇ха баад̇убхааво. зд̇т̇а жа буримам̣ жаванад̇о жуд̇и, бажчимам̣ бхаванд̇араад̣̇ибадисанд̇хаанад̇о бадисанд̇хийд̇и вужжад̇и.
Iti hetaṃ laddhappaccayaṃ rūpārūpadhammamattaṃ uppajjamānaṃ bhavantaramupetīti vuccati, na satto, na jīvo. Tassa ca nāpi atītabhavato idha saṅkanti atthi, nāpi tato hetuṃ vinā idha pātubhāvo. Ettha ca purimaṃ cavanato cuti, pacchimaṃ bhavantarādipaṭisandhānato paṭisandhīti vuccati.
зд̇т̇ааха – нану звам̣ асан̇ганд̇ибаад̇убхаавз сад̇и яз имасмим̣ мануссад̇д̇абхаавз канд̇хаа, д̇зсам̣ нируд̣̇д̇хад̇д̇аа, палаббажжаяасса жа гаммасса д̇ад̇т̇а аг̇аманад̇о, ан̃н̃асса ан̃н̃ад̇о жа д̇ам̣ палам̣ сияаа . убабхун̃ж̇агз жа асад̇и гасса д̇ам̣ палам̣ сияаа. д̇асмаа на сунд̣̇арамид̣̇ам̣ вид̇хаананд̇и. д̇ад̇рид̣̇ам̣ вужжад̇и –
Etthāha – nanu evaṃ asaṅkantipātubhāve sati ye imasmiṃ manussattabhāve khandhā, tesaṃ niruddhattā, phalappaccayassa ca kammassa tattha agamanato, aññassa aññato ca taṃ phalaṃ siyā . Upabhuñjake ca asati kassa taṃ phalaṃ siyā. Tasmā na sundaramidaṃ vidhānanti. Tatridaṃ vuccati –
‘‘санд̇аанз яам̣ палам̣ зд̇ам̣, наан̃н̃асса на жа ан̃н̃ад̇о;
‘‘Santāne yaṃ phalaṃ etaṃ, nāññassa na ca aññato;
б̣ийж̇аанам̣ абхисан̇кааро, зд̇ассад̇т̇асса саад̇хаго.
Bījānaṃ abhisaṅkhāro, etassatthassa sādhako.
‘‘палассуббад̇д̇ияаа зва, сид̣̇д̇хаа бхун̃ж̇агасаммуд̇и;
‘‘Phalassuppattiyā eva, siddhā bhuñjakasammuti;
палуббаад̣̇зна ругкасса, яат̇аа палад̇и саммуд̇ий’’д̇и.
Phaluppādena rukkhassa, yathā phalati sammutī’’ti.
яоби вад̣̇зяяа ‘‘звам̣ санд̇зби зд̇з сан̇каараа виж̇ж̇амаанаа ваа паласса бажжаяаа сияум̣ авиж̇ж̇амаанаа ваа. яад̣̇и жа виж̇ж̇амаанаа, бавад̇д̇игкан̣зязва нзсам̣ вибаагзна бхавид̇аб̣б̣ам̣. ат̇ааби авиж̇ж̇амаанаа, бавад̇д̇ид̇о буб̣б̣з бажчаа жа нижжам̣ палаавахаа сияу’’нд̇и. со звам̣ вад̇д̇аб̣б̣о –
Yopi vadeyya ‘‘evaṃ santepi ete saṅkhārā vijjamānā vā phalassa paccayā siyuṃ avijjamānā vā. Yadi ca vijjamānā, pavattikkhaṇeyeva nesaṃ vipākena bhavitabbaṃ. Athāpi avijjamānā, pavattito pubbe pacchā ca niccaṃ phalāvahā siyu’’nti. So evaṃ vattabbo –
‘‘гад̇ад̇д̇аа бажжаяаа зд̇з, на жа нижжам̣ палаавахаа;
‘‘Katattā paccayā ete, na ca niccaṃ phalāvahā;
баадибхог̇аад̣̇игам̣ д̇ад̇т̇а, взд̣̇ид̇аб̣б̣ам̣ нид̣̇ассана’’нд̇и.
Pāṭibhogādikaṃ tattha, veditabbaṃ nidassana’’nti.
вин̃н̃аан̣абажжаяаа наамаруубанд̇и ид̇ха взд̣̇анаа сан̃н̃аа сан̇каарагканд̇хаа наамам̣, жад̇д̇аари жа махаабхууд̇аани жад̇уннан̃жа махаабхууд̇аанам̣ убаад̣̇ааяаруубам̣ руубам̣. абхаавагаг̇аб̣бхасзяяагаанам̣ ан̣д̣аж̇аанан̃жа бадисанд̇хигкан̣з вад̇т̇уд̣̇асагам̣ гааяад̣̇асаганд̇и вийсад̇и руубаани, д̇аяо жа аруубино канд̇хаад̇и зд̇з д̇звийсад̇и д̇хаммаа вин̃н̃аан̣абажжаяаа наамаруубанд̇и взд̣̇ид̇аб̣б̣аа. сабхаавагаанам̣ бхаавад̣̇асагам̣ багкибид̇ваа д̇зд̇д̇им̣са, обабаад̇игасад̇д̇зсу б̣рахмагааяигаад̣̇ийнам̣ бадисанд̇хигкан̣з жагкусод̇авад̇т̇уд̣̇асагаани ж̇ийвид̇инд̣̇рияанаваган̃жаад̇и згуунажад̇д̇аалийса руубаани, д̇аяо жа аруубино канд̇хаад̇и зд̇з д̣̇ваажад̇д̇аалийса д̇хаммаа вин̃н̃аан̣абажжаяаа наамаруубам̣. гаамабхавз бана сзсаобабаад̇игаанам̣ сам̣сзд̣̇аж̇аанам̣ ваа сабхаавагабарибун̣н̣ааяад̇анаанам̣ бадисанд̇хигкан̣з жагкусод̇агхаанаж̇ивхаагааяавад̇т̇убхаавад̣̇асагаанийд̇и сад̇д̇ад̇и руубаани, д̇аяо жа аруубино канд̇хаад̇и зд̇з д̇зсад̇д̇ад̇и д̇хаммаа вин̃н̃аан̣абажжаяаа наамаруубам̣. зса уггам̣со. авагам̣сзна бана д̇ам̣д̇ам̣д̣̇асагавигалаанам̣ д̇асса д̇асса васзна хаабзд̇ваа хаабзд̇ваа бадисанд̇хияам̣ вин̃н̃аан̣абажжаяаа наамаруубасан̇каа взд̣̇ид̇аб̣б̣аа. аруубийнам̣ бана д̇аяова аруубино канд̇хаа, асан̃н̃аанам̣ руубад̇о ж̇ийвид̇инд̣̇рияанавагамзваад̇и. зса д̇аава бадисанд̇хияам̣ наяо.
Viññāṇapaccayānāmarūpanti idha vedanā saññā saṅkhārakkhandhā nāmaṃ, cattāri ca mahābhūtāni catunnañca mahābhūtānaṃ upādāyarūpaṃ rūpaṃ. Abhāvakagabbhaseyyakānaṃ aṇḍajānañca paṭisandhikkhaṇe vatthudasakaṃ kāyadasakanti vīsati rūpāni, tayo ca arūpino khandhāti ete tevīsati dhammā viññāṇapaccayā nāmarūpanti veditabbā. Sabhāvakānaṃ bhāvadasakaṃ pakkhipitvā tettiṃsa, opapātikasattesu brahmakāyikādīnaṃ paṭisandhikkhaṇe cakkhusotavatthudasakāni jīvitindriyanavakañcāti ekūnacattālīsa rūpāni, tayo ca arūpino khandhāti ete dvācattālīsa dhammā viññāṇapaccayā nāmarūpaṃ. Kāmabhave pana sesaopapātikānaṃ saṃsedajānaṃ vā sabhāvakaparipuṇṇāyatanānaṃ paṭisandhikkhaṇe cakkhusotaghānajivhākāyavatthubhāvadasakānīti sattati rūpāni, tayo ca arūpino khandhāti ete tesattati dhammā viññāṇapaccayā nāmarūpaṃ. Esa ukkaṃso. Avakaṃsena pana taṃtaṃdasakavikalānaṃ tassa tassa vasena hāpetvā hāpetvā paṭisandhiyaṃ viññāṇapaccayā nāmarūpasaṅkhā veditabbā. Arūpīnaṃ pana tayova arūpino khandhā, asaññānaṃ rūpato jīvitindriyanavakamevāti. Esa tāva paṭisandhiyaṃ nayo.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘бадисанд̇хинаамаруубам̣ вин̃н̃аан̣абажжаяаа ход̇ий’’д̇и? суд̇д̇ад̇о яуд̇д̇ид̇о жа. суд̇д̇з хи ‘‘жид̇д̇аанубаривад̇д̇ино д̇хаммаа’’д̇иаад̣̇инаа (д̇ха. са. д̣̇угамаад̇игаа 62) наязна б̣ахуд̇хаа взд̣̇анаад̣̇ийнам̣ вин̃н̃аан̣абажжаяад̇аа сид̣̇д̇хаа. яуд̇д̇ид̇о бана –
Tattha siyā – kathaṃ panetaṃ jānitabbaṃ ‘‘paṭisandhināmarūpaṃ viññāṇapaccayā hotī’’ti? Suttato yuttito ca. Sutte hi ‘‘cittānuparivattino dhammā’’tiādinā (dha. sa. dukamātikā 62) nayena bahudhā vedanādīnaṃ viññāṇapaccayatā siddhā. Yuttito pana –
жид̇д̇аж̇зна хи руубзна, ид̇ха д̣̇идтзна сиж̇жхад̇и;
Cittajena hi rūpena, idha diṭṭhena sijjhati;
ад̣̇идтассааби руубасса, вин̃н̃аан̣ам̣ бажжаяо ид̇и.
Adiṭṭhassāpi rūpassa, viññāṇaṃ paccayo iti.
наамаруубабажжаяаа сал̣ааяад̇ананд̇и наамам̣ вуд̇д̇амзва. ид̇ха бана руубам̣ нияамад̇о жад̇д̇аари бхууд̇аани ча вад̇т̇ууни ж̇ийвид̇инд̣̇рияанд̇и згаад̣̇асавид̇хам̣. сал̣ааяад̇анам̣ – жагкааяад̇анам̣, сод̇ааяад̇анам̣, гхаанааяад̇анам̣, ж̇ивхааяад̇анам̣, гааяааяад̇анам̣, манааяад̇анам̣.
Nāmarūpapaccayāsaḷāyatananti nāmaṃ vuttameva. Idha pana rūpaṃ niyamato cattāri bhūtāni cha vatthūni jīvitindriyanti ekādasavidhaṃ. Saḷāyatanaṃ – cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, manāyatanaṃ.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘наамаруубам̣ сал̣ааяад̇анасса бажжаяо’’д̇и? наамаруубабхаавз бхаавад̇о. д̇асса д̇асса хи наамасса руубасса жа бхаавз д̇ам̣ д̇ам̣ ааяад̇анам̣ ход̇и, на ан̃н̃ат̇аад̇и.
Tattha siyā – kathaṃ panetaṃ jānitabbaṃ ‘‘nāmarūpaṃ saḷāyatanassa paccayo’’ti? Nāmarūpabhāve bhāvato. Tassa tassa hi nāmassa rūpassa ca bhāve taṃ taṃ āyatanaṃ hoti, na aññathāti.
сал̣ааяад̇анабажжаяаа пассод̇и –
Saḷāyatanapaccayā phassoti –
‘‘чал̣зва пассаа сан̇кзбаа, жагкусампассааад̣̇аяо;
‘‘Chaḷeva phassā saṅkhepā, cakkhusamphassaādayo;
вин̃н̃аан̣амива б̣аад̇д̇им̣са, вид̇т̇аарзна бхаванд̇и д̇з’’.
Viññāṇamiva bāttiṃsa, vitthārena bhavanti te’’.
пассабажжаяаа взд̣̇анаад̇и –
Phassapaccayā vedanāti –
‘‘д̣̇ваарад̇о взд̣̇анаа вуд̇д̇аа, жагкусампассаж̇аад̣̇игаа;
‘‘Dvārato vedanā vuttā, cakkhusamphassajādikā;
чал̣зва д̇аа бабхзд̣̇зна, ид̇ха б̣аад̇д̇им̣са взд̣̇анаа’’.
Chaḷeva tā pabhedena, idha bāttiṃsa vedanā’’.
взд̣̇анаабажжаяаа д̇ан̣хаад̇и –
Vedanāpaccayā taṇhāti –
‘‘руубад̇ан̣хаад̣̇ибхзд̣̇зна, ча д̇ан̣хаа ид̇ха д̣̇ийбид̇аа;
‘‘Rūpataṇhādibhedena, cha taṇhā idha dīpitā;
згзгаа д̇ивид̇хаа д̇ад̇т̇а, бавад̇д̇аагаарад̇о мад̇аа.
Ekekā tividhā tattha, pavattākārato matā.
‘‘д̣̇угкий сукам̣ бад̇т̇аяад̇и, сукий бхияяоби ижчад̇и;
‘‘Dukkhī sukhaṃ patthayati, sukhī bhiyyopi icchati;
убзгкаа бана санд̇ад̇д̇аа, сукамижжзва бхаасид̇аа.
Upekkhā pana santattā, sukhamicceva bhāsitā.
‘‘д̇ан̣хааяа бажжаяаа д̇асмаа, хонд̇и д̇иссоби взд̣̇анаа;
‘‘Taṇhāya paccayā tasmā, honti tissopi vedanā;
взд̣̇анаабажжаяаа д̇ан̣хаа, ид̇и вуд̇д̇аа махзсинаа’’.
Vedanāpaccayā taṇhā, iti vuttā mahesinā’’.
д̇ан̣хаабажжаяаа убаад̣̇аананд̇и жад̇д̇аари убаад̣̇аанаани – гаамубаад̣̇аанам̣, д̣̇идтубаад̣̇аанам̣, сийлаб̣б̣ад̇убаад̣̇аанам̣, ад̇д̇аваад̣̇убаад̣̇аанам̣. убаад̣̇аанабажжаяаа бхавод̇и ид̇ха гаммабхаво ад̇хиббзд̇о. убабад̇д̇ибхаво бана бад̣̇уд̣̇д̇хааравасзна вуд̇д̇о. бхавабажжаяаа ж̇аад̇ийд̇и гаммабхавабажжаяаа бадисанд̇хиканд̇хаанам̣ баад̇убхааво.
Taṇhāpaccayā upādānanti cattāri upādānāni – kāmupādānaṃ, diṭṭhupādānaṃ, sīlabbatupādānaṃ, attavādupādānaṃ. Upādānapaccayā bhavoti idha kammabhavo adhippeto. Upapattibhavo pana paduddhāravasena vutto. Bhavapaccayā jātīti kammabhavapaccayā paṭisandhikhandhānaṃ pātubhāvo.
д̇ад̇т̇а сияаа – гат̇ам̣ банзд̇ам̣ ж̇аанид̇аб̣б̣ам̣ ‘‘бхаво ж̇аад̇ияаа бажжаяо’’д̇и жз? б̣аахирабажжаяасамад̇д̇зби хийнабан̣ийд̇аад̣̇ивисзсад̣̇ассанад̇о. б̣аахираанан̃хи ж̇анагаж̇ананисуггасон̣ид̇аахаараад̣̇ийнам̣ бажжаяаанам̣ самад̇д̇зби сад̇д̇аанам̣ яамагаанамби сад̇ам̣ хийнаббан̣ийд̇ад̇аад̣̇ивисзсо д̣̇иссад̇и. со жа на ахзд̇уго саб̣б̣ад̣̇аа жа саб̣б̣зсан̃жа абхаавад̇о, на гаммабхавад̇о ан̃н̃ахзд̇уго д̇ад̣̇абхиниб̣б̣ад̇д̇агасад̇д̇аанам̣ аж̇жхад̇д̇асанд̇аанз ан̃н̃асса гааран̣асса абхаавад̇од̇и гаммабхавахзд̇угоязва. гамман̃хи сад̇д̇аанам̣ хийнаббан̣ийд̇ад̇аад̣̇ивисзсасса хзд̇у. д̇знааха бхаг̇аваа – ‘‘гаммам̣ сад̇д̇з вибхаж̇ад̇и, яад̣̇ид̣̇ам̣ хийнаббан̣ийд̇ад̇ааяаа’’д̇и (ма. ни. 3.289).
Tattha siyā – kathaṃ panetaṃ jānitabbaṃ ‘‘bhavo jātiyā paccayo’’ti ce? Bāhirapaccayasamattepi hīnapaṇītādivisesadassanato. Bāhirānañhi janakajananisukkasoṇitāhārādīnaṃ paccayānaṃ samattepi sattānaṃ yamakānampi sataṃ hīnappaṇītatādiviseso dissati. So ca na ahetuko sabbadā ca sabbesañca abhāvato, na kammabhavato aññahetuko tadabhinibbattakasattānaṃ ajjhattasantāne aññassa kāraṇassa abhāvatoti kammabhavahetukoyeva. Kammañhi sattānaṃ hīnappaṇītatādivisesassa hetu. Tenāha bhagavā – ‘‘kammaṃ satte vibhajati, yadidaṃ hīnappaṇītatāyā’’ti (ma. ni. 3.289).
ж̇аад̇ибажжаяаа ж̇араамаран̣анд̇иаад̣̇ийсу яасмаа асад̇и ж̇аад̇ияаа ж̇араамаран̣ам̣ наама согаад̣̇аяо ваа д̇хаммаа на хонд̇и, ж̇аад̇ияаа бана сад̇и ж̇араамаран̣ан̃жзва ж̇араамаран̣асан̇каад̇ад̣̇угкад̇хаммапудтасса жа б̣ааласса ж̇араамаран̣аабхисамб̣анд̇хаа ваа д̇зна д̇зна д̣̇угкад̇хаммзна пудтасса анабхисамб̣анд̇хаа ваа согаад̣̇аяо жа д̇хаммаа хонд̇и, д̇асмаа аяам̣ ж̇аад̇и ж̇араамаран̣асса жзва согаад̣̇ийнан̃жа бажжаяо ход̇ийд̇и взд̣̇ид̇аб̣б̣аа.
Jātipaccayā jarāmaraṇantiādīsu yasmā asati jātiyā jarāmaraṇaṃ nāma sokādayo vā dhammā na honti, jātiyā pana sati jarāmaraṇañceva jarāmaraṇasaṅkhātadukkhadhammaphuṭṭhassa ca bālassa jarāmaraṇābhisambandhā vā tena tena dukkhadhammena phuṭṭhassa anabhisambandhā vā sokādayo ca dhammā honti, tasmā ayaṃ jāti jarāmaraṇassa ceva sokādīnañca paccayo hotīti veditabbā.
со д̇ат̇аабхаавид̇зна жид̇д̇знаад̇иаад̣̇ийсу буб̣б̣зниваасаануссад̇ин̃аан̣ааяаад̇и зд̇асса н̃аан̣асса ад̇хиг̇амааяа, бад̇д̇ияаад̇и вуд̇д̇ам̣ ход̇и. анзгавихид̇анд̇и анзгавид̇хам̣ наанаббагаарам̣, анзгзхи ваа багаарзхи бавад̇д̇ид̇ам̣, сам̣ван̣н̣ид̇анд̇и ад̇т̇о. буб̣б̣зниваасанд̇и самананд̇араад̇ийд̇ам̣ бхавам̣ аад̣̇им̣ гад̇ваа д̇ад̇т̇а д̇ад̇т̇а нивуд̇т̇асанд̇аанам̣. ануссарад̇ийд̇и канд̇хабадибаадивасзна жуд̇ибадисанд̇хивасзна ваа ануг̇анд̇ваа ануг̇анд̇ваа сарад̇и. иман̃хи буб̣б̣зниваасам̣ ча ж̇анаа ануссаранд̇и д̇ид̇т̇ияаа багад̇исаавагаа махаасаавагаа аг̇г̇асаавагаа бажжзгаб̣уд̣̇д̇хаа б̣уд̣̇д̇хаад̇и. д̇ад̇т̇а д̇ид̇т̇ияаа жад̇д̇аалийсам̣язва габбз ануссаранд̇и , на д̇ад̇о барам̣. гасмаа? д̣̇уб̣б̣алабан̃н̃ад̇д̇аа. д̇зсан̃хи наамаруубабарижчзд̣̇авирахид̇ад̇д̇аа д̣̇уб̣б̣алаа бан̃н̃аа ход̇и. багад̇исаавагаа габбасад̇амби габбасахассамби ануссаранд̇иязва б̣алавабан̃н̃ад̇д̇аа. асийд̇и махаасаавагаа сад̇асахассагаббз ануссаранд̇и. д̣̇вз аг̇г̇асаавагаа згамасан̇кзяяам̣ габбасад̇асахассан̃жа. бажжзгаб̣уд̣̇д̇хаа д̣̇вз асан̇кзяяаани сад̇асахассан̃жа. зд̇д̇аго хи д̇зсам̣ абхинийхааро. б̣уд̣̇д̇хаанам̣ бана барижчзд̣̇о наама над̇т̇и. д̇ид̇т̇ияаа жа канд̇хабадибаадимзва саранд̇и, бадибаадим̣ мун̃жид̇ваа жуд̇ибадисанд̇хивасзна сарид̇ум̣ на саггонд̇и. яат̇аа анд̇хаа яадтим̣ амун̃жид̇ваава г̇ажчанд̇и, звам̣ д̇з канд̇хабадибаадим̣ амун̃жид̇ваава саранд̇и. багад̇исаавагаа канд̇хабадибаадияааби ануссаранд̇и, жуд̇ибадисанд̇хивасзнааби сан̇гаманд̇и, д̇ат̇аа асийд̇и махаасаавагаа. д̣̇виннам̣ бана аг̇г̇асаавагаанам̣ канд̇хабадибаадигижжам̣ над̇т̇и. згасса ад̇д̇абхаавасса жуд̇им̣ д̣̇исваа бадисанд̇хим̣ бассанд̇и, буна абарасса жуд̇им̣ д̣̇исваа бадисанд̇хинд̇и звам̣ жуд̇ибадисанд̇хивасзнзва сан̇гаманд̇аа г̇ажчанд̇и, д̇ат̇аа бажжзгаб̣уд̣̇д̇хаа. б̣уд̣̇д̇хаанам̣ бана нзва канд̇хабадибаадигижжам̣, на жуд̇ибадисанд̇хивасзна сан̇гаманагижжам̣ ад̇т̇и. д̇зсан̃хи анзгаасу габбагодийсу хздтаа ваа убари ваа яам̣ яам̣ таанам̣ ижчанд̇и, д̇ам̣ д̇ам̣ баагадамзва ход̇и. д̇асмаа анзгааби габбагодияо сан̇кибид̇ваа яам̣ яам̣ ижчанд̇и, д̇ад̇т̇а д̇ад̇т̇зва оггаманд̇аа сийхогганд̇авасзна г̇ажчанд̇и. звам̣ г̇ажчанд̇аанан̃жа нзсам̣ н̃аан̣ам̣ анд̇аранд̇араасу ж̇аад̇ийсу асаж̇ж̇амаанам̣ ижчид̇ижчид̇адтаанамзва г̇ан̣хаад̇и.
So tathābhāvitena cittenātiādīsu pubbenivāsānussatiñāṇāyāti etassa ñāṇassa adhigamāya, pattiyāti vuttaṃ hoti. Anekavihitanti anekavidhaṃ nānappakāraṃ, anekehi vā pakārehi pavattitaṃ, saṃvaṇṇitanti attho. Pubbenivāsanti samanantarātītaṃ bhavaṃ ādiṃ katvā tattha tattha nivutthasantānaṃ. Anussaratīti khandhapaṭipāṭivasena cutipaṭisandhivasena vā anugantvā anugantvā sarati. Imañhi pubbenivāsaṃ cha janā anussaranti titthiyā pakatisāvakā mahāsāvakā aggasāvakā paccekabuddhā buddhāti. Tattha titthiyā cattālīsaṃyeva kappe anussaranti , na tato paraṃ. Kasmā? Dubbalapaññattā. Tesañhi nāmarūpaparicchedavirahitattā dubbalā paññā hoti. Pakatisāvakā kappasatampi kappasahassampi anussarantiyeva balavapaññattā. Asīti mahāsāvakā satasahassakappe anussaranti. Dve aggasāvakā ekamasaṅkheyyaṃ kappasatasahassañca. Paccekabuddhā dve asaṅkheyyāni satasahassañca. Ettako hi tesaṃ abhinīhāro. Buddhānaṃ pana paricchedo nāma natthi. Titthiyā ca khandhapaṭipāṭimeva saranti, paṭipāṭiṃ muñcitvā cutipaṭisandhivasena sarituṃ na sakkonti. Yathā andhā yaṭṭhiṃ amuñcitvāva gacchanti, evaṃ te khandhapaṭipāṭiṃ amuñcitvāva saranti. Pakatisāvakā khandhapaṭipāṭiyāpi anussaranti, cutipaṭisandhivasenāpi saṅkamanti, tathā asīti mahāsāvakā. Dvinnaṃ pana aggasāvakānaṃ khandhapaṭipāṭikiccaṃ natthi. Ekassa attabhāvassa cutiṃ disvā paṭisandhiṃ passanti, puna aparassa cutiṃ disvā paṭisandhinti evaṃ cutipaṭisandhivaseneva saṅkamantā gacchanti, tathā paccekabuddhā. Buddhānaṃ pana neva khandhapaṭipāṭikiccaṃ, na cutipaṭisandhivasena saṅkamanakiccaṃ atthi. Tesañhi anekāsu kappakoṭīsu heṭṭhā vā upari vā yaṃ yaṃ ṭhānaṃ icchanti, taṃ taṃ pākaṭameva hoti. Tasmā anekāpi kappakoṭiyo saṅkhipitvā yaṃ yaṃ icchanti, tattha tattheva okkamantā sīhokkantavasena gacchanti. Evaṃ gacchantānañca nesaṃ ñāṇaṃ antarantarāsu jātīsu asajjamānaṃ icchiticchitaṭṭhānameva gaṇhāti.
имзсу бана часу буб̣б̣зниваасам̣ ануссаранд̇зсу д̇ид̇т̇ияаанам̣ буб̣б̣зниваасад̣̇ассанам̣ каж̇ж̇обанагаббабхаасад̣̇исам̣ худ̇ваа убадтаад̇и, багад̇исаавагаанам̣ д̣̇ийбаббабхаасад̣̇исам̣, махаасаавагаанам̣ уггаабабхаасад̣̇исам̣, аг̇г̇асаавагаанам̣ осад̇хид̇аарагаабабхаасад̣̇исам̣, бажжзгаб̣уд̣̇д̇хаанам̣ жанд̣̇аббабхаасад̣̇исам̣. б̣уд̣̇д̇хаанам̣ расмисахассабадиман̣д̣ид̇асарад̣̇асуурияаман̣д̣аласад̣̇исам̣ худ̇ваа убадтаад̇и. д̇ид̇т̇ияаанам̣ буб̣б̣зниваасаануссаран̣ам̣ анд̇хаанам̣ яадтигодиг̇аманам̣ вияа ход̇и. багад̇исаавагаанам̣ д̣̇ан̣д̣агасзд̇уг̇аманам̣ вияа, махаасаавагаанам̣ ж̇ан̇гхасзд̇уг̇аманам̣ вияа, аг̇г̇асаавагаанам̣ сагадасзд̇уг̇аманам̣ вияа, бажжзгаб̣уд̣̇д̇хаанам̣ ж̇ан̇гхамаг̇г̇аг̇аманам̣ вияа, б̣уд̣̇д̇хаанам̣ махаасагадамаг̇г̇аг̇аманам̣ вияа ход̇и. имасмим̣ бана ад̇хигаарз саавагаанам̣ буб̣б̣зниваасаануссаран̣ам̣ ад̇хиббзд̇ам̣.
Imesu pana chasu pubbenivāsaṃ anussarantesu titthiyānaṃ pubbenivāsadassanaṃ khajjopanakappabhāsadisaṃ hutvā upaṭṭhāti, pakatisāvakānaṃ dīpappabhāsadisaṃ, mahāsāvakānaṃ ukkāpabhāsadisaṃ, aggasāvakānaṃ osadhitārakāpabhāsadisaṃ, paccekabuddhānaṃ candappabhāsadisaṃ. Buddhānaṃ rasmisahassapaṭimaṇḍitasaradasūriyamaṇḍalasadisaṃ hutvā upaṭṭhāti. Titthiyānaṃ pubbenivāsānussaraṇaṃ andhānaṃ yaṭṭhikoṭigamanaṃ viya hoti. Pakatisāvakānaṃ daṇḍakasetugamanaṃ viya, mahāsāvakānaṃ jaṅghasetugamanaṃ viya, aggasāvakānaṃ sakaṭasetugamanaṃ viya, paccekabuddhānaṃ jaṅghamaggagamanaṃ viya, buddhānaṃ mahāsakaṭamaggagamanaṃ viya hoti. Imasmiṃ pana adhikāre sāvakānaṃ pubbenivāsānussaraṇaṃ adhippetaṃ.
д̇асмаа звам̣ ануссарид̇угаамзна аад̣̇игаммигзна бхигкунаа бажчаабхад̇д̇ам̣ бин̣д̣абаад̇абадигганд̇зна рахог̇ад̇зна бадисаллийнзна бадибаадияаа жад̇д̇аари жхаанаани самаабаж̇ж̇ид̇ваа абхин̃н̃аабаад̣̇агаж̇жхаанад̇о вудтааяа вуд̇д̇анаязна бадижжасамуббаад̣̇ам̣ бажжавзгкид̇ваа саб̣б̣абажчимаа нисаж̇ж̇аа ааваж̇ж̇ид̇аб̣б̣аа. д̇ад̇о аасанабан̃н̃аабанам̣ сзнаасанаббавзсанам̣ бад̇д̇ажийварабадисааманам̣ бхож̇анагаало г̇аамад̇о ааг̇аманагаало г̇аамз бин̣д̣ааяа жарид̇агаало г̇аамам̣ бин̣д̣ааяа бавидтагаало вихаарад̇о нигкаманагаало жзд̇ияаб̣од̇хиванд̣̇анагаало бад̇д̇ад̇хованагаало бад̇д̇абадиг̇г̇ахан̣агаало бад̇д̇абадиг̇г̇ахан̣ад̇о яаава мукад̇хованаа гад̇агижжам̣ бажжуусагаалз гад̇агижжам̣, маж̇жхимаяаамз батамаяаамз гад̇агижжанд̇и звам̣ бадиломаггамзна сагалам̣ рад̇д̇инд̣̇ивам̣ гад̇агижжам̣ ааваж̇ж̇ид̇аб̣б̣ам̣. зд̇д̇агам̣ бана багад̇ижид̇д̇ассаби баагадам̣ ход̇и, баригаммасамаад̇хижид̇д̇асса бана ад̇ибаагадамзва. сажз банзд̇т̇а гин̃жи на баагадам̣ ход̇и, буна баад̣̇агаж̇жхаанам̣ самаабаж̇ж̇ид̇ваа вудтааяа ааваж̇ж̇ид̇аб̣б̣ам̣. зд̇д̇агзна д̣̇ийбз ж̇алид̇з вияа баагадам̣ ход̇и . звам̣ бадиломаггамзнзва д̣̇уд̇ияад̣̇ивасзби д̇ад̇ияажад̇уд̇т̇абан̃жамад̣̇ивасзсуби д̣̇асаахзби ад̣̇д̇хамаасзби маасзби сам̣важчарзби гад̇агижжам̣ ааваж̇ж̇ид̇аб̣б̣ам̣. зд̇знзва убааязна д̣̇аса вассаани вийсад̇и вассаанийд̇и яаава имасмим̣ бхавз ад̇д̇ано бадисанд̇хи, д̇аава ааваж̇ж̇анд̇зна буримабхавз жуд̇игкан̣з бавад̇д̇ам̣ наамаруубам̣ ааваж̇ж̇ид̇аб̣б̣ам̣. баход̇и хи бан̣д̣ид̇о бхигку батамаваарзнзва бадисанд̇хим̣ уг̇гхаадзд̇ваа жуд̇игкан̣з наамаруубам̣ аарамман̣ам̣ гаад̇ум̣. яасмаа бана буримабхавз наамаруубам̣ асзсам̣ нируд̣̇д̇хам̣, ид̇ха ан̃н̃ам̣ уббаннам̣, д̇асмаа д̇ам̣ таанам̣ аахунд̣̇аригам̣ анд̇хад̇амамива ход̇и суд̣̇уд̣̇д̣̇асам̣ д̣̇уббан̃н̃зна. д̇знааби ‘‘на саггомахам̣ бадисанд̇хим̣ уг̇гхаадзд̇ваа жуд̇игкан̣з наамаруубаарамман̣ам̣ гаад̇у’’нд̇и д̇хуранигкзбо на гаад̇аб̣б̣о. д̇ад̣̇зва бана баад̣̇агаж̇жхаанам̣ бунаббунам̣ самаабаж̇ж̇ид̇ваа вудтааяа вудтааяа д̇ам̣ таанам̣ ааваж̇ж̇ид̇аб̣б̣ам̣.
Tasmā evaṃ anussaritukāmena ādikammikena bhikkhunā pacchābhattaṃ piṇḍapātapaṭikkantena rahogatena paṭisallīnena paṭipāṭiyā cattāri jhānāni samāpajjitvā abhiññāpādakajjhānato vuṭṭhāya vuttanayena paṭiccasamuppādaṃ paccavekkhitvā sabbapacchimā nisajjā āvajjitabbā. Tato āsanapaññāpanaṃ senāsanappavesanaṃ pattacīvarapaṭisāmanaṃ bhojanakālo gāmato āgamanakālo gāme piṇḍāya caritakālo gāmaṃ piṇḍāya paviṭṭhakālo vihārato nikkhamanakālo cetiyabodhivandanakālo pattadhovanakālo pattapaṭiggahaṇakālo pattapaṭiggahaṇato yāva mukhadhovanā katakiccaṃ paccūsakāle katakiccaṃ, majjhimayāme paṭhamayāme katakiccanti evaṃ paṭilomakkamena sakalaṃ rattindivaṃ katakiccaṃ āvajjitabbaṃ. Ettakaṃ pana pakaticittassapi pākaṭaṃ hoti, parikammasamādhicittassa pana atipākaṭameva. Sace panettha kiñci na pākaṭaṃ hoti, puna pādakajjhānaṃ samāpajjitvā vuṭṭhāya āvajjitabbaṃ. Ettakena dīpe jalite viya pākaṭaṃ hoti . Evaṃ paṭilomakkameneva dutiyadivasepi tatiyacatutthapañcamadivasesupi dasāhepi addhamāsepi māsepi saṃvaccharepi katakiccaṃ āvajjitabbaṃ. Eteneva upāyena dasa vassāni vīsati vassānīti yāva imasmiṃ bhave attano paṭisandhi, tāva āvajjantena purimabhave cutikkhaṇe pavattaṃ nāmarūpaṃ āvajjitabbaṃ. Pahoti hi paṇḍito bhikkhu paṭhamavāreneva paṭisandhiṃ ugghāṭetvā cutikkhaṇe nāmarūpaṃ ārammaṇaṃ kātuṃ. Yasmā pana purimabhave nāmarūpaṃ asesaṃ niruddhaṃ, idha aññaṃ uppannaṃ, tasmā taṃ ṭhānaṃ āhundarikaṃ andhatamamiva hoti sududdasaṃ duppaññena. Tenāpi ‘‘na sakkomahaṃ paṭisandhiṃ ugghāṭetvā cutikkhaṇe nāmarūpārammaṇaṃ kātu’’nti dhuranikkhepo na kātabbo. Tadeva pana pādakajjhānaṃ punappunaṃ samāpajjitvā vuṭṭhāya vuṭṭhāya taṃ ṭhānaṃ āvajjitabbaṃ.
звам̣ гаронд̇о хи сзяяат̇ааби наама б̣алаваа бурисо гуудааг̇аараган̣н̣игад̇т̇ааяа махааругкам̣ чинд̣̇анд̇о саакаабалаасажчзд̣̇анамад̇д̇знзва парасуд̇хаарааяа вибаннааяа махааругкам̣ чинд̣̇ид̇ум̣ асаггонд̇оби д̇хуранигкзбам̣ агад̇ваава гаммаарасаалам̣ г̇анд̇ваа д̇икин̣ам̣ парасум̣ гаараабзд̇ваа буна ааг̇анд̇ваа чинд̣̇зяяа, буна вибаннааяа жа бунаби д̇ат̇зва гаарзд̇ваа чинд̣̇зяяа, со звам̣ чинд̣̇анд̇о чиннасса чиннасса буна чзд̇д̇аб̣б̣аабхаавад̇о ачиннасса жа чзд̣̇анад̇о нажирассзва махааругкам̣ баад̇зяяа, звамзва баад̣̇агаж̇жхаанаа вудтааяа буб̣б̣з ааваж̇ж̇ид̇ам̣ анааваж̇ж̇ид̇ваа бадисанд̇химзва ааваж̇ж̇анд̇о д̇ам̣ нажирассзва бадисанд̇хим̣ уг̇гхаадзд̇ваа жуд̇игкан̣з наамаруубам̣ аарамман̣ам̣ гарзяяаад̇и. д̇ад̇т̇а бажчиманисаж̇ж̇ад̇о бабхуд̇и яаава бадисанд̇хид̇о аарамман̣ам̣ гад̇ваа бавад̇д̇ам̣ н̃аан̣ам̣ буб̣б̣зниваасан̃аан̣ам̣ наама на ход̇и, д̇ам̣ бана баригаммасамаад̇хин̃аан̣ам̣ наама ход̇и. ‘‘ад̇ийд̇ам̣сан̃аан̣а’’нд̇и бзд̇ам̣ згз вад̣̇анд̇и . д̇ам̣ ад̇ийд̇ам̣сан̃аан̣асса руубааважарад̇д̇аа руубааважарам̣ санд̇хааяа важанам̣ на яуж̇ж̇ад̇и. яад̣̇аа банасса бхигкуно бадисанд̇хим̣ ад̇иггамма жуд̇игкан̣з бавад̇д̇ам̣ наамаруубам̣ аарамман̣ам̣ гад̇ваа манод̣̇ваарааваж̇ж̇анам̣ уббаж̇ж̇ид̇ваа буб̣б̣з вуд̇д̇анаязна аббанаажид̇д̇ам̣ уббаж̇ж̇ад̇и, д̇ад̣̇аасса д̇зна жид̇д̇зна самбаяуд̇д̇ам̣ н̃аан̣ам̣ буб̣б̣зниваасаануссад̇ин̃аан̣ам̣ наама. д̇зна н̃аан̣зна самбаяуд̇д̇ааяа сад̇ияаа буб̣б̣зниваасам̣ ануссарад̇и.
Evaṃ karonto hi seyyathāpi nāma balavā puriso kūṭāgārakaṇṇikatthāya mahārukkhaṃ chindanto sākhāpalāsacchedanamatteneva pharasudhārāya vipannāya mahārukkhaṃ chindituṃ asakkontopi dhuranikkhepaṃ akatvāva kammārasālaṃ gantvā tikhiṇaṃ pharasuṃ kārāpetvā puna āgantvā chindeyya, puna vipannāya ca punapi tatheva kāretvā chindeyya, so evaṃ chindanto chinnassa chinnassa puna chettabbābhāvato achinnassa ca chedanato nacirasseva mahārukkhaṃ pāteyya, evameva pādakajjhānā vuṭṭhāya pubbe āvajjitaṃ anāvajjitvā paṭisandhimeva āvajjanto taṃ nacirasseva paṭisandhiṃ ugghāṭetvā cutikkhaṇe nāmarūpaṃ ārammaṇaṃ kareyyāti. Tattha pacchimanisajjato pabhuti yāva paṭisandhito ārammaṇaṃ katvā pavattaṃ ñāṇaṃ pubbenivāsañāṇaṃ nāma na hoti, taṃ pana parikammasamādhiñāṇaṃ nāma hoti. ‘‘Atītaṃsañāṇa’’nti petaṃ eke vadanti . Taṃ atītaṃsañāṇassa rūpāvacarattā rūpāvacaraṃ sandhāya vacanaṃ na yujjati. Yadā panassa bhikkhuno paṭisandhiṃ atikkamma cutikkhaṇe pavattaṃ nāmarūpaṃ ārammaṇaṃ katvā manodvārāvajjanaṃ uppajjitvā pubbe vuttanayena appanācittaṃ uppajjati, tadāssa tena cittena sampayuttaṃ ñāṇaṃ pubbenivāsānussatiñāṇaṃ nāma. Tena ñāṇena sampayuttāya satiyā pubbenivāsaṃ anussarati.
д̇ад̇т̇а сзяяат̇ид̣̇анд̇и аарад̣̇д̇хаббагаарад̣̇ассанад̇т̇з нибаад̇о. д̇знзва явааяам̣ буб̣б̣зниваасо аарад̣̇д̇хо, д̇асса багаараббабхзд̣̇ам̣ д̣̇ассзнд̇о згамби ж̇аад̇инд̇иаад̣̇имааха. д̇ад̇т̇а згамби ж̇аад̇инд̇и згамби бадисанд̇химуулам̣ жуд̇ибарияосаанам̣ згабхавабарияаабаннам̣ канд̇хасанд̇аанам̣. зса наяо д̣̇взби ж̇аад̇ияод̇иаад̣̇ийсу. анзгзби сам̣ваддагаббзд̇иаад̣̇ийсу бана барихааяамаано габбо сам̣ваддагаббо д̇ад̣̇аа саб̣б̣зсам̣ б̣рахмалогз саннибад̇анад̇о. вад̣дхамаано габбо виваддагаббо д̇ад̣̇аа б̣рахмалогад̇о сад̇д̇аанам̣ вивадданад̇о. д̇ад̇т̇а сам̣ваддзна сам̣ваддадтааяий г̇ахид̇о ход̇и д̇ам̣муулагад̇д̇аа. виваддзна жа виваддадтааяий. зван̃хи сад̇и ‘‘жад̇д̇ааримаани, бхигкавз, габбасса асан̇кязяяаани. гад̇амаани жад̇д̇аари? яад̣̇аа, бхигкавз, габбо сам̣ваддад̇и, д̇ам̣ на сугарам̣ сан̇каад̇ум̣. яад̣̇аа, бхигкавз, габбо сам̣ваддо д̇идтад̇и…бз… яад̣̇аа, бхигкавз, габбо виваддад̇и…бз… яад̣̇аа, бхигкавз, габбо виваддо д̇идтад̇и, д̇ам̣ на сугарам̣ сан̇каад̇у’’нд̇и (а. ни. 4.156) вуд̇д̇аани жад̇д̇аари асан̇кзяяаани бариг̇г̇ахид̇аани хонд̇и.
Tattha seyyathidanti āraddhappakāradassanatthe nipāto. Teneva yvāyaṃ pubbenivāso āraddho, tassa pakārappabhedaṃ dassento ekampi jātintiādimāha. Tattha ekampi jātinti ekampi paṭisandhimūlaṃ cutipariyosānaṃ ekabhavapariyāpannaṃ khandhasantānaṃ. Esa nayo dvepi jātiyotiādīsu. Anekepi saṃvaṭṭakappetiādīsu pana parihāyamāno kappo saṃvaṭṭakappo tadā sabbesaṃ brahmaloke sannipatanato. Vaḍḍhamāno kappo vivaṭṭakappo tadā brahmalokato sattānaṃ vivaṭṭanato. Tattha saṃvaṭṭena saṃvaṭṭaṭṭhāyī gahito hoti taṃmūlakattā. Vivaṭṭena ca vivaṭṭaṭṭhāyī. Evañhi sati ‘‘cattārimāni, bhikkhave, kappassa asaṅkhyeyyāni. Katamāni cattāri? Yadā, bhikkhave, kappo saṃvaṭṭati, taṃ na sukaraṃ saṅkhātuṃ. Yadā, bhikkhave, kappo saṃvaṭṭo tiṭṭhati…pe… yadā, bhikkhave, kappo vivaṭṭati…pe… yadā, bhikkhave, kappo vivaṭṭo tiṭṭhati, taṃ na sukaraṃ saṅkhātu’’nti (a. ni. 4.156) vuttāni cattāri asaṅkheyyāni pariggahitāni honti.
д̇ад̇т̇а д̇аяо сам̣ваддаа – д̇зж̇осам̣ваддо, аабосам̣ваддо, вааяосам̣ваддод̇и. д̇иссо сам̣ваддасиймаа – аабхассараа, субхагин̣хаа, взхабпалаад̇и. яад̣̇аа габбо д̇зж̇зна сам̣ваддад̇и, аабхассарад̇о хздтаа аг̇г̇инаа д̣аяхад̇и. яад̣̇аа аабзна сам̣ваддад̇и, субхагин̣хад̇о хздтаа уд̣̇агзна вилийяад̇и. яад̣̇аа вааяунаа сам̣ваддад̇и, взхабпалад̇о хздтаа ваад̇зна вид̣̇д̇хам̣сийяад̇и. вид̇т̇аарад̇о бана сад̣̇ааби згам̣ б̣уд̣̇д̇хагкзд̇д̇ам̣ винассад̇и. б̣уд̣̇д̇хагкзд̇д̇ам̣ наама д̇ивид̇хам̣ ход̇и – ж̇аад̇игкзд̇д̇ам̣, аан̣аагкзд̇д̇ам̣, висаяагкзд̇д̇ан̃жа. д̇ад̇т̇а ж̇аад̇игкзд̇д̇ам̣ д̣̇асасахассажаггаваал̣абарияанд̇ам̣ ход̇и, яам̣ д̇ат̇ааг̇ад̇асса бадисанд̇хиг̇ахан̣аад̣̇ийсу гамбад̇и. аан̣аагкзд̇д̇ам̣ годисад̇асахассажаггаваал̣абарияанд̇ам̣, яад̇т̇а рад̇анабарид̇д̇ам̣, канд̇хабарид̇д̇ам̣, д̇хаж̇аг̇г̇абарид̇д̇ам̣, аадаанаадияабарид̇д̇ам̣ , морабарид̇д̇анд̇и имзсам̣ барид̇д̇аанам̣ аанубхааво вад̇д̇ад̇и. висаяагкзд̇д̇ам̣ ананд̇амабаримаан̣ам̣, яам̣ ‘‘яаавад̇аа ваа бана ааган̇кзяяаа’’д̇и (а. ни. 3.81) вуд̇д̇ам̣. д̇ад̇т̇а яам̣ яам̣ д̇ат̇ааг̇ад̇о ааган̇кад̇и, д̇ам̣ д̇ам̣ ж̇аанаад̇и. звамзд̇зсу д̇ийсу б̣уд̣̇д̇хагкзд̇д̇зсу згам̣ аан̣аагкзд̇д̇ам̣ винассад̇и, д̇асмим̣ бана винассанд̇з ж̇аад̇игкзд̇д̇ам̣ винадтамзва ход̇и, винассанд̇ан̃жа згад̇ова винассад̇и, сан̣таханд̇ан̃жа згад̇ова сан̣тахад̇и.
Tattha tayo saṃvaṭṭā – tejosaṃvaṭṭo, āposaṃvaṭṭo, vāyosaṃvaṭṭoti. Tisso saṃvaṭṭasīmā – ābhassarā, subhakiṇhā, vehapphalāti. Yadā kappo tejena saṃvaṭṭati, ābhassarato heṭṭhā agginā ḍayhati. Yadā āpena saṃvaṭṭati, subhakiṇhato heṭṭhā udakena vilīyati. Yadā vāyunā saṃvaṭṭati, vehapphalato heṭṭhā vātena viddhaṃsīyati. Vitthārato pana sadāpi ekaṃ buddhakkhettaṃ vinassati. Buddhakkhettaṃ nāma tividhaṃ hoti – jātikkhettaṃ, āṇākkhettaṃ, visayakkhettañca. Tattha jātikkhettaṃ dasasahassacakkavāḷapariyantaṃ hoti, yaṃ tathāgatassa paṭisandhigahaṇādīsu kampati. Āṇākkhettaṃ koṭisatasahassacakkavāḷapariyantaṃ, yattha ratanaparittaṃ, khandhaparittaṃ, dhajaggaparittaṃ, āṭānāṭiyaparittaṃ , moraparittanti imesaṃ parittānaṃ ānubhāvo vattati. Visayakkhettaṃ anantamaparimāṇaṃ, yaṃ ‘‘yāvatā vā pana ākaṅkheyyā’’ti (a. ni. 3.81) vuttaṃ. Tattha yaṃ yaṃ tathāgato ākaṅkhati, taṃ taṃ jānāti. Evametesu tīsu buddhakkhettesu ekaṃ āṇākkhettaṃ vinassati, tasmiṃ pana vinassante jātikkhettaṃ vinaṭṭhameva hoti, vinassantañca ekatova vinassati, saṇṭhahantañca ekatova saṇṭhahati.
д̇ассзвам̣ винаасо жа сан̣таханан̃жа взд̣̇ид̇аб̣б̣ам̣ – яасмим̣ самаяз габбо аг̇г̇инаа нассад̇и, аад̣̇ид̇ова габбавинаасагамахаамзгхо вудтахид̇ваа годисад̇асахассажаггаваал̣з згам̣ махаавассам̣ вассад̇и. мануссаа д̇удтаа саб̣б̣аб̣ийж̇аани нийхарид̇ваа вабанд̇и. сассзсу бана г̇окааяид̇агамад̇д̇зсу ж̇аад̇зсу г̇ад̣̇рабхаравам̣ раванд̇о згаб̣инд̣̇умад̇д̇амби на вассад̇и, д̇ад̣̇аа бажчиннам̣ бажчиннамзва вассам̣ ход̇и. вассуубаж̇ийвино сад̇д̇аа гамзна б̣рахмалогз ниб̣б̣ад̇д̇анд̇и, бубпапалуубаж̇ийвинияо жа д̣̇звад̇аа. звам̣ д̣̇ийгхз ад̣̇д̇хаанз вийд̇ивад̇д̇з д̇ад̇т̇а д̇ад̇т̇а уд̣̇агам̣ баригкаяам̣ г̇ажчад̇и. ат̇аануггамзна мажчагажчабааби гаалам̣ гад̇ваа б̣рахмалогз ниб̣б̣ад̇д̇анд̇и, нзраяигасад̇д̇ааби. д̇ад̇т̇а ‘‘нзраяигаа сад̇д̇амасуурияабаад̇убхаавз винассанд̇ий’’д̇и згз. жхаанам̣ винаа над̇т̇и б̣рахмалогз ниб̣б̣ад̇д̇и, зд̇зсан̃жа гзжи д̣̇уб̣бхигкабийл̣ид̇аа, гзжи абхаб̣б̣аа жхаанаад̇хиг̇амааяа, д̇з гат̇ам̣ д̇ад̇т̇а ниб̣б̣ад̇д̇анд̇ийд̇и? д̣̇звалогз бадилад̣̇д̇хаж̇жхаанавасзна. д̇ад̣̇аа хи ‘‘вассасад̇асахассасса ажжаязна габбавудтаанам̣ бхависсад̇ий’’д̇и логаб̣яуухаа наама гаамааважарад̣̇зваа муд̇д̇асираа вигин̣н̣агзсаа руд̣̇амукаа ассууни хад̇т̇зхи бун̃чамаанаа рад̇д̇авад̇т̇анивад̇т̇аа ад̇ивияа вируубавзсад̇хаарино худ̇ваа мануссабат̇з вижаранд̇аа звам̣ аарожзнд̇и – ‘‘маарисаа, маарисаа, ид̇о вассасад̇асахассасса ажжаязна габбавудтаанам̣ бхависсад̇и, аяам̣ лого винассиссад̇и, махаасамуд̣̇д̣̇оби уссуссиссад̇и, аяан̃жа махаабат̇авий синзру жа баб̣б̣ад̇арааж̇аа уд̣̇д̣̇аяхиссанд̇и винассиссанд̇и, яаава б̣рахмалогаа логавинаасо бхависсад̇и. мзд̇д̇ам̣, маарисаа, бхаавзт̇а. гарун̣ам̣… муд̣̇ид̇ам̣… убзгкам̣, маарисаа, бхаавзт̇а. маад̇арам̣ убадтахат̇а, бид̇арам̣ убадтахат̇а, гулз ж̇здтаабажааяино хот̇аа’’д̇и. д̇зсам̣ важанам̣ суд̇ваа язбхуяязна мануссаа жа бхуммаа д̣̇зваа жа сам̣взг̇аж̇аад̇аа ан̃н̃аман̃н̃ам̣ муд̣̇ужид̇д̇аа худ̇ваа мзд̇д̇аад̣̇ийни бун̃н̃аани гарид̇ваа д̣̇звалогз ниб̣б̣ад̇д̇анд̇и. д̇ад̇т̇а д̣̇иб̣б̣асуд̇хаабхож̇анам̣ бхун̃ж̇ид̇ваа вааяогасин̣з баригаммам̣ гад̇ваа жхаанам̣ бадилабханд̇и. д̇ад̣̇ан̃н̃з бана абарабарияавзд̣̇анийязна гаммзна д̣̇звалогз ниб̣б̣ад̇д̇анд̇и. абарабарияавзд̣̇анийяагаммарахид̇о хи сам̣саарз сам̣саранд̇о наама сад̇д̇о над̇т̇и. д̇зби д̇ад̇т̇а д̇ат̇зва жхаанам̣ бадилабханд̇и. звам̣ д̣̇звалогз бадилад̣̇д̇хаж̇жхаанавасзна саб̣б̣зби б̣рахмалогз ниб̣б̣ад̇д̇анд̇ийд̇и.
Tassevaṃ vināso ca saṇṭhahanañca veditabbaṃ – yasmiṃ samaye kappo agginā nassati, āditova kappavināsakamahāmegho vuṭṭhahitvā koṭisatasahassacakkavāḷe ekaṃ mahāvassaṃ vassati. Manussā tuṭṭhā sabbabījāni nīharitvā vapanti. Sassesu pana gokhāyitakamattesu jātesu gadrabharavaṃ ravanto ekabindumattampi na vassati, tadā pacchinnaṃ pacchinnameva vassaṃ hoti. Vassūpajīvino sattā kamena brahmaloke nibbattanti, pupphaphalūpajīviniyo ca devatā. Evaṃ dīghe addhāne vītivatte tattha tattha udakaṃ parikkhayaṃ gacchati. Athānukkamena macchakacchapāpi kālaṃ katvā brahmaloke nibbattanti, nerayikasattāpi. Tattha ‘‘nerayikā sattamasūriyapātubhāve vinassantī’’ti eke. Jhānaṃ vinā natthi brahmaloke nibbatti, etesañca keci dubbhikkhapīḷitā, keci abhabbā jhānādhigamāya, te kathaṃ tattha nibbattantīti? Devaloke paṭiladdhajjhānavasena. Tadā hi ‘‘vassasatasahassassa accayena kappavuṭṭhānaṃ bhavissatī’’ti lokabyūhā nāma kāmāvacaradevā muttasirā vikiṇṇakesā rudamukhā assūni hatthehi puñchamānā rattavatthanivatthā ativiya virūpavesadhārino hutvā manussapathe vicarantā evaṃ ārocenti – ‘‘mārisā, mārisā, ito vassasatasahassassa accayena kappavuṭṭhānaṃ bhavissati, ayaṃ loko vinassissati, mahāsamuddopi ussussissati, ayañca mahāpathavī sineru ca pabbatarājā uddayhissanti vinassissanti, yāva brahmalokā lokavināso bhavissati. Mettaṃ, mārisā, bhāvetha. Karuṇaṃ… muditaṃ… upekkhaṃ, mārisā, bhāvetha. Mātaraṃ upaṭṭhahatha, pitaraṃ upaṭṭhahatha, kule jeṭṭhāpacāyino hothā’’ti. Tesaṃ vacanaṃ sutvā yebhuyyena manussā ca bhummā devā ca saṃvegajātā aññamaññaṃ muducittā hutvā mettādīni puññāni karitvā devaloke nibbattanti. Tattha dibbasudhābhojanaṃ bhuñjitvā vāyokasiṇe parikammaṃ katvā jhānaṃ paṭilabhanti. Tadaññe pana aparapariyavedanīyena kammena devaloke nibbattanti. Aparapariyavedanīyakammarahito hi saṃsāre saṃsaranto nāma satto natthi. Tepi tattha tatheva jhānaṃ paṭilabhanti. Evaṃ devaloke paṭiladdhajjhānavasena sabbepi brahmaloke nibbattantīti.
вассуубажчзд̣̇ад̇о бана уд̣̇д̇хам̣ д̣̇ийгхасса ад̣̇д̇хуно ажжаязна д̣̇уд̇ияо суурияо баад̇убхавад̇и, д̇асмим̣ баад̇убхууд̇з нзва рад̇д̇ибарижчзд̣̇о, на д̣̇иваабарижчзд̣̇о бан̃н̃ааяад̇и. зго суурияо уд̣̇зд̇и, зго ад̇т̇ам̣ г̇ажчад̇и, авижчиннасуурияасанд̇аабова лого ход̇и. яат̇аа жа багад̇исуурияз суурияад̣̇звабуд̇д̇о ход̇и, звам̣ габбавинаасагасуурияз над̇т̇и. д̇ад̇т̇а багад̇исуурияз вад̇д̇амаанз аагаасз валаахагааби д̇хуумасикааби жаранд̇и. габбавинаасагасуурияз вад̇д̇амаанз виг̇ад̇ад̇хуумавалаахагам̣ аад̣̇аасаман̣д̣алам̣ вияа ниммалам̣ набхам̣ ход̇и. табзд̇ваа бан̃жа махаанад̣̇ияо сзсагуннад̣̇ийаад̣̇ийсу уд̣̇агам̣ суссад̇и.
Vassūpacchedato pana uddhaṃ dīghassa addhuno accayena dutiyo sūriyo pātubhavati, tasmiṃ pātubhūte neva rattiparicchedo, na divāparicchedo paññāyati. Eko sūriyo udeti, eko atthaṃ gacchati, avicchinnasūriyasantāpova loko hoti. Yathā ca pakatisūriye sūriyadevaputto hoti, evaṃ kappavināsakasūriye natthi. Tattha pakatisūriye vattamāne ākāse valāhakāpi dhūmasikhāpi caranti. Kappavināsakasūriye vattamāne vigatadhūmavalāhakaṃ ādāsamaṇḍalaṃ viya nimmalaṃ nabhaṃ hoti. Ṭhapetvā pañca mahānadiyo sesakunnadīādīsu udakaṃ sussati.
д̇ад̇оби д̣̇ийгхасса ад̣̇д̇хуно ажжаязна д̇ад̇ияо суурияо баад̇убхавад̇и, яасса баад̇убхааваа махаанад̣̇ияоби суссанд̇и.
Tatopi dīghassa addhuno accayena tatiyo sūriyo pātubhavati, yassa pātubhāvā mahānadiyopi sussanti.
д̇ад̇оби д̣̇ийгхасса ад̣̇д̇хуно ажжаязна жад̇уд̇т̇о суурияо баад̇убхавад̇и, яасса баад̇убхааваа химавад̇и махаанад̣̇ийнам̣ бабхаваа – ‘‘сийхабабаад̇ано, хам̣сабаад̇ано, ган̣н̣амун̣д̣аго, рат̇агаарад̣̇ахо, анод̇ад̇д̇ад̣̇ахо, чад̣̇д̣̇анд̇ад̣̇ахо, гун̣аалад̣̇ахо’’д̇и имз сад̇д̇а махаасараа суссанд̇и.
Tatopi dīghassa addhuno accayena catuttho sūriyo pātubhavati, yassa pātubhāvā himavati mahānadīnaṃ pabhavā – ‘‘sīhapapātano, haṃsapātano, kaṇṇamuṇḍako, rathakāradaho, anotattadaho, chaddantadaho, kuṇāladaho’’ti ime satta mahāsarā sussanti.
д̇ад̇оби д̣̇ийгхасса ад̣̇д̇хуно ажжаязна бан̃жамо суурияо баад̇убхавад̇и, яасса баад̇убхааваа анубуб̣б̣зна махаасамуд̣̇д̣̇з ан̇г̇улибаб̣б̣ад̇зманамад̇д̇амби уд̣̇агам̣ на сан̣таад̇и.
Tatopi dīghassa addhuno accayena pañcamo sūriyo pātubhavati, yassa pātubhāvā anupubbena mahāsamudde aṅgulipabbatemanamattampi udakaṃ na saṇṭhāti.
д̇ад̇оби д̣̇ийгхасса ад̣̇д̇хуно ажжаязна чадто суурияо баад̇убхавад̇и, яасса баад̇убхааваа сагалажаггаваал̣ам̣ згад̇хуумам̣ ход̇и барияаад̣̇иннасинзхам̣ д̇хуумзна. яат̇аа жид̣̇ам̣, звам̣ годисад̇асахассажаггаваал̣ааниби.
Tatopi dīghassa addhuno accayena chaṭṭho sūriyo pātubhavati, yassa pātubhāvā sakalacakkavāḷaṃ ekadhūmaṃ hoti pariyādinnasinehaṃ dhūmena. Yathā cidaṃ, evaṃ koṭisatasahassacakkavāḷānipi.
д̇ад̇оби д̣̇ийгхасса ад̣̇д̇хуно ажжаязна сад̇д̇амо суурияо баад̇убхавад̇и, яасса баад̇убхааваа сагалажаггаваал̣ам̣ згаж̇аалам̣ ход̇и сад̣̇д̇хим̣ годисад̇асахассажаггаваал̣зхи. яож̇анасад̇игаад̣̇ибхзд̣̇аани синзругуудааниби балуж̇ж̇ид̇ваа аагаасзязва анд̇арад̇хааяанд̇и. саа аг̇г̇иж̇аалаа удтахид̇ваа жаад̇умахаарааж̇игз г̇ан̣хаад̇и. д̇ад̇т̇а ганагавимаанарад̇анавимаанаман̣ивимаанаани жхаабзд̇ваа д̇аавад̇им̣сабхаванам̣ г̇ан̣хаад̇и. зд̇знзва убааязна яаава батамаж̇жхаанабхуумим̣ г̇ан̣хаад̇и. д̇ад̇т̇а д̇аяоби. б̣рахмалогз жхаабзд̇ваа аабхассарз аахажжа д̇идтад̇и. саа яаава ан̣умад̇д̇амби сан̇каараг̇ад̇ам̣ ад̇т̇и, д̇аава на ниб̣б̣ааяад̇и. саб̣б̣асан̇каарабаригкаяаа бана саббид̇злажхаабанаг̇г̇исикаа вияа чааригамби анавасзсзд̇ваа ниб̣б̣ааяад̇и. хздтаааагаасзна саха убариаагаасо зго ход̇и маханд̇хагааро.
Tatopi dīghassa addhuno accayena sattamo sūriyo pātubhavati, yassa pātubhāvā sakalacakkavāḷaṃ ekajālaṃ hoti saddhiṃ koṭisatasahassacakkavāḷehi. Yojanasatikādibhedāni sinerukūṭānipi palujjitvā ākāseyeva antaradhāyanti. Sā aggijālā uṭṭhahitvā cātumahārājike gaṇhāti. Tattha kanakavimānaratanavimānamaṇivimānāni jhāpetvā tāvatiṃsabhavanaṃ gaṇhāti. Eteneva upāyena yāva paṭhamajjhānabhūmiṃ gaṇhāti. Tattha tayopi. Brahmaloke jhāpetvā ābhassare āhacca tiṭṭhati. Sā yāva aṇumattampi saṅkhāragataṃ atthi, tāva na nibbāyati. Sabbasaṅkhāraparikkhayā pana sappitelajhāpanaggisikhā viya chārikampi anavasesetvā nibbāyati. Heṭṭhāākāsena saha upariākāso eko hoti mahandhakāro.
ат̇а д̣̇ийгхасса ад̣̇д̇хуно ажжаязна махаамзгхо удтахид̇ваа батамам̣ сукумам̣ сукумам̣ вассад̇и. анубуб̣б̣зна гумуд̣̇анаал̣аяадтимусалад̇аалагканд̇хаад̣̇иббамаан̣аахи д̇хаараахи вассанд̇о годисад̇асахассажаггаваал̣зсу саб̣б̣ам̣ д̣̇ад̣дхадтаанам̣ буурзд̇ваа анд̇арад̇хааяад̇и. д̇ам̣ уд̣̇агам̣ хздтаа жа д̇ирияан̃жа ваад̇о самудтахид̇ваа гханам̣ гарод̇и баривадумам̣ бад̣̇уминибад̇д̇з уд̣̇агаб̣инд̣̇усад̣̇исам̣. гат̇ам̣ д̇аава маханд̇ам̣ уд̣̇агараасим̣ гханам̣ гарод̇ийд̇и жз? виварасамбад̣̇аанад̇о. д̇ам̣ хисса д̇ахим̣ д̇ахим̣ виварам̣ д̣̇зд̇и. д̇ам̣ звам̣ ваад̇зна самбин̣д̣ияамаанам̣ гханам̣ гарияамаанам̣ баригкаяамаанам̣ анубуб̣б̣зна хздтаа од̇арад̇и. од̇ин̣н̣з од̇ин̣н̣з уд̣̇агз б̣рахмалогадтаанз б̣рахмалогаа, убари жад̇угаамааважарад̣̇звалогадтаанз жа д̣̇звалогаа баад̇убхаванд̇и. буримабат̇авидтаанам̣ од̇ин̣н̣з бана б̣алававаад̇аа уббаж̇ж̇анд̇и. д̇з д̇ам̣ бихид̇ад̣̇ваарз д̇хамагаран̣з тид̇ауд̣̇агамива нируссаасам̣ гад̇ваа румбханд̇и. мад̇хурод̣̇агам̣ баригкаяам̣ г̇ажчамаанам̣ убари расабат̇авим̣ самудтаабзд̇и. саа ван̣н̣асамбаннаа жзва ход̇и г̇анд̇харасасамбаннаа жа нируд̣̇агабааяаасасса убари бадалам̣ вияа. д̇ад̣̇аа жа аабхассараб̣рахмалогз батамад̇араабхиниб̣б̣ад̇д̇аа сад̇д̇аа ааяугкаяаа ваа бун̃н̃агкаяаа ваа д̇ад̇о жавид̇ваа ид̇хуубабаж̇ж̇анд̇и. д̇з хонд̇и саяам̣бабхаа анд̇алигкажараа. д̇з аг̇г̇ан̃н̃асуд̇д̇з (д̣̇ий. ни. 3.120) вуд̇д̇анаязна д̇ам̣ расабат̇авим̣ сааяид̇ваа д̇ан̣хаабхибхууд̇аа аалуббагаарагам̣ барибхун̃ж̇ид̇ум̣ убаггаманд̇и.
Atha dīghassa addhuno accayena mahāmegho uṭṭhahitvā paṭhamaṃ sukhumaṃ sukhumaṃ vassati. Anupubbena kumudanāḷayaṭṭhimusalatālakkhandhādippamāṇāhi dhārāhi vassanto koṭisatasahassacakkavāḷesu sabbaṃ daḍḍhaṭṭhānaṃ pūretvā antaradhāyati. Taṃ udakaṃ heṭṭhā ca tiriyañca vāto samuṭṭhahitvā ghanaṃ karoti parivaṭumaṃ paduminipatte udakabindusadisaṃ. Kathaṃ tāva mahantaṃ udakarāsiṃ ghanaṃ karotīti ce? Vivarasampadānato. Taṃ hissa tahiṃ tahiṃ vivaraṃ deti. Taṃ evaṃ vātena sampiṇḍiyamānaṃ ghanaṃ kariyamānaṃ parikkhayamānaṃ anupubbena heṭṭhā otarati. Otiṇṇe otiṇṇe udake brahmalokaṭṭhāne brahmalokā, upari catukāmāvacaradevalokaṭṭhāne ca devalokā pātubhavanti. Purimapathaviṭṭhānaṃ otiṇṇe pana balavavātā uppajjanti. Te taṃ pihitadvāre dhamakaraṇe ṭhitaudakamiva nirussāsaṃ katvā rumbhanti. Madhurodakaṃ parikkhayaṃ gacchamānaṃ upari rasapathaviṃ samuṭṭhāpeti. Sā vaṇṇasampannā ceva hoti gandharasasampannā ca nirudakapāyāsassa upari paṭalaṃ viya. Tadā ca ābhassarabrahmaloke paṭhamatarābhinibbattā sattā āyukkhayā vā puññakkhayā vā tato cavitvā idhūpapajjanti. Te honti sayaṃpabhā antalikkhacarā. Te aggaññasutte (dī. ni. 3.120) vuttanayena taṃ rasapathaviṃ sāyitvā taṇhābhibhūtā āluppakārakaṃ paribhuñjituṃ upakkamanti.
ат̇а д̇зсам̣ саяам̣бабхаа анд̇арад̇хааяад̇и, анд̇хагааро ход̇и. д̇з анд̇хагаарам̣ д̣̇исваа бхааяанд̇и. д̇ад̇о нзсам̣ бхаяам̣ наасзд̇ваа суурабхаавам̣ ж̇анаяанд̇ам̣ барибун̣н̣абан̃н̃аасаяож̇анам̣ суурияаман̣д̣алам̣ баад̇убхавад̇и. д̇з д̇ам̣ д̣̇исваа ‘‘аалогам̣ бадилабхимхаа’’д̇и хадтад̇удтаа худ̇ваа ‘‘амхаагам̣ бхийд̇аанам̣ бхаяам̣ наасзд̇ваа суурабхаавам̣ ж̇анаяанд̇о удтид̇о, д̇асмаа суурияо ход̇уу’’д̇и суурияод̇взвасса наамам̣ гаронд̇и. ат̇а суурияз д̣̇ивасам̣ аалогам̣ гад̇ваа ад̇т̇ан̇г̇ад̇з ‘‘яамби аалогам̣ лабхимха, соби но надто’’д̇и буна бхийд̇аа хонд̇и, д̇зсам̣ звам̣ ход̇и ‘‘саад̇ху вад̇асса сажз ан̃н̃ам̣ аалогам̣ лабхзяяаамаа’’д̇и. д̇зсам̣ жид̇д̇ам̣ н̃ад̇ваа вияа згуунабан̃н̃аасаяож̇анам̣ жанд̣̇аман̣д̣алам̣ баад̇убхавад̇и. д̇з д̇ам̣ д̣̇исваа бхияяосомад̇д̇ааяа хадтад̇удтаа худ̇ваа ‘‘амхаагам̣ чанд̣̇ам̣ н̃ад̇ваа вияа удтид̇о, д̇асмаа жанд̣̇о ход̇уу’’д̇и жанд̣̇од̇взвасса наамам̣ гаронд̇и.
Atha tesaṃ sayaṃpabhā antaradhāyati, andhakāro hoti. Te andhakāraṃ disvā bhāyanti. Tato nesaṃ bhayaṃ nāsetvā sūrabhāvaṃ janayantaṃ paripuṇṇapaññāsayojanaṃ sūriyamaṇḍalaṃ pātubhavati. Te taṃ disvā ‘‘ālokaṃ paṭilabhimhā’’ti haṭṭhatuṭṭhā hutvā ‘‘amhākaṃ bhītānaṃ bhayaṃ nāsetvā sūrabhāvaṃ janayanto uṭṭhito, tasmā sūriyo hotū’’ti sūriyotvevassa nāmaṃ karonti. Atha sūriye divasaṃ ālokaṃ katvā atthaṅgate ‘‘yampi ālokaṃ labhimha, sopi no naṭṭho’’ti puna bhītā honti, tesaṃ evaṃ hoti ‘‘sādhu vatassa sace aññaṃ ālokaṃ labheyyāmā’’ti. Tesaṃ cittaṃ ñatvā viya ekūnapaññāsayojanaṃ candamaṇḍalaṃ pātubhavati. Te taṃ disvā bhiyyosomattāya haṭṭhatuṭṭhā hutvā ‘‘amhākaṃ chandaṃ ñatvā viya uṭṭhito, tasmā cando hotū’’ti candotvevassa nāmaṃ karonti.
звам̣ жанд̣̇имасууриязсу баад̇убхууд̇зсу нагкад̇д̇аани д̇аарагаруубаани баад̇убхаванд̇и. д̇ад̇о бабхуд̇и рад̇д̇инд̣̇иваа бан̃н̃ааяанд̇и ануггамзна жа маасад̣̇д̇хамаасауд̇усам̣важчараа. жанд̣̇имасуурияаанам̣ бана баад̇убхууд̇ад̣̇ивасзязва синзружаггаваал̣ахимаванд̇абаб̣б̣ад̇аа баад̇убхаванд̇и . д̇з жа ко абуб̣б̣ам̣ ажаримам̣ паг̇г̇ун̣абун̣н̣амад̣̇ивасзязва баад̇убхаванд̇и. гат̇ам̣? яат̇аа наама ган̇г̇убхад̇д̇з бажжамаанз згаббахаарзнзва буб̣б̣ул̣агаа удтаханд̇и, згз бад̣̇зсаа т̇уубат̇уубаа хонд̇и, згз ниннаниннаа згз самасамаа, звамзвам̣ т̇уубат̇уубадтаанз баб̣б̣ад̇аа хонд̇и ниннаниннадтаанз самуд̣̇д̣̇аа самасамадтаанз д̣̇ийбаад̇и.
Evaṃ candimasūriyesu pātubhūtesu nakkhattāni tārakarūpāni pātubhavanti. Tato pabhuti rattindivā paññāyanti anukkamena ca māsaddhamāsautusaṃvaccharā. Candimasūriyānaṃ pana pātubhūtadivaseyeva sinerucakkavāḷahimavantapabbatā pātubhavanti . Te ca kho apubbaṃ acarimaṃ phagguṇapuṇṇamadivaseyeva pātubhavanti. Kathaṃ? Yathā nāma kaṅgubhatte paccamāne ekappahāreneva pubbuḷakā uṭṭhahanti, eke padesā thūpathūpā honti, eke ninnaninnā eke samasamā, evamevaṃ thūpathūpaṭṭhāne pabbatā honti ninnaninnaṭṭhāne samuddā samasamaṭṭhāne dīpāti.
ат̇а д̇зсам̣ сад̇д̇аанам̣ расабат̇авим̣ барибхун̃ж̇анд̇аанам̣ гамзна згажжз ван̣н̣аванд̇о, згажжз д̣̇уб̣б̣ан̣н̣аа хонд̇и. д̇ад̇т̇а ван̣н̣аванд̇о д̣̇уб̣б̣ан̣н̣з ад̇иман̃н̃анд̇и. д̇зсам̣ ад̇имаанабажжаяаа саа расабат̇авий анд̇арад̇хааяад̇и, бхуумибаббадаго баад̇убхавад̇и. ат̇а д̇зсам̣ д̇знзва наязна соби анд̇арад̇хааяад̇и, бад̣̇аалад̇аа баад̇убхавад̇и. д̇знзва наязна сааби анд̇арад̇хааяад̇и, агадтабааго саали баад̇убхавад̇и аган̣о ат̇усо суд̣̇д̇хо суг̇анд̇хаа д̇ан̣д̣улабпало. д̇ад̇о нзсам̣ бхааж̇анаани уббаж̇ж̇анд̇и. д̇з саалим̣ бхааж̇анз табзд̇ваа баасаан̣абидтияам̣ табзнд̇и. саяамзва ж̇аалаасикаа удтахид̇ваа д̇ам̣ бажад̇и. со ход̇и од̣̇ано суманаж̇аад̇ибубпасад̣̇исо. на д̇асса суубзна ваа б̣яан̃ж̇анзна ваа гаран̣ийяам̣ ад̇т̇и, яам̣ яам̣ расам̣ бхун̃ж̇ид̇угаамаа хонд̇и, д̇ам̣ д̇ам̣ расова ход̇и. д̇зсам̣ д̇ам̣ ол̣ааригам̣ аахаарам̣ аахараяад̇ам̣ д̇ад̇о бабхуд̇и муд̇д̇агарийсам̣ сан̃ж̇ааяад̇и. ат̇а нзсам̣ д̇асса нигкаманад̇т̇ааяа ван̣амукаани бабхиж̇ж̇анд̇и . бурисасса бурисабхааво, ид̇т̇ияаа ид̇т̇ибхааво баад̇убхавад̇и. д̇ад̇ра суд̣̇ам̣ ид̇т̇ий бурисам̣, бурисо жа ид̇т̇им̣ ад̇ивзлам̣ убаниж̇жхааяад̇и. д̇зсам̣ ад̇ивзлам̣ убаниж̇жхааяанабажжаяаа гаамабарил̣аахо уббаж̇ж̇ад̇и. д̇ад̇о мзт̇унам̣ д̇хаммам̣ бадисзванд̇и. д̇з асад̣̇д̇хаммабадисзванабажжаяаа вин̃н̃уухи г̇арахияамаанаа вихзтияамаанаа д̇асса асад̣̇д̇хаммасса бадижчаад̣̇анахзд̇у аг̇аараани гаронд̇и. д̇з аг̇аарам̣ аж̇жхаавасамаанаа ануггамзна ан̃н̃ад̇арасса аласаж̇аад̇игасса сад̇д̇асса д̣̇идтаануг̇ад̇им̣ аабаж̇ж̇анд̇аа саннид̇хим̣ гаронд̇и. д̇ад̇о бабхуд̇и ган̣оби т̇усоби д̇ан̣д̣улам̣ барияонанд̇хад̇и, лааяид̇адтаанамби на бадивируухад̇и. д̇з саннибад̇ид̇ваа ануд̇т̇унанд̇и ‘‘баабагаа вад̇а бхо д̇хаммаа сад̇д̇зсу баад̇убхууд̇аа, маяан̃хи буб̣б̣з маномаяаа ахумхаа’’д̇и аг̇г̇ан̃н̃асуд̇д̇з (д̣̇ий. ни. 3.128) вуд̇д̇анаязна вид̇т̇аарзд̇аб̣б̣ам̣. д̇ад̇о марияаад̣̇ам̣ табзнд̇и.
Atha tesaṃ sattānaṃ rasapathaviṃ paribhuñjantānaṃ kamena ekacce vaṇṇavanto, ekacce dubbaṇṇā honti. Tattha vaṇṇavanto dubbaṇṇe atimaññanti. Tesaṃ atimānapaccayā sā rasapathavī antaradhāyati, bhūmipappaṭako pātubhavati. Atha tesaṃ teneva nayena sopi antaradhāyati, padālatā pātubhavati. Teneva nayena sāpi antaradhāyati, akaṭṭhapāko sāli pātubhavati akaṇo athuso suddho sugandhā taṇḍulapphalo. Tato nesaṃ bhājanāni uppajjanti. Te sāliṃ bhājane ṭhapetvā pāsāṇapiṭṭhiyaṃ ṭhapenti. Sayameva jālāsikhā uṭṭhahitvā taṃ pacati. So hoti odano sumanajātipupphasadiso. Na tassa sūpena vā byañjanena vā karaṇīyaṃ atthi, yaṃ yaṃ rasaṃ bhuñjitukāmā honti, taṃ taṃ rasova hoti. Tesaṃ taṃ oḷārikaṃ āhāraṃ āharayataṃ tato pabhuti muttakarīsaṃ sañjāyati. Atha nesaṃ tassa nikkhamanatthāya vaṇamukhāni pabhijjanti . Purisassa purisabhāvo, itthiyā itthibhāvo pātubhavati. Tatra sudaṃ itthī purisaṃ, puriso ca itthiṃ ativelaṃ upanijjhāyati. Tesaṃ ativelaṃ upanijjhāyanapaccayā kāmapariḷāho uppajjati. Tato methunaṃ dhammaṃ paṭisevanti. Te asaddhammapaṭisevanapaccayā viññūhi garahiyamānā viheṭhiyamānā tassa asaddhammassa paṭicchādanahetu agārāni karonti. Te agāraṃ ajjhāvasamānā anukkamena aññatarassa alasajātikassa sattassa diṭṭhānugatiṃ āpajjantā sannidhiṃ karonti. Tato pabhuti kaṇopi thusopi taṇḍulaṃ pariyonandhati, lāyitaṭṭhānampi na paṭivirūhati. Te sannipatitvā anutthunanti ‘‘pāpakā vata bho dhammā sattesu pātubhūtā, mayañhi pubbe manomayā ahumhā’’ti aggaññasutte (dī. ni. 3.128) vuttanayena vitthāretabbaṃ. Tato mariyādaṃ ṭhapenti.
ат̇а ан̃н̃ад̇аро сад̇д̇о ан̃н̃асса бхааг̇ам̣ ад̣̇иннам̣ аад̣̇ияад̇и. д̇ам̣ д̣̇вигкад̇д̇ум̣ барибхаасид̇ваа д̇ад̇ияаваарз баан̣илзд̣д̣уд̣̇ан̣д̣зхи бахаранд̇и. д̇з звам̣ ад̣̇иннаад̣̇аанаг̇арахамусааваад̣̇ад̣̇ан̣д̣аад̣̇аанзсу уббаннзсу саннибад̇ид̇ваа жинд̇аяанд̇и ‘‘яам̣нууна маяам̣ згам̣ сад̇д̇ам̣ самманнзяяаама, яо но саммаа кийяид̇аб̣б̣ам̣ кийязяяа, г̇арахид̇аб̣б̣ам̣ г̇арахзяяа, баб̣б̣ааж̇зд̇аб̣б̣ам̣ баб̣б̣ааж̇зяяа. маяам̣ банасса саалийнам̣ бхааг̇ам̣ анубад̣̇ассаамаа’’д̇и. звам̣ гад̇асаннидтаанзсу бана сад̇д̇зсу имасмим̣ д̇аава габбз аяамзва бхаг̇аваа б̣од̇хисад̇д̇абхууд̇о д̇зна самаязна д̇зсу сад̇д̇зсу абхируубад̇аро жа д̣̇ассанийяад̇аро жа махзсагкад̇аро жа б̣уд̣̇д̇хисамбанно бадиб̣ало ниг̇г̇ахабаг̇г̇ахам̣ гаад̇ум̣. д̇з д̇ам̣ убасан̇гамид̇ваа яаажид̇ваа самманним̣су. со ‘‘д̇зна махааж̇анзна саммад̇од̇и махаасаммад̇о, кзд̇д̇аанам̣ ад̇хибад̇ийд̇и кад̇д̇ияо, д̇хаммзна самзна барз ран̃ж̇зд̇ийд̇и рааж̇аа’’д̇и д̇ийхи наамзхи бан̃н̃ааяид̇т̇а. яан̃хи логз ажчарияадтаанам̣, б̣од̇хисад̇д̇ова д̇ад̇т̇а аад̣̇ибурисод̇и. звам̣ б̣од̇хисад̇д̇ам̣ аад̣̇им̣ гад̇ваа кад̇д̇ияаман̣д̣алз сан̣тид̇з анубуб̣б̣зна б̣раахман̣аад̣̇аяоби ван̣н̣аа сан̣тахим̣су. д̇ад̇т̇а габбавинаасагамахаамзгхад̇о яаава ж̇аалуубажчзд̣̇о, ид̣̇амзгамасан̇кзяяам̣ сам̣ваддод̇и вужжад̇и. габбавинаасагаж̇аалуубажчзд̣̇ад̇о яаава годисад̇асахассажаггаваал̣абарибуураго самбад̇д̇имахаамзгхо, ид̣̇ам̣ д̣̇уд̇ияамасан̇кзяяам̣ сам̣ваддадтааяийд̇и вужжад̇и. самбад̇д̇имахаамзгхад̇о яаава жанд̣̇имасуурияабаад̇убхааво, ид̣̇ам̣ д̇ад̇ияамасан̇кзяяам̣ виваддод̇и вужжад̇и. жанд̣̇имасуурияабаад̇убхаавад̇о яаава буна габбавинаасагамахаамзгхо, ид̣̇ам̣ жад̇уд̇т̇амасан̇кзяяам̣ виваддадтааяийд̇и вужжад̇и. имаани жад̇д̇аари асан̇кзяяаани зго махаагаббо ход̇и. звам̣ д̇аава аг̇г̇инаа винаасо жа сан̣таханан̃жа взд̣̇ид̇аб̣б̣ам̣.
Atha aññataro satto aññassa bhāgaṃ adinnaṃ ādiyati. Taṃ dvikkhattuṃ paribhāsitvā tatiyavāre pāṇileḍḍudaṇḍehi paharanti. Te evaṃ adinnādānagarahamusāvādadaṇḍādānesu uppannesu sannipatitvā cintayanti ‘‘yaṃnūna mayaṃ ekaṃ sattaṃ sammanneyyāma, yo no sammā khīyitabbaṃ khīyeyya, garahitabbaṃ garaheyya, pabbājetabbaṃ pabbājeyya. Mayaṃ panassa sālīnaṃ bhāgaṃ anupadassāmā’’ti. Evaṃ katasanniṭṭhānesu pana sattesu imasmiṃ tāva kappe ayameva bhagavā bodhisattabhūto tena samayena tesu sattesu abhirūpataro ca dassanīyataro ca mahesakkhataro ca buddhisampanno paṭibalo niggahapaggahaṃ kātuṃ. Te taṃ upasaṅkamitvā yācitvā sammanniṃsu. So ‘‘tena mahājanena sammatoti mahāsammato, khettānaṃ adhipatīti khattiyo, dhammena samena pare rañjetīti rājā’’ti tīhi nāmehi paññāyittha. Yañhi loke acchariyaṭṭhānaṃ, bodhisattova tattha ādipurisoti. Evaṃ bodhisattaṃ ādiṃ katvā khattiyamaṇḍale saṇṭhite anupubbena brāhmaṇādayopi vaṇṇā saṇṭhahiṃsu. Tattha kappavināsakamahāmeghato yāva jālūpacchedo, idamekamasaṅkheyyaṃ saṃvaṭṭoti vuccati. Kappavināsakajālūpacchedato yāva koṭisatasahassacakkavāḷaparipūrako sampattimahāmegho, idaṃ dutiyamasaṅkheyyaṃ saṃvaṭṭaṭṭhāyīti vuccati. Sampattimahāmeghato yāva candimasūriyapātubhāvo, idaṃ tatiyamasaṅkheyyaṃ vivaṭṭoti vuccati. Candimasūriyapātubhāvato yāva puna kappavināsakamahāmegho, idaṃ catutthamasaṅkheyyaṃ vivaṭṭaṭṭhāyīti vuccati. Imāni cattāri asaṅkheyyāni eko mahākappo hoti. Evaṃ tāva agginā vināso ca saṇṭhahanañca veditabbaṃ.
яасмим̣ бана самаяз габбо уд̣̇агзна нассад̇и, аад̣̇ид̇ова габбавинаасагамахаамзгхо удтахид̇ваад̇и буб̣б̣з вуд̇д̇анаязнзва вид̇т̇аарзд̇аб̣б̣ам̣. аяам̣ бана висзсо – яат̇аа д̇ад̇т̇а д̣̇уд̇ияо суурияо, звамид̇ха габбавинаасаго каарууд̣̇агамахаамзгхо удтаад̇и. со аад̣̇ид̇о сукумам̣ сукумам̣ вассанд̇о ануггамзна махаад̇хаараахи годисад̇асахассажаггаваал̣аанам̣ буурзнд̇о вассад̇и. каарууд̣̇агзна пудтапудтаа бат̇авийбаб̣б̣ад̇аад̣̇аяо вилийяанд̇и. уд̣̇агам̣ саманд̇ад̇о ваад̇зхи д̇хаарийяад̇и. бат̇авид̇о яаава д̣̇уд̇ияаж̇жхаанабхуумим̣ уд̣̇агам̣ г̇ан̣хаад̇и, д̇ад̇т̇а д̇аяоби б̣рахмалогз вилийяаабзд̇ваа субхагин̣хз аахажжа д̇идтад̇и. д̇ам̣ яаава ан̣умад̇д̇амби сан̇каараг̇ад̇ам̣ ад̇т̇и, д̇аава на вуубасаммад̇и.
Yasmiṃ pana samaye kappo udakena nassati, āditova kappavināsakamahāmegho uṭṭhahitvāti pubbe vuttanayeneva vitthāretabbaṃ. Ayaṃ pana viseso – yathā tattha dutiyo sūriyo, evamidha kappavināsako khārūdakamahāmegho uṭṭhāti. So ādito sukhumaṃ sukhumaṃ vassanto anukkamena mahādhārāhi koṭisatasahassacakkavāḷānaṃ pūrento vassati. Khārūdakena phuṭṭhaphuṭṭhā pathavīpabbatādayo vilīyanti. Udakaṃ samantato vātehi dhārīyati. Pathavito yāva dutiyajjhānabhūmiṃ udakaṃ gaṇhāti, tattha tayopi brahmaloke vilīyāpetvā subhakiṇhe āhacca tiṭṭhati. Taṃ yāva aṇumattampi saṅkhāragataṃ atthi, tāva na vūpasammati.
уд̣̇агаануг̇ад̇ам̣ бана саб̣б̣асан̇каараг̇ад̇ам̣ абхибхавид̇ваа сахасаа вуубасаммад̇и, анд̇арад̇хаанам̣ г̇ажчад̇и. хздтаааагаасзна саха убариаагаасо зго ход̇и маханд̇хагаарод̇и саб̣б̣ам̣ вуд̇д̇асад̣̇исам̣. гзвалам̣ банид̇ха аабхассараб̣рахмалогам̣ аад̣̇им̣ гад̇ваа лого баад̇убхавад̇и. субхагин̣хад̇о жа жавид̇ваа аабхассарадтаанаад̣̇ийсу сад̇д̇аа ниб̣б̣ад̇д̇анд̇и. д̇ад̇т̇а габбавинаасагамахаамзгхад̇о яаава габбавинаасагакаарууд̣̇агуубажчзд̣̇о, ид̣̇амзгам̣ асан̇кзяяам̣. уд̣̇агуубажчзд̣̇ад̇о яаава самбад̇д̇имахаамзгхо, ид̣̇ам̣ д̣̇уд̇ияамасан̇кзяяам̣. самбад̇д̇имахаамзгхад̇о…бз… имаани жад̇д̇аари асан̇кзяяаани зго махаагаббо ход̇и. звам̣ уд̣̇агзна винаасо жа сан̣таханан̃жа взд̣̇ид̇аб̣б̣ам̣.
Udakānugataṃ pana sabbasaṅkhāragataṃ abhibhavitvā sahasā vūpasammati, antaradhānaṃ gacchati. Heṭṭhāākāsena saha upariākāso eko hoti mahandhakāroti sabbaṃ vuttasadisaṃ. Kevalaṃ panidha ābhassarabrahmalokaṃ ādiṃ katvā loko pātubhavati. Subhakiṇhato ca cavitvā ābhassaraṭṭhānādīsu sattā nibbattanti. Tattha kappavināsakamahāmeghato yāva kappavināsakakhārūdakūpacchedo, idamekaṃ asaṅkheyyaṃ. Udakūpacchedato yāva sampattimahāmegho, idaṃ dutiyamasaṅkheyyaṃ. Sampattimahāmeghato…pe… imāni cattāri asaṅkheyyāni eko mahākappo hoti. Evaṃ udakena vināso ca saṇṭhahanañca veditabbaṃ.
яасмим̣ бана самаяз габбо ваад̇зна винассад̇и, аад̣̇ид̇ова габбавинаасагамахаамзгхо вудтахид̇ваад̇и буб̣б̣з вуд̇д̇анаязнзва вид̇т̇аарзд̇аб̣б̣ам̣. аяам̣ бана висзсо – яат̇аа д̇ад̇т̇а д̣̇уд̇ияасуурияо, звамид̇ха габбавинаасанад̇т̇ам̣ ваад̇о самудтаад̇и. со батамам̣ т̇уулараж̇ам̣ удтаабзд̇и, д̇ад̇о сан̣хараж̇ам̣ сукумаваалигам̣ т̇уулаваалигам̣ сагкарабаасаан̣аад̣̇аяод̇и яаава гуудааг̇аарамад̇д̇з баасаан̣з висамадтаанз тид̇амахааругкз жа удтаабзд̇и. д̇з бат̇авид̇о набхамуг̇г̇ад̇аа на буна бад̇анд̇и, д̇ад̇т̇зва жун̣н̣авижун̣н̣аа худ̇ваа абхаавам̣ г̇ажчанд̇и. ат̇аануггамзна хздтаамахаабат̇авияаа ваад̇о самудтахид̇ваа бат̇авим̣ баривад̇д̇зд̇ваа уд̣̇д̇хам̣ муулам̣ гад̇ваа аагаасз кибад̇и. яож̇анасад̇аббамаан̣аа бат̇авиббад̣̇зсаа д̣̇вияож̇анад̇ияож̇анажад̇уяож̇анабан̃жаяож̇анасад̇аббамаан̣ааби бхиж̇ж̇ид̇ваа ваад̇авзг̇угкид̇д̇аа аагаасзязва жун̣н̣авижун̣н̣аа худ̇ваа абхаавам̣ г̇ажчанд̇и. жаггаваал̣абаб̣б̣ад̇амби синзрубаб̣б̣ад̇амби ваад̇о угкибид̇ваа аагаасз кибад̇и. д̇з ан̃н̃аман̃н̃ам̣ абхиханд̇ваа жун̣н̣авижун̣н̣аа худ̇ваа винассанд̇и. зд̇знзва убааязна бхуумадтагавимаанаани жа аагаасадтагавимаанаани жа винаасзнд̇о ча гаамааважарад̣̇звалогз винаасзд̇ваа годисад̇асахассажаггаваал̣аани винаасзд̇и. д̇ад̇т̇а жаггаваал̣аа жаггаваал̣зхи, химаванд̇аа химаванд̇зхи, синзруу синзруухи ан̃н̃аман̃н̃ам̣ самааг̇анд̇ваа жун̣н̣авижун̣н̣аа худ̇ваа винассанд̇и. бат̇авид̇о яаава д̇ад̇ияаж̇жхаанабхуумим̣ ваад̇о г̇ан̣хаад̇и, д̇ад̇т̇а д̇аяо б̣рахмалогз винаасзд̇ваа взхабпалз аахажжа д̇идтад̇и. звам̣ саб̣б̣асан̇каараг̇ад̇ам̣ винаасзд̇ваа саяамби винассад̇и. хздтаааагаасзна саха убариаагаасо зго ход̇и маханд̇хагаарод̇и саб̣б̣ам̣ вуд̇д̇асад̣̇исам̣. ид̇ха бана субхагин̣хаб̣рахмалогам̣ аад̣̇им̣ гад̇ваа лого баад̇убхавад̇и. взхабпалад̇о жа жавид̇ваа субхагин̣хадтаанаад̣̇ийсу сад̇д̇аа ниб̣б̣ад̇д̇анд̇и. д̇ад̇т̇а габбавинаасагамахаамзгхад̇о яаава габбавинаасагаваад̇уубажчзд̣̇о, ид̣̇амзгам̣ асан̇кзяяам̣. ваад̇уубажчзд̣̇ад̇о яаава самбад̇д̇имахаамзгхо, ид̣̇ам̣ д̣̇уд̇ияамасан̇кзяяам̣…бз… имаани жад̇д̇аари асан̇кзяяаани зго махаагаббо ход̇и. звам̣ ваад̇зна винаасо жа сан̣таханан̃жа взд̣̇ид̇аб̣б̣ам̣.
Yasmiṃ pana samaye kappo vātena vinassati, āditova kappavināsakamahāmegho vuṭṭhahitvāti pubbe vuttanayeneva vitthāretabbaṃ. Ayaṃ pana viseso – yathā tattha dutiyasūriyo, evamidha kappavināsanatthaṃ vāto samuṭṭhāti. So paṭhamaṃ thūlarajaṃ uṭṭhāpeti, tato saṇharajaṃ sukhumavālikaṃ thūlavālikaṃ sakkharapāsāṇādayoti yāva kūṭāgāramatte pāsāṇe visamaṭṭhāne ṭhitamahārukkhe ca uṭṭhāpeti. Te pathavito nabhamuggatā na puna patanti, tattheva cuṇṇavicuṇṇā hutvā abhāvaṃ gacchanti. Athānukkamena heṭṭhāmahāpathaviyā vāto samuṭṭhahitvā pathaviṃ parivattetvā uddhaṃ mūlaṃ katvā ākāse khipati. Yojanasatappamāṇā pathavippadesā dviyojanatiyojanacatuyojanapañcayojanasatappamāṇāpi bhijjitvā vātavegukkhittā ākāseyeva cuṇṇavicuṇṇā hutvā abhāvaṃ gacchanti. Cakkavāḷapabbatampi sinerupabbatampi vāto ukkhipitvā ākāse khipati. Te aññamaññaṃ abhihantvā cuṇṇavicuṇṇā hutvā vinassanti. Eteneva upāyena bhūmaṭṭhakavimānāni ca ākāsaṭṭhakavimānāni ca vināsento cha kāmāvacaradevaloke vināsetvā koṭisatasahassacakkavāḷāni vināseti. Tattha cakkavāḷā cakkavāḷehi, himavantā himavantehi, sinerū sinerūhi aññamaññaṃ samāgantvā cuṇṇavicuṇṇā hutvā vinassanti. Pathavito yāva tatiyajjhānabhūmiṃ vāto gaṇhāti, tattha tayo brahmaloke vināsetvā vehapphale āhacca tiṭṭhati. Evaṃ sabbasaṅkhāragataṃ vināsetvā sayampi vinassati. Heṭṭhāākāsena saha upariākāso eko hoti mahandhakāroti sabbaṃ vuttasadisaṃ. Idha pana subhakiṇhabrahmalokaṃ ādiṃ katvā loko pātubhavati. Vehapphalato ca cavitvā subhakiṇhaṭṭhānādīsu sattā nibbattanti. Tattha kappavināsakamahāmeghato yāva kappavināsakavātūpacchedo, idamekaṃ asaṅkheyyaṃ. Vātūpacchedato yāva sampattimahāmegho, idaṃ dutiyamasaṅkheyyaṃ…pe… imāni cattāri asaṅkheyyāni eko mahākappo hoti. Evaṃ vātena vināso ca saṇṭhahanañca veditabbaṃ.
гим̣ гааран̣аа звам̣ лого винассад̇и? агусаламуулагааран̣аа. агусаламуулзсу хи уссаннзсу звам̣ лого винассад̇и. со жа ко рааг̇з уссаннад̇арз аг̇г̇инаа винассад̇и, д̣̇осз уссаннад̇арз уд̣̇агзна винассад̇и. гзжи бана ‘‘д̣̇осз уссаннад̇арз аг̇г̇инаа, рааг̇з уд̣̇агзнаа’’д̇и вад̣̇анд̇и. мохз уссаннад̇арз ваад̇зна винассад̇и. звам̣ винассанд̇оби жа ниранд̇арамзва сад̇д̇а ваарз аг̇г̇инаа нассад̇и, адтамз ваарз уд̣̇агзна. буна сад̇д̇а ваарз аг̇г̇инаа, адтамз ваарз уд̣̇агзнаад̇и звам̣ адтамз адтамз ваарз винассанд̇о сад̇д̇агкад̇д̇ум̣ уд̣̇агзна винассид̇ваа буна сад̇д̇а ваарз аг̇г̇инаа нассад̇и. зд̇д̇аавад̇аа д̇зсадти габбаа ад̇ийд̇аа хонд̇и. зд̇т̇анд̇арз уд̣̇агзна нассанаваарам̣ самбад̇д̇амби бадиб̣аахид̇ваа лад̣̇д̇хогаасо ваад̇о барибун̣н̣ажад̇усадтигаббааяугз субхагин̣хз вид̣̇д̇хам̣сзнд̇о логам̣ винаасзд̇и.
Kiṃ kāraṇā evaṃ loko vinassati? Akusalamūlakāraṇā. Akusalamūlesu hi ussannesu evaṃ loko vinassati. So ca kho rāge ussannatare agginā vinassati, dose ussannatare udakena vinassati. Keci pana ‘‘dose ussannatare agginā, rāge udakenā’’ti vadanti. Mohe ussannatare vātena vinassati. Evaṃ vinassantopi ca nirantarameva satta vāre agginā nassati, aṭṭhame vāre udakena. Puna satta vāre agginā, aṭṭhame vāre udakenāti evaṃ aṭṭhame aṭṭhame vāre vinassanto sattakkhattuṃ udakena vinassitvā puna satta vāre agginā nassati. Ettāvatā tesaṭṭhi kappā atītā honti. Etthantare udakena nassanavāraṃ sampattampi paṭibāhitvā laddhokāso vāto paripuṇṇacatusaṭṭhikappāyuke subhakiṇhe viddhaṃsento lokaṃ vināseti.
буб̣б̣зниваасам̣ ануссаранд̇оби жа габбаануссаран̣аго бхигку зд̇зсу габбзсу анзгзби сам̣ваддагаббз анзгзби виваддагаббз анзгзби сам̣ваддавиваддагаббз ануссарад̇и. сам̣ваддагаббз виваддагаббзд̇и жа габбасса ад̣дхам̣ г̇ахзд̇ваа вуд̇д̇ам̣. сам̣ваддавиваддагаббзд̇и сагалагаббам̣ г̇ахзд̇ваа вуд̇д̇ам̣. гат̇ам̣ ануссарад̇ийд̇и жз? амуд̇раасинд̇иаад̣̇инаа наязна. д̇ад̇т̇а амуд̇раасинд̇и амумхи сам̣ваддагаббз ахам̣ амумхи бхавз ваа яонияаа ваа г̇ад̇ияаа ваа вин̃н̃аан̣адтид̇ияаа ваа сад̇д̇ааваасз ваа сад̇д̇анигааяз ваа аасим̣. звам̣наамод̇и д̇иссо ваа пуссо ваа. звам̣г̇од̇д̇од̇и гажжаано ваа гассабо ваа. ид̣̇амасса ад̇ийд̇абхавз ад̇д̇ано наамаг̇од̇д̇аануссаран̣авасзна вуд̇д̇ам̣. сажз бана д̇асмим̣ гаалз ад̇д̇ано ван̣н̣асамбад̇д̇им̣ ваа луукабан̣ийд̇аж̇ийвигабхаавам̣ ваа сукад̣̇угкаб̣ахулад̇ам̣ ваа аббааяугад̣̇ийгхааяугабхаавам̣ ваа ануссарид̇угаамо ход̇и, д̇амби ануссарад̇иязва. д̇знааха ‘‘звам̣ван̣н̣о…бз… звамааяубарияанд̇о’’д̇и. д̇ад̇т̇а звам̣ван̣н̣од̇и од̣̇аад̇о ваа саамо ваа. звамаахаарод̇и саалимам̣сод̣̇анаахааро ваа бавад̇д̇апалабхож̇ано ваа. звам̣сукад̣̇угкаббадисам̣взд̣̇ийд̇и анзгаббагаарзна гааяигажзд̇асигаанам̣ саамисанираамисаад̣̇иббабхзд̣̇аанам̣ ваа сукад̣̇угкаанам̣ бадисам̣взд̣̇ий. звамааяубарияанд̇од̇и звам̣ вассасад̇абаримаан̣ааяубарияанд̇о ваа жад̇ураасийд̇игаббасад̇асахассааяубарияанд̇о ваа.
Pubbenivāsaṃ anussarantopi ca kappānussaraṇako bhikkhu etesu kappesu anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe anussarati. Saṃvaṭṭakappe vivaṭṭakappeti ca kappassa aḍḍhaṃ gahetvā vuttaṃ. Saṃvaṭṭavivaṭṭakappeti sakalakappaṃ gahetvā vuttaṃ. Kathaṃ anussaratīti ce? Amutrāsintiādinā nayena. Tattha amutrāsinti amumhi saṃvaṭṭakappe ahaṃ amumhi bhave vā yoniyā vā gatiyā vā viññāṇaṭṭhitiyā vā sattāvāse vā sattanikāye vā āsiṃ. Evaṃnāmoti tisso vā phusso vā. Evaṃgottoti kaccāno vā kassapo vā. Idamassa atītabhave attano nāmagottānussaraṇavasena vuttaṃ. Sace pana tasmiṃ kāle attano vaṇṇasampattiṃ vā lūkhapaṇītajīvikabhāvaṃ vā sukhadukkhabahulataṃ vā appāyukadīghāyukabhāvaṃ vā anussaritukāmo hoti, tampi anussaratiyeva. Tenāha ‘‘evaṃvaṇṇo…pe… evamāyupariyanto’’ti. Tattha evaṃvaṇṇoti odāto vā sāmo vā. Evamāhāroti sālimaṃsodanāhāro vā pavattaphalabhojano vā. Evaṃsukhadukkhappaṭisaṃvedīti anekappakārena kāyikacetasikānaṃ sāmisanirāmisādippabhedānaṃ vā sukhadukkhānaṃ paṭisaṃvedī. Evamāyupariyantoti evaṃ vassasataparimāṇāyupariyanto vā caturāsītikappasatasahassāyupariyanto vā.
со д̇ад̇о жуд̇о амуд̇ра уд̣̇абаад̣̇инд̇и со ахам̣ д̇ад̇о бхавад̇о яонид̇о г̇ад̇ид̇о вин̃н̃аан̣адтид̇ид̇о сад̇д̇ааваасад̇о сад̇д̇анигааяад̇о ваа жуд̇о буна амугасмим̣ наама бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа уд̣̇абаад̣̇им̣. д̇ад̇раабаасинд̇и ат̇а д̇ад̇рааби бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа буна ахосим̣. звам̣наамод̇иаад̣̇и вуд̇д̇анаяамзва. абижа яасмаа амуд̇раасинд̇и ид̣̇ам̣ анубуб̣б̣зна аароханд̇асса яаавад̇ижчагам̣ (висуд̣̇д̇хи. 2.410) ануссаран̣ам̣, со д̇ад̇о жуд̇од̇и бадинивад̇д̇анд̇асса бажжавзгкан̣ам̣, д̇асмаа ид̇хуубабаннод̇и имиссаа ид̇хуубабад̇д̇ияаа ананд̇арамзвасса убабад̇д̇идтаанам̣ санд̇хааяа амуд̇ра уд̣̇абаад̣̇инд̇и ид̣̇ам̣ вуд̇д̇анд̇и взд̣̇ид̇аб̣б̣ам̣. д̇ад̇раабаасинд̇и звамаад̣̇и банасса д̇ад̇ра имиссаа убабад̇д̇ияаа ананд̇арз убабад̇д̇идтаанз наамаг̇од̇д̇аад̣̇ийнам̣ ануссаран̣ад̣̇ассанад̇т̇ам̣ вуд̇д̇ам̣. со д̇ад̇о жуд̇о ид̇хуубабаннод̇и сваахам̣ д̇ад̇о ананд̇аруубабад̇д̇идтаанад̇о жуд̇о ид̇ха амугасмим̣ наама кад̇д̇ияагулз ваа б̣раахман̣агулз ваа ниб̣б̣ад̇д̇од̇и. ид̇ийд̇и звам̣. саагаарам̣ сауд̣̇д̣̇зсанд̇и наамаг̇од̇д̇авасзна сауд̣̇д̣̇зсам̣, ван̣н̣аад̣̇ивасзна саагаарам̣. наамаг̇од̇д̇зна хи сад̇д̇о д̇иссо пуссо гассабод̇и уд̣̇д̣̇исийяад̇и, ван̣н̣аад̣̇ийхи саамо од̣̇аад̇од̇и наанад̇д̇ад̇о бан̃н̃ааяад̇и. д̇асмаа наамаг̇од̇д̇ам̣ уд̣̇д̣̇зсо, ид̇арз аагаараад̇и.
Sotato cuto amutra udapādinti so ahaṃ tato bhavato yonito gatito viññāṇaṭṭhitito sattāvāsato sattanikāyato vā cuto puna amukasmiṃ nāma bhave yoniyā gatiyā viññāṇaṭṭhitiyā sattāvāse sattanikāye vā udapādiṃ. Tatrāpāsinti atha tatrāpi bhave yoniyā gatiyā viññāṇaṭṭhitiyā sattāvāse sattanikāye vā puna ahosiṃ. Evaṃnāmotiādi vuttanayameva. Apica yasmā amutrāsinti idaṃ anupubbena ārohantassa yāvaticchakaṃ (visuddhi. 2.410) anussaraṇaṃ, so tato cutoti paṭinivattantassa paccavekkhaṇaṃ, tasmā idhūpapannoti imissā idhūpapattiyā anantaramevassa upapattiṭṭhānaṃ sandhāya amutra udapādinti idaṃ vuttanti veditabbaṃ. Tatrāpāsinti evamādi panassa tatra imissā upapattiyā anantare upapattiṭṭhāne nāmagottādīnaṃ anussaraṇadassanatthaṃ vuttaṃ. So tato cuto idhūpapannoti svāhaṃ tato anantarūpapattiṭṭhānato cuto idha amukasmiṃ nāma khattiyakule vā brāhmaṇakule vā nibbattoti. Itīti evaṃ. Sākāraṃ sauddesanti nāmagottavasena sauddesaṃ, vaṇṇādivasena sākāraṃ. Nāmagottena hi satto tisso phusso kassapoti uddisīyati, vaṇṇādīhi sāmo odātoti nānattato paññāyati. Tasmā nāmagottaṃ uddeso, itare ākārāti.
буб̣б̣зниваасаануссад̇ин̃аан̣анид̣̇д̣̇зсаван̣н̣анаа нидтид̇аа.
Pubbenivāsānussatiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 53. буб̣б̣зниваасаануссад̇ин̃аан̣анид̣̇д̣̇зсо • 53. Pubbenivāsānussatiñāṇaniddeso
