| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. буб̣б̣зсамб̣од̇хасуд̇д̇аван̣н̣анаа
2. Pubbesambodhasuttavaṇṇanā
115. д̣̇уд̇ияз аяам̣ бат̇авийд̇хаад̇уяаа ассаад̣̇од̇и аяам̣ бат̇авийд̇хаад̇униссаяо ассаад̣̇о. свааяам̣ гааяам̣ аб̣бхуннаамзд̇ваа уд̣̇арам̣ басаарзд̇ваа, ‘‘ид̇ха мз ан̇г̇улам̣ бавзсид̇ум̣ вааяамат̇аа’’д̇и ваа хад̇т̇ам̣ басаарзд̇ваа, ‘‘имам̣ наамзд̇ум̣ вааяамат̇аа’’д̇и ваа вад̣̇ад̇и, звам̣ бавад̇д̇аанам̣ васзна взд̣̇ид̇аб̣б̣о. анижжаад̇иаад̣̇ийсу худ̇ваа абхааваагаарзна анижжаа, бадибийл̣анаагаарзна д̣̇угкаа, сабхаававиг̇амаагаарзна вибарин̣аамад̇хаммаа. аяам̣ бат̇авийд̇хаад̇уяаа аад̣̇ийнавод̇и язна аагаарзна саа анижжаа д̣̇угкаа вибарин̣аамад̇хаммаа, аяамаагааро бат̇авийд̇хаад̇уяаа аад̣̇ийнавод̇и ад̇т̇о. чанд̣̇арааг̇авинаяо чанд̣̇арааг̇аббахаананд̇и ниб̣б̣аанам̣ ааг̇амма бат̇авийд̇хаад̇уяаа чанд̣̇арааг̇о винийяад̇и жзва бахийяад̇и жа, д̇асмаа ниб̣б̣аанамассаа ниссаран̣ам̣.
115. Dutiye ayaṃ pathavīdhātuyā assādoti ayaṃ pathavīdhātunissayo assādo. Svāyaṃ kāyaṃ abbhunnāmetvā udaraṃ pasāretvā, ‘‘idha me aṅgulaṃ pavesituṃ vāyamathā’’ti vā hatthaṃ pasāretvā, ‘‘imaṃ nāmetuṃ vāyamathā’’ti vā vadati, evaṃ pavattānaṃ vasena veditabbo. Aniccātiādīsu hutvā abhāvākārena aniccā, paṭipīḷanākārena dukkhā, sabhāvavigamākārena vipariṇāmadhammā. Ayaṃ pathavīdhātuyā ādīnavoti yena ākārena sā aniccā dukkhā vipariṇāmadhammā, ayamākāro pathavīdhātuyā ādīnavoti attho. Chandarāgavinayo chandarāgappahānanti nibbānaṃ āgamma pathavīdhātuyā chandarāgo vinīyati ceva pahīyati ca, tasmā nibbānamassā nissaraṇaṃ.
аяам̣ аабод̇хаад̇уяаа ассаад̣̇од̇и аяам̣ аабод̇хаад̇униссаяо ассаад̣̇о. свааяам̣ ан̃н̃ам̣ аабод̇хаад̇уяаа убад̣̇д̣̇уд̇ам̣ д̣̇исваа, ‘‘гим̣ аяам̣ нибаннагаалад̇о бадтааяа бассаавадтаанаабхимуко нигкамад̇и жзва бависад̇и жа, аббамад̇д̇агамбисса гаммам̣ гаронд̇асса сзд̣̇ад̇инд̇ам̣ вад̇т̇ам̣ бийл̣зд̇аб̣б̣ад̇аагаарам̣ баабун̣аад̇и, анумод̣̇анамад̇д̇амби гат̇знд̇асса д̇аалаван̣дам̣ г̇ан̣хид̇аб̣б̣ам̣ ход̇и, маяам̣ бана сааяам̣ нибаннаа баад̇ова удтахаама, маасабун̣н̣агхадо вияа но сарийрам̣, махаагаммам̣ гаронд̇аанам̣ сзд̣̇амад̇д̇амби но на уббаж̇ж̇ад̇и, асанисад̣̇д̣̇зна вияа д̇хаммам̣ гат̇знд̇аанам̣ сарийрз усумаагаарамад̇д̇амби но над̇т̇ий’’д̇и звам̣ бавад̇д̇аанам̣ васзна взд̣̇ид̇аб̣б̣о.
Ayaṃ āpodhātuyā assādoti ayaṃ āpodhātunissayo assādo. Svāyaṃ aññaṃ āpodhātuyā upaddutaṃ disvā, ‘‘kiṃ ayaṃ nipannakālato paṭṭhāya passāvaṭṭhānābhimukho nikkhamati ceva pavisati ca, appamattakampissa kammaṃ karontassa sedatintaṃ vatthaṃ pīḷetabbatākāraṃ pāpuṇāti, anumodanamattampi kathentassa tālavaṇṭaṃ gaṇhitabbaṃ hoti, mayaṃ pana sāyaṃ nipannā pātova uṭṭhahāma, māsapuṇṇaghaṭo viya no sarīraṃ, mahākammaṃ karontānaṃ sedamattampi no na uppajjati, asanisaddena viya dhammaṃ kathentānaṃ sarīre usumākāramattampi no natthī’’ti evaṃ pavattānaṃ vasena veditabbo.
аяам̣ д̇зж̇од̇хаад̇уяаа ассаад̣̇од̇и аяам̣ д̇зж̇од̇хаад̇униссаяо ассаад̣̇о. свааяам̣ сийд̇аг̇ахан̣игз д̣̇исваа, ‘‘гим̣ имз гин̃жид̣̇зва яааг̇убхад̇д̇акаж̇ж̇амад̇д̇ам̣ аж̇жхохарид̇ваа т̇ад̣̇д̇хагужчино нисийд̣̇ид̇ваа саб̣б̣арад̇д̇им̣ ан̇г̇аарагадаахам̣ бариязсанд̇и, пусид̇амад̇д̇зсуби сарийрз бад̇ид̇зсу ан̇г̇аарагадаахам̣ од̇т̇арид̇ваа баарубид̇ваава нибаж̇ж̇анд̇и? маяам̣ бана ад̇ит̇ад̣̇д̇хамби мам̣сам̣ ваа буувам̣ ваа каад̣̇аама, гужчибуурам̣ бхад̇д̇ам̣ бхун̃ж̇аама, д̇аавад̣̇зва но саб̣б̣ам̣ пзн̣абин̣д̣о вияа вилийяад̇и, сад̇д̇аахавад̣̇д̣̇алигааяа вад̇д̇амаанааяа сарийрз сийд̇аануд̣̇аханамад̇д̇амби но над̇т̇ий’’д̇и звам̣ бавад̇д̇аанам̣ васзна взд̣̇ид̇аб̣б̣о.
Ayaṃtejodhātuyā assādoti ayaṃ tejodhātunissayo assādo. Svāyaṃ sītagahaṇike disvā, ‘‘kiṃ ime kiñcideva yāgubhattakhajjamattaṃ ajjhoharitvā thaddhakucchino nisīditvā sabbarattiṃ aṅgārakaṭāhaṃ pariyesanti, phusitamattesupi sarīre patitesu aṅgārakaṭāhaṃ ottharitvā pārupitvāva nipajjanti? Mayaṃ pana atithaddhampi maṃsaṃ vā pūvaṃ vā khādāma, kucchipūraṃ bhattaṃ bhuñjāma, tāvadeva no sabbaṃ pheṇapiṇḍo viya vilīyati, sattāhavaddalikāya vattamānāya sarīre sītānudahanamattampi no natthī’’ti evaṃ pavattānaṃ vasena veditabbo.
аяам̣ вааяод̇хаад̇уяаа ассаад̣̇од̇и аяам̣ вааяод̇хаад̇униссаяо ассаад̣̇о. свааяам̣ ан̃н̃з ваад̇абхийругз д̣̇исваа, ‘‘имзсам̣ аббамад̇д̇агамби гаммам̣ гаронд̇аанам̣ анумод̣̇анамад̇д̇амби гат̇знд̇аанам̣ сарийрам̣ ваад̇о виж̇жхад̇и, г̇аавуд̇амад̇д̇амби ад̣̇д̇хаанам̣ г̇ад̇аанам̣ хад̇т̇абаад̣̇аа сийд̣̇анд̇и, бидти руж̇ж̇ад̇и, гужчиваад̇асийсаваад̇аган̣н̣аваад̇аад̣̇ийхи нижжубад̣̇д̣̇уд̇аа д̇злапаан̣ид̇аад̣̇ийни ваад̇абхзсаж̇ж̇аанзва гаронд̇аа ад̇инаамзнд̇и, амхаагам̣ бана махаагаммам̣ гаронд̇аанамби д̇ияаамарад̇д̇им̣ д̇хаммам̣ гат̇знд̇аанамби згад̣̇ивасзнзва д̣̇аса яож̇анаани г̇ажчанд̇аанамби хад̇т̇абаад̣̇асам̣сийд̣̇анамад̇д̇ам̣ ваа бидтируж̇ж̇анамад̇д̇ам̣ ваа на ход̇ий’’д̇и, звам̣ бавад̇д̇аанам̣ васзна взд̣̇ид̇аб̣б̣о. звам̣ бавад̇д̇аа хи зд̇аа д̇хаад̇уяо ассаад̣̇знд̇и наама.
Ayaṃvāyodhātuyā assādoti ayaṃ vāyodhātunissayo assādo. Svāyaṃ aññe vātabhīruke disvā, ‘‘imesaṃ appamattakampi kammaṃ karontānaṃ anumodanamattampi kathentānaṃ sarīraṃ vāto vijjhati, gāvutamattampi addhānaṃ gatānaṃ hatthapādā sīdanti, piṭṭhi rujjati, kucchivātasīsavātakaṇṇavātādīhi niccupaddutā telaphāṇitādīni vātabhesajjāneva karontā atināmenti, amhākaṃ pana mahākammaṃ karontānampi tiyāmarattiṃ dhammaṃ kathentānampi ekadivaseneva dasa yojanāni gacchantānampi hatthapādasaṃsīdanamattaṃ vā piṭṭhirujjanamattaṃ vā na hotī’’ti, evaṃ pavattānaṃ vasena veditabbo. Evaṃ pavattā hi etā dhātuyo assādenti nāma.
аб̣бхан̃н̃аасинд̇и абхивисидтзна н̃аан̣зна ан̃н̃аасим̣. ануд̇д̇арам̣ саммаасамб̣од̇хинд̇и уд̇д̇аравирахид̇ам̣ саб̣б̣асздтам̣ саммаа сааман̃жа б̣од̇хим̣, ат̇а ваа басад̇т̇ам̣ сунд̣̇аран̃жа б̣од̇хим̣. б̣од̇хийд̇и ругкоби маг̇г̇оби саб̣б̣ан̃н̃уд̇ан̃н̃аан̣амби ниб̣б̣аанамби. ‘‘б̣од̇хиругкамуулз батамаабхисамб̣уд̣̇д̇хо’’д̇и (махаава. 1; уд̣̇аа. 1) жа ‘‘анд̇араа жа б̣од̇хим̣ анд̇араа жа г̇аяа’’нд̇и (махаава. 11; ма.ни. 1.285) жа ааг̇ад̇адтаанзсу хи ругко б̣од̇хийд̇и вужжад̇и. ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и (жуул̣ани. каг̇г̇ависаан̣асуд̇д̇анид̣̇д̣̇зса 121) ааг̇ад̇адтаанз маг̇г̇о. ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) ааг̇ад̇адтаанз саб̣б̣ан̃н̃уд̇ан̃н̃аан̣ам̣. ‘‘бад̇ваана б̣од̇хим̣ амад̇ам̣ асан̇кад̇а’’нд̇и ааг̇ад̇адтаанз ниб̣б̣аанам̣. ид̇ха бана бхаг̇авад̇о арахад̇д̇амаг̇г̇о ад̇хиббзд̇о.
Abbhaññāsinti abhivisiṭṭhena ñāṇena aññāsiṃ. Anuttaraṃ sammāsambodhinti uttaravirahitaṃ sabbaseṭṭhaṃ sammā sāmañca bodhiṃ, atha vā pasatthaṃ sundarañca bodhiṃ. Bodhīti rukkhopi maggopi sabbaññutaññāṇampi nibbānampi. ‘‘Bodhirukkhamūle paṭhamābhisambuddho’’ti (mahāva. 1; udā. 1) ca ‘‘antarā ca bodhiṃ antarā ca gaya’’nti (mahāva. 11; ma.ni. 1.285) ca āgataṭṭhānesu hi rukkho bodhīti vuccati. ‘‘Bodhi vuccati catūsu maggesu ñāṇa’’nti (cūḷani. khaggavisāṇasuttaniddesa 121) āgataṭṭhāne maggo. ‘‘Pappoti bodhiṃ varabhūrimedhaso’’ti (dī. ni. 3.217) āgataṭṭhāne sabbaññutaññāṇaṃ. ‘‘Patvāna bodhiṃ amataṃ asaṅkhata’’nti āgataṭṭhāne nibbānaṃ. Idha pana bhagavato arahattamaggo adhippeto.
саавагаанам̣ арахад̇д̇амаг̇г̇о ануд̇д̇араа б̣од̇хи ход̇и, на ход̇ийд̇и? на ход̇и. гасмаа? асаб̣б̣аг̇ун̣ад̣̇ааяагад̇д̇аа. д̇зсан̃хи гассажи арахад̇д̇амаг̇г̇о арахад̇д̇апаламзва д̣̇зд̇и, гассажи д̇иссо виж̇ж̇аа, гассажи ча абхин̃н̃аа, гассажи жад̇ассо бадисамбхид̣̇аа, гассажи саавагабаарамийн̃аан̣ам̣. бажжзгаб̣уд̣̇д̇хаанамби бажжзгаб̣од̇хин̃аан̣амзва д̣̇зд̇и. б̣уд̣̇д̇хаанам̣ бана саб̣б̣аг̇ун̣асамбад̇д̇им̣ д̣̇зд̇и абхисзго вияа ран̃н̃о саб̣б̣алогиссарияабхаавам̣. д̇асмаа ан̃н̃асса гассажиби ануд̇д̇араа б̣од̇хи на ход̇и.
Sāvakānaṃ arahattamaggo anuttarā bodhi hoti, na hotīti? Na hoti. Kasmā? Asabbaguṇadāyakattā. Tesañhi kassaci arahattamaggo arahattaphalameva deti, kassaci tisso vijjā, kassaci cha abhiññā, kassaci catasso paṭisambhidā, kassaci sāvakapāramīñāṇaṃ. Paccekabuddhānampi paccekabodhiñāṇameva deti. Buddhānaṃ pana sabbaguṇasampattiṃ deti abhiseko viya rañño sabbalokissariyabhāvaṃ. Tasmā aññassa kassacipi anuttarā bodhi na hoti.
абхисамб̣уд̣̇д̇ход̇и бажжан̃н̃аасинд̇и ‘‘абхисамб̣уд̣̇д̇хо ахам̣ бад̇д̇о бадивиж̇жхид̇ваа тид̇о’’д̇и звам̣ бадиж̇ааним̣. н̃аан̣ан̃жа бана мз д̣̇ассанам̣ уд̣̇абаад̣̇ийд̇и ад̇хиг̇ад̇аг̇ун̣ад̣̇ассанасамад̇т̇ам̣ бажжавзгкан̣ан̃аан̣ан̃жа мз уд̣̇абаад̣̇и. агуббаа мз вимуд̇д̇ийд̇и ‘‘аяам̣ маяхам̣ арахад̇д̇апалавимуд̇д̇и агуббаа’’д̇и звам̣ н̃аан̣ам̣ уд̣̇абаад̣̇и. д̇ад̇т̇а д̣̇вийхаагаарзхи агуббад̇аа взд̣̇ид̇аб̣б̣аа гааран̣ад̇о жа аарамман̣ад̇о жа. саа хи жад̇уухи маг̇г̇зхи самужчиннагилзсаанам̣ буна анивад̇д̇анад̇ааяа гааран̣ад̇оби агуббаа, агуббад̇хаммам̣ ниб̣б̣аанам̣ аарамман̣ам̣ гад̇ваа бавад̇д̇ад̇ааяа аарамман̣ад̇оби агуббаа. анд̇имаад̇и бажчимаа. над̇т̇и д̣̇аани бунаб̣бхавод̇и ид̣̇аани буна ан̃н̃о бхаво наама над̇т̇ийд̇и.
Abhisambuddhoti paccaññāsinti ‘‘abhisambuddho ahaṃ patto paṭivijjhitvā ṭhito’’ti evaṃ paṭijāniṃ. Ñāṇañca pana me dassanaṃ udapādīti adhigataguṇadassanasamatthaṃ paccavekkhaṇañāṇañca me udapādi. Akuppā me vimuttīti ‘‘ayaṃ mayhaṃ arahattaphalavimutti akuppā’’ti evaṃ ñāṇaṃ udapādi. Tattha dvīhākārehi akuppatā veditabbā kāraṇato ca ārammaṇato ca. Sā hi catūhi maggehi samucchinnakilesānaṃ puna anivattanatāya kāraṇatopi akuppā, akuppadhammaṃ nibbānaṃ ārammaṇaṃ katvā pavattatāya ārammaṇatopi akuppā. Antimāti pacchimā. Natthi dāni punabbhavoti idāni puna añño bhavo nāma natthīti.
имасмим̣ суд̇д̇з жад̇д̇аари сажжаани гат̇ид̇аани. гат̇ам̣? жад̇уусу хи д̇хаад̇уусу ассаад̣̇о самуд̣̇аяасажжам̣, аад̣̇ийнаво д̣̇угкасажжам̣, ниссаран̣ам̣ нирод̇хасажжам̣, нирод̇хаббаж̇аанано маг̇г̇о маг̇г̇асажжам̣. вид̇т̇ааравасзнаби гат̇зд̇ум̣ ваддад̇иязва. зд̇т̇а хи яам̣ бат̇авийд̇хаад̇ум̣ бадижжа уббаж̇ж̇ад̇и сукам̣ соманассам̣, аяам̣ бат̇авийд̇хаад̇уяаа ассаад̣̇од̇и бахаанабадивзд̇хо самуд̣̇аяасажжам̣. яаа бат̇авийд̇хаад̇у анижжаа д̣̇угкаа вибарин̣аамад̇хаммаа, аяам̣ бат̇авийд̇хаад̇уяаа, аад̣̇ийнавод̇и барин̃н̃аабадивзд̇хо д̣̇угкасажжам̣. яо бат̇авийд̇хаад̇уяаа чанд̣̇арааг̇авинаяо чанд̣̇арааг̇аббахаанам̣, ид̣̇ам̣ бат̇авийд̇хаад̇уяаа ниссаран̣анд̇и сажчигирияаабадивзд̇хо нирод̇хасажжам̣. яаа имзсу д̇ийсу таанзсу д̣̇идти сан̇габбо ваажаа гамманд̇о ааж̇ийво вааяаамо сад̇и самаад̇хи, аяам̣ бхааванаабадивзд̇хо маг̇г̇асажжанд̇и. д̣̇уд̇ияам̣.
Imasmiṃ sutte cattāri saccāni kathitāni. Kathaṃ? Catūsu hi dhātūsu assādo samudayasaccaṃ, ādīnavo dukkhasaccaṃ, nissaraṇaṃ nirodhasaccaṃ, nirodhappajānano maggo maggasaccaṃ. Vitthāravasenapi kathetuṃ vaṭṭatiyeva. Ettha hi yaṃ pathavīdhātuṃ paṭicca uppajjati sukhaṃ somanassaṃ, ayaṃ pathavīdhātuyā assādoti pahānapaṭivedho samudayasaccaṃ. Yā pathavīdhātu aniccā dukkhā vipariṇāmadhammā, ayaṃ pathavīdhātuyā, ādīnavoti pariññāpaṭivedho dukkhasaccaṃ. Yo pathavīdhātuyā chandarāgavinayo chandarāgappahānaṃ, idaṃ pathavīdhātuyā nissaraṇanti sacchikiriyāpaṭivedho nirodhasaccaṃ. Yā imesu tīsu ṭhānesu diṭṭhi saṅkappo vācā kammanto ājīvo vāyāmo sati samādhi, ayaṃ bhāvanāpaṭivedho maggasaccanti. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. буб̣б̣зсамб̣од̇хасуд̇д̇ам̣ • 2. Pubbesambodhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. буб̣б̣зсамб̣од̇хасуд̇д̇аван̣н̣анаа • 2. Pubbesambodhasuttavaṇṇanā
