| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. буб̣б̣зсамб̣од̇хасуд̇д̇аван̣н̣анаа
2. Pubbesambodhasuttavaṇṇanā
115. аяам̣ бат̇авийд̇хаад̇ум̣ ниссааяа д̇ам̣ аараб̣бха бавад̇д̇о ассаад̣̇о. звам̣ бавад̇д̇аананд̇и звам̣ гааяз бабхаавасса бавзд̣̇анавасзнзва бавад̇д̇аанам̣. худ̇ваа абхааваагаарзнаад̇и буб̣б̣з авиж̇ж̇амаанаа бажжаяасаамаг̇г̇ияаа худ̇ваа уббаж̇ж̇ид̇ваа буна бхан̇г̇убаг̇аманад̇о уд̣̇д̇хам̣ абхааваагаарзна. на нижжаад̇и анижжаа ад̣̇д̇хувад̇д̇аа, д̇хувам̣ нижжам̣. бадибийл̣анаагаарзнаад̇и уд̣̇аяаб̣б̣аяавасзна абхин̣хам̣ бийл̣анаагаарзна д̣̇угкадтзна. сабхаававиг̇амаагаарзнаад̇и ад̇д̇ано сабхаавасса виг̇ажчанаагаарзна. сабхаавад̇хаммаа хи аббамад̇д̇ам̣ кан̣ам̣ бад̇ваа нируж̇жханд̇и. д̇асмаа д̇з ‘‘ж̇арааяа маран̣зна жаа’’д̇и д̣̇взд̇хаа вибарин̣аманд̇и. д̇знааха ‘‘вибарин̣аамад̇хаммаа’’д̇и. аад̣̇ийнам̣ ваад̇и бавад̇д̇зд̇ийд̇и аад̣̇ийнаво, барамагаабан̃н̃ад̇аа. винийяад̇ийд̇и вуубасамийяад̇и. ажжанд̇аббахаанавасзна ниссарад̇и зд̇знаад̇и ниссаран̣ам̣.
115. Ayaṃ pathavīdhātuṃ nissāya taṃ ārabbha pavatto assādo. Evaṃ pavattānanti evaṃ kāye pabhāvassa pavedanavaseneva pavattānaṃ. Hutvā abhāvākārenāti pubbe avijjamānā paccayasāmaggiyā hutvā uppajjitvā puna bhaṅgupagamanato uddhaṃ abhāvākārena. Na niccāti aniccā addhuvattā, dhuvaṃ niccaṃ. Paṭipīḷanākārenāti udayabbayavasena abhiṇhaṃ pīḷanākārena dukkhaṭṭhena. Sabhāvavigamākārenāti attano sabhāvassa vigacchanākārena. Sabhāvadhammā hi appamattaṃ khaṇaṃ patvā nirujjhanti. Tasmā te ‘‘jarāya maraṇena cā’’ti dvedhā vipariṇamanti. Tenāha ‘‘vipariṇāmadhammā’’ti. Ādīnaṃ vāti pavattetīti ādīnavo, paramakāpaññatā. Vinīyatīti vūpasamīyati. Accantappahānavasena nissarati etenāti nissaraṇaṃ.
сааяам̣ нибаннаа саб̣б̣арад̇д̇им̣ кзбзд̇ваа баад̇о удтахаама, маасабун̣н̣агхадо вияа но сарийрам̣ ниссанд̣̇аабхаавад̇о.
Sāyaṃ nipannā sabbarattiṃ khepetvā pāto uṭṭhahāma, māsapuṇṇaghaṭo viya no sarīraṃ nissandābhāvato.
пусид̇амад̇д̇зсубийд̇и уд̣̇агасса пусид̇амад̇д̇зсуби.
Phusitamattesupīti udakassa phusitamattesupi.
ад̇инаамзнд̇и гаалам̣. звам̣ вуд̇д̇анаязна бавад̇д̇аа буг̇г̇алаа зд̇аа бат̇авийд̇хаад̇уаад̣̇аяо ассаад̣̇знд̇и наама абхирад̇ивасзна д̇ад̇т̇а ааган̇куббаад̣̇анад̇о.
Atināmenti kālaṃ. Evaṃ vuttanayena pavattā puggalā etā pathavīdhātuādayo assādenti nāma abhirativasena tattha ākaṅkhuppādanato.
абхивисидтзна н̃аан̣знаад̇и аг̇г̇амаг̇г̇ан̃аан̣зна. ругко б̣од̇хи ‘‘б̣уж̇жхад̇и зд̇т̇аа’’д̇и гад̇ваа. маг̇г̇о б̣од̇хи ‘‘б̣уж̇жхад̇и зд̇знаа’’д̇и гад̇ваа. саб̣б̣ан̃н̃уд̇ан̃н̃аан̣ам̣ б̣од̇хи саммаа сааман̃жа саб̣б̣ад̇хаммаанам̣ б̣уж̇жханад̇о. ниб̣б̣аанам̣ б̣од̇хи б̣уж̇жхид̇аб̣б̣ад̇о. д̇зсанд̇и нид̣̇д̇хааран̣з саамиважанам̣. саавагабаарамийн̃аан̣анд̇и саавагабаарамийн̃аан̣ам̣ яаат̇аавад̇о д̣̇ассанавад̇т̇у.
Abhivisiṭṭhena ñāṇenāti aggamaggañāṇena. Rukkho bodhi ‘‘bujjhati etthā’’ti katvā. Maggo bodhi ‘‘bujjhati etenā’’ti katvā. Sabbaññutaññāṇaṃ bodhi sammā sāmañca sabbadhammānaṃ bujjhanato. Nibbānaṃ bodhi bujjhitabbato. Tesanti niddhāraṇe sāmivacanaṃ. Sāvakapāramīñāṇanti sāvakapāramīñāṇaṃ yāthāvato dassanavatthu.
агуббаад̇и бадибагкзхи агобзд̇аб̣б̣о. гааран̣ад̇од̇и арияамаг̇г̇ад̇о. д̇ад̇о хисса агуббад̇аа. д̇знааха ‘‘саа хий’’д̇иаад̣̇ий. аарамман̣ад̇од̇и ниб̣б̣аанаарамман̣ад̇о ниб̣б̣аанаарамман̣аанам̣ логияасамаабад̇д̇ийнам̣ абхаавад̇о.
Akuppāti paṭipakkhehi akopetabbo. Kāraṇatoti ariyamaggato. Tato hissa akuppatā. Tenāha ‘‘sā hī’’tiādī. Ārammaṇatoti nibbānārammaṇato nibbānārammaṇānaṃ lokiyasamāpattīnaṃ abhāvato.
вид̇т̇ааравасзнаад̇и згзгад̇хаад̇увасзнаад̇и вад̣̇анд̇и, згзгиссаа бана д̇хаад̇уяаа лагкан̣авибхад̇д̇ид̣̇ассанавасзна. яанд̇и хзд̇уад̇т̇з нибаад̇о, яам̣ нимид̇д̇анд̇и ад̇т̇о. ассаад̣̇зд̇и зд̇знаад̇и ассаад̣̇о, д̇ан̣хаа. аяам̣ бат̇авийд̇хаад̇уяаа ассаад̣̇од̇и зд̇т̇а аяам̣-сад̣̇д̣̇о ‘‘бахаанабадивзд̇хо’’д̇и зд̇т̇ааби аанзд̇ваа самб̣анд̇хид̇аб̣б̣о ‘‘аяам̣ бахаанабадивзд̇хо бадивиж̇жхид̇аб̣б̣адтзна самуд̣̇аяасажжа’’нд̇и. зса наяо сзсасажжзсуби. яаад̇и яат̇аавуд̇д̇зсу ассаад̣̇о аад̣̇ийнаво ниссаран̣анд̇и имзсу д̇ийсу таанзсу бавад̇д̇аа яаа д̣̇идти…бз… яо самаад̇хи, аяам̣ бхааванаабадивзд̇хо маг̇г̇асажжанд̇и вуд̇д̇анаязнзва яож̇зд̇аб̣б̣ам̣.
Vitthāravasenāti ekekadhātuvasenāti vadanti, ekekissā pana dhātuyā lakkhaṇavibhattidassanavasena. Yanti hetuatthe nipāto, yaṃ nimittanti attho. Assādeti etenāti assādo, taṇhā. Ayaṃ pathavīdhātuyā assādoti ettha ayaṃ-saddo ‘‘pahānapaṭivedho’’ti etthāpi ānetvā sambandhitabbo ‘‘ayaṃ pahānapaṭivedho paṭivijjhitabbaṭṭhena samudayasacca’’nti. Esa nayo sesasaccesupi. Yāti yathāvuttesu assādo ādīnavo nissaraṇanti imesu tīsu ṭhānesu pavattā yā diṭṭhi…pe… yo samādhi, ayaṃ bhāvanāpaṭivedho maggasaccanti vuttanayeneva yojetabbaṃ.
буб̣б̣зсамб̣од̇хасуд̇д̇аван̣н̣анаа нидтид̇аа.
Pubbesambodhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. буб̣б̣зсамб̣од̇хасуд̇д̇ам̣ • 2. Pubbesambodhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. буб̣б̣зсамб̣од̇хасуд̇д̇аван̣н̣анаа • 2. Pubbesambodhasuttavaṇṇanā
