| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. д̇ад̇ияабан̣н̣аасагам̣
3. Tatiyapaṇṇāsakaṃ
(11) 1. самб̣од̇хаваг̇г̇о
(11) 1. Sambodhavaggo
1-3. буб̣б̣звасамб̣од̇хасуд̇д̇аад̣̇иван̣н̣анаа
1-3. Pubbevasambodhasuttādivaṇṇanā
104-106. д̇ад̇ияасса батамз самб̣од̇хид̇о буб̣б̣зваад̇и самб̣од̇хо вужжад̇и жад̇уусу маг̇г̇зсу н̃аан̣ам̣ ‘‘саамам̣ саммаа б̣уж̇жхи зд̇знаа’’д̇и гад̇ваа, д̇ад̇о буб̣б̣зязваад̇и ад̇т̇о. д̇знааха ‘‘арияамаг̇г̇аббад̇д̇ид̇о абарабхааг̇зязваа’’д̇и. б̣од̇хисад̇д̇ассзва сад̇од̇и зд̇т̇а яат̇аа уд̣̇агад̇о уг̇г̇анд̇ваа тид̇ам̣ барибаагаг̇ад̇ам̣ бад̣̇умам̣ суурияарасмисампассзна авассам̣ б̣уж̇жхиссад̇ийд̇и б̣уж̇жханагабад̣̇уманд̇и вужжад̇и. звам̣ б̣уд̣̇д̇хаанам̣ санд̇игз б̣яаагаран̣асса лад̣̇д̇хад̇д̇аа авассам̣ ананд̇арааязна баарамияо буурзд̇ваа б̣уж̇жхиссад̇ийд̇и б̣уж̇жханагасад̇д̇од̇и б̣од̇хисад̇д̇о. д̇знааха ‘‘б̣уж̇жханагасад̇д̇ассзва…бз… аарабханд̇ассзва сад̇о’’д̇и. яаа ваа зсаа жад̇умаг̇г̇ан̃аан̣асан̇каад̇аа б̣од̇хи, ‘‘д̇ам̣ б̣од̇хим̣ гуд̣̇аассу наамаахам̣ баабун̣иссаамий’’д̇и бад̇т̇аяамаано бадибаж̇ж̇ад̇ийд̇и б̣од̇хияам̣ сад̇д̇о аасад̇д̇од̇иби б̣од̇хисад̇д̇о. д̇знааха ‘‘самб̣од̇хияаа ваа сад̇д̇ассзва лаг̇г̇ассзва сад̇о’’д̇и.
104-106. Tatiyassa paṭhame sambodhito pubbevāti sambodho vuccati catūsu maggesu ñāṇaṃ ‘‘sāmaṃ sammā bujjhi etenā’’ti katvā, tato pubbeyevāti attho. Tenāha ‘‘ariyamaggappattito aparabhāgeyevā’’ti. Bodhisattasseva satoti ettha yathā udakato uggantvā ṭhitaṃ paripākagataṃ padumaṃ sūriyarasmisamphassena avassaṃ bujjhissatīti bujjhanakapadumanti vuccati. Evaṃ buddhānaṃ santike byākaraṇassa laddhattā avassaṃ anantarāyena pāramiyo pūretvā bujjhissatīti bujjhanakasattoti bodhisatto. Tenāha ‘‘bujjhanakasattasseva…pe… ārabhantasseva sato’’ti. Yā vā esā catumaggañāṇasaṅkhātā bodhi, ‘‘taṃ bodhiṃ kudāssu nāmāhaṃ pāpuṇissāmī’’ti patthayamāno paṭipajjatīti bodhiyaṃ satto āsattotipi bodhisatto. Tenāha ‘‘sambodhiyā vā sattasseva laggasseva sato’’ti.
ат̇а ваа б̣од̇хийд̇и н̃аан̣ам̣ ‘‘б̣уж̇жхад̇и зд̇знаа’’д̇и гад̇ваа, б̣од̇химаа сад̇д̇о б̣од̇хисад̇д̇о, буримабад̣̇з уд̇д̇арабад̣̇алобам̣ гад̇ваа яат̇аа ‘‘н̃аан̣асад̇д̇о’’д̇и, н̃аан̣аваа бан̃н̃аваа бан̣д̣ид̇о сад̇д̇од̇и ад̇т̇о. б̣уд̣̇д̇хаанан̃хи баад̣̇амуулз абхинийхаарад̇о бадтааяа бан̣д̣ид̇ова со сад̇д̇о, на анд̇хаб̣аалод̇и б̣од̇хисад̇д̇о. звам̣ г̇ун̣авад̇о уббаннанаамавасзна б̣од̇хисад̇д̇ассзва сад̇о. ассаад̣̇ийяад̇ийд̇и ассаад̣̇о, сукам̣. д̇ан̃жа саад̇аагааралагкан̣анд̇и ааха ‘‘ассаад̣̇од̇и мад̇хураагааро’’д̇и. чанд̣̇арааг̇о винийяад̇и жзва бахийяад̇и жа зд̇т̇аад̇и ниб̣б̣аанам̣ ‘‘чанд̣̇арааг̇авинаяо чанд̣̇арааг̇аббахаанан̃жаа’’д̇и вужжад̇и. д̇знааха ‘‘ниб̣б̣аана’’нд̇иаад̣̇и. д̇ад̇т̇а ааг̇аммаад̇и ид̣̇ам̣ яо ж̇ано рааг̇ам̣ винзд̇и баж̇ахад̇и жа, д̇асса аарамман̣агаран̣ам̣ санд̇хааяа вуд̇д̇ам̣. д̣̇уд̇ияад̇ад̇ияаани уд̇д̇аанад̇т̇аанзва.
Atha vā bodhīti ñāṇaṃ ‘‘bujjhati etenā’’ti katvā, bodhimā satto bodhisatto, purimapade uttarapadalopaṃ katvā yathā ‘‘ñāṇasatto’’ti, ñāṇavā paññavā paṇḍito sattoti attho. Buddhānañhi pādamūle abhinīhārato paṭṭhāya paṇḍitova so satto, na andhabāloti bodhisatto. Evaṃ guṇavato uppannanāmavasena bodhisattasseva sato. Assādīyatīti assādo, sukhaṃ. Tañca sātākāralakkhaṇanti āha ‘‘assādoti madhurākāro’’ti. Chandarāgo vinīyati ceva pahīyati ca etthāti nibbānaṃ ‘‘chandarāgavinayo chandarāgappahānañcā’’ti vuccati. Tenāha ‘‘nibbāna’’ntiādi. Tattha āgammāti idaṃ yo jano rāgaṃ vineti pajahati ca, tassa ārammaṇakaraṇaṃ sandhāya vuttaṃ. Dutiyatatiyāni uttānatthāneva.
буб̣б̣звасамб̣од̇хасуд̇д̇аад̣̇иван̣н̣анаа нидтид̇аа.
Pubbevasambodhasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
1. буб̣б̣звасамб̣од̇хасуд̇д̇ам̣ • 1. Pubbevasambodhasuttaṃ
2. батамаассаад̣̇асуд̇д̇ам̣ • 2. Paṭhamaassādasuttaṃ
3. д̣̇уд̇ияаассаад̣̇асуд̇д̇ам̣ • 3. Dutiyaassādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
1. буб̣б̣звасамб̣од̇хасуд̇д̇аван̣н̣анаа • 1. Pubbevasambodhasuttavaṇṇanā
2. батамаассаад̣̇асуд̇д̇аван̣н̣анаа • 2. Paṭhamaassādasuttavaṇṇanā
