1. буб̣б̣звасамб̣од̇хасуд̇д̇ам̣

1. Pubbevasambodhasuttaṃ

104. ‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘го ну ко логз ассаад̣̇о, го аад̣̇ийнаво, гим̣ ниссаран̣а’нд̇и? д̇асса маяхам̣, бхигкавз, зд̇ад̣̇ахоси – ‘яам̣ ко логам̣ ¹ бадижжа уббаж̇ж̇ад̇и сукам̣ соманассам̣, аяам̣ логз ассаад̣̇о. яам̣ лого ² анижжо д̣̇угко вибарин̣аамад̇хаммо, аяам̣ логз аад̣̇ийнаво. яо логз чанд̣̇арааг̇авинаяо чанд̣̇арааг̇аббахаанам̣, ид̣̇ам̣ логз ниссаран̣а’нд̇и ³. яаавагийван̃жаахам̣, бхигкавз, звам̣ логасса ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ нааб̣бхан̃н̃аасим̣, нзва д̇ааваахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и ⁴ бажжан̃н̃аасим̣. яад̇о жа кваахам̣ ⁵, бхигкавз, звам̣ логасса ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃аасим̣, ат̇аахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ‘ануд̇д̇арам̣ саммаасамб̣од̇хим̣ абхисамб̣уд̣̇д̇хо’д̇и бажжан̃н̃аасим̣. н̃аан̣ан̃жа бана мз д̣̇ассанам̣ уд̣̇абаад̣̇и – ‘агуббаа мз вимуд̇д̇и ⁶, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и. батамам̣.

104. ‘‘Pubbeva me, bhikkhave, sambodhā anabhisambuddhassa bodhisattasseva sato etadahosi – ‘ko nu kho loke assādo, ko ādīnavo, kiṃ nissaraṇa’nti? Tassa mayhaṃ, bhikkhave, etadahosi – ‘yaṃ kho lokaṃ ⁷ paṭicca uppajjati sukhaṃ somanassaṃ, ayaṃ loke assādo. Yaṃ loko ⁸ anicco dukkho vipariṇāmadhammo, ayaṃ loke ādīnavo. Yo loke chandarāgavinayo chandarāgappahānaṃ, idaṃ loke nissaraṇa’nti ⁹. Yāvakīvañcāhaṃ, bhikkhave, evaṃ lokassa assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsiṃ, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti ¹⁰ paccaññāsiṃ. Yato ca khvāhaṃ ¹¹, bhikkhave, evaṃ lokassa assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsiṃ, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ. Ñāṇañca pana me dassanaṃ udapādi – ‘akuppā me vimutti ¹², ayamantimā jāti, natthi dāni punabbhavo’’’ti. Paṭhamaṃ.

Next: 2. батамаассаад̣̇асуд̇д̇ам̣ • 2. Paṭhamaassādasuttaṃ

Footnotes:

1. логз (сий. сяаа. гам̣. бий.)

2. логз (бий. га.)

3. логаниссаран̣ам̣ (адта.) ‘‘логз ниссаран̣а’’нд̇и бад̣̇зна сам̣санд̣̇ид̇аб̣б̣ам̣

4. абхисамб̣уд̣̇д̇хо (сий. сяаа. гам̣. га.)

5. ко ахам̣ (сий. бий.), кохам̣ (сяаа. гам̣. га.)

6. жзд̇овимуд̇д̇и (сий. бий. га.)

7. loke (sī. syā. kaṃ. pī.)

8. loke (pī. ka.)

9. lokanissaraṇaṃ (aṭṭha.) ‘‘loke nissaraṇa’’nti padena saṃsanditabbaṃ

10. abhisambuddho (sī. syā. kaṃ. ka.)

11. kho ahaṃ (sī. pī.), khohaṃ (syā. kaṃ. ka.)

12. cetovimutti (sī. pī. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. буб̣б̣звасамб̣од̇хасуд̇д̇аван̣н̣анаа • 1. Pubbevasambodhasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-3. буб̣б̣звасамб̣од̇хасуд̇д̇аад̣̇иван̣н̣анаа • 1-3. Pubbevasambodhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact