| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. д̇ад̇ияабан̣н̣аасагам̣
3. Tatiyapaṇṇāsakaṃ
(11) 1. самб̣од̇хаваг̇г̇о
(11) 1. Sambodhavaggo
1. буб̣б̣звасамб̣од̇хасуд̇д̇аван̣н̣анаа
1. Pubbevasambodhasuttavaṇṇanā
104. д̇ад̇ияасса батамз буб̣б̣зва самб̣од̇хаад̇и самб̣од̇хид̇о буб̣б̣зва, арияамаг̇г̇аббад̇д̇ид̇о абарабхааг̇зязваад̇и вуд̇д̇ам̣ ход̇и. анабхисамб̣уд̣̇д̇хассаад̇и аббадивид̣̇д̇хажад̇усажжасса. б̣од̇хисад̇д̇ассзва сад̇од̇и б̣уж̇жханагасад̇д̇ассзва сад̇о, саммаасамб̣од̇хим̣ ад̇хиг̇анд̇ум̣ аарабханд̇ассзва сад̇о, самб̣од̇хияаа ваа сад̇д̇ассзва лаг̇г̇ассзва сад̇о. д̣̇ийбан̇гарасса хи бхаг̇авад̇о баад̣̇амуулз адтад̇хаммасамод̇хаанзна абхинийхаарасамид̣̇д̇хид̇о бабхуд̇и д̇ат̇ааг̇ад̇о саммаасамб̣од̇хим̣ сад̇д̇о лаг̇г̇о ‘‘бад̇д̇аб̣б̣аа маяаа зсаа’’д̇и д̇ад̣̇ад̇хиг̇амааяа бараггамам̣ амун̃жанд̇оязва ааг̇ад̇о, д̇асмаа б̣од̇хисад̇д̇од̇и вужжад̇и. го ну код̇и гад̇амо ну ко. логод̇и сан̇кааралого. ассаад̣̇од̇и мад̇хураагааро. аад̣̇ийнавод̇и анабхинанд̣̇ид̇аб̣б̣аагааро. д̇асса маяханд̇и д̇асса звам̣ б̣од̇хисад̇д̇ассзва сад̇о маяхам̣. чанд̣̇арааг̇авинаяо чанд̣̇арааг̇аббахаананд̇и ниб̣б̣аанам̣ ааг̇амма аараб̣бха бадижжа чанд̣̇арааг̇о винаяам̣ г̇ажчад̇и бахийяад̇и, д̇асмаа ниб̣б̣аанам̣ ‘‘чанд̣̇арааг̇авинаяо чанд̣̇арааг̇аббахаана’’нд̇и вужжад̇и. ид̣̇ам̣ логаниссаран̣анд̇и ид̣̇ам̣ ниб̣б̣аанам̣ логад̇о ниссадад̇д̇аа логаниссаран̣анд̇и вужжад̇и. яаавагийванд̇и яад̇д̇агам̣ бамаан̣ам̣ гаалам̣. аб̣бхан̃н̃аасинд̇и абхивисидтзна арияамаг̇г̇ан̃аан̣зна ан̃н̃аасим̣. н̃аан̣ан̃жа бана мз д̣̇ассананд̇и д̣̇вийхиби бад̣̇зхи бажжавзгкан̣ан̃аан̣ам̣ вуд̇д̇ам̣. сзсамзд̇т̇а уд̇д̇аанамзваад̇и.
104. Tatiyassa paṭhame pubbeva sambodhāti sambodhito pubbeva, ariyamaggappattito aparabhāgeyevāti vuttaṃ hoti. Anabhisambuddhassāti appaṭividdhacatusaccassa. Bodhisattasseva satoti bujjhanakasattasseva sato, sammāsambodhiṃ adhigantuṃ ārabhantasseva sato, sambodhiyā vā sattasseva laggasseva sato. Dīpaṅkarassa hi bhagavato pādamūle aṭṭhadhammasamodhānena abhinīhārasamiddhito pabhuti tathāgato sammāsambodhiṃ satto laggo ‘‘pattabbā mayā esā’’ti tadadhigamāya parakkamaṃ amuñcantoyeva āgato, tasmā bodhisattoti vuccati. Ko nu khoti katamo nu kho. Lokoti saṅkhāraloko. Assādoti madhurākāro. Ādīnavoti anabhinanditabbākāro. Tassa mayhanti tassa evaṃ bodhisattasseva sato mayhaṃ. Chandarāgavinayo chandarāgappahānanti nibbānaṃ āgamma ārabbha paṭicca chandarāgo vinayaṃ gacchati pahīyati, tasmā nibbānaṃ ‘‘chandarāgavinayo chandarāgappahāna’’nti vuccati. Idaṃ lokanissaraṇanti idaṃ nibbānaṃ lokato nissaṭattā lokanissaraṇanti vuccati. Yāvakīvanti yattakaṃ pamāṇaṃ kālaṃ. Abbhaññāsinti abhivisiṭṭhena ariyamaggañāṇena aññāsiṃ. Ñāṇañca pana me dassananti dvīhipi padehi paccavekkhaṇañāṇaṃ vuttaṃ. Sesamettha uttānamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. буб̣б̣звасамб̣од̇хасуд̇д̇ам̣ • 1. Pubbevasambodhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-3. буб̣б̣звасамб̣од̇хасуд̇д̇аад̣̇иван̣н̣анаа • 1-3. Pubbevasambodhasuttādivaṇṇanā
