| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༧. པུཙྪཱཝིབྷཱགོ
7. Pucchāvibhāgo
༣༩༨. ཀིཾ ཏེ དིཊྛནྟི ཀཏམཱ པུཙྪཱ? ཀིནྟི ཏེ དིཊྛནྟི ཀཏམཱ པུཙྪཱ? ཀདཱ ཏེ དིཊྛནྟི ཀཏམཱ པུཙྪཱ? ཀཏྠ ཏེ དིཊྛནྟི ཀཏམཱ པུཙྪཱ?
398. Kiṃ te diṭṭhanti katamā pucchā? Kinti te diṭṭhanti katamā pucchā? Kadā te diṭṭhanti katamā pucchā? Kattha te diṭṭhanti katamā pucchā?
༣༩༩. ཀིཾ ཏེ དིཊྛནྟི ཝཏྠུཔུཙྪཱ, ཝིཔཏྟིཔུཙྪཱ, ཨཱཔཏྟིཔུཙྪཱ, ཨཛ྄ཛྷཱཙཱརཔུཙྪཱ། ཝཏྠུཔུཙྪཱཏི – ཨཊྛཔཱརཱཛིཀཱནཾ ཝཏྠུཔུཙྪཱ, ཏེཝཱིསསངྒྷཱདིསེསཱནཾ ཝཏྠུཔུཙྪཱ, དྭེཨནིཡཏཱནཾ ཝཏྠུཔུཙྪཱ, དྭེཙཏྟཱརཱིསནིསྶགྒིཡཱནཾ ཝཏྠུཔུཙྪཱ, ཨཊྛཱསཱིཏིསཏཔཱཙིཏྟིཡཱནཾ ཝཏྠུཔུཙྪཱ, དྭཱདསཔཱཊིདེསནཱིཡཱནཾ ཝཏྠུཔུཙྪཱ, དུཀྐཊཱནཾ ཝཏྠུཔུཙྪཱ, དུབྦྷཱསིཏཱནཾ ཝཏྠུཔུཙྪཱ། ཝིཔཏྟིཔུཙྪཱཏི – སཱིལཝིཔཏྟིཔུཙྪཱ, ཨཱཙཱརཝིཔཏྟིཔུཙྪཱ, དིཊྛིཝིཔཏྟིཔུཙྪཱ , ཨཱཛཱིཝཝིཔཏྟིཔུཙྪཱ། ཨཱཔཏྟིཔུཙྪཱཏི – པཱརཱཛིཀཱཔཏྟིཔུཙྪཱ, སངྒྷཱདིསེསཱཔཏྟིཔུཙྪཱ, ཐུལླཙྩཡཱཔཏྟིཔུཙྪཱ, པཱཙིཏྟིཡཱཔཏྟིཔུཙྪཱ, པཱཊིདེསནཱིཡཱཔཏྟིཔུཙྪཱ, དུཀྐཊཱཔཏྟིཔུཙྪཱ, དུབྦྷཱསིཏཱཔཏྟིཔུཙྪཱ། ཨཛ྄ཛྷཱཙཱརཔུཙྪཱཏི – དྭཡཾདྭཡསམཱཔཏྟིཔུཙྪཱ།
399.Kiṃ te diṭṭhanti vatthupucchā, vipattipucchā, āpattipucchā, ajjhācārapucchā. Vatthupucchāti – aṭṭhapārājikānaṃ vatthupucchā, tevīsasaṅghādisesānaṃ vatthupucchā, dveaniyatānaṃ vatthupucchā, dvecattārīsanissaggiyānaṃ vatthupucchā, aṭṭhāsītisatapācittiyānaṃ vatthupucchā, dvādasapāṭidesanīyānaṃ vatthupucchā, dukkaṭānaṃ vatthupucchā, dubbhāsitānaṃ vatthupucchā. Vipattipucchāti – sīlavipattipucchā, ācāravipattipucchā, diṭṭhivipattipucchā , ājīvavipattipucchā. Āpattipucchāti – pārājikāpattipucchā, saṅghādisesāpattipucchā, thullaccayāpattipucchā, pācittiyāpattipucchā, pāṭidesanīyāpattipucchā, dukkaṭāpattipucchā, dubbhāsitāpattipucchā. Ajjhācārapucchāti – dvayaṃdvayasamāpattipucchā.
༤༠༠. ཀིནྟི ཏེ དིཊྛནྟི ལིངྒཔུཙྪཱ, ཨིརིཡཱཔཐཔུཙྪཱ, ཨཱཀཱརཔུཙྪཱ, ཝིཔྤཀཱརཔུཙྪཱ། ལིངྒཔུཙྪཱཏི – དཱིགྷཾ ཝཱ རསྶཾ ཝཱ ཀཎྷཾ ཝཱ ཨོདཱཏཾ ཝཱ། ཨིརིཡཱཔཐཔུཙྪཱཏི གཙྪནྟཾ ཝཱ ཋིཏཾ ཝཱ ནིསིནྣཾ ཝཱ ནིཔནྣཾ ཝཱ། ཨཱཀཱརཔུཙྪཱཏི གིཧིལིངྒེ ཝཱ ཏིཏྠིཡལིངྒེ ཝཱ པབྦཛིཏལིངྒེ ཝཱ། ཝིཔྤཀཱརཔུཙྪཱཏི གཙྪནྟཾ ཝཱ ཋིཏཾ ཝཱ ནིསིནྣཾ ཝཱ ནིཔནྣཾ ཝཱ།
400.Kinti te diṭṭhanti liṅgapucchā, iriyāpathapucchā, ākārapucchā, vippakārapucchā. Liṅgapucchāti – dīghaṃ vā rassaṃ vā kaṇhaṃ vā odātaṃ vā. Iriyāpathapucchāti gacchantaṃ vā ṭhitaṃ vā nisinnaṃ vā nipannaṃ vā. Ākārapucchāti gihiliṅge vā titthiyaliṅge vā pabbajitaliṅge vā. Vippakārapucchāti gacchantaṃ vā ṭhitaṃ vā nisinnaṃ vā nipannaṃ vā.
༤༠༡. ཀདཱ ཏེ དིཊྛནྟི ཀཱལཔུཙྪཱ, སམཡཔུཙྪཱ, དིཝསཔུཙྪཱ, ཨུཏུཔུཙྪཱ། ཀཱལཔུཙྪཱཏི པུབྦཎྷཀཱལེ ཝཱ མཛ྄ཛྷནྷིཀཀཱལེ ཝཱ སཱཡནྷཀཱལེ ཝཱ། སམཡཔུཙྪཱཏི པུབྦཎྷསམཡེ ཝཱ མཛ྄ཛྷནྷིཀསམཡེ ཝཱ སཱཡནྷསམཡེ ཝཱ། དིཝསཔུཙྪཱཏི པུརེབྷཏྟཾ ཝཱ པཙྪཱབྷཏྟཾ ཝཱ རཏྟིཾ ཝཱ དིཝཱ ཝཱ ཀཱལེ༹ ཝཱ ཛུཎྷེ ཝཱ། ཨུཏུཔུཙྪཱཏི ཧེམནྟེ ཝཱ གིམྷེ ཝཱ ཝསྶེ ཝཱ 1།
401.Kadāte diṭṭhanti kālapucchā, samayapucchā, divasapucchā, utupucchā. Kālapucchāti pubbaṇhakāle vā majjhanhikakāle vā sāyanhakāle vā. Samayapucchāti pubbaṇhasamaye vā majjhanhikasamaye vā sāyanhasamaye vā. Divasapucchāti purebhattaṃ vā pacchābhattaṃ vā rattiṃ vā divā vā kāḷe vā juṇhe vā. Utupucchāti hemante vā gimhe vā vasse vā 2.
༤༠༢. ཀཏྠ ཏེ དིཊྛནྟི ཋཱནཔུཙྪཱ, བྷཱུམིཔུཙྪཱ, ཨོཀཱསཔུཙྪཱ, པདེསཔུཙྪཱ། ཋཱནཔུཙྪཱཏི བྷཱུམིཡཱ ཝཱ པཐཝིཡཱ ཝཱ དྷརཎིཡཱ ཝཱ ཛགཏིཡཱ ཝཱ། བྷཱུམིཔུཙྪཱཏི བྷཱུམིཡཱ ཝཱ པཐཝིཡཱ ཝཱ པབྦཏེ ཝཱ པཱསཱཎེ ཝཱ པཱསཱདེ ཝཱ། ཨོཀཱསཔུཙྪཱཏི པུརཏྠིམེ ཝཱ ཨོཀཱསེ པཙྪིམེ ཝཱ ཨོཀཱསེ ཨུཏྟརེ ཝཱ ཨོཀཱསེ དཀྑིཎེ ཝཱ ཨོཀཱསེ། པདེསཔུཙྪཱཏི པུརཏྠིམེ ཝཱ པདེསེ པཙྪིམེ ཝཱ པདེསེ ཨུཏྟརེ ཝཱ པདེསེ དཀྑིཎེ ཝཱ པདེསེཏི།
402.Kattha te diṭṭhanti ṭhānapucchā, bhūmipucchā, okāsapucchā, padesapucchā. Ṭhānapucchāti bhūmiyā vā pathaviyā vā dharaṇiyā vā jagatiyā vā. Bhūmipucchāti bhūmiyā vā pathaviyā vā pabbate vā pāsāṇe vā pāsāde vā. Okāsapucchāti puratthime vā okāse pacchime vā okāse uttare vā okāse dakkhiṇe vā okāse. Padesapucchāti puratthime vā padese pacchime vā padese uttare vā padese dakkhiṇe vā padeseti.
མཧཱསངྒཱམོ ནིཊྛིཏོ།
Mahāsaṅgāmo niṭṭhito.
ཏསྶུདྡཱནཾ –
Tassuddānaṃ –
ཝཏྠུ ནིདཱནཾ ཨཱཀཱརོ, པུབྦཱཔརཾ ཀཏཱཀཏཾ།
Vatthu nidānaṃ ākāro, pubbāparaṃ katākataṃ;
ཀམྨཱདྷིཀརཎཉྩེཝ, སམཐོ ཚནྡགཱམི ཙ༎
Kammādhikaraṇañceva, samatho chandagāmi ca.
དོསཱ མོཧཱ བྷཡཱ ཙེཝ, སཉྙཱ ནིཛ྄ཛྷཱཔནེན ཙ།
Dosā mohā bhayā ceva, saññā nijjhāpanena ca;
པེཀྑཱ པསཱདེ པཀྑོམྷི, སུཏཐེརཏརེན ཙ༎
Pekkhā pasāde pakkhomhi, sutatheratarena ca.
ཨསམྤཏྟཉྩ སམྤཏྟཾ, དྷམྨེན ཝིནཡེན ཙ།
Asampattañca sampattaṃ, dhammena vinayena ca;
སཏྠུསྶ སཱསནེནཱཔི, མཧཱསངྒཱམཉཱཔནཱཏི༎
Satthussa sāsanenāpi, mahāsaṅgāmañāpanāti.
Footnotes:
Related texts:
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཝོཧརནྟེནཛཱནིཏབྦཱདིཝཎྞནཱ • Voharantenajānitabbādivaṇṇanā
