| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੭. ਪੁਚ੍ਛਾવਿਭਾਗੋ
7. Pucchāvibhāgo
੩੯੮. ਕਿਂ ਤੇ ਦਿਟ੍ਠਨ੍ਤਿ ਕਤਮਾ ਪੁਚ੍ਛਾ? ਕਿਨ੍ਤਿ ਤੇ ਦਿਟ੍ਠਨ੍ਤਿ ਕਤਮਾ ਪੁਚ੍ਛਾ? ਕਦਾ ਤੇ ਦਿਟ੍ਠਨ੍ਤਿ ਕਤਮਾ ਪੁਚ੍ਛਾ? ਕਤ੍ਥ ਤੇ ਦਿਟ੍ਠਨ੍ਤਿ ਕਤਮਾ ਪੁਚ੍ਛਾ?
398. Kiṃ te diṭṭhanti katamā pucchā? Kinti te diṭṭhanti katamā pucchā? Kadā te diṭṭhanti katamā pucchā? Kattha te diṭṭhanti katamā pucchā?
੩੯੯. ਕਿਂ ਤੇ ਦਿਟ੍ਠਨ੍ਤਿ વਤ੍ਥੁਪੁਚ੍ਛਾ, વਿਪਤ੍ਤਿਪੁਚ੍ਛਾ, ਆਪਤ੍ਤਿਪੁਚ੍ਛਾ, ਅਜ੍ਝਾਚਾਰਪੁਚ੍ਛਾ। વਤ੍ਥੁਪੁਚ੍ਛਾਤਿ – ਅਟ੍ਠਪਾਰਾਜਿਕਾਨਂ વਤ੍ਥੁਪੁਚ੍ਛਾ, ਤੇવੀਸਸਙ੍ਘਾਦਿਸੇਸਾਨਂ વਤ੍ਥੁਪੁਚ੍ਛਾ, ਦ੍વੇਅਨਿਯਤਾਨਂ વਤ੍ਥੁਪੁਚ੍ਛਾ, ਦ੍વੇਚਤ੍ਤਾਰੀਸਨਿਸ੍ਸਗ੍ਗਿਯਾਨਂ વਤ੍ਥੁਪੁਚ੍ਛਾ, ਅਟ੍ਠਾਸੀਤਿਸਤਪਾਚਿਤ੍ਤਿਯਾਨਂ વਤ੍ਥੁਪੁਚ੍ਛਾ, ਦ੍વਾਦਸਪਾਟਿਦੇਸਨੀਯਾਨਂ વਤ੍ਥੁਪੁਚ੍ਛਾ, ਦੁਕ੍ਕਟਾਨਂ વਤ੍ਥੁਪੁਚ੍ਛਾ, ਦੁਬ੍ਭਾਸਿਤਾਨਂ વਤ੍ਥੁਪੁਚ੍ਛਾ। વਿਪਤ੍ਤਿਪੁਚ੍ਛਾਤਿ – ਸੀਲવਿਪਤ੍ਤਿਪੁਚ੍ਛਾ, ਆਚਾਰવਿਪਤ੍ਤਿਪੁਚ੍ਛਾ, ਦਿਟ੍ਠਿવਿਪਤ੍ਤਿਪੁਚ੍ਛਾ , ਆਜੀવવਿਪਤ੍ਤਿਪੁਚ੍ਛਾ। ਆਪਤ੍ਤਿਪੁਚ੍ਛਾਤਿ – ਪਾਰਾਜਿਕਾਪਤ੍ਤਿਪੁਚ੍ਛਾ, ਸਙ੍ਘਾਦਿਸੇਸਾਪਤ੍ਤਿਪੁਚ੍ਛਾ, ਥੁਲ੍ਲਚ੍ਚਯਾਪਤ੍ਤਿਪੁਚ੍ਛਾ, ਪਾਚਿਤ੍ਤਿਯਾਪਤ੍ਤਿਪੁਚ੍ਛਾ, ਪਾਟਿਦੇਸਨੀਯਾਪਤ੍ਤਿਪੁਚ੍ਛਾ, ਦੁਕ੍ਕਟਾਪਤ੍ਤਿਪੁਚ੍ਛਾ, ਦੁਬ੍ਭਾਸਿਤਾਪਤ੍ਤਿਪੁਚ੍ਛਾ। ਅਜ੍ਝਾਚਾਰਪੁਚ੍ਛਾਤਿ – ਦ੍વਯਂਦ੍વਯਸਮਾਪਤ੍ਤਿਪੁਚ੍ਛਾ।
399.Kiṃ te diṭṭhanti vatthupucchā, vipattipucchā, āpattipucchā, ajjhācārapucchā. Vatthupucchāti – aṭṭhapārājikānaṃ vatthupucchā, tevīsasaṅghādisesānaṃ vatthupucchā, dveaniyatānaṃ vatthupucchā, dvecattārīsanissaggiyānaṃ vatthupucchā, aṭṭhāsītisatapācittiyānaṃ vatthupucchā, dvādasapāṭidesanīyānaṃ vatthupucchā, dukkaṭānaṃ vatthupucchā, dubbhāsitānaṃ vatthupucchā. Vipattipucchāti – sīlavipattipucchā, ācāravipattipucchā, diṭṭhivipattipucchā , ājīvavipattipucchā. Āpattipucchāti – pārājikāpattipucchā, saṅghādisesāpattipucchā, thullaccayāpattipucchā, pācittiyāpattipucchā, pāṭidesanīyāpattipucchā, dukkaṭāpattipucchā, dubbhāsitāpattipucchā. Ajjhācārapucchāti – dvayaṃdvayasamāpattipucchā.
੪੦੦. ਕਿਨ੍ਤਿ ਤੇ ਦਿਟ੍ਠਨ੍ਤਿ ਲਿਙ੍ਗਪੁਚ੍ਛਾ, ਇਰਿਯਾਪਥਪੁਚ੍ਛਾ, ਆਕਾਰਪੁਚ੍ਛਾ, વਿਪ੍ਪਕਾਰਪੁਚ੍ਛਾ। ਲਿਙ੍ਗਪੁਚ੍ਛਾਤਿ – ਦੀਘਂ વਾ ਰਸ੍ਸਂ વਾ ਕਣ੍ਹਂ વਾ ਓਦਾਤਂ વਾ। ਇਰਿਯਾਪਥਪੁਚ੍ਛਾਤਿ ਗਚ੍ਛਨ੍ਤਂ વਾ ਠਿਤਂ વਾ ਨਿਸਿਨ੍ਨਂ વਾ ਨਿਪਨ੍ਨਂ વਾ। ਆਕਾਰਪੁਚ੍ਛਾਤਿ ਗਿਹਿਲਿਙ੍ਗੇ વਾ ਤਿਤ੍ਥਿਯਲਿਙ੍ਗੇ વਾ ਪਬ੍ਬਜਿਤਲਿਙ੍ਗੇ વਾ। વਿਪ੍ਪਕਾਰਪੁਚ੍ਛਾਤਿ ਗਚ੍ਛਨ੍ਤਂ વਾ ਠਿਤਂ વਾ ਨਿਸਿਨ੍ਨਂ વਾ ਨਿਪਨ੍ਨਂ વਾ।
400.Kinti te diṭṭhanti liṅgapucchā, iriyāpathapucchā, ākārapucchā, vippakārapucchā. Liṅgapucchāti – dīghaṃ vā rassaṃ vā kaṇhaṃ vā odātaṃ vā. Iriyāpathapucchāti gacchantaṃ vā ṭhitaṃ vā nisinnaṃ vā nipannaṃ vā. Ākārapucchāti gihiliṅge vā titthiyaliṅge vā pabbajitaliṅge vā. Vippakārapucchāti gacchantaṃ vā ṭhitaṃ vā nisinnaṃ vā nipannaṃ vā.
੪੦੧. ਕਦਾ ਤੇ ਦਿਟ੍ਠਨ੍ਤਿ ਕਾਲਪੁਚ੍ਛਾ, ਸਮਯਪੁਚ੍ਛਾ, ਦਿવਸਪੁਚ੍ਛਾ, ਉਤੁਪੁਚ੍ਛਾ। ਕਾਲਪੁਚ੍ਛਾਤਿ ਪੁਬ੍ਬਣ੍ਹਕਾਲੇ વਾ ਮਜ੍ਝਨ੍ਹਿਕਕਾਲੇ વਾ ਸਾਯਨ੍ਹਕਾਲੇ વਾ। ਸਮਯਪੁਚ੍ਛਾਤਿ ਪੁਬ੍ਬਣ੍ਹਸਮਯੇ વਾ ਮਜ੍ਝਨ੍ਹਿਕਸਮਯੇ વਾ ਸਾਯਨ੍ਹਸਮਯੇ વਾ। ਦਿવਸਪੁਚ੍ਛਾਤਿ ਪੁਰੇਭਤ੍ਤਂ વਾ ਪਚ੍ਛਾਭਤ੍ਤਂ વਾ ਰਤ੍ਤਿਂ વਾ ਦਿવਾ વਾ ਕਾਲ਼ੇ વਾ ਜੁਣ੍ਹੇ વਾ। ਉਤੁਪੁਚ੍ਛਾਤਿ ਹੇਮਨ੍ਤੇ વਾ ਗਿਮ੍ਹੇ વਾ વਸ੍ਸੇ વਾ 1।
401.Kadāte diṭṭhanti kālapucchā, samayapucchā, divasapucchā, utupucchā. Kālapucchāti pubbaṇhakāle vā majjhanhikakāle vā sāyanhakāle vā. Samayapucchāti pubbaṇhasamaye vā majjhanhikasamaye vā sāyanhasamaye vā. Divasapucchāti purebhattaṃ vā pacchābhattaṃ vā rattiṃ vā divā vā kāḷe vā juṇhe vā. Utupucchāti hemante vā gimhe vā vasse vā 2.
੪੦੨. ਕਤ੍ਥ ਤੇ ਦਿਟ੍ਠਨ੍ਤਿ ਠਾਨਪੁਚ੍ਛਾ, ਭੂਮਿਪੁਚ੍ਛਾ, ਓਕਾਸਪੁਚ੍ਛਾ, ਪਦੇਸਪੁਚ੍ਛਾ। ਠਾਨਪੁਚ੍ਛਾਤਿ ਭੂਮਿਯਾ વਾ ਪਥવਿਯਾ વਾ ਧਰਣਿਯਾ વਾ ਜਗਤਿਯਾ વਾ। ਭੂਮਿਪੁਚ੍ਛਾਤਿ ਭੂਮਿਯਾ વਾ ਪਥવਿਯਾ વਾ ਪਬ੍ਬਤੇ વਾ ਪਾਸਾਣੇ વਾ ਪਾਸਾਦੇ વਾ। ਓਕਾਸਪੁਚ੍ਛਾਤਿ ਪੁਰਤ੍ਥਿਮੇ વਾ ਓਕਾਸੇ ਪਚ੍ਛਿਮੇ વਾ ਓਕਾਸੇ ਉਤ੍ਤਰੇ વਾ ਓਕਾਸੇ ਦਕ੍ਖਿਣੇ વਾ ਓਕਾਸੇ। ਪਦੇਸਪੁਚ੍ਛਾਤਿ ਪੁਰਤ੍ਥਿਮੇ વਾ ਪਦੇਸੇ ਪਚ੍ਛਿਮੇ વਾ ਪਦੇਸੇ ਉਤ੍ਤਰੇ વਾ ਪਦੇਸੇ ਦਕ੍ਖਿਣੇ વਾ ਪਦੇਸੇਤਿ।
402.Kattha te diṭṭhanti ṭhānapucchā, bhūmipucchā, okāsapucchā, padesapucchā. Ṭhānapucchāti bhūmiyā vā pathaviyā vā dharaṇiyā vā jagatiyā vā. Bhūmipucchāti bhūmiyā vā pathaviyā vā pabbate vā pāsāṇe vā pāsāde vā. Okāsapucchāti puratthime vā okāse pacchime vā okāse uttare vā okāse dakkhiṇe vā okāse. Padesapucchāti puratthime vā padese pacchime vā padese uttare vā padese dakkhiṇe vā padeseti.
ਮਹਾਸਙ੍ਗਾਮੋ ਨਿਟ੍ਠਿਤੋ।
Mahāsaṅgāmo niṭṭhito.
ਤਸ੍ਸੁਦ੍ਦਾਨਂ –
Tassuddānaṃ –
વਤ੍ਥੁ ਨਿਦਾਨਂ ਆਕਾਰੋ, ਪੁਬ੍ਬਾਪਰਂ ਕਤਾਕਤਂ।
Vatthu nidānaṃ ākāro, pubbāparaṃ katākataṃ;
ਕਮ੍ਮਾਧਿਕਰਣਞ੍ਚੇવ, ਸਮਥੋ ਛਨ੍ਦਗਾਮਿ ਚ॥
Kammādhikaraṇañceva, samatho chandagāmi ca.
ਦੋਸਾ ਮੋਹਾ ਭਯਾ ਚੇવ, ਸਞ੍ਞਾ ਨਿਜ੍ਝਾਪਨੇਨ ਚ।
Dosā mohā bhayā ceva, saññā nijjhāpanena ca;
ਪੇਕ੍ਖਾ ਪਸਾਦੇ ਪਕ੍ਖੋਮ੍ਹਿ, ਸੁਤਥੇਰਤਰੇਨ ਚ॥
Pekkhā pasāde pakkhomhi, sutatheratarena ca.
ਅਸਮ੍ਪਤ੍ਤਞ੍ਚ ਸਮ੍ਪਤ੍ਤਂ, ਧਮ੍ਮੇਨ વਿਨਯੇਨ ਚ।
Asampattañca sampattaṃ, dhammena vinayena ca;
ਸਤ੍ਥੁਸ੍ਸ ਸਾਸਨੇਨਾਪਿ, ਮਹਾਸਙ੍ਗਾਮਞਾਪਨਾਤਿ॥
Satthussa sāsanenāpi, mahāsaṅgāmañāpanāti.
Footnotes:
Related texts:
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વੋਹਰਨ੍ਤੇਨਜਾਨਿਤਬ੍ਬਾਦਿવਣ੍ਣਨਾ • Voharantenajānitabbādivaṇṇanā
