| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
ขนฺธกปุจฺฉาวาโร
Khandhakapucchāvāro
ปุจฺฉาวิสฺสชฺชนาวณฺณนา
Pucchāvissajjanāvaṇṇanā
๓๒๐. อุปสมฺปทกฺขนฺธกนฺติ ปพฺพชฺชาขนฺธกํ (มหาว. ๘๔)ฯ สห นิเทฺทเสนาติ สนิเทฺทสํฯ ‘‘สนฺนิเทฺทส’’นฺติ วา ปาโฐ, โส เอวโตฺถฯ นิทาเนน จ นิเทฺทเสน จ สทฺธินฺติ เอตฺถ ปญฺญตฺติฎฺฐานปุคฺคลาทิปฺปกาสกํ นิทานวจนํ นิทานํ นาม, ตนฺนิทานํ ปฎิจฺจ นิทฺทิฎฺฐสิกฺขาปทานิ นิเทฺทโส นาม, เตหิ อวยวภูเตหิ สหิตํ ตํสมุทายภูตํ ขนฺธกํ ปุจฺฉามีติ อโตฺถฯ อุตฺตมานิ ปทานีติ อาปตฺติปญฺญาปกานิ วจนานิ อธิเปฺปตานิฯ เตสํ…เป.… กติ อาปตฺติโย โหนฺตีติ เตหิ วจเนหิ ปญฺญตฺตา กติ อาปตฺติกฺขนฺธา โหนฺตีติ อโตฺถฯ นนุ อาปตฺติโย นาม ปุคฺคลานเญฺญว โหนฺติ, น ปทานํ, กสฺมา ปน ‘‘สมุกฺกฎฺฐปทานํ กติ อาปตฺติโย’’ติ สามิวเสน นิเทฺทโส กโตติ อาห ‘‘เยน เยน หิ ปเทนา’’ติอาทิฯ ปาฬิยํ อุโปสถนฺติอาทิ อุโปสถกฺขนฺธกาทีนเญฺญว (มหาว. ๑๓๒ อาทโย) คหณํฯ
320.Upasampadakkhandhakanti pabbajjākhandhakaṃ (mahāva. 84). Saha niddesenāti saniddesaṃ. ‘‘Sanniddesa’’nti vā pāṭho, so evattho. Nidānena ca niddesena ca saddhinti ettha paññattiṭṭhānapuggalādippakāsakaṃ nidānavacanaṃ nidānaṃ nāma, tannidānaṃ paṭicca niddiṭṭhasikkhāpadāni niddeso nāma, tehi avayavabhūtehi sahitaṃ taṃsamudāyabhūtaṃ khandhakaṃ pucchāmīti attho. Uttamāni padānīti āpattipaññāpakāni vacanāni adhippetāni. Tesaṃ…pe… kati āpattiyo hontīti tehi vacanehi paññattā kati āpattikkhandhā hontīti attho. Nanu āpattiyo nāma puggalānaññeva honti, na padānaṃ, kasmā pana ‘‘samukkaṭṭhapadānaṃ kati āpattiyo’’ti sāmivasena niddeso katoti āha ‘‘yena yena hi padenā’’tiādi. Pāḷiyaṃ uposathantiādi uposathakkhandhakādīnaññeva (mahāva. 132 ādayo) gahaṇaṃ.
ปุจฺฉาวิสฺสชฺชนาวณฺณนา นิฎฺฐิตาฯ
Pucchāvissajjanāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ขนฺธกปุจฺฉาวาโร • Khandhakapucchāvāro
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / ปุจฺฉาวิสฺสชฺชนาวณฺณนา • Pucchāvissajjanāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปุจฺฉาวิสฺสชฺชนาวณฺณนา • Pucchāvissajjanāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ปุจฺฉาวิสฺสชฺชนาวณฺณนา • Pucchāvissajjanāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ปุจฺฉาวิสฺสชฺชนาวณฺณนา • Pucchāvissajjanāvaṇṇanā
