| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਖਨ੍ਧਕਪੁਚ੍ਛਾવਾਰੋ
Khandhakapucchāvāro
ਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ
Pucchāvissajjanāvaṇṇanā
੩੨੦. ਉਪਸਮ੍ਪਦਂ ਪੁਚ੍ਛਿਸ੍ਸਨ੍ਤਿ ਉਪਸਮ੍ਪਦਕ੍ਖਨ੍ਧਕਂ ਪੁਚ੍ਛਿਸ੍ਸਂ। ਸਨਿਦਾਨਂ ਸਨਿਦ੍ਦੇਸਨ੍ਤਿ ਨਿਦਾਨੇਨ ਚ ਨਿਦ੍ਦੇਸੇਨ ਚ ਸਦ੍ਧਿਂ ਪੁਚ੍ਛਿਸ੍ਸਾਮਿ। ਸਮੁਕ੍ਕਟ੍ਠਪਦਾਨਂ ਕਤਿ ਆਪਤ੍ਤਿਯੋਤਿ ਯਾਨਿ ਤਤ੍ਥ ਸਮੁਕ੍ਕਟ੍ਠਾਨਿ ਉਤ੍ਤਮਾਨਿ ਪਦਾਨਿ વੁਤ੍ਤਾਨਿ, ਤੇਸਂ ਸਮੁਕ੍ਕਟ੍ਠਪਦਾਨਂ ਉਤ੍ਤਮਪਦਾਨਂ ਸਙ੍ਖੇਪਤੋ ਕਤਿ ਆਪਤ੍ਤਿਯੋ ਹੋਨ੍ਤੀਤਿ। ਯੇਨ ਯੇਨ ਹਿ ਪਦੇਨ ਯਾ ਯਾ ਆਪਤ੍ਤਿ ਪਞ੍ਞਤ੍ਤਾ, ਸਾ ਸਾ ਤਸ੍ਸ ਤਸ੍ਸ ਪਦਸ੍ਸ ਆਪਤ੍ਤੀਤਿ વੁਚ੍ਚਤਿ। ਤੇਨ વੁਤ੍ਤਂ ‘‘ਸਮੁਕ੍ਕਟ੍ਠਪਦਾਨਂ ਕਤਿ ਆਪਤ੍ਤਿਯੋ’’ਤਿ। ਦ੍વੇ ਆਪਤ੍ਤਿਯੋਤਿ ਊਨવੀਸਤਿવਸ੍ਸਂ ਉਪਸਮ੍ਪਾਦੇਨ੍ਤਸ੍ਸ ਪਾਚਿਤ੍ਤਿਯਂ, ਸੇਸੇਸੁ ਸਬ੍ਬਪਦੇਸੁ ਦੁਕ੍ਕਟਂ।
320.Upasampadaṃpucchissanti upasampadakkhandhakaṃ pucchissaṃ. Sanidānaṃ saniddesanti nidānena ca niddesena ca saddhiṃ pucchissāmi. Samukkaṭṭhapadānaṃ kati āpattiyoti yāni tattha samukkaṭṭhāni uttamāni padāni vuttāni, tesaṃ samukkaṭṭhapadānaṃ uttamapadānaṃ saṅkhepato kati āpattiyo hontīti. Yena yena hi padena yā yā āpatti paññattā, sā sā tassa tassa padassa āpattīti vuccati. Tena vuttaṃ ‘‘samukkaṭṭhapadānaṃ kati āpattiyo’’ti. Dve āpattiyoti ūnavīsativassaṃ upasampādentassa pācittiyaṃ, sesesu sabbapadesu dukkaṭaṃ.
ਤਿਸ੍ਸੋਤਿ ‘‘ਨਸ੍ਸਨ੍ਤੇਤੇ વਿਨਸ੍ਸਨ੍ਤੇਤੇ, ਕੋ ਤੇਹਿ ਅਤ੍ਥੋ’’ਤਿ ਭੇਦਪੁਰੇਕ੍ਖਾਰਾਨਂ ਉਪੋਸਥਕਰਣੇ ਥੁਲ੍ਲਚ੍ਚਯਂ, ਉਕ੍ਖਿਤ੍ਤਕੇਨ ਸਦ੍ਧਿਂ ਉਪੋਸਥਕਰਣੇ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਏવਂ ਉਪੋਸਥਕ੍ਖਨ੍ਧਕੇ ਤਿਸ੍ਸੋ ਆਪਤ੍ਤਿਯੋ। ਏਕਾਤਿ વਸ੍ਸੂਪਨਾਯਿਕਕ੍ਖਨ੍ਧਕੇ ਏਕਾ ਦੁਕ੍ਕਟਾਪਤ੍ਤਿਯੇવ।
Tissoti ‘‘nassantete vinassantete, ko tehi attho’’ti bhedapurekkhārānaṃ uposathakaraṇe thullaccayaṃ, ukkhittakena saddhiṃ uposathakaraṇe pācittiyaṃ, sesesu dukkaṭanti evaṃ uposathakkhandhake tisso āpattiyo. Ekāti vassūpanāyikakkhandhake ekā dukkaṭāpattiyeva.
ਤਿਸ੍ਸੋਤਿ ਭੇਦਪੁਰੇਕ੍ਖਾਰਸ੍ਸ ਪવਾਰਯਤੋ ਥੁਲ੍ਲਚ੍ਚਯਂ, ਉਕ੍ਖਿਤ੍ਤਕੇਨ ਸਦ੍ਧਿਂ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਏવਂ ਪવਾਰਣਾਕ੍ਖਨ੍ਧਕੇਪਿ ਤਿਸ੍ਸੋ ਆਪਤ੍ਤਿਯੋ।
Tissoti bhedapurekkhārassa pavārayato thullaccayaṃ, ukkhittakena saddhiṃ pācittiyaṃ, sesesu dukkaṭanti evaṃ pavāraṇākkhandhakepi tisso āpattiyo.
ਤਿਸ੍ਸੋਤਿ વਚ੍ਛਤਰਿਂ ਉਗ੍ਗਹੇਤ੍વਾ ਮਾਰੇਨ੍ਤਾਨਂ ਪਾਚਿਤ੍ਤਿਯਂ, ਰਤ੍ਤੇਨ ਚਿਤ੍ਤੇਨ ਅਙ੍ਗਜਾਤਛੁਪਨੇ ਥੁਲ੍ਲਚ੍ਚਯਂ, ਸੇਸੇਸੁ ਦੁਕ੍ਕਟਨ੍ਤਿ ਏવਂ ਚਮ੍ਮਸਂਯੁਤ੍ਤੇਪਿ ਤਿਸ੍ਸੋ ਆਪਤ੍ਤਿਯੋ। ਭੇਸਜ੍ਜਕ੍ਖਨ੍ਧਕੇਪਿ ਸਮਨ੍ਤਾ ਦ੍વਙ੍ਗੁਲੇ ਥੁਲ੍ਲਚ੍ਚਯਂ, ਭੋਜ੍ਜਯਾਗੁਯਾ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਏવਂ ਤਿਸ੍ਸੋ ਆਪਤ੍ਤਿਯੋ।
Tissoti vacchatariṃ uggahetvā mārentānaṃ pācittiyaṃ, rattena cittena aṅgajātachupane thullaccayaṃ, sesesu dukkaṭanti evaṃ cammasaṃyuttepi tisso āpattiyo. Bhesajjakkhandhakepi samantā dvaṅgule thullaccayaṃ, bhojjayāguyā pācittiyaṃ, sesesu dukkaṭanti evaṃ tisso āpattiyo.
ਕਥਿਨਂ ਕੇવਲਂ ਪਞ੍ਞਤ੍ਤਿਮੇવ, ਨਤ੍ਥਿ ਤਤ੍ਥ ਆਪਤ੍ਤਿ। ਚੀવਰਸਂਯੁਤ੍ਤੇ ਕੁਸਚੀਰવਾਕਚੀਰੇਸੁ ਥੁਲ੍ਲਚ੍ਚਯਂ, ਅਤਿਰੇਕਚੀવਰੇ ਨਿਸ੍ਸਗ੍ਗਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਇਮਾ ਤਿਸ੍ਸੋ ਆਪਤ੍ਤਿਯੋ।
Kathinaṃ kevalaṃ paññattimeva, natthi tattha āpatti. Cīvarasaṃyutte kusacīravākacīresu thullaccayaṃ, atirekacīvare nissaggiyaṃ, sesesu dukkaṭanti imā tisso āpattiyo.
ਚਮ੍ਪੇਯ੍ਯਕੇ ਏਕਾ ਦੁਕ੍ਕਟਾਪਤ੍ਤਿਯੇવ। ਕੋਸਮ੍ਬਕ-ਕਮ੍ਮਕ੍ਖਨ੍ਧਕ-ਪਾਰਿવਾਸਿਕਸਮੁਚ੍ਚਯਕ੍ਖਨ੍ਧਕੇਸੁਪਿ ਏਕਾ ਦੁਕ੍ਕਟਾਪਤ੍ਤਿਯੇવ।
Campeyyake ekā dukkaṭāpattiyeva. Kosambaka-kammakkhandhaka-pārivāsikasamuccayakkhandhakesupi ekā dukkaṭāpattiyeva.
ਸਮਥਕ੍ਖਨ੍ਧਕੇ ਛਨ੍ਦਦਾਯਕੋ ਖਿਯ੍ਯਤਿ, ਖਿਯ੍ਯਨਕਂ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਇਮਾ ਦ੍વੇ ਆਪਤ੍ਤਿਯੋ। ਖੁਦ੍ਦਕવਤ੍ਥੁਕੇ ਅਤ੍ਤਨੋ ਅਙ੍ਗਜਾਤਂ ਛਿਨ੍ਦਤਿ, ਥੁਲ੍ਲਚ੍ਚਯਂ, ਰੋਮਟ੍ਠੇ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਇਮਾ ਤਿਸ੍ਸੋ ਆਪਤ੍ਤਿਯੋ। ਸੇਨਾਸਨਕ੍ਖਨ੍ਧਕੇ ਗਰੁਭਣ੍ਡવਿਸ੍ਸਜ੍ਜਨੇ ਥੁਲ੍ਲਚ੍ਚਯਂ, ਸਙ੍ਘਿਕਾ વਿਹਾਰਾ ਨਿਕ੍ਕਡ੍ਢਨੇ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਇਮਾ ਤਿਸ੍ਸੋ ਆਪਤ੍ਤਿਯੋ।
Samathakkhandhake chandadāyako khiyyati, khiyyanakaṃ pācittiyaṃ, sesesu dukkaṭanti imā dve āpattiyo. Khuddakavatthuke attano aṅgajātaṃ chindati, thullaccayaṃ, romaṭṭhe pācittiyaṃ, sesesu dukkaṭanti imā tisso āpattiyo. Senāsanakkhandhake garubhaṇḍavissajjane thullaccayaṃ, saṅghikā vihārā nikkaḍḍhane pācittiyaṃ, sesesu dukkaṭanti imā tisso āpattiyo.
ਸਙ੍ਘਭੇਦੇਭੇਦਕਾਨੁવਤ੍ਤਕਾਨਂ ਥੁਲ੍ਲਚ੍ਚਯਂ, ਗਣਭੋਜਨੇ ਪਾਚਿਤ੍ਤਿਯਨ੍ਤਿ ਇਮਾ ਦ੍વੇ ਆਪਤ੍ਤਿਯੋ। ਸਮਾਚਾਰਂ ਪੁਚ੍ਛਿਸ੍ਸਨ੍ਤਿ વੁਤ੍ਤੇ વਤ੍ਤਕ੍ਖਨ੍ਧਕੇ ਏਕਾ ਦੁਕ੍ਕਟਾਪਤ੍ਤਿਯੇવ। ਸਾ ਸਬ੍ਬવਤ੍ਤੇਸੁ ਅਨਾਦਰਿਯੇਨ ਹੋਤਿ। ਤਥਾ ਪਾਤਿਮੋਕ੍ਖਟ੍ਠਪਨੇ। ਭਿਕ੍ਖੁਨਿਕ੍ਖਨ੍ਧਕੇ ਅਪ੍ਪવਾਰਣਾਯ ਪਾਚਿਤ੍ਤਿਯਂ, ਸੇਸੇਸੁ ਦੁਕ੍ਕਟਨ੍ਤਿ ਦ੍વੇ ਆਪਤ੍ਤਿਯੋ। ਪਞ੍ਚਸਤਿਕਸਤ੍ਤਸਤਿਕੇਸੁ ਕੇવਲਂ ਧਮ੍ਮੋ ਸਙ੍ਗਹਂ ਆਰੋਪਿਤੋ, ਨਤ੍ਥਿ ਤਤ੍ਥ ਆਪਤ੍ਤੀਤਿ।
Saṅghabhedebhedakānuvattakānaṃ thullaccayaṃ, gaṇabhojane pācittiyanti imā dve āpattiyo. Samācāraṃ pucchissanti vutte vattakkhandhake ekā dukkaṭāpattiyeva. Sā sabbavattesu anādariyena hoti. Tathā pātimokkhaṭṭhapane. Bhikkhunikkhandhake appavāraṇāya pācittiyaṃ, sesesu dukkaṭanti dve āpattiyo. Pañcasatikasattasatikesu kevalaṃ dhammo saṅgahaṃ āropito, natthi tattha āpattīti.
ਖਨ੍ਧਕਪੁਚ੍ਛਾવਾਰવਣ੍ਣਨਾ ਨਿਟ੍ਠਿਤਾ।
Khandhakapucchāvāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ਖਨ੍ਧਕਪੁਚ੍ਛਾવਾਰੋ • Khandhakapucchāvāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Pucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Pucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Pucchāvissajjanāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਪੁਚ੍ਛਾવਿਸ੍ਸਜ੍ਜਨਾવਣ੍ਣਨਾ • Pucchāvissajjanāvaṇṇanā
