Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi

நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ

Namo tassa bhagavato arahato sammāsambuddhassa

அபி⁴த⁴ம்மபிடகே

Abhidhammapiṭake

கதா²வத்து²பாளி

Kathāvatthupāḷi

1. புக்³க³லகதா²

1. Puggalakathā

1. ஸுத்³த⁴ஸச்சிகட்டோ²

1. Suddhasaccikaṭṭho

1. அனுலோமபச்சனீகங்

1. Anulomapaccanīkaṃ

1. ¹ புக்³க³லோ உபலப்³ப⁴தி ஸச்சிகட்ட²பரமத்தே²னாதி ²? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

1. ³ Puggalo upalabbhati saccikaṭṭhaparamatthenāti ⁴? Āmantā. Yo saccikaṭṭho paramattho, tato so puggalo upalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே ⁵ வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

No ce pana vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti, no ca vata re ⁶ vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti micchā.

அனுலோமபஞ்சகங்.

Anulomapañcakaṃ.

2. ⁷ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

2. ⁸ Puggalo nupalabbhati saccikaṭṭhaparamatthenāti? Āmantā. Yo saccikaṭṭho paramattho, tato so puggalo nupalabbhati saccikaṭṭhaparamatthenāti? Na hevaṃ vattabbe.

ஆஜானாஹி படிகம்மங். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi paṭikammaṃ. Hañci puggalo nupalabbhati saccikaṭṭhaparamatthena, tena vata re vattabbe – ‘‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

No ce pana vattabbe – ‘‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’ti, no ca vata re vattabbe – ‘‘puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’’ti micchā.

படிகம்மசதுக்கங்.

Paṭikammacatukkaṃ.

3. த்வங் சே பன மஞ்ஞஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’தி, தேன தவ ⁹ தத்த² ஹேதாய படிஞ்ஞாய ஹேவங் படிஜானந்தங் ¹⁰ ஹேவங் நிக்³க³ஹேதப்³பே³. அத² தங் நிக்³க³ண்ஹாம. ஸுனிக்³க³ஹிதோ ச ¹¹ ஹோஸி.

3. Tvaṃ ce pana maññasi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’ti, tena tava ¹² tattha hetāya paṭiññāya hevaṃ paṭijānantaṃ ¹³ hevaṃ niggahetabbe. Atha taṃ niggaṇhāma. Suniggahito ca ¹⁴ hosi.

ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன , தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Hañci puggalo nupalabbhati saccikaṭṭhaparamatthena , tena vata re vattabbe – ‘‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’’ti micchā.

நிக்³க³ஹசதுக்கங்.

Niggahacatukkaṃ.

4. ஏஸே சே து³ன்னிக்³க³ஹிதே ஹேவமேவங் ¹⁵ தத்த² த³க்க². வத்தப்³பே³ கோ² – ‘‘புக்³க³லோ உபலப்³ப⁴தி ஸச்சிகட்ட²பரமத்தே²ன,’’ நோ ச வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. நோ ச மயங் தயா தத்த² ஹேதாய படிஞ்ஞாய ஹேவங் படிஜானந்தா ஹேவங் நிக்³க³ஹேதப்³பா³. அத² மங் நிக்³க³ண்ஹாஸி. து³ன்னிக்³க³ஹிதா ச ¹⁶ ஹோம.

4. Ese ce dunniggahite hevamevaṃ ¹⁷ tattha dakkha. Vattabbe kho – ‘‘puggalo upalabbhati saccikaṭṭhaparamatthena,’’ no ca vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti. No ca mayaṃ tayā tattha hetāya paṭiññāya hevaṃ paṭijānantā hevaṃ niggahetabbā. Atha maṃ niggaṇhāsi. Dunniggahitā ca ¹⁸ homa.

ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

Hañci puggalo upalabbhati saccikaṭṭhaparamatthena, tena vata re vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ² , ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி . யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி இத³ங் தே மிச்சா².

No ce pana vattabbe – ‘‘yo saccikaṭṭho paramattho , tato so puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti . Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti idaṃ te micchā.

உபனயனசதுக்கங்.

Upanayanacatukkaṃ.

5. ந ஹேவங் நிக்³க³ஹேதப்³பே³. தேன ஹி யங் நிக்³க³ண்ஹாஸி – ‘‘ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, நோ ச வத்தப்³பே³ – யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

5. Na hevaṃ niggahetabbe. Tena hi yaṃ niggaṇhāsi – ‘‘hañci puggalo upalabbhati saccikaṭṭhaparamatthena, tena vata re vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, no ca vattabbe – yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி இத³ங் தே மிச்சா². தேன ஹி யே கதே நிக்³க³ஹே ஸே நிக்³க³ஹே து³க்கடே. ஸுகதே படிகம்மே. ஸுகதா படிபாத³னாதி.

No ce pana vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti idaṃ te micchā. Tena hi ye kate niggahe se niggahe dukkaṭe. Sukate paṭikamme. Sukatā paṭipādanāti.

நிக்³க³மனசதுக்கங்.

Niggamanacatukkaṃ.

பட²மோ நிக்³க³ஹோ.

Paṭhamo niggaho.

1. ஸுத்³த⁴ஸச்சிகட்டோ²

1. Suddhasaccikaṭṭho

2. பச்சனீகானுலோமங்

2. Paccanīkānulomaṃ

6. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

6. Puggalo nupalabbhati saccikaṭṭhaparamatthenāti? Āmantā. Yo saccikaṭṭho paramattho, tato so puggalo nupalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo nupalabbhati saccikaṭṭhaparamatthena, tena vata re vattabbe – ‘‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’’ti micchā.

பச்சனீகபஞ்சகங்.

Paccanīkapañcakaṃ.

7. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னாதி ? ந ஹேவங் வத்தப்³பே³.

7. Puggalo upalabbhati saccikaṭṭhaparamatthenāti? Āmantā. Yo saccikaṭṭho paramattho, tato so puggalo upalabbhati saccikaṭṭhaparamatthenāti ? Na hevaṃ vattabbe.

ஆஜானாஹி படிகம்மங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi paṭikammaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

No ce pana vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti micchā.

படிகம்மசதுக்கங்.

Paṭikammacatukkaṃ.

8. த்வங் சே பன மஞ்ஞஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன’ , நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி, தேன தவ தத்த² ஹேதாய படிஞ்ஞாய ஹேவங் படிஜானந்தங் ஹேவங் நிக்³க³ஹேதப்³பே³. அத² தங் நிக்³க³ண்ஹாம. ஸுனிக்³க³ஹிதோ ச ஹோஸி.

8. Tvaṃ ce pana maññasi – ‘‘vattabbe kho – ‘puggalo upalabbhati saccikaṭṭhaparamatthena’ , no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti, tena tava tattha hetāya paṭiññāya hevaṃ paṭijānantaṃ hevaṃ niggahetabbe. Atha taṃ niggaṇhāma. Suniggahito ca hosi.

நோ சே பன வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி இத³ங் தே மிச்சா².

No ce pana vattabbe – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo upalabbhati saccikaṭṭhaparamatthenā’’’ti idaṃ te micchā.

9. ஏஸே சே து³ன்னிக்³க³ஹிதே ஹேவமேவங் தத்த² த³க்க². வத்தப்³பே³ கோ² – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’’ நோ ச வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. நோ ச மயங் தயா தத்த² ஹேதாய படிஞ்ஞாய ஹேவங் படிஜானந்தா ஹேவங் நிக்³க³ஹேதப்³பா³. அத² மங் நிக்³க³ண்ஹாஸி. து³ன்னிக்³க³ஹிதா ச ஹோம.

9. Ese ce dunniggahite hevamevaṃ tattha dakkha. Vattabbe kho – ‘‘puggalo nupalabbhati saccikaṭṭhaparamatthena,’’ no ca vattabbe – ‘‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’ti. No ca mayaṃ tayā tattha hetāya paṭiññāya hevaṃ paṭijānantā hevaṃ niggahetabbā. Atha maṃ niggaṇhāsi. Dunniggahitā ca homa.

ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Hañci puggalo nupalabbhati saccikaṭṭhaparamatthena, tena vata re vattabbe – ‘‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’’’ti micchā.

உபனயனசதுக்கங்.

Upanayanacatukkaṃ.

10. ந ஹேவங் நிக்³க³ஹேதப்³பே³. தேன ஹி யங் நிக்³க³ண்ஹாஸி – ‘‘ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’தி. யங் தத்த² வதே³ஸி – ‘வத்தப்³பே³ கோ² – புக்³க³லோ நுபலப்³ப⁴தி ஸச்சிகட்ட²பரமத்தே²ன, நோ ச வத்தப்³பே³ – யோ ஸச்சிகட்டோ² பரமத்தோ², ததோ ஸோ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

10. Na hevaṃ niggahetabbe. Tena hi yaṃ niggaṇhāsi – ‘‘hañci puggalo nupalabbhati saccikaṭṭhaparamatthena, tena vata re vattabbe – ‘yo saccikaṭṭho paramattho, tato so puggalo nupalabbhati saccikaṭṭhaparamatthenā’ti. Yaṃ tattha vadesi – ‘vattabbe kho – puggalo nupalabbhati saccikaṭṭhaparamatthena, no ca vattabbe – yo saccikaṭṭho paramattho, tato so puggalo nupalabbhati saccikaṭṭhaparamatthenā’’’ti micchā.

நிக்³க³மனசதுக்கங்.

Niggamanacatukkaṃ.

து³தியோ நிக்³க³ஹோ.

Dutiyo niggaho.

2. (க) ஓகாஸஸச்சிகட்டோ²

2. (Ka) okāsasaccikaṭṭho

1. அனுலோமபச்சனீகங்

1. Anulomapaccanīkaṃ

11. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ஸப்³ப³த்த² புக்³க³லோ உபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

11. Puggalo upalabbhati saccikaṭṭhaparamatthenāti? Āmantā. Sabbattha puggalo upalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘ஸப்³ப³த்த² புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³த்த² புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘sabbattha puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘sabbattha puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘ஸப்³ப³த்த² புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³த்த² புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா²…பே॰….

No ce pana vattabbe – ‘‘sabbattha puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘sabbattha puggalo upalabbhati saccikaṭṭhaparamatthenā’’’ti micchā…pe….

ததியோ நிக்³க³ஹோ.

Tatiyo niggaho.

3. (க) காலஸச்சிகட்டோ²

3. (Ka) kālasaccikaṭṭho

1. அனுலோமபச்சனீகங்

1. Anulomapaccanīkaṃ

12. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ஸப்³ப³தா³ புக்³க³லோ உபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

12. Puggalo upalabbhati saccikaṭṭhaparamatthenāti? Āmantā. Sabbadā puggalo upalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘ஸப்³ப³தா³ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³தா³ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘sabbadā puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘sabbadā puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘ஸப்³ப³தா³ புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³தா³ புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா²…பே॰….

No ce pana vattabbe – ‘‘sabbadā puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘sabbadā puggalo upalabbhati saccikaṭṭhaparamatthenā’’’ti micchā…pe….

சதுத்தோ² நிக்³க³ஹோ.

Catuttho niggaho.

4. (க) அவயவஸச்சிகட்டோ²

4. (Ka) avayavasaccikaṭṭho

1. அனுலோமபச்சனீகங்

1. Anulomapaccanīkaṃ

13. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ஸப்³பே³ஸு புக்³க³லோ உபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

13. Puggalo upalabbhati saccikaṭṭhaparamatthenāti? Āmantā. Sabbesu puggalo upalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘ஸப்³பே³ஸு புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³பே³ஸு புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘sabbesu puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘sabbesu puggalo upalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘ஸப்³பே³ஸு புக்³க³லோ உபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³பே³ஸு புக்³க³லோ உபலப்³ப⁴தி ஸச்சிகட்ட²பரமத்தே²னா’’’தி மிச்சா²…பே॰….

No ce pana vattabbe – ‘‘sabbesu puggalo upalabbhati saccikaṭṭhaparamatthenā’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘sabbesu puggalo upalabbhati saccikaṭṭhaparamatthenā’’’ti micchā…pe….

பஞ்சமோ நிக்³க³ஹோ.

Pañcamo niggaho.

2. (க²) ஓகாஸஸச்சிகட்டோ²

2. (Kha) okāsasaccikaṭṭho

2. பச்சனீகானுலோமங்

2. Paccanīkānulomaṃ

14. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. ஸப்³ப³த்த² புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

14. Puggalo nupalabbhati saccikaṭṭhaparamatthenāti? Āmantā. Sabbattha puggalo nupalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன , தேன வத ரே வத்தப்³பே³ – ‘‘ஸப்³ப³த்த² புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³த்த² புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo nupalabbhati saccikaṭṭhaparamatthena , tena vata re vattabbe – ‘‘sabbattha puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘sabbattha puggalo nupalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘ஸப்³ப³த்த² புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³த்த² புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா²…பே॰….

No ce pana vattabbe – ‘‘sabbattha puggalo nupalabbhati saccikaṭṭhaparamatthenā’’ti, no ca vata re vattabbe – ‘‘puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘sabbattha puggalo nupalabbhati saccikaṭṭhaparamatthenā’’’ti micchā…pe….

ச²ட்டோ² நிக்³க³ஹோ.

Chaṭṭho niggaho.

3. (க²) காலஸச்சிகட்டோ²

3. (Kha) kālasaccikaṭṭho

2. பச்சனீகானுலோமங்

2. Paccanīkānulomaṃ

15. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. ஸப்³ப³தா³ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

15. Puggalo nupalabbhati saccikaṭṭhaparamatthenāti? Āmantā. Sabbadā puggalo nupalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘ஸப்³ப³தா³ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³தா³ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo nupalabbhati saccikaṭṭhaparamatthena, tena vata re vattabbe – ‘‘sabbadā puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘sabbadā puggalo nupalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘ஸப்³ப³தா³ புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³ப³தா³ புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா²…பே॰….

No ce pana vattabbe – ‘‘sabbadā puggalo nupalabbhati saccikaṭṭhaparamatthenā’’ti, no ca vata re vattabbe – ‘‘puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘sabbadā puggalo nupalabbhati saccikaṭṭhaparamatthenā’’’ti micchā…pe….

ஸத்தமோ நிக்³க³ஹோ.

Sattamo niggaho.

4. (க²) அவயவஸச்சிகட்டோ²

4. (Kha) avayavasaccikaṭṭho

2. பச்சனீகானுலோமங்

2. Paccanīkānulomaṃ

16. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. ஸப்³பே³ஸு புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ந ஹேவங் வத்தப்³பே³.

16. Puggalo nupalabbhati saccikaṭṭhaparamatthenāti? Āmantā. Sabbesu puggalo nupalabbhati saccikaṭṭhaparamatthenāti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ நுபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘ஸப்³பே³ஸு புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ஸப்³பே³ஸு புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா².

Ājānāhi niggahaṃ. Hañci puggalo nupalabbhati saccikaṭṭhaparamatthena, tena vata re vattabbe – ‘‘sabbesu puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena,’ no ca vattabbe – ‘sabbesu puggalo nupalabbhati saccikaṭṭhaparamatthenā’’’ti micchā.

நோ சே பன வத்தப்³பே³ – ‘‘ஸப்³பே³ஸு புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி, நோ ச வத ரே வத்தப்³பே³ – ‘‘புக்³க³லோ நுபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ நுபலப்³ப⁴தி ஸச்சிகட்ட²பரமத்தே²ன’ , நோ ச வத்தப்³பே³ – ‘ஸப்³பே³ஸு புக்³க³லோ நுபலப்³ப⁴தி ஸச்சிகட்ட²பரமத்தே²னா’’’தி மிச்சா²…பே॰….

No ce pana vattabbe – ‘‘sabbesu puggalo nupalabbhati saccikaṭṭhaparamatthenā’’ti, no ca vata re vattabbe – ‘‘puggalo nupalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo nupalabbhati saccikaṭṭhaparamatthena’ , no ca vattabbe – ‘sabbesu puggalo nupalabbhati saccikaṭṭhaparamatthenā’’’ti micchā…pe….

அட்ட²கனிக்³க³ஹோ.

Aṭṭhakaniggaho.

5. ஸுத்³தி⁴கஸங்ஸந்த³னங்

5. Suddhikasaṃsandanaṃ

17. புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³.

17. Puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthenāti? Āmantā. Aññaṃ rūpaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena, tena vata re vattabbe – ‘‘aññaṃ rūpaṃ añño puggalo’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன’ , நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ rūpaṃ añño puggalo’’ti, no ca vata re vattabbe – ‘‘puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena’ , no ca vattabbe – ‘aññaṃ rūpaṃ añño puggalo’’’ti micchā…pe….

18. புக்³க³லோ உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன…பே॰… ஸஞ்ஞா ச உபலப்³ப⁴தி…பே॰… ஸங்கா²ரா ச உபலப்³ப⁴ந்தி…பே॰… விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் விஞ்ஞாணங் அஞ்ஞோ புக்³க³லோதி? ந ஹேவங் வத்தப்³பே³.

18. Puggalo upalabbhati saccikaṭṭhaparamatthena, vedanā ca upalabbhati saccikaṭṭhaparamatthena…pe… saññā ca upalabbhati…pe… saṅkhārā ca upalabbhanti…pe… viññāṇañca upalabbhati saccikaṭṭhaparamatthenāti? Āmantā. Aññaṃ viññāṇaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘அஞ்ஞங் விஞ்ஞாணங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் விஞ்ஞாணங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena, tena vata re vattabbe – ‘‘aññaṃ viññāṇaṃ añño puggalo’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena,’ no ca vattabbe – ‘aññaṃ viññāṇaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் விஞ்ஞாணங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் விஞ்ஞாணங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ viññāṇaṃ añño puggalo’’ti, no ca vata re vattabbe – ‘‘puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena,’ no ca vattabbe – ‘aññaṃ viññāṇaṃ añño puggalo’’’ti micchā…pe….

19. புக்³க³லோ உபலப்³ப⁴தி ஸச்சிகட்ட²பரமத்தே²ன, சக்கா²யதனஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதாயதனஞ்ச உபலப்³ப⁴தி… கா⁴னாயதனஞ்ச உபலப்³ப⁴தி… ஜிவ்ஹாயதனஞ்ச உபலப்³ப⁴தி… காயாயதனஞ்ச உபலப்³ப⁴தி… ரூபாயதனஞ்ச உபலப்³ப⁴தி… ஸத்³தா³யதனஞ்ச உபலப்³ப⁴தி… க³ந்தா⁴யதனஞ்ச உபலப்³ப⁴தி… ரஸாயதனஞ்ச உபலப்³ப⁴தி… பொ²ட்ட²ப்³பா³யதனஞ்ச உபலப்³ப⁴தி… மனாயதனஞ்ச உபலப்³ப⁴தி… த⁴ம்மாயதனஞ்ச உபலப்³ப⁴தி ஸச்சிகட்ட²பரமத்தே²ன…பே॰….

19. Puggalo upalabbhati saccikaṭṭhaparamatthena, cakkhāyatanañca upalabbhati saccikaṭṭhaparamatthena…pe… sotāyatanañca upalabbhati… ghānāyatanañca upalabbhati… jivhāyatanañca upalabbhati… kāyāyatanañca upalabbhati… rūpāyatanañca upalabbhati… saddāyatanañca upalabbhati… gandhāyatanañca upalabbhati… rasāyatanañca upalabbhati… phoṭṭhabbāyatanañca upalabbhati… manāyatanañca upalabbhati… dhammāyatanañca upalabbhati saccikaṭṭhaparamatthena…pe….

20. சக்கு²தா⁴து ச உபலப்³ப⁴தி ஸச்சிகட்ட²பரமத்தே²ன…பே॰… ஸோததா⁴து ச உபலப்³ப⁴தி… கா⁴னதா⁴து ச உபலப்³ப⁴தி… ஜிவ்ஹாதா⁴து ச உபலப்³ப⁴தி… காயதா⁴து ச உபலப்³ப⁴தி… ரூபதா⁴து ச உபலப்³ப⁴தி… ஸத்³த³தா⁴து ச உபலப்³ப⁴தி… க³ந்த⁴தா⁴து ச உபலப்³ப⁴தி… ரஸதா⁴து ச உபலப்³ப⁴தி… பொ²ட்ட²ப்³ப³தா⁴து ச உபலப்³ப⁴தி… சக்கு²விஞ்ஞாணதா⁴து ச உபலப்³ப⁴தி… ஸோதவிஞ்ஞாணதா⁴து ச உபலப்³ப⁴தி… கா⁴னவிஞ்ஞாணதா⁴து ச உபலப்³ப⁴தி… ஜிவ்ஹாவிஞ்ஞாணதா⁴து ச உபலப்³ப⁴தி… காயவிஞ்ஞாணதா⁴து ச உபலப்³ப⁴தி… மனோதா⁴து ச உபலப்³ப⁴தி… மனோவிஞ்ஞாணதா⁴து ச உபலப்³ப⁴தி… த⁴ம்மதா⁴து ச உபலப்³ப⁴தி ஸச்சிகட்ட²பரமத்தே²ன…பே॰….

20. Cakkhudhātu ca upalabbhati saccikaṭṭhaparamatthena…pe… sotadhātu ca upalabbhati… ghānadhātu ca upalabbhati… jivhādhātu ca upalabbhati… kāyadhātu ca upalabbhati… rūpadhātu ca upalabbhati… saddadhātu ca upalabbhati… gandhadhātu ca upalabbhati… rasadhātu ca upalabbhati… phoṭṭhabbadhātu ca upalabbhati… cakkhuviññāṇadhātu ca upalabbhati… sotaviññāṇadhātu ca upalabbhati… ghānaviññāṇadhātu ca upalabbhati… jivhāviññāṇadhātu ca upalabbhati… kāyaviññāṇadhātu ca upalabbhati… manodhātu ca upalabbhati… manoviññāṇadhātu ca upalabbhati… dhammadhātu ca upalabbhati saccikaṭṭhaparamatthena…pe….

21. சக்கு²ந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதிந்த்³ரியஞ்ச உபலப்³ப⁴தி… கா⁴னிந்த்³ரியஞ்ச உபலப்³ப⁴தி… ஜிவ்ஹிந்த்³ரியஞ்ச உபலப்³ப⁴தி… காயிந்த்³ரியஞ்ச உபலப்³ப⁴தி … மனிந்த்³ரியஞ்ச உபலப்³ப⁴தி… ஜீவிதிந்த்³ரியஞ்ச உபலப்³ப⁴தி… இத்தி²ந்த்³ரியஞ்ச உபலப்³ப⁴தி… புரிஸிந்த்³ரியஞ்ச உபலப்³ப⁴தி… ஸுகி²ந்த்³ரியஞ்ச உபலப்³ப⁴தி… து³க்கி²ந்த்³ரியஞ்ச உபலப்³ப⁴தி… ஸோமனஸ்ஸிந்த்³ரியஞ்ச உபலப்³ப⁴தி… தோ³மனஸ்ஸிந்த்³ரியஞ்ச உபலப்³ப⁴தி… உபெக்கி²ந்த்³ரியஞ்ச உபலப்³ப⁴தி… ஸத்³தி⁴ந்த்³ரியஞ்ச உபலப்³ப⁴தி… வீரியிந்த்³ரியஞ்ச உபலப்³ப⁴தி… ஸதிந்த்³ரியஞ்ச உபலப்³ப⁴தி… ஸமாதி⁴ந்த்³ரியஞ்ச உபலப்³ப⁴தி… பஞ்ஞிந்த்³ரியஞ்ச உபலப்³ப⁴தி… அனஞ்ஞாதஞ்ஞஸ்ஸாமீதிந்த்³ரியஞ்ச உபலப்³ப⁴தி… அஞ்ஞிந்த்³ரியஞ்ச உபலப்³ப⁴தி… அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோதி? ந ஹேவங் வத்தப்³பே³.

21. Cakkhundriyañca upalabbhati saccikaṭṭhaparamatthena…pe… sotindriyañca upalabbhati… ghānindriyañca upalabbhati… jivhindriyañca upalabbhati… kāyindriyañca upalabbhati … manindriyañca upalabbhati… jīvitindriyañca upalabbhati… itthindriyañca upalabbhati… purisindriyañca upalabbhati… sukhindriyañca upalabbhati… dukkhindriyañca upalabbhati… somanassindriyañca upalabbhati… domanassindriyañca upalabbhati… upekkhindriyañca upalabbhati… saddhindriyañca upalabbhati… vīriyindriyañca upalabbhati… satindriyañca upalabbhati… samādhindriyañca upalabbhati… paññindriyañca upalabbhati… anaññātaññassāmītindriyañca upalabbhati… aññindriyañca upalabbhati… aññātāvindriyañca upalabbhati saccikaṭṭhaparamatthenāti? Āmantā. Aññaṃ aññātāvindriyaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthena, tena vata re vattabbe – ‘‘aññaṃ aññātāvindriyaṃ añño puggalo’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ aññātāvindriyaṃ añño puggalo’’ti, no ca vata re vattabbe – ‘‘puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā…pe….

22. ¹⁹ புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ ரூபஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³.

22. ²⁰ Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno,’’ rūpañca upalabbhati saccikaṭṭhaparamatthenāti? Āmantā. Aññaṃ rūpaṃ añño puggaloti? Na hevaṃ vattabbe.

ஆஜானாஹி படிகம்மங். ஹஞ்சி வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ ரூபஞ்ச உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா².

Ājānāhi paṭikammaṃ. Hañci vuttaṃ bhagavatā – ‘‘atthi puggalo attahitāya paṭipanno,’’ rūpañca upalabbhati saccikaṭṭhaparamatthena, tena vata re vattabbe – ‘‘aññaṃ rūpaṃ añño puggalo’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ,’ ரூபஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ rūpaṃ añño puggalo’’ti, no ca vata re vattabbe – ‘‘vuttaṃ bhagavatā – ‘atthi puggalo attahitāya paṭipanno,’ rūpañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā…pe….

23. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ வேத³னா ச உபலப்³ப⁴தி…பே॰… ஸஞ்ஞா ச உபலப்³ப⁴தி…பே॰… ஸங்கா²ரா ச உபலப்³ப⁴ந்தி…பே॰… விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் விஞ்ஞாணங் அஞ்ஞோ புக்³க³லோதி? ந ஹேவங் வத்தப்³பே³.

23. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno,’’ vedanā ca upalabbhati…pe… saññā ca upalabbhati…pe… saṅkhārā ca upalabbhanti…pe… viññāṇañca upalabbhati saccikaṭṭhaparamatthenāti? Āmantā. Aññaṃ viññāṇaṃ añño puggaloti? Na hevaṃ vattabbe.

ஆஜானாஹி படிகம்மங். ஹஞ்சி வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘அஞ்ஞங் விஞ்ஞாணங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் விஞ்ஞாணங் அஞ்ஞோ புக்³க³லோ’’’தி மிச்சா².

Ājānāhi paṭikammaṃ. Hañci vuttaṃ bhagavatā – ‘‘atthi puggalo attahitāya paṭipanno,’’ viññāṇañca upalabbhati saccikaṭṭhaparamatthena, tena vata re vattabbe – ‘‘aññaṃ viññāṇaṃ añño puggalo’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno, viññāṇañca upalabbhati saccikaṭṭhaparamatthena,’ no ca vattabbe – ‘aññaṃ viññāṇaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் விஞ்ஞாணங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ,’ விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, நோ ச வத்தப்³பே³ – ‘அஞ்ஞங் விஞ்ஞாணங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ viññāṇaṃ añño puggalo’’ti, no ca vata re vattabbe – ‘‘vuttaṃ bhagavatā – ‘atthi puggalo attahitāya paṭipanno,’ viññāṇañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ viññāṇañca upalabbhati saccikaṭṭhaparamatthena, no ca vattabbe – ‘aññaṃ viññāṇaṃ añño puggalo’’’ti micchā…pe….

24. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ சக்கா²யதனஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதாயதனஞ்ச உபலப்³ப⁴தி…பே॰… த⁴ம்மாயதனஞ்ச உபலப்³ப⁴தி ஸச்சிகட்ட²பரமத்தே²ன…பே॰….

24. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno,’’ cakkhāyatanañca upalabbhati saccikaṭṭhaparamatthena…pe… sotāyatanañca upalabbhati…pe… dhammāyatanañca upalabbhati saccikaṭṭhaparamatthena…pe….

25. சக்கு²தா⁴து ச உபலப்³ப⁴தி ஸச்சிகட்ட²பரமத்தே²ன…பே॰… காயதா⁴து ச உபலப்³ப⁴தி…பே॰… ரூபதா⁴து ச உபலப்³ப⁴தி…பே॰… பொ²ட்ட²ப்³ப³தா⁴து ச உபலப்³ப⁴தி…பே॰… சக்கு²விஞ்ஞாணதா⁴து ச உபலப்³ப⁴தி…பே॰… மனோவிஞ்ஞாணதா⁴து ச உபலப்³ப⁴தி…பே॰… த⁴ம்மதா⁴து ச உபலப்³ப⁴தி ஸச்சிகட்ட²பரமத்தே²ன…பே॰….

25. Cakkhudhātu ca upalabbhati saccikaṭṭhaparamatthena…pe… kāyadhātu ca upalabbhati…pe… rūpadhātu ca upalabbhati…pe… phoṭṭhabbadhātu ca upalabbhati…pe… cakkhuviññāṇadhātu ca upalabbhati…pe… manoviññāṇadhātu ca upalabbhati…pe… dhammadhātu ca upalabbhati saccikaṭṭhaparamatthena…pe….

26. சக்கு²ந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன…பே॰… அஞ்ஞிந்த்³ரியஞ்ச ²¹ உபலப்³ப⁴தி ஸச்சிகட்ட²பரமத்தே²ன…பே॰….

26. Cakkhundriyañca upalabbhati saccikaṭṭhaparamatthena…pe… sotindriyañca upalabbhati saccikaṭṭhaparamatthena…pe… aññindriyañca ²² upalabbhati saccikaṭṭhaparamatthena…pe….

27. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோதி? ந ஹேவங் வத்தப்³பே³.

27. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno,’’ aññātāvindriyañca upalabbhati saccikaṭṭhaparamatthenāti? Āmantā. Aññaṃ aññātāvindriyaṃ añño puggaloti? Na hevaṃ vattabbe.

ஆஜானாஹி படிகம்மங். ஹஞ்சி வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா².

Ājānāhi paṭikammaṃ. Hañci vuttaṃ bhagavatā – ‘‘atthi puggalo attahitāya paṭipanno,’’ aññātāvindriyañca upalabbhati saccikaṭṭhaparamatthena, tena vata re vattabbe – ‘‘aññaṃ aññātāvindriyaṃ añño puggalo’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ,’ அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ aññātāvindriyaṃ añño puggalo’’ti, no ca vata re vattabbe – ‘‘vuttaṃ bhagavatā – ‘atthi puggalo attahitāya paṭipanno,’ aññātāvindriyañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā…pe….

ஸுத்³தி⁴கஸங்ஸந்த³னா.

Suddhikasaṃsandanā.

6. ஓபம்மஸங்ஸந்த³னங்

6. Opammasaṃsandanaṃ

28. ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னாதி? ஆமந்தா. புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³.

28. Rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanāti? Āmantā. Puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthenāti? Āmantā. Aññaṃ rūpaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன; தேன வத ரே வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena; tena vata re vattabbe – ‘‘aññaṃ rūpaṃ añño puggalo’’ti. Yaṃ tattha vadesi – ‘‘vattabbe kho – ‘rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ rūpaṃ añño puggalo’’ti, no ca vata re vattabbe – ‘‘rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā…pe….

29. ரூபங் உபலப்³ப⁴தி ஸச்சிகட்ட²பரமத்தே²ன, ஸஞ்ஞா ச உபலப்³ப⁴தி…பே॰… ஸங்கா²ரா ச உபலப்³ப⁴ந்தி…பே॰… விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞங் விஞ்ஞாணந்தி? ஆமந்தா. புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³.

29. Rūpaṃ upalabbhati saccikaṭṭhaparamatthena, saññā ca upalabbhati…pe… saṅkhārā ca upalabbhanti…pe… viññāṇañca upalabbhati saccikaṭṭhaparamatthena, aññaṃ rūpaṃ aññaṃ viññāṇanti? Āmantā. Puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthenāti? Āmantā. Aññaṃ rūpaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி ரூபங் உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞங் விஞ்ஞாணங், புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன; தேன வத ரே வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘ரூபங் உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன , அஞ்ஞங் ரூபங் அஞ்ஞங் விஞ்ஞாணங், புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci rūpaṃ upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena, aññaṃ rūpaṃ aññaṃ viññāṇaṃ, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena; tena vata re vattabbe – ‘‘aññaṃ rūpaṃ añño puggalo’’ti. Yaṃ tattha vadesi – ‘‘vattabbe kho – ‘rūpaṃ upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena , aññaṃ rūpaṃ aññaṃ viññāṇaṃ, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘ரூபங் உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞங் விஞ்ஞாணங், புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘ரூபங் உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞங் விஞ்ஞாணங், புக்³க³லோ உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ rūpaṃ añño puggalo’’ti, no ca vata re vattabbe – ‘‘rūpaṃ upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena, aññaṃ rūpaṃ aññaṃ viññāṇaṃ, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘rūpaṃ upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena, aññaṃ rūpaṃ aññaṃ viññāṇaṃ, puggalo upalabbhati saccikaṭṭhaparamatthena, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā…pe….

30. வேத³னா உபலப்³ப⁴தி ஸச்சிகட்ட²பரமத்தே²ன, ஸஞ்ஞா ச உபலப்³ப⁴தி…பே॰… ஸங்கா²ரா ச உபலப்³ப⁴ந்தி…பே॰… விஞ்ஞாணஞ்ச உபலப்³ப⁴தி…பே॰… ரூபஞ்ச உபலப்³ப⁴தி ஸச்சிகட்ட²பரமத்தே²ன…பே॰….

30. Vedanā upalabbhati saccikaṭṭhaparamatthena, saññā ca upalabbhati…pe… saṅkhārā ca upalabbhanti…pe… viññāṇañca upalabbhati…pe… rūpañca upalabbhati saccikaṭṭhaparamatthena…pe….

31. ஸஞ்ஞா உபலப்³ப⁴தி ஸச்சிகட்ட²பரமத்தே²ன, ஸங்கா²ரா ச உபலப்³ப⁴ந்தி…பே॰… விஞ்ஞாணஞ்ச உபலப்³ப⁴தி…பே॰… ரூபஞ்ச உபலப்³ப⁴தி…பே॰… வேத³னா ச உபலப்³ப⁴தி ஸச்சிகட்ட²பரமத்தே²ன…பே॰….

31. Saññā upalabbhati saccikaṭṭhaparamatthena, saṅkhārā ca upalabbhanti…pe… viññāṇañca upalabbhati…pe… rūpañca upalabbhati…pe… vedanā ca upalabbhati saccikaṭṭhaparamatthena…pe….

32. ஸங்கா²ரா உபலப்³ப⁴ந்தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி…பே॰… ரூபஞ்ச உபலப்³ப⁴தி…பே॰… வேத³னா ச உபலப்³ப⁴தி…பே॰… ஸஞ்ஞா ச உபலப்³ப⁴தி ஸச்சிகட்ட²பரமத்தே²ன…பே॰….

32. Saṅkhārā upalabbhanti saccikaṭṭhaparamatthena, viññāṇañca upalabbhati…pe… rūpañca upalabbhati…pe… vedanā ca upalabbhati…pe… saññā ca upalabbhati saccikaṭṭhaparamatthena…pe….

33. விஞ்ஞாணங் உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி…பே॰… வேத³னா ச உபலப்³ப⁴தி…பே॰… ஸஞ்ஞா ச உபலப்³ப⁴தி…பே॰… ஸங்கா²ரா ச உபலப்³ப⁴ந்தி ஸச்சிகட்ட²பரமத்தே²ன, அஞ்ஞங் விஞ்ஞாணங் அஞ்ஞே ஸங்கா²ராதி? ஆமந்தா. புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் விஞ்ஞாணங் அஞ்ஞோ புக்³க³லோதி? ந ஹேவங் வத்தப்³பே³.

33. Viññāṇaṃ upalabbhati saccikaṭṭhaparamatthena, rūpañca upalabbhati…pe… vedanā ca upalabbhati…pe… saññā ca upalabbhati…pe… saṅkhārā ca upalabbhanti saccikaṭṭhaparamatthena, aññaṃ viññāṇaṃ aññe saṅkhārāti? Āmantā. Puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthenāti? Āmantā. Aññaṃ viññāṇaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி விஞ்ஞாணங் உபலப்³ப⁴தி ஸச்சிகட்ட²பரமத்தே²ன, ஸங்கா²ரா ச உபலப்³ப⁴ந்தி ஸச்சிகட்ட²பரமத்தே²ன, அஞ்ஞங் விஞ்ஞாணங் அஞ்ஞே ஸங்கா²ரா, புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன; தேன வத ரே வத்தப்³பே³ – ‘‘அஞ்ஞங் விஞ்ஞாணங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘விஞ்ஞாணங் உபலப்³ப⁴தி ஸச்சிகட்ட²பரமத்தே²ன, ஸங்கா²ரா ச உபலப்³ப⁴ந்தி ஸச்சிகட்ட²பரமத்தே²ன, அஞ்ஞங் விஞ்ஞாணங் அஞ்ஞே ஸங்கா²ரா, புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் விஞ்ஞாணங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci viññāṇaṃ upalabbhati saccikaṭṭhaparamatthena, saṅkhārā ca upalabbhanti saccikaṭṭhaparamatthena, aññaṃ viññāṇaṃ aññe saṅkhārā, puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena; tena vata re vattabbe – ‘‘aññaṃ viññāṇaṃ añño puggalo’’ti. Yaṃ tattha vadesi – ‘‘vattabbe kho – ‘viññāṇaṃ upalabbhati saccikaṭṭhaparamatthena, saṅkhārā ca upalabbhanti saccikaṭṭhaparamatthena, aññaṃ viññāṇaṃ aññe saṅkhārā, puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena,’ no ca vattabbe – ‘aññaṃ viññāṇaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் விஞ்ஞாணங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘விஞ்ஞாணங் உபலப்³ப⁴தி ஸச்சிகட்ட²பரமத்தே²ன, ஸங்கா²ரா ச உபலப்³ப⁴ந்தி ஸச்சிகட்ட²பரமத்தே²ன, அஞ்ஞங் விஞ்ஞாணங் அஞ்ஞே ஸங்கா²ரா, புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘விஞ்ஞாணங் உபலப்³ப⁴தி ஸச்சிகட்ட²பரமத்தே²ன, ஸங்கா²ரா ச உபலப்³ப⁴ந்தி ஸச்சிகட்ட²பரமத்தே²ன, அஞ்ஞங் விஞ்ஞாணங் அஞ்ஞே ஸங்கா²ரா, புக்³க³லோ உபலப்³ப⁴தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் விஞ்ஞாணங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ viññāṇaṃ añño puggalo’’ti, no ca vata re vattabbe – ‘‘viññāṇaṃ upalabbhati saccikaṭṭhaparamatthena, saṅkhārā ca upalabbhanti saccikaṭṭhaparamatthena, aññaṃ viññāṇaṃ aññe saṅkhārā, puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘viññāṇaṃ upalabbhati saccikaṭṭhaparamatthena, saṅkhārā ca upalabbhanti saccikaṭṭhaparamatthena, aññaṃ viññāṇaṃ aññe saṅkhārā, puggalo upalabbhati saccikaṭṭhaparamatthena, viññāṇañca upalabbhati saccikaṭṭhaparamatthena,’ no ca vattabbe – ‘aññaṃ viññāṇaṃ añño puggalo’’’ti micchā…pe….

34. சக்கா²யதனங் உபலப்³ப⁴தி ஸச்சிகட்ட²பரமத்தே²ன, ஸோதாயதனஞ்ச உபலப்³ப⁴தி…பே॰… த⁴ம்மாயதனஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதாயதனங் உபலப்³ப⁴தி…பே॰… த⁴ம்மாயதனங் உபலப்³ப⁴தி ஸச்சிகட்ட²பரமத்தே²ன, சக்கா²யதனஞ்ச உபலப்³ப⁴தி…பே॰… மனாயதனஞ்ச உபலப்³ப⁴தி ஸச்சிகட்ட²பரமத்தே²ன…பே॰….

34. Cakkhāyatanaṃ upalabbhati saccikaṭṭhaparamatthena, sotāyatanañca upalabbhati…pe… dhammāyatanañca upalabbhati saccikaṭṭhaparamatthena…pe… sotāyatanaṃ upalabbhati…pe… dhammāyatanaṃ upalabbhati saccikaṭṭhaparamatthena, cakkhāyatanañca upalabbhati…pe… manāyatanañca upalabbhati saccikaṭṭhaparamatthena…pe….

35. சக்கு²தா⁴து உபலப்³ப⁴தி ஸச்சிகட்ட²பரமத்தே²ன, ஸோததா⁴து ச உபலப்³ப⁴தி…பே॰… த⁴ம்மதா⁴து ச உபலப்³ப⁴தி ஸச்சிகட்ட²பரமத்தே²ன…பே॰… ஸோததா⁴து உபலப்³ப⁴தி…பே॰… த⁴ம்மதா⁴து உபலப்³ப⁴தி ஸச்சிகட்ட²பரமத்தே²ன, சக்கு²தா⁴து ச உபலப்³ப⁴தி…பே॰… மனோவிஞ்ஞாணதா⁴து ச உபலப்³ப⁴தி ஸச்சிகட்ட²பரமத்தே²ன…பே॰….

35. Cakkhudhātu upalabbhati saccikaṭṭhaparamatthena, sotadhātu ca upalabbhati…pe… dhammadhātu ca upalabbhati saccikaṭṭhaparamatthena…pe… sotadhātu upalabbhati…pe… dhammadhātu upalabbhati saccikaṭṭhaparamatthena, cakkhudhātu ca upalabbhati…pe… manoviññāṇadhātu ca upalabbhati saccikaṭṭhaparamatthena…pe….

36. சக்கு²ந்த்³ரியங் உபலப்³ப⁴தி ஸச்சிகட்ட²பரமத்தே²ன, ஸோதிந்த்³ரியஞ்ச உபலப்³ப⁴தி…பே॰… அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதிந்த்³ரியங் உபலப்³ப⁴தி…பே॰… அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன…பே॰… சக்கு²ந்த்³ரியஞ்ச உபலப்³ப⁴தி…பே॰… அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியந்தி? ஆமந்தா. புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோதி? ந ஹேவங் வத்தப்³பே³.

36. Cakkhundriyaṃ upalabbhati saccikaṭṭhaparamatthena, sotindriyañca upalabbhati…pe… aññātāvindriyañca upalabbhati saccikaṭṭhaparamatthena…pe… sotindriyaṃ upalabbhati…pe… aññātāvindriyaṃ upalabbhati saccikaṭṭhaparamatthena…pe… cakkhundriyañca upalabbhati…pe… aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyanti? Āmantā. Puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthenāti? Āmantā. Aññaṃ aññātāvindriyaṃ añño puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன; தேன வத ரே வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா².

Ājānāhi niggahaṃ. Hañci aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthena; tena vata re vattabbe – ‘‘aññaṃ aññātāvindriyaṃ añño puggalo’’ti. Yaṃ tattha vadesi – ‘‘vattabbe kho – ‘aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், புக்³க³லோ உபலப்³ப⁴தி ஸச்சிகட்ட²பரமத்தே²ன, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ aññātāvindriyaṃ añño puggalo’’ti, no ca vata re vattabbe – ‘‘aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, puggalo upalabbhati saccikaṭṭhaparamatthena, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā…pe….

37. ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ ரூபஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³.

37. Rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanāti? Āmantā. Vuttaṃ bhagavatā – ‘‘atthi puggalo attahitāya paṭipanno,’’ rūpañca upalabbhati saccikaṭṭhaparamatthenāti? Āmantā. Aññaṃ rūpaṃ añño puggaloti? Na hevaṃ vattabbe.

ஆஜானாஹி படிகம்மங். ஹஞ்சி ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ ரூபஞ்ச உபலப்³ப⁴தி ஸச்சிகட்ட²பரமத்தே²ன; தேன வத ரே வத்தப்³பே³ – அஞ்ஞங் ரூபங் அஞ்ஞோ புக்³க³லோதி. யங் தத்த² வதே³ஸி – ‘‘வத்தப்³பே³ கோ² – ‘ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா².

Ājānāhi paṭikammaṃ. Hañci rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, vuttaṃ bhagavatā – ‘‘atthi puggalo attahitāya paṭipanno,’’ rūpañca upalabbhati saccikaṭṭhaparamatthena; tena vata re vattabbe – aññaṃ rūpaṃ añño puggaloti. Yaṃ tattha vadesi – ‘‘vattabbe kho – ‘rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, vuttaṃ bhagavatā – atthi puggalo attahitāya paṭipanno, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் ரூபங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ,’ ரூபஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘ரூபங் உபலப்³ப⁴தி ஸச்சிகட்ட²பரமத்தே²ன, வேத³னா ச உபலப்³ப⁴தி ஸச்சிகட்ட²பரமத்தே²ன, அஞ்ஞங் ரூபங் அஞ்ஞா வேத³னா, வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, ரூபஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் ரூபங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ rūpaṃ añño puggalo’’ti, no ca vata re vattabbe – ‘‘rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, vuttaṃ bhagavatā – ‘atthi puggalo attahitāya paṭipanno,’ rūpañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘rūpaṃ upalabbhati saccikaṭṭhaparamatthena, vedanā ca upalabbhati saccikaṭṭhaparamatthena, aññaṃ rūpaṃ aññā vedanā, vuttaṃ bhagavatā – atthi puggalo attahitāya paṭipanno, rūpañca upalabbhati saccikaṭṭhaparamatthena,’ no ca vattabbe – ‘aññaṃ rūpaṃ añño puggalo’’’ti micchā…pe….

38. ரூபங் உபலப்³ப⁴தி ஸச்சிகட்ட²பரமத்தே²ன, ஸஞ்ஞா ச உபலப்³ப⁴தி… ஸங்கா²ரா ச உபலப்³ப⁴ந்தி… விஞ்ஞாணஞ்ச உபலப்³ப⁴தி ஸச்சிகட்ட²பரமத்தே²ன…பே॰….

38. Rūpaṃ upalabbhati saccikaṭṭhaparamatthena, saññā ca upalabbhati… saṅkhārā ca upalabbhanti… viññāṇañca upalabbhati saccikaṭṭhaparamatthena…pe….

39. வேத³னா உபலப்³ப⁴தி ஸச்சிகட்ட²பரமத்தே²ன, ஸஞ்ஞா ச உபலப்³ப⁴தி… ஸங்கா²ரா ச உபலப்³ப⁴ந்தி… விஞ்ஞாணஞ்ச உபலப்³ப⁴தி… ரூபஞ்ச உபலப்³ப⁴தி ஸச்சிகட்ட²பரமத்தே²ன…பே॰….

39. Vedanā upalabbhati saccikaṭṭhaparamatthena, saññā ca upalabbhati… saṅkhārā ca upalabbhanti… viññāṇañca upalabbhati… rūpañca upalabbhati saccikaṭṭhaparamatthena…pe….

40. ஸஞ்ஞா உபலப்³ப⁴தி ஸச்சிகட்ட²பரமத்தே²ன, ஸங்கா²ரா ச உபலப்³ப⁴ந்தி… விஞ்ஞாணஞ்ச உபலப்³ப⁴தி… ரூபஞ்ச உபலப்³ப⁴தி… வேத³னா ச உபலப்³ப⁴தி ஸச்சிகட்ட²பரமத்தே²ன…பே॰….

40. Saññā upalabbhati saccikaṭṭhaparamatthena, saṅkhārā ca upalabbhanti… viññāṇañca upalabbhati… rūpañca upalabbhati… vedanā ca upalabbhati saccikaṭṭhaparamatthena…pe….

41. ஸங்கா²ரா உபலப்³ப⁴ந்தி ஸச்சிகட்ட²பரமத்தே²ன, விஞ்ஞாணஞ்ச உபலப்³ப⁴தி… ரூபஞ்ச உபலப்³ப⁴தி… வேத³னா ச உபலப்³ப⁴தி… ஸஞ்ஞா ச உபலப்³ப⁴தி ஸச்சிகட்ட²பரமத்தே²ன…பே॰….

41. Saṅkhārā upalabbhanti saccikaṭṭhaparamatthena, viññāṇañca upalabbhati… rūpañca upalabbhati… vedanā ca upalabbhati… saññā ca upalabbhati saccikaṭṭhaparamatthena…pe….

42. விஞ்ஞாணங் உபலப்³ப⁴தி ஸச்சிகட்ட²பரமத்தே²ன, ரூபஞ்ச உபலப்³ப⁴தி… வேத³னா ச உபலப்³ப⁴தி… ஸஞ்ஞா ச உபலப்³ப⁴தி… ஸங்கா²ரா ச உபலப்³ப⁴ந்தி ஸச்சிகட்ட²பரமத்தே²ன…பே॰….

42. Viññāṇaṃ upalabbhati saccikaṭṭhaparamatthena, rūpañca upalabbhati… vedanā ca upalabbhati… saññā ca upalabbhati… saṅkhārā ca upalabbhanti saccikaṭṭhaparamatthena…pe….

43. சக்கா²யதனங் உபலப்³ப⁴தி ஸச்சிகட்ட²பரமத்தே²ன, ஸோதாயதனஞ்ச உபலப்³ப⁴தி…பே॰… த⁴ம்மாயதனஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதாயதனங் உபலப்³ப⁴தி…பே॰… த⁴ம்மாயதனங் உபலப்³ப⁴தி ஸச்சிகட்ட²பரமத்தே²ன சக்கா²யதனஞ்ச உபலப்³ப⁴தி…பே॰… மனாயதனஞ்ச உபலப்³ப⁴தி ஸச்சிகட்ட²பரமத்தே²ன…பே॰….

43. Cakkhāyatanaṃ upalabbhati saccikaṭṭhaparamatthena, sotāyatanañca upalabbhati…pe… dhammāyatanañca upalabbhati saccikaṭṭhaparamatthena…pe… sotāyatanaṃ upalabbhati…pe… dhammāyatanaṃ upalabbhati saccikaṭṭhaparamatthena cakkhāyatanañca upalabbhati…pe… manāyatanañca upalabbhati saccikaṭṭhaparamatthena…pe….

44. சக்கு²தா⁴து உபலப்³ப⁴தி ஸச்சிகட்ட²பரமத்தே²ன, ஸோததா⁴து ச உபலப்³ப⁴தி…பே॰… த⁴ம்மதா⁴து ச உபலப்³ப⁴தி ஸச்சிகட்ட²பரமத்தே²ன…பே॰… ஸோததா⁴து உபலப்³ப⁴தி ஸச்சிகட்ட²பரமத்தே²ன…பே॰… த⁴ம்மதா⁴து உபலப்³ப⁴தி ஸச்சிகட்ட²பரமத்தே²ன, சக்கு²தா⁴து ச உபலப்³ப⁴தி…பே॰… மனோவிஞ்ஞாணதா⁴து ச உபலப்³ப⁴தி ஸச்சிகட்ட²பரமத்தே²ன…பே॰….

44. Cakkhudhātu upalabbhati saccikaṭṭhaparamatthena, sotadhātu ca upalabbhati…pe… dhammadhātu ca upalabbhati saccikaṭṭhaparamatthena…pe… sotadhātu upalabbhati saccikaṭṭhaparamatthena…pe… dhammadhātu upalabbhati saccikaṭṭhaparamatthena, cakkhudhātu ca upalabbhati…pe… manoviññāṇadhātu ca upalabbhati saccikaṭṭhaparamatthena…pe….

45. சக்கு²ந்த்³ரியங் உபலப்³ப⁴தி ஸச்சிகட்ட²பரமத்தே²ன, ஸோதிந்த்³ரியஞ்ச உபலப்³ப⁴தி…பே॰… அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன…பே॰… ஸோதிந்த்³ரியங் உபலப்³ப⁴தி…பே॰… அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, சக்கு²ந்த்³ரியஞ்ச உபலப்³ப⁴தி…பே॰… அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன; அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியந்தி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோதி? ந ஹேவங் வத்தப்³பே³.

45. Cakkhundriyaṃ upalabbhati saccikaṭṭhaparamatthena, sotindriyañca upalabbhati…pe… aññātāvindriyañca upalabbhati saccikaṭṭhaparamatthena…pe… sotindriyaṃ upalabbhati…pe… aññātāvindriyaṃ upalabbhati saccikaṭṭhaparamatthena, cakkhundriyañca upalabbhati…pe… aññindriyañca upalabbhati saccikaṭṭhaparamatthena; aññaṃ aññātāvindriyaṃ aññaṃ aññindriyanti? Āmantā. Vuttaṃ bhagavatā – ‘‘atthi puggalo attahitāya paṭipanno,’’ aññātāvindriyañca upalabbhati saccikaṭṭhaparamatthenāti? Āmantā. Aññaṃ aññātāvindriyaṃ añño puggaloti? Na hevaṃ vattabbe.

ஆஜானாஹி படிகம்மங். ஹஞ்சி அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன; தேன வத ரே வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா².

Ājānāhi paṭikammaṃ. Hañci aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, vuttaṃ bhagavatā – ‘‘atthi puggalo attahitāya paṭipanno,’’ aññātāvindriyañca upalabbhati saccikaṭṭhaparamatthena; tena vata re vattabbe – ‘‘aññaṃ aññātāvindriyaṃ añño puggalo’’ti. Yaṃ tattha vadesi – ‘‘vattabbe kho – ‘aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, vuttaṃ bhagavatā – atthi puggalo attahitāya paṭipanno, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā.

நோ சே பன வத்தப்³பே³ – ‘‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ,’ அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘அஞ்ஞாதாவிந்த்³ரியங் உபலப்³ப⁴தி ஸச்சிகட்ட²பரமத்தே²ன, அஞ்ஞிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன, அஞ்ஞங் அஞ்ஞாதாவிந்த்³ரியங் அஞ்ஞங் அஞ்ஞிந்த்³ரியங், வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ, அஞ்ஞாதாவிந்த்³ரியஞ்ச உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘அஞ்ஞங் அஞ்ஞாதாவிந்த்³ரியங் அஞ்ஞோ புக்³க³லோ’’’தி மிச்சா²…பே॰….

No ce pana vattabbe – ‘‘aññaṃ aññātāvindriyaṃ añño puggalo’’ti, no ca vata re vattabbe – ‘‘aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, vuttaṃ bhagavatā – ‘atthi puggalo attahitāya paṭipanno,’ aññātāvindriyañca upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘aññātāvindriyaṃ upalabbhati saccikaṭṭhaparamatthena, aññindriyañca upalabbhati saccikaṭṭhaparamatthena, aññaṃ aññātāvindriyaṃ aññaṃ aññindriyaṃ, vuttaṃ bhagavatā – atthi puggalo attahitāya paṭipanno, aññātāvindriyañca upalabbhati saccikaṭṭhaparamatthena,’ no ca vattabbe – ‘aññaṃ aññātāvindriyaṃ añño puggalo’’’ti micchā…pe….

ஓபம்மஸங்ஸந்த³னங்.

Opammasaṃsandanaṃ.

7. சதுக்கனயஸங்ஸந்த³னங்

7. Catukkanayasaṃsandanaṃ

46. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ரூபங் புக்³க³லோதி? ந ஹேவங் வத்தப்³பே³.

46. Puggalo upalabbhati saccikaṭṭhaparamatthenāti? Āmantā. Rūpaṃ puggaloti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘ரூபங் புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ரூபங் புக்³க³லோ’’’தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘rūpaṃ puggalo’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘rūpaṃ puggalo’’’ti micchā.

நோ சே பன வத்தப்³பே³ – ‘‘ரூபங் புக்³க³லோ’’தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘ரூபங் புக்³க³லோ’’’தி மிச்சா²…பே॰….

No ce pana vattabbe – ‘‘rūpaṃ puggalo’’ti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘rūpaṃ puggalo’’’ti micchā…pe….

47. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ரூபஸ்மிங் புக்³க³லோ…பே॰… அஞ்ஞத்ர ரூபா புக்³க³லோ…பே॰… புக்³க³லஸ்மிங் ரூபந்தி? ந ஹேவங் வத்தப்³பே³.

47. Puggalo upalabbhati saccikaṭṭhaparamatthenāti? Āmantā. Rūpasmiṃ puggalo…pe… aññatra rūpā puggalo…pe… puggalasmiṃ rūpanti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘புக்³க³லஸ்மிங் ரூப’’ந்தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன ,’ நோ ச வத்தப்³பே³ – ‘புக்³க³லஸ்மிங் ரூப’’’ந்தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘puggalasmiṃ rūpa’’nti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena ,’ no ca vattabbe – ‘puggalasmiṃ rūpa’’’nti micchā.

நோ சே பன வத்தப்³பே³ – ‘‘புக்³க³லஸ்மிங் ரூப’’ந்தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘புக்³க³லஸ்மிங் ரூப’’’ந்தி மிச்சா²…பே॰….

No ce pana vattabbe – ‘‘puggalasmiṃ rūpa’’nti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘puggalasmiṃ rūpa’’’nti micchā…pe….

48. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. வேத³னா புக்³க³லோ…பே॰… வேத³னாய புக்³க³லோ…பே॰… அஞ்ஞத்ர வேத³னாய புக்³க³லோ…பே॰… புக்³க³லஸ்மிங் வேத³னா…பே॰….

48. Puggalo upalabbhati saccikaṭṭhaparamatthenāti? Āmantā. Vedanā puggalo…pe… vedanāya puggalo…pe… aññatra vedanāya puggalo…pe… puggalasmiṃ vedanā…pe….

ஸஞ்ஞா புக்³க³லோ…பே॰… ஸஞ்ஞாய புக்³க³லோ…பே॰… அஞ்ஞத்ர ஸஞ்ஞாய புக்³க³லோ…பே॰… புக்³க³லஸ்மிங் ஸஞ்ஞா…பே॰….

Saññā puggalo…pe… saññāya puggalo…pe… aññatra saññāya puggalo…pe… puggalasmiṃ saññā…pe….

ஸங்கா²ரா புக்³க³லோ…பே॰… ஸங்கா²ரேஸு புக்³க³லோ…பே॰… அஞ்ஞத்ர ஸங்கா²ரேஹி புக்³க³லோ…பே॰… புக்³க³லஸ்மிங் ஸங்கா²ரா…பே॰….

Saṅkhārā puggalo…pe… saṅkhāresu puggalo…pe… aññatra saṅkhārehi puggalo…pe… puggalasmiṃ saṅkhārā…pe….

விஞ்ஞாணங் புக்³க³லோ…பே॰… விஞ்ஞாணஸ்மிங் புக்³க³லோ…பே॰… அஞ்ஞத்ர விஞ்ஞாணா புக்³க³லோ…பே॰… புக்³க³லஸ்மிங் விஞ்ஞாணந்தி? ந ஹேவங் வத்தப்³பே³.

Viññāṇaṃ puggalo…pe… viññāṇasmiṃ puggalo…pe… aññatra viññāṇā puggalo…pe… puggalasmiṃ viññāṇanti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘புக்³க³லஸ்மிங் விஞ்ஞாண’’ந்தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘புக்³க³லஸ்மிங் விஞ்ஞாண’’’ந்தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘puggalasmiṃ viññāṇa’’nti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘puggalasmiṃ viññāṇa’’’nti micchā.

நோ சே பன வத்தப்³பே³ – ‘‘புக்³க³லஸ்மிங் விஞ்ஞாண’’ந்தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘புக்³க³லஸ்மிங் விஞ்ஞாண’’’ந்தி மிச்சா²…பே॰….

No ce pana vattabbe – ‘‘puggalasmiṃ viññāṇa’’nti, no ca vata re vattabbe – ‘‘puggalo upalabbhati saccikaṭṭhaparamatthenā’’ti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘puggalasmiṃ viññāṇa’’’nti micchā…pe….

49. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. சக்கா²யதனங் புக்³க³லோ…பே॰… சக்கா²யதனஸ்மிங் புக்³க³லோ…பே॰… அஞ்ஞத்ர சக்கா²யதனா புக்³க³லோ…பே॰… புக்³க³லஸ்மிங் சக்கா²யதனங்…பே॰… த⁴ம்மாயதனங் புக்³க³லோ…பே॰… த⁴ம்மாயதனஸ்மிங் புக்³க³லோ…பே॰… அஞ்ஞத்ர த⁴ம்மாயதனா புக்³க³லோ…பே॰… புக்³க³லஸ்மிங் த⁴ம்மாயதனங்…பே॰….

49. Puggalo upalabbhati saccikaṭṭhaparamatthenāti? Āmantā. Cakkhāyatanaṃ puggalo…pe… cakkhāyatanasmiṃ puggalo…pe… aññatra cakkhāyatanā puggalo…pe… puggalasmiṃ cakkhāyatanaṃ…pe… dhammāyatanaṃ puggalo…pe… dhammāyatanasmiṃ puggalo…pe… aññatra dhammāyatanā puggalo…pe… puggalasmiṃ dhammāyatanaṃ…pe….

சக்கு²தா⁴து புக்³க³லோ…பே॰… சக்கு²தா⁴துயா புக்³க³லோ…பே॰… அஞ்ஞத்ர சக்கு²தா⁴துயா புக்³க³லோ…பே॰… புக்³க³லஸ்மிங் சக்கு²தா⁴து…பே॰… த⁴ம்மதா⁴து புக்³க³லோ…பே॰… த⁴ம்மதா⁴துயா புக்³க³லோ…பே॰… அஞ்ஞத்ர த⁴ம்மதா⁴துயா புக்³க³லோ…பே॰… புக்³க³லஸ்மிங் த⁴ம்மதா⁴து…பே॰….

Cakkhudhātu puggalo…pe… cakkhudhātuyā puggalo…pe… aññatra cakkhudhātuyā puggalo…pe… puggalasmiṃ cakkhudhātu…pe… dhammadhātu puggalo…pe… dhammadhātuyā puggalo…pe… aññatra dhammadhātuyā puggalo…pe… puggalasmiṃ dhammadhātu…pe….

சக்கு²ந்த்³ரியங் புக்³க³லோ…பே॰… சக்கு²ந்த்³ரியஸ்மிங் புக்³க³லோ…பே॰… அஞ்ஞத்ர சக்கு²ந்த்³ரியா புக்³க³லோ …பே॰… புக்³க³லஸ்மிங் சக்கு²ந்த்³ரியங்…பே॰… அஞ்ஞாதாவிந்த்³ரியங் புக்³க³லோ…பே॰… அஞ்ஞாதாவிந்த்³ரியஸ்மிங் புக்³க³லோ…பே॰… அஞ்ஞத்ர அஞ்ஞாதாவிந்த்³ரியா புக்³க³லோ…பே॰… புக்³க³லஸ்மிங் அஞ்ஞாதாவிந்த்³ரியந்தி? ந ஹேவங் வத்தப்³பே³.

Cakkhundriyaṃ puggalo…pe… cakkhundriyasmiṃ puggalo…pe… aññatra cakkhundriyā puggalo …pe… puggalasmiṃ cakkhundriyaṃ…pe… aññātāvindriyaṃ puggalo…pe… aññātāvindriyasmiṃ puggalo…pe… aññatra aññātāvindriyā puggalo…pe… puggalasmiṃ aññātāvindriyanti? Na hevaṃ vattabbe.

ஆஜானாஹி நிக்³க³ஹங். ஹஞ்சி புக்³க³லோ உபலப்³ப⁴தி ஸச்சிகட்ட²பரமத்தே²ன, தேன வத ரே வத்தப்³பே³ – ‘‘புக்³க³லஸ்மிங் அஞ்ஞாதாவிந்த்³ரிய’’ந்தி. யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘புக்³க³லஸ்மிங் அஞ்ஞாதாவிந்த்³ரிய’’’ந்தி மிச்சா².

Ājānāhi niggahaṃ. Hañci puggalo upalabbhati saccikaṭṭhaparamatthena, tena vata re vattabbe – ‘‘puggalasmiṃ aññātāvindriya’’nti. Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘puggalasmiṃ aññātāvindriya’’’nti micchā.

நோ சே பன வத்தப்³பே³ – ‘‘புக்³க³லஸ்மிங் அஞ்ஞாதாவிந்த்³ரிய’’ந்தி, நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி . யங் தத்த² வதே³ஸி – ‘‘வத்தப்³பே³ கோ² – ‘புக்³க³லோ உபலப்³ப⁴தி ஸச்சிகட்ட²பரமத்தே²ன,’ நோ ச வத்தப்³பே³ – ‘புக்³க³லஸ்மிங் அஞ்ஞாதாவிந்த்³ரிய’’’ந்தி மிச்சா²…பே॰….

No ce pana vattabbe – ‘‘puggalasmiṃ aññātāvindriya’’nti, no ca vata re vattabbe – ‘‘puggalo upalabbhati saccikaṭṭhaparamatthenā’’ti . Yaṃ tattha vadesi – ‘‘vattabbe kho – ‘puggalo upalabbhati saccikaṭṭhaparamatthena,’ no ca vattabbe – ‘puggalasmiṃ aññātāvindriya’’’nti micchā…pe….

50. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ’’தி? ஆமந்தா. ரூபங் புக்³க³லோதி? ந ஹேவங் வத்தப்³பே³.

50. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno’’ti? Āmantā. Rūpaṃ puggaloti? Na hevaṃ vattabbe.

ஆஜானாஹி படிகம்மங். ஹஞ்சி வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ தேன வத ரே வத்தப்³பே³ – ‘‘ரூபங் புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘ரூபங் புக்³க³லோதி’’’ மிச்சா².

Ājānāhi paṭikammaṃ. Hañci vuttaṃ bhagavatā – ‘‘atthi puggalo attahitāya paṭipanno,’’ tena vata re vattabbe – ‘‘rūpaṃ puggalo’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ no ca vattabbe – ‘rūpaṃ puggaloti’’’ micchā.

நோ சே பன வத்தப்³பே³ – ‘‘ரூபங் புக்³க³லோ’’தி, நோ ச வத ரே வத்தப்³பே³ – ‘‘வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ’’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘ரூபங் புக்³க³லோ’’’தி மிச்சா²…பே॰….

No ce pana vattabbe – ‘‘rūpaṃ puggalo’’ti, no ca vata re vattabbe – ‘‘vuttaṃ bhagavatā – ‘atthi puggalo attahitāya paṭipanno’’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ no ca vattabbe – ‘rūpaṃ puggalo’’’ti micchā…pe….

51. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ’’தி? ஆமந்தா. ரூபஸ்மிங் புக்³க³லோ…பே॰… அஞ்ஞத்ர ரூபா புக்³க³லோ…பே॰… புக்³க³லஸ்மிங் ரூபங்…பே॰….

51. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno’’ti? Āmantā. Rūpasmiṃ puggalo…pe… aññatra rūpā puggalo…pe… puggalasmiṃ rūpaṃ…pe….

வேத³னா புக்³க³லோ…பே॰… வேத³னாய புக்³க³லோ…பே॰… அஞ்ஞத்ர வேத³னாய புக்³க³லோ…பே॰… புக்³க³லஸ்மிங் வேத³னா…பே॰….

Vedanā puggalo…pe… vedanāya puggalo…pe… aññatra vedanāya puggalo…pe… puggalasmiṃ vedanā…pe….

Saññā puggalo…pe… saññāya puggalo…pe… aññatra saññāya puggalo…pe… puggalasmiṃ saññā…pe….

Saṅkhārā puggalo…pe… saṅkhāresu puggalo…pe… aññatra saṅkhārehi puggalo…pe… puggalasmiṃ saṅkhārā…pe….

Viññāṇaṃ puggalo…pe… viññāṇasmiṃ puggalo…pe… aññatra viññāṇā puggalo…pe… puggalasmiṃ viññāṇanti? Na hevaṃ vattabbe.

ஆஜானாஹி படிகம்மங். ஹஞ்சி வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ தேன வத ரே வத்தப்³பே³ – ‘‘புக்³க³லஸ்மிங் விஞ்ஞாண’’ந்தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘புக்³க³லஸ்மிங் விஞ்ஞாண’’’ந்தி மிச்சா².

Ājānāhi paṭikammaṃ. Hañci vuttaṃ bhagavatā – ‘‘atthi puggalo attahitāya paṭipanno,’’ tena vata re vattabbe – ‘‘puggalasmiṃ viññāṇa’’nti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ no ca vattabbe – ‘puggalasmiṃ viññāṇa’’’nti micchā.

நோ சே பன வத்தப்³பே³ – ‘‘புக்³க³லஸ்மிங் விஞ்ஞாண’’ந்தி, நோ ச வத ரே வத்தப்³பே³ – ‘‘வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ’’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘புக்³க³லஸ்மிங் விஞ்ஞாண’’’ந்தி மிச்சா²…பே॰….

No ce pana vattabbe – ‘‘puggalasmiṃ viññāṇa’’nti, no ca vata re vattabbe – ‘‘vuttaṃ bhagavatā – ‘atthi puggalo attahitāya paṭipanno’’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ no ca vattabbe – ‘puggalasmiṃ viññāṇa’’’nti micchā…pe….

52. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ’’தி? ஆமந்தா. சக்கா²யதனங் புக்³க³லோ…பே॰… சக்கா²யதனஸ்மிங் புக்³க³லோ…பே॰… அஞ்ஞத்ர சக்கா²யதனா புக்³க³லோ…பே॰… புக்³க³லஸ்மிங் சக்கா²யதனங்…பே॰… த⁴ம்மாயதனங் புக்³க³லோ…பே॰… த⁴ம்மாயதனஸ்மிங் புக்³க³லோ…பே॰… அஞ்ஞத்ர த⁴ம்மாயதனா புக்³க³லோ…பே॰… புக்³க³லஸ்மிங் த⁴ம்மாயதனங்…பே॰….

52. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno’’ti? Āmantā. Cakkhāyatanaṃ puggalo…pe… cakkhāyatanasmiṃ puggalo…pe… aññatra cakkhāyatanā puggalo…pe… puggalasmiṃ cakkhāyatanaṃ…pe… dhammāyatanaṃ puggalo…pe… dhammāyatanasmiṃ puggalo…pe… aññatra dhammāyatanā puggalo…pe… puggalasmiṃ dhammāyatanaṃ…pe….

சக்கு²ந்த்³ரியங் புக்³க³லோ…பே॰… சக்கு²ந்த்³ரியஸ்மிங் புக்³க³லோ…பே॰… அஞ்ஞத்ர சக்கு²ந்த்³ரியா புக்³க³லோ…பே॰… புக்³க³லஸ்மிங் சக்கு²ந்த்³ரியங்…பே॰… அஞ்ஞாதாவிந்த்³ரியங் புக்³க³லோ…பே॰… அஞ்ஞாதாவிந்த்³ரியஸ்மிங் புக்³க³லோ…பே॰… அஞ்ஞத்ர அஞ்ஞாதாவிந்த்³ரியா புக்³க³லோ…பே॰… புக்³க³லஸ்மிங் அஞ்ஞாதாவிந்த்³ரியந்தி? ந ஹேவங் வத்தப்³பே³.

Cakkhundriyaṃ puggalo…pe… cakkhundriyasmiṃ puggalo…pe… aññatra cakkhundriyā puggalo…pe… puggalasmiṃ cakkhundriyaṃ…pe… aññātāvindriyaṃ puggalo…pe… aññātāvindriyasmiṃ puggalo…pe… aññatra aññātāvindriyā puggalo…pe… puggalasmiṃ aññātāvindriyanti? Na hevaṃ vattabbe.

ஆஜானாஹி படிகம்மங். ஹஞ்சி வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ தேன வத ரே வத்தப்³பே³ – ‘‘புக்³க³லஸ்மிங் அஞ்ஞாதாவிந்த்³ரிய’’ந்தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘புக்³க³லஸ்மிங் அஞ்ஞாதாவிந்த்³ரிய’’’ந்தி மிச்சா².

Ājānāhi paṭikammaṃ. Hañci vuttaṃ bhagavatā – ‘‘atthi puggalo attahitāya paṭipanno,’’ tena vata re vattabbe – ‘‘puggalasmiṃ aññātāvindriya’’nti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ no ca vattabbe – ‘puggalasmiṃ aññātāvindriya’’’nti micchā.

நோ சே பன வத்தப்³பே³ – ‘‘புக்³க³லஸ்மிங் அஞ்ஞாதாவிந்த்³ரிய’’ந்தி, நோ ச வத ரே வத்தப்³பே³ – ‘‘வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ’’’தி. யங் தத்த² வதே³ஸி – ‘‘வத்தப்³பே³ கோ² – ‘வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘புக்³க³லஸ்மிங் அஞ்ஞாதாவிந்த்³ரிய’’’ந்தி மிச்சா²…பே॰….

No ce pana vattabbe – ‘‘puggalasmiṃ aññātāvindriya’’nti, no ca vata re vattabbe – ‘‘vuttaṃ bhagavatā – ‘atthi puggalo attahitāya paṭipanno’’’ti. Yaṃ tattha vadesi – ‘‘vattabbe kho – ‘vuttaṃ bhagavatā – atthi puggalo attahitāya paṭipanno,’ no ca vattabbe – ‘puggalasmiṃ aññātāvindriya’’’nti micchā…pe….

சதுக்கனயஸங்ஸந்த³னங்.

Catukkanayasaṃsandanaṃ.

8. லக்க²ணயுத்திகதா²

8. Lakkhaṇayuttikathā

53. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. புக்³க³லோ ஸப்பச்சயோ…பே॰… புக்³க³லோ அப்பச்சயோ… புக்³க³லோ ஸங்க²தோ … புக்³க³லோ அஸங்க²தோ… புக்³க³லோ ஸஸ்ஸதோ … புக்³க³லோ அஸஸ்ஸதோ… புக்³க³லோ ஸனிமித்தோ… புக்³க³லோ அனிமித்தோதி? ந ஹேவங் வத்தப்³பே³. (ஸங்கி²த்தங்)

53. Puggalo upalabbhati saccikaṭṭhaparamatthenāti? Āmantā. Puggalo sappaccayo…pe… puggalo appaccayo… puggalo saṅkhato … puggalo asaṅkhato… puggalo sassato … puggalo asassato… puggalo sanimitto… puggalo animittoti? Na hevaṃ vattabbe. (Saṃkhittaṃ)

54. புக்³க³லோ நுபலப்³ப⁴தி ஸச்சிகட்ட²பரமத்தே²னாதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ’’தி? ஆமந்தா. புக்³க³லோ ஸப்பச்சயோ…பே॰… புக்³க³லோ அப்பச்சயோ… புக்³க³லோ ஸங்க²தோ… புக்³க³லோ அஸங்க²தோ… புக்³க³லோ ஸஸ்ஸதோ… புக்³க³லோ அஸஸ்ஸதோ… புக்³க³லோ ஸனிமித்தோ… புக்³க³லோ அனிமித்தோதி? ந ஹேவங் வத்தப்³பே³. (ஸங்கி²த்தங்)

54. Puggalo nupalabbhati saccikaṭṭhaparamatthenāti? Āmantā. Vuttaṃ bhagavatā – ‘‘atthi puggalo attahitāya paṭipanno’’ti? Āmantā. Puggalo sappaccayo…pe… puggalo appaccayo… puggalo saṅkhato… puggalo asaṅkhato… puggalo sassato… puggalo asassato… puggalo sanimitto… puggalo animittoti? Na hevaṃ vattabbe. (Saṃkhittaṃ)

லக்க²ணயுத்திகதா².

Lakkhaṇayuttikathā.

9. வசனஸோத⁴னங்

9. Vacanasodhanaṃ

55. புக்³க³லோ உபலப்³ப⁴தி, உபலப்³ப⁴தி புக்³க³லோதி? புக்³க³லோ உபலப்³ப⁴தி, உபலப்³ப⁴தி கேஹிசி புக்³க³லோ கேஹிசி ந புக்³க³லோதி. புக்³க³லோ கேஹிசி உபலப்³ப⁴தி கேஹிசி ந உபலப்³ப⁴தீதி? ந ஹேவங் வத்தப்³பே³…பே॰….

55. Puggalo upalabbhati, upalabbhati puggaloti? Puggalo upalabbhati, upalabbhati kehici puggalo kehici na puggaloti. Puggalo kehici upalabbhati kehici na upalabbhatīti? Na hevaṃ vattabbe…pe….

56. புக்³க³லோ ஸச்சிகட்டோ², ஸச்சிகட்டோ² புக்³க³லோதி? புக்³க³லோ ஸச்சிகட்டோ², ஸச்சிகட்டோ² கேஹிசி புக்³க³லோ கேஹிசி ந புக்³க³லோதி. புக்³க³லோ கேஹிசி ஸச்சிகட்டோ² கேஹிசி ந ஸச்சிகட்டோ²தி? ந ஹேவங் வத்தப்³பே³…பே॰….

56. Puggalo saccikaṭṭho, saccikaṭṭho puggaloti? Puggalo saccikaṭṭho, saccikaṭṭho kehici puggalo kehici na puggaloti. Puggalo kehici saccikaṭṭho kehici na saccikaṭṭhoti? Na hevaṃ vattabbe…pe….

57. புக்³க³லோ விஜ்ஜமானோ, விஜ்ஜமானோ புக்³க³லோதி? புக்³க³லோ விஜ்ஜமானோ, விஜ்ஜமானோ கேஹிசி புக்³க³லோ கேஹிசி ந புக்³க³லோதி. புக்³க³லோ கேஹிசி விஜ்ஜமானோ கேஹிசி ந விஜ்ஜமானோதி? ந ஹேவங் வத்தப்³பே³…பே॰….

57. Puggalo vijjamāno, vijjamāno puggaloti? Puggalo vijjamāno, vijjamāno kehici puggalo kehici na puggaloti. Puggalo kehici vijjamāno kehici na vijjamānoti? Na hevaṃ vattabbe…pe….

58. புக்³க³லோ ஸங்விஜ்ஜமானோ, ஸங்விஜ்ஜமானோ புக்³க³லோதி? புக்³க³லோ ஸங்விஜ்ஜமானோ, ஸங்விஜ்ஜமானோ கேஹிசி புக்³க³லோ கேஹிசி ந புக்³க³லோதி. புக்³க³லோ கேஹிசி ஸங்விஜ்ஜமானோ கேஹிசி ந ஸங்விஜ்ஜமானோதி? ந ஹேவங் வத்தப்³பே³…பே॰….

58. Puggalo saṃvijjamāno, saṃvijjamāno puggaloti? Puggalo saṃvijjamāno, saṃvijjamāno kehici puggalo kehici na puggaloti. Puggalo kehici saṃvijjamāno kehici na saṃvijjamānoti? Na hevaṃ vattabbe…pe….

59. புக்³க³லோ அத்தி², அத்தி² புக்³க³லோதி? புக்³க³லோ அத்தி², அத்தி² கேஹிசி புக்³க³லோ கேஹிசி ந புக்³க³லோதி. புக்³க³லோ கேஹிசி அத்தி² கேஹிசி நத்தீ²தி? ந ஹேவங் வத்தப்³பே³…பே॰….

59. Puggalo atthi, atthi puggaloti? Puggalo atthi, atthi kehici puggalo kehici na puggaloti. Puggalo kehici atthi kehici natthīti? Na hevaṃ vattabbe…pe….

60. புக்³க³லோ அத்தி², அத்தி² ந ஸப்³போ³ புக்³க³லோதி? ஆமந்தா…பே॰… புக்³க³லோ நத்தி², நத்தி² ந ஸப்³போ³ புக்³க³லோதி? ந ஹேவங் வத்தப்³பே³. (ஸங்கி²த்தங்)

60. Puggalo atthi, atthi na sabbo puggaloti? Āmantā…pe… puggalo natthi, natthi na sabbo puggaloti? Na hevaṃ vattabbe. (Saṃkhittaṃ)

வசனஸோத⁴னங்.

Vacanasodhanaṃ.

10. பஞ்ஞத்தானுயோகோ³

10. Paññattānuyogo

61. ரூபதா⁴துயா ரூபீ புக்³க³லோதி? ஆமந்தா. காமதா⁴துயா காமீ புக்³க³லோதி? ந ஹேவங் வத்தப்³பே³…பே॰….

61. Rūpadhātuyā rūpī puggaloti? Āmantā. Kāmadhātuyā kāmī puggaloti? Na hevaṃ vattabbe…pe….

62. ரூபதா⁴துயா ரூபினோ ஸத்தாதி? ஆமந்தா. காமதா⁴துயா காமினோ ஸத்தாதி? ந ஹேவங் வத்தப்³பே³…பே॰….

62. Rūpadhātuyā rūpino sattāti? Āmantā. Kāmadhātuyā kāmino sattāti? Na hevaṃ vattabbe…pe….

63. அரூபதா⁴துயா அரூபீ புக்³க³லோதி? ஆமந்தா. காமதா⁴துயா காமீ புக்³க³லோதி? ந ஹேவங் வத்தப்³பே³…பே॰….

63. Arūpadhātuyā arūpī puggaloti? Āmantā. Kāmadhātuyā kāmī puggaloti? Na hevaṃ vattabbe…pe….

64. அரூபதா⁴துயா அரூபினோ ஸத்தாதி? ஆமந்தா. காமதா⁴துயா காமினோ ஸத்தாதி? ந ஹேவங் வத்தப்³பே³…பே॰….

64. Arūpadhātuyā arūpino sattāti? Āmantā. Kāmadhātuyā kāmino sattāti? Na hevaṃ vattabbe…pe….

65. ரூபதா⁴துயா ரூபீ புக்³க³லோ அரூபதா⁴துயா அரூபீ புக்³க³லோ, அத்தி² ச கோசி ரூபதா⁴துயா சுதோ அரூபதா⁴துங் உபபஜ்ஜதீதி? ஆமந்தா. ரூபீ புக்³க³லோ உபச்சி²ன்னோ, அரூபீ புக்³க³லோ ஜாதோதி? ந ஹேவங் வத்தப்³பே³…பே॰….

65. Rūpadhātuyā rūpī puggalo arūpadhātuyā arūpī puggalo, atthi ca koci rūpadhātuyā cuto arūpadhātuṃ upapajjatīti? Āmantā. Rūpī puggalo upacchinno, arūpī puggalo jātoti? Na hevaṃ vattabbe…pe….

66. ரூபதா⁴துயா ரூபினோ ஸத்தா அரூபதா⁴துயா அரூபினோ ஸத்தா, அத்தி² ச கோசி ரூபதா⁴துயா சுதோ அரூபதா⁴துங் உபபஜ்ஜதீதி? ஆமந்தா. ரூபீ ஸத்தோ உபச்சி²ன்னோ, அரூபீ ஸத்தோ ஜாதோதி? ந ஹேவங் வத்தப்³பே³…பே॰….

66. Rūpadhātuyā rūpino sattā arūpadhātuyā arūpino sattā, atthi ca koci rūpadhātuyā cuto arūpadhātuṃ upapajjatīti? Āmantā. Rūpī satto upacchinno, arūpī satto jātoti? Na hevaṃ vattabbe…pe….

67. காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. புக்³க³லோதி வா ஜீவோதி வா, ஜீவோதி வா புக்³க³லோதி வா, புக்³க³லங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. அஞ்ஞோ காயோ, அஞ்ஞோ புக்³க³லோதி? ஆமந்தா. அஞ்ஞங் ஜீவங், அஞ்ஞங் ஸரீரந்தி? ந ஹேவங் வத்தப்³பே³.

67. Kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāteti? Āmantā. Puggaloti vā jīvoti vā, jīvoti vā puggaloti vā, puggalaṃ appiyaṃ karitvā esese ekaṭṭhe same samabhāge tajjāteti? Āmantā. Añño kāyo, añño puggaloti? Āmantā. Aññaṃ jīvaṃ, aññaṃ sarīranti? Na hevaṃ vattabbe.

ஆஜானாஹி நிக்³க³ஹங். ஹஞ்சி காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, புக்³க³லோதி வா ஜீவோதி வா, ஜீவோதி வா புக்³க³லோதி வா, புக்³க³லங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, அஞ்ஞோ காயோ அஞ்ஞோ புக்³க³லோ; தேன வத ரே வத்தப்³பே³ – ‘‘அஞ்ஞங் ஜீவங் அஞ்ஞங் ஸரீர’’ந்தி. யங் தத்த² வதே³ஸி – ‘‘வத்தப்³பே³ கோ² – ‘காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, புக்³க³லோதி வா ஜீவோதி வா, ஜீவோதி வா புக்³க³லோதி வா, புக்³க³லங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, அஞ்ஞோ காயோ அஞ்ஞோ புக்³க³லோ,’ நோ ச வத்தப்³பே³ – ‘அஞ்ஞங் ஜீவங் அஞ்ஞங் ஸரீர’’’ந்தி மிச்சா².

Ājānāhi niggahaṃ. Hañci kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, puggaloti vā jīvoti vā, jīvoti vā puggaloti vā, puggalaṃ appiyaṃ karitvā esese ekaṭṭhe same samabhāge tajjāte, añño kāyo añño puggalo; tena vata re vattabbe – ‘‘aññaṃ jīvaṃ aññaṃ sarīra’’nti. Yaṃ tattha vadesi – ‘‘vattabbe kho – ‘kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, puggaloti vā jīvoti vā, jīvoti vā puggaloti vā, puggalaṃ appiyaṃ karitvā esese ekaṭṭhe same samabhāge tajjāte, añño kāyo añño puggalo,’ no ca vattabbe – ‘aññaṃ jīvaṃ aññaṃ sarīra’’’nti micchā.

நோ சே பன வத்தப்³பே³ – ‘‘அஞ்ஞங் ஜீவங் அஞ்ஞங் ஸரீர’’ந்தி, நோ ச வத ரே வத்தப்³பே³ – ‘‘காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, புக்³க³லோதி வா ஜீவோதி வா, ஜீவோதி வா புக்³க³லோதி வா, புக்³க³லங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, அஞ்ஞோ காயோ அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, புக்³க³லோதி வா ஜீவோதி வா, ஜீவோதி வா புக்³க³லோதி வா, புக்³க³லங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, அஞ்ஞோ காயோ அஞ்ஞோ புக்³க³லோ’, நோ ச வத்தப்³பே³ – ‘அஞ்ஞங் ஜீவங் அஞ்ஞங் ஸரீர’’’ந்தி மிச்சா²…பே॰….

No ce pana vattabbe – ‘‘aññaṃ jīvaṃ aññaṃ sarīra’’nti, no ca vata re vattabbe – ‘‘kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, puggaloti vā jīvoti vā, jīvoti vā puggaloti vā, puggalaṃ appiyaṃ karitvā esese ekaṭṭhe same samabhāge tajjāte, añño kāyo añño puggalo’’ti. Yaṃ tattha vadesi – ‘‘vattabbe kho – ‘kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, puggaloti vā jīvoti vā, jīvoti vā puggaloti vā, puggalaṃ appiyaṃ karitvā esese ekaṭṭhe same samabhāge tajjāte, añño kāyo añño puggalo’, no ca vattabbe – ‘aññaṃ jīvaṃ aññaṃ sarīra’’’nti micchā…pe….

68. காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதேதி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ’’தி? ஆமந்தா. அஞ்ஞோ காயோ அஞ்ஞோ புக்³க³லோதி? ந ஹேவங் வத்தப்³பே³.

68. Kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāteti? Āmantā. Vuttaṃ bhagavatā – ‘‘atthi puggalo attahitāya paṭipanno’’ti? Āmantā. Añño kāyo añño puggaloti? Na hevaṃ vattabbe.

ஆஜானாஹி படிகம்மங். ஹஞ்சி காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ,’’ தேன வத ரே வத்தப்³பே³ – ‘‘அஞ்ஞோ காயோ அஞ்ஞோ புக்³க³லோ’’தி. யங் தத்த² வதே³ஸி – ‘‘வத்தப்³பே³ கோ² – ‘காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘அஞ்ஞோ காயோ அஞ்ஞோ புக்³க³லோ’’’தி மிச்சா².

Ājānāhi paṭikammaṃ. Hañci kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, vuttaṃ bhagavatā – ‘‘atthi puggalo attahitāya paṭipanno,’’ tena vata re vattabbe – ‘‘añño kāyo añño puggalo’’ti. Yaṃ tattha vadesi – ‘‘vattabbe kho – ‘kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, vuttaṃ bhagavatā – atthi puggalo attahitāya paṭipanno,’ no ca vattabbe – ‘añño kāyo añño puggalo’’’ti micchā.

நோ சே பன வத்தப்³பே³ – ‘‘அஞ்ஞோ காயோ அஞ்ஞோ புக்³க³லோ’’தி, நோ ச வத ரே வத்தப்³பே³ – ‘‘காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, வுத்தங் ப⁴க³வதா – ‘அத்தி² புக்³க³லோ அத்தஹிதாய படிபன்னோ’’’தி. யங் தத்த² வதே³ஸி – ‘‘வத்தப்³பே³ கோ² – ‘காயோதி வா ஸரீரந்தி வா, ஸரீரந்தி வா காயோதி வா, காயங் அப்பியங் கரித்வா ஏஸேஸே ஏகட்டே² ஸமே ஸமபா⁴கே³ தஜ்ஜாதே, வுத்தங் ப⁴க³வதா – அத்தி² புக்³க³லோ அத்தஹிதாய படிபன்னோ,’ நோ ச வத்தப்³பே³ – ‘அஞ்ஞோ காயோ அஞ்ஞோ புக்³க³லோ’’’தி மிச்சா². (ஸங்கி²த்தங்)

No ce pana vattabbe – ‘‘añño kāyo añño puggalo’’ti, no ca vata re vattabbe – ‘‘kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, vuttaṃ bhagavatā – ‘atthi puggalo attahitāya paṭipanno’’’ti. Yaṃ tattha vadesi – ‘‘vattabbe kho – ‘kāyoti vā sarīranti vā, sarīranti vā kāyoti vā, kāyaṃ appiyaṃ karitvā esese ekaṭṭhe same samabhāge tajjāte, vuttaṃ bhagavatā – atthi puggalo attahitāya paṭipanno,’ no ca vattabbe – ‘añño kāyo añño puggalo’’’ti micchā. (Saṃkhittaṃ)

பஞ்ஞத்தானுயோகோ³.

Paññattānuyogo.

11. க³திஅனுயோகோ³

11. Gatianuyogo

69. புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ஸோ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ந ஹேவங் வத்தப்³பே³ …பே॰….

69. Puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. So puggalo sandhāvati asmā lokā paraṃ lokaṃ, parasmā lokā imaṃ lokanti? Na hevaṃ vattabbe …pe….

70. புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. அஞ்ஞோ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ந ஹேவங் வத்தப்³பே³…பே॰….

70. Puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Añño puggalo sandhāvati asmā lokā paraṃ lokaṃ, parasmā lokā imaṃ lokanti? Na hevaṃ vattabbe…pe….

71. புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ஸோ ச அஞ்ஞோ ச ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ந ஹேவங் வத்தப்³பே³…பே॰….

71. Puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. So ca añño ca sandhāvati asmā lokā paraṃ lokaṃ, parasmā lokā imaṃ lokanti? Na hevaṃ vattabbe…pe….

72. புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. நேவ ஸோ ஸந்தா⁴வதி, ந அஞ்ஞோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ந ஹேவங் வத்தப்³பே³…பே॰….

72. Puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Neva so sandhāvati, na añño sandhāvati asmā lokā paraṃ lokaṃ, parasmā lokā imaṃ lokanti? Na hevaṃ vattabbe…pe….

73. புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ஸோ புக்³க³லோ ஸந்தா⁴வதி, அஞ்ஞோ புக்³க³லோ ஸந்தா⁴வதி, ஸோ ச அஞ்ஞோ ச ஸந்தா⁴வதி, நேவ ஸோ ஸந்தா⁴வதி ந அஞ்ஞோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ந ஹேவங் வத்தப்³பே³…பே॰….

73. Puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. So puggalo sandhāvati, añño puggalo sandhāvati, so ca añño ca sandhāvati, neva so sandhāvati na añño sandhāvati asmā lokā paraṃ lokaṃ, parasmā lokā imaṃ lokanti? Na hevaṃ vattabbe…pe….

74. ந வத்தப்³ப³ங் – ‘‘புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோக’’ந்தி? ஆமந்தா. நனு வுத்தங் ப⁴க³வதா –

74. Na vattabbaṃ – ‘‘puggalo sandhāvati asmā lokā paraṃ lokaṃ, parasmā lokā imaṃ loka’’nti? Āmantā. Nanu vuttaṃ bhagavatā –

‘‘ஸ ஸத்தக்க²த்துபரமங், ஸந்தா⁴வித்வான புக்³க³லோ;

‘‘Sa sattakkhattuparamaṃ, sandhāvitvāna puggalo;

து³க்க²ஸ்ஸந்தகரோ ஹோதி, ஸப்³ப³ஸங்யோஜனக்க²யா’’தி ²³.

Dukkhassantakaro hoti, sabbasaṃyojanakkhayā’’ti ²⁴.

அத்தே²வ ஸுத்தந்தோதி? ஆமந்தா. தேன ஹி புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி.

Attheva suttantoti? Āmantā. Tena hi puggalo sandhāvati asmā lokā paraṃ lokaṃ, parasmā lokā imaṃ lokanti.

75. ந வத்தப்³ப³ங் – ‘‘புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோக’’ந்தி? ஆமந்தா. நனு வுத்தங் ப⁴க³வதா – ‘‘அனமதக்³கோ³யங் ²⁵, பி⁴க்க²வே, ஸங்ஸாரோ. புப்³ப³கோடி ந பஞ்ஞாயதி, அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரத’’ந்தி ²⁶! அத்தே²வ ஸுத்தந்தோதி? ஆமந்தா. தேன ஹி புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி.

75. Na vattabbaṃ – ‘‘puggalo sandhāvati asmā lokā paraṃ lokaṃ, parasmā lokā imaṃ loka’’nti? Āmantā. Nanu vuttaṃ bhagavatā – ‘‘anamataggoyaṃ ²⁷, bhikkhave, saṃsāro. Pubbakoṭi na paññāyati, avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarata’’nti ²⁸! Attheva suttantoti? Āmantā. Tena hi puggalo sandhāvati asmā lokā paraṃ lokaṃ, parasmā lokā imaṃ lokanti.

76. புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ந ஹேவங் வத்தப்³பே³…பே॰….

76. Puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Na hevaṃ vattabbe…pe….

77. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. அத்தி² கோசி மனுஸ்ஸோ ஹுத்வா தே³வோ ஹோதீதி? ஆமந்தா. ஸ்வேவ மனுஸ்ஸோ ஸோ தே³வோதி? ந ஹேவங் வத்தப்³பே³…பே॰….

77. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Atthi koci manusso hutvā devo hotīti? Āmantā. Sveva manusso so devoti? Na hevaṃ vattabbe…pe….

78. ஸ்வேவ மனுஸ்ஸோ ஸோ தே³வோதி? ஆமந்தா. மனுஸ்ஸோ ஹுத்வா தே³வோ ஹோதி, தே³வோ ஹுத்வா மனுஸ்ஸோ ஹோதி, மனுஸ்ஸபூ⁴தோ அஞ்ஞோ, தே³வோ அஞ்ஞோ, மனுஸ்ஸபூ⁴தோ ஸ்வேவாயங் ஸந்தா⁴வதீதி மிச்சா²…பே॰….

78. Sveva manusso so devoti? Āmantā. Manusso hutvā devo hoti, devo hutvā manusso hoti, manussabhūto añño, devo añño, manussabhūto svevāyaṃ sandhāvatīti micchā…pe….

ஸசே ஹி ஸந்தா⁴வதி ஸ்வேவ புக்³க³லோ இதோ சுதோ பரங் லோகங் அனஞ்ஞோ, ஹேவங் மரணங் ந ஹேஹிதி, பாணாதிபாதோபி நுபலப்³ப⁴தி. கம்மங் அத்தி², கம்மவிபாகோ அத்தி², கதானங் கம்மானங் விபாகோ அத்தி², குஸலாகுஸலே விபச்சமானே ஸ்வேவாயங் ஸந்தா⁴வதீதி மிச்சா².

Sace hi sandhāvati sveva puggalo ito cuto paraṃ lokaṃ anañño, hevaṃ maraṇaṃ na hehiti, pāṇātipātopi nupalabbhati. Kammaṃ atthi, kammavipāko atthi, katānaṃ kammānaṃ vipāko atthi, kusalākusale vipaccamāne svevāyaṃ sandhāvatīti micchā.

79. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. அத்தி² கோசி மனுஸ்ஸோ ஹுத்வா யக்கோ² ஹோதி, பேதோ ஹோதி, நேரயிகோ ஹோதி , திரச்சா²னக³தோ ஹோதி, ஒட்டோ² ஹோதி, கோ³ணோ ஹோதி, க³த்³ரபோ⁴ ஹோதி, ஸூகரோ ஹோதி, மஹிங்ஸோ ²⁹ ஹோதீதி? ஆமந்தா. ஸ்வேவ மனுஸ்ஸோ ஸோ மஹிங்ஸோதி? ந ஹேவங் வத்தப்³பே³…பே॰….

79. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Atthi koci manusso hutvā yakkho hoti, peto hoti, nerayiko hoti , tiracchānagato hoti, oṭṭho hoti, goṇo hoti, gadrabho hoti, sūkaro hoti, mahiṃso ³⁰ hotīti? Āmantā. Sveva manusso so mahiṃsoti? Na hevaṃ vattabbe…pe….

80. ஸ்வேவ மனுஸ்ஸோ ஸோ மஹிங்ஸோதி? ஆமந்தா. மனுஸ்ஸோ ஹுத்வா மஹிங்ஸோ ஹோதி, மஹிங்ஸோ ஹுத்வா மனுஸ்ஸோ ஹோதி, மனுஸ்ஸபூ⁴தோ அஞ்ஞோ, மஹிங்ஸோ அஞ்ஞோ, மனுஸ்ஸபூ⁴தோ ஸ்வேவாயங் ஸந்தா⁴வதீதி மிச்சா²…பே॰….

80. Sveva manusso so mahiṃsoti? Āmantā. Manusso hutvā mahiṃso hoti, mahiṃso hutvā manusso hoti, manussabhūto añño, mahiṃso añño, manussabhūto svevāyaṃ sandhāvatīti micchā…pe….

81. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா . அத்தி² கோசி க²த்தியோ ஹுத்வா ப்³ராஹ்மணோ ஹோதீதி? ஆமந்தா. ஸ்வேவ க²த்தியோ ஸோ ப்³ராஹ்மணோதி ? ந ஹேவங் வத்தப்³பே³…பே॰….

81. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā . Atthi koci khattiyo hutvā brāhmaṇo hotīti? Āmantā. Sveva khattiyo so brāhmaṇoti ? Na hevaṃ vattabbe…pe….

82. அத்தி² கோசி க²த்தியோ ஹுத்வா வெஸ்ஸோ ஹோதி, ஸுத்³தோ³ ஹோதீதி? ஆமந்தா. ஸ்வேவ க²த்தியோ ஸோ ஸுத்³தோ³தி? ந ஹேவங் வத்தப்³பே³…பே॰….

82. Atthi koci khattiyo hutvā vesso hoti, suddo hotīti? Āmantā. Sveva khattiyo so suddoti? Na hevaṃ vattabbe…pe….

83. அத்தி² கோசி ப்³ராஹ்மணோ ஹுத்வா வெஸ்ஸோ ஹோதி, ஸுத்³தோ³ ஹோதி, க²த்தியோ ஹோதீதி? ஆமந்தா. ஸ்வேவ ப்³ராஹ்மணோ ஸோ க²த்தியோதி? ந ஹேவங் வத்தப்³பே³…பே॰….

83. Atthi koci brāhmaṇo hutvā vesso hoti, suddo hoti, khattiyo hotīti? Āmantā. Sveva brāhmaṇo so khattiyoti? Na hevaṃ vattabbe…pe….

84. அத்தி² கோசி வெஸ்ஸோ ஹுத்வா ஸுத்³தோ³ ஹோதி, க²த்தியோ ஹோதி, ப்³ராஹ்மணோ ஹோதீதி? ஆமந்தா. ஸ்வேவ வெஸ்ஸோ ஸோ ப்³ராஹ்மணோதி? ந ஹேவங் வத்தப்³பே³…பே॰….

84. Atthi koci vesso hutvā suddo hoti, khattiyo hoti, brāhmaṇo hotīti? Āmantā. Sveva vesso so brāhmaṇoti? Na hevaṃ vattabbe…pe….

85. அத்தி² கோசி ஸுத்³தோ³ ஹுத்வா க²த்தியோ ஹோதி, ப்³ராஹ்மணோ ஹோதி, வெஸ்ஸோ ஹோதீதி? ஆமந்தா. ஸ்வேவ ஸுத்³தோ³ ஸோ வெஸ்ஸோதி? ந ஹேவங் வத்தப்³பே³…பே॰….

85. Atthi koci suddo hutvā khattiyo hoti, brāhmaṇo hoti, vesso hotīti? Āmantā. Sveva suddo so vessoti? Na hevaṃ vattabbe…pe….

86. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி ? ஆமந்தா. ஹத்த²ச்சி²ன்னோ ஹத்த²ச்சி²ன்னோவ ஹோதி, பாத³ச்சி²ன்னோ பாத³ச்சி²ன்னோவ ஹோதி, ஹத்த²பாத³ச்சி²ன்னோ ஹத்த²பாத³ச்சி²ன்னோவ ஹோதி, கண்ணச்சி²ன்னோ… நாஸச்சி²ன்னோ… கண்ணனாஸச்சி²ன்னோ… அங்கு³லிச்சி²ன்னோ… அளச்சி²ன்னோ… கண்ட³ரச்சி²ன்னோ… குணிஹத்த²கோ… ப²ணஹத்த²கோ… குட்டி²யோ… க³ண்டி³யோ… கிலாஸியோ… ஸோஸியோ… அபமாரியோ… ஒட்டோ²… கோ³ணோ… க³த்³ரபோ⁴… ஸூகரோ… மஹிங்ஸோ மஹிங்ஸோவ ஹோதீதி? ந ஹேவங் வத்தப்³பே³…பே॰….

86. Sveva puggalo sandhāvati asmā lokā paraṃ lokaṃ, parasmā lokā imaṃ lokanti ? Āmantā. Hatthacchinno hatthacchinnova hoti, pādacchinno pādacchinnova hoti, hatthapādacchinno hatthapādacchinnova hoti, kaṇṇacchinno… nāsacchinno… kaṇṇanāsacchinno… aṅgulicchinno… aḷacchinno… kaṇḍaracchinno… kuṇihatthako… phaṇahatthako… kuṭṭhiyo… gaṇḍiyo… kilāsiyo… sosiyo… apamāriyo… oṭṭho… goṇo… gadrabho… sūkaro… mahiṃso mahiṃsova hotīti? Na hevaṃ vattabbe…pe….

87. ந வத்தப்³ப³ங் – ‘‘ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோக’’ந்தி? ஆமந்தா. நனு ஸோதாபன்னோ புக்³க³லோ மனுஸ்ஸலோகா சுதோ தே³வலோகங் உபபன்னோ தத்த²பி ஸோதாபன்னோவ ஹோதீதி? ஆமந்தா.

87. Na vattabbaṃ – ‘‘sveva puggalo sandhāvati asmā lokā paraṃ lokaṃ, parasmā lokā imaṃ loka’’nti? Āmantā. Nanu sotāpanno puggalo manussalokā cuto devalokaṃ upapanno tatthapi sotāpannova hotīti? Āmantā.

ஹஞ்சி ஸோதாபன்னோ புக்³க³லோ மனுஸ்ஸலோகா சுதோ தே³வலோகங் உபபன்னோ தத்த²பி ஸோதாபன்னோவ ஹோதி, தேன வத ரே வத்தப்³பே³ – ‘‘ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோக’’ந்தி.

Hañci sotāpanno puggalo manussalokā cuto devalokaṃ upapanno tatthapi sotāpannova hoti, tena vata re vattabbe – ‘‘sveva puggalo sandhāvati asmā lokā paraṃ lokaṃ, parasmā lokā imaṃ loka’’nti.

88. ஸோதாபன்னோ புக்³க³லோ மனுஸ்ஸலோகா சுதோ தே³வலோகங் உபபன்னோ தத்த²பி ஸோதாபன்னோவ ஹோதீதி கத்வா தேன ச காரணேன ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ஸோதாபன்னோ புக்³க³லோ மனுஸ்ஸலோகா சுதோ தே³வலோகங் உபபன்னோ தத்த²பி மனுஸ்ஸோ ஹோதீதி கத்வா? ந ஹேவங் வத்தப்³பே³…பே॰….

88. Sotāpanno puggalo manussalokā cuto devalokaṃ upapanno tatthapi sotāpannova hotīti katvā tena ca kāraṇena sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Sotāpanno puggalo manussalokā cuto devalokaṃ upapanno tatthapi manusso hotīti katvā? Na hevaṃ vattabbe…pe….

89. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. அனஞ்ஞோ அவிக³தோ ஸந்தா⁴வதீதி? ந ஹேவங் வத்தப்³பே³…பே॰….

89. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Anañño avigato sandhāvatīti? Na hevaṃ vattabbe…pe….

90. அனஞ்ஞோ அவிக³தோ ஸந்தா⁴வதீதி? ஆமந்தா. ஹத்த²ச்சி²ன்னோ ஹத்த²ச்சி²ன்னோவ ஹோதி, பாத³ச்சி²ன்னோ பாத³ச்சி²ன்னோவ ஹோதி, ஹத்த²பாத³ச்சி²ன்னோ ஹத்த²பாத³ச்சி²ன்னோவ ஹோதி, கண்ணச்சி²ன்னோ… நாஸச்சி²ன்னோ… கண்ணனாஸச்சி²ன்னோ… அங்கு³லிச்சி²ன்னோ… அளச்சி²ன்னோ… கண்ட³ரச்சி²ன்னோ… குணிஹத்த²கோ… ப²ணஹத்த²கோ… குட்டி²யோ… க³ண்டி³யோ… கிலாஸியோ… ஸோஸியோ… அபமாரியோ… ஒட்டோ²… கோ³ணோ… க³த்³ரபோ⁴… ஸூகரோ… மஹிங்ஸோ மஹிங்ஸோவ ஹோதீதி? ந ஹேவங் வத்தப்³பே³…பே॰….

90. Anañño avigato sandhāvatīti? Āmantā. Hatthacchinno hatthacchinnova hoti, pādacchinno pādacchinnova hoti, hatthapādacchinno hatthapādacchinnova hoti, kaṇṇacchinno… nāsacchinno… kaṇṇanāsacchinno… aṅgulicchinno… aḷacchinno… kaṇḍaracchinno… kuṇihatthako… phaṇahatthako… kuṭṭhiyo… gaṇḍiyo… kilāsiyo… sosiyo… apamāriyo… oṭṭho… goṇo… gadrabho… sūkaro… mahiṃso mahiṃsova hotīti? Na hevaṃ vattabbe…pe….

91. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ஸரூபோ ஸந்தா⁴வதீதி? ந ஹேவங் வத்தப்³பே³…பே॰… ஸரூபோ ஸந்தா⁴வதீதி? ஆமந்தா. தங் ஜீவங் தங் ஸரீரந்தி? ந ஹேவங் வத்தப்³பே³…பே॰….

91. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Sarūpo sandhāvatīti? Na hevaṃ vattabbe…pe… sarūpo sandhāvatīti? Āmantā. Taṃ jīvaṃ taṃ sarīranti? Na hevaṃ vattabbe…pe….

ஸவேத³னோ…பே॰… ஸஸஞ்ஞோ…பே॰… ஸஸங்கா²ரோ…பே॰… ஸவிஞ்ஞாணோ ஸந்தா⁴வதீதி? ந ஹேவங் வத்தப்³பே³…பே॰… ஸவிஞ்ஞாணோ ஸந்தா⁴வதீதி? ஆமந்தா . தங் ஜீவங் தங் ஸரீரந்தி? ந ஹேவங் வத்தப்³பே³…பே॰….

Savedano…pe… sasañño…pe… sasaṅkhāro…pe… saviññāṇo sandhāvatīti? Na hevaṃ vattabbe…pe… saviññāṇo sandhāvatīti? Āmantā . Taṃ jīvaṃ taṃ sarīranti? Na hevaṃ vattabbe…pe….

92. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. அரூபோ ஸந்தா⁴வதீதி? ந ஹேவங் வத்தப்³பே³…பே॰… அரூபோ ஸந்தா⁴வதீதி? ஆமந்தா. அஞ்ஞங் ஜீவங் அஞ்ஞங் ஸரீரந்தி? ந ஹேவங் வத்தப்³பே³…பே॰….

92. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Arūpo sandhāvatīti? Na hevaṃ vattabbe…pe… arūpo sandhāvatīti? Āmantā. Aññaṃ jīvaṃ aññaṃ sarīranti? Na hevaṃ vattabbe…pe….

அவேத³னோ…பே॰… அஸஞ்ஞோ…பே॰… அஸங்கா²ரோ…பே॰… அவிஞ்ஞாணோ ஸந்தா⁴வதீதி? ந ஹேவங் வத்தப்³பே³…பே॰… அவிஞ்ஞாணோ ஸந்தா⁴வதீதி? ஆமந்தா. அஞ்ஞங் ஜீவங் அஞ்ஞங் ஸரீரந்தி? ந ஹேவங் வத்தப்³பே³…பே॰….

Avedano…pe… asañño…pe… asaṅkhāro…pe… aviññāṇo sandhāvatīti? Na hevaṃ vattabbe…pe… aviññāṇo sandhāvatīti? Āmantā. Aññaṃ jīvaṃ aññaṃ sarīranti? Na hevaṃ vattabbe…pe….

93. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ரூபங் ஸந்தா⁴வதீதி? ந ஹேவங் வத்தப்³பே³…பே॰… ரூபங் ஸந்தா⁴வதீதி? ஆமந்தா. தங் ஜீவங் தங் ஸரீரந்தி? ந ஹேவங் வத்தப்³பே³…பே॰….

93. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Rūpaṃ sandhāvatīti? Na hevaṃ vattabbe…pe… rūpaṃ sandhāvatīti? Āmantā. Taṃ jīvaṃ taṃ sarīranti? Na hevaṃ vattabbe…pe….

வேத³னா …பே॰… ஸஞ்ஞா…பே॰… ஸங்கா²ரா…பே॰… விஞ்ஞாணங் ஸந்தா⁴வதீதி? ந ஹேவங் வத்தப்³பே³…பே॰… விஞ்ஞாணங் ஸந்தா⁴வதீதி? ஆமந்தா. தங் ஜீவங் தங் ஸரீரந்தி? ந ஹேவங் வத்தப்³பே³…பே॰….

Vedanā …pe… saññā…pe… saṅkhārā…pe… viññāṇaṃ sandhāvatīti? Na hevaṃ vattabbe…pe… viññāṇaṃ sandhāvatīti? Āmantā. Taṃ jīvaṃ taṃ sarīranti? Na hevaṃ vattabbe…pe….

94. ஸ்வேவ புக்³க³லோ ஸந்தா⁴வதி அஸ்மா லோகா பரங் லோகங், பரஸ்மா லோகா இமங் லோகந்தி? ஆமந்தா. ரூபங் ந ஸந்தா⁴வதீதி? ந ஹேவங் வத்தப்³பே³…பே॰… ரூபங் ந ஸந்தா⁴வதீதி? ஆமந்தா. அஞ்ஞங் ஜீவங் அஞ்ஞங் ஸரீரந்தி? ந ஹேவங் வத்தப்³பே³…பே॰….

94. Sveva puggalo sandhāvati asmā lokā paraṃ lokaṃ, parasmā lokā imaṃ lokanti? Āmantā. Rūpaṃ na sandhāvatīti? Na hevaṃ vattabbe…pe… rūpaṃ na sandhāvatīti? Āmantā. Aññaṃ jīvaṃ aññaṃ sarīranti? Na hevaṃ vattabbe…pe….

வேத³னா …பே॰… ஸஞ்ஞா…பே॰… ஸங்கா²ரா…பே॰… விஞ்ஞாணங் ந ஸந்தா⁴வதீதி? ந ஹேவங் வத்தப்³பே³…பே॰… விஞ்ஞாணங் ந ஸந்தா⁴வதீதி? ஆமந்தா. அஞ்ஞங் ஜீவங் அஞ்ஞங் ஸரீரந்தி? ந ஹேவங் வத்தப்³பே³. (ஸங்கி²த்தங்).

Vedanā …pe… saññā…pe… saṅkhārā…pe… viññāṇaṃ na sandhāvatīti? Na hevaṃ vattabbe…pe… viññāṇaṃ na sandhāvatīti? Āmantā. Aññaṃ jīvaṃ aññaṃ sarīranti? Na hevaṃ vattabbe. (Saṃkhittaṃ).

க²ந்தே⁴ஸு பி⁴ஜ்ஜமானேஸு, ஸோ சே பி⁴ஜ்ஜதி புக்³க³லோ;

Khandhesu bhijjamānesu, so ce bhijjati puggalo;

உச்சே²தா³ ப⁴வதி தி³ட்டி², யா பு³த்³தே⁴ன விவஜ்ஜிதா.

Ucchedā bhavati diṭṭhi, yā buddhena vivajjitā.

க²ந்தே⁴ஸு பி⁴ஜ்ஜமானேஸு, நோ சே பி⁴ஜ்ஜதி புக்³க³லோ;

Khandhesu bhijjamānesu, no ce bhijjati puggalo;

புக்³க³லோ ஸஸ்ஸதோ ஹோதி, நிப்³பா³னேன ஸமஸமோதி.

Puggalo sassato hoti, nibbānena samasamoti.

க³திஅனுயோகோ³.

Gatianuyogo.

12. உபாதா³பஞ்ஞத்தானுயோகோ³

12. Upādāpaññattānuyogo

95. ரூபங் உபாதா³ய புக்³க³லஸ்ஸ பஞ்ஞத்தீதி? ஆமந்தா. ரூபங் அனிச்சங் ஸங்க²தங் படிச்சஸமுப்பன்னங் க²யத⁴ம்மங் வயத⁴ம்மங் விராக³த⁴ம்மங் நிரோத⁴த⁴ம்மங் விபரிணாமத⁴ம்மந்தி? ஆமந்தா? புக்³க³லோபி அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவங் வத்தப்³பே³…பே॰….

95. Rūpaṃ upādāya puggalassa paññattīti? Āmantā. Rūpaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti? Āmantā? Puggalopi anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Na hevaṃ vattabbe…pe….

96. வேத³னங் உபாதா³ய… ஸஞ்ஞங் உபாதா³ய… ஸங்கா²ரே உபாதா³ய… விஞ்ஞாணங் உபாதா³ய புக்³க³லஸ்ஸ பஞ்ஞத்தீதி? ஆமந்தா. விஞ்ஞாணங் அனிச்சங் ஸங்க²தங் படிச்சஸமுப்பன்னங் க²யத⁴ம்மங் வயத⁴ம்மங் விராக³த⁴ம்மங் நிரோத⁴த⁴ம்மங் விபரிணாமத⁴ம்மந்தி? ஆமந்தா. புக்³க³லோபி அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவங் வத்தப்³பே³…பே॰….

96. Vedanaṃ upādāya… saññaṃ upādāya… saṅkhāre upādāya… viññāṇaṃ upādāya puggalassa paññattīti? Āmantā. Viññāṇaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti? Āmantā. Puggalopi anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Na hevaṃ vattabbe…pe….

97. ரூபங் உபாதா³ய புக்³க³லஸ்ஸ பஞ்ஞத்தீதி? ஆமந்தா. நீலங் ரூபங் உபாதா³ய நீலகஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… பீதங் ரூபங் உபாதா³ய… லோஹிதங் ரூபங் உபாதா³ய… ஓதா³தங் ரூபங் உபாதா³ய… ஸனித³ஸ்ஸனங் ரூபங் உபாதா³ய… அனித³ஸ்ஸனங் ரூபங் உபாதா³ய… ஸப்படிக⁴ங் ரூபங் உபாதா³ய… அப்படிக⁴ங் ரூபங் உபாதா³ய அப்படிக⁴ஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰….

97. Rūpaṃ upādāya puggalassa paññattīti? Āmantā. Nīlaṃ rūpaṃ upādāya nīlakassa puggalassa paññattīti? Na hevaṃ vattabbe…pe… pītaṃ rūpaṃ upādāya… lohitaṃ rūpaṃ upādāya… odātaṃ rūpaṃ upādāya… sanidassanaṃ rūpaṃ upādāya… anidassanaṃ rūpaṃ upādāya… sappaṭighaṃ rūpaṃ upādāya… appaṭighaṃ rūpaṃ upādāya appaṭighassa puggalassa paññattīti? Na hevaṃ vattabbe…pe….

98. வேத³னங் உபாதா³ய புக்³க³லஸ்ஸ பஞ்ஞத்தீதி? ஆமந்தா. குஸலங் வேத³னங் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… குஸலங் வேத³னங் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. குஸலா வேத³னா ஸப²லா ஸவிபாகா இட்ட²ப²லா கந்தப²லா மனுஞ்ஞப²லா அஸேசனகப²லா ஸுகு²த்³ரயா ஸுக²விபாகாதி? ஆமந்தா. குஸலோபி புக்³க³லோ ஸப²லோ ஸவிபாகோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவங் வத்தப்³பே³…பே॰….

98. Vedanaṃ upādāya puggalassa paññattīti? Āmantā. Kusalaṃ vedanaṃ upādāya kusalassa puggalassa paññattīti? Na hevaṃ vattabbe…pe… kusalaṃ vedanaṃ upādāya kusalassa puggalassa paññattīti? Āmantā. Kusalā vedanā saphalā savipākā iṭṭhaphalā kantaphalā manuññaphalā asecanakaphalā sukhudrayā sukhavipākāti? Āmantā. Kusalopi puggalo saphalo savipāko iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe….

99. வேத³னங் உபாதா³ய புக்³க³லஸ்ஸ பஞ்ஞத்தீதி? ஆமந்தா. அகுஸலங் வேத³னங் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… அகுஸலங் வேத³னங் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. அகுஸலா வேத³னா ஸப²லா ஸவிபாகா அனிட்ட²ப²லா அகந்தப²லா அமனுஞ்ஞப²லா ஸேசனகப²லா து³க்கு²த்³ரயா து³க்க²விபாகாதி? ஆமந்தா. அகுஸலோபி புக்³க³லோ ஸப²லோ ஸவிபாகோ அனிட்ட²ப²லோ அகந்தப²லோ அமனுஞ்ஞப²லோ ஸேசனகப²லோ து³க்கு²த்³ரயோ து³க்க²விபாகோதி? ந ஹேவங் வத்தப்³பே³…பே॰….

99. Vedanaṃ upādāya puggalassa paññattīti? Āmantā. Akusalaṃ vedanaṃ upādāya akusalassa puggalassa paññattīti? Na hevaṃ vattabbe…pe… akusalaṃ vedanaṃ upādāya akusalassa puggalassa paññattīti? Āmantā. Akusalā vedanā saphalā savipākā aniṭṭhaphalā akantaphalā amanuññaphalā secanakaphalā dukkhudrayā dukkhavipākāti? Āmantā. Akusalopi puggalo saphalo savipāko aniṭṭhaphalo akantaphalo amanuññaphalo secanakaphalo dukkhudrayo dukkhavipākoti? Na hevaṃ vattabbe…pe….

100. வேத³னங் உபாதா³ய புக்³க³லஸ்ஸ பஞ்ஞத்தீதி? ஆமந்தா. அப்³யாகதங் வேத³னங் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… அப்³யாகதங் வேத³னங் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ஆமந்தா. அப்³யாகதா வேத³னா அனிச்சா ஸங்க²தா படிச்சஸமுப்பன்னா க²யத⁴ம்மா வயத⁴ம்மா விராக³த⁴ம்மா நிரோத⁴த⁴ம்மா விபரிணாமத⁴ம்மாதி? ஆமந்தா. அப்³யாகதோபி புக்³க³லோ அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவங் வத்தப்³பே³…பே॰….

100. Vedanaṃ upādāya puggalassa paññattīti? Āmantā. Abyākataṃ vedanaṃ upādāya abyākatassa puggalassa paññattīti? Na hevaṃ vattabbe…pe… abyākataṃ vedanaṃ upādāya abyākatassa puggalassa paññattīti? Āmantā. Abyākatā vedanā aniccā saṅkhatā paṭiccasamuppannā khayadhammā vayadhammā virāgadhammā nirodhadhammā vipariṇāmadhammāti? Āmantā. Abyākatopi puggalo anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Na hevaṃ vattabbe…pe….

101. ஸஞ்ஞங் உபாதா³ய… ஸங்கா²ரே உபாதா³ய… விஞ்ஞாணங் உபாதா³ய புக்³க³லஸ்ஸ பஞ்ஞத்தீதி? ஆமந்தா. குஸலங் விஞ்ஞாணங் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… குஸலங் விஞ்ஞாணங் உபாதா³ய குஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. குஸலங் விஞ்ஞாணங் ஸப²லங் ஸவிபாகங் இட்ட²ப²லங் கந்தப²லங் மனுஞ்ஞப²லங் அஸேசனகப²லங் ஸுகு²த்³ரயங் ஸுக²விபாகந்தி ? ஆமந்தா. குஸலோபி புக்³க³லோ ஸப²லோ ஸவிபாகோ இட்ட²ப²லோ கந்தப²லோ மனுஞ்ஞப²லோ அஸேசனகப²லோ ஸுகு²த்³ரயோ ஸுக²விபாகோதி? ந ஹேவங் வத்தப்³பே³…பே॰….

101. Saññaṃ upādāya… saṅkhāre upādāya… viññāṇaṃ upādāya puggalassa paññattīti? Āmantā. Kusalaṃ viññāṇaṃ upādāya kusalassa puggalassa paññattīti? Na hevaṃ vattabbe…pe… kusalaṃ viññāṇaṃ upādāya kusalassa puggalassa paññattīti? Āmantā. Kusalaṃ viññāṇaṃ saphalaṃ savipākaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti ? Āmantā. Kusalopi puggalo saphalo savipāko iṭṭhaphalo kantaphalo manuññaphalo asecanakaphalo sukhudrayo sukhavipākoti? Na hevaṃ vattabbe…pe….

102. விஞ்ஞாணங் உபாதா³ய புக்³க³லஸ்ஸ பஞ்ஞத்தீதி? ஆமந்தா. அகுஸலங் விஞ்ஞாணங் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… அகுஸலங் விஞ்ஞாணங் உபாதா³ய அகுஸலஸ்ஸ புக்³க³லஸ்ஸ பஞ்ஞத்தீதி? ஆமந்தா. அகுஸலங் விஞ்ஞாணங் ஸப²லங் ஸவிபாகங் அனிட்ட²ப²லங் அகந்தப²லங் அமனுஞ்ஞப²லங் ஸேசனகப²லங் து³க்கு²த்³ரயங் து³க்க²விபாகந்தி? ஆமந்தா. அகுஸலோபி புக்³க³லோ ஸப²லோ ஸவிபாகோ அனிட்ட²ப²லோ அகந்தப²லோ அமனுஞ்ஞப²லோ ஸேசனகப²லோ து³க்கு²த்³ரயோ து³க்க²விபாகோதி? ந ஹேவங் வத்தப்³பே³…பே॰….

102. Viññāṇaṃ upādāya puggalassa paññattīti? Āmantā. Akusalaṃ viññāṇaṃ upādāya akusalassa puggalassa paññattīti? Na hevaṃ vattabbe…pe… akusalaṃ viññāṇaṃ upādāya akusalassa puggalassa paññattīti? Āmantā. Akusalaṃ viññāṇaṃ saphalaṃ savipākaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti? Āmantā. Akusalopi puggalo saphalo savipāko aniṭṭhaphalo akantaphalo amanuññaphalo secanakaphalo dukkhudrayo dukkhavipākoti? Na hevaṃ vattabbe…pe….

103. விஞ்ஞாணங் உபாதா³ய புக்³க³லஸ்ஸ பஞ்ஞத்தீதி? ஆமந்தா. அப்³யாகதங் விஞ்ஞாணங் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ந ஹேவங் வத்தப்³பே³…பே॰… அப்³யாகதங் விஞ்ஞாணங் உபாதா³ய அப்³யாகதஸ்ஸ புக்³க³லஸ்ஸ பஞ்ஞத்தீதி? ஆமந்தா. அப்³யாகதங் விஞ்ஞாணங் அனிச்சங் ஸங்க²தங் படிச்சஸமுப்பன்னங் க²யத⁴ம்மங் வயத⁴ம்மங் விராக³த⁴ம்மங் நிரோத⁴த⁴ம்மங் விபரிணாமத⁴ம்மந்தி? ஆமந்தா. அப்³யாகதோபி புக்³க³லோ அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவங் வத்தப்³பே³…பே॰….

103. Viññāṇaṃ upādāya puggalassa paññattīti? Āmantā. Abyākataṃ viññāṇaṃ upādāya abyākatassa puggalassa paññattīti? Na hevaṃ vattabbe…pe… abyākataṃ viññāṇaṃ upādāya abyākatassa puggalassa paññattīti? Āmantā. Abyākataṃ viññāṇaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti? Āmantā. Abyākatopi puggalo anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Na hevaṃ vattabbe…pe….

104. சக்கு²ங் உபாதா³ய ‘‘சக்கு²மா புக்³க³லோ’’தி வத்தப்³போ³தி? ஆமந்தா . சக்கு²ம்ஹி நிருத்³தே⁴ ‘‘சக்கு²மா புக்³க³லோ நிருத்³தோ⁴’’தி வத்தப்³போ³தி? ந ஹேவங் வத்தப்³பே³…பே॰… ஸோதங் உபாதா³ய… கா⁴னங் உபாதா³ய… ஜிவ்ஹங் உபாதா³ய… காயங் உபாதா³ய… மனங் உபாதா³ய ‘‘மனவா புக்³க³லோ’’தி வத்தப்³போ³தி? ஆமந்தா. மனம்ஹி நிருத்³தே⁴ ‘‘மனவா புக்³க³லோ நிருத்³தோ⁴’’தி வத்தப்³போ³தி? ந ஹேவங் வத்தப்³பே³.

104. Cakkhuṃ upādāya ‘‘cakkhumā puggalo’’ti vattabboti? Āmantā . Cakkhumhi niruddhe ‘‘cakkhumā puggalo niruddho’’ti vattabboti? Na hevaṃ vattabbe…pe… sotaṃ upādāya… ghānaṃ upādāya… jivhaṃ upādāya… kāyaṃ upādāya… manaṃ upādāya ‘‘manavā puggalo’’ti vattabboti? Āmantā. Manamhi niruddhe ‘‘manavā puggalo niruddho’’ti vattabboti? Na hevaṃ vattabbe.

105. மிச்சா²தி³ட்டி²ங் உபாதா³ய ‘‘மிச்சா²தி³ட்டி²யோ புக்³க³லோ’’தி வத்தப்³போ³தி? ஆமந்தா. மிச்சா²தி³ட்டி²யா நிருத்³தா⁴ய ‘‘மிச்சா²தி³ட்டி²யோ புக்³க³லோ நிருத்³தோ⁴’’தி வத்தப்³போ³தி? ந ஹேவங் வத்தப்³பே³. மிச்சா²ஸங்கப்பங் உபாதா³ய… மிச்சா²வாசங் உபாதா³ய… மிச்சா²கம்மந்தங் உபாதா³ய… மிச்சா²ஆஜீவங் உபாதா³ய … மிச்சா²வாயாமங் உபாதா³ய… மிச்சா²ஸதிங் உபாதா³ய… மிச்சா²ஸமாதி⁴ங் உபாதா³ய ‘‘மிச்சா²ஸமாதி⁴யோ புக்³க³லோ’’தி வத்தப்³போ³தி? ஆமந்தா. மிச்சா²ஸமாதி⁴ம்ஹி நிருத்³தே⁴ ‘‘மிச்சா²ஸமாதி⁴யோ புக்³க³லோ நிருத்³தோ⁴’’தி வத்தப்³போ³தி? ந ஹேவங் வத்தப்³பே³.

105. Micchādiṭṭhiṃ upādāya ‘‘micchādiṭṭhiyo puggalo’’ti vattabboti? Āmantā. Micchādiṭṭhiyā niruddhāya ‘‘micchādiṭṭhiyo puggalo niruddho’’ti vattabboti? Na hevaṃ vattabbe. Micchāsaṅkappaṃ upādāya… micchāvācaṃ upādāya… micchākammantaṃ upādāya… micchāājīvaṃ upādāya … micchāvāyāmaṃ upādāya… micchāsatiṃ upādāya… micchāsamādhiṃ upādāya ‘‘micchāsamādhiyo puggalo’’ti vattabboti? Āmantā. Micchāsamādhimhi niruddhe ‘‘micchāsamādhiyo puggalo niruddho’’ti vattabboti? Na hevaṃ vattabbe.

106. ஸம்மாதி³ட்டி²ங் உபாதா³ய ‘‘ஸம்மாதி³ட்டி²யோ புக்³க³லோ’’தி வத்தப்³போ³தி? ஆமந்தா. ஸம்மாதி³ட்டி²யா நிருத்³தா⁴ய ‘‘ஸம்மாதி³ட்டி²யோ புக்³க³லோ நிருத்³தோ⁴’’தி வத்தப்³போ³தி? ந ஹேவங் வத்தப்³பே³…பே॰… ஸம்மாஸங்கப்பங் உபாதா³ய… ஸம்மாவாசங் உபாதா³ய… ஸம்மாகம்மந்தங் உபாதா³ய… ஸம்மாஆஜீவங் உபாதா³ய… ஸம்மாவாயாமங் உபாதா³ய… ஸம்மாஸதிங் உபாதா³ய… ஸம்மாஸமாதி⁴ங் உபாதா³ய ‘‘ஸம்மாஸமாதி⁴யோ புக்³க³லோ’’தி வத்தப்³போ³தி? ஆமந்தா. ஸம்மாஸமாதி⁴ம்ஹி நிருத்³தே⁴ ‘‘ஸம்மாஸமாதி⁴யோ புக்³க³லோ நிருத்³தோ⁴’’தி வத்தப்³போ³தி? ந ஹேவங் வத்தப்³பே³…பே॰….

106. Sammādiṭṭhiṃ upādāya ‘‘sammādiṭṭhiyo puggalo’’ti vattabboti? Āmantā. Sammādiṭṭhiyā niruddhāya ‘‘sammādiṭṭhiyo puggalo niruddho’’ti vattabboti? Na hevaṃ vattabbe…pe… sammāsaṅkappaṃ upādāya… sammāvācaṃ upādāya… sammākammantaṃ upādāya… sammāājīvaṃ upādāya… sammāvāyāmaṃ upādāya… sammāsatiṃ upādāya… sammāsamādhiṃ upādāya ‘‘sammāsamādhiyo puggalo’’ti vattabboti? Āmantā. Sammāsamādhimhi niruddhe ‘‘sammāsamādhiyo puggalo niruddho’’ti vattabboti? Na hevaṃ vattabbe…pe….

107. ரூபங் உபாதா³ய, வேத³னங் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னங் க²ந்தா⁴னங் உபாதா³ய த்³வின்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰… ரூபங் உபாதா³ய, வேத³னங் உபாதா³ய, ஸஞ்ஞங் உபாதா³ய, ஸங்கா²ரே உபாதா³ய, விஞ்ஞாணங் உபாதா³ய புக்³க³லஸ்ஸ பஞ்ஞத்தீதி? ஆமந்தா. பஞ்சன்னங் க²ந்தா⁴னங் உபாதா³ய பஞ்சன்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰….

107. Rūpaṃ upādāya, vedanaṃ upādāya puggalassa paññattīti? Āmantā. Dvinnaṃ khandhānaṃ upādāya dvinnaṃ puggalānaṃ paññattīti? Na hevaṃ vattabbe…pe… rūpaṃ upādāya, vedanaṃ upādāya, saññaṃ upādāya, saṅkhāre upādāya, viññāṇaṃ upādāya puggalassa paññattīti? Āmantā. Pañcannaṃ khandhānaṃ upādāya pañcannaṃ puggalānaṃ paññattīti? Na hevaṃ vattabbe…pe….

108. சக்கா²யதனங் உபாதா³ய, ஸோதாயதனங் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னங் ஆயதனானங் உபாதா³ய த்³வின்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰… சக்கா²யதனங் உபாதா³ய, ஸோதாயதனங் உபாதா³ய…பே॰… த⁴ம்மாயதனங் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வாத³ஸன்னங் ஆயதனானங் உபாதா³ய த்³வாத³ஸன்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰….

108. Cakkhāyatanaṃ upādāya, sotāyatanaṃ upādāya puggalassa paññattīti? Āmantā. Dvinnaṃ āyatanānaṃ upādāya dvinnaṃ puggalānaṃ paññattīti? Na hevaṃ vattabbe…pe… cakkhāyatanaṃ upādāya, sotāyatanaṃ upādāya…pe… dhammāyatanaṃ upādāya puggalassa paññattīti? Āmantā. Dvādasannaṃ āyatanānaṃ upādāya dvādasannaṃ puggalānaṃ paññattīti? Na hevaṃ vattabbe…pe….

109. சக்கு²தா⁴துங் உபாதா³ய, ஸோததா⁴துங் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னங் தா⁴தூனங் உபாதா³ய த்³வின்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰… சக்கு²தா⁴துங் உபாதா³ய, ஸோததா⁴துங் உபாதா³ய…பே॰… த⁴ம்மதா⁴துங் உபாதா³ய புக்³க³லஸ்ஸ பஞ்ஞத்தீதி? ஆமந்தா . அட்டா²ரஸன்னங் தா⁴தூனங் உபாதா³ய அட்டா²ரஸன்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰….

109. Cakkhudhātuṃ upādāya, sotadhātuṃ upādāya puggalassa paññattīti? Āmantā. Dvinnaṃ dhātūnaṃ upādāya dvinnaṃ puggalānaṃ paññattīti? Na hevaṃ vattabbe…pe… cakkhudhātuṃ upādāya, sotadhātuṃ upādāya…pe… dhammadhātuṃ upādāya puggalassa paññattīti? Āmantā . Aṭṭhārasannaṃ dhātūnaṃ upādāya aṭṭhārasannaṃ puggalānaṃ paññattīti? Na hevaṃ vattabbe…pe….

110. சக்கு²ந்த்³ரியங் உபாதா³ய, ஸோதிந்த்³ரியங் உபாதா³ய புக்³க³லஸ்ஸ பஞ்ஞத்தீதி? ஆமந்தா. த்³வின்னங் இந்த்³ரியானங் உபாதா³ய த்³வின்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰… சக்கு²ந்த்³ரியங் உபாதா³ய, ஸோதிந்த்³ரியங் உபாதா³ய…பே॰… அஞ்ஞாதாவிந்த்³ரியங் உபாதா³ய புக்³க³லஸ்ஸ பஞ்ஞத்தீதி? ஆமந்தா. பா³வீஸதீனங் ³¹ இந்த்³ரியானங் உபாதா³ய பா³வீஸதீனங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰….

110. Cakkhundriyaṃ upādāya, sotindriyaṃ upādāya puggalassa paññattīti? Āmantā. Dvinnaṃ indriyānaṃ upādāya dvinnaṃ puggalānaṃ paññattīti? Na hevaṃ vattabbe…pe… cakkhundriyaṃ upādāya, sotindriyaṃ upādāya…pe… aññātāvindriyaṃ upādāya puggalassa paññattīti? Āmantā. Bāvīsatīnaṃ ³² indriyānaṃ upādāya bāvīsatīnaṃ puggalānaṃ paññattīti? Na hevaṃ vattabbe…pe….

111. ஏகவோகாரப⁴வங் உபாதா³ய ஏகஸ்ஸ புக்³க³லஸ்ஸ பஞ்ஞத்தீதி? ஆமந்தா. சதுவோகாரப⁴வங் உபாதா³ய சதுன்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰… ஏகவோகாரப⁴வங் உபாதா³ய ஏகஸ்ஸ புக்³க³லஸ்ஸ பஞ்ஞத்தீதி? ஆமந்தா. பஞ்சவோகாரப⁴வங் உபாதா³ய பஞ்சன்னங் புக்³க³லானங் பஞ்ஞத்தீதி? ந ஹேவங் வத்தப்³பே³…பே॰… ஏகவோகாரப⁴வே ஏகோவ புக்³க³லோதி? ஆமந்தா. சதுவோகாரப⁴வே சத்தாரோவ ³³ புக்³க³லாதி? ந ஹேவங் வத்தப்³பே³…பே॰… ஏகவோகாரப⁴வே ஏகோவ புக்³க³லோதி? ஆமந்தா. பஞ்சவோகாரப⁴வே பஞ்சேவ புக்³க³லாதி? ந ஹேவங் வத்தப்³பே³…பே॰….

111. Ekavokārabhavaṃ upādāya ekassa puggalassa paññattīti? Āmantā. Catuvokārabhavaṃ upādāya catunnaṃ puggalānaṃ paññattīti? Na hevaṃ vattabbe…pe… ekavokārabhavaṃ upādāya ekassa puggalassa paññattīti? Āmantā. Pañcavokārabhavaṃ upādāya pañcannaṃ puggalānaṃ paññattīti? Na hevaṃ vattabbe…pe… ekavokārabhave ekova puggaloti? Āmantā. Catuvokārabhave cattārova ³⁴ puggalāti? Na hevaṃ vattabbe…pe… ekavokārabhave ekova puggaloti? Āmantā. Pañcavokārabhave pañceva puggalāti? Na hevaṃ vattabbe…pe….

112. யதா² ருக்க²ங் உபாதா³ய சா²யாய பஞ்ஞத்தி, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தீதி? ( ) ³⁵ யதா² ருக்க²ங் உபாதா³ய சா²யாய பஞ்ஞத்தி, ருக்கோ²பி அனிச்சோ சா²யாபி அனிச்சா, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தி, ரூபம்பி அனிச்சங் புக்³க³லோபி அனிச்சோதி? ந ஹேவங் வத்தப்³பே³…பே॰… யதா² ருக்க²ங் உபாதா³ய சா²யாய பஞ்ஞத்தி, அஞ்ஞோ ருக்கோ² அஞ்ஞா சா²யா, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தி, அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³…பே॰….

112. Yathā rukkhaṃ upādāya chāyāya paññatti, evamevaṃ rūpaṃ upādāya puggalassa paññattīti? ( ) ³⁶ Yathā rukkhaṃ upādāya chāyāya paññatti, rukkhopi anicco chāyāpi aniccā, evamevaṃ rūpaṃ upādāya puggalassa paññatti, rūpampi aniccaṃ puggalopi aniccoti? Na hevaṃ vattabbe…pe… yathā rukkhaṃ upādāya chāyāya paññatti, añño rukkho aññā chāyā, evamevaṃ rūpaṃ upādāya puggalassa paññatti, aññaṃ rūpaṃ añño puggaloti? Na hevaṃ vattabbe…pe….

113. யதா² கா³மங் உபாதா³ய கா³மிகஸ்ஸ பஞ்ஞத்தி, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தீதி? யதா² கா³மங் உபாதா³ய கா³மிகஸ்ஸ பஞ்ஞத்தி, அஞ்ஞோ கா³மோ அஞ்ஞோ கா³மிகோ, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தி, அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³…பே॰….

113. Yathā gāmaṃ upādāya gāmikassa paññatti, evamevaṃ rūpaṃ upādāya puggalassa paññattīti? Yathā gāmaṃ upādāya gāmikassa paññatti, añño gāmo añño gāmiko, evamevaṃ rūpaṃ upādāya puggalassa paññatti, aññaṃ rūpaṃ añño puggaloti? Na hevaṃ vattabbe…pe….

114. யதா² ரட்ட²ங் உபாதா³ய ரஞ்ஞோ பஞ்ஞத்தி, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தீதி ? யதா² ரட்ட²ங் உபாதா³ய ரஞ்ஞோ பஞ்ஞத்தி, அஞ்ஞங் ரட்ட²ங் அஞ்ஞோ ராஜா, ஏவமேவங் ரூபங் உபாதா³ய புக்³க³லஸ்ஸ பஞ்ஞத்தி, அஞ்ஞங் ரூபங் அஞ்ஞோ புக்³க³லோதி? ந ஹேவங் வத்தப்³பே³…பே॰….

114. Yathā raṭṭhaṃ upādāya rañño paññatti, evamevaṃ rūpaṃ upādāya puggalassa paññattīti ? Yathā raṭṭhaṃ upādāya rañño paññatti, aññaṃ raṭṭhaṃ añño rājā, evamevaṃ rūpaṃ upādāya puggalassa paññatti, aññaṃ rūpaṃ añño puggaloti? Na hevaṃ vattabbe…pe….

115. யதா² ந நிக³ளோ நேக³ளிகோ, யஸ்ஸ நிக³ளோ ஸோ நேக³ளிகோ, ஏவமேவங் ந ரூபங் ரூபவா, யஸ்ஸ ரூபங் ஸோ ரூபவாதி? யதா² ந நிக³ளோ நேக³ளிகோ, யஸ்ஸ நிக³ளோ ஸோ நேக³ளிகோ, அஞ்ஞோ நிக³ளோ அஞ்ஞோ நேக³ளிகோ, ஏவமேவங் ந ரூபங் ரூபவா, யஸ்ஸ ரூபங் ஸோ ரூபவா, அஞ்ஞங் ரூபங் அஞ்ஞோ ரூபவாதி? ந ஹேவங் வத்தப்³பே³…பே॰….

115. Yathā na nigaḷo negaḷiko, yassa nigaḷo so negaḷiko, evamevaṃ na rūpaṃ rūpavā, yassa rūpaṃ so rūpavāti? Yathā na nigaḷo negaḷiko, yassa nigaḷo so negaḷiko, añño nigaḷo añño negaḷiko, evamevaṃ na rūpaṃ rūpavā, yassa rūpaṃ so rūpavā, aññaṃ rūpaṃ añño rūpavāti? Na hevaṃ vattabbe…pe….

116. சித்தே சித்தே புக்³க³லஸ்ஸ பஞ்ஞத்தீதி? ஆமந்தா. சித்தே சித்தே புக்³க³லோ ஜாயதி ஜீயதி மீயதி சவதி உபபஜ்ஜதீதி? ந ஹேவங் வத்தப்³பே³…பே॰… து³தியே சித்தே உப்பன்னே ந வத்தப்³ப³ங் ஸோதி வா அஞ்ஞோதி வாதி? ஆமந்தா . து³தியே சித்தே உப்பன்னே ந வத்தப்³ப³ங் குமாரகோதி வா குமாரிகாதி வாதி? வத்தப்³ப³ங்.

116. Citte citte puggalassa paññattīti? Āmantā. Citte citte puggalo jāyati jīyati mīyati cavati upapajjatīti? Na hevaṃ vattabbe…pe… dutiye citte uppanne na vattabbaṃ soti vā aññoti vāti? Āmantā . Dutiye citte uppanne na vattabbaṃ kumārakoti vā kumārikāti vāti? Vattabbaṃ.

ஆஜானாஹி நிக்³க³ஹங். ஹஞ்சி து³தியே சித்தே உப்பன்னே ந வத்தப்³ப³ங் – ‘‘ஸோதி வா அஞ்ஞோதி வா,’’ தேன வத ரே வத்தப்³பே³ – ‘‘து³தியே சித்தே உப்பன்னே ந வத்தப்³ப³ங் – ‘குமாரகோதி வா குமாரிகாதி வா’’’தி. யங் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ங் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ங் – குமாரகோதி வா குமாரிகாதி வா’’’தி மிச்சா².

Ājānāhi niggahaṃ. Hañci dutiye citte uppanne na vattabbaṃ – ‘‘soti vā aññoti vā,’’ tena vata re vattabbe – ‘‘dutiye citte uppanne na vattabbaṃ – ‘kumārakoti vā kumārikāti vā’’’ti. Yaṃ tattha vadesi – ‘‘vattabbe kho – ‘dutiye citte uppanne na vattabbaṃ – soti vā aññoti vā, dutiye citte uppanne vattabbaṃ – kumārakoti vā kumārikāti vā’’’ti micchā.

ஹஞ்சி வா பன து³தியே சித்தே உப்பன்னே வத்தப்³ப³ங் – ‘‘குமாரகோதி வா குமாரிகா’’தி வா, தேன வத ரே வத்தப்³பே³ – ‘‘து³தியே சித்தே உப்பன்னே வத்தப்³ப³ங் – ‘ஸோதி வா அஞ்ஞோதி வா’’’தி. யங் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ங் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ங் – குமாரகோதி வா குமாரிகாதி வா’’’தி மிச்சா².

Hañci vā pana dutiye citte uppanne vattabbaṃ – ‘‘kumārakoti vā kumārikā’’ti vā, tena vata re vattabbe – ‘‘dutiye citte uppanne vattabbaṃ – ‘soti vā aññoti vā’’’ti. Yaṃ tattha vadesi – ‘‘vattabbe kho – ‘dutiye citte uppanne na vattabbaṃ – soti vā aññoti vā, dutiye citte uppanne vattabbaṃ – kumārakoti vā kumārikāti vā’’’ti micchā.

117. து³தியே சித்தே உப்பன்னே ந வத்தப்³ப³ங் – ‘‘ஸோதி வா அஞ்ஞோதி வா’’தி? ஆமந்தா. து³தியே சித்தே உப்பன்னே ந வத்தப்³ப³ங் – ‘‘இத்தீ²தி வா புரிஸோதி வா க³ஹட்டோ²தி வா பப்³ப³ஜிதோதி வா தே³வோதி வா மனுஸ்ஸோதி வா’’தி? வத்தப்³ப³ங்.

117. Dutiye citte uppanne na vattabbaṃ – ‘‘soti vā aññoti vā’’ti? Āmantā. Dutiye citte uppanne na vattabbaṃ – ‘‘itthīti vā purisoti vā gahaṭṭhoti vā pabbajitoti vā devoti vā manussoti vā’’ti? Vattabbaṃ.

ஆஜானாஹி நிக்³க³ஹங். ஹஞ்சி து³தியே சித்தே உப்பன்னே ந வத்தப்³ப³ங் – ‘‘ஸோதி வா அஞ்ஞோதி வா,’’ தேன வத ரே வத்தப்³பே³ – ‘‘து³தியே சித்தே உப்பன்னே ந வத்தப்³ப³ங் – ‘தே³வோதி வா மனுஸ்ஸோதி வா’’’தி. யங் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ங் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ங் – தே³வோதி வா மனுஸ்ஸோதி வா’’’தி மிச்சா².

Ājānāhi niggahaṃ. Hañci dutiye citte uppanne na vattabbaṃ – ‘‘soti vā aññoti vā,’’ tena vata re vattabbe – ‘‘dutiye citte uppanne na vattabbaṃ – ‘devoti vā manussoti vā’’’ti. Yaṃ tattha vadesi – ‘‘vattabbe kho – ‘dutiye citte uppanne na vattabbaṃ – soti vā aññoti vā, dutiye citte uppanne vattabbaṃ – devoti vā manussoti vā’’’ti micchā.

ஹஞ்சி வா பன து³தியே சித்தே உப்பன்னே வத்தப்³ப³ங் – ‘‘தே³வோதி வா மனுஸ்ஸோதி வா,’’ தேன வத ரே வத்தப்³பே³ – ‘‘து³தியே சித்தே உப்பன்னே வத்தப்³ப³ங் – ‘ஸோதி வா அஞ்ஞோதி வா’’’தி. யங் தத்த² வதே³ஸி – ‘‘வத்தப்³பே³ கோ² – ‘து³தியே சித்தே உப்பன்னே ந வத்தப்³ப³ங் – ஸோதி வா அஞ்ஞோதி வா, து³தியே சித்தே உப்பன்னே வத்தப்³ப³ங் – தே³வோதி வா மனுஸ்ஸோதி வா’’’தி மிச்சா²…பே॰….

Hañci vā pana dutiye citte uppanne vattabbaṃ – ‘‘devoti vā manussoti vā,’’ tena vata re vattabbe – ‘‘dutiye citte uppanne vattabbaṃ – ‘soti vā aññoti vā’’’ti. Yaṃ tattha vadesi – ‘‘vattabbe kho – ‘dutiye citte uppanne na vattabbaṃ – soti vā aññoti vā, dutiye citte uppanne vattabbaṃ – devoti vā manussoti vā’’’ti micchā…pe….

118. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு யோ பஸ்ஸதி யங் பஸ்ஸதி யேன பஸ்ஸதி, ஸோ பஸ்ஸதி தங் பஸ்ஸதி தேன பஸ்ஸதீதி? ஆமந்தா. ஹஞ்சி யோ பஸ்ஸதி யங் பஸ்ஸதி யேன பஸ்ஸதி, ஸோ பஸ்ஸதி தங் பஸ்ஸதி தேன பஸ்ஸதி; தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

118. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu yo passati yaṃ passati yena passati, so passati taṃ passati tena passatīti? Āmantā. Hañci yo passati yaṃ passati yena passati, so passati taṃ passati tena passati; tena vata re vattabbe – ‘‘puggalo upalabbhati saccikaṭṭhaparamatthenā’’ti.

119. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு யோ ஸுணாதி…பே॰… யோ கா⁴யதி… யோ ஸாயதி… யோ பு²ஸதி… யோ விஜானாதி யங் விஜானாதி யேன விஜானாதி, ஸோ விஜானாதி தங் விஜானாதி தேன விஜானாதீதி? ஆமந்தா. ஹஞ்சி யோ விஜானாதி யங் விஜானாதி யேன விஜானாதி, ஸோ விஜானாதி தங் விஜானாதி தேன விஜானாதி; தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

119. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu yo suṇāti…pe… yo ghāyati… yo sāyati… yo phusati… yo vijānāti yaṃ vijānāti yena vijānāti, so vijānāti taṃ vijānāti tena vijānātīti? Āmantā. Hañci yo vijānāti yaṃ vijānāti yena vijānāti, so vijānāti taṃ vijānāti tena vijānāti; tena vata re vattabbe – ‘‘puggalo upalabbhati saccikaṭṭhaparamatthenā’’ti.

120. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு யோ ந பஸ்ஸதி யங் ந பஸ்ஸதி யேன ந பஸ்ஸதி, ஸோ ந பஸ்ஸதி தங் ந பஸ்ஸதி தேன ந பஸ்ஸதீதி? ஆமந்தா. ஹஞ்சி யோ ந பஸ்ஸதி யங் ந பஸ்ஸதி யேன ந பஸ்ஸதி, ஸோ ந பஸ்ஸதி தங் ந பஸ்ஸதி தேன ந பஸ்ஸதி; நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

120. Puggalo upalabbhati saccikaṭṭhaparamatthenāti? Āmantā. Nanu yo na passati yaṃ na passati yena na passati, so na passati taṃ na passati tena na passatīti? Āmantā. Hañci yo na passati yaṃ na passati yena na passati, so na passati taṃ na passati tena na passati; no ca vata re vattabbe – ‘‘puggalo upalabbhati saccikaṭṭhaparamatthenā’’ti.

புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு யோ ந ஸுணாதி…பே॰… யோ ந கா⁴யதி… யோ ந ஸாயதி… யோ ந பு²ஸதி… யோ ந விஜானாதி யங் ந விஜானாதி யேன ந விஜானாதி, ஸோ ந விஜானாதி தங் ந விஜானாதி தேன ந விஜானாதீதி? ஆமந்தா. ஹஞ்சி யோ ந விஜானாதி யங் ந விஜானாதி யேன ந விஜானாதி, ஸோ ந விஜானாதி தங் ந விஜானாதி தேன ந விஜானாதி; நோ ச வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

Puggalo upalabbhati saccikaṭṭhaparamatthenāti? Āmantā. Nanu yo na suṇāti…pe… yo na ghāyati… yo na sāyati… yo na phusati… yo na vijānāti yaṃ na vijānāti yena na vijānāti, so na vijānāti taṃ na vijānāti tena na vijānātīti? Āmantā. Hañci yo na vijānāti yaṃ na vijānāti yena na vijānāti, so na vijānāti taṃ na vijānāti tena na vijānāti; no ca vata re vattabbe – ‘‘puggalo upalabbhati saccikaṭṭhaparamatthenā’’ti.

121. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு வுத்தங் ப⁴க³வதா – ‘‘பஸ்ஸாமஹங், பி⁴க்க²வே, தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாமீ’’தி ³⁷! அத்தே²வ ஸுத்தந்தோதி? ஆமந்தா. தேன ஹி புக்³க³லோ உபலப்³ப⁴தி ஸச்சிகட்ட²பரமத்தே²னாதி.

121. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu vuttaṃ bhagavatā – ‘‘passāmahaṃ, bhikkhave, dibbena cakkhunā visuddhena atikkantamānusakena satte cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāmī’’ti ³⁸! Attheva suttantoti? Āmantā. Tena hi puggalo upalabbhati saccikaṭṭhaparamatthenāti.

122. வுத்தங் ப⁴க³வதா – ‘‘பஸ்ஸாமஹங், பி⁴க்க²வே, தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே, ஸுக³தே து³க்³க³தே யதா²கம்மூபகே³ ஸத்தே பஜானாமீ’’தி கத்வா தேனேவ காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ரூபங் பஸ்ஸதி புக்³க³லங் பஸ்ஸதீதி? ரூபங் பஸ்ஸதி. ரூபங் புக்³க³லோ, ரூபங் சவதி, ரூபங் உபபஜ்ஜதி, ரூபங் யதா²கம்மூபக³ந்தி? ந ஹேவங் வத்தப்³பே³.

122. Vuttaṃ bhagavatā – ‘‘passāmahaṃ, bhikkhave, dibbena cakkhunā visuddhena atikkantamānusakena satte cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāmī’’ti katvā teneva kāraṇena puggalo upalabbhati saccikaṭṭhaparamatthenāti? Āmantā. Bhagavā dibbena cakkhunā visuddhena atikkantamānusakena rūpaṃ passati puggalaṃ passatīti? Rūpaṃ passati. Rūpaṃ puggalo, rūpaṃ cavati, rūpaṃ upapajjati, rūpaṃ yathākammūpaganti? Na hevaṃ vattabbe.

ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ரூபங் பஸ்ஸதி புக்³க³லங் பஸ்ஸதீதி? புக்³க³லங் பஸ்ஸதி. புக்³க³லோ ரூபங் ரூபாயதனங் ரூபதா⁴து நீலங் பீதகங் லோஹிதகங் ஓதா³தங் சக்கு²விஞ்ஞெய்யங் சக்கு²ஸ்மிங் படிஹஞ்ஞதி, சக்கு²ஸ்ஸ ஆபாத²ங் ஆக³ச்ச²தீதி? ந ஹேவங் வத்தப்³பே³.

Bhagavā dibbena cakkhunā visuddhena atikkantamānusakena rūpaṃ passati puggalaṃ passatīti? Puggalaṃ passati. Puggalo rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati, cakkhussa āpāthaṃ āgacchatīti? Na hevaṃ vattabbe.

ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ரூபங் பஸ்ஸதி புக்³க³லங் பஸ்ஸதீதி? உபோ⁴ பஸ்ஸதி. உபோ⁴ ரூபங் ரூபாயதனங் ரூபதா⁴து, உபோ⁴ நீலா, உபோ⁴ பீதகா, உபோ⁴ லோஹிதகா, உபோ⁴ ஓதா³தா, உபோ⁴ சக்கு²விஞ்ஞெய்யா, உபோ⁴ சக்கு²ஸ்மிங் படிஹஞ்ஞந்தி, உபோ⁴ சக்கு²ஸ்ஸ ஆபாத²ங் ஆக³ச்ச²ந்தி, உபோ⁴ சவந்தி, உபோ⁴ உபபஜ்ஜந்தி, உபோ⁴ யதா²கம்மூபகா³தி? ந ஹேவங் வத்தப்³பே³.

Bhagavā dibbena cakkhunā visuddhena atikkantamānusakena rūpaṃ passati puggalaṃ passatīti? Ubho passati. Ubho rūpaṃ rūpāyatanaṃ rūpadhātu, ubho nīlā, ubho pītakā, ubho lohitakā, ubho odātā, ubho cakkhuviññeyyā, ubho cakkhusmiṃ paṭihaññanti, ubho cakkhussa āpāthaṃ āgacchanti, ubho cavanti, ubho upapajjanti, ubho yathākammūpagāti? Na hevaṃ vattabbe.

உபாதா³பஞ்ஞத்தானுயோகோ³.

Upādāpaññattānuyogo.

13. புரிஸகாரானுயோகோ³

13. Purisakārānuyogo

123. கல்யாணபாபகானி கம்மானி உபலப்³ப⁴ந்தீதி? ஆமந்தா. கல்யாணபாபகானங் கம்மானங் கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

123. Kalyāṇapāpakāni kammāni upalabbhantīti? Āmantā. Kalyāṇapāpakānaṃ kammānaṃ kattā kāretā upalabbhatīti? Na hevaṃ vattabbe…pe….

124. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. தஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

124. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Tassa kattā kāretā upalabbhatīti? Na hevaṃ vattabbe…pe….

125. தஸ்ஸ கத்தா காரேதா உபலப்³ப⁴தீதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

125. Tassa kattā kāretā upalabbhatīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

126. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. புக்³க³லோ உபலப்³ப⁴தீதி, புக்³க³லஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

126. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Puggalo upalabbhatīti, puggalassa kattā kāretā upalabbhatīti? Na hevaṃ vattabbe…pe….

127. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. நிப்³பா³னங் உபலப்³ப⁴தீதி, நிப்³பா³னஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

127. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Nibbānaṃ upalabbhatīti, nibbānassa kattā kāretā upalabbhatīti? Na hevaṃ vattabbe…pe….

128. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. மஹாபத²வீ உபலப்³ப⁴தீதி, மஹாபத²வியா கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

128. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Mahāpathavī upalabbhatīti, mahāpathaviyā kattā kāretā upalabbhatīti? Na hevaṃ vattabbe…pe….

129. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. மஹாஸமுத்³தோ³ உபலப்³ப⁴தீதி, மஹாஸமுத்³த³ஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

129. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Mahāsamuddo upalabbhatīti, mahāsamuddassa kattā kāretā upalabbhatīti? Na hevaṃ vattabbe…pe….

130. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. ஸினேருபப்³ப³தராஜா உபலப்³ப⁴தீதி, ஸினேருஸ்ஸ பப்³ப³தராஜஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

130. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Sinerupabbatarājā upalabbhatīti, sinerussa pabbatarājassa kattā kāretā upalabbhatīti? Na hevaṃ vattabbe…pe….

131. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. ஆபோ உபலப்³ப⁴தீதி, ஆபஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

131. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Āpo upalabbhatīti, āpassa kattā kāretā upalabbhatīti? Na hevaṃ vattabbe…pe….

132. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. தேஜோ உபலப்³ப⁴தீதி, தேஜஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

132. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Tejo upalabbhatīti, tejassa kattā kāretā upalabbhatīti? Na hevaṃ vattabbe…pe….

133. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. வாயோ உபலப்³ப⁴தீதி, வாயஸ்ஸ கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

133. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Vāyo upalabbhatīti, vāyassa kattā kāretā upalabbhatīti? Na hevaṃ vattabbe…pe….

134. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. திணகட்ட²வனப்பதயோ உபலப்³ப⁴ந்தீதி , திணகட்ட²வனப்பதீனங் கத்தா காரேதா உபலப்³ப⁴தீதி? ந ஹேவங் வத்தப்³பே³…பே॰….

134. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Tiṇakaṭṭhavanappatayo upalabbhantīti , tiṇakaṭṭhavanappatīnaṃ kattā kāretā upalabbhatīti? Na hevaṃ vattabbe…pe….

135. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா உபலப்³ப⁴தீதி? ஆமந்தா. அஞ்ஞானி கல்யாணபாபகானி கம்மானி அஞ்ஞோ கல்யாணபாபகானங் கம்மானங் கத்தா காரேதாதி? ந ஹேவங் வத்தப்³பே³…பே॰….

135. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā upalabbhatīti? Āmantā. Aññāni kalyāṇapāpakāni kammāni añño kalyāṇapāpakānaṃ kammānaṃ kattā kāretāti? Na hevaṃ vattabbe…pe….

136. கல்யாணபாபகானங் கம்மானங் விபாகோ உபலப்³ப⁴தீதி? ஆமந்தா. கல்யாணபாபகானங் கம்மானங் விபாகபடிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

136. Kalyāṇapāpakānaṃ kammānaṃ vipāko upalabbhatīti? Āmantā. Kalyāṇapāpakānaṃ kammānaṃ vipākapaṭisaṃvedī upalabbhatīti? Na hevaṃ vattabbe…pe….

137. கல்யாணபாபகானங் கம்மானங் விபாகோ உபலப்³ப⁴தீதி, கல்யாணபாபகானங் கம்மானங் விபாகபடிஸங்வேதீ³ உபலப்³ப⁴தீதி? ஆமந்தா. தஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

137. Kalyāṇapāpakānaṃ kammānaṃ vipāko upalabbhatīti, kalyāṇapāpakānaṃ kammānaṃ vipākapaṭisaṃvedī upalabbhatīti? Āmantā. Tassa paṭisaṃvedī upalabbhatīti? Na hevaṃ vattabbe…pe….

138. தஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

138. Tassa paṭisaṃvedī upalabbhatīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

139. கல்யாணபாபகானங் கம்மானங் விபாகோ உபலப்³ப⁴தீதி, கல்யாணபாபகானங் கம்மானங் விபாகபடிஸங்வேதீ³ உபலப்³ப⁴தீதி? ஆமந்தா. புக்³க³லோ உபலப்³ப⁴தீதி, புக்³க³லஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

139. Kalyāṇapāpakānaṃ kammānaṃ vipāko upalabbhatīti, kalyāṇapāpakānaṃ kammānaṃ vipākapaṭisaṃvedī upalabbhatīti? Āmantā. Puggalo upalabbhatīti, puggalassa paṭisaṃvedī upalabbhatīti? Na hevaṃ vattabbe…pe….

140. கல்யாணபாபகானங் கம்மானங் விபாகோ உபலப்³ப⁴தீதி, கல்யாணபாபகானங் கம்மானங் விபாகபடிஸங்வேதீ³ உபலப்³ப⁴தீதி? ஆமந்தா. நிப்³பா³னங் உபலப்³ப⁴தீதி, நிப்³பா³னஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

140. Kalyāṇapāpakānaṃ kammānaṃ vipāko upalabbhatīti, kalyāṇapāpakānaṃ kammānaṃ vipākapaṭisaṃvedī upalabbhatīti? Āmantā. Nibbānaṃ upalabbhatīti, nibbānassa paṭisaṃvedī upalabbhatīti? Na hevaṃ vattabbe…pe….

141. கல்யாணபாபகானங் கம்மானங் விபாகோ உபலப்³ப⁴தீதி, கல்யாணபாபகானங் கம்மானங் விபாகபடிஸங்வேதீ³ உபலப்³ப⁴தீதி? ஆமந்தா. மஹாபத²வீ உபலப்³ப⁴தீதி…பே॰… மஹாஸமுத்³தோ³ உபலப்³ப⁴தீதி… ஸினேருபப்³ப³தராஜா உபலப்³ப⁴தீதி… ஆபோ உபலப்³ப⁴தீதி… தேஜோ உபலப்³ப⁴தீதி… வாயோ உபலப்³ப⁴தீதி…பே॰… திணகட்ட²வனப்பதயோ உபலப்³ப⁴ந்தீதி, திணகட்ட²வனப்பதீனங் படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

141. Kalyāṇapāpakānaṃ kammānaṃ vipāko upalabbhatīti, kalyāṇapāpakānaṃ kammānaṃ vipākapaṭisaṃvedī upalabbhatīti? Āmantā. Mahāpathavī upalabbhatīti…pe… mahāsamuddo upalabbhatīti… sinerupabbatarājā upalabbhatīti… āpo upalabbhatīti… tejo upalabbhatīti… vāyo upalabbhatīti…pe… tiṇakaṭṭhavanappatayo upalabbhantīti, tiṇakaṭṭhavanappatīnaṃ paṭisaṃvedī upalabbhatīti? Na hevaṃ vattabbe…pe….

142. கல்யாணபாபகானங் கம்மானங் விபாகோ உபலப்³ப⁴தீதி, கல்யாணபாபகானங் கம்மானங் விபாகபடிஸங்வேதீ³ உபலப்³ப⁴தீதி? ஆமந்தா. அஞ்ஞோ கல்யாணபாபகானங் கம்மானங் விபாகோ, அஞ்ஞோ கல்யாணபாபகானங் கம்மானங் விபாகபடிஸங்வேதீ³தி? ந ஹேவங் வத்தப்³பே³…பே॰….

142. Kalyāṇapāpakānaṃ kammānaṃ vipāko upalabbhatīti, kalyāṇapāpakānaṃ kammānaṃ vipākapaṭisaṃvedī upalabbhatīti? Āmantā. Añño kalyāṇapāpakānaṃ kammānaṃ vipāko, añño kalyāṇapāpakānaṃ kammānaṃ vipākapaṭisaṃvedīti? Na hevaṃ vattabbe…pe….

143. தி³ப்³ப³ங் ஸுக²ங் உபலப்³ப⁴தீதி? ஆமந்தா. தி³ப்³ப³ஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

143. Dibbaṃ sukhaṃ upalabbhatīti? Āmantā. Dibbassa sukhassa paṭisaṃvedī upalabbhatīti? Na hevaṃ vattabbe…pe….

144. தி³ப்³ப³ங் ஸுக²ங் உபலப்³ப⁴தீதி, தி³ப்³ப³ஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

144. Dibbaṃ sukhaṃ upalabbhatīti, dibbassa sukhassa paṭisaṃvedī upalabbhatīti? Āmantā. Tassa paṭisaṃvedī upalabbhatīti? Na hevaṃ vattabbe…pe….

145. தஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

145. Tassa paṭisaṃvedī upalabbhatīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

146. தி³ப்³ப³ங் ஸுக²ங் உபலப்³ப⁴தீதி, தி³ப்³ப³ஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி ? ஆமந்தா. புக்³க³லோ உபலப்³ப⁴தீதி, புக்³க³லஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

146. Dibbaṃ sukhaṃ upalabbhatīti, dibbassa sukhassa paṭisaṃvedī upalabbhatīti ? Āmantā. Puggalo upalabbhatīti, puggalassa paṭisaṃvedī upalabbhatīti? Na hevaṃ vattabbe…pe….

147. தி³ப்³ப³ங் ஸுக²ங் உபலப்³ப⁴தீதி, தி³ப்³ப³ஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா. நிப்³பா³னங் உபலப்³ப⁴தீதி, நிப்³பா³னஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

147. Dibbaṃ sukhaṃ upalabbhatīti, dibbassa sukhassa paṭisaṃvedī upalabbhatīti? Āmantā. Nibbānaṃ upalabbhatīti, nibbānassa paṭisaṃvedī upalabbhatīti? Na hevaṃ vattabbe…pe….

148. தி³ப்³ப³ங் ஸுக²ங் உபலப்³ப⁴தீதி, தி³ப்³ப³ஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா . மஹாபத²வீ உபலப்³ப⁴தீதி… மஹாஸமுத்³தோ³ உபலப்³ப⁴தீதி… ஸினேருபப்³ப³தராஜா உபலப்³ப⁴தீதி… ஆபோ உபலப்³ப⁴தீதி… தேஜோ உபலப்³ப⁴தீதி… வாயோ உபலப்³ப⁴தீதி…பே॰… திணகட்ட²வனப்பதயோ உபலப்³ப⁴ந்தீதி, திணகட்ட²வனப்பதீனங் படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

148. Dibbaṃ sukhaṃ upalabbhatīti, dibbassa sukhassa paṭisaṃvedī upalabbhatīti? Āmantā . Mahāpathavī upalabbhatīti… mahāsamuddo upalabbhatīti… sinerupabbatarājā upalabbhatīti… āpo upalabbhatīti… tejo upalabbhatīti… vāyo upalabbhatīti…pe… tiṇakaṭṭhavanappatayo upalabbhantīti, tiṇakaṭṭhavanappatīnaṃ paṭisaṃvedī upalabbhatīti? Na hevaṃ vattabbe…pe….

149. தி³ப்³ப³ங் ஸுக²ங் உபலப்³ப⁴தீதி, தி³ப்³ப³ஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா . அஞ்ஞங் தி³ப்³ப³ங் ஸுக²ங், அஞ்ஞோ தி³ப்³ப³ஸ்ஸ ஸுக²ஸ்ஸ படிஸங்வேதீ³தி? ந ஹேவங் வத்தப்³பே³…பே॰….

149. Dibbaṃ sukhaṃ upalabbhatīti, dibbassa sukhassa paṭisaṃvedī upalabbhatīti? Āmantā . Aññaṃ dibbaṃ sukhaṃ, añño dibbassa sukhassa paṭisaṃvedīti? Na hevaṃ vattabbe…pe….

150. மானுஸகங் ஸுக²ங் உபலப்³ப⁴தீதி? ஆமந்தா. மானுஸகஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

150. Mānusakaṃ sukhaṃ upalabbhatīti? Āmantā. Mānusakassa sukhassa paṭisaṃvedī upalabbhatīti? Na hevaṃ vattabbe…pe….

151. மானுஸகங் ஸுக²ங் உபலப்³ப⁴தீதி, மானுஸகஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

151. Mānusakaṃ sukhaṃ upalabbhatīti, mānusakassa sukhassa paṭisaṃvedī upalabbhatīti? Āmantā. Tassa paṭisaṃvedī upalabbhatīti? Na hevaṃ vattabbe…pe….

152. தஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

152. Tassa paṭisaṃvedī upalabbhatīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

153. மானுஸகங் ஸுக²ங் உபலப்³ப⁴தீதி, மானுஸகஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா. புக்³க³லோ உபலப்³ப⁴தீதி, புக்³க³லஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

153. Mānusakaṃ sukhaṃ upalabbhatīti, mānusakassa sukhassa paṭisaṃvedī upalabbhatīti? Āmantā. Puggalo upalabbhatīti, puggalassa paṭisaṃvedī upalabbhatīti? Na hevaṃ vattabbe…pe….

154. மானுஸகங் ஸுக²ங் உபலப்³ப⁴தீதி, மானுஸகஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா. நிப்³பா³னங் உபலப்³ப⁴தீதி, நிப்³பா³னஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

154. Mānusakaṃ sukhaṃ upalabbhatīti, mānusakassa sukhassa paṭisaṃvedī upalabbhatīti? Āmantā. Nibbānaṃ upalabbhatīti, nibbānassa paṭisaṃvedī upalabbhatīti? Na hevaṃ vattabbe…pe….

155. மானுஸகங் ஸுக²ங் உபலப்³ப⁴தீதி, மானுஸகஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி? ஆமந்தா. மஹாபத²வீ உபலப்³ப⁴தீதி…பே॰… மஹாஸமுத்³தோ³ உபலப்³ப⁴தீதி… ஸினேருபப்³ப³தராஜா உபலப்³ப⁴தீதி… ஆபோ உபலப்³ப⁴தீதி… தேஜோ உபலப்³ப⁴தீதி… வாயோ உபலப்³ப⁴தீதி… திணகட்ட²வனப்பதயோ உபலப்³ப⁴ந்தீதி, திணகட்ட²வனப்பதீனங் படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

155. Mānusakaṃ sukhaṃ upalabbhatīti, mānusakassa sukhassa paṭisaṃvedī upalabbhatīti? Āmantā. Mahāpathavī upalabbhatīti…pe… mahāsamuddo upalabbhatīti… sinerupabbatarājā upalabbhatīti… āpo upalabbhatīti… tejo upalabbhatīti… vāyo upalabbhatīti… tiṇakaṭṭhavanappatayo upalabbhantīti, tiṇakaṭṭhavanappatīnaṃ paṭisaṃvedī upalabbhatīti? Na hevaṃ vattabbe…pe….

156. மானுஸகங் ஸுக²ங் உபலப்³ப⁴தீதி, மானுஸகஸ்ஸ ஸுக²ஸ்ஸ படிஸங்வேதீ³ உபலப்³ப⁴தீதி ? ஆமந்தா. அஞ்ஞங் மானுஸகங் ஸுக²ங் அஞ்ஞோ மானுஸகஸ்ஸ ஸுக²ஸ்ஸ படிஸங்வேதீ³தி? ந ஹேவங் வத்தப்³பே³…பே॰….

156. Mānusakaṃ sukhaṃ upalabbhatīti, mānusakassa sukhassa paṭisaṃvedī upalabbhatīti ? Āmantā. Aññaṃ mānusakaṃ sukhaṃ añño mānusakassa sukhassa paṭisaṃvedīti? Na hevaṃ vattabbe…pe….

157. ஆபாயிகங் து³க்க²ங் உபலப்³ப⁴தீதி? ஆமந்தா. ஆபாயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

157. Āpāyikaṃ dukkhaṃ upalabbhatīti? Āmantā. Āpāyikassa dukkhassa paṭisaṃvedī upalabbhatīti? Na hevaṃ vattabbe…pe….

158. ஆபாயிகங் து³க்க²ங் உபலப்³ப⁴தீதி, ஆபாயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

158. Āpāyikaṃ dukkhaṃ upalabbhatīti, āpāyikassa dukkhassa paṭisaṃvedī upalabbhatīti? Āmantā. Tassa paṭisaṃvedī upalabbhatīti? Na hevaṃ vattabbe…pe….

159. தஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

159. Tassa paṭisaṃvedī upalabbhatīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

160. ஆபாயிகங் து³க்க²ங் உபலப்³ப⁴தீதி, ஆபாயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. புக்³க³லோ உபலப்³ப⁴தீதி, புக்³க³லஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

160. Āpāyikaṃ dukkhaṃ upalabbhatīti, āpāyikassa dukkhassa paṭisaṃvedī upalabbhatīti? Āmantā. Puggalo upalabbhatīti, puggalassa paṭisaṃvedī upalabbhatīti? Na hevaṃ vattabbe…pe….

161. ஆபாயிகங் து³க்க²ங் உபலப்³ப⁴தீதி, ஆபாயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. நிப்³பா³னங் உபலப்³ப⁴தீதி, நிப்³பா³னஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

161. Āpāyikaṃ dukkhaṃ upalabbhatīti, āpāyikassa dukkhassa paṭisaṃvedī upalabbhatīti? Āmantā. Nibbānaṃ upalabbhatīti, nibbānassa paṭisaṃvedī upalabbhatīti? Na hevaṃ vattabbe…pe….

162. ஆபாயிகங் து³க்க²ங் உபலப்³ப⁴தீதி, ஆபாயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. மஹாபத²வீ உபலப்³ப⁴தீதி…பே॰… மஹாஸமுத்³தோ³ உபலப்³ப⁴தீதி… ஸினேருபப்³ப³தராஜா உபலப்³ப⁴தீதி… ஆபோ உபலப்³ப⁴தீதி… தேஜோ உபலப்³ப⁴தீதி… வாயோ உபலப்³ப⁴தீதி… திணகட்ட²வனப்பதயோ உபலப்³ப⁴ந்தீதி, திணகட்ட²வனப்பதீனங் படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

162. Āpāyikaṃ dukkhaṃ upalabbhatīti, āpāyikassa dukkhassa paṭisaṃvedī upalabbhatīti? Āmantā. Mahāpathavī upalabbhatīti…pe… mahāsamuddo upalabbhatīti… sinerupabbatarājā upalabbhatīti… āpo upalabbhatīti… tejo upalabbhatīti… vāyo upalabbhatīti… tiṇakaṭṭhavanappatayo upalabbhantīti, tiṇakaṭṭhavanappatīnaṃ paṭisaṃvedī upalabbhatīti? Na hevaṃ vattabbe…pe….

163. ஆபாயிகங் து³க்க²ங் உபலப்³ப⁴தீதி, ஆபாயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி ? ஆமந்தா. அஞ்ஞங் ஆபாயிகங் து³க்க²ங், அஞ்ஞோ ஆபாயிகஸ்ஸ து³க்க²ஸ்ஸ படிஸங்வேதீ³தி? ந ஹேவங் வத்தப்³பே³…பே॰….

163. Āpāyikaṃ dukkhaṃ upalabbhatīti, āpāyikassa dukkhassa paṭisaṃvedī upalabbhatīti ? Āmantā. Aññaṃ āpāyikaṃ dukkhaṃ, añño āpāyikassa dukkhassa paṭisaṃvedīti? Na hevaṃ vattabbe…pe….

164. நேரயிகங் து³க்க²ங் உபலப்³ப⁴தீதி? ஆமந்தா. நேரயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³.

164. Nerayikaṃ dukkhaṃ upalabbhatīti? Āmantā. Nerayikassa dukkhassa paṭisaṃvedī upalabbhatīti? Na hevaṃ vattabbe.

நேரயிகங் து³க்க²ங் உபலப்³ப⁴தீதி, நேரயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

Nerayikaṃ dukkhaṃ upalabbhatīti, nerayikassa dukkhassa paṭisaṃvedī upalabbhatīti? Āmantā. Tassa paṭisaṃvedī upalabbhatīti? Na hevaṃ vattabbe…pe….

165. தஸ்ஸ படிஸங்வேதீ³ உபலப்³ப⁴தீதி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

165. Tassa paṭisaṃvedī upalabbhatīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

166. நேரயிகங் து³க்க²ங் உபலப்³ப⁴தீதி, நேரயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. புக்³க³லோ உபலப்³ப⁴தீதி, புக்³க³லஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

166. Nerayikaṃ dukkhaṃ upalabbhatīti, nerayikassa dukkhassa paṭisaṃvedī upalabbhatīti? Āmantā. Puggalo upalabbhatīti, puggalassa paṭisaṃvedī upalabbhatīti? Na hevaṃ vattabbe…pe….

167. நேரயிகங் து³க்க²ங் உபலப்³ப⁴தீதி, நேரயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. நிப்³பா³னங் உபலப்³ப⁴தீதி, நிப்³பா³னஸ்ஸ படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

167. Nerayikaṃ dukkhaṃ upalabbhatīti, nerayikassa dukkhassa paṭisaṃvedī upalabbhatīti? Āmantā. Nibbānaṃ upalabbhatīti, nibbānassa paṭisaṃvedī upalabbhatīti? Na hevaṃ vattabbe…pe….

168. நேரயிகங் து³க்க²ங் உபலப்³ப⁴தீதி, நேரயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி? ஆமந்தா. மஹாபத²வீ உபலப்³ப⁴தீதி…பே॰… மஹாஸமுத்³தோ³ உபலப்³ப⁴தீதி… ஸினேருபப்³ப³தராஜா உபலப்³ப⁴தீதி… ஆபோ உபலப்³ப⁴தீதி… தேஜோ உபலப்³ப⁴தீதி… வாயோ உபலப்³ப⁴தீதி… திணகட்ட²வனப்பதயோ உபலப்³ப⁴ந்தீதி, திணகட்ட²வனப்பதீனங் படிஸங்வேதீ³ உபலப்³ப⁴தீதி? ந ஹேவங் வத்தப்³பே³…பே॰….

168. Nerayikaṃ dukkhaṃ upalabbhatīti, nerayikassa dukkhassa paṭisaṃvedī upalabbhatīti? Āmantā. Mahāpathavī upalabbhatīti…pe… mahāsamuddo upalabbhatīti… sinerupabbatarājā upalabbhatīti… āpo upalabbhatīti… tejo upalabbhatīti… vāyo upalabbhatīti… tiṇakaṭṭhavanappatayo upalabbhantīti, tiṇakaṭṭhavanappatīnaṃ paṭisaṃvedī upalabbhatīti? Na hevaṃ vattabbe…pe….

169. நேரயிகங் து³க்க²ங் உபலப்³ப⁴தீதி, நேரயிகஸ்ஸ து³க்க²ஸ்ஸ படிஸங்வேதீ³ உபலப்³ப⁴தீதி ? ஆமந்தா. அஞ்ஞங் நேரயிகங் து³க்க²ங், அஞ்ஞோ நேரயிகஸ்ஸ து³க்க²ஸ்ஸ படிஸங்வேதீ³தி? ந ஹேவங் வத்தப்³பே³…பே॰….

169. Nerayikaṃ dukkhaṃ upalabbhatīti, nerayikassa dukkhassa paṭisaṃvedī upalabbhatīti ? Āmantā. Aññaṃ nerayikaṃ dukkhaṃ, añño nerayikassa dukkhassa paṭisaṃvedīti? Na hevaṃ vattabbe…pe….

170. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா விபாகபடிஸங்வேதீ³ உபலப்³ப⁴தீதி? ஆமந்தா. ஸோ கரோதி ஸோ படிஸங்வேதே³தீதி? ந ஹேவங் வத்தப்³பே³…பே॰….

170. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā vipākapaṭisaṃvedī upalabbhatīti? Āmantā. So karoti so paṭisaṃvedetīti? Na hevaṃ vattabbe…pe….

171. ஸோ கரோதி ஸோ படிஸங்வேதே³தீதி? ஆமந்தா. ஸயங்கதங் ஸுக²து³க்க²ந்தி? ந ஹேவங் வத்தப்³பே³…பே॰….

171. So karoti so paṭisaṃvedetīti? Āmantā. Sayaṅkataṃ sukhadukkhanti? Na hevaṃ vattabbe…pe….

172. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா விபாகபடிஸங்வேதீ³ உபலப்³ப⁴தீதி? ஆமந்தா. அஞ்ஞோ கரோதி அஞ்ஞோ படிஸங்வேதே³தீதி? ந ஹேவங் வத்தப்³பே³…பே॰….

172. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā vipākapaṭisaṃvedī upalabbhatīti? Āmantā. Añño karoti añño paṭisaṃvedetīti? Na hevaṃ vattabbe…pe….

173. அஞ்ஞோ கரோதி அஞ்ஞோ படிஸங்வேதே³தீதி? ஆமந்தா. பரங்கதங் ஸுக²து³க்க²ந்தி? ந ஹேவங் வத்தப்³பே³…பே॰….

173. Añño karoti añño paṭisaṃvedetīti? Āmantā. Paraṅkataṃ sukhadukkhanti? Na hevaṃ vattabbe…pe….

174. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா விபாகபடிஸங்வேதீ³ உபலப்³ப⁴தீதி? ஆமந்தா . ஸோ ச அஞ்ஞோ ச கரொந்தி ஸோ ச அஞ்ஞோ ச படிஸங்வேதெ³ந்தீதி? ந ஹேவங் வத்தப்³பே³…பே॰….

174. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā vipākapaṭisaṃvedī upalabbhatīti? Āmantā . So ca añño ca karonti so ca añño ca paṭisaṃvedentīti? Na hevaṃ vattabbe…pe….

175. ஸோ ச அஞ்ஞோ ச கரொந்தி, ஸோ ச அஞ்ஞோ ச படிஸங்வேதெ³ந்தீதி? ஆமந்தா. ஸயங்கதஞ்ச பரங்கதஞ்ச ஸுக²து³க்க²ந்தி? ந ஹேவங் வத்தப்³பே³…பே॰….

175. So ca añño ca karonti, so ca añño ca paṭisaṃvedentīti? Āmantā. Sayaṅkatañca paraṅkatañca sukhadukkhanti? Na hevaṃ vattabbe…pe….

176. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா விபாகபடிஸங்வேதீ³ உபலப்³ப⁴தீதி? ஆமந்தா. நேவ ஸோ கரோதி ந ஸோ படிஸங்வேதே³தி, ந அஞ்ஞோ கரோதி ந அஞ்ஞோ படிஸங்வேதே³தீதி? ந ஹேவங் வத்தப்³பே³…பே॰….

176. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā vipākapaṭisaṃvedī upalabbhatīti? Āmantā. Neva so karoti na so paṭisaṃvedeti, na añño karoti na añño paṭisaṃvedetīti? Na hevaṃ vattabbe…pe….

177. நேவ ஸோ கரோதி ந ஸோ படிஸங்வேதே³தி, ந அஞ்ஞோ கரோதி ந அஞ்ஞோ படிஸங்வேதே³தீதி? ஆமந்தா. அஸயங்காரங் அபரங்காரங் அதி⁴ச்சஸமுப்பன்னங் ஸுக²து³க்க²ந்தி? ந ஹேவங் வத்தப்³பே³…பே॰….

177. Neva so karoti na so paṭisaṃvedeti, na añño karoti na añño paṭisaṃvedetīti? Āmantā. Asayaṅkāraṃ aparaṅkāraṃ adhiccasamuppannaṃ sukhadukkhanti? Na hevaṃ vattabbe…pe….

178. கல்யாணபாபகானி கம்மானி உபலப்³ப⁴ந்தீதி, கல்யாணபாபகானங் கம்மானங் கத்தா காரேதா விபாகபடிஸங்வேதீ³ உபலப்³ப⁴தீதி? ஆமந்தா. ஸோ கரோதி ஸோ படிஸங்வேதே³தி, அஞ்ஞோ கரோதி அஞ்ஞோ படிஸங்வேதே³தி, ஸோ ச அஞ்ஞோ ச கரொந்தி ஸோ ச அஞ்ஞோ ச படிஸங்வேதெ³ந்தி, நேவ ஸோ கரோதி ந ஸோ படிஸங்வேதே³தி, ந அஞ்ஞோ கரோதி ந அஞ்ஞோ படிஸங்வேதே³தீதி? ந ஹேவங் வத்தப்³பே³…பே॰….

178. Kalyāṇapāpakāni kammāni upalabbhantīti, kalyāṇapāpakānaṃ kammānaṃ kattā kāretā vipākapaṭisaṃvedī upalabbhatīti? Āmantā. So karoti so paṭisaṃvedeti, añño karoti añño paṭisaṃvedeti, so ca añño ca karonti so ca añño ca paṭisaṃvedenti, neva so karoti na so paṭisaṃvedeti, na añño karoti na añño paṭisaṃvedetīti? Na hevaṃ vattabbe…pe….

179. ஸோ கரோதி ஸோ படிஸங்வேதே³தி, அஞ்ஞோ கரோதி அஞ்ஞோ படிஸங்வேதே³தி, ஸோ ச அஞ்ஞோ ச கரொந்தி ஸோ ச அஞ்ஞோ ச படிஸங்வேதெ³ந்தி, நேவ ஸோ கரோதி ந ஸோ படிஸங்வேதே³தி, ந அஞ்ஞோ கரோதி ந அஞ்ஞோ படிஸங்வேதே³தீதி? ஆமந்தா. ஸயங்கதங் ஸுக²து³க்க²ங், பரங்கதங் ஸுக²து³க்க²ங், ஸயங்கதஞ்ச பரங்கதஞ்ச ஸுக²து³க்க²ங், அஸயங்காரங் அபரங்காரங் அதி⁴ச்சஸமுப்பன்னங் ஸுக²து³க்க²ந்தி? ந ஹேவங் வத்தப்³பே³…பே॰….

179. So karoti so paṭisaṃvedeti, añño karoti añño paṭisaṃvedeti, so ca añño ca karonti so ca añño ca paṭisaṃvedenti, neva so karoti na so paṭisaṃvedeti, na añño karoti na añño paṭisaṃvedetīti? Āmantā. Sayaṅkataṃ sukhadukkhaṃ, paraṅkataṃ sukhadukkhaṃ, sayaṅkatañca paraṅkatañca sukhadukkhaṃ, asayaṅkāraṃ aparaṅkāraṃ adhiccasamuppannaṃ sukhadukkhanti? Na hevaṃ vattabbe…pe….

180. கம்மங் அத்தீ²தி? ஆமந்தா . கம்மகாரகோ அத்தீ²தி? ந ஹேவங் வத்தப்³பே³…பே॰….

180. Kammaṃ atthīti? Āmantā . Kammakārako atthīti? Na hevaṃ vattabbe…pe….

181. கம்மங் அத்தீ²தி, கம்மகாரகோ அத்தீ²தி? ஆமந்தா. தஸ்ஸ காரகோ அத்தீ²தி? ந ஹேவங் வத்தப்³பே³…பே॰….

181. Kammaṃ atthīti, kammakārako atthīti? Āmantā. Tassa kārako atthīti? Na hevaṃ vattabbe…pe….

182. தஸ்ஸ காரகோ அத்தீ²தி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰….

182. Tassa kārako atthīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe….

183. கம்மங் அத்தீ²தி, கம்மகாரகோ அத்தீ²தி? ஆமந்தா. புக்³க³லோ அத்தீ²தி, புக்³க³லஸ்ஸ காரகோ அத்தீ²தி? ந ஹேவங் வத்தப்³பே³…பே॰….

183. Kammaṃ atthīti, kammakārako atthīti? Āmantā. Puggalo atthīti, puggalassa kārako atthīti? Na hevaṃ vattabbe…pe….

184. கம்மங் அத்தீ²தி, கம்மகாரகோ அத்தீ²தி? ஆமந்தா. நிப்³பா³னங் அத்தீ²தி, நிப்³பா³னஸ்ஸ காரகோ அத்தீ²தி? ந ஹேவங் வத்தப்³பே³…பே॰….

184. Kammaṃ atthīti, kammakārako atthīti? Āmantā. Nibbānaṃ atthīti, nibbānassa kārako atthīti? Na hevaṃ vattabbe…pe….

185. கம்மங் அத்தீ²தி, கம்மகாரகோ அத்தீ²தி? ஆமந்தா. மஹாபத²வீ அத்தீ²தி…பே॰… மஹாஸமுத்³தோ³ அத்தீ²தி… ஸினேருபப்³ப³தராஜா அத்தீ²தி… ஆபோ அத்தீ²தி… தேஜோ அத்தீ²தி… வாயோ அத்தீ²தி… திணகட்ட²வனப்பதயோ அத்தீ²தி, திணகட்ட²வனப்பதீனங் காரகோ அத்தீ²தி? ந ஹேவங் வத்தப்³பே³…பே॰….

185. Kammaṃ atthīti, kammakārako atthīti? Āmantā. Mahāpathavī atthīti…pe… mahāsamuddo atthīti… sinerupabbatarājā atthīti… āpo atthīti… tejo atthīti… vāyo atthīti… tiṇakaṭṭhavanappatayo atthīti, tiṇakaṭṭhavanappatīnaṃ kārako atthīti? Na hevaṃ vattabbe…pe….

186. கம்மங் அத்தீ²தி, கம்மகாரகோ அத்தீ²தி? ஆமந்தா. அஞ்ஞங் கம்மங், அஞ்ஞோ கம்மகாரகோதி? ந ஹேவங் வத்தப்³பே³…பே॰….

186. Kammaṃ atthīti, kammakārako atthīti? Āmantā. Aññaṃ kammaṃ, añño kammakārakoti? Na hevaṃ vattabbe…pe….

187. விபாகோ அத்தீ²தி? ஆமந்தா. விபாகபடிஸங்வேதீ³ அத்தீ²தி? ந ஹேவங் வத்தப்³பே³…பே॰….

187. Vipāko atthīti? Āmantā. Vipākapaṭisaṃvedī atthīti? Na hevaṃ vattabbe…pe….

188. விபாகோ அத்தீ²தி, விபாகபடிஸங்வேதீ³ அத்தீ²தி? ஆமந்தா. தஸ்ஸ படிஸங்வேதீ³ அத்தீ²தி? ந ஹேவங் வத்தப்³பே³…பே॰….

188. Vipāko atthīti, vipākapaṭisaṃvedī atthīti? Āmantā. Tassa paṭisaṃvedī atthīti? Na hevaṃ vattabbe…pe….

189. தஸ்ஸ படிஸங்வேதீ³ அத்தீ²தி? ஆமந்தா. தஸ்ஸ தஸ்ஸேவ நத்தி² து³க்க²ஸ்ஸ அந்தகிரியா, நத்தி² வட்டுபச்சே²தோ³, நத்தி² அனுபாதா³பரினிப்³பா³னந்தி? ந ஹேவங் வத்தப்³பே³…பே॰… விபாகோ அத்தீ²தி, விபாகபடிஸங்வேதீ³ அத்தீ²தி? ஆமந்தா. புக்³க³லோ அத்தீ²தி, புக்³க³லஸ்ஸ படிஸங்வேதீ³ அத்தீ²தி? ந ஹேவங் வத்தப்³பே³…பே॰….

189. Tassa paṭisaṃvedī atthīti? Āmantā. Tassa tasseva natthi dukkhassa antakiriyā, natthi vaṭṭupacchedo, natthi anupādāparinibbānanti? Na hevaṃ vattabbe…pe… vipāko atthīti, vipākapaṭisaṃvedī atthīti? Āmantā. Puggalo atthīti, puggalassa paṭisaṃvedī atthīti? Na hevaṃ vattabbe…pe….

190. விபாகோ அத்தீ²தி, விபாகபடிஸங்வேதீ³ அத்தீ²தி? ஆமந்தா. நிப்³பா³னங் அத்தீ²தி, நிப்³பா³னஸ்ஸ படிஸங்வேதீ³ அத்தீ²தி? ந ஹேவங் வத்தப்³பே³…பே॰….

190. Vipāko atthīti, vipākapaṭisaṃvedī atthīti? Āmantā. Nibbānaṃ atthīti, nibbānassa paṭisaṃvedī atthīti? Na hevaṃ vattabbe…pe….

191. விபாகோ அத்தீ²தி, விபாகபடிஸங்வேதீ³ அத்தீ²தி? ஆமந்தா. மஹாபத²வீ அத்தீ²தி…பே॰… மஹாஸமுத்³தோ³ அத்தீ²தி… ஸினேருபப்³ப³தராஜா அத்தீ²தி… ஆபோ அத்தீ²தி… தேஜோ அத்தீ²தி… வாயோ அத்தீ²தி… திணகட்ட²வனப்பதயோ அத்தீ²தி, திணகட்ட²வனப்பதீனங் படிஸங்வேதீ³ அத்தீ²தி? ந ஹேவங் வத்தப்³பே³…பே॰….

191. Vipāko atthīti, vipākapaṭisaṃvedī atthīti? Āmantā. Mahāpathavī atthīti…pe… mahāsamuddo atthīti… sinerupabbatarājā atthīti… āpo atthīti… tejo atthīti… vāyo atthīti… tiṇakaṭṭhavanappatayo atthīti, tiṇakaṭṭhavanappatīnaṃ paṭisaṃvedī atthīti? Na hevaṃ vattabbe…pe….

192. விபாகோ அத்தீ²தி, விபாகபடிஸங்வேதீ³ அத்தீ²தி? ஆமந்தா. அஞ்ஞோ விபாகோ, அஞ்ஞோ விபாகபடிஸங்வேதீ³தி? ந ஹேவங் வத்தப்³பே³. (ஸங்கி²த்தங்)

192. Vipāko atthīti, vipākapaṭisaṃvedī atthīti? Āmantā. Añño vipāko, añño vipākapaṭisaṃvedīti? Na hevaṃ vattabbe. (Saṃkhittaṃ)

புரிஸகாரானுயோகோ³.

Purisakārānuyogo.

கல்யாணவக்³கோ³ பட²மோ.

Kalyāṇavaggo paṭhamo.

14. அபி⁴ஞ்ஞானுயோகோ³

14. Abhiññānuyogo

193. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு அத்தி² கோசி இத்³தி⁴ங் விகுப்³ப³தீதி? ஆமந்தா. ஹஞ்சி அத்தி² கோசி இத்³தி⁴ங் விகுப்³ப³தி, தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

193. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu atthi koci iddhiṃ vikubbatīti? Āmantā. Hañci atthi koci iddhiṃ vikubbati, tena vata re vattabbe – ‘‘puggalo upalabbhati saccikaṭṭhaparamatthenā’’ti.

194. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு அத்தி² கோசி தி³ப்³பா³ய ஸோததா⁴துயா ஸத்³த³ங் ஸுணாதி…பே॰… பரசித்தங் விஜானாதி… புப்³பே³னிவாஸங் அனுஸ்ஸரதி… தி³ப்³பே³ன சக்கு²னா ரூபங் பஸ்ஸதி… ஆஸவானங் க²யங் ஸச்சி²கரோதீதி? ஆமந்தா. ஹஞ்சி அத்தி² கோசி ஆஸவானங் க²யங் ஸச்சி²கரோதி, தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

194. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu atthi koci dibbāya sotadhātuyā saddaṃ suṇāti…pe… paracittaṃ vijānāti… pubbenivāsaṃ anussarati… dibbena cakkhunā rūpaṃ passati… āsavānaṃ khayaṃ sacchikarotīti? Āmantā. Hañci atthi koci āsavānaṃ khayaṃ sacchikaroti, tena vata re vattabbe – ‘‘puggalo upalabbhati saccikaṭṭhaparamatthenā’’ti.

195. அத்தி² கோசி இத்³தி⁴ங் விகுப்³ப³தீதி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ இத்³தி⁴ங் விகுப்³ப³தி, ஸ்வேவ புக்³க³லோ? யோ இத்³தி⁴ங் ந விகுப்³ப³தி, ந ஸோ புக்³க³லோதி? ந ஹேவங் வத்தப்³பே³…பே॰….

195. Atthi koci iddhiṃ vikubbatīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Yo iddhiṃ vikubbati, sveva puggalo? Yo iddhiṃ na vikubbati, na so puggaloti? Na hevaṃ vattabbe…pe….

196. யோ தி³ப்³பா³ய ஸோததா⁴துயா ஸத்³த³ங் ஸுணாதி…பே॰… யோ பரசித்தங் விஜானாதி… யோ புப்³பே³னிவாஸங் அனுஸ்ஸரதி… யோ தி³ப்³பே³ன சக்கு²னா ரூபங் பஸ்ஸதி… யோ ஆஸவானங் க²யங் ஸச்சி²கரோதி, ஸ்வேவ புக்³க³லோ? யோ ஆஸவானங் க²யங் ந ஸச்சி²கரோதி, ந ஸோ புக்³க³லோதி? ந ஹேவங் வத்தப்³பே³…பே॰….

196. Yo dibbāya sotadhātuyā saddaṃ suṇāti…pe… yo paracittaṃ vijānāti… yo pubbenivāsaṃ anussarati… yo dibbena cakkhunā rūpaṃ passati… yo āsavānaṃ khayaṃ sacchikaroti, sveva puggalo? Yo āsavānaṃ khayaṃ na sacchikaroti, na so puggaloti? Na hevaṃ vattabbe…pe….

அபி⁴ஞ்ஞானுயோகோ³.

Abhiññānuyogo.

15-18. ஞாதகானுயோகா³தி³

15-18. Ñātakānuyogādi

197. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு மாதா அத்தீ²தி? ஆமந்தா. ஹஞ்சி மாதா அத்தி², தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

197. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu mātā atthīti? Āmantā. Hañci mātā atthi, tena vata re vattabbe – ‘‘puggalo upalabbhati saccikaṭṭhaparamatthenā’’ti.

198. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு பிதா அத்தி²…பே॰… பா⁴தா அத்தி²… ப⁴கி³னீ அத்தி²… க²த்தியோ அத்தி² … ப்³ராஹ்மணோ அத்தி²… வெஸ்ஸோ அத்தி²… ஸுத்³தோ³ அத்தி²… க³ஹட்டோ² அத்தி²… பப்³ப³ஜிதோ அத்தி²… தே³வோ அத்தி²… மனுஸ்ஸோ அத்தீ²தி? ஆமந்தா. ஹஞ்சி மனுஸ்ஸோ அத்தி², தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

198. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu pitā atthi…pe… bhātā atthi… bhaginī atthi… khattiyo atthi … brāhmaṇo atthi… vesso atthi… suddo atthi… gahaṭṭho atthi… pabbajito atthi… devo atthi… manusso atthīti? Āmantā. Hañci manusso atthi, tena vata re vattabbe – ‘‘puggalo upalabbhati saccikaṭṭhaparamatthenā’’ti.

199. மாதா அத்தீ²தி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. அத்தி² கோசி ந மாதா ஹுத்வா மாதா ஹோதீதி? ஆமந்தா. அத்தி² கோசி ந புக்³க³லோ ஹுத்வா புக்³க³லோ ஹோதீதி? ந ஹேவங் வத்தப்³பே³…பே॰… அத்தி² கோசி ந பிதா ஹுத்வா…பே॰… ந பா⁴தா ஹுத்வா… ந ப⁴கி³னீ ஹுத்வா… ந க²த்தியோ ஹுத்வா… ந ப்³ராஹ்மணோ ஹுத்வா… ந வெஸ்ஸோ ஹுத்வா… ந ஸுத்³தோ³ ஹுத்வா… ந க³ஹட்டோ² ஹுத்வா… ந பப்³ப³ஜிதோ ஹுத்வா… ந தே³வோ ஹுத்வா… ந மனுஸ்ஸோ ஹுத்வா மனுஸ்ஸோ ஹோதீதி? ஆமந்தா. அத்தி² கோசி ந புக்³க³லோ ஹுத்வா புக்³க³லோ ஹோதீதி? ந ஹேவங் வத்தப்³பே³…பே॰….

199. Mātā atthīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Atthi koci na mātā hutvā mātā hotīti? Āmantā. Atthi koci na puggalo hutvā puggalo hotīti? Na hevaṃ vattabbe…pe… atthi koci na pitā hutvā…pe… na bhātā hutvā… na bhaginī hutvā… na khattiyo hutvā… na brāhmaṇo hutvā… na vesso hutvā… na suddo hutvā… na gahaṭṭho hutvā… na pabbajito hutvā… na devo hutvā… na manusso hutvā manusso hotīti? Āmantā. Atthi koci na puggalo hutvā puggalo hotīti? Na hevaṃ vattabbe…pe….

200. மாதா அத்தீ²தி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி ? ஆமந்தா. அத்தி² கோசி மாதா ஹுத்வா ந மாதா ஹோதீதி? ஆமந்தா. அத்தி² கோசி புக்³க³லோ ஹுத்வா ந புக்³க³லோ ஹோதீதி? ந ஹேவங் வத்தப்³பே³…பே॰….

200. Mātā atthīti katvā tena ca kāraṇena puggalo upalabbhati saccikaṭṭhaparamatthenāti ? Āmantā. Atthi koci mātā hutvā na mātā hotīti? Āmantā. Atthi koci puggalo hutvā na puggalo hotīti? Na hevaṃ vattabbe…pe….

அத்தி² கோசி பிதா ஹுத்வா… பா⁴தா ஹுத்வா… ப⁴கி³னீ ஹுத்வா… க²த்தியோ ஹுத்வா… ப்³ராஹ்மணோ ஹுத்வா… வெஸ்ஸோ ஹுத்வா… ஸுத்³தோ³ ஹுத்வா… க³ஹட்டோ² ஹுத்வா… பப்³ப³ஜிதோ ஹுத்வா… தே³வோ ஹுத்வா… மனுஸ்ஸோ ஹுத்வா ந மனுஸ்ஸோ ஹோதீதி? ஆமந்தா. அத்தி² கோசி புக்³க³லோ ஹுத்வா ந புக்³க³லோ ஹோதீதி? ந ஹேவங் வத்தப்³பே³…பே॰….

Atthi koci pitā hutvā… bhātā hutvā… bhaginī hutvā… khattiyo hutvā… brāhmaṇo hutvā… vesso hutvā… suddo hutvā… gahaṭṭho hutvā… pabbajito hutvā… devo hutvā… manusso hutvā na manusso hotīti? Āmantā. Atthi koci puggalo hutvā na puggalo hotīti? Na hevaṃ vattabbe…pe….

19. படிவேதா⁴னுயோகோ³

19. Paṭivedhānuyogo

201. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு ஸோதாபன்னோ அத்தீ²தி? ஆமந்தா. ஹஞ்சி ஸோதாபன்னோ அத்தி², தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

201. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu sotāpanno atthīti? Āmantā. Hañci sotāpanno atthi, tena vata re vattabbe – ‘‘puggalo upalabbhati saccikaṭṭhaparamatthenā’’ti.

202. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு ஸகதா³கா³மீ அத்தி²…பே॰… அனாகா³மீ அத்தி²… அரஹா அத்தி²… உப⁴தோபா⁴க³விமுத்தோ அத்தி²… பஞ்ஞாவிமுத்தோ அத்தி²… காயஸக்கி² ³⁹ அத்தி²… தி³ட்டி²ப்பத்தோ அத்தி²… ஸத்³தா⁴விமுத்தோ அத்தி²… த⁴ம்மானுஸாரீ அத்தி²… ஸத்³தா⁴னுஸாரீ அத்தீ²தி? ஆமந்தா.

202. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu sakadāgāmī atthi…pe… anāgāmī atthi… arahā atthi… ubhatobhāgavimutto atthi… paññāvimutto atthi… kāyasakkhi ⁴⁰ atthi… diṭṭhippatto atthi… saddhāvimutto atthi… dhammānusārī atthi… saddhānusārī atthīti? Āmantā.

ஹஞ்சி ஸத்³தா⁴னுஸாரீ அத்தி², தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

Hañci saddhānusārī atthi, tena vata re vattabbe – ‘‘puggalo upalabbhati saccikaṭṭhaparamatthenā’’ti.

203. ஸோதாபன்னோ அத்தீ²தி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. அத்தி² கோசி ந ஸோதாபன்னோ ஹுத்வா ஸோதாபன்னோ ஹோதீதி? ஆமந்தா. அத்தி² கோசி ந புக்³க³லோ ஹுத்வா புக்³க³லோ ஹோதீதி? ந ஹேவங் வத்தப்³பே³…பே॰….

203. Sotāpanno atthīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Atthi koci na sotāpanno hutvā sotāpanno hotīti? Āmantā. Atthi koci na puggalo hutvā puggalo hotīti? Na hevaṃ vattabbe…pe….

204. அத்தி² கோசி ந ஸகதா³கா³மீ ஹுத்வா… ந அனாகா³மீ ஹுத்வா… ந அரஹா ஹுத்வா… ந உப⁴தோபா⁴க³விமுத்தோ ஹுத்வா… ந பஞ்ஞாவிமுத்தோ ஹுத்வா… ந காயஸக்கி² ஹுத்வா… ந தி³ட்டி²ப்பத்தோ ஹுத்வா… ந ஸத்³தா⁴விமுத்தோ ஹுத்வா… ந த⁴ம்மானுஸாரீ ஹுத்வா… ந ஸத்³தா⁴னுஸாரீ ஹுத்வா ஸத்³தா⁴னுஸாரீ ஹோதீதி? ஆமந்தா. அத்தி² கோசி ந புக்³க³லோ ஹுத்வா புக்³க³லோ ஹோதீதி? ந ஹேவங் வத்தப்³பே³…பே॰….

204. Atthi koci na sakadāgāmī hutvā… na anāgāmī hutvā… na arahā hutvā… na ubhatobhāgavimutto hutvā… na paññāvimutto hutvā… na kāyasakkhi hutvā… na diṭṭhippatto hutvā… na saddhāvimutto hutvā… na dhammānusārī hutvā… na saddhānusārī hutvā saddhānusārī hotīti? Āmantā. Atthi koci na puggalo hutvā puggalo hotīti? Na hevaṃ vattabbe…pe….

205. ஸோதாபன்னோ அத்தீ²தி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. அத்தி² கோசி ஸோதாபன்னோ ஹுத்வா ந ஸோதாபன்னோ ஹோதீதி? ஆமந்தா. அத்தி² கோசி புக்³க³லோ ஹுத்வா ந புக்³க³லோ ஹோதீதி? ந ஹேவங் வத்தப்³பே³…பே॰….

205. Sotāpanno atthīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Atthi koci sotāpanno hutvā na sotāpanno hotīti? Āmantā. Atthi koci puggalo hutvā na puggalo hotīti? Na hevaṃ vattabbe…pe….

அத்தி² கோசி ஸகதா³கா³மீ ஹுத்வா… அனாகா³மீ ஹுத்வா ந அனாகா³மீ ஹோதீதி? ஆமந்தா. அத்தி² கோசி புக்³க³லோ ஹுத்வா ந புக்³க³லோ ஹோதீதி? ந ஹேவங் வத்தப்³பே³…பே॰….

Atthi koci sakadāgāmī hutvā… anāgāmī hutvā na anāgāmī hotīti? Āmantā. Atthi koci puggalo hutvā na puggalo hotīti? Na hevaṃ vattabbe…pe….

படிவேதா⁴னுயோகோ³.

Paṭivedhānuyogo.

20. ஸங்கா⁴னுயோகோ³

20. Saṅghānuyogo

206. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு சத்தாரோ புரிஸயுகா³ அட்ட² புரிஸபுக்³க³லா அத்தீ²தி? ஆமந்தா . ஹஞ்சி சத்தாரோ புரிஸயுகா³ அட்ட² புரிஸபுக்³க³லா அத்தி², தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

206. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu cattāro purisayugā aṭṭha purisapuggalā atthīti? Āmantā . Hañci cattāro purisayugā aṭṭha purisapuggalā atthi, tena vata re vattabbe – ‘‘puggalo upalabbhati saccikaṭṭhaparamatthenā’’ti.

207. சத்தாரோ புரிஸயுகா³ அட்ட² புரிஸபுக்³க³லா அத்தீ²தி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. சத்தாரோ புரிஸயுகா³ அட்ட² புரிஸபுக்³க³லா பு³த்³த⁴பாதுபா⁴வா பாதுப⁴வந்தீதி? ஆமந்தா. புக்³க³லோ பு³த்³த⁴பாதுபா⁴வா பாதுப⁴வதீதி? ந ஹேவங் வத்தப்³பே³…பே॰….

207. Cattāro purisayugā aṭṭha purisapuggalā atthīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Cattāro purisayugā aṭṭha purisapuggalā buddhapātubhāvā pātubhavantīti? Āmantā. Puggalo buddhapātubhāvā pātubhavatīti? Na hevaṃ vattabbe…pe….

புக்³க³லோ பு³த்³த⁴பாதுபா⁴வா பாதுப⁴வதீதி? ஆமந்தா. பு³த்³த⁴ஸ்ஸ ப⁴க³வதோ பரினிப்³பு³தே உச்சி²ன்னோ புக்³க³லோ, நத்தி² புக்³க³லோதி? ந ஹேவங் வத்தப்³பே³…பே॰….

Puggalo buddhapātubhāvā pātubhavatīti? Āmantā. Buddhassa bhagavato parinibbute ucchinno puggalo, natthi puggaloti? Na hevaṃ vattabbe…pe….

ஸங்கா⁴னுயோகோ³.

Saṅghānuyogo.

21. ஸச்சிகட்ட²ஸபா⁴கா³னுயோகோ³

21. Saccikaṭṭhasabhāgānuyogo

208. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. புக்³க³லோ ஸங்க²தோதி? ந ஹேவங் வத்தப்³பே³…பே॰… புக்³க³லோ அஸங்க²தோதி? ந ஹேவங் வத்தப்³பே³…பே॰… புக்³க³லோ நேவ ஸங்க²தோ நாஸங்க²தோதி? ந ஹேவங் வத்தப்³பே³.

208. Puggalo upalabbhati saccikaṭṭhaparamatthenāti? Āmantā. Puggalo saṅkhatoti? Na hevaṃ vattabbe…pe… puggalo asaṅkhatoti? Na hevaṃ vattabbe…pe… puggalo neva saṅkhato nāsaṅkhatoti? Na hevaṃ vattabbe.

209. புக்³க³லோ நேவ ஸங்க²தோ நாஸங்க²தோதி? ஆமந்தா . ஸங்க²தஞ்ச அஸங்க²தஞ்ச ட²பெத்வா அத்த²ஞ்ஞா ததியா கோடீதி? ந ஹேவங் வத்தப்³பே³…பே॰….

209. Puggalo neva saṅkhato nāsaṅkhatoti? Āmantā . Saṅkhatañca asaṅkhatañca ṭhapetvā atthaññā tatiyā koṭīti? Na hevaṃ vattabbe…pe….

210. ஸங்க²தஞ்ச அஸங்க²தஞ்ச ட²பெத்வா அத்த²ஞ்ஞா ததியா கோடீதி? ஆமந்தா. நனு வுத்தங் ப⁴க³வதா – ‘‘த்³வேமா, பி⁴க்க²வே, தா⁴துயோ. கதமா த்³வே? ஸங்க²தா ச தா⁴து அஸங்க²தா ச தா⁴து. இமா கோ², பி⁴க்க²வே, த்³வே தா⁴துயோ’’தி ⁴¹! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘ஸங்க²தஞ்ச அஸங்க²தஞ்ச ட²பெத்வா அத்த²ஞ்ஞா ததியா கோடீ’’தி.

210. Saṅkhatañca asaṅkhatañca ṭhapetvā atthaññā tatiyā koṭīti? Āmantā. Nanu vuttaṃ bhagavatā – ‘‘dvemā, bhikkhave, dhātuyo. Katamā dve? Saṅkhatā ca dhātu asaṅkhatā ca dhātu. Imā kho, bhikkhave, dve dhātuyo’’ti ⁴²! Attheva suttantoti? Āmantā. Tena hi na vattabbaṃ – ‘‘saṅkhatañca asaṅkhatañca ṭhapetvā atthaññā tatiyā koṭī’’ti.

211. புக்³க³லோ நேவ ஸங்க²தோ நாஸங்க²தோதி? ஆமந்தா. அஞ்ஞங் ஸங்க²தங், அஞ்ஞங் அஸங்க²தங், அஞ்ஞோ புக்³க³லோதி? ந ஹேவங் வத்தப்³பே³…பே॰….

211. Puggalo neva saṅkhato nāsaṅkhatoti? Āmantā. Aññaṃ saṅkhataṃ, aññaṃ asaṅkhataṃ, añño puggaloti? Na hevaṃ vattabbe…pe….

212. க²ந்தா⁴ ஸங்க²தா, நிப்³பா³னங் அஸங்க²தங், புக்³க³லோ நேவ ஸங்க²தோ நாஸங்க²தோதி? ஆமந்தா. அஞ்ஞே க²ந்தா⁴, அஞ்ஞங் நிப்³பா³னங், அஞ்ஞோ புக்³க³லோதி? ந ஹேவங் வத்தப்³பே³…பே॰….

212. Khandhā saṅkhatā, nibbānaṃ asaṅkhataṃ, puggalo neva saṅkhato nāsaṅkhatoti? Āmantā. Aññe khandhā, aññaṃ nibbānaṃ, añño puggaloti? Na hevaṃ vattabbe…pe….

213. ரூபங் ஸங்க²தங், நிப்³பா³னங் அஸங்க²தங், புக்³க³லோ நேவ ஸங்க²தோ நாஸங்க²தோதி? ஆமந்தா. அஞ்ஞங் ரூபங், அஞ்ஞங் நிப்³பா³னங், அஞ்ஞோ புக்³க³லோதி? ந ஹேவங் வத்தப்³பே³. வேத³னா… ஸஞ்ஞா… ஸங்கா²ரா… விஞ்ஞாணங் ஸங்க²தங், நிப்³பா³னங் அஸங்க²தங், புக்³க³லோ நேவ ஸங்க²தோ நாஸங்க²தோதி? ஆமந்தா. அஞ்ஞங் விஞ்ஞாணங், அஞ்ஞங் நிப்³பா³னங், அஞ்ஞோ புக்³க³லோதி? ந ஹேவங் வத்தப்³பே³…பே॰….

213. Rūpaṃ saṅkhataṃ, nibbānaṃ asaṅkhataṃ, puggalo neva saṅkhato nāsaṅkhatoti? Āmantā. Aññaṃ rūpaṃ, aññaṃ nibbānaṃ, añño puggaloti? Na hevaṃ vattabbe. Vedanā… saññā… saṅkhārā… viññāṇaṃ saṅkhataṃ, nibbānaṃ asaṅkhataṃ, puggalo neva saṅkhato nāsaṅkhatoti? Āmantā. Aññaṃ viññāṇaṃ, aññaṃ nibbānaṃ, añño puggaloti? Na hevaṃ vattabbe…pe….

214. புக்³க³லஸ்ஸ உப்பாதோ³ பஞ்ஞாயதி, வயோ பஞ்ஞாயதி, டி²தஸ்ஸ அஞ்ஞத²த்தங் பஞ்ஞாயதீதி? ஆமந்தா. புக்³க³லோ ஸங்க²தோதி? ந ஹேவங் வத்தப்³பே³…பே॰… வுத்தங் ப⁴க³வதா – ‘‘தீணிமானி, பி⁴க்க²வே, ஸங்க²தஸ்ஸ ஸங்க²தலக்க²ணானி. ஸங்க²தானங், பி⁴க்க²வே, த⁴ம்மானங் ⁴³ உப்பாதோ³ பஞ்ஞாயதி , வயோ பஞ்ஞாயதி, டி²தானங் அஞ்ஞத²த்தங் பஞ்ஞாயதீ’’தி ⁴⁴. புக்³க³லஸ்ஸ உப்பாதோ³ பஞ்ஞாயதி, வயோ பஞ்ஞாயதி, டி²தஸ்ஸ அஞ்ஞத²த்தங் பஞ்ஞாயதி; தேன ஹி புக்³க³லோ ஸங்க²தோதி.

214. Puggalassa uppādo paññāyati, vayo paññāyati, ṭhitassa aññathattaṃ paññāyatīti? Āmantā. Puggalo saṅkhatoti? Na hevaṃ vattabbe…pe… vuttaṃ bhagavatā – ‘‘tīṇimāni, bhikkhave, saṅkhatassa saṅkhatalakkhaṇāni. Saṅkhatānaṃ, bhikkhave, dhammānaṃ ⁴⁵ uppādo paññāyati , vayo paññāyati, ṭhitānaṃ aññathattaṃ paññāyatī’’ti ⁴⁶. Puggalassa uppādo paññāyati, vayo paññāyati, ṭhitassa aññathattaṃ paññāyati; tena hi puggalo saṅkhatoti.

215. புக்³க³லஸ்ஸ ந உப்பாதோ³ பஞ்ஞாயதி, ந வயோ பஞ்ஞாயதி, ந டி²தஸ்ஸ அஞ்ஞத²த்தங் பஞ்ஞாயதீதி? ஆமந்தா. புக்³க³லோ அஸங்க²தோதி? ந ஹேவங் வத்தப்³பே³…பே॰… வுத்தங் ப⁴க³வதா – ‘‘தீணிமானி, பி⁴க்க²வே, அஸங்க²தஸ்ஸ அஸங்க²தலக்க²ணானி. அஸங்க²தானங், பி⁴க்க²வே, த⁴ம்மானங் ந உப்பாதோ³ பஞ்ஞாயதி, ந வயோ பஞ்ஞாயதி, ந டி²தானங் அஞ்ஞத²த்தங் பஞ்ஞாயதீ’’தி ⁴⁷. புக்³க³லஸ்ஸ ந உப்பாதோ³ பஞ்ஞாயதி, ந வயோ பஞ்ஞாயதி, ந டி²தஸ்ஸ அஞ்ஞத²த்தங் பஞ்ஞாயதி; தேன ஹி புக்³க³லோ அஸங்க²தோதி.

215. Puggalassa na uppādo paññāyati, na vayo paññāyati, na ṭhitassa aññathattaṃ paññāyatīti? Āmantā. Puggalo asaṅkhatoti? Na hevaṃ vattabbe…pe… vuttaṃ bhagavatā – ‘‘tīṇimāni, bhikkhave, asaṅkhatassa asaṅkhatalakkhaṇāni. Asaṅkhatānaṃ, bhikkhave, dhammānaṃ na uppādo paññāyati, na vayo paññāyati, na ṭhitānaṃ aññathattaṃ paññāyatī’’ti ⁴⁸. Puggalassa na uppādo paññāyati, na vayo paññāyati, na ṭhitassa aññathattaṃ paññāyati; tena hi puggalo asaṅkhatoti.

216. பரினிப்³பு³தோ புக்³க³லோ அத்த²த்த²ம்ஹி, நத்த²த்த²ம்ஹீதி? அத்த²த்த²ம்ஹீதி. பரினிப்³பு³தோ புக்³க³லோ ஸஸ்ஸதோதி? ந ஹேவங் வத்தப்³பே³…பே॰… நத்த²த்த²ம்ஹீதி. பரினிப்³பு³தோ புக்³க³லோ உச்சி²ன்னோதி? ந ஹேவங் வத்தப்³பே³…பே॰….

216. Parinibbuto puggalo atthatthamhi, natthatthamhīti? Atthatthamhīti. Parinibbuto puggalo sassatoti? Na hevaṃ vattabbe…pe… natthatthamhīti. Parinibbuto puggalo ucchinnoti? Na hevaṃ vattabbe…pe….

217. புக்³க³லோ கிங் நிஸ்ஸாய திட்ட²தீதி? ப⁴வங் நிஸ்ஸாய திட்ட²தீதி. ப⁴வோ அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ஆமந்தா. புக்³க³லோபி அனிச்சோ ஸங்க²தோ படிச்சஸமுப்பன்னோ க²யத⁴ம்மோ வயத⁴ம்மோ விராக³த⁴ம்மோ நிரோத⁴த⁴ம்மோ விபரிணாமத⁴ம்மோதி? ந ஹேவங் வத்தப்³பே³…பே॰….

217. Puggalo kiṃ nissāya tiṭṭhatīti? Bhavaṃ nissāya tiṭṭhatīti. Bhavo anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Āmantā. Puggalopi anicco saṅkhato paṭiccasamuppanno khayadhammo vayadhammo virāgadhammo nirodhadhammo vipariṇāmadhammoti? Na hevaṃ vattabbe…pe….

218. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு அத்தி² கோசி ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி பஜானாதீதி? ஆமந்தா . ஹஞ்சி அத்தி² கோசி ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி பஜானாதி, தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

218. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu atthi koci sukhaṃ vedanaṃ vediyamāno ‘‘sukhaṃ vedanaṃ vediyāmī’’ti pajānātīti? Āmantā . Hañci atthi koci sukhaṃ vedanaṃ vediyamāno ‘‘sukhaṃ vedanaṃ vediyāmī’’ti pajānāti, tena vata re vattabbe – ‘‘puggalo upalabbhati saccikaṭṭhaparamatthenā’’ti.

219. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு அத்தி² கோசி து³க்க²ங் வேத³னங் வேதி³யமானோ…பே॰… அது³க்க²மஸுக²ங் வேத³னங் வேதி³யமானோ ‘‘அது³க்க²மஸுக²ங் வேத³னங் வேதி³யாமீ’’தி பஜானாதீதி? ஆமந்தா. ஹஞ்சி அத்தி² கோசி அது³க்க²மஸுக²ங் வேத³னங் வேதி³யமானோ ‘‘அது³க்க²மஸுக²ங் வேத³னங் வேதி³யாமீ’’தி பஜானாதி, தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

219. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu atthi koci dukkhaṃ vedanaṃ vediyamāno…pe… adukkhamasukhaṃ vedanaṃ vediyamāno ‘‘adukkhamasukhaṃ vedanaṃ vediyāmī’’ti pajānātīti? Āmantā. Hañci atthi koci adukkhamasukhaṃ vedanaṃ vediyamāno ‘‘adukkhamasukhaṃ vedanaṃ vediyāmī’’ti pajānāti, tena vata re vattabbe – ‘‘puggalo upalabbhati saccikaṭṭhaparamatthenā’’ti.

220. அத்தி² கோசி ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி பஜானாதீதி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி பஜானாதி, ஸ்வேவ புக்³க³லோ; யோ ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி ந பஜானாதி, ந ஸோ புக்³க³லோதி? ந ஹேவங் வத்தப்³பே³…பே॰….

220. Atthi koci sukhaṃ vedanaṃ vediyamāno ‘‘sukhaṃ vedanaṃ vediyāmī’’ti pajānātīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Yo sukhaṃ vedanaṃ vediyamāno ‘‘sukhaṃ vedanaṃ vediyāmī’’ti pajānāti, sveva puggalo; yo sukhaṃ vedanaṃ vediyamāno ‘‘sukhaṃ vedanaṃ vediyāmī’’ti na pajānāti, na so puggaloti? Na hevaṃ vattabbe…pe….

யோ து³க்க²ங் வேத³னங் வேதி³யமானோ…பே॰… யோ அது³க்க²மஸுக²ங் வேத³னங் வேதி³யமானோ ‘‘அது³க்க²மஸுக²ங் வேத³னங் வேதி³யாமீ’’தி பஜானாதி, ஸ்வேவ புக்³க³லோ; யோ அது³க்க²மஸுக²ங் வேத³னங் வேதி³யமானோ ‘‘அது³க்க²மஸுக²ங் வேத³னங் வேதி³யாமீ’’தி ந பஜானாதி, ந ஸோ புக்³க³லோதி? ந ஹேவங் வத்தப்³பே³…பே॰….

Yo dukkhaṃ vedanaṃ vediyamāno…pe… yo adukkhamasukhaṃ vedanaṃ vediyamāno ‘‘adukkhamasukhaṃ vedanaṃ vediyāmī’’ti pajānāti, sveva puggalo; yo adukkhamasukhaṃ vedanaṃ vediyamāno ‘‘adukkhamasukhaṃ vedanaṃ vediyāmī’’ti na pajānāti, na so puggaloti? Na hevaṃ vattabbe…pe….

221. அத்தி² கோசி ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி பஜானாதீதி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞா ஸுகா² வேத³னா, அஞ்ஞோ ஸுக²ங் வேத³னங் வேதி³யமானோ ‘‘ஸுக²ங் வேத³னங் வேதி³யாமீ’’தி பஜானாதீதி? ந ஹேவங் வத்தப்³பே³…பே॰… அஞ்ஞா து³க்கா² வேத³னா…பே॰… அஞ்ஞா அது³க்க²மஸுகா² வேத³னா, அஞ்ஞோ அது³க்க²மஸுக²ங் வேத³னங் வேதி³யமானோ ‘‘அது³க்க²மஸுக²ங் வேத³னங் வேதி³யாமீ’’தி பஜானாதீதி? ந ஹேவங் வத்தப்³பே³ …பே॰….

221. Atthi koci sukhaṃ vedanaṃ vediyamāno ‘‘sukhaṃ vedanaṃ vediyāmī’’ti pajānātīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Aññā sukhā vedanā, añño sukhaṃ vedanaṃ vediyamāno ‘‘sukhaṃ vedanaṃ vediyāmī’’ti pajānātīti? Na hevaṃ vattabbe…pe… aññā dukkhā vedanā…pe… aññā adukkhamasukhā vedanā, añño adukkhamasukhaṃ vedanaṃ vediyamāno ‘‘adukkhamasukhaṃ vedanaṃ vediyāmī’’ti pajānātīti? Na hevaṃ vattabbe …pe….

222. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு அத்தி² கோசி காயே காயானுபஸ்ஸீ விஹரதீதி? ஆமந்தா. ஹஞ்சி அத்தி² கோசி காயே காயானுபஸ்ஸீ விஹரதி, தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

222. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu atthi koci kāye kāyānupassī viharatīti? Āmantā. Hañci atthi koci kāye kāyānupassī viharati, tena vata re vattabbe – ‘‘puggalo upalabbhati saccikaṭṭhaparamatthenā’’ti.

223. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு அத்தி² கோசி வேத³னாஸு…பே॰… சித்தே… த⁴ம்மேஸு த⁴ம்மானுபஸ்ஸீ விஹரதீதி ? ஆமந்தா. ஹஞ்சி அத்தி² கோசி த⁴ம்மேஸு த⁴ம்மானுபஸ்ஸீ விஹரதி, தேன வத ரே வத்தப்³பே³ – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

223. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu atthi koci vedanāsu…pe… citte… dhammesu dhammānupassī viharatīti ? Āmantā. Hañci atthi koci dhammesu dhammānupassī viharati, tena vata re vattabbe – ‘‘puggalo upalabbhati saccikaṭṭhaparamatthenā’’ti.

224. அத்தி² கோசி காயே காயானுபஸ்ஸீ விஹரதீதி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. யோ காயே காயானுபஸ்ஸீ விஹரதி, ஸ்வேவ புக்³க³லோ; யோ ந காயே காயானுபஸ்ஸீ விஹரதி, ந ஸோ புக்³க³லோதி? ந ஹேவங் வத்தப்³பே³…பே॰….

224. Atthi koci kāye kāyānupassī viharatīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Yo kāye kāyānupassī viharati, sveva puggalo; yo na kāye kāyānupassī viharati, na so puggaloti? Na hevaṃ vattabbe…pe….

யோ வேத³னாஸு…பே॰… சித்தே… த⁴ம்மேஸு த⁴ம்மானுபஸ்ஸீ விஹரதி, ஸ்வேவ புக்³க³லோ; யோ ந த⁴ம்மேஸு த⁴ம்மானுபஸ்ஸீ விஹரதி, ந ஸோ புக்³க³லோதி? ந ஹேவங் வத்தப்³பே³…பே॰….

Yo vedanāsu…pe… citte… dhammesu dhammānupassī viharati, sveva puggalo; yo na dhammesu dhammānupassī viharati, na so puggaloti? Na hevaṃ vattabbe…pe….

225. அத்தி² கோசி காயே காயானுபஸ்ஸீ விஹரதீதி கத்வா தேன ச காரணேன புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. அஞ்ஞோ காயோ, அஞ்ஞோ காயே காயானுபஸ்ஸீ விஹரதீதி? ந ஹேவங் வத்தப்³பே³…பே॰… அஞ்ஞா வேத³னா… அஞ்ஞங் சித்தங்… அஞ்ஞே த⁴ம்மா, அஞ்ஞோ த⁴ம்மேஸு த⁴ம்மானுபஸ்ஸீ விஹரதீதி? ந ஹேவங் வத்தப்³பே³…பே॰….

225. Atthi koci kāye kāyānupassī viharatīti katvā tena ca kāraṇena puggalo upalabbhati saccikaṭṭhaparamatthenāti? Āmantā. Añño kāyo, añño kāye kāyānupassī viharatīti? Na hevaṃ vattabbe…pe… aññā vedanā… aññaṃ cittaṃ… aññe dhammā, añño dhammesu dhammānupassī viharatīti? Na hevaṃ vattabbe…pe….

226. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு வுத்தங் ப⁴க³வதா –

226. Puggalo upalabbhati saccikaṭṭhaparamatthenāti? Āmantā. Nanu vuttaṃ bhagavatā –

‘‘ஸுஞ்ஞதோ லோகங் அவெக்க²ஸ்ஸு, மோக⁴ராஜ ஸதா³ ஸதோ;

‘‘Suññato lokaṃ avekkhassu, mogharāja sadā sato;

அத்தானுதி³ட்டி²ங் ஊஹச்ச ⁴⁹, ஏவங் மச்சுதரோ ஸியா;

Attānudiṭṭhiṃ ūhacca ⁵⁰, evaṃ maccutaro siyā;

ஏவங் லோகங் அவெக்க²ந்தங், மச்சுராஜா ந பஸ்ஸதீ’’தி ⁵¹.

Evaṃ lokaṃ avekkhantaṃ, maccurājā na passatī’’ti ⁵².

அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

227. புக்³க³லோ அவெக்க²தீதி? ஆமந்தா. ஸஹ ரூபேன அவெக்க²தி, வினா ரூபேன அவெக்க²தீதி? ஸஹ ரூபேன அவெக்க²தீதி. தங் ஜீவங் தங் ஸரீரந்தி? ந ஹேவங் வத்தப்³பே³…பே॰… வினா ரூபேன அவெக்க²தீதி, அஞ்ஞங் ஜீவங் அஞ்ஞங் ஸரீரந்தி? ந ஹேவங் வத்தப்³பே³…பே॰….

227. Puggalo avekkhatīti? Āmantā. Saha rūpena avekkhati, vinā rūpena avekkhatīti? Saha rūpena avekkhatīti. Taṃ jīvaṃ taṃ sarīranti? Na hevaṃ vattabbe…pe… vinā rūpena avekkhatīti, aññaṃ jīvaṃ aññaṃ sarīranti? Na hevaṃ vattabbe…pe….

228. புக்³க³லோ அவெக்க²தீதி? ஆமந்தா. அப்³ப⁴ந்தரக³தோ அவெக்க²தி, ப³ஹித்³தா⁴ நிக்க²மித்வா அவெக்க²தீதி? அப்³ப⁴ந்தரக³தோ அவெக்க²தீதி. தங் ஜீவங் தங் ஸரீரந்தி? ந ஹேவங் வத்தப்³பே³…பே॰… ப³ஹித்³தா⁴ நிக்க²மித்வா அவெக்க²தீதி, அஞ்ஞங் ஜீவங் அஞ்ஞங் ஸரீரந்தி? ந ஹேவங் வத்தப்³பே³…பே॰….

228. Puggalo avekkhatīti? Āmantā. Abbhantaragato avekkhati, bahiddhā nikkhamitvā avekkhatīti? Abbhantaragato avekkhatīti. Taṃ jīvaṃ taṃ sarīranti? Na hevaṃ vattabbe…pe… bahiddhā nikkhamitvā avekkhatīti, aññaṃ jīvaṃ aññaṃ sarīranti? Na hevaṃ vattabbe…pe….

229. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘அத்தி² புக்³க³லோ அத்தஹிதாய படிபன்னோ’’தி. அத்தே²வ ஸுத்தந்தோதி? ஆமந்தா. தேன ஹி புக்³க³லோ உபலப்³ப⁴தி ஸச்சிகட்ட²பரமத்தே²னாதி.

229. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘atthi puggalo attahitāya paṭipanno’’ti. Attheva suttantoti? Āmantā. Tena hi puggalo upalabbhati saccikaṭṭhaparamatthenāti.

230. ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘ஏகபுக்³க³லோ, பி⁴க்க²வே, லோகே உப்பஜ்ஜமானோ உப்பஜ்ஜதி ப³ஹுஜனஹிதாய ப³ஹுஜனஸுகா²ய லோகானுகம்பாய அத்தா²ய ஹிதாய ஸுகா²ய தே³வமனுஸ்ஸான’’ந்தி ⁵³. அத்தே²வ ஸுத்தந்தோதி? ஆமந்தா. தேன ஹி புக்³க³லோ உபலப்³ப⁴தி ஸச்சிகட்ட²பரமத்தே²னாதி.

230. Na vattabbaṃ – ‘‘puggalo upalabbhati saccikaṭṭhaparamatthenā’’ti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussāna’’nti ⁵⁴. Attheva suttantoti? Āmantā. Tena hi puggalo upalabbhati saccikaṭṭhaparamatthenāti.

231. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘ஸப்³பே³ த⁴ம்மா அனத்தா’’தி ⁵⁵. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

231. Puggalo upalabbhati saccikaṭṭhaparamatthenāti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘sabbe dhammā anattā’’ti ⁵⁶. Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

232. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘து³க்க²மேவ உப்பஜ்ஜமானங் உப்பஜ்ஜதி, து³க்க²மேவ ⁵⁷ நிருஜ்ஜ²மானங் நிருஜ்ஜ²தீதி ந கங்க²தி ந விசிகிச்ச²தி, அபரப்பச்சயஞ்ஞாணமேவஸ்ஸ எத்த² ஹோதி. எத்தாவதா கோ², கச்சான, ஸம்மாதி³ட்டி² ஹோதீ’’தி ⁵⁸. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

232. Puggalo upalabbhati saccikaṭṭhaparamatthenāti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘dukkhameva uppajjamānaṃ uppajjati, dukkhameva ⁵⁹ nirujjhamānaṃ nirujjhatīti na kaṅkhati na vicikicchati, aparappaccayaññāṇamevassa ettha hoti. Ettāvatā kho, kaccāna, sammādiṭṭhi hotī’’ti ⁶⁰. Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

233. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு வஜிரா பி⁴க்கு²னீ மாரங் பாபிமந்தங் ஏதத³வோச –

233. Puggalo upalabbhati saccikaṭṭhaparamatthenāti? Āmantā. Nanu vajirā bhikkhunī māraṃ pāpimantaṃ etadavoca –

‘‘கின்னு ஸத்தோதி பச்சேஸி, மார தி³ட்டி²க³தங் நு தே;

‘‘Kinnu sattoti paccesi, māra diṭṭhigataṃ nu te;

ஸுத்³த⁴ஸங்கா²ரபுஞ்ஜோயங், நயித⁴ ஸத்துபலப்³ப⁴தி.

Suddhasaṅkhārapuñjoyaṃ, nayidha sattupalabbhati.

‘‘யதா² ஹி ⁶¹ அங்க³ஸம்பா⁴ரா, ஹோதி ஸத்³தோ³ ரதோ² இதி;

‘‘Yathā hi ⁶² aṅgasambhārā, hoti saddo ratho iti;

ஏவங் க²ந்தே⁴ஸு ஸந்தேஸு, ஹோதி ஸத்தோதி ஸம்முதி ⁶³.

Evaṃ khandhesu santesu, hoti sattoti sammuti ⁶⁴.

‘‘து³க்க²மேவ ஹி ஸம்போ⁴தி, து³க்க²ங் திட்ட²தி வேதி ச;

‘‘Dukkhameva hi sambhoti, dukkhaṃ tiṭṭhati veti ca;

நாஞ்ஞத்ர து³க்கா² ஸம்போ⁴தி, நாஞ்ஞங் து³க்கா² நிருஜ்ஜ²தீ’’தி ⁶⁵.

Nāññatra dukkhā sambhoti, nāññaṃ dukkhā nirujjhatī’’ti ⁶⁶.

Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

234. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ஆயஸ்மா ஆனந்தோ³ ப⁴க³வந்தங் ஏதத³வோச – ‘‘‘ஸுஞ்ஞோ லோகோ ஸுஞ்ஞோ லோகோ’தி, ப⁴ந்தே, வுச்சதி. கித்தாவதா நு கோ², ப⁴ந்தே, ‘ஸுஞ்ஞோ லோகோ’தி வுச்சதீ’’தி? ‘‘யஸ்மா கோ², ஆனந்த³, ஸுஞ்ஞங் அத்தேன வா அத்தனியேன வா, தஸ்மா ‘ஸுஞ்ஞோ லோகோ’தி வுச்சதி. கிஞ்சானந்த³, ஸுஞ்ஞங் அத்தேன வா அத்தனியேன வா? சக்கு²ங் கோ², ஆனந்த³, ஸுஞ்ஞங் அத்தேன வா அத்தனியேன வா, ரூபா ஸுஞ்ஞா…பே॰… சக்கு²விஞ்ஞாணங் ஸுஞ்ஞங்… சக்கு²ஸம்ப²ஸ்ஸோ ஸுஞ்ஞோ… யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி ஸுஞ்ஞங் அத்தேன வா அத்தனியேன வா, ஸோதங் ஸுஞ்ஞங்…பே॰… ஸத்³தா³ ஸுஞ்ஞா… கா⁴னங் ஸுஞ்ஞங்… க³ந்தா⁴ ஸுஞ்ஞா… ஜிவ்ஹா ஸுஞ்ஞா… ரஸா ஸுஞ்ஞா… காயோ ஸுஞ்ஞோ… பொ²ட்ட²ப்³பா³ ஸுஞ்ஞா… மனோ ஸுஞ்ஞோ… த⁴ம்மா ஸுஞ்ஞா… மனோவிஞ்ஞாணங் ஸுஞ்ஞங்… மனோஸம்ப²ஸ்ஸோ ஸுஞ்ஞோ… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா, தம்பி ஸுஞ்ஞங் அத்தேன வா அத்தனியேன வா. யஸ்மா கோ², ஆனந்த³, ஸுஞ்ஞங் அத்தேன வா அத்தனியேன வா, தஸ்மா ‘ஸுஞ்ஞோ லோகோ’தி வுச்சதீ’’தி ⁶⁷. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

234. Puggalo upalabbhati saccikaṭṭhaparamatthenāti? Āmantā. Nanu āyasmā ānando bhagavantaṃ etadavoca – ‘‘‘suñño loko suñño loko’ti, bhante, vuccati. Kittāvatā nu kho, bhante, ‘suñño loko’ti vuccatī’’ti? ‘‘Yasmā kho, ānanda, suññaṃ attena vā attaniyena vā, tasmā ‘suñño loko’ti vuccati. Kiñcānanda, suññaṃ attena vā attaniyena vā? Cakkhuṃ kho, ānanda, suññaṃ attena vā attaniyena vā, rūpā suññā…pe… cakkhuviññāṇaṃ suññaṃ… cakkhusamphasso suñño… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi suññaṃ attena vā attaniyena vā, sotaṃ suññaṃ…pe… saddā suññā… ghānaṃ suññaṃ… gandhā suññā… jivhā suññā… rasā suññā… kāyo suñño… phoṭṭhabbā suññā… mano suñño… dhammā suññā… manoviññāṇaṃ suññaṃ… manosamphasso suñño… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā, tampi suññaṃ attena vā attaniyena vā. Yasmā kho, ānanda, suññaṃ attena vā attaniyena vā, tasmā ‘suñño loko’ti vuccatī’’ti ⁶⁸. Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

235. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘அத்தனி வா, பி⁴க்க²வே, ஸதி ‘அத்தனியங் மே’தி அஸ்ஸா’’தி? ‘‘ஏவங், ப⁴ந்தே’’. ‘‘அத்தனியே வா, பி⁴க்க²வே, ஸதி ‘அத்தா மே’தி அஸ்ஸா’’தி? ‘‘ஏவங், ப⁴ந்தே’’. ‘‘அத்தனி ச, பி⁴க்க²வே, அத்தனியே ச ஸச்சதோ தே²ததோ அனுபலப்³பி⁴யமானே ⁶⁹ யம்பித³ங் ⁷⁰ தி³ட்டி²ட்டா²னங் ஸோ லோகோ ஸோ அத்தா ஸோ பேச்ச ப⁴விஸ்ஸாமி நிச்சோ து⁴வோ ஸஸ்ஸதோ அவிபரிணாமத⁴ம்மோ, ஸஸ்ஸதிஸமங் ததே²வ ட²ஸ்ஸாமீதி – ‘நன்வாயங், பி⁴க்க²வே, கேவலோ பரிபூரோ பா³லத⁴ம்மோ’’’தி? ‘‘கிஞ்ஹி நோ ஸியா, ப⁴ந்தே, கேவலோ ஹி, ப⁴ந்தே, பரிபூரோ பா³லத⁴ம்மோ’’தி ⁷¹. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

235. Puggalo upalabbhati saccikaṭṭhaparamatthenāti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘attani vā, bhikkhave, sati ‘attaniyaṃ me’ti assā’’ti? ‘‘Evaṃ, bhante’’. ‘‘Attaniye vā, bhikkhave, sati ‘attā me’ti assā’’ti? ‘‘Evaṃ, bhante’’. ‘‘Attani ca, bhikkhave, attaniye ca saccato thetato anupalabbhiyamāne ⁷² yampidaṃ ⁷³ diṭṭhiṭṭhānaṃ so loko so attā so pecca bhavissāmi nicco dhuvo sassato avipariṇāmadhammo, sassatisamaṃ tatheva ṭhassāmīti – ‘nanvāyaṃ, bhikkhave, kevalo paripūro bāladhammo’’’ti? ‘‘Kiñhi no siyā, bhante, kevalo hi, bhante, paripūro bāladhammo’’ti ⁷⁴. Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

236. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘தயோ மே, ஸேனிய, ஸத்தா²ரோ ஸந்தோ ஸங்விஜ்ஜமானா லோகஸ்மிங். கதமே தயோ? இத⁴, ஸேனிய, ஏகச்சோ ஸத்தா² தி³ட்டே²வ த⁴ம்மே அத்தானங் ஸச்சதோ தே²ததோ பஞ்ஞாபேதி, அபி⁴ஸம்பராயஞ்ச அத்தானங் ஸச்சதோ தே²ததோ பஞ்ஞாபேதி.

236. Puggalo upalabbhati saccikaṭṭhaparamatthenāti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘tayo me, seniya, satthāro santo saṃvijjamānā lokasmiṃ. Katame tayo? Idha, seniya, ekacco satthā diṭṭheva dhamme attānaṃ saccato thetato paññāpeti, abhisamparāyañca attānaṃ saccato thetato paññāpeti.

‘‘இத⁴ பன, ஸேனிய, ஏகச்சோ ஸத்தா² தி³ட்டே²வ ஹி கோ² த⁴ம்மே அத்தானங் ஸச்சதோ தே²ததோ பஞ்ஞாபேதி, நோ ச கோ² அபி⁴ஸம்பராயங் அத்தானங் ஸச்சதோ தே²ததோ பஞ்ஞாபேதி.

‘‘Idha pana, seniya, ekacco satthā diṭṭheva hi kho dhamme attānaṃ saccato thetato paññāpeti, no ca kho abhisamparāyaṃ attānaṃ saccato thetato paññāpeti.

‘‘இத⁴ பன, ஸேனிய, ஏகச்சோ ஸத்தா² தி³ட்டே² சேவ த⁴ம்மே அத்தானங் ஸச்சதோ தே²ததோ ந பஞ்ஞாபேதி, அபி⁴ஸம்பராயஞ்ச அத்தானங் ஸச்சதோ தே²ததோ ந பஞ்ஞாபேதி.

‘‘Idha pana, seniya, ekacco satthā diṭṭhe ceva dhamme attānaṃ saccato thetato na paññāpeti, abhisamparāyañca attānaṃ saccato thetato na paññāpeti.

‘‘தத்ர, ஸேனிய, ய்வாயங் ஸத்தா² தி³ட்டே² சேவ த⁴ம்மே அத்தானங் ஸச்சதோ தே²ததோ பஞ்ஞாபேதி, அபி⁴ஸம்பராயஞ்ச அத்தானங் ஸச்சதோ தே²ததோ பஞ்ஞாபேதி – அயங் வுச்சதி, ஸேனிய, ஸத்தா² ஸஸ்ஸதவாதோ³.

‘‘Tatra, seniya, yvāyaṃ satthā diṭṭhe ceva dhamme attānaṃ saccato thetato paññāpeti, abhisamparāyañca attānaṃ saccato thetato paññāpeti – ayaṃ vuccati, seniya, satthā sassatavādo.

‘‘தத்ர , ஸேனிய, ய்வாயங் ஸத்தா² தி³ட்டே²வ ஹி கோ² த⁴ம்மே அத்தானங் ஸச்சதோ தே²ததோ பஞ்ஞாபேதி, நோ ச கோ² அபி⁴ஸம்பராயங் அத்தானங் ஸச்சதோ தே²ததோ பஞ்ஞாபேதி – அயங் வுச்சதி, ஸேனிய, ஸத்தா² உச்சே²த³வாதோ³.

‘‘Tatra , seniya, yvāyaṃ satthā diṭṭheva hi kho dhamme attānaṃ saccato thetato paññāpeti, no ca kho abhisamparāyaṃ attānaṃ saccato thetato paññāpeti – ayaṃ vuccati, seniya, satthā ucchedavādo.

‘‘தத்ர, ஸேனிய, ய்வாயங் ஸத்தா² தி³ட்டே² சேவ த⁴ம்மே அத்தானங் ஸச்சதோ தே²ததோ ந பஞ்ஞாபேதி, அபி⁴ஸம்பராயஞ்ச அத்தானங் ஸச்சதோ தே²ததோ ந பஞ்ஞாபேதி – அயங் வுச்சதி, ஸேனிய, ஸத்தா² ஸம்மாஸம்பு³த்³தோ⁴. இமே கோ², ஸேனிய, தயோ ஸத்தா²ரோ ஸந்தோ ஸங்விஜ்ஜமானா லோகஸ்மி’’ந்தி ⁷⁵. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

‘‘Tatra, seniya, yvāyaṃ satthā diṭṭhe ceva dhamme attānaṃ saccato thetato na paññāpeti, abhisamparāyañca attānaṃ saccato thetato na paññāpeti – ayaṃ vuccati, seniya, satthā sammāsambuddho. Ime kho, seniya, tayo satthāro santo saṃvijjamānā lokasmi’’nti ⁷⁶. Attheva suttantoti? Āmantā. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

237. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘ஸப்பிகும்போ⁴’’தி? ஆமந்தா . அத்தி² கோசி ஸப்பிஸ்ஸ கும்ப⁴ங் கரோதீதி? ந ஹேவங் வத்தப்³பே³…பே॰… தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி.

237. Puggalo upalabbhati saccikaṭṭhaparamatthenāti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘sappikumbho’’ti? Āmantā . Atthi koci sappissa kumbhaṃ karotīti? Na hevaṃ vattabbe…pe… tena hi na vattabbaṃ – ‘‘puggalo upalabbhati saccikaṭṭhaparamatthenā’’ti.

238. புக்³க³லோ உபலப்³ப⁴தி ஸச்சிகட்ட²பரமத்தே²னாதி? ஆமந்தா. நனு ப⁴க³வா ஸச்சவாதீ³ காலவாதீ³ பூ⁴தவாதீ³ தத²வாதீ³ அவிதத²வாதீ³ அனஞ்ஞத²வாதீ³தி? ஆமந்தா. வுத்தங் ப⁴க³வதா – ‘‘தேலகும்போ⁴… மது⁴கும்போ⁴… பா²ணிதகும்போ⁴… கீ²ரகும்போ⁴… உத³ககும்போ⁴… பானீயதா²லகங்… பானீயகோஸகங்… பானீயஸராவகங்… நிச்சப⁴த்தங்… து⁴வயாகூ³’’தி? ஆமந்தா. அத்தி² காசி யாகு³ நிச்சா து⁴வா ஸஸ்ஸதா அவிபரிணாமத⁴ம்மாதி? ந ஹேவங் வத்தப்³பே³.…பே॰…. தேன ஹி ந வத்தப்³ப³ங் – ‘‘புக்³க³லோ உபலப்³ப⁴தி ஸச்சிகட்ட²பரமத்தே²னா’’தி. (ஸங்கி²த்தங்)

238. Puggalo upalabbhati saccikaṭṭhaparamatthenāti? Āmantā. Nanu bhagavā saccavādī kālavādī bhūtavādī tathavādī avitathavādī anaññathavādīti? Āmantā. Vuttaṃ bhagavatā – ‘‘telakumbho… madhukumbho… phāṇitakumbho… khīrakumbho… udakakumbho… pānīyathālakaṃ… pānīyakosakaṃ… pānīyasarāvakaṃ… niccabhattaṃ… dhuvayāgū’’ti? Āmantā. Atthi kāci yāgu niccā dhuvā sassatā avipariṇāmadhammāti? Na hevaṃ vattabbe.…Pe…. Tena hi na vattabbaṃ – ‘‘puggalo upalabbhati saccikaṭṭhaparamatthenā’’ti. (Saṃkhittaṃ)

அட்ட²கனிக்³க³ஹபெய்யாலா, ஸந்தா⁴வனியா உபாதா³ய;

Aṭṭhakaniggahapeyyālā, sandhāvaniyā upādāya;

சித்தேன பஞ்சமங் கல்யாணங், இத்³தி⁴ஸுத்தாஹரணேன அட்ட²மங்.

Cittena pañcamaṃ kalyāṇaṃ, iddhisuttāharaṇena aṭṭhamaṃ.

ஸச்சிகட்ட²ஸபா⁴கா³னுயோகோ³.

Saccikaṭṭhasabhāgānuyogo.

புக்³க³லகதா² நிட்டி²தா.

Puggalakathā niṭṭhitā.

Next: 2. பரிஹானிகதா² • 2. Parihānikathā

Footnotes:

1. இமினா லக்க²ணேன ஸகவாதீ³புச்சா² த³ஸ்ஸிதா

2. ஸச்சிகட்ட²பரமட்டே²னாதி (ஸ்யா॰ பீ॰ க॰ ஸீ॰)

3. iminā lakkhaṇena sakavādīpucchā dassitā

4. saccikaṭṭhaparamaṭṭhenāti (syā. pī. ka. sī.)

5. நோ வத ரே (ஸ்யா॰ பீ॰)

6. no vata re (syā. pī.)

7. இமினா லக்க²ணேன பரவாதீ³புச்சா² த³ஸ்ஸிதா

8. iminā lakkhaṇena paravādīpucchā dassitā

9. த்வங் (ஸ்யா॰) டீகா ஓலோகேதப்³பா³

10. டீகா ஓலோகேதப்³பா³

11. ஸுனிக்³க³ஹிதோவ (ஸ்யா॰)

12. tvaṃ (syā.) ṭīkā oloketabbā

13. ṭīkā oloketabbā

14. suniggahitova (syā.)

15. ஹேவமேவ (ஸ்யா॰)

16. து³ன்னிக்³க³ஹிதாவ (ஸ்யா॰)

17. hevameva (syā.)

18. dunniggahitāva (syā.)

19. பு॰ ப॰ மாதிகா 4.24; அ॰ நி॰ 4.95-96

20. pu. pa. mātikā 4.24; a. ni. 4.95-96

21. அஞ்ஞாதாவிந்த்³ரியஞ்ச (ப³ஹூஸு)

22. aññātāvindriyañca (bahūsu)

23. ஸங்॰ நி॰ 2.133; இதிவு॰ 24 இதிவுத்தகேபி

24. saṃ. ni. 2.133; itivu. 24 itivuttakepi

25. அனமதக்³கா³யங் (க॰)

26. ஸங்॰ நி॰ 2.124

27. anamataggāyaṃ (ka.)

28. saṃ. ni. 2.124

29. மஹிஸோ (ஸீ॰ ஸ்யா॰ கங்॰ பீ॰)

30. mahiso (sī. syā. kaṃ. pī.)

31. பா³வீஸதியா (?)

32. bāvīsatiyā (?)

33. சத்தாரோ (?)

34. cattāro (?)

35. (ஆமந்தா) (?) ஏவங் அனந்தரவாரத்தயேபி

36. (āmantā) (?) evaṃ anantaravārattayepi

37. ம॰ நி॰ 1.213 தோ²கங் விஸதி³ஸங்

38. ma. ni. 1.213 thokaṃ visadisaṃ

39. காயஸக்கீ² (ஸ்யா॰)

40. kāyasakkhī (syā.)

41. ம॰ நி॰ 1.125, ஆலபனமத்தமேவ நானங்

42. ma. ni. 1.125, ālapanamattameva nānaṃ

43. கதமானி தீணி (அ॰ நி॰ 3.47)

44. அ॰ நி॰ 3.47

45. katamāni tīṇi (a. ni. 3.47)

46. a. ni. 3.47

47. அ॰ நி॰ 3.48

48. a. ni. 3.48

49. ஓஹச்ச (ஸ்யா॰), உஹச்ச (க॰)

50. ohacca (syā.), uhacca (ka.)

51. ஸு॰ நி॰ 1125; சூளனி॰ 88 மோக⁴ராஜமாணவபுச்சா²னித்³தே³ஸ

52. su. ni. 1125; cūḷani. 88 mogharājamāṇavapucchāniddesa

53. அ॰ நி॰ 1.162-169

54. a. ni. 1.162-169

55. ம॰ நி॰ 1.356; த⁴॰ ப॰ 279 த⁴ம்மபதே³

56. ma. ni. 1.356; dha. pa. 279 dhammapade

57. து³க்க²ங் (ஸங்॰ நி॰ 2.15)

58. ஸங்॰ நி॰ 2.15

59. dukkhaṃ (saṃ. ni. 2.15)

60. saṃ. ni. 2.15

61. யதா²பி (ப³ஹூஸு)

62. yathāpi (bahūsu)

63. ஸம்மதி (ஸ்யா॰ கங்॰)

64. sammati (syā. kaṃ.)

65. ஸங்॰ நி॰ 1.171

66. saṃ. ni. 1.171

67. ஸங்॰ நி॰ 4.85

68. saṃ. ni. 4.85

69. அனுபலப்³ப⁴மானே (ம॰ நி॰ 1.244)

70. யமித³ங் (ஸ்யா॰) யம்பிதங் (ம॰ நி॰ 1.244)

71. ம॰ நி॰ 1.244

72. anupalabbhamāne (ma. ni. 1.244)

73. yamidaṃ (syā.) yampitaṃ (ma. ni. 1.244)

74. ma. ni. 1.244

75. பு॰ ப॰ 131 புக்³க³லபஞ்ஞத்தியங், அத்த²தோ ஏகங்

76. pu. pa. 131 puggalapaññattiyaṃ, atthato ekaṃ

Related texts:

அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 1. புக்³க³லகதா² • 1. Puggalakathā

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. புக்³க³லகதா² • 1. Puggalakathā

டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. புக்³க³லகதா² • 1. Puggalakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact