| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
махааваг̇г̇о
Mahāvaggo
1. буг̇г̇алагат̇аа
1. Puggalakathā
1. суд̣̇д̇хасажжигадто
1. Suddhasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
1. д̇ад̇т̇а буг̇г̇ало убалаб̣бхад̇и сажжигадтабарамад̇т̇знаад̇и аяам̣ бужчаа. ааманд̇аад̇и аяам̣ бадиж̇аананаа. гасса банааяам̣ бужчаа, гасса бадиж̇аананаад̇и? асугассаад̇и на вад̇д̇аб̣б̣аа. бхаг̇авад̇аа хи имасмим̣ багаран̣з наанаббагаараанам̣ лад̣̇д̇хийнам̣ висод̇ханад̇т̇ам̣ д̇анд̇ивасзна маад̇игаа табид̇аа. саа т̇зрзна сад̇т̇аараа д̣̇иннанаяз тад̇ваа д̇анд̇ивасзна вибхад̇д̇аа. на хи т̇зро яад̇д̇агаа зд̇т̇а ваад̣̇амаг̇г̇аа д̣̇ассид̇аа, д̇ад̇д̇агзхи ваад̣̇ийхи сад̣̇д̇хим̣ ваад̣̇зна виг̇г̇аахигагат̇ам̣ гат̇зси. звам̣ санд̇зби бана д̇аасам̣ д̇аасам̣ гат̇аанам̣ ад̇т̇асса сукаавад̇хааран̣ад̇т̇ам̣ сагаваад̣̇ийбужчаа, бараваад̣̇ийбужчаа, сагаваад̣̇ийбадин̃н̃аа, бараваад̣̇ийбадин̃н̃аад̇и звам̣ вибхааг̇ам̣ д̣̇ассзд̇ваава ад̇т̇аван̣н̣анам̣ гариссаама.
1. Tattha puggalo upalabbhati saccikaṭṭhaparamatthenāti ayaṃ pucchā. Āmantāti ayaṃ paṭijānanā. Kassa panāyaṃ pucchā, kassa paṭijānanāti? Asukassāti na vattabbā. Bhagavatā hi imasmiṃ pakaraṇe nānappakārānaṃ laddhīnaṃ visodhanatthaṃ tantivasena mātikā ṭhapitā. Sā therena satthārā dinnanaye ṭhatvā tantivasena vibhattā. Na hi thero yattakā ettha vādamaggā dassitā, tattakehi vādīhi saddhiṃ vādena viggāhikakathaṃ kathesi. Evaṃ santepi pana tāsaṃ tāsaṃ kathānaṃ atthassa sukhāvadhāraṇatthaṃ sakavādīpucchā, paravādīpucchā, sakavādīpaṭiññā, paravādīpaṭiññāti evaṃ vibhāgaṃ dassetvāva atthavaṇṇanaṃ karissāma.
буг̇г̇ало убалаб̣бхад̇и сажжигадтабарамад̇т̇знаад̇и хи аяам̣ сагаваад̣̇ийбужчаа. д̇ааяа ‘‘яз ад̇т̇и буг̇г̇алод̇и звам̣лад̣̇д̇хигаа буг̇г̇алаваад̣̇ино, д̇з звам̣ бужчид̇аб̣б̣аа’’д̇и д̣̇ийбзд̇и. гз бана буг̇г̇алаваад̣̇инод̇и? саасанз важ̇ж̇ибуд̇д̇агаа жзва самид̇ияаа жа б̣ахид̣̇д̇хаа жа б̣ахуу ан̃н̃ад̇ид̇т̇ияаа. д̇ад̇т̇а буг̇г̇алод̇и ад̇д̇аа, сад̇д̇о ж̇ийво. убалаб̣бхад̇ийд̇и бан̃н̃ааяа убаг̇анд̇ваа лаб̣бхад̇и, н̃ааяад̇ийд̇и ад̇т̇о. сажжигадтабарамад̇т̇знаад̇и зд̇т̇а сажжигадтод̇и мааяаамарийжиаад̣̇аяо вияа абхууд̇аагаарзна аг̇г̇ахзд̇аб̣б̣о бхууд̇адто. барамад̇т̇од̇и ануссаваад̣̇ивасзна аг̇г̇ахзд̇аб̣б̣о уд̇д̇амад̇т̇о. убхаязнааби яо барад̇о ‘‘буг̇г̇ало убалаб̣бхад̇и сажжигадтабарамад̇т̇зна, руубан̃жа убалаб̣бхад̇ий’’д̇иаад̣̇инаа канд̇хааяад̇анад̇хаад̇уинд̣̇рияавасзна сад̇д̇абан̃н̃аасавид̇хо д̇хаммаббабхзд̣̇о д̣̇ассид̇о . яат̇аа со бхууд̇зна сабхаавадтзна убалаб̣бхад̇и, звам̣ д̇ава буг̇г̇ало убалаб̣бхад̇ийд̇и бужчад̇и. бараваад̣̇ий ааманд̇аад̇и бадиж̇аанаад̇и. бадиж̇аананан̃хи гад̇т̇ажи ‘‘аама, бханд̇з’’д̇и ааг̇ажчад̇и, гад̇т̇ажи ‘‘аамо’’д̇и бадиж̇аананам̣ ааг̇ажчад̇и. ид̇ха бана ‘‘ааманд̇аа’’д̇и ааг̇ад̇ам̣. д̇ад̇рааяам̣ ад̇хиббааяо – со хи яам̣ д̇ам̣ барад̇о вуд̇д̇ам̣ бхаг̇авад̇аа – ‘‘ад̇т̇и буг̇г̇ало ад̇д̇ахид̇ааяа бадибанно’’д̇и суд̇д̇ам̣ ааг̇ад̇ам̣, д̇ам̣ г̇ахзд̇ваа яасмаа бана бхаг̇аваа сажжаваад̣̇ий на висам̣ваад̣̇анабурзгкааро ваажам̣ бхаасад̇и, нааби ануссаваад̣̇ивасзна д̇хаммам̣ д̣̇зсзд̇и, сад̣̇звагам̣ бана логам̣ саяам̣ абхин̃н̃аа сажчигад̇ваа бавзд̣̇зд̇и, д̇асмаа яо д̇зна вуд̇д̇о ‘‘ад̇т̇и буг̇г̇ало ад̇д̇ахид̇ааяа бадибанно’’д̇и, со сажжигадтабарамад̇т̇знзва ад̇т̇ийд̇и лад̣̇д̇хим̣ г̇ахзд̇ваа ‘‘ааманд̇аа’’д̇и бадиж̇аанаад̇и.
Puggalo upalabbhati saccikaṭṭhaparamatthenāti hi ayaṃ sakavādīpucchā. Tāya ‘‘ye atthi puggaloti evaṃladdhikā puggalavādino, te evaṃ pucchitabbā’’ti dīpeti. Ke pana puggalavādinoti? Sāsane vajjiputtakā ceva samitiyā ca bahiddhā ca bahū aññatitthiyā. Tattha puggaloti attā, satto jīvo. Upalabbhatīti paññāya upagantvā labbhati, ñāyatīti attho. Saccikaṭṭhaparamatthenāti ettha saccikaṭṭhoti māyāmarīciādayo viya abhūtākārena aggahetabbo bhūtaṭṭho. Paramatthoti anussavādivasena aggahetabbo uttamattho. Ubhayenāpi yo parato ‘‘puggalo upalabbhati saccikaṭṭhaparamatthena, rūpañca upalabbhatī’’tiādinā khandhāyatanadhātuindriyavasena sattapaññāsavidho dhammappabhedo dassito . Yathā so bhūtena sabhāvaṭṭhena upalabbhati, evaṃ tava puggalo upalabbhatīti pucchati. Paravādī āmantāti paṭijānāti. Paṭijānanañhi katthaci ‘‘āma, bhante’’ti āgacchati, katthaci ‘‘āmo’’ti paṭijānanaṃ āgacchati. Idha pana ‘‘āmantā’’ti āgataṃ. Tatrāyaṃ adhippāyo – so hi yaṃ taṃ parato vuttaṃ bhagavatā – ‘‘atthi puggalo attahitāya paṭipanno’’ti suttaṃ āgataṃ, taṃ gahetvā yasmā pana bhagavā saccavādī na visaṃvādanapurekkhāro vācaṃ bhāsati, nāpi anussavādivasena dhammaṃ deseti, sadevakaṃ pana lokaṃ sayaṃ abhiññā sacchikatvā pavedeti, tasmā yo tena vutto ‘‘atthi puggalo attahitāya paṭipanno’’ti, so saccikaṭṭhaparamattheneva atthīti laddhiṃ gahetvā ‘‘āmantā’’ti paṭijānāti.
ат̇асса д̇аад̣̇исасса лзсаважанасса чалаваад̣̇асса огаасам̣ ад̣̇ад̣̇амаано сагаваад̣̇ий яо сажжигадтод̇иаад̣̇имааха. д̇ад̇рааяам̣ ад̇хиббааяо – явааяам̣ барад̇о ‘‘саббажжаяо аббажжаяо, сан̇кад̇о асан̇кад̇о, сассад̇о, асассад̇о санимид̇д̇о анимид̇д̇о’’д̇и звам̣ барид̣̇ийбид̇о руубаад̣̇исад̇д̇абан̃н̃аасавид̇хо д̇хаммаббабхзд̣̇о ааг̇ад̇о; на саммуд̇исажжавасзна, нааби ануссаваад̣̇ивасзна г̇ахзд̇аб̣б̣о. ад̇д̇ано бана бхууд̇ад̇ааяа зва сажжигадто, ад̇д̇абажжагкад̇ааяа жа барамад̇т̇о. д̇ам̣ санд̇хааяааха – ‘‘яо сажжигадто барамад̇т̇о, д̇ад̇о со буг̇г̇ало убалаб̣бхад̇и сажжигадтабарамад̇т̇знаа’’д̇и.
Athassa tādisassa lesavacanassa chalavādassa okāsaṃ adadamāno sakavādī yo saccikaṭṭhotiādimāha. Tatrāyaṃ adhippāyo – yvāyaṃ parato ‘‘sappaccayo appaccayo, saṅkhato asaṅkhato, sassato, asassato sanimitto animitto’’ti evaṃ paridīpito rūpādisattapaññāsavidho dhammappabhedo āgato; na sammutisaccavasena, nāpi anussavādivasena gahetabbo. Attano pana bhūtatāya eva saccikaṭṭho, attapaccakkhatāya ca paramattho. Taṃ sandhāyāha – ‘‘yo saccikaṭṭho paramattho, tato so puggalo upalabbhati saccikaṭṭhaparamatthenā’’ti.
д̇ад̇од̇и гаран̣аважанамзд̇ам̣, д̇асмаа д̇зна сажжигадтабарамад̇т̇зна со буг̇г̇ало убалаб̣бхад̇ийд̇и аяамзд̇т̇а ад̇т̇о. ид̣̇ам̣ вуд̇д̇ам̣ ход̇и – руббанаад̣̇ибхзд̣̇зна ваа саббажжаяаад̣̇ибхзд̣̇зна ваа аагаарзна яо сажжигадтабарамад̇т̇о убалаб̣бхад̇и, гим̣ д̇з буг̇г̇алоби д̇знаагаарзна убалаб̣бхад̇ийд̇и? на хзвам̣ вад̇д̇аб̣б̣зд̇и аваж̇аананаа бараваад̣̇исса. со хи д̇ат̇ааруубам̣ буг̇г̇алам̣ анижчанд̇о аваж̇аанаад̇и. д̇ад̇рааяам̣ бад̣̇ажчзд̣̇о – ‘на хи звам̣ вад̇д̇аб̣б̣з’д̇и, на хи званд̇иби ваддад̇и. д̣̇виннамби звам̣ на вад̇д̇аб̣б̣од̇и ад̇т̇о.
Tatoti karaṇavacanametaṃ, tasmā tena saccikaṭṭhaparamatthena so puggalo upalabbhatīti ayamettha attho. Idaṃ vuttaṃ hoti – ruppanādibhedena vā sappaccayādibhedena vā ākārena yo saccikaṭṭhaparamattho upalabbhati, kiṃ te puggalopi tenākārena upalabbhatīti? Na hevaṃ vattabbeti avajānanā paravādissa. So hi tathārūpaṃ puggalaṃ anicchanto avajānāti. Tatrāyaṃ padacchedo – ‘na hi evaṃ vattabbe’ti, na hi evantipi vaṭṭati. Dvinnampi evaṃ na vattabboti attho.
ааж̇аанаахи ниг̇г̇аханд̇и сагаваад̣̇иважанам̣. яасмаа д̇з буримааяа вад̇д̇аб̣б̣абадин̃н̃ааяа бажчимаа навад̇д̇аб̣б̣абадин̃н̃аа, бажчимааяа жа буримаа на санд̇хияад̇и, д̇асмааби ниг̇г̇ахам̣ бад̇д̇о. д̇ам̣ ниг̇г̇ахам̣ д̣̇осам̣ абараад̇хам̣ самбадижчаахийд̇и ад̇т̇о. звам̣ ниг̇г̇ахам̣ ааж̇аанаабзд̇ваа ид̣̇аани д̇ам̣ табанааяа жзва ануломабадиломад̇о баабанааробанаанан̃жа васзна баагадам̣ гаронд̇о хан̃жи буг̇г̇алод̇иаад̣̇имааха. д̇ад̇т̇а хан̃жи буг̇г̇ало убалаб̣бхад̇ийд̇и яад̣̇и буг̇г̇ало убалаб̣бхад̇и, сажз буг̇г̇ало убалаб̣бхад̇и сажжигадтабарамад̇т̇знаад̇и ад̇т̇о. аяам̣ д̇аава бараваад̣̇ийбагкасса табанад̇о ниг̇г̇ахабаабанааробанаанам̣ лагкан̣абхууд̇аа ануломатабанаа наама. д̇зна вад̇а рзд̇иаад̣̇и ануломабагкз ниг̇г̇ахасса баабид̇ад̇д̇аа ануломабаабанаа наама. д̇ад̇т̇а д̇знаад̇и гааран̣аважанам̣. вад̇аад̇и огаббанаважанам̣. рзд̇и ааманд̇анаважанам̣. ид̣̇ам̣ вуд̇д̇ам̣ ход̇и – д̇зна, рз вад̇д̇аб̣б̣з вад̇а, рз хамбхо, бхад̣̇рамука, д̇зна гааран̣зна вад̇д̇аб̣б̣оязваад̇и. яам̣ д̇ад̇т̇а вад̣̇зсийд̇иаад̣̇и ануломабагкз ниг̇г̇ахасса ааробид̇ад̇д̇аа ануломаробанаа наама. яам̣ д̇асса барияосаанз мижчаад̇ибад̣̇ам̣ д̇асса бурад̇о ид̣̇ам̣ д̇з’д̇и аахарид̇аб̣б̣ам̣. ид̣̇ам̣ д̇з мижчаад̇и аяан̃хзд̇т̇а ад̇т̇о. барад̇о жа баал̣ияам̣ зд̇ам̣ ааг̇ад̇амзва.
Ājānāhi niggahanti sakavādivacanaṃ. Yasmā te purimāya vattabbapaṭiññāya pacchimā navattabbapaṭiññā, pacchimāya ca purimā na sandhiyati, tasmāpi niggahaṃ patto. Taṃ niggahaṃ dosaṃ aparādhaṃ sampaṭicchāhīti attho. Evaṃ niggahaṃ ājānāpetvā idāni taṃ ṭhapanāya ceva anulomapaṭilomato pāpanāropanānañca vasena pākaṭaṃ karonto hañci puggalotiādimāha. Tattha hañci puggalo upalabbhatīti yadi puggalo upalabbhati, sace puggalo upalabbhati saccikaṭṭhaparamatthenāti attho. Ayaṃ tāva paravādīpakkhassa ṭhapanato niggahapāpanāropanānaṃ lakkhaṇabhūtā anulomaṭhapanā nāma. Tena vata retiādi anulomapakkhe niggahassa pāpitattā anulomapāpanā nāma. Tattha tenāti kāraṇavacanaṃ. Vatāti okappanavacanaṃ. Reti āmantanavacanaṃ. Idaṃ vuttaṃ hoti – tena, re vattabbe vata, re hambho, bhadramukha, tena kāraṇena vattabboyevāti. Yaṃ tattha vadesītiādi anulomapakkhe niggahassa āropitattā anulomaropanā nāma. Yaṃ tassa pariyosāne micchātipadaṃ tassa purato idaṃ te’ti āharitabbaṃ. Idaṃ te micchāti ayañhettha attho. Parato ca pāḷiyaṃ etaṃ āgatameva.
но жз бана вад̇д̇аб̣б̣зд̇иаад̣̇и ‘‘на хзвам̣ вад̇д̇аб̣б̣з’’д̇и бадигкид̇д̇абагкасса табид̇ад̇д̇аа бадиломад̇о ниг̇г̇ахабаабанааробанаанам̣ лагкан̣абхууд̇аа бадиломатабанаа наама. но жа вад̇а рзд̇иаад̣̇и бадиломабагкз ниг̇г̇ахасса баабид̇ад̇д̇аа бадиломабаабанаа наама. буна яам̣ д̇ад̇т̇а вад̣̇зсийд̇иаад̣̇и бадиломабагкз ниг̇г̇ахасса ааробид̇ад̇д̇аа бадиломаробанаа наама. ид̇хааби барияосаанз мижчаад̇ибад̣̇асса бурад̇о ид̣̇ам̣ д̇зд̇и аахарид̇аб̣б̣амзва. барад̇оби зваруубзсу таанзсу зсзва наяо.
No ce pana vattabbetiādi ‘‘na hevaṃ vattabbe’’ti paṭikkhittapakkhassa ṭhapitattā paṭilomato niggahapāpanāropanānaṃ lakkhaṇabhūtā paṭilomaṭhapanā nāma. No ca vata retiādi paṭilomapakkhe niggahassa pāpitattā paṭilomapāpanā nāma. Puna yaṃ tattha vadesītiādi paṭilomapakkhe niggahassa āropitattā paṭilomaropanā nāma. Idhāpi pariyosāne micchātipadassa purato idaṃ teti āharitabbameva. Paratopi evarūpesu ṭhānesu eseva nayo.
д̇ад̇рааяам̣ аад̣̇ид̇о бадтааяа сан̇кзбад̇т̇о – яад̣̇и буг̇г̇ало убалаб̣бхад̇и сажжигадтабарамад̇т̇зна, д̇зна вад̇а бхо со убалаб̣бхад̇ийд̇и вад̇д̇аб̣б̣о. яам̣ бана д̇ад̇т̇а вад̣̇зси ‘‘вад̇д̇аб̣б̣о ко буримабан̃хз ‘сажжигадтабарамад̇т̇зна убалаб̣бхад̇ий’д̇и, но жа вад̇д̇аб̣б̣о д̣̇уд̇ияабан̃хз ‘д̇ад̇о со буг̇г̇ало убалаб̣бхад̇ий’’’д̇и, ид̣̇ам̣ д̇з мижчаад̇и звам̣ д̇аава ануломад̇о табанаабаабанааробанаа хонд̇и. ат̇а на вад̇д̇аб̣б̣о д̣̇уд̇ияабан̃хз ‘‘д̇ад̇о со убалаб̣бхад̇ий’’д̇и, буримабан̃хзби на вад̇д̇аб̣б̣ова. яам̣ банзд̇т̇а вад̣̇зси ‘‘вад̇д̇аб̣б̣о ко буримабан̃хз ‘сажжигадтабарамад̇т̇зна убалаб̣бхад̇ий’д̇и, но жа вад̇д̇аб̣б̣о д̣̇уд̇ияабан̃хз ‘д̇ад̇о со буг̇г̇ало убалаб̣бхад̇ий’’’д̇и, ид̣̇ам̣ д̇з мижчаад̇и звам̣ бадиломад̇о табанаабаабанааробанаа хонд̇и. звамзд̇ам̣ ниг̇г̇ахасса жа ануломабадиломад̇о жад̇уннам̣ баабанааробанаанан̃жа вуд̇д̇ад̇д̇аа убалаб̣бхад̇ийд̇иаад̣̇игам̣ ануломабан̃жагам̣ наама. зд̇т̇а жа гин̃жааби ануломад̇о баабанааробанаахи зго, бадиломад̇о баабанааробанаахи згод̇и д̣̇вз ниг̇г̇ахаа гад̇аа. ‘ааж̇аанаахи ниг̇г̇аха’нд̇и зд̇ассзва банзд̇т̇а буг̇г̇ало убалаб̣бхад̇ийд̇и батамам̣ ваад̣̇ам̣ ниссааяа батамасса ниг̇г̇ахасса д̣̇вийхаагаарзхи ааробид̇ад̇д̇аа зговааяам̣ ниг̇г̇аход̇и батамо ниг̇г̇ахо.
Tatrāyaṃ ādito paṭṭhāya saṅkhepattho – yadi puggalo upalabbhati saccikaṭṭhaparamatthena, tena vata bho so upalabbhatīti vattabbo. Yaṃ pana tattha vadesi ‘‘vattabbo kho purimapañhe ‘saccikaṭṭhaparamatthena upalabbhatī’ti, no ca vattabbo dutiyapañhe ‘tato so puggalo upalabbhatī’’’ti, idaṃ te micchāti evaṃ tāva anulomato ṭhapanāpāpanāropanā honti. Atha na vattabbo dutiyapañhe ‘‘tato so upalabbhatī’’ti, purimapañhepi na vattabbova. Yaṃ panettha vadesi ‘‘vattabbo kho purimapañhe ‘saccikaṭṭhaparamatthena upalabbhatī’ti, no ca vattabbo dutiyapañhe ‘tato so puggalo upalabbhatī’’’ti, idaṃ te micchāti evaṃ paṭilomato ṭhapanāpāpanāropanā honti. Evametaṃ niggahassa ca anulomapaṭilomato catunnaṃ pāpanāropanānañca vuttattā upalabbhatītiādikaṃ anulomapañcakaṃ nāma. Ettha ca kiñcāpi anulomato pāpanāropanāhi eko, paṭilomato pāpanāropanāhi ekoti dve niggahā katā. ‘Ājānāhi niggaha’nti etasseva panettha puggalo upalabbhatīti paṭhamaṃ vādaṃ nissāya paṭhamassa niggahassa dvīhākārehi āropitattā ekovāyaṃ niggahoti paṭhamo niggaho.
2. ид̣̇аани бажжанийганаяо ход̇и. д̇ад̇т̇а бужчаа бараваад̣̇исса. со хи ‘‘ад̇т̇и буг̇г̇ало ад̇д̇ахид̇ааяа бадибанно’’д̇и г̇ахид̇ад̇д̇аа ‘‘нубалаб̣бхад̇ий’’д̇и асамбадижчанд̇о звам̣ бужчад̇и. сагаваад̣̇ий яат̇аа руубаад̣̇ид̇хаммаа убалаб̣бханд̇и, звам̣ анубалаб̣бханийяад̇о ааманд̇аад̇и бадиж̇аанаад̇и. буна ид̇аро ад̇д̇анаа ад̇хиббзд̇ам̣ сажжигадтам̣язва санд̇хааяа яо сажжигадтод̇иаад̣̇имааха. саммуд̇исажжабарамад̇т̇асажжаани ваа згад̇о гад̇вааби звамааха. сагаваад̣̇ий ‘буг̇г̇ало’д̇и убаад̣̇аабан̃н̃ад̇д̇исаб̣бхаавад̇оби д̣̇виннам̣ сажжаанам̣ згад̇о гад̇ваа бужчид̇ад̇д̇ааби на хзванд̇и бадигкибад̇и.
2. Idāni paccanīkanayo hoti. Tattha pucchā paravādissa. So hi ‘‘atthi puggalo attahitāya paṭipanno’’ti gahitattā ‘‘nupalabbhatī’’ti asampaṭicchanto evaṃ pucchati. Sakavādī yathā rūpādidhammā upalabbhanti, evaṃ anupalabbhanīyato āmantāti paṭijānāti. Puna itaro attanā adhippetaṃ saccikaṭṭhaṃyeva sandhāya yo saccikaṭṭhotiādimāha. Sammutisaccaparamatthasaccāni vā ekato katvāpi evamāha. Sakavādī ‘puggalo’ti upādāpaññattisabbhāvatopi dvinnaṃ saccānaṃ ekato katvā pucchitattāpi na hevanti paṭikkhipati.
ид̣̇аани гин̃жааби д̇зна батамам̣ барамад̇т̇асажжавасзна нубалаб̣бханийяад̇аа самбадижчид̇аа, бажчаа саммуд̇исажжавасзна вомиссагавасзна ваа бадигкид̇д̇аа. бараваад̣̇ий бана ‘нубалаб̣бхад̇ий’д̇и важанасааман̃н̃амад̇д̇ам̣ чалаваад̣̇ам̣ ниссааяа яам̣ д̇аяаа батамам̣ бадин̃н̃аад̇ам̣, д̇ам̣ бажчаа бадигкид̇д̇анд̇и бхан̣д̣анасса бадибхан̣д̣анам̣ вияа ад̇д̇ано гад̇асса ниг̇г̇ахагаммасса бадигаммам̣ гаронд̇о ааж̇аанаахи бадигамманд̇и ааха. ид̣̇аани яат̇аасса ануломабан̃жагз сагаваад̣̇инаа ваад̣̇адтабанам̣ гад̇ваа ануломабадиломад̇о баабанааробанаахи ниг̇г̇ахо баагадо гад̇о, звам̣ бадигаммам̣ баагадам̣ гаронд̇о хан̃жи буг̇г̇алод̇иаад̣̇имааха. д̇ам̣ хздтаа вуд̇д̇анаязнзва ад̇т̇ад̇о взд̣̇ид̇аб̣б̣ам̣. яасмаа банзд̇т̇а табанаа наама бараваад̣̇ийбагкасса табанад̇о ‘‘аяам̣ д̇ава д̣̇осо’’д̇и д̣̇ассзд̇ум̣ табанамад̇д̇амзва ход̇и, на ниг̇г̇ахасса ваа бадигаммасса ваа баагадабхаавагаран̣ам̣, баабанааробанаахи банасса баагадагаран̣ам̣ ход̇и. д̇асмаа ид̣̇ам̣ ануломабадиломад̇о баабанааробанаанам̣ васзна жад̇уухаагаарзхи. бадигаммасса гад̇ад̇д̇аа бадигаммажад̇уггам̣ наамаад̇и згам̣ жад̇уггам̣ взд̣̇ид̇аб̣б̣ам̣.
Idāni kiñcāpi tena paṭhamaṃ paramatthasaccavasena nupalabbhanīyatā sampaṭicchitā, pacchā sammutisaccavasena vomissakavasena vā paṭikkhittā. Paravādī pana ‘nupalabbhatī’ti vacanasāmaññamattaṃ chalavādaṃ nissāya yaṃ tayā paṭhamaṃ paṭiññātaṃ, taṃ pacchā paṭikkhittanti bhaṇḍanassa paṭibhaṇḍanaṃ viya attano katassa niggahakammassa paṭikammaṃ karonto ājānāhi paṭikammanti āha. Idāni yathāssa anulomapañcake sakavādinā vādaṭṭhapanaṃ katvā anulomapaṭilomato pāpanāropanāhi niggaho pākaṭo kato, evaṃ paṭikammaṃ pākaṭaṃ karonto hañci puggalotiādimāha. Taṃ heṭṭhā vuttanayeneva atthato veditabbaṃ. Yasmā panettha ṭhapanā nāma paravādīpakkhassa ṭhapanato ‘‘ayaṃ tava doso’’ti dassetuṃ ṭhapanamattameva hoti, na niggahassa vā paṭikammassa vā pākaṭabhāvakaraṇaṃ, pāpanāropanāhi panassa pākaṭakaraṇaṃ hoti. Tasmā idaṃ anulomapaṭilomato pāpanāropanānaṃ vasena catūhākārehi. Paṭikammassa katattā paṭikammacatukkaṃ nāmāti ekaṃ catukkaṃ veditabbaṃ.
3. звам̣ бадигаммам̣ гад̇ваа ид̣̇аани яваасса ануломабан̃жагз сагаваад̣̇инаа ниг̇г̇ахо гад̇о, д̇асса д̇амзва чалаваад̣̇ам̣ ниссааяа д̣̇уггадабхаавам̣ д̣̇ассзнд̇о д̇ван̃жз бана ман̃н̃асийд̇иаад̣̇имааха. д̇ад̇т̇а д̇вам̣ жз бана ман̃н̃асийд̇и яад̣̇и д̇вам̣ ман̃н̃аси. вад̇д̇аб̣б̣з код̇и ид̣̇ам̣ бажжанийгз ааманд̇аад̇и бадин̃н̃ам̣ санд̇хааяа вуд̇д̇ам̣ . но жа вад̇д̇аб̣б̣зд̇и ид̣̇ам̣ бана на хзваад̇и аваж̇аананам̣ санд̇хааяа вуд̇д̇ам̣. д̇зна д̇ава д̇ад̇т̇аад̇и д̇зна гааран̣зна д̇вам̣язва д̇асмим̣ нубалаб̣бхад̇ийд̇и багкз – ‘‘хзвам̣ бадиж̇аананд̇анд̇и ааманд̇аа’’д̇и звам̣ бадиж̇аананд̇о. хзвам̣ ниг̇г̇ахзд̇аб̣б̣зд̇и буна на хзваад̇и аваж̇аананд̇о звам̣ ниг̇г̇ахзд̇аб̣б̣о. ат̇а д̇ам̣ ниг̇г̇ан̣хаамаад̇и ат̇звам̣ ниг̇г̇ахаарахам̣ д̇ам̣ ниг̇г̇ан̣хаама. суниг̇г̇ахид̇о жа хосийд̇и сагзна мад̇зна ниг̇г̇ахид̇ад̇д̇аа суниг̇г̇ахид̇о жа бхаваси.
3. Evaṃ paṭikammaṃ katvā idāni yvāssa anulomapañcake sakavādinā niggaho kato, tassa tameva chalavādaṃ nissāya dukkaṭabhāvaṃ dassento tvañce pana maññasītiādimāha. Tattha tvaṃ ce pana maññasīti yadi tvaṃ maññasi. Vattabbe khoti idaṃ paccanīke āmantāti paṭiññaṃ sandhāya vuttaṃ . No ca vattabbeti idaṃ pana na hevāti avajānanaṃ sandhāya vuttaṃ. Tena tava tatthāti tena kāraṇena tvaṃyeva tasmiṃ nupalabbhatīti pakkhe – ‘‘hevaṃ paṭijānantanti āmantā’’ti evaṃ paṭijānanto. Hevaṃ niggahetabbeti puna na hevāti avajānanto evaṃ niggahetabbo. Atha taṃ niggaṇhāmāti athevaṃ niggahārahaṃ taṃ niggaṇhāma. Suniggahito ca hosīti sakena matena niggahitattā suniggahito ca bhavasi.
звамасса ниг̇г̇ахзд̇аб̣б̣абхаавам̣ д̣̇ассзд̇ваа ид̣̇аани д̇ам̣ ниг̇г̇ан̣ханд̇о хан̃жийд̇иаад̣̇имааха. д̇ад̇т̇а табанаабаабанааробанаа хздтаа вуд̇д̇анаязнзва взд̣̇ид̇аб̣б̣аа. барияосаанз бана ид̣̇ам̣ д̇з мижчаад̇и ид̣̇ам̣ д̇ава важанам̣ мижчаа ход̇ийд̇и ад̇т̇о. ид̣̇ам̣ чалаваад̣̇зна жад̇уухи аагаарзхи ниг̇г̇ахасса гад̇ад̇д̇аа ниг̇г̇ахажад̇уггам̣ наама.
Evamassa niggahetabbabhāvaṃ dassetvā idāni taṃ niggaṇhanto hañcītiādimāha. Tattha ṭhapanāpāpanāropanā heṭṭhā vuttanayeneva veditabbā. Pariyosāne pana idaṃ te micchāti idaṃ tava vacanaṃ micchā hotīti attho. Idaṃ chalavādena catūhi ākārehi niggahassa katattā niggahacatukkaṃ nāma.
4. звам̣ ниг̇г̇ахам̣ гад̇вааби ид̣̇аани ‘‘яад̣̇и аяам̣ маяаа д̇ава мад̇зна гад̇о ниг̇г̇ахо д̣̇унниг̇г̇ахо, яо мама д̇аяаа хздтаа ануломабан̃жагз гад̇о ниг̇г̇ахо, соби д̣̇унниг̇г̇ахо’’д̇и д̣̇ассзнд̇о зсз жз д̣̇унниг̇г̇ахид̇зд̇иаад̣̇имааха. д̇ад̇т̇а зсз жз д̣̇унниг̇г̇ахид̇зд̇и зсо жз д̇ава ваад̣̇о маяаа д̣̇унниг̇г̇ахид̇о. ат̇а ваа зсо жз д̇ава маяаа гад̇о ниг̇г̇ахо д̣̇унниг̇г̇ахо. хзвамзвам̣ д̇ад̇т̇а д̣̇агкаад̇и д̇ад̇т̇ааби д̇аяаа мама хздтаа гад̇з ниг̇г̇ахз звамзвам̣ басса. ид̣̇аани яваасса хздтаа сагаваад̣̇инаа ниг̇г̇ахо гад̇о, д̇ам̣ ‘‘вад̇д̇аб̣б̣з ко’’д̇иаад̣̇иважанзна д̣̇ассзд̇ваа буна д̇ам̣ ниг̇г̇ахам̣ аниг̇г̇ахабхаавам̣ убанзнд̇о но жа маяам̣ д̇аяаад̇иаад̣̇имааха. д̇ад̇т̇а но жа маяам̣ д̇аяаа д̇ад̇т̇а хзд̇ааяа бадин̃н̃ааяаад̇иаад̣̇ийсу аяамад̇т̇о – яасмаа со д̇аяаа мама гад̇о ниг̇г̇ахо д̣̇унниг̇г̇ахо, д̇асмаа маяам̣ д̇аяаа д̇ад̇т̇а ануломабан̃жагз ааманд̇аад̇и зд̇ааяа бадин̃н̃ааяа звам̣ бадиж̇аананд̇аа буна на хзваад̇и бадигкзбз гад̇зби ‘‘ааж̇аанаахи ниг̇г̇аха’’нд̇и звам̣ на ниг̇г̇ахзд̇аб̣б̣оязва. звам̣ аниг̇г̇ахзд̇аб̣б̣амби мам̣ ниг̇г̇ан̣хааси, ийд̣̇исзна бана ниг̇г̇ахзна д̣̇унниг̇г̇ахид̇аа маяам̣ хома.
4. Evaṃ niggahaṃ katvāpi idāni ‘‘yadi ayaṃ mayā tava matena kato niggaho dunniggaho, yo mama tayā heṭṭhā anulomapañcake kato niggaho, sopi dunniggaho’’ti dassento ese ce dunniggahitetiādimāha. Tattha ese ce dunniggahiteti eso ce tava vādo mayā dunniggahito. Atha vā eso ce tava mayā kato niggaho dunniggaho. Hevamevaṃ tattha dakkhāti tatthāpi tayā mama heṭṭhā kate niggahe evamevaṃ passa. Idāni yvāssa heṭṭhā sakavādinā niggaho kato, taṃ ‘‘vattabbe kho’’tiādivacanena dassetvā puna taṃ niggahaṃ aniggahabhāvaṃ upanento no ca mayaṃ tayātiādimāha. Tattha no ca mayaṃ tayā tattha hetāya paṭiññāyātiādīsu ayamattho – yasmā so tayā mama kato niggaho dunniggaho, tasmā mayaṃ tayā tattha anulomapañcake āmantāti etāya paṭiññāya evaṃ paṭijānantā puna na hevāti paṭikkhepe katepi ‘‘ājānāhi niggaha’’nti evaṃ na niggahetabboyeva. Evaṃ aniggahetabbampi maṃ niggaṇhāsi, īdisena pana niggahena dunniggahitā mayaṃ homa.
ид̣̇аани яам̣ ниг̇г̇ахам̣ санд̇хааяа ‘‘д̣̇унниг̇г̇ахид̇аа жа хомаа’’д̇и авожа, д̇ам̣ д̣̇ассзд̇ум̣ хан̃жи буг̇г̇ало…бз… ид̣̇ам̣ д̇з мижчаад̇иааха. звамид̣̇ам̣ ануломабадиломад̇о жад̇уухи баабанааробанаахи ниг̇г̇ахасса убанийд̇ад̇д̇аа убанаяанажад̇уггам̣ наама ход̇и.
Idāni yaṃ niggahaṃ sandhāya ‘‘dunniggahitā ca homā’’ti avoca, taṃ dassetuṃ hañci puggalo…pe… idaṃ te micchātiāha. Evamidaṃ anulomapaṭilomato catūhi pāpanāropanāhi niggahassa upanītattā upanayanacatukkaṃ nāma hoti.
5. ид̣̇аани ‘‘на хзвам̣ ниг̇г̇ахзд̇аб̣б̣з’’д̇иаад̣̇игам̣ ниг̇г̇аманажад̇уггам̣ наама ход̇и. д̇ад̇т̇а на хзвам̣ ниг̇г̇ахзд̇аб̣б̣зд̇и яат̇аахам̣ д̇аяаа ниг̇г̇ахид̇о, на хи звам̣ ниг̇г̇ахзд̇аб̣б̣о. зд̇асса хи ниг̇г̇ахасса д̣̇унниг̇г̇ахабхааво маяаа саад̇хид̇о. д̇зна хийд̇и д̇зна гааран̣зна, яасмаа зса ниг̇г̇ахо д̣̇унниг̇г̇ахо, д̇асмаа яам̣ мам̣ ниг̇г̇ан̣хааси хан̃жи буг̇г̇ало…бз… ид̣̇ам̣ д̇з мижчаад̇и, ид̣̇ам̣ ниг̇г̇ан̣ханам̣ д̇ава мижчаад̇и ад̇т̇о. д̇зна хи яз гад̇з ниг̇г̇ахзд̇и язна гааран̣зна ид̣̇ам̣ мижчаа, д̇зна гааран̣зна яо д̇аяаа ниг̇г̇ахо гад̇о, со д̣̇уггадо. яам̣ маяаа бадигаммам̣ гад̇ам̣, д̇ад̣̇зва сугад̇ам̣. яааби жзсаа бадигаммажад̇уггаад̣̇ивасзна гат̇аамаг̇г̇асамбадибаад̣̇анаа гад̇аа, сааби сугад̇аа. звамзд̇ам̣ буг̇г̇ало убалаб̣бхад̇ийд̇иаад̣̇игасса ануломабан̃жагасса нубалаб̣бхад̇ийд̇иаад̣̇игаанам̣ бадигамманиг̇г̇ахобанаяананиг̇г̇аманажад̇уггаанам̣ васзна ануломабажжанийгабан̃жагам̣ наама нид̣̇д̣̇идтанд̇и взд̣̇ид̇аб̣б̣ам̣. зд̇д̇аавад̇аа сагаваад̣̇ино буб̣б̣абагкз сад̇и бараваад̣̇ино важанасааман̃н̃амад̇д̇зна чалаваад̣̇зна ж̇аяо ход̇и.
5. Idāni ‘‘na hevaṃ niggahetabbe’’tiādikaṃ niggamanacatukkaṃ nāma hoti. Tattha na hevaṃ niggahetabbeti yathāhaṃ tayā niggahito, na hi evaṃ niggahetabbo. Etassa hi niggahassa dunniggahabhāvo mayā sādhito. Tena hīti tena kāraṇena, yasmā esa niggaho dunniggaho, tasmā yaṃ maṃ niggaṇhāsi hañci puggalo…pe… idaṃ te micchāti, idaṃ niggaṇhanaṃ tava micchāti attho. Tena hi ye kate niggaheti yena kāraṇena idaṃ micchā, tena kāraṇena yo tayā niggaho kato, so dukkaṭo. Yaṃ mayā paṭikammaṃ kataṃ, tadeva sukataṃ. Yāpi cesā paṭikammacatukkādivasena kathāmaggasampaṭipādanā katā, sāpi sukatā. Evametaṃ puggalo upalabbhatītiādikassa anulomapañcakassa nupalabbhatītiādikānaṃ paṭikammaniggahopanayananiggamanacatukkānaṃ vasena anulomapaccanīkapañcakaṃ nāma niddiṭṭhanti veditabbaṃ. Ettāvatā sakavādino pubbapakkhe sati paravādino vacanasāmaññamattena chalavādena jayo hoti.
2. бажжанийгаануломаван̣н̣анаа
2. Paccanīkānulomavaṇṇanā
6. ид̣̇аани яат̇аа бараваад̣̇ино буб̣б̣абагкз сад̇и сагаваад̣̇ино д̇хаммзнзва д̇ат̇зна суж̇аяо ход̇и, д̇ат̇аа ваад̣̇уббад̇д̇им̣ д̣̇ассзд̇ум̣ буг̇г̇ало нубалаб̣бхад̇ийд̇и бажжанийгаануломабан̃жагам̣ аарад̣̇д̇хам̣. д̇ад̇т̇а бажжанийгз бужчаа бараваад̣̇исса, руубаад̣̇ибхзд̣̇ам̣ сажжигадтабарамад̇т̇ам̣ санд̇хааяа бадин̃н̃аа сагаваад̣̇исса. суд̣̇д̇хасаммуд̇исажжам̣ ваа барамад̇т̇амиссагам̣ ваа саммуд̇исажжам̣ санд̇хааяа яо сажжигадтод̇и буна ануяог̇о бараваад̣̇исса, саммуд̇ивасзна нубалаб̣бхад̇ийд̇и навад̇д̇аб̣б̣ад̇д̇аа миссагавасзна ваа ануяог̇асса сам̣гин̣н̣ад̇д̇аа на хзванд̇и бадигкзбо сагаваад̣̇исса. бадин̃н̃аад̇ам̣ бадигкибад̇ийд̇и важанасааман̃н̃амад̇д̇зна ааж̇аанаахи ниг̇г̇аханд̇иаад̣̇иважанам̣ бараваад̣̇исса. звамаяам̣ буг̇г̇ало нубалаб̣бхад̇ийд̇и д̣̇уд̇ияаваад̣̇ам̣ ниссааяа д̣̇уд̇ияо ниг̇г̇ахо ход̇ийд̇и взд̣̇ид̇аб̣б̣о. звам̣ д̇зна чалзна ниг̇г̇ахо ааробид̇о.
6. Idāni yathā paravādino pubbapakkhe sati sakavādino dhammeneva tathena sujayo hoti, tathā vāduppattiṃ dassetuṃ puggalo nupalabbhatīti paccanīkānulomapañcakaṃ āraddhaṃ. Tattha paccanīke pucchā paravādissa, rūpādibhedaṃ saccikaṭṭhaparamatthaṃ sandhāya paṭiññā sakavādissa. Suddhasammutisaccaṃ vā paramatthamissakaṃ vā sammutisaccaṃ sandhāya yo saccikaṭṭhoti puna anuyogo paravādissa, sammutivasena nupalabbhatīti navattabbattā missakavasena vā anuyogassa saṃkiṇṇattā na hevanti paṭikkhepo sakavādissa. Paṭiññātaṃ paṭikkhipatīti vacanasāmaññamattena ājānāhi niggahantiādivacanaṃ paravādissa. Evamayaṃ puggalo nupalabbhatīti dutiyavādaṃ nissāya dutiyo niggaho hotīti veditabbo. Evaṃ tena chalena niggaho āropito.
7-10. ид̣̇аани д̇хаммзна самзна ад̇д̇ано ваад̣̇з ж̇аяам̣ д̣̇ассзд̇ум̣ ануломанаяз бужчаа сагаваад̣̇исса, ад̇д̇ано лад̣̇д̇хим̣ ниссааяа бадин̃н̃аа бараваад̣̇исса. лад̣̇д̇хияаа огаасам̣ ад̣̇ад̇ваа барамад̇т̇авасзна буна ануяог̇о сагаваад̣̇исса, барамад̇т̇авасзна буг̇г̇аласса абхаавад̇о бадигкзбо бараваад̣̇исса. д̇ад̇о барам̣ д̇хаммзна самзна ад̇д̇ано ж̇аяад̣̇ассанад̇т̇ам̣ ааж̇аанаахи бадигамманд̇иаад̣̇и саб̣б̣ам̣ сагаваад̣̇ийважанамзва ход̇и. д̇ад̇т̇а саб̣б̣зсам̣ бадигамманиг̇г̇ахобанаяананиг̇г̇аманажад̇уггаанам̣ хздтаа вуд̇д̇анаязнзва ад̇т̇о взд̣̇ид̇аб̣б̣о. звамид̣̇ам̣ буг̇г̇ало нубалаб̣бхад̇ийд̇иаад̣̇игасса бажжанийгабан̃жагасса убалаб̣бхад̇ийд̇иаад̣̇ийнам̣ бадигамманиг̇г̇ахобанаяананиг̇г̇аманажад̇уггаанан̃жа васзна бажжанийгаануломабан̃жагам̣ наама нид̣̇д̣̇идтам̣ ход̇и. звамзд̇аани батамасажжигадтз д̣̇вз бан̃жагаани нид̣̇д̣̇идтаани. д̇ад̇т̇а буримабан̃жагз бараваад̣̇исса сагаваад̣̇инаа гад̇о ниг̇г̇ахо суниг̇г̇ахо. сагаваад̣̇исса бана бараваад̣̇инаа чалаваад̣̇ам̣ ниссааяа бадигаммам̣ гад̇ваа ад̇д̇анаа саад̇хид̇о ж̇аяо д̣̇уж̇ж̇аяо. д̣̇уд̇ияабан̃жагз сагаваад̣̇исса бараваад̣̇инаа гад̇о ниг̇г̇ахо д̣̇унниг̇г̇ахо. бараваад̣̇исса бана сагаваад̣̇инаа д̇хаммаваад̣̇ам̣ ниссааяа бадигаммам̣ гад̇ваа ад̇д̇анаа саад̇хид̇о ж̇аяо суж̇аяод̇и батамасажжигадто. д̇ад̇т̇зд̇ам̣ вужжад̇и –
7-10. Idāni dhammena samena attano vāde jayaṃ dassetuṃ anulomanaye pucchā sakavādissa, attano laddhiṃ nissāya paṭiññā paravādissa. Laddhiyā okāsaṃ adatvā paramatthavasena puna anuyogo sakavādissa, paramatthavasena puggalassa abhāvato paṭikkhepo paravādissa. Tato paraṃ dhammena samena attano jayadassanatthaṃ ājānāhi paṭikammantiādi sabbaṃ sakavādīvacanameva hoti. Tattha sabbesaṃ paṭikammaniggahopanayananiggamanacatukkānaṃ heṭṭhā vuttanayeneva attho veditabbo. Evamidaṃ puggalo nupalabbhatītiādikassa paccanīkapañcakassa upalabbhatītiādīnaṃ paṭikammaniggahopanayananiggamanacatukkānañca vasena paccanīkānulomapañcakaṃ nāma niddiṭṭhaṃ hoti. Evametāni paṭhamasaccikaṭṭhe dve pañcakāni niddiṭṭhāni. Tattha purimapañcake paravādissa sakavādinā kato niggaho suniggaho. Sakavādissa pana paravādinā chalavādaṃ nissāya paṭikammaṃ katvā attanā sādhito jayo dujjayo. Dutiyapañcake sakavādissa paravādinā kato niggaho dunniggaho. Paravādissa pana sakavādinā dhammavādaṃ nissāya paṭikammaṃ katvā attanā sādhito jayo sujayoti paṭhamasaccikaṭṭho. Tatthetaṃ vuccati –
‘‘ниг̇г̇ахо бараваад̣̇исса, суд̣̇д̇хо батамабан̃жагз;
‘‘Niggaho paravādissa, suddho paṭhamapañcake;
асуд̣̇д̇хо бана д̇ассзва, бадигаммаж̇аяо д̇ахим̣.
Asuddho pana tasseva, paṭikammajayo tahiṃ.
‘‘ниг̇г̇ахо сагаваад̣̇исса, асуд̣̇д̇хо д̣̇уд̇ияабан̃жагз;
‘‘Niggaho sakavādissa, asuddho dutiyapañcake;
висуд̣̇д̇хо бана д̇ассзва, бадигаммаж̇аяо д̇ахим̣.
Visuddho pana tasseva, paṭikammajayo tahiṃ.
‘‘д̇асмаа д̣̇вийсуби таанзсу, ж̇аяова сагаваад̣̇ино;
‘‘Tasmā dvīsupi ṭhānesu, jayova sakavādino;
д̇хаммзна хи ж̇аяо наама, ад̇хаммзна гуд̇о ж̇аяо.
Dhammena hi jayo nāma, adhammena kuto jayo.
‘‘сажжигадтз яат̇аа жзд̇т̇а, бан̃жагад̣̇ваяаман̣д̣ид̇з;
‘‘Saccikaṭṭhe yathā cettha, pañcakadvayamaṇḍite;
д̇хаммаад̇хаммавасзнзва, вуд̇д̇о ж̇аяабарааж̇аяо.
Dhammādhammavaseneva, vutto jayaparājayo.
‘‘ид̇о барзсу саб̣б̣зсу, сажжигадтзсу бан̣д̣ид̇о;
‘‘Ito paresu sabbesu, saccikaṭṭhesu paṇḍito;
звамзва вибхаавзяяа, убхо ж̇аяабарааж̇аяз’’д̇и.
Evameva vibhāveyya, ubho jayaparājaye’’ti.
2. огаасасажжигадто
2. Okāsasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
11. звам̣ суд̣̇д̇хигасажжигадтам̣ вид̇т̇аарзд̇ваа ид̣̇аани д̇амзва абарзхи огаасаад̣̇ийхи наязхи вид̇т̇аарзд̇ум̣ буна буг̇г̇ало убалаб̣бхад̇ийд̇иаад̣̇и аарад̣̇д̇хам̣. д̇ад̇т̇а бужчаа сагаваад̣̇исса, бадин̃н̃аа бараваад̣̇исса. буна саб̣б̣ад̇т̇аад̇и сарийрам̣ санд̇хааяа ануяог̇о сагаваад̣̇исса, руубасмим̣ ад̇д̇аанам̣ саманубассанаад̣̇осан̃жа ‘ан̃н̃ам̣ ж̇ийвам̣ ан̃н̃ам̣ сарийра’нд̇и аабаж̇ж̇анад̣̇осан̃жа д̣̇исваа бадигкзбо бараваад̣̇исса. сзсамзд̇т̇а ануломабажжанийгабан̃жагз хздтаа вуд̇д̇анаязнзва взд̣̇ид̇аб̣б̣ам̣. баато бана сан̇кид̇д̇о . д̇ад̇т̇а яасмаа сарийрам̣ санд̇хааяа ‘‘саб̣б̣ад̇т̇а на убалаб̣бхад̇ий’’д̇и вуд̇д̇з сарийрад̇о б̣ахи убалаб̣бхад̇ийд̇и аабаж̇ж̇ад̇и. д̇асмаа бажжанийгз бадигкзбо сагаваад̣̇исса, батамам̣ ануж̇аанид̇ваа бажчаа аваж̇аанаад̇ийд̇и чалаваад̣̇асса васзна бадигаммам̣ бараваад̣̇исса. сзсам̣ баагадамзва.
11. Evaṃ suddhikasaccikaṭṭhaṃ vitthāretvā idāni tameva aparehi okāsādīhi nayehi vitthāretuṃ puna puggalo upalabbhatītiādi āraddhaṃ. Tattha pucchā sakavādissa, paṭiññā paravādissa. Puna sabbatthāti sarīraṃ sandhāya anuyogo sakavādissa, rūpasmiṃ attānaṃ samanupassanādosañca ‘aññaṃ jīvaṃ aññaṃ sarīra’nti āpajjanadosañca disvā paṭikkhepo paravādissa. Sesamettha anulomapaccanīkapañcake heṭṭhā vuttanayeneva veditabbaṃ. Pāṭho pana saṅkhitto . Tattha yasmā sarīraṃ sandhāya ‘‘sabbattha na upalabbhatī’’ti vutte sarīrato bahi upalabbhatīti āpajjati. Tasmā paccanīke paṭikkhepo sakavādissa, paṭhamaṃ anujānitvā pacchā avajānātīti chalavādassa vasena paṭikammaṃ paravādissa. Sesaṃ pākaṭameva.
3. гааласажжигадто
3. Kālasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
12. д̣̇уд̇ияанаяз саб̣б̣ад̣̇аад̇и буримабажчимаж̇аад̇игаалан̃жа д̇харамаанабариниб̣б̣уд̇агаалан̃жа санд̇хааяа ануяог̇о сагаваад̣̇исса, свзва кад̇д̇ияо со б̣раахман̣од̇иаад̣̇ийнам̣ аабад̇д̇ид̣̇осан̃жа д̇харамаанабариниб̣б̣уд̇аанам̣ висзсаабхаавад̣̇осан̃жа д̣̇исваа бадигкзбо бараваад̣̇исса. сзсам̣ батаманаяз вуд̇д̇асад̣̇исамзва.
12. Dutiyanaye sabbadāti purimapacchimajātikālañca dharamānaparinibbutakālañca sandhāya anuyogo sakavādissa, sveva khattiyo so brāhmaṇotiādīnaṃ āpattidosañca dharamānaparinibbutānaṃ visesābhāvadosañca disvā paṭikkhepo paravādissa. Sesaṃ paṭhamanaye vuttasadisameva.
4. аваяавасажжигадто
4. Avayavasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
13. д̇ад̇ияанаяз саб̣б̣зсууд̇и канд̇хааяад̇анаад̣̇ийни санд̇хааяа ануяог̇о сагаваад̣̇исса, руубасмим̣ ад̇д̇аа, жагкусмим̣ ад̇д̇аад̇иаад̣̇ид̣̇осабхаязна бадигкзбо бараваад̣̇исса. сзсам̣ д̇аад̣̇исамзваад̇и.
13. Tatiyanaye sabbesūti khandhāyatanādīni sandhāya anuyogo sakavādissa, rūpasmiṃ attā, cakkhusmiṃ attātiādidosabhayena paṭikkhepo paravādissa. Sesaṃ tādisamevāti.
огаасад̣̇исажжигадтаад̣̇и
Okāsadisaccikaṭṭhādi
2. бажжанийгаануломаван̣н̣анаа
2. Paccanīkānulomavaṇṇanā
14. звамзд̇аани д̇ийн̣и ануломабажжанийгабан̃жагз ануломамад̇д̇авасзнзва д̇аава бадибаадияаа бхааж̇зд̇ваа буна бажжанийгаануломабан̃жагз бажжанийгамад̇д̇авасзнзва бхааж̇зд̇ум̣ буг̇г̇ало нубалаб̣бхад̇ийд̇иаад̣̇и аарад̣̇д̇хам̣. д̇ад̇т̇а ануломабан̃жагасса баал̣ияам̣ сан̇кибид̇ваа ааг̇ад̇з бажжанийгз вуд̇д̇анаязнзва бажжанийгасса жа баал̣ияам̣ сан̇кибид̇ваа ааг̇ад̇з ануломз вуд̇д̇анаязнзва ад̇т̇о взд̣̇ид̇аб̣б̣о. зд̇д̇аавад̇аа суд̣̇д̇хигасса жзва имзсан̃жа д̇ин̣н̣анд̇и жад̇уннам̣ сажжигадтаанам̣ згзгасмим̣ сажжигадтз ануломабажжанийгасса бажжанийгаануломасса жаад̇и д̣̇виннам̣ д̣̇виннам̣ бажжанийгаанам̣ васзна аяам̣ адтамукаа наама ваад̣̇аяуд̇д̇и нид̣̇д̣̇идтаа ход̇ийд̇и взд̣̇ид̇аб̣б̣аа. яаа згзгасмим̣ мукз згзгасса ниг̇г̇ахасса васзна адтаганиг̇г̇аход̇и баал̣ияам̣ ликияад̇и. д̇ад̇т̇зд̇ам̣ вужжад̇и –
14. Evametāni tīṇi anulomapaccanīkapañcake anulomamattavaseneva tāva paṭipāṭiyā bhājetvā puna paccanīkānulomapañcake paccanīkamattavaseneva bhājetuṃ puggalo nupalabbhatītiādi āraddhaṃ. Tattha anulomapañcakassa pāḷiyaṃ saṅkhipitvā āgate paccanīke vuttanayeneva paccanīkassa ca pāḷiyaṃ saṅkhipitvā āgate anulome vuttanayeneva attho veditabbo. Ettāvatā suddhikassa ceva imesañca tiṇṇanti catunnaṃ saccikaṭṭhānaṃ ekekasmiṃ saccikaṭṭhe anulomapaccanīkassa paccanīkānulomassa cāti dvinnaṃ dvinnaṃ paccanīkānaṃ vasena ayaṃ aṭṭhamukhā nāma vādayutti niddiṭṭhā hotīti veditabbā. Yā ekekasmiṃ mukhe ekekassa niggahassa vasena aṭṭhakaniggahoti pāḷiyaṃ likhiyati. Tatthetaṃ vuccati –
‘‘звам̣ жад̇уб̣б̣ид̇хз бан̃хз, бан̃жагад̣̇ваяабхзд̣̇ад̇о;
‘‘Evaṃ catubbidhe pañhe, pañcakadvayabhedato;
зсаа адтамукаа наама, ваад̣̇аяуд̇д̇и багаасид̇аа.
Esā aṭṭhamukhā nāma, vādayutti pakāsitā.
‘‘адтзва ниг̇г̇ахаа д̇ад̇т̇а, жад̇д̇ааро д̇зсу д̇хаммигаа;
‘‘Aṭṭheva niggahā tattha, cattāro tesu dhammikā;
ад̇хаммигаа жа жад̇д̇ааро, саб̣б̣ад̇т̇а сагаваад̣̇ино;
Adhammikā ca cattāro, sabbattha sakavādino;
ж̇аяо барааж̇аяо жзва, саб̣б̣ад̇т̇а бараваад̣̇ино’’д̇и.
Jayo parājayo ceva, sabbattha paravādino’’ti.
сажжигадтаван̣н̣анаа нидтид̇аа.
Saccikaṭṭhavaṇṇanā niṭṭhitā.
5. суд̣̇д̇хигасам̣санд̣̇анаван̣н̣анаа
5. Suddhikasaṃsandanavaṇṇanā
17-27. ид̣̇аани руубаад̣̇ийхи сад̣̇д̇хим̣ сажжигадтасам̣санд̣̇анам̣ ход̇и. д̇ад̇т̇а руубан̃жаад̇и яат̇аа руубам̣ барамад̇т̇ад̇о убалаб̣бхад̇и, гим̣ д̇з буг̇г̇алоби д̇ат̇зва убалаб̣бхад̇ийд̇и санд̇хааяа бужчаа сагаваад̣̇исса, ад̇т̇и буг̇г̇алод̇и важанамад̇д̇ам̣ г̇ахзд̇ваа бадин̃н̃аа бараваад̣̇исса. яад̣̇и д̇з руубам̣ вияа барамад̇т̇ад̇о буг̇г̇ало ад̇т̇и, руубад̇о взд̣̇анаад̣̇ийнам̣ вияа буг̇г̇алассааби ан̃н̃ад̇д̇ам̣ аабаж̇ж̇ад̇ийд̇и ануяог̇о сагаваад̣̇исса, самаяасуд̇д̇авирод̇хам̣ д̣̇исваа бадигкзбо бараваад̣̇исса. сзсам̣ ад̇т̇ад̇о баагадамзва. д̇хаммад̇о банзд̇т̇а сад̇д̇абан̃н̃аасабхзд̣̇асса сажжигадтабарамад̇т̇асса васзна сагаваад̣̇ийбагкамуулагз ануломабажжанийгз сад̇д̇абан̃н̃ааса ануломабан̃жагаани д̣̇ассид̇аани. бадигаммажад̇уггаад̣̇ийни сан̇кид̇д̇аани. бараваад̣̇ийбагкамуулагзби бажжанийгаануломз сад̇д̇абан̃н̃ааса бадиломабан̃жагаани д̣̇ассид̇аани. бадигаммажад̇уггаад̣̇ийни сан̇кид̇д̇аани. д̇ад̇т̇а ‘‘вуд̇д̇ам̣ бхаг̇авад̇аа’’д̇и важанамад̇д̇зна буг̇г̇аласса ад̇т̇ид̇ам̣ руубасса жа сажжигадтабарамад̇т̇авасзна убалаб̣бханийяад̇ам̣ д̣̇ассзд̇ваа убхиннам̣ ан̃н̃ад̇д̇ам̣ бадиж̇аанаабанад̇т̇ам̣ вуд̇д̇ам̣ бхаг̇авад̇аад̇и ануяог̇о бараваад̣̇исса, саммуд̇ибарамад̇т̇аанам̣ згад̇д̇анаанад̇д̇абан̃хасса табанийяад̇д̇аа бадигкзбо сагаваад̣̇исса. сзсамид̇хааби ад̇т̇ад̇о баагадамзваад̇и.
17-27. Idāni rūpādīhi saddhiṃ saccikaṭṭhasaṃsandanaṃ hoti. Tattha rūpañcāti yathā rūpaṃ paramatthato upalabbhati, kiṃ te puggalopi tatheva upalabbhatīti sandhāya pucchā sakavādissa, atthi puggaloti vacanamattaṃ gahetvā paṭiññā paravādissa. Yadi te rūpaṃ viya paramatthato puggalo atthi, rūpato vedanādīnaṃ viya puggalassāpi aññattaṃ āpajjatīti anuyogo sakavādissa, samayasuttavirodhaṃ disvā paṭikkhepo paravādissa. Sesaṃ atthato pākaṭameva. Dhammato panettha sattapaññāsabhedassa saccikaṭṭhaparamatthassa vasena sakavādīpakkhamūlake anulomapaccanīke sattapaññāsa anulomapañcakāni dassitāni. Paṭikammacatukkādīni saṅkhittāni. Paravādīpakkhamūlakepi paccanīkānulome sattapaññāsa paṭilomapañcakāni dassitāni. Paṭikammacatukkādīni saṅkhittāni. Tattha ‘‘vuttaṃ bhagavatā’’ti vacanamattena puggalassa atthitaṃ rūpassa ca saccikaṭṭhaparamatthavasena upalabbhanīyataṃ dassetvā ubhinnaṃ aññattaṃ paṭijānāpanatthaṃ vuttaṃ bhagavatāti anuyogo paravādissa, sammutiparamatthānaṃ ekattanānattapañhassa ṭhapanīyattā paṭikkhepo sakavādissa. Sesamidhāpi atthato pākaṭamevāti.
суд̣̇д̇хигасам̣санд̣̇анаван̣н̣анаа.
Suddhikasaṃsandanavaṇṇanā.
6. обаммасам̣санд̣̇анаван̣н̣анаа
6. Opammasaṃsandanavaṇṇanā
28-36. ид̣̇аани руубаад̣̇ийхзва сад̣̇д̇хим̣ обаммавасзна сажжигадтасам̣санд̣̇анам̣ ход̇и. д̇ад̇т̇а руубавзд̣̇анаанам̣ убалад̣̇д̇хисааман̃н̃зна ан̃н̃ад̇д̇абужчаа жа буг̇г̇аларуубаанам̣ убалад̣̇д̇хисааман̃н̃абужчаа жаад̇и бужчаад̣̇ваяамби сагаваад̣̇исса, убхоби бадин̃н̃аа бараваад̣̇исса. бараваад̣̇инаа анун̃н̃аад̇зна убалад̣̇д̇хисааман̃н̃зна руубавзд̣̇анаанам̣ вияа руубабуг̇г̇алаанам̣ ан̃н̃ад̇д̇аануяог̇о сагаваад̣̇исса, бадигкзбо ид̇арасса. сзсамид̇хааби ад̇т̇ад̇о баагадамзва. д̇хаммад̇о банзд̇т̇а руубамуулагаад̣̇ийнам̣ жаггаанан̃жа васзна сагаваад̣̇ийбагкз вийсаад̇хигаани нава ниг̇г̇ахабан̃жагасад̇аани д̣̇ассид̇аани. гат̇ам̣? канд̇хзсу д̇аава руубамуулагз жаггз жад̇д̇аари, д̇ат̇аа взд̣̇анаад̣̇имуулагзсууд̇и вийсад̇и. ааяад̇анзсу жагкааяад̇анамуулагз жаггз згаад̣̇аса, д̇ат̇аа сзсзсууд̇и д̣̇вад̇д̇им̣сасад̇ам̣. д̇хаад̇уусу жагкуд̇хаад̇умуулагз жаггз сад̇д̇араса, д̇ат̇аа сзсзсууд̇и чаад̇хигаани д̇ийн̣и сад̇аани. инд̣̇риязсу жагкунд̣̇рияамуулагз жаггз згавийсад̇и, д̇ат̇аа сзсзсууд̇и д̣̇ваасадтаад̇хигаани жад̇д̇аари сад̇аани. звам̣ саб̣б̣ааниби вийсаад̇хигаани нава ниг̇г̇ахабан̃жагасад̇аани хонд̇и.
28-36. Idāni rūpādīheva saddhiṃ opammavasena saccikaṭṭhasaṃsandanaṃ hoti. Tattha rūpavedanānaṃ upaladdhisāmaññena aññattapucchā ca puggalarūpānaṃ upaladdhisāmaññapucchā cāti pucchādvayampi sakavādissa, ubhopi paṭiññā paravādissa. Paravādinā anuññātena upaladdhisāmaññena rūpavedanānaṃ viya rūpapuggalānaṃ aññattānuyogo sakavādissa, paṭikkhepo itarassa. Sesamidhāpi atthato pākaṭameva. Dhammato panettha rūpamūlakādīnaṃ cakkānañca vasena sakavādīpakkhe vīsādhikāni nava niggahapañcakasatāni dassitāni. Kathaṃ? Khandhesu tāva rūpamūlake cakke cattāri, tathā vedanādimūlakesūti vīsati. Āyatanesu cakkhāyatanamūlake cakke ekādasa, tathā sesesūti dvattiṃsasataṃ. Dhātūsu cakkhudhātumūlake cakke sattarasa, tathā sesesūti chādhikāni tīṇi satāni. Indriyesu cakkhundriyamūlake cakke ekavīsati, tathā sesesūti dvāsaṭṭhādhikāni cattāri satāni. Evaṃ sabbānipi vīsādhikāni nava niggahapañcakasatāni honti.
37-45. бараваад̣̇ийбагкзби руубам̣ убалаб̣бхад̇ийд̇и ануломавасзнзва руубавзд̣̇анаад̣̇ийнам̣ ан̃н̃ад̇д̇абадин̃н̃ам̣ гаарзд̇ваа буна ад̇т̇и буг̇г̇алод̇и суд̇д̇ам̣ ниссааяа чалавасзна буг̇г̇аласса руубаад̣̇ийхи убалад̣̇д̇хисааман̃н̃ам̣ ааробзд̇ваа ан̃н̃ад̇д̇аануяог̇о гад̇о. сзсамид̇хааби ад̇т̇ад̇о уд̇д̇аанамзва. д̇хаммад̇оби сагаваад̣̇ийбагкз вуд̇д̇анаязна вийсаад̇хигаани нава бадигаммабан̃жагасад̇аани д̣̇ассид̇аани.
37-45. Paravādīpakkhepi rūpaṃ upalabbhatīti anulomavaseneva rūpavedanādīnaṃ aññattapaṭiññaṃ kāretvā puna atthi puggaloti suttaṃ nissāya chalavasena puggalassa rūpādīhi upaladdhisāmaññaṃ āropetvā aññattānuyogo kato. Sesamidhāpi atthato uttānameva. Dhammatopi sakavādīpakkhe vuttanayena vīsādhikāni nava paṭikammapañcakasatāni dassitāni.
руубаад̣̇ийхи сад̣̇д̇хим̣ обаммавасзна сажжигадтасам̣санд̣̇анам̣.
Rūpādīhi saddhiṃ opammavasena saccikaṭṭhasaṃsandanaṃ.
7. жад̇угганаяасам̣санд̣̇анаван̣н̣анаа
7. Catukkanayasaṃsandanavaṇṇanā
46-52. ид̣̇аани яам̣ сажжигадтабарамад̇т̇зна убалаб̣бхад̇и, д̇зна яасмаа руубаад̣̇ийсу сад̇д̇абан̃н̃аасааяа сажжигадтабарамад̇т̇зсу ан̃н̃ад̇арзна бхавид̇аб̣б̣ам̣; руубаад̣̇иниссид̇зна ваа, ан̃н̃ад̇ра ваа руубаад̣̇ийхи, руубаад̣̇ийнам̣ ваа ниссаязна, д̇асмаа иминаа жад̇угганаязна сажжигадтасам̣санд̣̇анам̣ аарад̣̇д̇хам̣. д̇ад̇т̇а руубам̣ буг̇г̇алод̇и ануяог̇о сагаваад̣̇исса, ужчзд̣̇ад̣̇идтибхаязна на хзваад̇и бадигкзбо бараваад̣̇исса, ниг̇г̇ахааробанам̣ сагаваад̣̇исса. гим̣ банзд̇ам̣ яуд̇д̇ам̣, нану руубам̣ взд̣̇анаад̇и вуд̇д̇амби бадигкибид̇аб̣б̣амзваад̇и? аама бадигкибид̇аб̣б̣ам̣. д̇ам̣ бана руубад̇о взд̣̇анааяа ан̃н̃асабхаавасаб̣бхаавад̇о, на ан̃н̃ад̇д̇аабхаавад̇о. аяан̃жа руубаад̣̇ийсу згад̇хаммад̇оби буг̇г̇аласса ан̃н̃ад̇д̇ам̣ на ижчад̇и, д̇асмаа яуд̇д̇ам̣. аяан̃жа ануяог̇о руубам̣ буг̇г̇ало…бз… ан̃н̃аад̇аавинд̣̇рияам̣ буг̇г̇алод̇и сагалам̣ барамад̇т̇асажжам̣ санд̇хааяа аарад̣̇д̇хо. сагалам̣ бана бажжад̇д̇алагкан̣авасзна згад̇о вад̇д̇ум̣ на саггаад̇и д̇анд̇ивасзна ануяог̇алагкан̣амад̇д̇амзд̇ам̣ табид̇ам̣. д̇зна вин̃н̃уу ад̇т̇ам̣ вибхаавзнд̇и. ваад̣̇агаамзна бана имам̣ лагкан̣ам̣ г̇ахзд̇ваа яат̇аа яат̇аа бараваад̣̇исса огаасо на ход̇и, д̇ат̇аа д̇ат̇аа вад̇д̇аб̣б̣ам̣. ид̇и д̇анд̇ивасзна ануяог̇алагкан̣асса табид̇ад̇д̇ааби яуд̇д̇амзва. иминаа наязна саб̣б̣аануяог̇зсу ад̇т̇о взд̣̇ид̇аб̣б̣о.
46-52. Idāni yaṃ saccikaṭṭhaparamatthena upalabbhati, tena yasmā rūpādīsu sattapaññāsāya saccikaṭṭhaparamatthesu aññatarena bhavitabbaṃ; rūpādinissitena vā, aññatra vā rūpādīhi, rūpādīnaṃ vā nissayena, tasmā iminā catukkanayena saccikaṭṭhasaṃsandanaṃ āraddhaṃ. Tattha rūpaṃ puggaloti anuyogo sakavādissa, ucchedadiṭṭhibhayena na hevāti paṭikkhepo paravādissa, niggahāropanaṃ sakavādissa. Kiṃ panetaṃ yuttaṃ, nanu rūpaṃ vedanāti vuttampi paṭikkhipitabbamevāti? Āma paṭikkhipitabbaṃ. Taṃ pana rūpato vedanāya aññasabhāvasabbhāvato, na aññattābhāvato. Ayañca rūpādīsu ekadhammatopi puggalassa aññattaṃ na icchati, tasmā yuttaṃ. Ayañca anuyogo rūpaṃ puggalo…pe… aññātāvindriyaṃ puggaloti sakalaṃ paramatthasaccaṃ sandhāya āraddho. Sakalaṃ pana paccattalakkhaṇavasena ekato vattuṃ na sakkāti tantivasena anuyogalakkhaṇamattametaṃ ṭhapitaṃ. Tena viññū atthaṃ vibhāventi. Vādakāmena pana imaṃ lakkhaṇaṃ gahetvā yathā yathā paravādissa okāso na hoti, tathā tathā vattabbaṃ. Iti tantivasena anuyogalakkhaṇassa ṭhapitattāpi yuttameva. Iminā nayena sabbānuyogesu attho veditabbo.
аяам̣ бана висзсо – руубасмим̣ буг̇г̇алод̇иаад̣̇ийсу яат̇аа згам̣ махаабхууд̇ам̣ ниссааяа д̇аяо махаабхууд̇аа, вад̇т̇уруубам̣ ниссааяа вин̃н̃аан̣ам̣ руубасминд̇и вад̇д̇ум̣ ваддад̇и, гим̣ д̇з звам̣ руубасмим̣ буг̇г̇ало? яат̇аа жа сабхааг̇авиниб̣бхог̇ад̇о взд̣̇анаад̣̇аяо саб̣б̣ад̇хаммаа, аруубаа ваа бана жад̇д̇ааро канд̇хаа, ниб̣б̣аанамзва ваа ‘‘ан̃н̃ад̇ра руубаа’’д̇и вад̇д̇ум̣ ваддад̇и, гим̣ д̇з звам̣ буг̇г̇ало? яат̇аа жа жид̇д̇асамудтаанаанам̣ руубаанам̣ ниссаяавасзна ‘‘взд̣̇анааяа руубам̣…бз… вин̃н̃аан̣асмим̣ рууба’’нд̇и вад̇д̇ум̣ ваддад̇и, гим̣ д̇з звам̣ буг̇г̇алод̇и? саб̣б̣аануяог̇зсу бана ужчзд̣̇ад̣̇идтибхаязна жзва самаяавирод̇хзна жа бадигкзбо бараваад̣̇исса. сзсамзд̇т̇а ад̇т̇ад̇о баагадамзва. д̇хаммад̇о банзд̇т̇а сад̇д̇абан̃н̃аасааяа сажжигадтзсу згзгасмим̣ жад̇д̇аари жад̇д̇аари гад̇ваа ниг̇г̇ахавасзна адтавийсаад̇хигаани д̣̇вз бан̃жагасад̇аани д̣̇ассид̇аани. бараваад̣̇ийбагкзби бадигаммавасзна д̇ад̇д̇агаанзва. яаа банзд̇т̇а ад̇т̇и буг̇г̇алод̇и вуд̇д̇з сагаваад̣̇исса бадин̃н̃аа, саа суд̇д̇з ааг̇ад̇зна саммуд̇ивасзна. яо руубам̣ буг̇г̇алод̇иаад̣̇ийсу бадигкзбо, со саггааяад̣̇идтибан̃хасса табанийяад̇д̇аа. бараваад̣̇исса бадигаммам̣ чалавасзнзваад̇и.
Ayaṃ pana viseso – rūpasmiṃ puggalotiādīsu yathā ekaṃ mahābhūtaṃ nissāya tayo mahābhūtā, vatthurūpaṃ nissāya viññāṇaṃ rūpasminti vattuṃ vaṭṭati, kiṃ te evaṃ rūpasmiṃ puggalo? Yathā ca sabhāgavinibbhogato vedanādayo sabbadhammā, arūpā vā pana cattāro khandhā, nibbānameva vā ‘‘aññatra rūpā’’ti vattuṃ vaṭṭati, kiṃ te evaṃ puggalo? Yathā ca cittasamuṭṭhānānaṃ rūpānaṃ nissayavasena ‘‘vedanāya rūpaṃ…pe… viññāṇasmiṃ rūpa’’nti vattuṃ vaṭṭati, kiṃ te evaṃ puggaloti? Sabbānuyogesu pana ucchedadiṭṭhibhayena ceva samayavirodhena ca paṭikkhepo paravādissa. Sesamettha atthato pākaṭameva. Dhammato panettha sattapaññāsāya saccikaṭṭhesu ekekasmiṃ cattāri cattāri katvā niggahavasena aṭṭhavīsādhikāni dve pañcakasatāni dassitāni. Paravādīpakkhepi paṭikammavasena tattakāneva. Yā panettha atthi puggaloti vutte sakavādissa paṭiññā, sā sutte āgatena sammutivasena. Yo rūpaṃ puggalotiādīsu paṭikkhepo, so sakkāyadiṭṭhipañhassa ṭhapanīyattā. Paravādissa paṭikammaṃ chalavasenevāti.
жад̇угганаяасам̣санд̣̇анам̣.
Catukkanayasaṃsandanaṃ.
нидтид̇аа жа сам̣санд̣̇анагат̇аа.
Niṭṭhitā ca saṃsandanakathā.
8. лагкан̣аяуд̇д̇иван̣н̣анаа
8. Lakkhaṇayuttivaṇṇanā
53. ид̣̇аани лагкан̣аяуд̇д̇и наама ход̇и. д̇ад̇т̇а яасмаа табзд̇ваа ниб̣б̣аанам̣ сзсо сажжигадтабарамад̇т̇о бажжаяабадиб̣ад̣̇д̇хад̇ааяа саббажжаяо, бажжаязхи самааг̇амма гад̇ад̇д̇аа сан̇кад̇о, уббаж̇ж̇ид̇ваа нируж̇жханад̇о сад̣̇аа абхаавад̇о асассад̇о, уббад̇д̇игааран̣асан̇каад̇асса нимид̇д̇асса ад̇т̇ид̇ааяа санимид̇д̇о, ниб̣б̣аанам̣ вуд̇д̇аббагаараабхаавад̇о аббажжаяам̣ асан̇кад̇ам̣ сассад̇ам̣ анимид̇д̇анд̇и ид̣̇ам̣ сажжигадтасса лагкан̣ам̣. д̇асмаа яад̣̇и буг̇г̇алоби сажжигадтабарамад̇т̇ова д̇ассааби иминаа лагкан̣зна бхавид̇аб̣б̣анд̇и санд̇хааяа буг̇г̇ало саббажжаяод̇иаад̣̇аяо адтаби ануяог̇аа сагаваад̣̇исса , бадигкзбо бараваад̣̇исса. ааж̇аанаахи ниг̇г̇аханд̇иаад̣̇и банзд̇т̇а сан̇кид̇д̇ам̣. звамзд̇аани сагаваад̣̇ийбагкз ануломабажжанийгз ануломамад̇д̇авасзна адта бан̃жагаани взд̣̇ид̇аб̣б̣аани.
53. Idāni lakkhaṇayutti nāma hoti. Tattha yasmā ṭhapetvā nibbānaṃ seso saccikaṭṭhaparamattho paccayapaṭibaddhatāya sappaccayo, paccayehi samāgamma katattā saṅkhato, uppajjitvā nirujjhanato sadā abhāvato asassato, uppattikāraṇasaṅkhātassa nimittassa atthitāya sanimitto, nibbānaṃ vuttappakārābhāvato appaccayaṃ asaṅkhataṃ sassataṃ animittanti idaṃ saccikaṭṭhassa lakkhaṇaṃ. Tasmā yadi puggalopi saccikaṭṭhaparamatthova tassāpi iminā lakkhaṇena bhavitabbanti sandhāya puggalo sappaccayotiādayo aṭṭhapi anuyogā sakavādissa , paṭikkhepo paravādissa. Ājānāhi niggahantiādi panettha saṅkhittaṃ. Evametāni sakavādīpakkhe anulomapaccanīke anulomamattavasena aṭṭha pañcakāni veditabbāni.
54. бараваад̣̇ийбагкзби бажжанийгаануломз бажжанийгамад̇д̇авасзна адтзва. д̇ад̇т̇а яасмаа бараваад̣̇инаа суд̇д̇авасзна саммуд̇исажжам̣ саад̇хид̇ам̣, саммуд̇ияаа жа саббажжаяаад̣̇ибхааво над̇т̇и, д̇асмаа яаат̇аавад̇о жа бадигкзбо сагаваад̣̇исса. чалавасзна бана вад̇д̇аб̣б̣ам̣ ‘‘ааж̇аанаахи бадигамма’’нд̇иаад̣̇и саб̣б̣ам̣ ид̇хааби сан̇кид̇д̇амзва.
54. Paravādīpakkhepi paccanīkānulome paccanīkamattavasena aṭṭheva. Tattha yasmā paravādinā suttavasena sammutisaccaṃ sādhitaṃ, sammutiyā ca sappaccayādibhāvo natthi, tasmā yāthāvato ca paṭikkhepo sakavādissa. Chalavasena pana vattabbaṃ ‘‘ājānāhi paṭikamma’’ntiādi sabbaṃ idhāpi saṅkhittameva.
лагкан̣аяуд̇д̇игат̇ааван̣н̣анаа нидтид̇аа.
Lakkhaṇayuttikathāvaṇṇanā niṭṭhitā.
9. важанасод̇ханаван̣н̣анаа
9. Vacanasodhanavaṇṇanā
55-59. ид̣̇аани важанасод̇ханам̣ ход̇и. д̇ад̇т̇а яад̣̇зд̇ам̣ буг̇г̇ало убалаб̣бхад̇ийд̇и важанам̣, д̇ам̣ сод̇хзд̇ум̣ буг̇г̇ало убалаб̣бхад̇и, убалаб̣бхад̇и буг̇г̇алод̇и. бужчаа сагаваад̣̇исса. д̇ассад̇т̇о – яад̣̇зд̇ам̣ буг̇г̇ало убалаб̣бхад̇ийд̇и бад̣̇ад̣̇ваяам̣, д̇ам̣ згад̇т̇ам̣ ваа бхавзяяа наанад̇т̇ам̣ ваа. яад̣̇и д̇аава наанад̇т̇ам̣, яат̇аа ан̃н̃ам̣ руубам̣, ан̃н̃аа взд̣̇анаа, звам̣ ан̃н̃о буг̇г̇ало, ан̃н̃о убалаб̣бхад̇ийд̇и аабаж̇ж̇ад̇и. ат̇згад̇т̇ам̣, яат̇аа яам̣ жид̇д̇ам̣ д̇ам̣ мано, звам̣ свзва буг̇г̇ало, со убалаб̣бхад̇ийд̇и аабаж̇ж̇ад̇и. д̇зна д̇ам̣ вад̣̇аами ‘‘яад̣̇и д̇з яо буг̇г̇ало, со убалаб̣бхад̇и, звам̣ санд̇з яо яо убалаб̣бхад̇и, со со буг̇г̇алод̇и аабаж̇ж̇ад̇и, гим̣ самбадижчаси зд̇а’’нд̇и? д̇ад̇о буг̇г̇алаваад̣̇ий яасмаа буг̇г̇аласса убалаб̣бхад̇ам̣ ижчад̇и, на убалаб̣бхамаанаанамби руубаад̣̇ийнам̣ буг̇г̇алабхаавам̣, д̇асмаа буг̇г̇ало убалаб̣бхад̇и, убалаб̣бхад̇и гз хи жи буг̇г̇ало гз хи жи на буг̇г̇алод̇иаад̣̇имааха. д̇ассад̇т̇о – мама буг̇г̇ало ад̇т̇и буг̇г̇алод̇и сад̇т̇у важанад̇о убалаб̣бхад̇и. яо бана убалаб̣бхад̇и, на со саб̣б̣о буг̇г̇ало, ат̇а ко гз хи жи буг̇г̇ало гз хи жи на буг̇г̇алод̇и. д̇ад̇т̇а го-гаарад̇т̇з гз-гааро, хи-гааро жа нибаад̇амад̇д̇о. гожи буг̇г̇ало, гожи на буг̇г̇алод̇и аяам̣ банзд̇т̇а ад̇т̇о. ид̣̇ам̣ вуд̇д̇ам̣ ход̇и – буг̇г̇алоби хи руубаад̣̇ийсуби яо гожи д̇хаммо убалаб̣бхад̇иязва, д̇ад̇т̇а буг̇г̇алова буг̇г̇ало. руубаад̣̇ийсу бана гожиби на буг̇г̇алод̇и. д̇ад̇о д̇ам̣ сагаваад̣̇ий ааха – буг̇г̇ало гз хи жи убалаб̣бхад̇и гз хи жи на убалаб̣бхад̇ийд̇и. д̇ассад̇т̇о – буг̇г̇ало убалаб̣бхад̇ийд̇и бад̣̇ад̣̇ваяасса ад̇т̇ад̇о згад̇д̇з яад̣̇и убалаб̣бхад̇ийд̇и анун̃н̃аад̇о д̇хаммо буг̇г̇алад̇о анан̃н̃оби гожи буг̇г̇ало гожи на буг̇г̇ало, буг̇г̇алоби д̇з гожи убалаб̣бхад̇и, гожи на убалаб̣бхад̇ийд̇и аабаж̇ж̇ад̇и, гим̣ самбадижчаси зд̇анд̇и? со буг̇г̇аласса анубалад̣̇д̇хим̣ анижчанд̇о на хзванд̇и бадигкибад̇и. ид̇о барам̣ ‘‘ааж̇аанаахи ниг̇г̇аха’’нд̇иаад̣̇и саб̣б̣ам̣ сан̇кид̇д̇ам̣. вид̇т̇аарад̇о бана взд̣̇ид̇аб̣б̣ам̣. буг̇г̇ало сажжигадтод̇иаад̣̇ийсуби зсзва наяо. саб̣б̣аани хзд̇аани убалаб̣бхад̇ивзважанаанзва, абижа яасмаа ‘‘буг̇г̇ало убалаб̣бхад̇исажжигадтабарамад̇т̇знаа’’д̇и аяам̣ буг̇г̇алаваад̣̇ино бадин̃н̃аа, д̇асмаасса яат̇зва буг̇г̇ало убалаб̣бхад̇ийд̇и лад̣̇д̇хи, звамзвам̣ буг̇г̇ало сажжигадтод̇иби аабаж̇ж̇ад̇и. яаа банасса буг̇г̇ало ад̇т̇ийд̇и лад̣̇д̇хи, д̇ассаа виж̇ж̇амаанод̇ивзважанамзва, д̇асмаа саб̣б̣аанибзд̇аани важанаани сод̇хид̇аани.
55-59. Idāni vacanasodhanaṃ hoti. Tattha yadetaṃ puggalo upalabbhatīti vacanaṃ, taṃ sodhetuṃ puggalo upalabbhati, upalabbhati puggaloti. Pucchā sakavādissa. Tassattho – yadetaṃ puggalo upalabbhatīti padadvayaṃ, taṃ ekatthaṃ vā bhaveyya nānatthaṃ vā. Yadi tāva nānatthaṃ, yathā aññaṃ rūpaṃ, aññā vedanā, evaṃ añño puggalo, añño upalabbhatīti āpajjati. Athekatthaṃ, yathā yaṃ cittaṃ taṃ mano, evaṃ sveva puggalo, so upalabbhatīti āpajjati. Tena taṃ vadāmi ‘‘yadi te yo puggalo, so upalabbhati, evaṃ sante yo yo upalabbhati, so so puggaloti āpajjati, kiṃ sampaṭicchasi eta’’nti? Tato puggalavādī yasmā puggalassa upalabbhataṃ icchati, na upalabbhamānānampi rūpādīnaṃ puggalabhāvaṃ, tasmā puggalo upalabbhati, upalabbhati ke hi ci puggalo ke hi ci na puggalotiādimāha. Tassattho – mama puggalo atthi puggaloti satthu vacanato upalabbhati. Yo pana upalabbhati, na so sabbo puggalo, atha kho ke hi ci puggalo ke hi ci na puggaloti. Tattha ko-kāratthe ke-kāro, hi-kāro ca nipātamatto. Koci puggalo, koci na puggaloti ayaṃ panettha attho. Idaṃ vuttaṃ hoti – puggalopi hi rūpādīsupi yo koci dhammo upalabbhatiyeva, tattha puggalova puggalo. Rūpādīsu pana kocipi na puggaloti. Tato taṃ sakavādī āha – puggalo ke hi ci upalabbhati ke hi ci na upalabbhatīti. Tassattho – puggalo upalabbhatīti padadvayassa atthato ekatte yadi upalabbhatīti anuññāto dhammo puggalato anaññopi koci puggalo koci na puggalo, puggalopi te koci upalabbhati, koci na upalabbhatīti āpajjati, kiṃ sampaṭicchasi etanti? So puggalassa anupaladdhiṃ anicchanto na hevanti paṭikkhipati. Ito paraṃ ‘‘ājānāhi niggaha’’ntiādi sabbaṃ saṅkhittaṃ. Vitthārato pana veditabbaṃ. Puggalo saccikaṭṭhotiādīsupi eseva nayo. Sabbāni hetāni upalabbhativevacanāneva, apica yasmā ‘‘puggalo upalabbhatisaccikaṭṭhaparamatthenā’’ti ayaṃ puggalavādino paṭiññā, tasmāssa yatheva puggalo upalabbhatīti laddhi, evamevaṃ puggalo saccikaṭṭhotipi āpajjati. Yā panassa puggalo atthīti laddhi, tassā vijjamānotivevacanameva, tasmā sabbānipetāni vacanāni sodhitāni.
60. д̇ад̇т̇а яам̣ авасаанз ‘‘буг̇г̇ало ад̇т̇и, ад̇т̇и на саб̣б̣о буг̇г̇ало’’д̇иаад̣̇и вуд̇д̇ам̣, д̇ад̇рааяамад̇хиббааяо – яан̃хзд̇ам̣ бараваад̣̇инаа ‘‘буг̇г̇ало ад̇т̇и, ад̇т̇и гзхижи буг̇г̇ало, гзхижи на буг̇г̇ало’’д̇и вуд̇д̇ам̣, д̇ам̣ яасмаа ад̇т̇ад̇о буг̇г̇ало ад̇т̇и, ад̇т̇и на саб̣б̣о буг̇г̇алод̇и зд̇д̇агам̣ ход̇и, д̇асмаа нам̣ сагаваад̣̇ий самбадижчаабзд̇ваа ид̣̇аани нам̣ звам̣ ануяун̃ж̇ад̇и. д̇аяаа хи ‘‘ад̇т̇и буг̇г̇ало ад̇д̇ахид̇ааяа бадибанно’’д̇и важанамад̇д̇ам̣ ниссааяа ‘‘буг̇г̇ало ад̇т̇ий’’д̇и лад̣̇д̇хи г̇ахид̇аа, яат̇аа жа бхаг̇авад̇аа зд̇ам̣ вуд̇д̇ам̣, д̇ат̇аа ‘‘сун̃н̃ад̇о логам̣ авзгкассу, могхарааж̇аа, сад̣̇аа сад̇о’’д̇иаад̣̇инаа (су. ни. 1125) наязна ‘‘над̇т̇ий’’д̇иби вуд̇д̇ам̣, д̇асмаа яат̇зва д̇з ‘‘буг̇г̇ало ад̇т̇и, ад̇т̇и на саб̣б̣о буг̇г̇ало’’д̇и лад̣̇д̇хи, д̇ат̇аа буг̇г̇ало над̇т̇и, над̇т̇и на саб̣б̣о буг̇г̇алод̇иби аабаж̇ж̇ад̇и, гим̣ зд̇ам̣ самбадижчасийд̇и? ат̇а нам̣ асамбадижчанд̇о на хзваад̇и бадигкибад̇и. сзсамзд̇т̇а ниг̇г̇ахаад̣̇ивид̇хаанам̣ вуд̇д̇анаязнзва взд̣̇ид̇аб̣б̣анд̇и.
60. Tattha yaṃ avasāne ‘‘puggalo atthi, atthi na sabbo puggalo’’tiādi vuttaṃ, tatrāyamadhippāyo – yañhetaṃ paravādinā ‘‘puggalo atthi, atthi kehici puggalo, kehici na puggalo’’ti vuttaṃ, taṃ yasmā atthato puggalo atthi, atthi na sabbo puggaloti ettakaṃ hoti, tasmā naṃ sakavādī sampaṭicchāpetvā idāni naṃ evaṃ anuyuñjati. Tayā hi ‘‘atthi puggalo attahitāya paṭipanno’’ti vacanamattaṃ nissāya ‘‘puggalo atthī’’ti laddhi gahitā, yathā ca bhagavatā etaṃ vuttaṃ, tathā ‘‘suññato lokaṃ avekkhassu, mogharājā, sadā sato’’tiādinā (su. ni. 1125) nayena ‘‘natthī’’tipi vuttaṃ, tasmā yatheva te ‘‘puggalo atthi, atthi na sabbo puggalo’’ti laddhi, tathā puggalo natthi, natthi na sabbo puggalotipi āpajjati, kiṃ etaṃ sampaṭicchasīti? Atha naṃ asampaṭicchanto na hevāti paṭikkhipati. Sesamettha niggahādividhānaṃ vuttanayeneva veditabbanti.
важанасод̇ханаван̣н̣анаа нидтид̇аа.
Vacanasodhanavaṇṇanā niṭṭhitā.
10. бан̃н̃ад̇д̇аануяог̇аван̣н̣анаа
10. Paññattānuyogavaṇṇanā
61-66. ид̣̇аани бан̃н̃ад̇д̇аануяог̇о наама ход̇и. руубад̇хаад̇уяаа хи буг̇г̇алаваад̣̇ий руубим̣ буг̇г̇алам̣ бан̃н̃абзд̇и, д̇ат̇аа аруубад̇хаад̇уяаа аруубим̣. д̇асса д̇ам̣ лад̣̇д̇хим̣ бхинд̣̇ид̇ум̣ саб̣б̣ааби бужчаа сагаваад̣̇исса, бадин̃н̃аа жа бадигкзбо жа ид̇арасса . со хи руубийд̇и вуд̇д̇з руубагааяасаб̣бхаавад̇о жзва д̇ат̇ааруубааяа жа бан̃н̃ад̇д̇ияаа ад̇т̇ид̇ааяа бадиж̇аанаад̇и. гаамийд̇и вуд̇д̇з вийд̇арааг̇асаб̣бхаавад̇о жзва д̇ат̇ааруубааяа жа бан̃н̃ад̇д̇ияаа над̇т̇ид̇ааяа бадигкибад̇и. аруубийд̇и вуд̇д̇зби аруубагканд̇хасаб̣бхаавад̇о жзва д̇ат̇ааруубааяа жа бан̃н̃ад̇д̇ияаа ад̇т̇ид̇ааяа бадиж̇аанаад̇и. д̣̇вийсуби наязсу сад̇д̇од̇и буг̇г̇аласса взважанавасзна вуд̇д̇ам̣.
61-66. Idāni paññattānuyogo nāma hoti. Rūpadhātuyā hi puggalavādī rūpiṃ puggalaṃ paññapeti, tathā arūpadhātuyā arūpiṃ. Tassa taṃ laddhiṃ bhindituṃ sabbāpi pucchā sakavādissa, paṭiññā ca paṭikkhepo ca itarassa . So hi rūpīti vutte rūpakāyasabbhāvato ceva tathārūpāya ca paññattiyā atthitāya paṭijānāti. Kāmīti vutte vītarāgasabbhāvato ceva tathārūpāya ca paññattiyā natthitāya paṭikkhipati. Arūpīti vuttepi arūpakkhandhasabbhāvato ceva tathārūpāya ca paññattiyā atthitāya paṭijānāti. Dvīsupi nayesu sattoti puggalassa vevacanavasena vuttaṃ.
67. ид̣̇аани яасмаа со ‘‘гааяз гааяаанубассий’’д̇и ааг̇ад̇адтаанз ан̃н̃о гааяо ан̃н̃о буг̇г̇алод̇и ижчад̇и, д̇асмаа д̇ам̣ лад̣̇д̇хим̣ бхинд̣̇ид̇ум̣ гааяод̇и ваа сарийранд̇и ваад̇иаад̣̇и сагаваад̣̇ийбужчаа ход̇и. д̇ад̇т̇а гааяам̣ аббияам̣ гарид̇ваад̇и гааяам̣ аббзд̇аб̣б̣ам̣ аллийяаабзд̇аб̣б̣ам̣ згийбхаавам̣ убанзд̇аб̣б̣ам̣ авибхаж̇ид̇аб̣б̣ам̣ гад̇ваа бужчаамийд̇и ад̇т̇о. зсзсзд̇и зсо соязва. зсз зсзд̇иби баато. зсо зсоязваад̇и ад̇т̇о. згадтзд̇и згадто. самз самабхааг̇з д̇аж̇ж̇аад̇зд̇и само самабхааг̇о д̇аж̇ж̇аад̇иго. важанамад̇д̇зязвзд̇т̇а бхзд̣̇о. ад̇т̇ад̇о бана гааяова зсод̇и бужчад̇и. бараваад̣̇ий наанад̇д̇ам̣ абассанд̇о ааманд̇аад̇и бадиж̇аанаад̇и. буг̇г̇алод̇и ваа ж̇ийвод̇и ваад̇и бужчааяаби зсзва наяо. ан̃н̃о гааяод̇и будто бана гааяаанубассанааяа звам̣лад̣̇д̇хигад̇д̇аа бадиж̇аанаад̇и. ан̃н̃ам̣ ж̇ийванд̇и будто бана аахажжа бхаасид̇ам̣ суд̇д̇ам̣ бадигкибид̇ум̣ асаггонд̇о аваж̇аанаад̇и. д̇ад̇о барам̣ ‘‘ааж̇аанаахи ниг̇г̇аха’’нд̇иаад̣̇и уд̇д̇аанад̇т̇амзва.
67. Idāni yasmā so ‘‘kāye kāyānupassī’’ti āgataṭṭhāne añño kāyo añño puggaloti icchati, tasmā taṃ laddhiṃ bhindituṃ kāyoti vā sarīranti vātiādi sakavādīpucchā hoti. Tattha kāyaṃ appiyaṃ karitvāti kāyaṃ appetabbaṃ allīyāpetabbaṃ ekībhāvaṃ upanetabbaṃ avibhajitabbaṃ katvā pucchāmīti attho. Eseseti eso soyeva. Ese esetipi pāṭho. Eso esoyevāti attho. Ekaṭṭheti ekaṭṭho. Same samabhāge tajjāteti samo samabhāgo tajjātiko. Vacanamatteyevettha bhedo. Atthato pana kāyova esoti pucchati. Paravādī nānattaṃ apassanto āmantāti paṭijānāti. Puggaloti vā jīvoti vāti pucchāyapi eseva nayo. Añño kāyoti puṭṭho pana kāyānupassanāya evaṃladdhikattā paṭijānāti. Aññaṃ jīvanti puṭṭho pana āhacca bhāsitaṃ suttaṃ paṭikkhipituṃ asakkonto avajānāti. Tato paraṃ ‘‘ājānāhi niggaha’’ntiādi uttānatthameva.
68. бараваад̣̇ийбагкз бана ан̃н̃о гааяо ан̃н̃о буг̇г̇алод̇и будто сагаваад̣̇ий табанийяабан̃хад̇д̇аа бадигкибад̇и, бараваад̣̇ий чалавасзна бадигаммам̣ гарод̇и. д̇амби уд̇д̇аанад̇т̇амзваад̇и.
68. Paravādīpakkhe pana añño kāyo añño puggaloti puṭṭho sakavādī ṭhapanīyapañhattā paṭikkhipati, paravādī chalavasena paṭikammaṃ karoti. Tampi uttānatthamevāti.
бан̃н̃ад̇д̇аануяог̇аван̣н̣анаа нидтид̇аа.
Paññattānuyogavaṇṇanā niṭṭhitā.
11. г̇ад̇иануяог̇аван̣н̣анаа
11. Gatianuyogavaṇṇanā
69-72. ид̣̇аани г̇ад̇ибаривад̇д̇анамукзна жуд̇ибадисанд̇хиануяог̇о ход̇и. д̇ад̇т̇а яасмаа буг̇г̇алаваад̣̇ий ‘‘са сад̇д̇агкад̇д̇убарамам̣ санд̇хаавид̇ваана буг̇г̇ало’’д̇иаад̣̇ийни (сам̣. ни. 2.133; ид̇иву. 24) суд̇д̇аани ниссааяа буг̇г̇ало санд̇хаавад̇ийд̇и лад̣̇д̇хим̣ г̇ахзд̇ваа вохарад̇и , д̇асмаасса д̇ам̣ лад̣̇д̇хим̣ бхинд̣̇ид̇ум̣ санд̇хаавад̇ийд̇и бужчаа сагаваад̣̇исса. д̇ад̇т̇а санд̇хаавад̇ийд̇и сам̣сарад̇и г̇аманааг̇аманам̣ гарод̇и. ад̇д̇ано лад̣̇д̇хивасзна бадин̃н̃аа бараваад̣̇исса. со буг̇г̇алод̇иаад̣̇аяо ануяог̇оби сагаваад̣̇исса, бадигкзбо ид̇арасса. д̇ад̇т̇а сод̇и соязваад̇и ад̇т̇о. звам̣ бана ануяуд̇д̇о сассад̇ад̣̇идтибхаязна бадигкибад̇и. ан̃н̃од̇и будто ужчзд̣̇ад̣̇идтибхаязна. со жа ан̃н̃о жаад̇и будто згажжасассад̇ад̣̇идтибхаязна. нзва со на ан̃н̃од̇и будто амараавигкзбад̣̇идтибхаязна. буна жад̇д̇аароби бан̃хз згад̇о будто жад̇уннамби д̣̇идтийнам̣ бхаязна бадигкибид̇ваа буна яаанисса суд̇д̇аани ниссааяа лад̣̇д̇хи уббаннаа д̇аани д̣̇ассзнд̇о д̇зна хи буг̇г̇ало санд̇хаавад̇ийд̇иаад̣̇имааха.
69-72. Idāni gatiparivattanamukhena cutipaṭisandhianuyogo hoti. Tattha yasmā puggalavādī ‘‘sa sattakkhattuparamaṃ sandhāvitvāna puggalo’’tiādīni (saṃ. ni. 2.133; itivu. 24) suttāni nissāya puggalo sandhāvatīti laddhiṃ gahetvā voharati , tasmāssa taṃ laddhiṃ bhindituṃ sandhāvatīti pucchā sakavādissa. Tattha sandhāvatīti saṃsarati gamanāgamanaṃ karoti. Attano laddhivasena paṭiññā paravādissa. So puggalotiādayo anuyogopi sakavādissa, paṭikkhepo itarassa. Tattha soti soyevāti attho. Evaṃ pana anuyutto sassatadiṭṭhibhayena paṭikkhipati. Aññoti puṭṭho ucchedadiṭṭhibhayena. So ca añño cāti puṭṭho ekaccasassatadiṭṭhibhayena. Neva so na aññoti puṭṭho amarāvikkhepadiṭṭhibhayena. Puna cattāropi pañhe ekato puṭṭho catunnampi diṭṭhīnaṃ bhayena paṭikkhipitvā puna yānissa suttāni nissāya laddhi uppannā tāni dassento tena hi puggalosandhāvatītiādimāha.
76. буна сагаваад̣̇инаа ‘‘явааяам̣ д̇ава лад̣̇д̇хияаа санд̇хаавад̇и, гим̣ со асмин̃жа барасмин̃жа логз згоязваа’’д̇и ад̇хиббааязна свзваад̇и нияамзд̇ваа будто сассад̇абхаяаа бадигкибид̇ваа буна д̣̇ал̣хам̣ гад̇ваа д̇ат̇зва будто яасмаа со буг̇г̇алова на ан̃н̃о бхааво, ‘‘со д̇ад̇о жуд̇о ид̇хуубабанно’’д̇иаад̣̇исуд̇д̇амби (баараа. 12; д̣̇ий. ни. 1.245) ад̇т̇и, д̇асмаа бадиж̇аанаад̇и. свзва мануссод̇и будто мануссассзва д̣̇звад̇д̇аабхаавад̇о бадигкибад̇и.
76. Puna sakavādinā ‘‘yvāyaṃ tava laddhiyā sandhāvati, kiṃ so asmiñca parasmiñca loke ekoyevā’’ti adhippāyena svevāti niyametvā puṭṭho sassatabhayā paṭikkhipitvā puna daḷhaṃ katvā tatheva puṭṭho yasmā so puggalova na añño bhāvo, ‘‘so tato cuto idhūpapanno’’tiādisuttampi (pārā. 12; dī. ni. 1.245) atthi, tasmā paṭijānāti. Sveva manussoti puṭṭho manussasseva devattābhāvato paṭikkhipati.
77. буна будто ‘‘ахам̣ д̇зна самаязна сунзд̇д̇о наама сад̇т̇аа ахоси’’нд̇иаад̣̇исуд̇д̇авасзна (а. ни. 7.66 ад̇т̇ад̇о самаанам̣) бадиж̇аанаад̇и. ат̇асса сагаваад̣̇ий д̣̇звамануссубабад̇д̇ийнам̣ наанад̇д̇ад̇о важанам̣ мижчаад̇и багаасзнд̇о мануссо худ̇ваад̇иаад̣̇имааха.
77. Puna puṭṭho ‘‘ahaṃ tena samayena sunetto nāma satthā ahosi’’ntiādisuttavasena (a. ni. 7.66 atthato samānaṃ) paṭijānāti. Athassa sakavādī devamanussupapattīnaṃ nānattato vacanaṃ micchāti pakāsento manusso hutvātiādimāha.
78. д̇ад̇т̇а хзвам̣ маран̣ам̣ на хзхид̇ийд̇и звам̣ санд̇з маран̣ам̣ на бхависсад̇ийд̇и ад̇т̇о. ид̇о барам̣ яагко бзд̇од̇и ад̇д̇абхааванаанад̇д̇авасзна ануяог̇анаанад̇д̇ам̣ взд̣̇ид̇аб̣б̣ам̣.
78. Tattha hevaṃ maraṇaṃ na hehitīti evaṃ sante maraṇaṃ na bhavissatīti attho. Ito paraṃ yakkho petoti attabhāvanānattavasena anuyoganānattaṃ veditabbaṃ.
82. кад̇д̇ияод̇иаад̣̇ийни ж̇аад̇ивасзна жзва ан̇г̇авзгаллаад̣̇ивасзна жа вуд̇д̇аани.
82. Khattiyotiādīni jātivasena ceva aṅgavekallādivasena ca vuttāni.
87. буна на вад̇д̇аб̣б̣анд̇и бараваад̣̇инаа будто ид̇хадтагасса убабад̇д̇ивасзна баралогасса г̇аманаабхаавад̇о бадин̃н̃аа сагаваад̣̇исса буна сод̇аабаннасса бхаванд̇арзби сод̇аабаннабхааваавиж̇аханад̇о д̣̇уд̇ияабадин̃н̃ааби д̇ассзва. хан̃жийд̇иаад̣̇иважанам̣ бараваад̣̇исса.
87. Puna na vattabbanti paravādinā puṭṭho idhaṭṭhakassa upapattivasena paralokassa gamanābhāvato paṭiññā sakavādissa puna sotāpannassa bhavantarepi sotāpannabhāvāvijahanato dutiyapaṭiññāpi tasseva. Hañcītiādivacanaṃ paravādissa.
88. буна д̣̇звалогз убабаннасса мануссад̇д̇аабхаавад̣̇ассанзна ануяог̇о сагаваад̣̇исса.
88. Puna devaloke upapannassa manussattābhāvadassanena anuyogo sakavādissa.
89. д̇ад̇о барам̣ анан̃н̃о авиг̇ад̇од̇и зд̇т̇а анан̃н̃од̇и саб̣б̣аагаарзна згасад̣̇исо. авиг̇ад̇од̇и згзнааби аагаарзна авиг̇ад̇од̇и ад̇т̇о. на хзванд̇и д̣̇звалогз убабаннасса мануссабхааваабхаавад̇о звамааха.
89. Tato paraṃ anañño avigatoti ettha anaññoti sabbākārena ekasadiso. Avigatoti ekenāpi ākārena avigatoti attho. Na hevanti devaloke upapannassa manussabhāvābhāvato evamāha.
90. буна д̣̇ал̣хам̣ гад̇ваа ануяуд̇д̇о ‘‘свзва буг̇г̇ало санд̇хаавад̇ий’’д̇и лад̣̇д̇хияаа ануж̇аанаад̇и. хад̇т̇ажчиннод̇иаад̣̇и аагааравиг̇аманад̣̇ассанзна авиг̇ад̇о санд̇хаавад̇ийд̇и лад̣̇д̇хибхинд̣̇анад̇т̇ам̣ вуд̇д̇ам̣. д̇ад̇т̇а ал̣ажчиннод̇и яасса ан̇г̇удтагаа чиннаа. ган̣д̣аражчиннод̇и яасса махаанхааруу чиннаа.
90. Puna daḷhaṃ katvā anuyutto ‘‘sveva puggalo sandhāvatī’’ti laddhiyā anujānāti. Hatthacchinnotiādi ākāravigamanadassanena avigato sandhāvatīti laddhibhindanatthaṃ vuttaṃ. Tattha aḷacchinnoti yassa aṅguṭṭhakā chinnā. Kaṇḍaracchinnoti yassa mahānhārū chinnā.
91. саруубод̇иаад̣̇ийсу батамз бан̃хз иминаа руубагааязна сад̣̇д̇хим̣ аг̇аманам̣ санд̇хааяа бадигкибад̇и. д̣̇уд̇ияз анд̇араабхавабуг̇г̇алам̣ санд̇хааяа бадиж̇аанаад̇и. со хи д̇асса лад̣̇д̇хияаа саруубова г̇анд̇ваа маад̇угужчим̣ бависад̇и. ат̇асса д̇ам̣ руубам̣ бхиж̇ж̇ад̇и. д̇ам̣ ж̇ийванд̇и язна руубасан̇каад̇зна сарийрзна сад̣̇д̇хим̣ г̇ажчад̇и, гимасса д̇ад̣̇зва ж̇ийвам̣ д̇ам̣ сарийранд̇и бужчад̇и. бараваад̣̇ий ид̇ха сарийранигкзбаа суд̇д̇авирод̇хаа жа бадигкибад̇и.
91. Sarūpotiādīsu paṭhame pañhe iminā rūpakāyena saddhiṃ agamanaṃ sandhāya paṭikkhipati. Dutiye antarābhavapuggalaṃ sandhāya paṭijānāti. So hi tassa laddhiyā sarūpova gantvā mātukucchiṃ pavisati. Athassa taṃ rūpaṃ bhijjati. Taṃ jīvanti yena rūpasaṅkhātena sarīrena saddhiṃ gacchati, kimassa tadeva jīvaṃ taṃ sarīranti pucchati. Paravādī idha sarīranikkhepā suttavirodhā ca paṭikkhipati.
савзд̣̇анод̇иаад̣̇ийсу асан̃н̃уубабад̇д̇им̣ санд̇хааяа бадигкибад̇и, д̇ад̣̇ан̃н̃ам̣ убабад̇д̇им̣ санд̇хааяа бадиж̇аанаад̇и. д̇ам̣ ж̇ийванд̇и язна взд̣̇анаад̣̇исан̇каад̇зна сарийрзна сад̣̇д̇хим̣ г̇ажчад̇и. гимасса д̇ад̣̇зва ж̇ийвам̣ д̇ам̣ сарийранд̇и бужчад̇и. д̇ам̣ ж̇ийвам̣ д̇ам̣ сарийрам̣, ан̃н̃ам̣ ж̇ийвам̣ ан̃н̃ам̣ сарийранд̇и зд̇иссаа хи лад̣̇д̇хияаа бан̃жаби канд̇хаа сарийранд̇и ад̇хиббзд̇аа. бараваад̣̇ий суд̇д̇авирод̇хаа бадигкибад̇и.
Savedanotiādīsu asaññūpapattiṃ sandhāya paṭikkhipati, tadaññaṃ upapattiṃ sandhāya paṭijānāti. Taṃ jīvanti yena vedanādisaṅkhātena sarīrena saddhiṃ gacchati. Kimassa tadeva jīvaṃ taṃ sarīranti pucchati. Taṃ jīvaṃ taṃ sarīraṃ, aññaṃ jīvaṃ aññaṃ sarīranti etissā hi laddhiyā pañcapi khandhā sarīranti adhippetā. Paravādī suttavirodhā paṭikkhipati.
92. аруубод̇иаад̣̇ийсу батамз бан̃хз анд̇араабхавам̣ санд̇хааяа бадигкибад̇и. д̣̇уд̇ияз аруубаа руубам̣ убабаж̇ж̇амаанам̣ санд̇хааяа бадиж̇аанаад̇и. ан̃н̃ам̣, ж̇ийванд̇и яам̣ руубасан̇каад̇ам̣ сарийрам̣ бахааяа аруубо санд̇хаавад̇и, гим̣ д̇з д̇ам̣ сарийрам̣ ан̃н̃ам̣, ан̃н̃ам̣ ж̇ийванд̇и бужчад̇и. ид̇аро суд̇д̇авирод̇хаа бадигкибад̇и.
92. Arūpotiādīsu paṭhame pañhe antarābhavaṃ sandhāya paṭikkhipati. Dutiye arūpā rūpaṃ upapajjamānaṃ sandhāya paṭijānāti. Aññaṃ, jīvanti yaṃ rūpasaṅkhātaṃ sarīraṃ pahāya arūpo sandhāvati, kiṃ te taṃ sarīraṃ aññaṃ, aññaṃ jīvanti pucchati. Itaro suttavirodhā paṭikkhipati.
авзд̣̇анод̇иаад̣̇ийсу сан̃н̃ийбхавам̣ санд̇хааяа бадигкибад̇и, д̇ад̣̇ан̃н̃ам̣ убабад̇д̇им̣ санд̇хааяа бадиж̇аанаад̇и. ан̃н̃ам̣ ж̇ийванд̇и яам̣ взд̣̇анаад̣̇исан̇каад̇ам̣ сарийрам̣ бахааяа авзд̣̇ано авин̃н̃аан̣о санд̇хаавад̇и, гим̣ д̇з д̇ам̣ ан̃н̃ам̣ сарийрам̣, ан̃н̃ам̣ ж̇ийванд̇и бужчад̇и. ид̇аро суд̇д̇авирод̇хаа бадигкибад̇и.
Avedanotiādīsu saññībhavaṃ sandhāya paṭikkhipati, tadaññaṃ upapattiṃ sandhāya paṭijānāti. Aññaṃ jīvanti yaṃ vedanādisaṅkhātaṃ sarīraṃ pahāya avedano aviññāṇo sandhāvati, kiṃ te taṃ aññaṃ sarīraṃ, aññaṃ jīvanti pucchati. Itaro suttavirodhā paṭikkhipati.
93. руубам̣ санд̇хаавад̇ийд̇иаад̣̇ийсу яз руубаад̣̇аяо канд̇хз убаад̣̇ааяа буг̇г̇алам̣ бан̃н̃абзд̇и, гим̣ д̇з д̇асмим̣ буг̇г̇алз санд̇хааванд̇з д̇амби руубам̣ санд̇хаавад̇ийд̇и бужчад̇и. бараваад̣̇ий ‘‘авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇а’’нд̇и сад̇д̇ассзва санд̇хааванаважанад̇о бадигкибад̇и. буна будто яасмаа руубаад̣̇ид̇хаммз винаа буг̇г̇ало над̇т̇и, д̇асмаа д̇асмим̣ санд̇хааванд̇з д̇знаби руубзна санд̇хаавид̇аб̣б̣анд̇и сан̃н̃ааяа бадиж̇аанаад̇и. взд̣̇анаад̣̇ийсуби зсзва наяо.
93. Rūpaṃ sandhāvatītiādīsu ye rūpādayo khandhe upādāya puggalaṃ paññapeti, kiṃ te tasmiṃ puggale sandhāvante tampi rūpaṃ sandhāvatīti pucchati. Paravādī ‘‘avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarata’’nti sattasseva sandhāvanavacanato paṭikkhipati. Puna puṭṭho yasmā rūpādidhamme vinā puggalo natthi, tasmā tasmiṃ sandhāvante tenapi rūpena sandhāvitabbanti saññāya paṭijānāti. Vedanādīsupi eseva nayo.
94. руубам̣ на санд̇хаавад̇ийд̇иаад̣̇ийсу яасмаа д̇з руубам̣ буг̇г̇ало на ход̇и, свзва жа санд̇хаавад̇ийд̇и вад̣̇зси, д̇асмаа д̇ам̣ бужчаами, гим̣ д̇з руубам̣ на санд̇хаавад̇ийд̇и ад̇т̇о. ид̇аро буг̇г̇алз санд̇хааванд̇з на саггаа д̇асса убаад̣̇аанабхууд̇зна руубзна санд̇хаавид̇унд̇и сан̃н̃ааяа бадигкибад̇и. буна будто сад̇д̇аанан̃н̃зва санд̇хааванаважанад̇о бадиж̇аанаад̇и. сзсамзд̇т̇а уд̇д̇аанамзва.
94. Rūpaṃ na sandhāvatītiādīsu yasmā te rūpaṃ puggalo na hoti, sveva ca sandhāvatīti vadesi, tasmā taṃ pucchāmi, kiṃ te rūpaṃ na sandhāvatīti attho. Itaro puggale sandhāvante na sakkā tassa upādānabhūtena rūpena sandhāvitunti saññāya paṭikkhipati. Puna puṭṭho sattānaññeva sandhāvanavacanato paṭijānāti. Sesamettha uttānameva.
г̇аат̇аанам̣ бана аяамад̇т̇о – ааяасмад̇о мад̇зна ругкам̣ убаад̣̇ааяа чааяаа вияа, инд̇ханам̣ убаад̣̇ааяа аг̇г̇и вияа жа, канд̇хз убаад̣̇ааяа буг̇г̇ало; руубаад̣̇ийнам̣ санд̇хааванз асад̇и д̇зсу канд̇хзсу бхиж̇ж̇амаанзсу со д̇ава буг̇г̇ало бхиж̇ж̇ад̇и жз, звам̣ санд̇з ужчзд̣̇аа бхавад̇и д̣̇идти, ужчзд̣̇ад̣̇идти д̇з аабаж̇ж̇ад̇и. гад̇араа яаа б̣уд̣̇д̇хзна виваж̇ж̇ид̇аа агусалад̣̇идти. яаа бана ‘‘ужчзд̣̇аваад̣̇ий саман̣о г̇од̇амо’’д̇и барияааяабхаасид̇аа, на д̇ам̣ вад̣̇аамаад̇и д̣̇ассзд̇и. ат̇ааби д̇зсу канд̇хзсу бхиж̇ж̇амаанзсу со буг̇г̇ало на бхиж̇ж̇ад̇и, звам̣ санд̇з сассад̇о буг̇г̇ало ход̇и. д̇ад̇о со ниб̣б̣аанзна самасамо аабаж̇ж̇ад̇и . самасамод̇и ад̇ивияа само, самзна ваа само, самабхаавзнзва само. яат̇зва ниб̣б̣аанам̣ нуббаж̇ж̇ад̇и на бхиж̇ж̇ад̇и, звам̣ д̇з буг̇г̇алоби д̇зна самасамод̇и.
Gāthānaṃ pana ayamattho – āyasmato matena rukkhaṃ upādāya chāyā viya, indhanaṃ upādāya aggi viya ca, khandhe upādāya puggalo; rūpādīnaṃ sandhāvane asati tesu khandhesu bhijjamānesu so tava puggalo bhijjati ce, evaṃ sante ucchedā bhavati diṭṭhi, ucchedadiṭṭhi te āpajjati. Katarā yā buddhena vivajjitā akusaladiṭṭhi. Yā pana ‘‘ucchedavādī samaṇo gotamo’’ti pariyāyabhāsitā, na taṃ vadāmāti dasseti. Athāpi tesu khandhesu bhijjamānesu so puggalo na bhijjati, evaṃ sante sassato puggalo hoti. Tato so nibbānena samasamo āpajjati . Samasamoti ativiya samo, samena vā samo, samabhāveneva samo. Yatheva nibbānaṃ nuppajjati na bhijjati, evaṃ te puggalopi tena samasamoti.
г̇ад̇ибаривад̇д̇анамукзна жуд̇ибадисанд̇хаануяог̇о нидтид̇о.
Gatiparivattanamukhena cutipaṭisandhānuyogo niṭṭhito.
ануяог̇аван̣н̣анаа.
Anuyogavaṇṇanā.
12. убаад̣̇аабан̃н̃ад̇д̇аануяог̇аван̣н̣анаа
12. Upādāpaññattānuyogavaṇṇanā
95. ид̣̇аани убаад̣̇аабан̃н̃ад̇д̇аануяог̇о ход̇и. д̇ад̇т̇а бужчаа сагаваад̣̇исса, бадин̃н̃аабадигкзбо бараваад̣̇исса. со хи ругкам̣ убаад̣̇ааяа чааяааяа вияа, инд̇ханам̣ убаад̣̇ааяа аг̇г̇исса вияа жа, руубаад̣̇ийни убаад̣̇ааяа буг̇г̇аласса бан̃н̃ад̇д̇им̣ бан̃н̃аабанам̣ аваб̣од̇ханам̣ ижчад̇и, д̇асмаа ‘‘руубам̣ убаад̣̇ааяаа’’д̇и будто бадиж̇аанаад̇и. буна яат̇аа ругкубаад̣̇аанаа чааяаа ругко вияа, инд̇ханубаад̣̇аано жа аг̇г̇и инд̇ханам̣ вияа анижжаад̣̇ид̇хаммо, звам̣ д̇з руубаад̣̇иубаад̣̇аано буг̇г̇ало руубаад̣̇аяо вияа анижжод̇и имамад̇т̇ам̣ будто ад̇д̇ано лад̣̇д̇хияам̣ тад̇ваа бадигкибад̇и.
95. Idāni upādāpaññattānuyogo hoti. Tattha pucchā sakavādissa, paṭiññāpaṭikkhepo paravādissa. So hi rukkhaṃ upādāya chāyāya viya, indhanaṃ upādāya aggissa viya ca, rūpādīni upādāya puggalassa paññattiṃ paññāpanaṃ avabodhanaṃ icchati, tasmā ‘‘rūpaṃ upādāyā’’ti puṭṭho paṭijānāti. Puna yathā rukkhupādānā chāyā rukkho viya, indhanupādāno ca aggi indhanaṃ viya aniccādidhammo, evaṃ te rūpādiupādāno puggalo rūpādayo viya aniccoti imamatthaṃ puṭṭho attano laddhiyaṃ ṭhatvā paṭikkhipati.
97. нийлам̣ руубам̣ убаад̣̇ааяа нийлод̇иаад̣̇ийсу нийларуубзна сад̣̇д̇хим̣ буг̇г̇аласса згад̇д̇ам̣, згасарийрз нийлаад̣̇ийнам̣ б̣ахуунам̣ васзна б̣ахубхааван̃жа анижчанд̇о бадигкибад̇и.
97. Nīlaṃ rūpaṃ upādāya nīlotiādīsu nīlarūpena saddhiṃ puggalassa ekattaṃ, ekasarīre nīlādīnaṃ bahūnaṃ vasena bahubhāvañca anicchanto paṭikkhipati.
98. гусалам̣ взд̣̇ананд̇и зд̇т̇ааби взд̣̇анааяа сад̣̇д̇хим̣ згад̇д̇ам̣ згасанд̇аанз б̣ахуунам̣ гусалавзд̣̇анаанам̣ васзна б̣ахубхааван̃жа анижчанд̇о бадигкибад̇и. д̣̇уд̇ияанаяз маг̇г̇агусалод̇иаад̣̇иважанасаб̣бхаавад̇о чзгадтам̣ санд̇хааяа бадиж̇аанаад̇и. сапалод̇иаад̣̇ийни будто д̇ат̇ааруубасса вохаарасса абхаавад̇о бадигкибад̇и.
98. Kusalaṃ vedananti etthāpi vedanāya saddhiṃ ekattaṃ ekasantāne bahūnaṃ kusalavedanānaṃ vasena bahubhāvañca anicchanto paṭikkhipati. Dutiyanaye maggakusalotiādivacanasabbhāvato chekaṭṭhaṃ sandhāya paṭijānāti. Saphalotiādīni puṭṭho tathārūpassa vohārassa abhāvato paṭikkhipati.
99. агусалабагкз ачзгадтам̣ санд̇хааяа бадиж̇аанаад̇и.
99. Akusalapakkhe achekaṭṭhaṃ sandhāya paṭijānāti.
100. аб̣яаагад̇абагкз сассад̇аад̣̇ивасзна аб̣яаагад̇абхаавам̣ санд̇хааяа бадиж̇аанаад̇и. сзсамзд̇т̇а хздтаа вуд̇д̇анаязнзва взд̣̇ид̇аб̣б̣ам̣.
100. Abyākatapakkhe sassatādivasena abyākatabhāvaṃ sandhāya paṭijānāti. Sesamettha heṭṭhā vuttanayeneva veditabbaṃ.
104. жагкум̣ убаад̣̇ааяаад̇иаад̣̇ийсу ‘‘жагкумаа висамаанийва…бз… баабаани бариваж̇ж̇аяз’’д̇и(уд̣̇аа. 43) аад̣̇ивохаарасаб̣бхаавад̇о бадиж̇аанаад̇и. жагкумад̇д̇аад̣̇инирод̇хзна буг̇г̇аланирод̇хам̣ анижчанд̇о бадигкибад̇и.
104. Cakkhuṃupādāyātiādīsu ‘‘cakkhumā visamānīva…pe… pāpāni parivajjaye’’ti(udā. 43) ādivohārasabbhāvato paṭijānāti. Cakkhumattādinirodhena puggalanirodhaṃ anicchanto paṭikkhipati.
107. руубам̣ убаад̣̇ааяа взд̣̇анам̣ убаад̣̇ааяаад̇и зд̇т̇а ан̃н̃зби руубамуулагаа д̣̇угад̇игажад̇уггаа взд̣̇ид̇аб̣б̣аа. яасмаа бана канд̇хз убаад̣̇ааяа буг̇г̇аласса бан̃н̃ад̇д̇и, д̇асмаа д̣̇взби д̇аяоби жад̇д̇аароби бан̃жаби убаад̣̇ааяа бан̃н̃ад̇д̇им̣ бадиж̇аанаад̇и. згасанд̇аанз бана д̣̇виннам̣ бан̃жаннам̣ ваа абхааваа бадигкибад̇и. ааяад̇анаад̣̇ийсуби зсзва наяо.
107. Rūpaṃ upādāya vedanaṃ upādāyāti ettha aññepi rūpamūlakā dukatikacatukkā veditabbā. Yasmā pana khandhe upādāya puggalassa paññatti, tasmā dvepi tayopi cattāropi pañcapi upādāya paññattiṃ paṭijānāti. Ekasantāne pana dvinnaṃ pañcannaṃ vā abhāvā paṭikkhipati. Āyatanādīsupi eseva nayo.
112. ид̣̇аани яам̣ убаад̣̇ааяа яасса бан̃н̃ад̇д̇и, яат̇аа д̇асса анижжад̇ааяа д̇ассааби анижжад̇аа, д̇ад̇о жа ан̃н̃ад̇д̇ам̣ сид̣̇д̇хам̣, звам̣ д̇асса буг̇г̇алассааби аабаж̇ж̇ад̇ийд̇и д̣̇ассзд̇ум̣ яат̇аа ругканд̇иаад̣̇имааха. д̇ад̇т̇а убаад̣̇ааяаад̇и бадижжа ааг̇амма, на винаа д̇анд̇и ад̇т̇о. бараваад̣̇ий бана д̇ат̇аа анижчанд̇о лад̣̇д̇хияам̣ тад̇ваа бадигкибад̇и.
112. Idāni yaṃ upādāya yassa paññatti, yathā tassa aniccatāya tassāpi aniccatā, tato ca aññattaṃ siddhaṃ, evaṃ tassa puggalassāpi āpajjatīti dassetuṃ yathā rukkhantiādimāha. Tattha upādāyāti paṭicca āgamma, na vinā tanti attho. Paravādī pana tathā anicchanto laddhiyaṃ ṭhatvā paṭikkhipati.
115. ниг̇ал̣од̇и сан̇калигаб̣анд̇ханам̣. нзг̇ал̣игод̇и д̇зна б̣анд̇хаго яасса руубам̣ со руубаваад̇и яасмаа яасса руубам̣ со руубаваа ход̇и, д̇асмаа яат̇аа на ниг̇ал̣о …бз… ан̃н̃о руубаваад̇и ад̇т̇о.
115. Nigaḷoti saṅkhalikabandhanaṃ. Negaḷikoti tena bandhako yassa rūpaṃ so rūpavāti yasmā yassa rūpaṃ so rūpavā hoti, tasmā yathā na nigaḷo …pe… añño rūpavāti attho.
116. жид̇д̇з жид̇д̇зд̇иаад̣̇ийсу сарааг̇аад̣̇ижид̇д̇авасзна сарааг̇аад̣̇ид̇ам̣ санд̇хааяа жид̇д̇аанубассанаавасзна бадиж̇аанаад̇и. ж̇ааяад̇ийд̇иаад̣̇инаа наязна будто буг̇г̇аласса кан̣игабхаавам̣ анижчанд̇о бадигкибад̇и. ‘‘со’’д̇и ваа ‘‘ан̃н̃о’’д̇и ваа будто сассад̇ужчзд̣̇абхаязна бадигкибад̇и. буна на вад̇д̇аб̣б̣ам̣ ‘‘гумаараго’’д̇и ваа ‘‘гумааригаа’’д̇и ваа будто логавохаарасамужчзд̣̇абхаязна вад̇д̇аб̣б̣анд̇и бадиж̇аанаад̇и. сзсамзд̇т̇а баагадамзва.
116. Citte cittetiādīsu sarāgādicittavasena sarāgāditaṃ sandhāya cittānupassanāvasena paṭijānāti. Jāyatītiādinā nayena puṭṭho puggalassa khaṇikabhāvaṃ anicchanto paṭikkhipati. ‘‘So’’ti vā ‘‘añño’’ti vā puṭṭho sassatucchedabhayena paṭikkhipati. Puna na vattabbaṃ ‘‘kumārako’’ti vā ‘‘kumārikā’’ti vā puṭṭho lokavohārasamucchedabhayena vattabbanti paṭijānāti. Sesamettha pākaṭameva.
118. ид̣̇аани бараваад̣̇ий ан̃н̃знаагаарзна лад̣̇д̇хим̣ бад̇идтаабзд̇угаамо на вад̇д̇аб̣б̣ам̣ буг̇г̇ало убалаб̣бхад̇ийд̇иаад̣̇имааха. д̇ад̇т̇а на вад̇д̇аб̣б̣анд̇и гим̣ д̇з иминаа звам̣ б̣ахунаа убаад̣̇аабан̃н̃ад̇д̇аануяог̇зна, ид̣̇ам̣ д̇аава вад̣̇зхи, гим̣ на вад̇д̇аб̣б̣ам̣ ‘‘буг̇г̇ало убалаб̣бхад̇и сажжигадтабарамад̇т̇знаа’’д̇и. д̇ад̇о сагаваад̣̇инаа ааманд̇аад̇и вуд̇д̇з нану яо бассад̇ийд̇иаад̣̇имааха. д̇ад̇т̇а яод̇и буг̇г̇ало . яанд̇и руубам̣. язнаад̇и жагкунаа. сод̇и буг̇г̇ало. д̇анд̇и руубам̣. д̇знаад̇и жагкунаа. ид̣̇ам̣ вуд̇д̇ам̣ ход̇и – нану яо яам̣ руубам̣ язна жагкунаа бассад̇и, со д̇ам̣ руубам̣ д̇зна жагкунаа бассанд̇о буг̇г̇алод̇и. сагаваад̣̇ий гин̃жааби жагкувин̃н̃аан̣асса ниссаяабхаавам̣ г̇ажчанд̇ам̣ жагкумзва руубам̣ бассад̇и, д̇ат̇аа сод̇амзва сад̣̇д̣̇ам̣ сун̣аад̇и…бз… вин̃н̃аан̣амзва д̇хаммам̣ виж̇аанаад̇и, ‘‘ад̇т̇и арахад̇о жагку, бассад̇и арахаа жагкунаа рууба’’нд̇иаад̣̇исаммуд̇ивасзна бана ааманд̇аад̇и бадиж̇аанаад̇и.
118. Idāni paravādī aññenākārena laddhiṃ patiṭṭhāpetukāmo na vattabbaṃ puggalo upalabbhatītiādimāha. Tattha na vattabbanti kiṃ te iminā evaṃ bahunā upādāpaññattānuyogena, idaṃ tāva vadehi, kiṃ na vattabbaṃ ‘‘puggalo upalabbhati saccikaṭṭhaparamatthenā’’ti. Tato sakavādinā āmantāti vutte nanu yo passatītiādimāha. Tattha yoti puggalo . Yanti rūpaṃ. Yenāti cakkhunā. Soti puggalo. Tanti rūpaṃ. Tenāti cakkhunā. Idaṃ vuttaṃ hoti – nanu yo yaṃ rūpaṃ yena cakkhunā passati, so taṃ rūpaṃ tena cakkhunā passanto puggaloti. Sakavādī kiñcāpi cakkhuviññāṇassa nissayabhāvaṃ gacchantaṃ cakkhumeva rūpaṃ passati, tathā sotameva saddaṃ suṇāti…pe… viññāṇameva dhammaṃ vijānāti, ‘‘atthi arahato cakkhu, passati arahā cakkhunā rūpa’’ntiādisammutivasena pana āmantāti paṭijānāti.
120. д̇ад̇о чалаваад̣̇ам̣ ниссааяа бараваад̣̇инаа буг̇г̇аласса вад̇д̇аб̣б̣ад̇ааяа саад̇хид̇ааяа д̇амзва ваад̣̇ам̣ баривад̇д̇зд̇ваа буг̇г̇ало убалаб̣бхад̇ийд̇иаад̣̇имааха. д̇ад̇т̇а яо на бассад̇ийд̇и анд̇хо асан̃н̃асад̇д̇о аруубам̣ убабанно нирод̇хам̣ самаабанно, ананд̇хоби жа ан̃н̃ад̇ра д̣̇ассанасамаяаа на бассад̇и наама. сзсаваарзсуби зсзва наяо. сзсам̣ баал̣ивасзнзва ад̇т̇ад̇о взд̣̇ид̇аб̣б̣ам̣.
120. Tato chalavādaṃ nissāya paravādinā puggalassa vattabbatāya sādhitāya tameva vādaṃ parivattetvā puggalo upalabbhatītiādimāha. Tattha yo na passatīti andho asaññasatto arūpaṃ upapanno nirodhaṃ samāpanno, anandhopi ca aññatra dassanasamayā na passati nāma. Sesavāresupi eseva nayo. Sesaṃ pāḷivaseneva atthato veditabbaṃ.
122. суд̇д̇асам̣санд̣̇анааяам̣ д̣̇иб̣б̣асса жагкуно руубаг̇ожарад̇д̇аа руубам̣ бассад̇ийд̇и ааха. д̣̇уд̇ияаваарз ‘‘сад̇д̇з бассаамий’’д̇иважанад̇о буг̇г̇алам̣ бассад̇ийд̇и ааха. д̇ад̇ияаваарз ‘‘руубам̣ д̣̇исваа буг̇г̇алам̣ вибхаавзд̇ий’’д̇и лад̣̇д̇хид̇о убхо бассад̇ийд̇и ааха. яасмаа бана бассид̇аб̣б̣ам̣ наама д̣̇идтам̣ суд̇ам̣ муд̇ам̣ вин̃н̃аад̇анд̇и жад̇уб̣б̣ид̇хз руубасан̇г̇ахз руубааяад̇анамзва сан̇г̇ахид̇ам̣, д̇асмаа сагаваад̣̇ий ‘‘руубам̣ буг̇г̇ало, буг̇г̇ало руубам̣, убхо рууба’’нд̇и ануяог̇ам̣ гарод̇и. д̇ассад̇т̇о баагадоязваад̇и.
122. Suttasaṃsandanāyaṃ dibbassa cakkhuno rūpagocarattā rūpaṃ passatīti āha. Dutiyavāre ‘‘satte passāmī’’tivacanato puggalaṃ passatīti āha. Tatiyavāre ‘‘rūpaṃ disvā puggalaṃ vibhāvetī’’ti laddhito ubho passatīti āha. Yasmā pana passitabbaṃ nāma diṭṭhaṃ sutaṃ mutaṃ viññātanti catubbidhe rūpasaṅgahe rūpāyatanameva saṅgahitaṃ, tasmā sakavādī ‘‘rūpaṃ puggalo, puggalo rūpaṃ, ubho rūpa’’nti anuyogaṃ karoti. Tassattho pākaṭoyevāti.
убаад̣̇аабан̃н̃ад̇д̇аануяог̇аван̣н̣анаа.
Upādāpaññattānuyogavaṇṇanā.
13. бурисагаараануяог̇аван̣н̣анаа
13. Purisakārānuyogavaṇṇanā
123. ид̣̇аани бурисагаараануяог̇о ход̇и. д̇ад̇т̇а гаммз сад̇и нияамад̇о д̇асса гаарагзнаби бхавид̇аб̣б̣анд̇и лад̣̇д̇хияаа бужчаа бараваад̣̇исса, д̇ат̇ааруубаанам̣ гаммаанам̣ ад̇т̇ид̇ааяа бадин̃н̃аа сагаваад̣̇исса. буна гад̇д̇аа гаарзд̇аад̇и бужчаа бараваад̣̇исса. д̇ад̇т̇а гад̇д̇аад̇и д̇зсам̣ гаммаанам̣ гаараго. гаарзд̇аад̇и аан̣ад̇д̇ид̣̇зсанаад̣̇ийхи убааязхи гаараабаго. ид̣̇аани яасмаа бараваад̣̇ий буг̇г̇алам̣ санд̇хааяа гад̇д̇аад̇и бужчад̇и, на гаран̣амад̇д̇ам̣, д̇асмаа бадигкзбо сагаваад̣̇исса.
123. Idāni purisakārānuyogo hoti. Tattha kamme sati niyamato tassa kārakenapi bhavitabbanti laddhiyā pucchā paravādissa, tathārūpānaṃ kammānaṃ atthitāya paṭiññā sakavādissa. Puna kattā kāretāti pucchā paravādissa. Tattha kattāti tesaṃ kammānaṃ kārako. Kāretāti āṇattidesanādīhi upāyehi kārāpako. Idāni yasmā paravādī puggalaṃ sandhāya kattāti pucchati, na karaṇamattaṃ, tasmā paṭikkhepo sakavādissa.
124. д̇асса гад̇д̇аа гаарзд̇аад̇и зд̇т̇а яад̣̇и яам̣ яам̣ убалаб̣бхад̇и, д̇асса д̇асса гад̇д̇аа буг̇г̇ало д̇з убалаб̣бхад̇и, гим̣ д̇ассааби гаараго жа гаараабаго жа ан̃н̃о буг̇г̇ало убалаб̣бхад̇ийд̇и ад̇т̇о. бараваад̣̇ий д̇ат̇аа анижчанд̇о иссараниммаанаваад̣̇абхаязна бадигкибад̇и. буна будто яасмаа буг̇г̇алам̣ маад̇аабид̇аро ж̇анзнд̇и наамам̣ гаронд̇и босзнд̇и, д̇асмаасса д̇з гаарагаа. яз жа бана д̇ам̣ галяаан̣амид̇д̇аа ваа аажарияаа ваа д̇аани д̇аани виж̇ж̇аадтаанасиббааяад̇анаани сигкаабзнд̇и , д̇з гаараабагаа наамаад̇и имамад̇т̇ам̣ санд̇хааяа бадиж̇аанаад̇и. буримагаммамзва д̇асса гад̇д̇аа жзва гаараабзд̇аа жаад̇и ад̇хиббзд̇ам̣.
124. Tassa kattā kāretāti ettha yadi yaṃ yaṃ upalabbhati, tassa tassa kattā puggalo te upalabbhati, kiṃ tassāpi kārako ca kārāpako ca añño puggalo upalabbhatīti attho. Paravādī tathā anicchanto issaranimmānavādabhayena paṭikkhipati. Puna puṭṭho yasmā puggalaṃ mātāpitaro janenti nāmaṃ karonti posenti, tasmāssa te kārakā. Ye ca pana taṃ kalyāṇamittā vā ācariyā vā tāni tāni vijjāṭṭhānasippāyatanāni sikkhāpenti , te kārāpakā nāmāti imamatthaṃ sandhāya paṭijānāti. Purimakammameva tassa kattā ceva kārāpetā cāti adhippetaṃ.
125. д̇асса д̇ассзваад̇и иминаа ид̣̇ам̣ бужчад̇и – яад̣̇и гаммаанам̣ гаарагасса гад̇д̇аа д̇ассааби гад̇д̇аа д̇ассааби гад̇д̇аа ад̇т̇зва, звам̣ санд̇з буримзна буримзна авассам̣ бажчаа бажчаа буг̇г̇ало гаад̇аб̣б̣од̇и иминааби д̇з гаммаанам̣ гаарагзна буг̇г̇алзна ааяад̇им̣ ан̃н̃о буг̇г̇ало гаад̇аб̣б̣о, д̇знааби ан̃н̃од̇и над̇т̇и д̣̇угкасса анд̇агирияаа, над̇т̇и ваддасса убажчзд̣̇о, над̇т̇и аббажжаяабариниб̣б̣аанам̣. бажжаяаабхаавзна бажжаяабадиб̣ад̣̇д̇хасса д̣̇угкасса абхааваа яам̣ ниб̣б̣аанам̣ вуд̇д̇ам̣, над̇т̇и д̇з д̇анд̇и. ат̇а ваа д̇асса д̇ассзваад̇и яад̣̇и гаммам̣ гаммамад̇д̇ам̣ на ход̇и, д̇асса бана гаараго буг̇г̇ало, д̇ассааби гаараго, д̇ассааби гаарагод̇и звам̣ буг̇г̇алабарамбараа ад̇т̇и. звам̣ санд̇з яаа зсаа гаммаваддасса аббавад̇д̇игаран̣зна д̣̇угкасса анд̇агирияаа вуд̇д̇аа, саа над̇т̇ийд̇и ад̇т̇о. бараваад̣̇ий д̇ам̣ анижчанд̇о бадигкибад̇и. ид̇о абараасуби убалаб̣бхад̇и сааман̃н̃зна гаарагабужчаасу буг̇г̇алам̣язва санд̇хааяа ‘‘гад̇д̇аа гаарзд̇аа’’д̇и вуд̇д̇ам̣, на бажжаяз. на хи махаабат̇авийаад̣̇ийнам̣ бажжаяаа над̇т̇и.
125. Tassa tassevāti iminā idaṃ pucchati – yadi kammānaṃ kārakassa kattā tassāpi kattā tassāpi kattā attheva, evaṃ sante purimena purimena avassaṃ pacchā pacchā puggalo kātabboti imināpi te kammānaṃ kārakena puggalena āyatiṃ añño puggalo kātabbo, tenāpi aññoti natthi dukkhassa antakiriyā, natthi vaṭṭassa upacchedo, natthi appaccayaparinibbānaṃ. Paccayābhāvena paccayapaṭibaddhassa dukkhassa abhāvā yaṃ nibbānaṃ vuttaṃ, natthi te tanti. Atha vā tassa tassevāti yadi kammaṃ kammamattaṃ na hoti, tassa pana kārako puggalo, tassāpi kārako, tassāpi kārakoti evaṃ puggalaparamparā atthi. Evaṃ sante yā esā kammavaṭṭassa appavattikaraṇena dukkhassa antakiriyā vuttā, sā natthīti attho. Paravādī taṃ anicchanto paṭikkhipati. Ito aparāsupi upalabbhati sāmaññena kārakapucchāsu puggalaṃyeva sandhāya ‘‘kattā kāretā’’ti vuttaṃ, na paccaye. Na hi mahāpathavīādīnaṃ paccayā natthi.
135. ан̃н̃о галяаан̣абаабагаанам̣ гаммаанам̣ гад̇д̇аад̇и бан̃хо ‘‘сан̇каараванд̇ам̣ ваа ад̇д̇аана’’нд̇иаад̣̇ид̣̇идтибхаяаа бадигкид̇д̇о.
135. Añño kalyāṇapāpakānaṃ kammānaṃ kattāti pañho ‘‘saṅkhāravantaṃ vā attāna’’ntiādidiṭṭhibhayā paṭikkhitto.
136. вибааго убалаб̣бхад̇ийд̇иаад̣̇и вибаагабадисам̣взд̣̇ийвасзна буг̇г̇алам̣ д̣̇ассзнд̇асса лад̣̇д̇хибхинд̣̇анад̇т̇ам̣ вуд̇д̇ам̣. д̇ад̇т̇а вибаагабадисам̣взд̣̇ийд̇и ануяог̇о бараваад̣̇исса , вибаагабавад̇д̇ид̇о ан̃н̃асса взд̣̇агасса абхааваа бадигкзбо сагаваад̣̇исса. буна бужчаа сагаваад̣̇исса, бадин̃н̃аа ид̇арасса.
136. Vipāko upalabbhatītiādi vipākapaṭisaṃvedīvasena puggalaṃ dassentassa laddhibhindanatthaṃ vuttaṃ. Tattha vipākapaṭisaṃvedīti anuyogo paravādissa , vipākapavattito aññassa vedakassa abhāvā paṭikkhepo sakavādissa. Puna pucchā sakavādissa, paṭiññā itarassa.
138. д̇асса бадисам̣взд̣̇ийд̇и д̇асса вибаагабадисам̣взд̣̇агасса бадисам̣взд̣̇ий яасмаа бана бадисам̣взд̣̇ид̇аб̣б̣о наама вибааго, на жа буг̇г̇ало вибааго, д̇асмаа бадигкзбо бараваад̣̇исса. буна будто яасмаа бун̃н̃авибаагз тид̇ад̇д̇аа вибаагабадисам̣взд̣̇ий буд̇д̇ам̣ ваа бад̇им̣ ваа маад̇аа ваа ж̇ааяаа ваа барижумб̣ад̇и барисаж̇ж̇ад̇и, д̇асмаа д̇ат̇ааруубам̣ бадисам̣взд̣̇ид̇ам̣ санд̇хааяа бадиж̇аанаад̇и бараваад̣̇ий.
138. Tassa paṭisaṃvedīti tassa vipākapaṭisaṃvedakassa paṭisaṃvedī yasmā pana paṭisaṃveditabbo nāma vipāko, na ca puggalo vipāko, tasmā paṭikkhepo paravādissa. Puna puṭṭho yasmā puññavipāke ṭhitattā vipākapaṭisaṃvedī puttaṃ vā patiṃ vā mātā vā jāyā vā paricumbati parisajjati, tasmā tathārūpaṃ paṭisaṃveditaṃ sandhāya paṭijānāti paravādī.
д̇асса д̇ассзваад̇и яад̣̇и вибааго вибаагамад̇д̇ам̣ на ход̇и, д̇асса бана бадисам̣взд̣̇ий буг̇г̇ало, д̇ассааби бадисам̣взд̣̇ий д̇ассааби бадисам̣взд̣̇ийд̇и звам̣ буг̇г̇алабарамбараа ад̇т̇и. звам̣ санд̇з яаа зсаа вибаагаваддасса аббавад̇д̇игаран̣зна д̣̇угкасса анд̇агирияаа вуд̇д̇аа, саа над̇т̇ийд̇и ад̇т̇о. ид̇о барам̣ убалаб̣бхад̇исааман̃н̃зна бадисам̣взд̣̇ийбужчаасу хздтаа вуд̇д̇анаязнзва ад̇т̇о взд̣̇ид̇аб̣б̣о.
Tassatassevāti yadi vipāko vipākamattaṃ na hoti, tassa pana paṭisaṃvedī puggalo, tassāpi paṭisaṃvedī tassāpi paṭisaṃvedīti evaṃ puggalaparamparā atthi. Evaṃ sante yā esā vipākavaṭṭassa appavattikaraṇena dukkhassa antakiriyā vuttā, sā natthīti attho. Ito paraṃ upalabbhatisāmaññena paṭisaṃvedīpucchāsu heṭṭhā vuttanayeneva attho veditabbo.
142. ан̃н̃о галяаан̣абаабагаанам̣ гаммаанам̣ вибаагабадисам̣взд̣̇ийд̇и бан̃хо ‘‘взд̣̇анаванд̇ам̣ ваа ад̇д̇аана’’нд̇иаад̣̇ид̣̇идтибхаяаа бадигкид̇д̇о.
142. Añño kalyāṇapāpakānaṃ kammānaṃ vipākapaṭisaṃvedīti pañho ‘‘vedanavantaṃ vā attāna’’ntiādidiṭṭhibhayā paṭikkhitto.
143. д̣̇иб̣б̣ам̣ суканд̇иаад̣̇и галяаан̣абаабагаанам̣ гаммаанам̣ вибаагам̣ бхааж̇зд̇ваа д̣̇ассанавасзна аарад̣̇д̇хам̣. д̇ам̣ саб̣б̣ам̣ хздтаа вуд̇д̇анаязнзва взд̣̇ид̇аб̣б̣ам̣. сагаваад̣̇ино жзд̇т̇а буг̇г̇алавасзнзва бадисам̣взд̣̇ийбадигкзбо взд̣̇ид̇аб̣б̣о, на взд̣̇аяид̇авасзна.
143. Dibbaṃ sukhantiādi kalyāṇapāpakānaṃ kammānaṃ vipākaṃ bhājetvā dassanavasena āraddhaṃ. Taṃ sabbaṃ heṭṭhā vuttanayeneva veditabbaṃ. Sakavādino cettha puggalavaseneva paṭisaṃvedīpaṭikkhepo veditabbo, na vedayitavasena.
148. махаабат̇авийаад̣̇ийни хи аарамман̣ам̣ гад̇ваа взд̣̇аяид̇аанам̣ уббад̇д̇и аббадисид̣̇д̇хаа.
148. Mahāpathavīādīni hi ārammaṇaṃ katvā vedayitānaṃ uppatti appaṭisiddhā.
170. гад̇д̇аа гаарзд̇аа вибаагабадисам̣взд̣̇ийд̇иаад̣̇и вомиссаганаяавасзна аарад̣̇д̇хам̣. д̇ад̇т̇а со гарод̇ийд̇и яам̣ д̇вам̣ гад̇д̇аад̇и жа бадисам̣взд̣̇ийд̇и жа вад̣̇зси, гим̣ соязва гарод̇и, со бадисам̣взд̣̇зд̇и. аяамануяог̇о сагаваад̣̇исса, суд̇д̇авирод̇хабхаязна бадигкзбо бараваад̣̇исса.
170. Kattā kāretā vipākapaṭisaṃvedītiādi vomissakanayavasena āraddhaṃ. Tattha so karotīti yaṃ tvaṃ kattāti ca paṭisaṃvedīti ca vadesi, kiṃ soyeva karoti, so paṭisaṃvedeti. Ayamanuyogo sakavādissa, suttavirodhabhayena paṭikkhepo paravādissa.
171. буна будто ‘‘ид̇ха нанд̣̇ад̇и бзжжа нанд̣̇ад̇ий’’д̇иаад̣̇исуд̇д̇авасзна (д̇ха. ба. 18) бадин̃н̃аа д̇ассзва. ат̇асса важаногаасам̣ бадиб̣ааханд̇о сагаваад̣̇ий саяам̣гад̇ам̣ сукад̣̇угканд̇и ааха.
171. Puna puṭṭho ‘‘idha nandati pecca nandatī’’tiādisuttavasena (dha. pa. 18) paṭiññā tasseva. Athassa vacanokāsaṃ paṭibāhanto sakavādī sayaṃkataṃ sukhadukkhanti āha.
172. д̇ад̇т̇а ан̃н̃о гарод̇ийд̇и гаарагавзд̣̇агаанам̣ ан̃н̃ад̇д̇абужчаавасзна вуд̇д̇ам̣. д̇ад̇о бараваад̣̇ий суд̇д̇авирод̇хабхаязна бадигкибид̇ваа буна будто ‘‘мануссабхууд̇о гад̇ваа д̣̇звабхууд̇о бадисам̣взд̣̇зд̇ий’’д̇и ман̃н̃амаано бадиж̇аанаад̇и . звам̣ваад̣̇ино бана барам̣гад̇ам̣ сукад̣̇угкам̣ аабаж̇ж̇ад̇ийд̇и д̇асса васзна будто буна бадигкибад̇и.
172. Tattha añño karotīti kārakavedakānaṃ aññattapucchāvasena vuttaṃ. Tato paravādī suttavirodhabhayena paṭikkhipitvā puna puṭṭho ‘‘manussabhūto katvā devabhūto paṭisaṃvedetī’’ti maññamāno paṭijānāti . Evaṃvādino pana paraṃkataṃ sukhadukkhaṃ āpajjatīti tassa vasena puṭṭho puna paṭikkhipati.
174. со жа ан̃н̃о жаад̇и гаарагавзд̣̇агаанам̣ згад̇д̇аан̃н̃ад̇д̇абужчаавасзна вуд̇д̇ам̣. д̇ад̇о бараваад̣̇ий суд̇д̇авирод̇хабхаязнзва бадигкибид̇ваа буна будто буримз д̣̇взби наяз згад̇о гад̇ваа бадиж̇аанаад̇и. звам̣ваад̣̇ино бана саяам̣гад̇ан̃жа барам̣гад̇ан̃жа сукад̣̇угкам̣ аабаж̇ж̇ад̇ийд̇и д̇асса васзна будто буна бадигкибад̇и.
174. So ca añño cāti kārakavedakānaṃ ekattaaññattapucchāvasena vuttaṃ. Tato paravādī suttavirodhabhayeneva paṭikkhipitvā puna puṭṭho purime dvepi naye ekato katvā paṭijānāti. Evaṃvādino pana sayaṃkatañca paraṃkatañca sukhadukkhaṃ āpajjatīti tassa vasena puṭṭho puna paṭikkhipati.
176. нзва со гарод̇ийд̇и гаарагавзд̣̇агаанам̣ згад̇д̇аан̃н̃ад̇д̇абадигкзбавасзна вуд̇д̇ам̣. д̇ад̇о бараваад̣̇ий суд̇д̇авирод̇хавасзнзва бадигкибид̇ваа буна будто яасмаа мануссо д̣̇звалогуубабад̇д̇ияаа гаммам̣ гад̇ваа на мануссабхууд̇ова бадисам̣взд̣̇зд̇и, нааби язна гаммам̣ гад̇ам̣, д̇ад̇о ан̃н̃ова бадисам̣взд̣̇зд̇и, д̇асмаа гаарагад̇о взд̣̇аго нзва со ход̇и, на ан̃н̃од̇и ман̃н̃амаано бадиж̇аанаад̇и. лад̣̇д̇химад̇д̇амзвзд̇ам̣? звам̣ваад̣̇ино бана асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угкам̣ аабаж̇ж̇ад̇ийд̇и д̇асса васзна будто буна бадигкибад̇и. абижа имасмим̣ вомиссаганаяз аад̣̇ид̇о бадтааяа иминааби наязна ад̇т̇о взд̣̇ид̇аб̣б̣о. яасмаа хи аяам̣ буг̇г̇алаваад̣̇ий гаммаанам̣ гаараган̃жзва взд̣̇аган̃жа ижчад̇и, д̇асмаасса яо гаараго, д̇знзва ваа взд̣̇агзна бхавид̇аб̣б̣ам̣, ан̃н̃зна ваа убхохи ваа бхавид̇аб̣б̣ам̣, убхохи вааби на бхавид̇аб̣б̣анд̇и ид̣̇амаабаннам̣ ход̇и. звамаабаннамзва ануяог̇ам̣ ануяун̃ж̇анд̇о сагаваад̣̇ий ‘‘со гарод̇ий’’д̇иаад̣̇аяо жад̇д̇аароби вигаббз ааха. сзсам̣ вуд̇д̇аббагаарамзва.
176. Neva so karotīti kārakavedakānaṃ ekattaaññattapaṭikkhepavasena vuttaṃ. Tato paravādī suttavirodhavaseneva paṭikkhipitvā puna puṭṭho yasmā manusso devalokūpapattiyā kammaṃ katvā na manussabhūtova paṭisaṃvedeti, nāpi yena kammaṃ kataṃ, tato aññova paṭisaṃvedeti, tasmā kārakato vedako neva so hoti, na aññoti maññamāno paṭijānāti. Laddhimattamevetaṃ? Evaṃvādino pana asayaṃkāraṃ aparaṃkāraṃ adhiccasamuppannaṃ sukhadukkhaṃ āpajjatīti tassa vasena puṭṭho puna paṭikkhipati. Apica imasmiṃ vomissakanaye ādito paṭṭhāya imināpi nayena attho veditabbo. Yasmā hi ayaṃ puggalavādī kammānaṃ kārakañceva vedakañca icchati, tasmāssa yo kārako, teneva vā vedakena bhavitabbaṃ, aññena vā ubhohi vā bhavitabbaṃ, ubhohi vāpi na bhavitabbanti idamāpannaṃ hoti. Evamāpannameva anuyogaṃ anuyuñjanto sakavādī ‘‘so karotī’’tiādayo cattāropi vikappe āha. Sesaṃ vuttappakārameva.
барияосаанз бана жад̇д̇аароби бан̃хаа згад̇о будтаа. д̇ад̇т̇а бадигкзбо жа бадиж̇аананаа жа саяам̣гад̇аад̣̇ид̣̇осаббад̇д̇и жа буриманаязнзва взд̣̇ид̇аб̣б̣аа. ид̇о барам̣ ‘‘галяаан̣абаабагааний’’д̇и авад̇ваа хздтаа вуд̇д̇анаяаа зва ‘‘гаммам̣ ад̇т̇ий’’д̇иаад̣̇инаа вигаббзна д̣̇ассид̇аа. д̇зсамби хздтаа вуд̇д̇анаязнзва ад̇т̇о взд̣̇ид̇аб̣б̣о.
Pariyosāne pana cattāropi pañhā ekato puṭṭhā. Tattha paṭikkhepo ca paṭijānanā ca sayaṃkatādidosappatti ca purimanayeneva veditabbā. Ito paraṃ ‘‘kalyāṇapāpakānī’’ti avatvā heṭṭhā vuttanayā eva ‘‘kammaṃ atthī’’tiādinā vikappena dassitā. Tesampi heṭṭhā vuttanayeneva attho veditabbo.
бурисагаараануяог̇аван̣н̣анаа.
Purisakārānuyogavaṇṇanā.
галяаан̣аваг̇г̇од̇иби зд̇ассзва наамам̣.
Kalyāṇavaggotipi etasseva nāmaṃ.
14. абхин̃н̃аануяог̇аван̣н̣анаа
14. Abhiññānuyogavaṇṇanā
193. ид̇о барам̣ абхин̃н̃аануяог̇аад̣̇ивасзна арахад̇д̇асаад̇ханаа ход̇и. д̇ад̇т̇а ааманд̇аад̇и сагаваад̣̇инаа бадин̃н̃аад̇з бараваад̣̇ий ‘‘б̣ахид̣̇д̇хаа анинд̣̇рияаб̣ад̣̇д̇харуубз ид̣̇д̇хивид̇хаад̣̇ивисзсаад̇хиг̇амо над̇т̇и, аж̇жхад̇д̇ам̣ ад̇т̇и, д̇асмаа ид̣̇д̇хаад̣̇иниб̣б̣ад̇д̇агзна буг̇г̇алзна бхавид̇аб̣б̣а’’нд̇и ман̃н̃амаано нану ад̇т̇и гожи ид̣̇д̇хим̣ вигуб̣б̣ад̇ийд̇иаад̣̇имааха. д̇ам̣ саб̣б̣ам̣ уд̇д̇аанад̇т̇амзва.
193. Ito paraṃ abhiññānuyogādivasena arahattasādhanā hoti. Tattha āmantāti sakavādinā paṭiññāte paravādī ‘‘bahiddhā anindriyabaddharūpe iddhividhādivisesādhigamo natthi, ajjhattaṃ atthi, tasmā iddhādinibbattakena puggalena bhavitabba’’nti maññamāno nanu atthi koci iddhiṃ vikubbatītiādimāha. Taṃ sabbaṃ uttānatthameva.
абхин̃н̃аануяог̇аван̣н̣анаа.
Abhiññānuyogavaṇṇanā.
15-18. н̃аад̇агаануяог̇аад̣̇иван̣н̣анаа
15-18. Ñātakānuyogādivaṇṇanā
197. ид̣̇аани маад̇аад̇иаад̣̇иго н̃аад̇агаануяог̇о. кад̇д̇ияод̇иаад̣̇иго ж̇аад̇иануяог̇о. г̇ахадто баб̣б̣аж̇ид̇од̇и бадибад̇д̇иануяог̇о. д̣̇зво мануссод̇и убабад̇д̇иануяог̇о. сод̇аабаннод̇иаад̣̇иго бадивзд̇хаануяог̇о, арияаануяог̇од̇иби вужжад̇и. д̇з саб̣б̣з уд̇д̇аанад̇т̇ааязва. ‘‘арахаа худ̇ваа на арахаа’’д̇и банзд̇т̇а могхабан̃хад̇д̇аа на вуд̇д̇ам̣.
197. Idāni mātātiādiko ñātakānuyogo. Khattiyotiādiko jātianuyogo. Gahaṭṭho pabbajitoti paṭipattianuyogo. Devo manussoti upapattianuyogo. Sotāpannotiādiko paṭivedhānuyogo, ariyānuyogotipi vuccati. Te sabbe uttānatthāyeva. ‘‘Arahā hutvā na arahā’’ti panettha moghapañhattā na vuttaṃ.
206. жад̇д̇ааро бурисаяуг̇аад̇иаад̣̇и сам̣гхаануяог̇о, соби уд̇д̇аанад̇т̇оязва.
206. Cattāro purisayugātiādi saṃghānuyogo, sopi uttānatthoyeva.
209. сан̇кад̇од̇иаад̣̇и сажжигадтасабхааваануяог̇о. д̇ад̇т̇а д̇ад̇ияаа годийд̇и бужчаа сагаваад̣̇исса. д̇ат̇ааруубасса сажжигадтасса абхаавад̇о бадигкзбо бараваад̣̇исса. буна будто буг̇г̇алам̣ санд̇хааяа бадин̃н̃аа д̇ассзва.
209. Saṅkhatotiādi saccikaṭṭhasabhāvānuyogo. Tattha tatiyā koṭīti pucchā sakavādissa. Tathārūpassa saccikaṭṭhassa abhāvato paṭikkhepo paravādissa. Puna puṭṭho puggalaṃ sandhāya paṭiññā tasseva.
211. ан̃н̃о буг̇г̇алод̇ибан̃хзби сан̇кад̇зхи канд̇хзхи ан̃н̃ад̇д̇ам̣ анижчанд̇о бадигкзбо д̇ассзва.
211. Aññopuggalotipañhepi saṅkhatehi khandhehi aññattaṃ anicchanto paṭikkhepo tasseva.
212. канд̇хаа сан̇кад̇аад̇иаад̣̇и сан̇кад̇аасан̇кад̇аани саруубзна д̣̇ассзд̇ваа ан̃н̃ад̇д̇абужчанад̇т̇ам̣ вуд̇д̇ам̣.
212. Khandhā saṅkhatātiādi saṅkhatāsaṅkhatāni sarūpena dassetvā aññattapucchanatthaṃ vuttaṃ.
213. руубам̣ сан̇кад̇анд̇иаад̣̇и канд̇хз вибхааг̇ад̇о д̣̇ассзд̇ваа ан̃н̃ад̇д̇абужчанад̇т̇ам̣ вуд̇д̇ам̣.
213. Rūpaṃ saṅkhatantiādi khandhe vibhāgato dassetvā aññattapucchanatthaṃ vuttaṃ.
214. буг̇г̇аласса уббаад̣̇од̇и бужчаа сагаваад̣̇исса, ‘‘ж̇аад̇ид̇хаммаа ж̇араад̇хаммаа, ат̇о маран̣ад̇хаммино’’д̇иаад̣̇исуд̇д̇авасзна бадин̃н̃аа бараваад̣̇исса. сан̇кад̇абхаавам̣ банасса со на ижчад̇и, д̇асмаа бадигкибад̇и.
214. Puggalassa uppādoti pucchā sakavādissa, ‘‘jātidhammā jarādhammā, atho maraṇadhammino’’tiādisuttavasena paṭiññā paravādissa. Saṅkhatabhāvaṃ panassa so na icchati, tasmā paṭikkhipati.
215. буна на уббаад̣̇о бан̃н̃ааяад̇ийд̇иаад̣̇инаа наязна будто ‘‘д̣̇угкамзва хи самбход̇и , д̣̇угкам̣ д̇идтад̇и взд̇и жаа’’д̇иаад̣̇иважанад̇о (сам̣. ни. 1.171) буг̇г̇аласса уббаад̣̇аад̣̇аяо наама на яуж̇ж̇анд̇ийд̇и бадиж̇аанаад̇и.
215. Puna na uppādo paññāyatītiādinā nayena puṭṭho ‘‘dukkhameva hi sambhoti , dukkhaṃ tiṭṭhati veti cā’’tiādivacanato (saṃ. ni. 1.171) puggalassa uppādādayo nāma na yujjantīti paṭijānāti.
216. ад̇т̇ад̇т̇амхийд̇и ад̇т̇ам̣ вужжад̇и ниб̣б̣аанам̣. д̇ад̇т̇а ад̇т̇ийд̇и бужчад̇и. д̇асса ад̇т̇ид̇ааяа сассад̇ам̣, над̇т̇ид̇ааяа. ужчзд̣̇о аабаж̇ж̇ад̇и. д̇ад̣̇убхаяамби анижчанд̇о бажчаа бадигкибад̇и.
216. Atthatthamhīti atthaṃ vuccati nibbānaṃ. Tattha atthīti pucchati. Tassa atthitāya sassataṃ, natthitāya. Ucchedo āpajjati. Tadubhayampi anicchanto pacchā paṭikkhipati.
н̃аад̇агаануяог̇аад̣̇иван̣н̣анаа.
Ñātakānuyogādivaṇṇanā.
19. бадивзд̇хаануяог̇аад̣̇иван̣н̣анаа
19. Paṭivedhānuyogādivaṇṇanā
217. бхавам̣ ниссааяа бан̃хз бхаванд̇и убабад̇д̇ибхавам̣.
217. Bhavaṃ nissāya pañhe bhavanti upapattibhavaṃ.
218. взд̣̇анам̣ взд̣̇ияамаанабан̃хз взд̣̇анам̣ взд̣̇ияамаано бариг̇г̇ахид̇авзд̣̇ано яог̇ааважарова баж̇аанаад̇и, б̣аалабут̇уж̇ж̇ано наббаж̇аанаад̇и.
218. Vedanaṃ vediyamānapañhe vedanaṃ vediyamāno pariggahitavedano yogāvacarova pajānāti, bālaputhujjano nappajānāti.
224. гааяаанубассанаад̣̇ибан̃хаа уд̇д̇аанад̇т̇ааязва.
224. Kāyānupassanādipañhā uttānatthāyeva.
226. баарааяанаг̇аат̇ааяа сун̃н̃ад̇о логам̣ авзгкассууд̇и сад̇д̇асун̃н̃ад̇авасзна канд̇халогам̣ ологзхийд̇и ад̇т̇о.
226. Pārāyanagāthāya suññato lokaṃ avekkhassūti sattasuññatavasena khandhalokaṃ olokehīti attho.
228. буг̇г̇ало авзгкад̇ийд̇и сагаваад̣̇ибужчаа. бараваад̣̇исса хи ‘‘сун̃н̃ад̇о логам̣ авзгкассуу’’д̇и г̇аат̇ааяа яо авзгкад̇и, со буг̇г̇алод̇и лад̣̇д̇хи, д̇асмаа нам̣ звам̣ бужчад̇и. саха руубзнаад̇и руубагааязна сад̣̇д̇хим̣. д̇ад̇о аниссадо худ̇ваад̇и ад̇т̇о. ид̣̇ам̣ бан̃жавогааравасзна ануж̇аанид̇ваа буна д̇ам̣ ж̇ийванд̇и будто суд̇д̇авирод̇хабхаязна бадигкибад̇и. винаа руубзнаад̇и ид̣̇ам̣ жад̇увогааравасзна ануж̇аанид̇ваа буна ан̃н̃ам̣ ж̇ийванд̇и будто суд̇д̇авирод̇хабхаязнзва бадигкибад̇и. ‘‘аб̣бханд̇араг̇ад̇о’’д̇и жа ‘‘б̣ахид̣̇д̇хаа нигкамид̇ваа’’д̇и жа ид̣̇ам̣ ‘‘саха руубзна винаа руубзнаа’’д̇и хздтаа вуд̇д̇асса лагкан̣аважанам̣. д̇ад̇т̇а аб̣бханд̇араг̇ад̇од̇и руубасса анд̇ог̇ад̇о, ид̇о ваа зд̇д̇о ваа анигкамид̇ваа руубабарижчзд̣̇авасзнзва тид̇о худ̇ваад̇и ад̇т̇о. нигкамид̇ваад̇и руубабарижчзд̣̇ам̣ ад̇иггамид̇ваа. руубам̣ аниссид̇о худ̇ваад̇и ад̇т̇о.
228. Puggalo avekkhatīti sakavādipucchā. Paravādissa hi ‘‘suññato lokaṃ avekkhassū’’ti gāthāya yo avekkhati, so puggaloti laddhi, tasmā naṃ evaṃ pucchati. Saha rūpenāti rūpakāyena saddhiṃ. Tato anissaṭo hutvāti attho. Idaṃ pañcavokāravasena anujānitvā puna taṃ jīvanti puṭṭho suttavirodhabhayena paṭikkhipati. Vinā rūpenāti idaṃ catuvokāravasena anujānitvā puna aññaṃ jīvanti puṭṭho suttavirodhabhayeneva paṭikkhipati. ‘‘Abbhantaragato’’ti ca ‘‘bahiddhā nikkhamitvā’’ti ca idaṃ ‘‘saha rūpena vinā rūpenā’’ti heṭṭhā vuttassa lakkhaṇavacanaṃ. Tattha abbhantaragatoti rūpassa antogato, ito vā etto vā anikkhamitvā rūpaparicchedavaseneva ṭhito hutvāti attho. Nikkhamitvāti rūpaparicchedaṃ atikkamitvā. Rūpaṃ anissito hutvāti attho.
231. анад̇д̇аад̇и ад̇д̇анаа ж̇ийвзна буг̇г̇алзна рахид̇о. згад̇хаммзби буг̇г̇ало над̇т̇ийд̇и ад̇т̇о. звам̣ саб̣б̣асуд̇д̇аанам̣ ааг̇амадтагат̇аасу вуд̇д̇анаязнзва ад̇т̇о взд̣̇ид̇аб̣б̣о. ид̇ха бана санд̇хааяабхаасид̇амад̇д̇амзва вагкаама.
231. Anattāti attanā jīvena puggalena rahito. Ekadhammepi puggalo natthīti attho. Evaṃ sabbasuttānaṃ āgamaṭṭhakathāsu vuttanayeneva attho veditabbo. Idha pana sandhāyabhāsitamattameva vakkhāma.
237. вуд̇д̇ам̣ бхаг̇авад̇аа саббигумбход̇иаад̣̇и ‘‘саб̣б̣аава д̣̇зсанаа яат̇ааруд̇авасзнзва ад̇т̇ад̇о на г̇ахзд̇аб̣б̣аа’’д̇и д̣̇ассанад̇т̇ам̣ аабхад̇ам̣. яат̇аа хи суван̣н̣ам̣ г̇ахзд̇ваа гад̇о суван̣н̣авигааро гумбхо суван̣н̣агумбход̇и вужжад̇и, на звам̣ саббим̣ г̇ахзд̇ваа гад̇о саббисса вигааро саббигумбхо наама ад̇т̇и. яасмим̣ бана гумбхз сабби багкид̇д̇ам̣, со саббигумбхо наамаад̇и аяамзд̇т̇а ад̇т̇о. д̇злагумбхаад̣̇ийсуби зсзва наяо. яат̇аа жа ниб̣б̣аанам̣ нижжам̣ д̇хувам̣, на звам̣ бхад̇д̇ам̣ ваа яааг̇у ваа ад̇т̇и. гаалабарижчзд̣̇ам̣ бана агад̇ваа д̣̇ивасз д̣̇ивасз д̣̇ассаамаад̇и бан̃н̃ад̇д̇авасзна ‘‘нижжабхад̇д̇ам̣ д̇хуваяааг̇уу’’д̇и вужжад̇ийд̇и аяамзд̇т̇а ад̇т̇о.
237. Vuttaṃ bhagavatā sappikumbhotiādi ‘‘sabbāva desanā yathārutavaseneva atthato na gahetabbā’’ti dassanatthaṃ ābhataṃ. Yathā hi suvaṇṇaṃ gahetvā kato suvaṇṇavikāro kumbho suvaṇṇakumbhoti vuccati, na evaṃ sappiṃ gahetvā kato sappissa vikāro sappikumbho nāma atthi. Yasmiṃ pana kumbhe sappi pakkhittaṃ, so sappikumbho nāmāti ayamettha attho. Telakumbhādīsupi eseva nayo. Yathā ca nibbānaṃ niccaṃ dhuvaṃ, na evaṃ bhattaṃ vā yāgu vā atthi. Kālaparicchedaṃ pana akatvā divase divase dassāmāti paññattavasena ‘‘niccabhattaṃ dhuvayāgū’’ti vuccatīti ayamettha attho.
‘‘ад̇т̇и буг̇г̇ало ад̇д̇ахид̇ааяа бадибанно’’д̇иаад̣̇ийсуби яат̇аа руубаад̣̇аяо д̇хаммаа бажжад̇д̇алагкан̣асааман̃н̃алагкан̣авасзна ад̇т̇и, на звам̣ буг̇г̇ало . руубаад̣̇ийсу бана сад̇и ‘звам̣наамо’‘звам̣г̇од̇д̇о’д̇и вохааро ход̇и. ид̇и иминаа логавохаарзна логасаммуд̇ияаа логанируд̇д̇ияаа ад̇т̇и буг̇г̇алод̇и аяамзд̇т̇а ад̇т̇о. вуд̇д̇амби жзд̇ам̣ бхаг̇авад̇аа – ‘‘имаа ко жид̇д̇а, логасаман̃н̃аа логанируд̇д̇ияо логавохаараа логабан̃н̃ад̇д̇ияо’’д̇и (д̣̇ий. ни. 1.440). руубаад̣̇ид̇хаммаа бана винааби логасаммуд̇им̣ бажжад̇д̇асааман̃н̃алагкан̣авасзна бан̃н̃аабанад̇о ад̇т̇ийд̇и аяамзд̇т̇а ад̇т̇о.
‘‘Atthi puggalo attahitāya paṭipanno’’tiādīsupi yathā rūpādayo dhammā paccattalakkhaṇasāmaññalakkhaṇavasena atthi, na evaṃ puggalo . Rūpādīsu pana sati ‘evaṃnāmo’‘evaṃgotto’ti vohāro hoti. Iti iminā lokavohārena lokasammutiyā lokaniruttiyā atthi puggaloti ayamettha attho. Vuttampi cetaṃ bhagavatā – ‘‘imā kho citta, lokasamaññā lokaniruttiyo lokavohārā lokapaññattiyo’’ti (dī. ni. 1.440). Rūpādidhammā pana vināpi lokasammutiṃ paccattasāmaññalakkhaṇavasena paññāpanato atthīti ayamettha attho.
б̣уд̣̇д̇хаанам̣ бана д̣̇вз гат̇аа саммуд̇игат̇аа жа барамад̇т̇агат̇аа жа. д̇ад̇т̇а сад̇д̇о, буг̇г̇ало, д̣̇зво, б̣рахмаад̇иаад̣̇игаа саммуд̇игат̇аа наама. анижжам̣, д̣̇угкам̣, анад̇д̇аа, канд̇хаа, д̇хаад̇уяо, ааяад̇анаани, сад̇ибадтаанаа, саммаббад̇хаанаад̇иаад̣̇игаа барамад̇т̇агат̇аа наама.
Buddhānaṃ pana dve kathā sammutikathā ca paramatthakathā ca. Tattha satto, puggalo, devo, brahmātiādikā sammutikathā nāma. Aniccaṃ, dukkhaṃ, anattā, khandhā, dhātuyo, āyatanāni, satipaṭṭhānā, sammappadhānātiādikā paramatthakathā nāma.
д̇ад̇т̇а яо саммуд̇ид̣̇зсанааяа сад̇д̇од̇и ваа…бз… б̣рахмаад̇и ваад̇и вуд̇д̇з ж̇аанид̇ум̣ бадивиж̇жхид̇ум̣ нияяаад̇ум̣ арахад̇д̇аж̇аяаг̇г̇аахам̣ г̇ахзд̇ум̣ саггод̇и, д̇асса бхаг̇аваа аад̣̇ид̇ова сад̇д̇од̇и ваа буг̇г̇алод̇и ваа босод̇и ваа д̣̇звод̇и ваа б̣рахмаад̇и ваа гат̇зд̇и. яо барамад̇т̇ад̣̇зсанааяа анижжанд̇и ваа д̣̇угканд̇и ваад̇иаад̣̇ийсу ан̃н̃ад̇арам̣ суд̇ваава ж̇аанид̇ум̣ бадивиж̇жхид̇ум̣ нияяаад̇ум̣ арахад̇д̇аж̇аяаг̇г̇аахам̣ г̇ахзд̇ум̣ саггод̇и. д̇асса анижжанд̇иаад̣̇ийсу ан̃н̃ад̇арам̣ гат̇зд̇и. д̇ат̇аа саммуд̇игат̇ааяа б̣уж̇жханагасад̇д̇асса на батамам̣ барамад̇т̇агат̇ам̣ гат̇зд̇и. саммуд̇игат̇ааяа бана б̣од̇хзд̇ваа бажчаа барамад̇т̇агат̇ам̣ гат̇зд̇и . барамад̇т̇агат̇ааяа б̣уж̇жханагасад̇д̇ассааби на батамам̣ саммуд̇игат̇ам̣ гат̇зд̇и. барамад̇т̇агат̇ааяа бана б̣од̇хзд̇ваа бажчаа саммуд̇игат̇ам̣ гат̇зд̇и. багад̇ияаа бана батамамзва барамад̇т̇агат̇ам̣ гат̇знд̇асса д̣̇зсанаа луукаагаараа ход̇и. д̇асмаа б̣уд̣̇д̇хаа батамам̣ саммуд̇игат̇ам̣ гат̇зд̇ваа бажчаа барамад̇т̇агат̇ам̣ гат̇знд̇и. д̇з саммуд̇игат̇ам̣ гат̇знд̇ааби сажжамзва сабхаавамзва амусаава гат̇знд̇и. барамад̇т̇агат̇ам̣ гат̇знд̇ааби сажжамзва сабхаавамзва амусаава гат̇знд̇и. аяан̃хи –
Tattha yo sammutidesanāya sattoti vā…pe… brahmāti vāti vutte jānituṃ paṭivijjhituṃ niyyātuṃ arahattajayaggāhaṃ gahetuṃ sakkoti, tassa bhagavā āditova sattoti vā puggaloti vā posoti vā devoti vā brahmāti vā katheti. Yo paramatthadesanāya aniccanti vā dukkhanti vātiādīsu aññataraṃ sutvāva jānituṃ paṭivijjhituṃ niyyātuṃ arahattajayaggāhaṃ gahetuṃ sakkoti. Tassa aniccantiādīsu aññataraṃ katheti. Tathā sammutikathāya bujjhanakasattassa na paṭhamaṃ paramatthakathaṃ katheti. Sammutikathāya pana bodhetvā pacchā paramatthakathaṃ katheti . Paramatthakathāya bujjhanakasattassāpi na paṭhamaṃ sammutikathaṃ katheti. Paramatthakathāya pana bodhetvā pacchā sammutikathaṃ katheti. Pakatiyā pana paṭhamameva paramatthakathaṃ kathentassa desanā lūkhākārā hoti. Tasmā buddhā paṭhamaṃ sammutikathaṃ kathetvā pacchā paramatthakathaṃ kathenti. Te sammutikathaṃ kathentāpi saccameva sabhāvameva amusāva kathenti. Paramatthakathaṃ kathentāpi saccameva sabhāvameva amusāva kathenti. Ayañhi –
‘‘д̣̇увз сажжаани агкааси, самб̣уд̣̇д̇хо вад̣̇ад̇ам̣ варо;
‘‘Duve saccāni akkhāsi, sambuddho vadataṃ varo;
саммуд̇им̣ барамад̇т̇ан̃жа, д̇ад̇ияам̣ нубалаб̣бхад̇и’’.
Sammutiṃ paramatthañca, tatiyaṃ nupalabbhati’’.
д̇ад̇т̇а –
Tattha –
‘‘сан̇гзд̇аважанам̣ сажжам̣, логасаммуд̇игааран̣ам̣;
‘‘Saṅketavacanaṃ saccaṃ, lokasammutikāraṇaṃ;
барамад̇т̇аважанам̣ сажжам̣, д̇хаммаанам̣ д̇ат̇алагкан̣а’’нд̇и.
Paramatthavacanaṃ saccaṃ, dhammānaṃ tathalakkhaṇa’’nti.
абаро наяо – д̣̇вз бхаг̇авад̇о д̣̇зсанаа барамад̇т̇ад̣̇зсанаа жа канд̇хаад̣̇ивасзна, саммуд̇ид̣̇зсанаа жа саббигумбхаад̣̇ивасзна. на хи бхаг̇аваа саман̃н̃ам̣ ад̇ид̇хаавад̇и. д̇асмаа ‘‘ад̇т̇и буг̇г̇ало’’д̇и важанамад̇д̇ад̇о абхинивзсо на гаад̇аб̣б̣о. сад̇т̇аараа хи –
Aparo nayo – dve bhagavato desanā paramatthadesanā ca khandhādivasena, sammutidesanā ca sappikumbhādivasena. Na hi bhagavā samaññaṃ atidhāvati. Tasmā ‘‘atthi puggalo’’ti vacanamattato abhiniveso na kātabbo. Satthārā hi –
‘‘бан̃н̃ад̇д̇им̣ анад̇иггамма, барамад̇т̇о багаасид̇о;
‘‘Paññattiṃ anatikkamma, paramattho pakāsito;
саман̃н̃ам̣ наад̇ид̇хаавзяяа, д̇асмаа ан̃н̃оби бан̣д̣ид̇о;
Samaññaṃ nātidhāveyya, tasmā aññopi paṇḍito;
барамад̇т̇ам̣ багаасзнд̇о, саман̃н̃ам̣ наад̇ид̇хааваяз’’.
Paramatthaṃ pakāsento, samaññaṃ nātidhāvaye’’.
сзсам̣ саб̣б̣ад̇т̇а уд̇д̇аанад̇т̇амзваад̇и.
Sesaṃ sabbattha uttānatthamevāti.
буг̇г̇алагат̇аа нидтид̇аа.
Puggalakathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 1. буг̇г̇алагат̇аа • 1. Puggalakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. буг̇г̇алагат̇аа • 1. Puggalakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. буг̇г̇алагат̇аа • 1. Puggalakathā
