| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. буг̇г̇алаббасаад̣̇асуд̇д̇ам̣
10. Puggalappasādasuttaṃ
250. ‘‘бан̃жимз , бхигкавз, аад̣̇ийнаваа буг̇г̇алаббасаад̣̇з. гад̇амз бан̃жа? яасмим̣, бхигкавз, буг̇г̇алз буг̇г̇ало абхиббасанно ход̇и, со д̇ат̇ааруубам̣ аабад̇д̇им̣ аабанно ход̇и яат̇ааруубааяа аабад̇д̇ияаа сан̇гхо угкибад̇и. д̇асса звам̣ ход̇и – ‘яо ко мяааяам̣ буг̇г̇ало бияо манаабо со сан̇гхзна угкид̇д̇о’д̇и. бхигкуусу аббасаад̣̇аб̣ахуло ход̇и. бхигкуусу аббасаад̣̇аб̣ахуло самаано ан̃н̃з бхигкуу на бхаж̇ад̇и. ан̃н̃з бхигкуу абхаж̇анд̇о сад̣̇д̇хаммам̣ на сун̣аад̇и. сад̣̇д̇хаммам̣ асун̣анд̇о сад̣̇д̇хаммаа барихааяад̇и. аяам̣, бхигкавз, батамо аад̣̇ийнаво буг̇г̇алаббасаад̣̇з.
250. ‘‘Pañcime , bhikkhave, ādīnavā puggalappasāde. Katame pañca? Yasmiṃ, bhikkhave, puggale puggalo abhippasanno hoti, so tathārūpaṃ āpattiṃ āpanno hoti yathārūpāya āpattiyā saṅgho ukkhipati. Tassa evaṃ hoti – ‘yo kho myāyaṃ puggalo piyo manāpo so saṅghena ukkhitto’ti. Bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, paṭhamo ādīnavo puggalappasāde.
‘‘буна жабарам̣, бхигкавз, яасмим̣ буг̇г̇алз буг̇г̇ало абхиббасанно ход̇и, со д̇ат̇ааруубам̣ аабад̇д̇им̣ аабанно ход̇и яат̇ааруубааяа аабад̇д̇ияаа сан̇гхо анд̇з нисийд̣̇аабзд̇и . д̇асса звам̣ ход̇и – ‘яо ко мяааяам̣ буг̇г̇ало бияо манаабо со сан̇гхзна анд̇з нисийд̣̇аабид̇о’д̇и. бхигкуусу аббасаад̣̇аб̣ахуло ход̇и. бхигкуусу аббасаад̣̇аб̣ахуло самаано ан̃н̃з бхигкуу на бхаж̇ад̇и. ан̃н̃з бхигкуу абхаж̇анд̇о сад̣̇д̇хаммам̣ на сун̣аад̇и. сад̣̇д̇хаммам̣ асун̣анд̇о сад̣̇д̇хаммаа барихааяад̇и. аяам̣, бхигкавз, д̣̇уд̇ияо аад̣̇ийнаво буг̇г̇алаббасаад̣̇з.
‘‘Puna caparaṃ, bhikkhave, yasmiṃ puggale puggalo abhippasanno hoti, so tathārūpaṃ āpattiṃ āpanno hoti yathārūpāya āpattiyā saṅgho ante nisīdāpeti . Tassa evaṃ hoti – ‘yo kho myāyaṃ puggalo piyo manāpo so saṅghena ante nisīdāpito’ti. Bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, dutiyo ādīnavo puggalappasāde.
‘‘буна жабарам̣, бхигкавз, яасмим̣ буг̇г̇алз буг̇г̇ало абхиббасанно ход̇и, со д̣̇исаабагганд̇о ход̇и…бз… со виб̣бханд̇о ход̇и…бз… со гаалан̇гад̇о ход̇и. д̇асса звам̣ ход̇и – ‘яо ко мяааяам̣ буг̇г̇ало бияо манаабо со гаалан̇гад̇о’д̇и. ан̃н̃з бхигкуу на бхаж̇ад̇и. ан̃н̃з бхигкуу абхаж̇анд̇о сад̣̇д̇хаммам̣ на сун̣аад̇и. сад̣̇д̇хаммам̣ асун̣анд̇о сад̣̇д̇хаммаа барихааяад̇и. аяам̣, бхигкавз, бан̃жамо аад̣̇ийнаво буг̇г̇алаббасаад̣̇з. имз ко, бхигкавз, бан̃жа аад̣̇ийнаваа буг̇г̇алаббасаад̣̇з’’д̇и. д̣̇асамам̣.
‘‘Puna caparaṃ, bhikkhave, yasmiṃ puggale puggalo abhippasanno hoti, so disāpakkanto hoti…pe… so vibbhanto hoti…pe… so kālaṅkato hoti. Tassa evaṃ hoti – ‘yo kho myāyaṃ puggalo piyo manāpo so kālaṅkato’ti. Aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, pañcamo ādīnavo puggalappasāde. Ime kho, bhikkhave, pañca ādīnavā puggalappasāde’’ti. Dasamaṃ.
д̣̇ужжарид̇аваг̇г̇о бан̃жамо.
Duccaritavaggo pañcamo.
д̇ассуд̣̇д̣̇аанам̣ –
Tassuddānaṃ –
д̣̇ужжарид̇ам̣ гааяад̣̇ужжарид̇ам̣, важийд̣̇ужжарид̇ам̣ манод̣̇ужжарид̇ам̣;
Duccaritaṃ kāyaduccaritaṃ, vacīduccaritaṃ manoduccaritaṃ;
жад̇уухи барз д̣̇вз сиват̇игаа, буг̇г̇алаббасаад̣̇зна жаад̇и.
Catūhi pare dve sivathikā, puggalappasādena cāti.
бан̃жамабан̣н̣аасагам̣ самад̇д̇ам̣.
Pañcamapaṇṇāsakaṃ samattaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. буг̇г̇алаббасаад̣̇асуд̇д̇аван̣н̣анаа • 10. Puggalappasādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. батамад̣̇ийгхажааригасуд̇д̇аад̣̇иван̣н̣анаа • 1-10. Paṭhamadīghacārikasuttādivaṇṇanā
