| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਪੁਗ੍ਗਲਪ੍ਪਸਾਦਸੁਤ੍ਤਂ
10. Puggalappasādasuttaṃ
੨੫੦. ‘‘ਪਞ੍ਚਿਮੇ , ਭਿਕ੍ਖવੇ, ਆਦੀਨવਾ ਪੁਗ੍ਗਲਪ੍ਪਸਾਦੇ। ਕਤਮੇ ਪਞ੍ਚ? ਯਸ੍ਮਿਂ, ਭਿਕ੍ਖવੇ, ਪੁਗ੍ਗਲੇ ਪੁਗ੍ਗਲੋ ਅਭਿਪ੍ਪਸਨ੍ਨੋ ਹੋਤਿ, ਸੋ ਤਥਾਰੂਪਂ ਆਪਤ੍ਤਿਂ ਆਪਨ੍ਨੋ ਹੋਤਿ ਯਥਾਰੂਪਾਯ ਆਪਤ੍ਤਿਯਾ ਸਙ੍ਘੋ ਉਕ੍ਖਿਪਤਿ। ਤਸ੍ਸ ਏવਂ ਹੋਤਿ – ‘ਯੋ ਖੋ ਮ੍ਯਾਯਂ ਪੁਗ੍ਗਲੋ ਪਿਯੋ ਮਨਾਪੋ ਸੋ ਸਙ੍ਘੇਨ ਉਕ੍ਖਿਤ੍ਤੋ’ਤਿ। ਭਿਕ੍ਖੂਸੁ ਅਪ੍ਪਸਾਦਬਹੁਲੋ ਹੋਤਿ। ਭਿਕ੍ਖੂਸੁ ਅਪ੍ਪਸਾਦਬਹੁਲੋ ਸਮਾਨੋ ਅਞ੍ਞੇ ਭਿਕ੍ਖੂ ਨ ਭਜਤਿ। ਅਞ੍ਞੇ ਭਿਕ੍ਖੂ ਅਭਜਨ੍ਤੋ ਸਦ੍ਧਮ੍ਮਂ ਨ ਸੁਣਾਤਿ। ਸਦ੍ਧਮ੍ਮਂ ਅਸੁਣਨ੍ਤੋ ਸਦ੍ਧਮ੍ਮਾ ਪਰਿਹਾਯਤਿ। ਅਯਂ, ਭਿਕ੍ਖવੇ, ਪਠਮੋ ਆਦੀਨવੋ ਪੁਗ੍ਗਲਪ੍ਪਸਾਦੇ।
250. ‘‘Pañcime , bhikkhave, ādīnavā puggalappasāde. Katame pañca? Yasmiṃ, bhikkhave, puggale puggalo abhippasanno hoti, so tathārūpaṃ āpattiṃ āpanno hoti yathārūpāya āpattiyā saṅgho ukkhipati. Tassa evaṃ hoti – ‘yo kho myāyaṃ puggalo piyo manāpo so saṅghena ukkhitto’ti. Bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, paṭhamo ādīnavo puggalappasāde.
‘‘ਪੁਨ ਚਪਰਂ, ਭਿਕ੍ਖવੇ, ਯਸ੍ਮਿਂ ਪੁਗ੍ਗਲੇ ਪੁਗ੍ਗਲੋ ਅਭਿਪ੍ਪਸਨ੍ਨੋ ਹੋਤਿ, ਸੋ ਤਥਾਰੂਪਂ ਆਪਤ੍ਤਿਂ ਆਪਨ੍ਨੋ ਹੋਤਿ ਯਥਾਰੂਪਾਯ ਆਪਤ੍ਤਿਯਾ ਸਙ੍ਘੋ ਅਨ੍ਤੇ ਨਿਸੀਦਾਪੇਤਿ । ਤਸ੍ਸ ਏવਂ ਹੋਤਿ – ‘ਯੋ ਖੋ ਮ੍ਯਾਯਂ ਪੁਗ੍ਗਲੋ ਪਿਯੋ ਮਨਾਪੋ ਸੋ ਸਙ੍ਘੇਨ ਅਨ੍ਤੇ ਨਿਸੀਦਾਪਿਤੋ’ਤਿ। ਭਿਕ੍ਖੂਸੁ ਅਪ੍ਪਸਾਦਬਹੁਲੋ ਹੋਤਿ। ਭਿਕ੍ਖੂਸੁ ਅਪ੍ਪਸਾਦਬਹੁਲੋ ਸਮਾਨੋ ਅਞ੍ਞੇ ਭਿਕ੍ਖੂ ਨ ਭਜਤਿ। ਅਞ੍ਞੇ ਭਿਕ੍ਖੂ ਅਭਜਨ੍ਤੋ ਸਦ੍ਧਮ੍ਮਂ ਨ ਸੁਣਾਤਿ। ਸਦ੍ਧਮ੍ਮਂ ਅਸੁਣਨ੍ਤੋ ਸਦ੍ਧਮ੍ਮਾ ਪਰਿਹਾਯਤਿ। ਅਯਂ, ਭਿਕ੍ਖવੇ, ਦੁਤਿਯੋ ਆਦੀਨવੋ ਪੁਗ੍ਗਲਪ੍ਪਸਾਦੇ।
‘‘Puna caparaṃ, bhikkhave, yasmiṃ puggale puggalo abhippasanno hoti, so tathārūpaṃ āpattiṃ āpanno hoti yathārūpāya āpattiyā saṅgho ante nisīdāpeti . Tassa evaṃ hoti – ‘yo kho myāyaṃ puggalo piyo manāpo so saṅghena ante nisīdāpito’ti. Bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, dutiyo ādīnavo puggalappasāde.
‘‘ਪੁਨ ਚਪਰਂ, ਭਿਕ੍ਖવੇ, ਯਸ੍ਮਿਂ ਪੁਗ੍ਗਲੇ ਪੁਗ੍ਗਲੋ ਅਭਿਪ੍ਪਸਨ੍ਨੋ ਹੋਤਿ, ਸੋ ਦਿਸਾਪਕ੍ਕਨ੍ਤੋ ਹੋਤਿ…ਪੇ॰… ਸੋ વਿਬ੍ਭਨ੍ਤੋ ਹੋਤਿ…ਪੇ॰… ਸੋ ਕਾਲਙ੍ਕਤੋ ਹੋਤਿ। ਤਸ੍ਸ ਏવਂ ਹੋਤਿ – ‘ਯੋ ਖੋ ਮ੍ਯਾਯਂ ਪੁਗ੍ਗਲੋ ਪਿਯੋ ਮਨਾਪੋ ਸੋ ਕਾਲਙ੍ਕਤੋ’ਤਿ। ਅਞ੍ਞੇ ਭਿਕ੍ਖੂ ਨ ਭਜਤਿ। ਅਞ੍ਞੇ ਭਿਕ੍ਖੂ ਅਭਜਨ੍ਤੋ ਸਦ੍ਧਮ੍ਮਂ ਨ ਸੁਣਾਤਿ। ਸਦ੍ਧਮ੍ਮਂ ਅਸੁਣਨ੍ਤੋ ਸਦ੍ਧਮ੍ਮਾ ਪਰਿਹਾਯਤਿ। ਅਯਂ, ਭਿਕ੍ਖવੇ, ਪਞ੍ਚਮੋ ਆਦੀਨવੋ ਪੁਗ੍ਗਲਪ੍ਪਸਾਦੇ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਦੀਨવਾ ਪੁਗ੍ਗਲਪ੍ਪਸਾਦੇ’’ਤਿ। ਦਸਮਂ।
‘‘Puna caparaṃ, bhikkhave, yasmiṃ puggale puggalo abhippasanno hoti, so disāpakkanto hoti…pe… so vibbhanto hoti…pe… so kālaṅkato hoti. Tassa evaṃ hoti – ‘yo kho myāyaṃ puggalo piyo manāpo so kālaṅkato’ti. Aññe bhikkhū na bhajati. Aññe bhikkhū abhajanto saddhammaṃ na suṇāti. Saddhammaṃ asuṇanto saddhammā parihāyati. Ayaṃ, bhikkhave, pañcamo ādīnavo puggalappasāde. Ime kho, bhikkhave, pañca ādīnavā puggalappasāde’’ti. Dasamaṃ.
ਦੁਚ੍ਚਰਿਤવਗ੍ਗੋ ਪਞ੍ਚਮੋ।
Duccaritavaggo pañcamo.
ਤਸ੍ਸੁਦ੍ਦਾਨਂ –
Tassuddānaṃ –
ਦੁਚ੍ਚਰਿਤਂ ਕਾਯਦੁਚ੍ਚਰਿਤਂ, વਚੀਦੁਚ੍ਚਰਿਤਂ ਮਨੋਦੁਚ੍ਚਰਿਤਂ।
Duccaritaṃ kāyaduccaritaṃ, vacīduccaritaṃ manoduccaritaṃ;
ਚਤੂਹਿ ਪਰੇ ਦ੍વੇ ਸਿવਥਿਕਾ, ਪੁਗ੍ਗਲਪ੍ਪਸਾਦੇਨ ਚਾਤਿ॥
Catūhi pare dve sivathikā, puggalappasādena cāti.
ਪਞ੍ਚਮਪਣ੍ਣਾਸਕਂ ਸਮਤ੍ਤਂ।
Pañcamapaṇṇāsakaṃ samattaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਪੁਗ੍ਗਲਪ੍ਪਸਾਦਸੁਤ੍ਤવਣ੍ਣਨਾ • 10. Puggalappasādasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਪਠਮਦੀਘਚਾਰਿਕਸੁਤ੍ਤਾਦਿવਣ੍ਣਨਾ • 1-10. Paṭhamadīghacārikasuttādivaṇṇanā
