| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
9. පුග්‌ගලසුත්‌තං
9. Puggalasuttaṃ
9. ‘‘නවයිමෙ, භික්‌ඛවෙ, පුග්‌ගලා සන්‌තො සංවිජ්‌ජමානා ලොකස්‌මිං. කතමෙ නව? අරහා, අරහත්‌තාය පටිපන්‌නො, අනාගාමී, අනාගාමිඵලසච්‌ඡිකිරියාය පටිපන්‌නො, සකදාගාමී, සකදාගාමිඵලසච්‌ඡිකිරියාය පටිපන්‌නො , සොතාපන්‌නො, සොතාපත්‌තිඵලසච්‌ඡිකිරියාය පටිපන්‌නො, පුථුජ්‌ජනො – ඉමෙ ඛො, භික්‌ඛවෙ, නව පුග්‌ගලා සන්‌තො සංවිජ්‌ජමානා ලොකස්‌මි’’න්‌ති. නවමං.
9. ‘‘Navayime, bhikkhave, puggalā santo saṃvijjamānā lokasmiṃ. Katame nava? Arahā, arahattāya paṭipanno, anāgāmī, anāgāmiphalasacchikiriyāya paṭipanno, sakadāgāmī, sakadāgāmiphalasacchikiriyāya paṭipanno , sotāpanno, sotāpattiphalasacchikiriyāya paṭipanno, puthujjano – ime kho, bhikkhave, nava puggalā santo saṃvijjamānā lokasmi’’nti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 8-10. සජ්‌ඣසුත්‌තාදිවණ්‌ණනා • 8-10. Sajjhasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-10. සුතවාසුත්‌තාදිවණ්‌ණනා • 7-10. Sutavāsuttādivaṇṇanā
