| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. анусаяаваг̇г̇о
2. Anusayavaggo
4.буг̇г̇аласуд̇д̇аван̣н̣анаа
4.Puggalasuttavaṇṇanā
14. д̣̇уд̇ияасса жад̇уд̇т̇з убхад̇о убхаяат̇аа, убхад̇о убхохи бхааг̇зхи вимуд̇д̇од̇и убхад̇обхааг̇авимуд̇д̇о згад̣̇зсасаруубзгасзсанаязна. д̣̇вийхи бхааг̇зхийд̇и гаран̣з ниссаггз жзд̇ам̣ б̣ахуважанам̣ . аавуд̇д̇иаад̣̇ивасзна аяам̣ нияамо взд̣̇ид̇аб̣б̣од̇и ааха ‘‘аруубасамаабад̇д̇ияаа’’д̇иаад̣̇и. зд̇зна ‘‘самаабад̇д̇ияаа вигкамбханавимогкзна, маг̇г̇зна самужчзд̣̇авимогкзна вимуд̇д̇ад̇д̇аа убхад̇обхааг̇авимуд̇д̇о’’д̇и звам̣ бавад̇д̇о д̇ибидагажуул̣анааг̇ад̇т̇зраваад̣̇о, ‘‘наамагааяад̇о руубагааяад̇о жа вимуд̇д̇ад̇д̇аа убхад̇обхааг̇авимуд̇д̇о’’д̇и звам̣ бавад̇д̇о д̇ибидагамахаарагкид̇ад̇т̇зраваад̣̇о, ‘‘самаабад̇д̇ияаа вигкамбханавимогкзна згаваарам̣, маг̇г̇зна самужчзд̣̇авимогкзна згаваарам̣ вимуд̇д̇ад̇д̇аа убхад̇обхааг̇авимуд̇д̇о’’д̇и звам̣ бавад̇д̇о д̇ибидагажуул̣аабхаяад̇т̇зраваад̣̇о жаад̇и имзсам̣ д̇ин̣н̣амби т̇зраваад̣̇аанам̣ згаж̇жхам̣ сан̇г̇ахо гад̇од̇и д̣̇адтаб̣б̣ам̣. зд̇т̇а жа батамаваад̣̇з д̣̇вийхи бхааг̇зхи вимуд̇д̇о убхад̇обхааг̇авимуд̇д̇о вуд̇д̇о, д̣̇уд̇ияаваад̣̇з убхад̇о бхааг̇ад̇о вимуд̇д̇од̇и убхад̇обхааг̇авимуд̇д̇о, д̇ад̇ияаваад̣̇з д̣̇вийхи бхааг̇зхи д̣̇вз ваарз вимуд̇д̇од̇и аяамзд̇зсам̣ висзсод̇и. вимуд̇д̇од̇и гилзсзхи вимуд̇д̇о, гилзсавигкамбханасамужчзд̣̇анзхи ваа гааяад̇о вимуд̇д̇охи ад̇т̇о.
14. Dutiyassa catutthe ubhato ubhayathā, ubhato ubhohi bhāgehi vimuttoti ubhatobhāgavimutto ekadesasarūpekasesanayena. Dvīhi bhāgehīti karaṇe nissakke cetaṃ bahuvacanaṃ . Āvuttiādivasena ayaṃ niyamo veditabboti āha ‘‘arūpasamāpattiyā’’tiādi. Etena ‘‘samāpattiyā vikkhambhanavimokkhena, maggena samucchedavimokkhena vimuttattā ubhatobhāgavimutto’’ti evaṃ pavatto tipiṭakacūḷanāgattheravādo, ‘‘nāmakāyato rūpakāyato ca vimuttattā ubhatobhāgavimutto’’ti evaṃ pavatto tipiṭakamahārakkhitattheravādo, ‘‘samāpattiyā vikkhambhanavimokkhena ekavāraṃ, maggena samucchedavimokkhena ekavāraṃ vimuttattā ubhatobhāgavimutto’’ti evaṃ pavatto tipiṭakacūḷābhayattheravādo cāti imesaṃ tiṇṇampi theravādānaṃ ekajjhaṃ saṅgaho katoti daṭṭhabbaṃ. Ettha ca paṭhamavāde dvīhi bhāgehi vimutto ubhatobhāgavimutto vutto, dutiyavāde ubhato bhāgato vimuttoti ubhatobhāgavimutto, tatiyavāde dvīhi bhāgehi dve vāre vimuttoti ayametesaṃ visesoti. Vimuttoti kilesehi vimutto, kilesavikkhambhanasamucchedanehi vā kāyato vimuttohi attho.
сод̇и убхад̇обхааг̇авимуд̇д̇о. гааман̃жзд̇т̇а руубааважаражад̇уд̇т̇аж̇жхаанамби аруубааважараж̇жхаанам̣ вияа д̣̇уван̇г̇игам̣ аанзн̃ж̇аббад̇д̇анд̇и вужжад̇и. д̇ам̣ бана бад̣̇адтаанам̣ гад̇ваа арахад̇д̇ам̣ бад̇д̇о убхад̇обхааг̇авимуд̇д̇о наама на ход̇и руубагааяад̇о авимуд̇д̇ад̇д̇аа. д̇ан̃хи гилзсагааяад̇ова вимуд̇д̇ам̣, на руубагааяад̇о, д̇асмаа д̇ад̇о вудтааяа арахад̇д̇ам̣ бад̇д̇о убхад̇обхааг̇авимуд̇д̇о на ход̇ийд̇и ааха ‘‘жад̇уннам̣ арууба…бз… бан̃жавид̇хо ход̇ий’’д̇и. аруубасамаабад̇д̇ийнанд̇и нид̣̇д̇хааран̣з саамиважанам̣. арахад̇д̇ам̣ бад̇д̇аанааг̇ааминод̇и бхууд̇абуб̣б̣аг̇ад̇ияаа вуд̇д̇ам̣. на хи арахад̇д̇ам̣ бад̇д̇о анааг̇аамий наама ход̇и. ‘‘руубий руубаани бассад̇ий’’д̇иаад̣̇игз нирод̇хасамаабад̇д̇ианд̇з адта вимогкз вад̇ваа –
Soti ubhatobhāgavimutto. Kāmañcettha rūpāvacaracatutthajjhānampi arūpāvacarajjhānaṃ viya duvaṅgikaṃ āneñjappattanti vuccati. Taṃ pana padaṭṭhānaṃ katvā arahattaṃ patto ubhatobhāgavimutto nāma na hoti rūpakāyato avimuttattā. Tañhi kilesakāyatova vimuttaṃ, na rūpakāyato, tasmā tato vuṭṭhāya arahattaṃ patto ubhatobhāgavimutto na hotīti āha ‘‘catunnaṃ arūpa…pe… pañcavidho hotī’’ti. Arūpasamāpattīnanti niddhāraṇe sāmivacanaṃ. Arahattaṃ pattaanāgāminoti bhūtapubbagatiyā vuttaṃ. Na hi arahattaṃ patto anāgāmī nāma hoti. ‘‘Rūpī rūpāni passatī’’tiādike nirodhasamāpattiante aṭṭha vimokkhe vatvā –
‘‘яад̇о жа ко, аананд̣̇а, бхигку имз адта вимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, аананд̣̇а, бхигку убхад̇обхааг̇авимуд̇д̇о’’д̇и –
‘‘Yato ca kho, ānanda, bhikkhu ime aṭṭha vimokkhe kāyena phusitvā viharati, paññāya cassa disvā āsavā parikkhīṇā honti. Ayaṃ vuccati, ānanda, bhikkhu ubhatobhāgavimutto’’ti –
яад̣̇иби махаанид̣̇аанз (д̣̇ий. ни. 2.130) вуд̇д̇ам̣, д̇ам̣ бана убхад̇обхааг̇авимуд̇д̇асздтавасзна вуд̇д̇анд̇и, ид̇ха бана саб̣б̣аубхад̇обхааг̇авимуд̇д̇з сан̇г̇ахан̣ад̇т̇ам̣ ‘‘бан̃жавид̇хо ход̇ий’’д̇и вад̇ваа ‘‘баал̣и банзд̇т̇а…бз… адтавимогкалаабхино васзна ааг̇ад̇аа’’д̇и ааха. маж̇жхиманигааяз бана гийдааг̇ирисуд̇д̇з (ма. ни. 2.182) –
Yadipi mahānidāne (dī. ni. 2.130) vuttaṃ, taṃ pana ubhatobhāgavimuttaseṭṭhavasena vuttanti, idha pana sabbaubhatobhāgavimutte saṅgahaṇatthaṃ ‘‘pañcavidho hotī’’ti vatvā ‘‘pāḷi panettha…pe… aṭṭhavimokkhalābhino vasena āgatā’’ti āha. Majjhimanikāye pana kīṭāgirisutte (ma. ni. 2.182) –
‘‘гад̇амо жа, бхигкавз, буг̇г̇ало убхад̇обхааг̇авимуд̇д̇о? ид̇ха, бхигкавз, згажжо буг̇г̇ало яз д̇з санд̇аа вимогкаа ад̇иггамма руубз ааруббаа, д̇з гааязна пусид̇ваа вихарад̇и , бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, бхигкавз, буг̇г̇ало убхад̇обхааг̇авимуд̇д̇о’’д̇и –
‘‘Katamo ca, bhikkhave, puggalo ubhatobhāgavimutto? Idha, bhikkhave, ekacco puggalo ye te santā vimokkhā atikkamma rūpe āruppā, te kāyena phusitvā viharati , paññāya cassa disvā āsavā parikkhīṇā honti. Ayaṃ vuccati, bhikkhave, puggalo ubhatobhāgavimutto’’ti –
аруубасамаабад̇д̇ивасзна жад̇д̇ааро убхад̇обхааг̇авимуд̇д̇аа, сздто жа вуд̇д̇о вуд̇д̇алагкан̣уубабад̇д̇ид̇о. яат̇аавуд̇д̇зсу хи бан̃жасу буримаа жад̇д̇ааро самаабад̇д̇исийсам̣ нирод̇хам̣ на самаабаж̇ж̇анд̇ийд̇и барияааязна убхад̇обхааг̇авимуд̇д̇аа наама. адтасамаабад̇д̇илаабхий анааг̇аамий д̇ам̣ самаабаж̇ж̇ид̇ваа д̇ад̇о вудтааяа вибассанам̣ вад̣дхзд̇ваа арахад̇д̇ам̣ бад̇д̇од̇и ниббарияааязна убхад̇обхааг̇авимуд̇д̇асздто наама.
Arūpasamāpattivasena cattāro ubhatobhāgavimuttā, seṭṭho ca vutto vuttalakkhaṇūpapattito. Yathāvuttesu hi pañcasu purimā cattāro samāpattisīsaṃ nirodhaṃ na samāpajjantīti pariyāyena ubhatobhāgavimuttā nāma. Aṭṭhasamāpattilābhī anāgāmī taṃ samāpajjitvā tato vuṭṭhāya vipassanaṃ vaḍḍhetvā arahattaṃ pattoti nippariyāyena ubhatobhāgavimuttaseṭṭho nāma.
гад̇амо жа буг̇г̇алод̇иаад̣̇и буг̇г̇алабан̃н̃ад̇д̇ибаал̣и. д̇ад̇т̇а гад̇амод̇и бужчааважанам̣. буг̇г̇алод̇и асаад̇хааран̣ад̇о бужчид̇аб̣б̣аважанам̣. ид̇хаад̇и ид̇хасмим̣ саасанз. згажжод̇и зго. адта вимогкз гааязна пусид̇ваа вихарад̇ийд̇и адта самаабад̇д̇ияо самаабаж̇ж̇ид̇ваа наамагааяад̇о бадилабхид̇ваа вихарад̇и. бан̃н̃ааяа жасса д̣̇исваа аасаваа баригкийн̣аа хонд̇ийд̇и вибассанаабан̃н̃ааяа сан̇каараг̇ад̇ам̣, маг̇г̇абан̃н̃ааяа жад̇д̇аари сажжаани бассид̇ваа жад̇д̇аароби аасаваа баригкийн̣аа хонд̇и. д̣̇исваад̇и д̣̇ассанахзд̇у. на хи аасавз бан̃н̃ааяа бассанд̇и, д̣̇ассанагааран̣аа бана баригкийн̣аа д̣̇исваа баригкийн̣аад̇и вуд̇д̇аа д̣̇ассанааяад̇д̇абаригкаяад̇д̇аа. зван̃хи д̣̇ассанам̣ аасаваанам̣ каяасса буримагирияаабхаавзна вуд̇д̇ам̣.
Katamo ca puggalotiādi puggalapaññattipāḷi. Tattha katamoti pucchāvacanaṃ. Puggaloti asādhāraṇato pucchitabbavacanaṃ. Idhāti idhasmiṃ sāsane. Ekaccoti eko. Aṭṭha vimokkhe kāyena phusitvā viharatīti aṭṭha samāpattiyo samāpajjitvā nāmakāyato paṭilabhitvā viharati. Paññāya cassa disvā āsavā parikkhīṇā hontīti vipassanāpaññāya saṅkhāragataṃ, maggapaññāya cattāri saccāni passitvā cattāropi āsavā parikkhīṇā honti. Disvāti dassanahetu. Na hi āsave paññāya passanti, dassanakāraṇā pana parikkhīṇā disvā parikkhīṇāti vuttā dassanāyattaparikkhayattā. Evañhi dassanaṃ āsavānaṃ khayassa purimakiriyābhāvena vuttaṃ.
бан̃н̃аавимуд̇д̇од̇и висзсад̇о бан̃н̃ааяа зва вимуд̇д̇о, на д̇асса ад̇хидтаанабхууд̇зна адтавимогкасан̇каад̇зна саад̇исаязна самаад̇хинаад̇и бан̃н̃аавимуд̇д̇о. яо арияо анад̇хиг̇ад̇аадтавимогко саб̣б̣асо аасавзхи вимуд̇д̇о, д̇ассзд̇ам̣ ад̇хиважанам̣. ад̇хиг̇ад̇зби хи руубаж̇жхаанавимогкз на со саад̇исаяасамаад̇хиниссид̇од̇и на д̇асса васзна убхад̇обхааг̇авимуд̇д̇ад̇аа ход̇ийд̇и вуд̇д̇овааяамад̇т̇о. аруубаж̇жхаанзсу бана згасмимби сад̇и убхад̇обхааг̇авимуд̇д̇оязва наама ход̇и. д̇зна хи адтавимогкзгад̣̇зсзна д̇ам̣наамад̣̇аанасамад̇т̇зна адтавимогкалаабхийд̇взва вужжад̇и. самуд̣̇ааяз хи бавад̇д̇о вохааро аваяавзби д̣̇иссад̇и яат̇аа д̇ам̣ ‘‘сад̇д̇исаяо’’д̇и анавасзсад̇о аасаваанам̣ баригкийн̣ад̇д̇аа. адтавимогкабадигкзбавасзнзва на згад̣̇зсабхууд̇аруубаж̇жхаанаббадигкзбавасзна. зван̃хи аруубаж̇жхаанзгад̣̇зсаабхаавзби адтавимогкабадигкзбо на ход̇ийд̇и сид̣̇д̇хам̣ ход̇и. аруубааважараж̇жхаанзсу хи згасмимби сад̇и убхад̇обхааг̇авимуд̇д̇оязва наама ход̇и.
Paññāvimuttoti visesato paññāya eva vimutto, na tassa adhiṭṭhānabhūtena aṭṭhavimokkhasaṅkhātena sātisayena samādhināti paññāvimutto. Yo ariyo anadhigataaṭṭhavimokkho sabbaso āsavehi vimutto, tassetaṃ adhivacanaṃ. Adhigatepi hi rūpajjhānavimokkhe na so sātisayasamādhinissitoti na tassa vasena ubhatobhāgavimuttatā hotīti vuttovāyamattho. Arūpajjhānesu pana ekasmimpi sati ubhatobhāgavimuttoyeva nāma hoti. Tena hi aṭṭhavimokkhekadesena taṃnāmadānasamatthena aṭṭhavimokkhalābhītveva vuccati. Samudāye hi pavatto vohāro avayavepi dissati yathā taṃ ‘‘sattisayo’’ti anavasesato āsavānaṃ parikkhīṇattā. Aṭṭhavimokkhapaṭikkhepavaseneva na ekadesabhūtarūpajjhānappaṭikkhepavasena. Evañhi arūpajjhānekadesābhāvepi aṭṭhavimokkhapaṭikkhepo na hotīti siddhaṃ hoti. Arūpāvacarajjhānesu hi ekasmimpi sati ubhatobhāgavimuttoyeva nāma hoti.
пудтанд̇ам̣ сажчигад̇од̇и пудтаанам̣ анд̇о пудтанд̇о, пудтаанам̣ аруубаж̇жхаанаанам̣ ананд̇аро гаалод̇и ад̇хиббааяо. ажжанд̇асам̣яог̇з жзд̇ам̣ убаяог̇аважанам̣. д̇ам̣ пудтаананд̇арагааламзва сажчигаад̇аб̣б̣ам̣ сажчигад̇о сажчигаран̣уубааязнаад̇и вуд̇д̇ам̣ ход̇и, бхааванабум̣сагам̣ ваа зд̇ам̣ ‘‘згаманд̇ам̣ нисийд̣̇ий’’д̇иаад̣̇ийсу вияа. яо хи аруубаж̇жхаанзна руубагааяад̇о наамагааязгад̣̇зсад̇о жа вигкамбханавимогкзна вимуд̇д̇о, д̇зна нирод̇хасан̇каад̇о вимогко ааложид̇о багаасид̇о вияа ход̇и, на бана гааязна сажчигад̇о. нирод̇хам̣ бана аарамман̣ам̣ гад̇ваа згажжзсу аасавзсу кзбид̇зсу д̇зна со сажчигад̇о ход̇и, д̇асмаа со сажчигаад̇аб̣б̣ам̣ нирод̇хам̣ яат̇ааааложид̇ам̣ наамагааязна сажчи гарод̇ийд̇и ‘‘гааяасагкий’’д̇и вужжад̇и, на д̇у ‘‘вимуд̇д̇о’’д̇и згажжаанам̣ аасаваанам̣ абаригкийн̣ад̇д̇аа. д̇знааха ‘‘жхаанапассам̣ батамам̣ пусад̇и, бажчаа нирод̇хам̣ ниб̣б̣аанам̣ сажчигарод̇ий’’д̇и. аяам̣ жад̇уннам̣ аруубасамаабад̇д̇ийнам̣ згзгад̇о вудтааяа сан̇каарз саммасид̇ваа гааяасагкибхаавам̣ бад̇д̇аанам̣ жад̇уннам̣, нирод̇хаа вудтааяа аг̇г̇амаг̇г̇аббад̇д̇аанааг̇аамино жа васзна убхад̇обхааг̇авимуд̇д̇о вияа бан̃жавид̇хо наама ход̇ийд̇и вуд̇д̇ам̣ абхид̇хаммадийгааяам̣ (бу. ба. мууладий. 24) ‘‘гааяасагкимхиби зсзва наяо’’д̇и. згажжз аасаваад̇и хздтимамаг̇г̇аваж̇жхаа аасаваа.
Phuṭṭhantaṃ sacchikatoti phuṭṭhānaṃ anto phuṭṭhanto, phuṭṭhānaṃ arūpajjhānānaṃ anantaro kāloti adhippāyo. Accantasaṃyoge cetaṃ upayogavacanaṃ. Taṃ phuṭṭhānantarakālameva sacchikātabbaṃ sacchikato sacchikaraṇūpāyenāti vuttaṃ hoti, bhāvanapuṃsakaṃ vā etaṃ ‘‘ekamantaṃ nisīdī’’tiādīsu viya. Yo hi arūpajjhānena rūpakāyato nāmakāyekadesato ca vikkhambhanavimokkhena vimutto, tena nirodhasaṅkhāto vimokkho ālocito pakāsito viya hoti, na pana kāyena sacchikato. Nirodhaṃ pana ārammaṇaṃ katvā ekaccesu āsavesu khepitesu tena so sacchikato hoti, tasmā so sacchikātabbaṃ nirodhaṃ yathāālocitaṃ nāmakāyena sacchi karotīti ‘‘kāyasakkhī’’ti vuccati, na tu ‘‘vimutto’’ti ekaccānaṃ āsavānaṃ aparikkhīṇattā. Tenāha ‘‘jhānaphassaṃ paṭhamaṃ phusati, pacchā nirodhaṃ nibbānaṃ sacchikarotī’’ti. Ayaṃ catunnaṃ arūpasamāpattīnaṃ ekekato vuṭṭhāya saṅkhāre sammasitvā kāyasakkhibhāvaṃ pattānaṃ catunnaṃ, nirodhā vuṭṭhāya aggamaggappattaanāgāmino ca vasena ubhatobhāgavimutto viya pañcavidho nāma hotīti vuttaṃ abhidhammaṭīkāyaṃ (pu. pa. mūlaṭī. 24) ‘‘kāyasakkhimhipi eseva nayo’’ti. Ekacce āsavāti heṭṭhimamaggavajjhā āsavā.
д̣̇идтанд̇ам̣ бад̇д̇од̇и д̣̇ассанасан̇каад̇асса сод̇аабад̇д̇имаг̇г̇ан̃аан̣асса ананд̇арам̣ бад̇д̇од̇и вуд̇д̇ам̣ ход̇и. ‘‘д̣̇идтад̇д̇аа бад̇д̇о’’д̇иби баато. зд̇зна жад̇усажжад̣̇ассанасан̇каад̇ааяа д̣̇идтияаа нирод̇хасса бад̇д̇ад̇ам̣ д̣̇ийбзд̇и. д̇знааха ‘‘д̣̇угкаа сан̇каараа’’д̇иаад̣̇и. д̇ад̇т̇а бан̃н̃ааяаад̇и маг̇г̇абан̃н̃ааяа. батамапаладтад̇о бадтааяа яаава аг̇г̇амаг̇г̇адтаа д̣̇идтиббад̇д̇о. д̇знааха ‘‘соби гааяасагкий вияа чаб̣б̣ид̇хо ход̇ий’’д̇и. яат̇аа бана бан̃н̃аавимуд̇д̇о, звам̣ аяамби сугкавибассаго жад̇уухи аруубаж̇жхаанзхи вудтааяа д̣̇идтиббад̇д̇абхааваббад̇д̇аа жад̇д̇ааро жаад̇и бан̃жавид̇хо ход̇ийд̇и взд̣̇ид̇аб̣б̣о. сад̣̇д̇хаавимуд̇д̇зби зсзва наяо. ид̣̇ам̣ д̣̇угканд̇и зд̇д̇агам̣ д̣̇угкам̣, на ид̇о уд̣̇д̇хам̣ д̣̇угканд̇и. яат̇аабхууд̇ам̣ баж̇аанаад̇ийд̇и табзд̇ваа д̇ан̣хам̣ убаад̣̇аанагканд̇хабан̃жагам̣ д̣̇угкасажжанд̇и яаат̇аавад̇о баж̇аанаад̇и. яасмаа бана д̇ан̣хаа д̣̇угкам̣ ж̇анзд̇и ниб̣б̣ад̇д̇зд̇и, д̇ад̇о д̇ам̣ д̣̇угкам̣ самуд̣̇зд̇и, д̇асмаа нам̣ ‘‘аяам̣ д̣̇угкасамуд̣̇аяо’’д̇и яат̇аабхууд̇ам̣ баж̇аанаад̇и. яасмаа бана ид̣̇ам̣ д̣̇угкан̃жа самуд̣̇аяо жа ниб̣б̣аанам̣ бад̇ваа нируж̇жхад̇и, аббавад̇д̇им̣ г̇ажчад̇и, д̇асмаа на ‘‘аяам̣ д̣̇угканирод̇хо’’д̇и яат̇аабхууд̇ам̣ баж̇аанаад̇и. арияо бана адтан̇г̇иго маг̇г̇о д̇ам̣ д̣̇угканирод̇хам̣ г̇ажчад̇и, д̇зна д̇ам̣ ‘‘аяам̣ д̣̇угканирод̇хаг̇ааминий бадибад̣̇аа’’д̇и яат̇аабхууд̇ам̣ баж̇аанаад̇и. зд̇д̇аавад̇аа наанаагкан̣з сажжававад̇т̇аанам̣ д̣̇ассид̇ам̣. ид̣̇аани д̇ам̣ згагкан̣з д̣̇ассзд̇ум̣ ‘‘д̇ат̇ааг̇ад̇аббавзд̣̇ид̇аа’’д̇иаад̣̇и вуд̇д̇ам̣. д̇ат̇ааг̇ад̇аббавзд̣̇ид̇аад̇и д̇ат̇ааг̇ад̇зна б̣од̇химан̣д̣з бадивид̣̇д̇хаа вид̣̇ид̇аа баагадаа гад̇аа. д̇хаммаад̇и жад̇усажжад̇хаммаа. вод̣̇идтаа хонд̇ийд̇и суд̣̇идтаа. вожарид̇аад̇и сужарид̇аа, бан̃н̃ааяа судту жараабид̇аад̇и ад̇т̇о. аяанд̇и аяам̣ зваруубо буг̇г̇ало д̣̇идтиббад̇д̇од̇и.
Diṭṭhantaṃ pattoti dassanasaṅkhātassa sotāpattimaggañāṇassa anantaraṃ pattoti vuttaṃ hoti. ‘‘Diṭṭhattā patto’’tipi pāṭho. Etena catusaccadassanasaṅkhātāya diṭṭhiyā nirodhassa pattataṃ dīpeti. Tenāha ‘‘dukkhā saṅkhārā’’tiādi. Tattha paññāyāti maggapaññāya. Paṭhamaphalaṭṭhato paṭṭhāya yāva aggamaggaṭṭhā diṭṭhippatto. Tenāha ‘‘sopi kāyasakkhī viya chabbidho hotī’’ti. Yathā pana paññāvimutto, evaṃ ayampi sukkhavipassako catūhi arūpajjhānehi vuṭṭhāya diṭṭhippattabhāvappattā cattāro cāti pañcavidho hotīti veditabbo. Saddhāvimuttepi eseva nayo. Idaṃ dukkhanti ettakaṃ dukkhaṃ, na ito uddhaṃ dukkhanti. Yathābhūtaṃ pajānātīti ṭhapetvā taṇhaṃ upādānakkhandhapañcakaṃ dukkhasaccanti yāthāvato pajānāti. Yasmā pana taṇhā dukkhaṃ janeti nibbatteti, tato taṃ dukkhaṃ samudeti, tasmā naṃ ‘‘ayaṃ dukkhasamudayo’’ti yathābhūtaṃ pajānāti. Yasmā pana idaṃ dukkhañca samudayo ca nibbānaṃ patvā nirujjhati, appavattiṃ gacchati, tasmā na ‘‘ayaṃ dukkhanirodho’’ti yathābhūtaṃ pajānāti. Ariyo pana aṭṭhaṅgiko maggo taṃ dukkhanirodhaṃ gacchati, tena taṃ ‘‘ayaṃ dukkhanirodhagāminī paṭipadā’’ti yathābhūtaṃ pajānāti. Ettāvatā nānākkhaṇe saccavavatthānaṃ dassitaṃ. Idāni taṃ ekakkhaṇe dassetuṃ ‘‘tathāgatappaveditā’’tiādi vuttaṃ. Tathāgatappaveditāti tathāgatena bodhimaṇḍe paṭividdhā viditā pākaṭā katā. Dhammāti catusaccadhammā. Vodiṭṭhā hontīti sudiṭṭhā. Vocaritāti sucaritā, paññāya suṭṭhu carāpitāti attho. Ayanti ayaṃ evarūpo puggalo diṭṭhippattoti.
сад̣̇д̇хааяа вимуд̇д̇од̇и сад̣̇д̣̇аханавасзна вимуд̇д̇о. зд̇зна саб̣б̣ат̇аа авимуд̇д̇ассаби сад̣̇д̇хаамад̇д̇зна вимуд̇д̇абхаавам̣ д̣̇ассзд̇и. сад̣̇д̇хаавимуд̇д̇од̇и ваа сад̣̇д̇хааяа ад̇химуд̇д̇од̇и ад̇т̇о. гим̣ бана нзсам̣ гилзсаббахаанз наанад̇д̇ам̣ ад̇т̇ийд̇и? над̇т̇и. ат̇а гасмаа сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇ийд̇и? ааг̇аманийяанаанад̇д̇зна. д̣̇идтиббад̇д̇о хи ааг̇аманамхи гилзсз вигкамбхзнд̇о аббад̣̇угкзна агасирзна агиламанд̇ова саггод̇и вигкамбхид̇ум̣, сад̣̇д̇хаавимуд̇д̇о бана д̣̇угкзна гасирзна гиламанд̇о саггод̇и вигкамбхид̇ум̣, д̇асмаа сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇и. д̇знааха ‘‘зд̇асса хий’’д̇иаад̣̇и. сад̣̇д̣̇аханд̇ассаад̇и ‘‘згам̣сад̇о аяам̣ бадибад̣̇аа гилзсагкаяам̣ аавахад̇и саммаасамб̣уд̣̇д̇хзна бхаасид̇ад̇д̇аа’’д̇и звам̣ сад̣̇д̣̇аханд̇асса. яасмаа банасса анижжаанубассанаад̣̇ийхи нижжасан̃н̃аабахаанавасзна бхааванааяа буб̣б̣знаабарам̣ висзсам̣ бассад̇о д̇ад̇т̇а д̇ад̇т̇а бажжагкад̇ааби ад̇т̇и, д̇асмаа вуд̇д̇ам̣ ‘‘сад̣̇д̣̇аханд̇асса вияаа’’д̇и. сзсабад̣̇ад̣̇ваяам̣ д̇ассзва взважанам̣. зд̇т̇а жа буб̣б̣абхааг̇амаг̇г̇абхааванаад̇и важанзна ааг̇аманийяанаанад̇д̇зна д̣̇идтиббад̇д̇асад̣̇д̇хаавимуд̇д̇аанам̣ бан̃н̃аанаанад̇д̇ам̣ ход̇ийд̇и д̣̇ассид̇ам̣. абхид̇хаммадтагат̇ааяамби (бу. ба. адта. 28) ‘‘нзсам̣ гилзсаббахаанз наанад̇д̇ам̣ над̇т̇и, бан̃н̃ааяа наанад̇д̇ам̣ ад̇т̇иязваа’’д̇и вад̇ваа ‘‘ааг̇аманийяанаанад̇д̇знзва сад̣̇д̇хаавимуд̇д̇о д̣̇идтиббад̇д̇ам̣ на баабун̣аад̇ийд̇и саннидтаанам̣ гад̇а’’нд̇и вуд̇д̇ам̣.
Saddhāya vimuttoti saddahanavasena vimutto. Etena sabbathā avimuttassapi saddhāmattena vimuttabhāvaṃ dasseti. Saddhāvimuttoti vā saddhāya adhimuttoti attho. Kiṃ pana nesaṃ kilesappahāne nānattaṃ atthīti? Natthi. Atha kasmā saddhāvimutto diṭṭhippattaṃ na pāpuṇātīti? Āgamanīyanānattena. Diṭṭhippatto hi āgamanamhi kilese vikkhambhento appadukkhena akasirena akilamantova sakkoti vikkhambhituṃ, saddhāvimutto pana dukkhena kasirena kilamanto sakkoti vikkhambhituṃ, tasmā saddhāvimutto diṭṭhippattaṃ na pāpuṇāti. Tenāha ‘‘etassa hī’’tiādi. Saddahantassāti ‘‘ekaṃsato ayaṃ paṭipadā kilesakkhayaṃ āvahati sammāsambuddhena bhāsitattā’’ti evaṃ saddahantassa. Yasmā panassa aniccānupassanādīhi niccasaññāpahānavasena bhāvanāya pubbenāparaṃ visesaṃ passato tattha tattha paccakkhatāpi atthi, tasmā vuttaṃ ‘‘saddahantassa viyā’’ti. Sesapadadvayaṃ tasseva vevacanaṃ. Ettha ca pubbabhāgamaggabhāvanāti vacanena āgamanīyanānattena diṭṭhippattasaddhāvimuttānaṃ paññānānattaṃ hotīti dassitaṃ. Abhidhammaṭṭhakathāyampi (pu. pa. aṭṭha. 28) ‘‘nesaṃ kilesappahāne nānattaṃ natthi, paññāya nānattaṃ atthiyevā’’ti vatvā ‘‘āgamanīyanānatteneva saddhāvimutto diṭṭhippattaṃ na pāpuṇātīti sanniṭṭhānaṃ kata’’nti vuttaṃ.
аарамман̣ам̣ яаат̇аавад̇о д̇хаарзд̇и авад̇хаарзд̇ийд̇и д̇хаммо, бан̃н̃аа. д̇ам̣ бан̃н̃аасан̇каад̇ам̣ д̇хаммам̣ ад̇химад̇д̇ад̇ааяа буб̣б̣ан̇г̇амам̣ худ̇ваа бавад̇д̇ам̣ ануссарад̇ийд̇и д̇хаммаанусаарий. д̇знааха ‘‘д̇хаммо’’д̇иаад̣̇и. бан̃н̃аабуб̣б̣ан̇г̇аманд̇и бан̃н̃аабад̇хаанам̣. ‘‘сад̣̇д̇хам̣ ануссарад̇и, сад̣̇д̇хаабуб̣б̣ан̇г̇амам̣ маг̇г̇ам̣ бхаавзд̇ий’’д̇и имамад̇т̇ам̣ зсзва наяод̇и ад̇ид̣̇исад̇и. бан̃н̃ам̣ ваахзд̇ийд̇и бан̃н̃ааваахий, бан̃н̃ам̣ саад̇исаяам̣ бавад̇д̇зд̇ийд̇и ад̇т̇о. д̇знааха ‘‘бан̃н̃аабуб̣б̣ан̇г̇амам̣ арияамаг̇г̇ам̣ бхаавзд̇ий’’д̇и. бан̃н̃аа ваа буг̇г̇алам̣ ваахзд̇и ниб̣б̣аанаабхимукам̣ г̇амзд̇ийд̇и бан̃н̃ааваахий. сад̣̇д̇хааваахийд̇и зд̇т̇ааби иминаа наязнзва ад̇т̇о взд̣̇ид̇аб̣б̣о. убхад̇обхааг̇авимуд̇д̇аад̣̇игат̇аад̇и убхад̇обхааг̇авимуд̇д̇аад̣̇ийсу ааг̇аманад̇о бадтааяа вад̇д̇аб̣б̣агат̇аа. д̇асмаад̇и висуд̣̇д̇химаг̇г̇з (висуд̣̇д̇хи. 2.773, 889) вуд̇д̇ад̇д̇аа. д̇ад̇о зва висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 2.773) вуд̇д̇анаязнзва жзд̇т̇а ад̇т̇о взд̣̇ид̇аб̣б̣о.
Ārammaṇaṃ yāthāvato dhāreti avadhāretīti dhammo, paññā. Taṃ paññāsaṅkhātaṃ dhammaṃ adhimattatāya pubbaṅgamaṃ hutvā pavattaṃ anussaratīti dhammānusārī. Tenāha ‘‘dhammo’’tiādi. Paññāpubbaṅgamanti paññāpadhānaṃ. ‘‘Saddhaṃ anussarati, saddhāpubbaṅgamaṃ maggaṃ bhāvetī’’ti imamatthaṃ eseva nayoti atidisati. Paññaṃ vāhetīti paññāvāhī, paññaṃ sātisayaṃ pavattetīti attho. Tenāha ‘‘paññāpubbaṅgamaṃ ariyamaggaṃ bhāvetī’’ti. Paññā vā puggalaṃ vāheti nibbānābhimukhaṃ gametīti paññāvāhī. Saddhāvāhīti etthāpi iminā nayeneva attho veditabbo. Ubhatobhāgavimuttādikathāti ubhatobhāgavimuttādīsu āgamanato paṭṭhāya vattabbakathā. Tasmāti visuddhimagge (visuddhi. 2.773, 889) vuttattā. Tato eva visuddhimaggasaṃvaṇṇanāyaṃ (visuddhi. mahāṭī. 2.773) vuttanayeneva cettha attho veditabbo.
буг̇г̇аласуд̇д̇аван̣н̣анаа нидтид̇аа.
Puggalasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. буг̇г̇аласуд̇д̇ам̣ • 4. Puggalasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. буг̇г̇аласуд̇д̇аван̣н̣анаа • 4. Puggalasuttavaṇṇanā
