| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. д̇ад̇ияаваг̇г̇о
3. Tatiyavaggo
1. буг̇г̇аласуд̇д̇аван̣н̣анаа
1. Puggalasuttavaṇṇanā
132. ‘‘нийжз гулз бажжааж̇аад̇о’’д̇иаад̣̇и аббагаасанабхаавзна д̇амад̇ийд̇и д̇амо, д̇зна д̇амзна яуд̇д̇од̇и д̇амо буг̇г̇ало вужжад̇и, д̇ам̣яог̇ад̇о буг̇г̇аласса д̇аб̣б̣охааро яат̇аа ‘‘мажчзраяог̇ад̇о мажчзро’’д̇и. д̇асмаа д̇амод̇и аббагаасанабхаавзна д̇амо д̇амабхууд̇о анд̇хагааро вияа ж̇аад̇о, анд̇хагаарад̇д̇ам̣ ваа бад̇д̇од̇и ад̇т̇о. вуд̇д̇алагкан̣ам̣ д̇амамзва барамбарад̇о аяанам̣ г̇ад̇и нидтаа зд̇ассаад̇и д̇амабарааяан̣о, д̇амабарааяан̣ад̇ам̣ ваа бад̇д̇од̇и ад̇т̇о. н̃ааязнаби д̇амаг̇г̇ахан̣зна канд̇хад̇амова гат̇ид̇о, на анд̇хагаарад̇амо. канд̇хад̇амод̇и жа самбад̇д̇ирахид̇аа канд̇хабавад̇д̇иязва д̣̇адтаб̣б̣аа. ‘‘ужжз гулз бажжааж̇аад̇о’’д̇иаад̣̇и багаасанабхаавзна ж̇од̇зд̇ийд̇и ж̇од̇и, д̇зна ж̇од̇инаа яуд̇д̇од̇иаад̣̇и саб̣б̣ам̣ д̇амз вуд̇д̇анаязнзва взд̣̇ид̇аб̣б̣ам̣. ид̇арз д̣̇взд̇и ж̇од̇ид̇амабарааяан̣о ж̇од̇иж̇од̇ибарааяан̣од̇и ид̇арз д̣̇вз буг̇г̇алз.
132. ‘‘Nīce kule paccājāto’’tiādi appakāsanabhāvena tamatīti tamo, tena tamena yuttoti tamo puggalo vuccati, taṃyogato puggalassa tabbohāro yathā ‘‘maccherayogato macchero’’ti. Tasmā tamoti appakāsanabhāvena tamo tamabhūto andhakāro viya jāto, andhakārattaṃ vā pattoti attho. Vuttalakkhaṇaṃ tamameva paramparato ayanaṃ gati niṭṭhā etassāti tamaparāyaṇo, tamaparāyaṇataṃ vā pattoti attho. Ñāyenapi tamaggahaṇena khandhatamova kathito, na andhakāratamo. Khandhatamoti ca sampattirahitā khandhapavattiyeva daṭṭhabbā. ‘‘Ucce kule paccājāto’’tiādi pakāsanabhāvena jotetīti joti, tena jotinā yuttotiādi sabbaṃ tame vuttanayeneva veditabbaṃ. Itare dveti jotitamaparāyaṇo jotijotiparāyaṇoti itare dve puggale.
взн̣увзд̇д̇аад̣̇игзхи бзл̣аад̣̇игаарагаа вилийвагаарагаа. миг̇амажчаад̣̇ийнам̣ нисаад̣̇анад̇о нзсаад̣̇аа, мааг̇авигамажчаб̣анд̇хаад̣̇аяо. рат̇зсу жаммзна хананагаран̣ад̇о рат̇агаараа жаммагаараа вуд̇д̇аа. ‘‘бу’’ ид̇и гарийсасса наамам̣, д̇ам̣ гусзнд̇и абанзнд̇ийд̇и буггусаа, бубпачад̣д̣агаа. д̣̇уб̣б̣ан̣н̣од̇и вируубо. огодимагод̇и аарохаабхаавзна хздтимагодиго, рассагааяод̇и ад̇т̇о. д̇знааха ‘‘лагун̣д̣аго’’д̇и. лагу вияа гхадигаа вияа д̣зд̇и бавад̇д̇ад̇ийд̇и хи лагун̣д̣аго, рассо. ган̣ад̇и нимийлад̇ийд̇и гаан̣о. д̇ам̣ банасса нимийланам̣ згзна агкинаа д̣̇вийхиби ваад̇и ааха ‘‘згагкигаан̣о ваа убхаяагкигаан̣о ваа’’д̇и. гун̣анам̣ гун̣о, хад̇т̇авзгаллам̣, со зд̇асса ад̇т̇ийд̇и гун̣ий. кан̃ж̇о вужжад̇и баад̣̇авигало. хздтимагааяасан̇каад̇о сарийрасса багко бад̣̇зсо хад̇о ассаад̇и багкахад̇о. д̇знааха ‘‘бийтасамбий’’д̇и. бад̣̇ийбз бад̣̇ийбанз зд̇аб̣б̣ам̣ нзд̇аб̣б̣анд̇и бад̣̇ийбзяяам̣, д̇злагабаллаад̣̇иубагаран̣ам̣. вуд̇д̇анд̇и адтагат̇ааяам̣ вуд̇д̇ам̣.
Veṇuvettādikehi peḷādikārakā vilīvakārakā. Migamacchādīnaṃ nisādanato nesādā, māgavikamacchabandhādayo. Rathesu cammena hananakaraṇato rathakārā cammakārā vuttā. ‘‘Pu’’ iti karīsassa nāmaṃ, taṃ kusenti apanentīti pukkusā, pupphachaḍḍakā. Dubbaṇṇoti virūpo. Okoṭimakoti ārohābhāvena heṭṭhimakoṭiko, rassakāyoti attho. Tenāha ‘‘lakuṇḍako’’ti. Laku viya ghaṭikā viya ḍeti pavattatīti hi lakuṇḍako, rasso. Kaṇati nimīlatīti kāṇo. Taṃ panassa nimīlanaṃ ekena akkhinā dvīhipi vāti āha ‘‘ekakkhikāṇo vā ubhayakkhikāṇo vā’’ti. Kuṇanaṃ kuṇo, hatthavekallaṃ, so etassa atthīti kuṇī. Khañjo vuccati pādavikalo. Heṭṭhimakāyasaṅkhāto sarīrassa pakkho padeso hato assāti pakkhahato. Tenāha ‘‘pīṭhasampī’’ti. Padīpe padīpane etabbaṃ netabbanti padīpeyyaṃ, telakapallādiupakaraṇaṃ. Vuttanti aṭṭhakathāyaṃ vuttaṃ.
ааг̇аманавибад̇д̇ийд̇и ааг̇аманадтаанавасзна вибад̇д̇и ааг̇амо зд̇т̇аад̇и гад̇ваа. буб̣б̣уббаннабажжаяавибад̇д̇ийд̇и батамуббаннабажжаяавасзна вибад̇д̇и. жан̣д̣аалаад̣̇исабхааваа хисса маад̇аабид̇аро батамуббаннабажжаяаа, батамуббад̇д̇ияаа ваа бажжаяаа, д̇зхзвасса вибад̇д̇и зва, на самбад̇д̇и. бавад̇д̇абажжаяавибад̇д̇ийд̇и бавад̇д̇з сукабажжаяавибад̇д̇и. д̇аад̣̇исз нихийнагулз уббанноби гожи вибхавасамбанно сияаа, аяам̣ бана д̣̇уг̇г̇ад̇о д̣̇уруубо ход̇и. ааж̇ийвубааяавибад̇д̇ийд̇и ааж̇ийванубааяавасзна вибад̇д̇и. сукзна хи ж̇ийвигам̣ бавад̇д̇зд̇ум̣ убааяабхууд̇аа хад̇т̇исиббаад̣̇аяо имасса над̇т̇и, бубпачад̣д̣агасилаагодданаад̣̇игаммам̣ бана гад̇ваа ж̇ийвигам̣ бавад̇д̇зд̇и. д̇знааха ‘‘гасиравуд̇д̇игз’’д̇и. ад̇д̇абхаававибад̇д̇ийд̇и убад̇хивибад̇д̇и. д̣̇угкагааран̣асамааяог̇од̇и гааяигажзд̇асигад̣̇угкуббад̇д̇ияаа бажжаяасамод̇хаанам̣. сукагааран̣авибад̇д̇ийд̇и сукабажжаяабарихаани. убабхог̇авибад̇д̇ийд̇и убабхог̇асукасса винаасо анубалад̣̇д̇хи. ж̇од̇и жзва ж̇од̇ибарааяан̣абхааво жа суггабагко.
Āgamanavipattīti āgamanaṭṭhānavasena vipatti āgamo etthāti katvā. Pubbuppannapaccayavipattīti paṭhamuppannapaccayavasena vipatti. Caṇḍālādisabhāvā hissa mātāpitaro paṭhamuppannapaccayā, paṭhamuppattiyā vā paccayā, tehevassa vipatti eva, na sampatti. Pavattapaccayavipattīti pavatte sukhapaccayavipatti. Tādise nihīnakule uppannopi koci vibhavasampanno siyā, ayaṃ pana duggato durūpo hoti. Ājīvupāyavipattīti ājīvanupāyavasena vipatti. Sukhena hi jīvikaṃ pavattetuṃ upāyabhūtā hatthisippādayo imassa natthi, pupphachaḍḍakasilākoṭṭanādikammaṃ pana katvā jīvikaṃ pavatteti. Tenāha ‘‘kasiravuttike’’ti. Attabhāvavipattīti upadhivipatti. Dukkhakāraṇasamāyogoti kāyikacetasikadukkhuppattiyā paccayasamodhānaṃ. Sukhakāraṇavipattīti sukhapaccayaparihāni. Upabhogavipattīti upabhogasukhassa vināso anupaladdhi. Joti ceva jotiparāyaṇabhāvo ca sukkapakkho.
д̣̇асахи аггосавад̇т̇уухийд̇и лагкан̣аважанам̣ зд̇ам̣ яат̇аа ‘‘яад̣̇и мз б̣яаад̇хид̇аа хонд̇и, д̣̇аад̇аб̣б̣амид̣̇амосад̇ха’’нд̇и, д̇асмаа д̣̇асахи аггосавад̇т̇уухи, д̇ад̇т̇а ваа язна гзнажи барибхаасад̇ийд̇и ад̇т̇о. згаг̇г̇ажид̇д̇од̇и д̣̇аанам̣ д̣̇аад̇ум̣ абзгкид̇ад̇ааяа самаахид̇ажид̇д̇о.
Dasahi akkosavatthūhīti lakkhaṇavacanaṃ etaṃ yathā ‘‘yadi me byādhitā honti, dātabbamidamosadha’’nti, tasmā dasahi akkosavatthūhi, tattha vā yena kenaci paribhāsatīti attho. Ekaggacittoti dānaṃ dātuṃ apekkhitatāya samāhitacitto.
буг̇г̇аласуд̇д̇аван̣н̣анаа нидтид̇аа.
Puggalasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. буг̇г̇аласуд̇д̇ам̣ • 1. Puggalasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. буг̇г̇аласуд̇д̇аван̣н̣анаа • 1. Puggalasuttavaṇṇanā
