| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
(6) 1. буг̇г̇алаваг̇г̇аван̣н̣анаа
(6) 1. Puggalavaggavaṇṇanā
53. д̣̇уд̇ияабан̣н̣аасагасса батамз жаггавад̇д̇инаа сад̣̇д̇хим̣ г̇ахид̇ад̇д̇аа ‘‘логаанугамбааяаа’’д̇и на вуд̇д̇ам̣. зд̇т̇а жа жаггавад̇д̇ино уббад̇д̇ияаа д̣̇вз самбад̇д̇ияо лабханд̇и, б̣уд̣̇д̇хаанам̣ уббад̇д̇ияаа д̇иссоби.
53. Dutiyapaṇṇāsakassa paṭhame cakkavattinā saddhiṃ gahitattā ‘‘lokānukampāyā’’ti na vuttaṃ. Ettha ca cakkavattino uppattiyā dve sampattiyo labhanti, buddhānaṃ uppattiyā tissopi.
54. д̣̇уд̇ияз ажчарияамануссаад̇и аажин̣н̣амануссаа аб̣бхуд̇амануссаа.
54. Dutiye acchariyamanussāti āciṇṇamanussā abbhutamanussā.
55. д̇ад̇ияз б̣ахуно ж̇анасса ануд̇аббаа ход̇ийд̇и махааж̇анасса ануд̇аабагаарий ход̇и. д̇ад̇т̇а жаггавад̇д̇ино гаалагирияаа згажаггаваал̣з д̣̇звамануссаанам̣ ануд̇аабам̣ гарод̇и, д̇ат̇ааг̇ад̇асса гаалагирияаа д̣̇асасу жаггаваал̣асахассзсу.
55. Tatiye bahuno janassa anutappā hotīti mahājanassa anutāpakārī hoti. Tattha cakkavattino kālakiriyā ekacakkavāḷe devamanussānaṃ anutāpaṃ karoti, tathāgatassa kālakiriyā dasasu cakkavāḷasahassesu.
56. жад̇уд̇т̇з т̇уубаарахаад̇и т̇уубасса яуд̇д̇аа анужчавигаа. жаггавад̇д̇ино хи жзд̇ияам̣ бадиж̇аг̇г̇ид̇ваа д̣̇вз самбад̇д̇ияо лабханд̇и, б̣уд̣̇д̇хаанам̣ жзд̇ияам̣ бадиж̇аг̇г̇ид̇ваа д̇иссоби.
56. Catutthe thūpārahāti thūpassa yuttā anucchavikā. Cakkavattino hi cetiyaṃ paṭijaggitvā dve sampattiyo labhanti, buddhānaṃ cetiyaṃ paṭijaggitvā tissopi.
57. бан̃жамз б̣уд̣̇д̇хаад̇и ад̇д̇ано аанубхаавзна жад̇д̇аари сажжаани б̣уд̣̇д̇хаа.
57. Pañcame buddhāti attano ānubhāvena cattāri saccāni buddhā.
58. чадтз паланд̇ияаад̇и сад̣̇д̣̇ам̣ гаронд̇ияаа. на санд̇асанд̇ийд̇и на бхааяанд̇и. д̇ад̇т̇а кийн̣аасаво ад̇д̇ано саггааяад̣̇идтияаа бахийнад̇д̇аа на бхааяад̇и, хад̇т̇ааж̇аанийяо саггааяад̣̇идтияаа б̣алавад̇д̇аад̇и. сад̇д̇амадтамзсуби зсзва наяо.
58. Chaṭṭhe phalantiyāti saddaṃ karontiyā. Na santasantīti na bhāyanti. Tattha khīṇāsavo attano sakkāyadiṭṭhiyā pahīnattā na bhāyati, hatthājānīyo sakkāyadiṭṭhiyā balavattāti. Sattamaṭṭhamesupi eseva nayo.
61. навамз гим̣бурисаад̇и гиннараа. маанусим̣ ваажам̣ на бхаасанд̇ийд̇и мануссагат̇ам̣ на гат̇знд̇и. д̇хаммаасогасса гира згам̣ гиннарам̣ аанзд̇ваа д̣̇ассзсум̣. со ‘‘гат̇аабзт̇а на’’нд̇и ааха. гиннаро гат̇зд̇ум̣ на ижчад̇и. зго бурисо ‘‘ахамзд̇ам̣ гат̇аабзссаамий’’д̇и хздтаабаасаад̣̇ам̣ од̇аарзд̇ваа д̣̇вз каан̣угз годдзд̇ваа угкалим̣ ааробзси. саа убхад̇обассзхи бад̇ад̇и. д̇ам̣ д̣̇исваа гиннаро ‘‘гим̣ ан̃н̃ам̣ згам̣ каан̣угам̣ годдзд̇ум̣ на ваддад̇ий’’д̇и зд̇д̇агамзва ааха. буна абарабхааг̇з д̣̇вз гиннарз аанзд̇ваа д̣̇ассзсум̣. рааж̇аа ‘‘гат̇аабзт̇а нз’’д̇и ааха. д̇з гат̇зд̇ум̣ на ижчим̣су. зго бурисо ‘‘ахамзд̇з гат̇аабзссаамий’’д̇и д̇з г̇ахзд̇ваа анд̇араабан̣ам̣ аг̇амааси. д̇ад̇т̇зго амб̣абагган̃жа мажчз жа ад̣̇д̣̇аса, зго габ̣идтапалан̃жа амб̣илигаапалан̃жа. д̇ад̇т̇а буримо ‘‘махаависам̣ мануссаа каад̣̇анд̇и, гат̇ам̣ д̇з гилаасино на хонд̇ий’’д̇и ааха. ид̇аро ‘‘гат̇ам̣ имз зд̇ам̣ ниссааяа гудтино на хонд̇ий’’д̇и ааха. звам̣ маанусим̣ ваажам̣ гат̇зд̇ум̣ саггонд̇ааби д̣̇вз ад̇т̇з самбассамаанаа на гат̇знд̇ийд̇и.
61. Navame kiṃpurisāti kinnarā. Mānusiṃ vācaṃ na bhāsantīti manussakathaṃ na kathenti. Dhammāsokassa kira ekaṃ kinnaraṃ ānetvā dassesuṃ. So ‘‘kathāpetha na’’nti āha. Kinnaro kathetuṃ na icchati. Eko puriso ‘‘ahametaṃ kathāpessāmī’’ti heṭṭhāpāsādaṃ otāretvā dve khāṇuke koṭṭetvā ukkhaliṃ āropesi. Sā ubhatopassehi patati. Taṃ disvā kinnaro ‘‘kiṃ aññaṃ ekaṃ khāṇukaṃ koṭṭetuṃ na vaṭṭatī’’ti ettakameva āha. Puna aparabhāge dve kinnare ānetvā dassesuṃ. Rājā ‘‘kathāpetha ne’’ti āha. Te kathetuṃ na icchiṃsu. Eko puriso ‘‘ahamete kathāpessāmī’’ti te gahetvā antarāpaṇaṃ agamāsi. Tattheko ambapakkañca macche ca addasa, eko kabiṭṭhaphalañca ambilikāphalañca. Tattha purimo ‘‘mahāvisaṃ manussā khādanti, kathaṃ te kilāsino na hontī’’ti āha. Itaro ‘‘kathaṃ ime etaṃ nissāya kuṭṭhino na hontī’’ti āha. Evaṃ mānusiṃ vācaṃ kathetuṃ sakkontāpi dve atthe sampassamānā na kathentīti.
62. д̣̇асамз аббадиваанод̇и ануган̣тид̇о абажжосаггид̇о.
62. Dasame appaṭivānoti anukaṇṭhito apaccosakkito.
63. згаад̣̇асамз асанд̇асанниваасанд̇и асаббурисаанам̣ санниваасам̣. на вад̣̇зяяаад̇и оваад̣̇зна ваа анусаасанияаа ваа на вад̣̇зяяа, маа вад̣̇ад̇ууд̇и ад̇т̇о. т̇зрамбаахам̣ на вад̣̇зяяанд̇и ахамби т̇зрам̣ бхигкум̣ оваад̣̇аанусаасанивасзна на вад̣̇зяяам̣. ахид̇аанугамбийд̇и ахид̇ам̣ ижчамаано. но хид̇аанугамбийд̇и хид̇ам̣ анижчамаано. нод̇и нам̣ вад̣̇зяяанд̇и ‘‘ахам̣ д̇ава важанам̣ на гарисса’’нд̇и нам̣ вад̣̇зяяам̣. вихзтзяяанд̇и важанасса агаран̣зна вихзтзяяам̣. бассамбисса наббадигарзяяанд̇и бассанд̇оби ж̇аананд̇оби ахам̣ д̇асса важанам̣ на гарзяяам̣. иминаа убааязна саб̣б̣ад̇т̇а ад̇т̇о взд̣̇ид̇аб̣б̣о. суггабагкз бана саад̇хууд̇и нам̣ вад̣̇зяяанд̇и ‘‘саад̇ху бхад̣̇д̣̇агам̣ сугат̇ид̇ам̣ д̇аяаа’’д̇и д̇асса гат̇ам̣ абхинанд̣̇анд̇о нам̣ вад̣̇зяяанд̇и ад̇т̇о.
63. Ekādasame asantasannivāsanti asappurisānaṃ sannivāsaṃ. Na vadeyyāti ovādena vā anusāsaniyā vā na vadeyya, mā vadatūti attho. Therampāhaṃ na vadeyyanti ahampi theraṃ bhikkhuṃ ovādānusāsanivasena na vadeyyaṃ. Ahitānukampīti ahitaṃ icchamāno. No hitānukampīti hitaṃ anicchamāno. Noti naṃ vadeyyanti ‘‘ahaṃ tava vacanaṃ na karissa’’nti naṃ vadeyyaṃ. Viheṭheyyanti vacanassa akaraṇena viheṭheyyaṃ. Passampissanappaṭikareyyanti passantopi jānantopi ahaṃ tassa vacanaṃ na kareyyaṃ. Iminā upāyena sabbattha attho veditabbo. Sukkapakkhe pana sādhūti naṃ vadeyyanti ‘‘sādhu bhaddakaṃ sukathitaṃ tayā’’ti tassa kathaṃ abhinandanto naṃ vadeyyanti attho.
64. д̣̇ваад̣̇асамз убхад̇о важийсам̣саарод̇и д̣̇вийсуби багкзсу ан̃н̃аман̃н̃ам̣ аггосанабажжаггосанавасзна сам̣сарамаанаа ваажаа важийсам̣сааро. д̣̇идтибал̣аасод̇и д̣̇идтим̣ ниссааяа уббаж̇ж̇анаго яуг̇аг̇г̇аахалагкан̣о бал̣аасо д̣̇идтибал̣аасо наама. жзд̇асо аагхаад̇од̇и гобо. со хи жид̇д̇ам̣ аагхаад̇знд̇о уббаж̇ж̇ад̇и. аббажжаяод̇и ад̇удтаагааро, д̣̇оманассанд̇и ад̇т̇о. анабхирад̣̇д̇хийд̇и гобоязва. со хи анабхираад̇ханавасзна анабхирад̣̇д̇хийд̇и вужжад̇и. аж̇жхад̇д̇ам̣ авуубасанд̇ам̣ ход̇ийд̇и саб̣б̣амбзд̇ам̣ нияагаж̇жхад̇д̇асан̇каад̇з ад̇д̇ано жид̇д̇з жа сад̣̇д̇хивихааригаанд̇зваасигасан̇каад̇ааяа ад̇д̇ано барисааяа жа авуубасанд̇ам̣ ход̇и. д̇асмзд̇анд̇и д̇асмим̣ зд̇ам̣. сзсам̣ вуд̇д̇анаязнзва взд̣̇ид̇аб̣б̣анд̇и.
64. Dvādasame ubhato vacīsaṃsāroti dvīsupi pakkhesu aññamaññaṃ akkosanapaccakkosanavasena saṃsaramānā vācā vacīsaṃsāro. Diṭṭhipaḷāsoti diṭṭhiṃ nissāya uppajjanako yugaggāhalakkhaṇo paḷāso diṭṭhipaḷāso nāma. Cetaso āghātoti kopo. So hi cittaṃ āghātento uppajjati. Appaccayoti atuṭṭhākāro, domanassanti attho. Anabhiraddhīti kopoyeva. So hi anabhirādhanavasena anabhiraddhīti vuccati. Ajjhattaṃ avūpasantaṃ hotīti sabbampetaṃ niyakajjhattasaṅkhāte attano citte ca saddhivihārikaantevāsikasaṅkhātāya attano parisāya ca avūpasantaṃ hoti. Tasmetanti tasmiṃ etaṃ. Sesaṃ vuttanayeneva veditabbanti.
буг̇г̇алаваг̇г̇о батамо.
Puggalavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (6) 1. буг̇г̇алаваг̇г̇о • (6) 1. Puggalavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (6) 1. буг̇г̇алаваг̇г̇аван̣н̣анаа • (6) 1. Puggalavaggavaṇṇanā
