| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. д̣̇уд̇ияабан̣н̣аасагам̣
2. Dutiyapaṇṇāsakaṃ
(6) 1. буг̇г̇алаваг̇г̇аван̣н̣анаа
(6) 1. Puggalavaggavaṇṇanā
53. д̣̇уд̇ияабан̣н̣аасагасса батамз хид̇аг̇г̇ахан̣зна мзд̇д̇аа вуд̇д̇аа ход̇и, на гарун̣аа, анугамбааг̇ахан̣зна бана гарун̣аад̇и жаггавад̇д̇инаа сад̣̇д̇хим̣ г̇ахид̇ад̇д̇аа ‘‘логаанугамбааяаа’’д̇и на вуд̇д̇ам̣. ниббарияааяад̇о логаанугамбаа наама саммаасамб̣уд̣̇д̇хаад̇хийнаад̇и. д̣̇взд̇и мануссад̣̇звасамбад̇д̇ивасзна д̣̇вз самбад̇д̇ияо. д̇аа д̣̇вз, ниб̣б̣аанасамбад̇д̇и жаад̇и д̇иссо.
53. Dutiyapaṇṇāsakassa paṭhame hitaggahaṇena mettā vuttā hoti, na karuṇā, anukampāgahaṇena pana karuṇāti cakkavattinā saddhiṃ gahitattā ‘‘lokānukampāyā’’ti na vuttaṃ. Nippariyāyato lokānukampā nāma sammāsambuddhādhīnāti. Dveti manussadevasampattivasena dve sampattiyo. Tā dve, nibbānasampatti cāti tisso.
54. д̣̇уд̇ияз б̣ахусо логз на жин̣н̣аа на бавад̇д̇аа мануссаад̇и аажин̣н̣амануссаа. гад̣̇аажид̣̇зва хи нзсам̣ логз ниб̣б̣ад̇д̇и абхууд̇абуб̣б̣аа бхууд̇аад̇и аб̣бхуд̇амануссаа.
54. Dutiye bahuso loke na ciṇṇā na pavattā manussāti āciṇṇamanussā. Kadācideva hi nesaṃ loke nibbatti abhūtapubbā bhūtāti abbhutamanussā.
55. д̇ад̇ияз д̣̇асасу жаггаваал̣асахассзсу ануд̇аабам̣ гарод̇и д̇асса згаб̣уд̣̇д̇хакзд̇д̇абхаавад̇о.
55. Tatiye dasasu cakkavāḷasahassesu anutāpaṃ karoti tassa ekabuddhakhettabhāvato.
56. жад̇уд̇т̇з т̇уубасса яуд̇д̇аад̇и д̇хаад̇уяо багкибид̇ваа т̇уубагаран̣асса яуд̇д̇аа.
56. Catutthe thūpassa yuttāti dhātuyo pakkhipitvā thūpakaraṇassa yuttā.
57. бан̃жамз ад̇д̇ано аанубхаавзнаад̇и саяамбхун̃аан̣зна. б̣уд̣̇д̇хаад̇и б̣уд̣̇д̇хаванд̇о.
57. Pañcame attano ānubhāvenāti sayambhuñāṇena. Buddhāti buddhavanto.
58. чадтз бахийнад̇д̇аа на бхааяад̇ийд̇и ад̇д̇асинзхаабхаавад̇о на бхааяад̇и. саггааяад̣̇идтиг̇г̇ахан̣ан̃жзд̇т̇а нид̣̇ассанамад̇д̇ам̣, ад̇д̇асинзхасса бадигхасса д̇ад̣̇згадтасаммохасса жа васзна бхааяанам̣ ход̇ийд̇и д̇зсамби бахийнад̇д̇аа на бхааяад̇и, ан̃н̃ат̇аа сод̇аабаннаад̣̇ийнам̣ абхаязна бхавид̇аб̣б̣ам̣ сияаа. саггааяад̣̇идтияаа б̣алавад̇д̇аад̇и зд̇т̇а ахам̣гаарасаммоханад̇аад̣̇ийнамби б̣алавад̇д̇аад̇и вад̇д̇аб̣б̣ам̣.
58. Chaṭṭhe pahīnattā na bhāyatīti attasinehābhāvato na bhāyati. Sakkāyadiṭṭhiggahaṇañcettha nidassanamattaṃ, attasinehassa paṭighassa tadekaṭṭhasammohassa ca vasena bhāyanaṃ hotīti tesampi pahīnattā na bhāyati, aññathā sotāpannādīnaṃ abhayena bhavitabbaṃ siyā. Sakkāyadiṭṭhiyā balavattāti ettha ahaṃkārasammohanatādīnampi balavattāti vattabbaṃ.
59. сад̇д̇амз ассааж̇аанийяод̇и ликанд̇и, усабхааж̇аанийяод̇и бана баатод̇и.
59. Sattame assājānīyoti likhanti, usabhājānīyoti pana pāṭhoti.
61. навамз д̇ад̇т̇аад̇и анд̇араабан̣з. згод̇и д̣̇вийсу гиннарзсу зго. амб̣илигаапалан̃жа ад̣̇д̣̇асаад̇и аанзд̇ваа самб̣анд̇хо. амб̣илигаапаланд̇и д̇инд̇ин̣ийпаланд̇и вад̣̇анд̇и, жад̇урамб̣иланд̇и абарз. д̣̇вз ад̇т̇зд̇и баал̣ияам̣ вуд̇д̇з д̣̇вз ад̇т̇з.
61. Navame tatthāti antarāpaṇe. Ekoti dvīsu kinnaresu eko. Ambilikāphalañca addasāti ānetvā sambandho. Ambilikāphalanti tintiṇīphalanti vadanti, caturambilanti apare. Dve attheti pāḷiyaṃ vutte dve atthe.
62. д̣̇асамз яат̇аааарад̣̇д̇хз гижжз вад̇д̇амаанз анд̇араа зва бадиг̇аманам̣ бадиваанам̣, над̇т̇и зд̇асса бадиваананд̇и аббадиваано. д̇ад̇т̇а асам̣гожаббад̇д̇о. д̇знааха ‘‘анугган̣тид̇о’’д̇иаад̣̇и.
62. Dasame yathāāraddhe kicce vattamāne antarā eva paṭigamanaṃ paṭivānaṃ, natthi etassa paṭivānanti appaṭivāno. Tattha asaṃkocappatto. Tenāha ‘‘anukkaṇṭhito’’tiādi.
63. згаад̣̇асамз санниваасанд̇и сахаваасам̣. яат̇аа асаббурисаа саха васанд̇аа ан̃н̃аман̃н̃ам̣ аг̇ааравзна анаад̣̇арияам̣ гаронд̇и, д̇аббадигкзбзна саббурисаанам̣ саг̇аараваббадибад̇д̇ид̣̇ассанабарамид̣̇ам̣ суд̇д̇ам̣ д̣̇адтаб̣б̣ам̣.
63. Ekādasame sannivāsanti sahavāsaṃ. Yathā asappurisā saha vasantā aññamaññaṃ agāravena anādariyaṃ karonti, tappaṭikkhepena sappurisānaṃ sagāravappaṭipattidassanaparamidaṃ suttaṃ daṭṭhabbaṃ.
64. д̣̇ваад̣̇асамз д̣̇вийсуби багкзсууд̇и виваад̣̇аабаннаанам̣ бхигкуунам̣ д̣̇вийсуби багкзсу. сам̣сарамаанаад̇и бавад̇д̇амаанаа. д̣̇идтибал̣аасод̇и д̣̇идтисанниссаяо бал̣аасо яуг̇аг̇г̇аахо. аагхаад̇знд̇од̇и аахананд̇о б̣аад̇хзнд̇о. анабхираад̇ханавасзнаад̇и яасса уббаж̇ж̇ад̇и, д̇асса д̇ад̣̇ан̃н̃зсан̃жа ад̇т̇асса анабхираад̇ханавасзна. саб̣б̣амбзд̇анд̇и важийсам̣саарод̇и саб̣б̣амбзд̇ам̣. ад̇д̇ано жид̇д̇з барисааяа жа жид̇д̇зд̇и аанзд̇ваа самб̣анд̇хо.
64. Dvādasame dvīsupi pakkhesūti vivādāpannānaṃ bhikkhūnaṃ dvīsupi pakkhesu. Saṃsaramānāti pavattamānā. Diṭṭhipaḷāsoti diṭṭhisannissayo paḷāso yugaggāho. Āghātentoti āhananto bādhento. Anabhirādhanavasenāti yassa uppajjati, tassa tadaññesañca atthassa anabhirādhanavasena. Sabbampetanti vacīsaṃsāroti sabbampetaṃ. Attano citte parisāya ca citteti ānetvā sambandho.
буг̇г̇алаваг̇г̇аван̣н̣анаа нидтид̇аа.
Puggalavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (6) 1. буг̇г̇алаваг̇г̇о • (6) 1. Puggalavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (6) 1. буг̇г̇алаваг̇г̇аван̣н̣анаа • (6) 1. Puggalavaggavaṇṇanā
