| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. буг̇г̇алависзсанид̣̇д̣̇зсаван̣н̣анаа
2. Puggalavisesaniddesavaṇṇanā
8. д̣̇вз буг̇г̇алаад̇иаад̣̇ийхи бадисамбхид̣̇аббад̇д̇абуг̇г̇алависзсабадибаадим̣ д̣̇ассзд̇и. д̇ад̇т̇а буб̣б̣аяог̇од̇и ад̇ийд̇аж̇аад̇ийсу бадисамбхид̣̇аббад̇д̇ихзд̇убхууд̇о бун̃н̃абаяог̇о. д̇знаад̇и д̇зна буб̣б̣аяог̇агааран̣зна. звам̣ сзсзсуби. ад̇ирзго ход̇ийд̇и ад̇ирид̇д̇о ход̇и, ад̇ирзгаяог̇ад̇о ваа ‘‘ад̇ирзго’’д̇и вуд̇д̇о. ад̇хиго ход̇ийд̇и аг̇г̇о ход̇и. висзсо ход̇ийд̇и висидто ход̇и, висзсаяог̇ад̇о ваа висзсо. н̃аан̣ам̣ бабхиж̇ж̇ад̇ийд̇и бадисамбхид̣̇аан̃аан̣аббабхзд̣̇ам̣ баабун̣аад̇и.
8.Dvepuggalātiādīhi paṭisambhidappattapuggalavisesapaṭipāṭiṃ dasseti. Tattha pubbayogoti atītajātīsu paṭisambhidappattihetubhūto puññapayogo. Tenāti tena pubbayogakāraṇena. Evaṃ sesesupi. Atireko hotīti atiritto hoti, atirekayogato vā ‘‘atireko’’ti vutto. Adhiko hotīti aggo hoti. Viseso hotīti visiṭṭho hoti, visesayogato vā viseso. Ñāṇaṃ pabhijjatīti paṭisambhidāñāṇappabhedaṃ pāpuṇāti.
б̣ахуссуд̇од̇и б̣уд̣̇д̇хаважанавасзна. д̣̇зсанааб̣ахулод̇и д̇хаммад̣̇зсанаавасзна. г̇аруубаниссид̇од̇и бан̃н̃ааяа ад̇хигам̣ г̇арум̣ убаниссид̇о. вихаараб̣ахулод̇и вибассанаавихаараб̣ахуло, паласамаабад̇д̇ивихаараб̣ахуло ваа. бажжавзгкан̣ааб̣ахулод̇и вибассанаавихаарз сад̇и вибассанаабажжавзгкан̣ааб̣ахуло, паласамаабад̇д̇ивихаарз сад̇и паласамаабад̇д̇ибажжавзгкан̣ааб̣ахуло. сзкабадисамбхид̣̇аббад̇д̇од̇и сзко худ̇ваа бадисамбхид̣̇аббад̇д̇о. звам̣ асзкабадисамбхид̣̇аббад̇д̇о. саавагабаарамиббад̇д̇од̇и зд̇т̇а махаабан̃н̃аанам̣ аг̇г̇асса махаасаавагасса сад̇д̇асадтияаа сааваган̃аан̣аанам̣ баараг̇аманам̣ баарамий, саавагасса баарамий саавагабаарамий, д̇ам̣ саавагабаарамим̣ бад̇д̇од̇и саавагабаарамиббад̇д̇о. саавагабаарамид̇ааббад̇д̇од̇и ваа баато. сад̇д̇асадтияаа сааваган̃аан̣аанам̣ баалаго буураго жа со махаасааваго барамо, д̇асса барамасса аяам̣ сад̇д̇асадтибхзд̣̇аа н̃аан̣агирияаа барамасса бхааво, гаммам̣ ваад̇и баарамий, д̇асса саавагасса баарамий саавагабаарамий , д̇ам̣ бад̇д̇од̇и саавагабаарамиббад̇д̇о. саавагабаарамиббад̇д̇од̇и махаамог̇г̇аллаанад̇т̇зраад̣̇иго яо гожи сааваго. саавагабаарамиббад̇д̇асаавагад̇о ад̇ирзгасса ан̃н̃асса саавагасса абхааваа зго бажжзгасамб̣уд̣̇д̇ход̇и ааха. буна бан̃н̃аабабхзд̣̇агусалод̇иаад̣̇ийхи вуд̇д̇ад̇т̇амзва ниг̇амзд̇ваа д̣̇ассзсийд̇и. н̃аан̣агат̇ааяа язбхуяязна анзгаани н̃аан̣аани нид̣̇д̣̇идтаани. бан̃н̃аагат̇ааяа язбхуяязна згааби бан̃н̃аа наанаагааравасзна наанаагад̇ваа вуд̇д̇аад̇и аяам̣ висзсо.
Bahussutoti buddhavacanavasena. Desanābahuloti dhammadesanāvasena. Garūpanissitoti paññāya adhikaṃ garuṃ upanissito. Vihārabahuloti vipassanāvihārabahulo, phalasamāpattivihārabahulo vā. Paccavekkhaṇābahuloti vipassanāvihāre sati vipassanāpaccavekkhaṇābahulo, phalasamāpattivihāre sati phalasamāpattipaccavekkhaṇābahulo. Sekhapaṭisambhidappattoti sekho hutvā paṭisambhidappatto. Evaṃ asekhapaṭisambhidappatto. Sāvakapāramippattoti ettha mahāpaññānaṃ aggassa mahāsāvakassa sattasaṭṭhiyā sāvakañāṇānaṃ pāragamanaṃ pāramī, sāvakassa pāramī sāvakapāramī, taṃ sāvakapāramiṃ pattoti sāvakapāramippatto. Sāvakapāramitāppattoti vā pāṭho. Sattasaṭṭhiyā sāvakañāṇānaṃ pālako pūrako ca so mahāsāvako paramo, tassa paramassa ayaṃ sattasaṭṭhibhedā ñāṇakiriyā paramassa bhāvo, kammaṃ vāti pāramī, tassa sāvakassa pāramī sāvakapāramī , taṃ pattoti sāvakapāramippatto. Sāvakapāramippattoti mahāmoggallānattherādiko yo koci sāvako. Sāvakapāramippattasāvakato atirekassa aññassa sāvakassa abhāvā eko paccekasambuddhoti āha. Puna paññāpabhedakusalotiādīhi vuttatthameva nigametvā dassesīti. Ñāṇakathāya yebhuyyena anekāni ñāṇāni niddiṭṭhāni. Paññākathāya yebhuyyena ekāpi paññā nānākāravasena nānākatvā vuttāti ayaṃ viseso.
махаабан̃н̃аагат̇ааван̣н̣анаа нидтид̇аа.
Mahāpaññākathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. буг̇г̇алависзсанид̣̇д̣̇зсо • 2. Puggalavisesaniddeso
