| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੨. ਪੁਗ੍ਗਲવਿਸੇਸਨਿਦ੍ਦੇਸવਣ੍ਣਨਾ
2. Puggalavisesaniddesavaṇṇanā
੮. ਦ੍વੇ ਪੁਗ੍ਗਲਾਤਿਆਦੀਹਿ ਪਟਿਸਮ੍ਭਿਦਪ੍ਪਤ੍ਤਪੁਗ੍ਗਲવਿਸੇਸਪਟਿਪਾਟਿਂ ਦਸ੍ਸੇਤਿ। ਤਤ੍ਥ ਪੁਬ੍ਬਯੋਗੋਤਿ ਅਤੀਤਜਾਤੀਸੁ ਪਟਿਸਮ੍ਭਿਦਪ੍ਪਤ੍ਤਿਹੇਤੁਭੂਤੋ ਪੁਞ੍ਞਪਯੋਗੋ। ਤੇਨਾਤਿ ਤੇਨ ਪੁਬ੍ਬਯੋਗਕਾਰਣੇਨ। ਏવਂ ਸੇਸੇਸੁਪਿ। ਅਤਿਰੇਕੋ ਹੋਤੀਤਿ ਅਤਿਰਿਤ੍ਤੋ ਹੋਤਿ, ਅਤਿਰੇਕਯੋਗਤੋ વਾ ‘‘ਅਤਿਰੇਕੋ’’ਤਿ વੁਤ੍ਤੋ। ਅਧਿਕੋ ਹੋਤੀਤਿ ਅਗ੍ਗੋ ਹੋਤਿ। વਿਸੇਸੋ ਹੋਤੀਤਿ વਿਸਿਟ੍ਠੋ ਹੋਤਿ, વਿਸੇਸਯੋਗਤੋ વਾ વਿਸੇਸੋ। ਞਾਣਂ ਪਭਿਜ੍ਜਤੀਤਿ ਪਟਿਸਮ੍ਭਿਦਾਞਾਣਪ੍ਪਭੇਦਂ ਪਾਪੁਣਾਤਿ।
8.Dvepuggalātiādīhi paṭisambhidappattapuggalavisesapaṭipāṭiṃ dasseti. Tattha pubbayogoti atītajātīsu paṭisambhidappattihetubhūto puññapayogo. Tenāti tena pubbayogakāraṇena. Evaṃ sesesupi. Atireko hotīti atiritto hoti, atirekayogato vā ‘‘atireko’’ti vutto. Adhiko hotīti aggo hoti. Viseso hotīti visiṭṭho hoti, visesayogato vā viseso. Ñāṇaṃ pabhijjatīti paṭisambhidāñāṇappabhedaṃ pāpuṇāti.
ਬਹੁਸ੍ਸੁਤੋਤਿ ਬੁਦ੍ਧવਚਨવਸੇਨ। ਦੇਸਨਾਬਹੁਲੋਤਿ ਧਮ੍ਮਦੇਸਨਾવਸੇਨ। ਗਰੂਪਨਿਸ੍ਸਿਤੋਤਿ ਪਞ੍ਞਾਯ ਅਧਿਕਂ ਗਰੁਂ ਉਪਨਿਸ੍ਸਿਤੋ। વਿਹਾਰਬਹੁਲੋਤਿ વਿਪਸ੍ਸਨਾવਿਹਾਰਬਹੁਲੋ, ਫਲਸਮਾਪਤ੍ਤਿવਿਹਾਰਬਹੁਲੋ વਾ। ਪਚ੍ਚવੇਕ੍ਖਣਾਬਹੁਲੋਤਿ વਿਪਸ੍ਸਨਾવਿਹਾਰੇ ਸਤਿ વਿਪਸ੍ਸਨਾਪਚ੍ਚવੇਕ੍ਖਣਾਬਹੁਲੋ, ਫਲਸਮਾਪਤ੍ਤਿવਿਹਾਰੇ ਸਤਿ ਫਲਸਮਾਪਤ੍ਤਿਪਚ੍ਚવੇਕ੍ਖਣਾਬਹੁਲੋ। ਸੇਖਪਟਿਸਮ੍ਭਿਦਪ੍ਪਤ੍ਤੋਤਿ ਸੇਖੋ ਹੁਤ੍વਾ ਪਟਿਸਮ੍ਭਿਦਪ੍ਪਤ੍ਤੋ। ਏવਂ ਅਸੇਖਪਟਿਸਮ੍ਭਿਦਪ੍ਪਤ੍ਤੋ। ਸਾવਕਪਾਰਮਿਪ੍ਪਤ੍ਤੋਤਿ ਏਤ੍ਥ ਮਹਾਪਞ੍ਞਾਨਂ ਅਗ੍ਗਸ੍ਸ ਮਹਾਸਾવਕਸ੍ਸ ਸਤ੍ਤਸਟ੍ਠਿਯਾ ਸਾવਕਞਾਣਾਨਂ ਪਾਰਗਮਨਂ ਪਾਰਮੀ, ਸਾવਕਸ੍ਸ ਪਾਰਮੀ ਸਾવਕਪਾਰਮੀ, ਤਂ ਸਾવਕਪਾਰਮਿਂ ਪਤ੍ਤੋਤਿ ਸਾવਕਪਾਰਮਿਪ੍ਪਤ੍ਤੋ। ਸਾવਕਪਾਰਮਿਤਾਪ੍ਪਤ੍ਤੋਤਿ વਾ ਪਾਠੋ। ਸਤ੍ਤਸਟ੍ਠਿਯਾ ਸਾવਕਞਾਣਾਨਂ ਪਾਲਕੋ ਪੂਰਕੋ ਚ ਸੋ ਮਹਾਸਾવਕੋ ਪਰਮੋ, ਤਸ੍ਸ ਪਰਮਸ੍ਸ ਅਯਂ ਸਤ੍ਤਸਟ੍ਠਿਭੇਦਾ ਞਾਣਕਿਰਿਯਾ ਪਰਮਸ੍ਸ ਭਾવੋ, ਕਮ੍ਮਂ વਾਤਿ ਪਾਰਮੀ, ਤਸ੍ਸ ਸਾવਕਸ੍ਸ ਪਾਰਮੀ ਸਾવਕਪਾਰਮੀ , ਤਂ ਪਤ੍ਤੋਤਿ ਸਾવਕਪਾਰਮਿਪ੍ਪਤ੍ਤੋ। ਸਾવਕਪਾਰਮਿਪ੍ਪਤ੍ਤੋਤਿ ਮਹਾਮੋਗ੍ਗਲ੍ਲਾਨਤ੍ਥੇਰਾਦਿਕੋ ਯੋ ਕੋਚਿ ਸਾવਕੋ। ਸਾવਕਪਾਰਮਿਪ੍ਪਤ੍ਤਸਾવਕਤੋ ਅਤਿਰੇਕਸ੍ਸ ਅਞ੍ਞਸ੍ਸ ਸਾવਕਸ੍ਸ ਅਭਾવਾ ਏਕੋ ਪਚ੍ਚੇਕਸਮ੍ਬੁਦ੍ਧੋਤਿ ਆਹ। ਪੁਨ ਪਞ੍ਞਾਪਭੇਦਕੁਸਲੋਤਿਆਦੀਹਿ વੁਤ੍ਤਤ੍ਥਮੇવ ਨਿਗਮੇਤ੍વਾ ਦਸ੍ਸੇਸੀਤਿ। ਞਾਣਕਥਾਯ ਯੇਭੁਯ੍ਯੇਨ ਅਨੇਕਾਨਿ ਞਾਣਾਨਿ ਨਿਦ੍ਦਿਟ੍ਠਾਨਿ। ਪਞ੍ਞਾਕਥਾਯ ਯੇਭੁਯ੍ਯੇਨ ਏਕਾਪਿ ਪਞ੍ਞਾ ਨਾਨਾਕਾਰવਸੇਨ ਨਾਨਾਕਤ੍વਾ વੁਤ੍ਤਾਤਿ ਅਯਂ વਿਸੇਸੋ।
Bahussutoti buddhavacanavasena. Desanābahuloti dhammadesanāvasena. Garūpanissitoti paññāya adhikaṃ garuṃ upanissito. Vihārabahuloti vipassanāvihārabahulo, phalasamāpattivihārabahulo vā. Paccavekkhaṇābahuloti vipassanāvihāre sati vipassanāpaccavekkhaṇābahulo, phalasamāpattivihāre sati phalasamāpattipaccavekkhaṇābahulo. Sekhapaṭisambhidappattoti sekho hutvā paṭisambhidappatto. Evaṃ asekhapaṭisambhidappatto. Sāvakapāramippattoti ettha mahāpaññānaṃ aggassa mahāsāvakassa sattasaṭṭhiyā sāvakañāṇānaṃ pāragamanaṃ pāramī, sāvakassa pāramī sāvakapāramī, taṃ sāvakapāramiṃ pattoti sāvakapāramippatto. Sāvakapāramitāppattoti vā pāṭho. Sattasaṭṭhiyā sāvakañāṇānaṃ pālako pūrako ca so mahāsāvako paramo, tassa paramassa ayaṃ sattasaṭṭhibhedā ñāṇakiriyā paramassa bhāvo, kammaṃ vāti pāramī, tassa sāvakassa pāramī sāvakapāramī , taṃ pattoti sāvakapāramippatto. Sāvakapāramippattoti mahāmoggallānattherādiko yo koci sāvako. Sāvakapāramippattasāvakato atirekassa aññassa sāvakassa abhāvā eko paccekasambuddhoti āha. Puna paññāpabhedakusalotiādīhi vuttatthameva nigametvā dassesīti. Ñāṇakathāya yebhuyyena anekāni ñāṇāni niddiṭṭhāni. Paññākathāya yebhuyyena ekāpi paññā nānākāravasena nānākatvā vuttāti ayaṃ viseso.
ਮਹਾਪਞ੍ਞਾਕਥਾવਣ੍ਣਨਾ ਨਿਟ੍ਠਿਤਾ।
Mahāpaññākathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi / ੨. ਪੁਗ੍ਗਲવਿਸੇਸਨਿਦ੍ਦੇਸੋ • 2. Puggalavisesaniddeso
