| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
2. буг̇г̇алависзсанид̣̇д̣̇зсо
2. Puggalavisesaniddeso
8. д̣̇вз буг̇г̇алаа бадисамбхид̣̇аббад̇д̇аа – зго буб̣б̣аяог̇асамбанно, зго на буб̣б̣аяог̇асамбанно. яо буб̣б̣аяог̇асамбанно со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
8. Dve puggalā paṭisambhidappattā – eko pubbayogasampanno, eko na pubbayogasampanno. Yo pubbayogasampanno so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа – зго б̣ахуссуд̇о, зго на б̣ахуссуд̇о . яо б̣ахуссуд̇о, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā – eko bahussuto, eko na bahussuto . Yo bahussuto, so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа – зго д̣̇зсанааб̣ахуло, зго на д̣̇зсанааб̣ахуло. яо д̣̇зсанааб̣ахуло, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā – eko desanābahulo, eko na desanābahulo. Yo desanābahulo, so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа, д̣̇взби д̣̇зсанааб̣ахулаа – зго г̇аруубаниссид̇о, зго на г̇аруубаниссид̇о . яо г̇аруубаниссид̇о, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā – eko garūpanissito, eko na garūpanissito . Yo garūpanissito, so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа, д̣̇взби д̣̇зсанааб̣ахулаа, д̣̇взби г̇аруубаниссид̇аа – зго вихаараб̣ахуло, зго на вихаараб̣ахуло. яо вихаараб̣ахуло, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā – eko vihārabahulo, eko na vihārabahulo. Yo vihārabahulo, so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа, д̣̇взби д̣̇зсанааб̣ахулаа, д̣̇взби г̇аруубаниссид̇аа, д̣̇взби вихаараб̣ахулаа – зго бажжавзгкан̣ааб̣ахуло , зго на бажжавзгкан̣ааб̣ахуло. яо бажжавзгкан̣ааб̣ахуло, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā – eko paccavekkhaṇābahulo , eko na paccavekkhaṇābahulo. Yo paccavekkhaṇābahulo, so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа, д̣̇взби д̣̇зсанааб̣ахулаа, д̣̇взби г̇аруубаниссид̇аа, д̣̇взби вихаараб̣ахулаа, д̣̇взби бажжавзгкан̣ааб̣ахулаа – зго сзкабадисамбхид̣̇аббад̇д̇о, зго асзкабадисамбхид̣̇аббад̇д̇о. яо асзкабадисамбхид̣̇аббад̇д̇о, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā – eko sekhapaṭisambhidappatto, eko asekhapaṭisambhidappatto. Yo asekhapaṭisambhidappatto, so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа, д̣̇взби д̣̇зсанааб̣ахулаа, д̣̇взби г̇аруубаниссид̇аа, д̣̇взби вихаараб̣ахулаа, д̣̇взби бажжавзгкан̣ааб̣ахулаа, д̣̇взби асзкабадисамбхид̣̇аббад̇д̇аа – зго саавагабаарамиббад̇д̇о, зго на саавагабаарамиббад̇д̇о. яо саавагабаарамиббад̇д̇о , со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā, dvepi asekhapaṭisambhidappattā – eko sāvakapāramippatto, eko na sāvakapāramippatto. Yo sāvakapāramippatto , so tena atireko hoti, adhiko hoti, viseso hoti. Tassa ñāṇaṃ pabhijjati.
д̣̇вз буг̇г̇алаа бадисамбхид̣̇аббад̇д̇аа, д̣̇взби буб̣б̣аяог̇асамбаннаа, д̣̇взби б̣ахуссуд̇аа, д̣̇взби д̣̇зсанааб̣ахулаа, д̣̇взби г̇аруубаниссид̇аа, д̣̇взби вихаараб̣ахулаа, д̣̇взби бажжавзгкан̣ааб̣ахулаа, д̣̇взби асзкабадисамбхид̣̇аббад̇д̇аа – зго саавагабаарамиббад̇д̇о, зго бажжзгасамб̣уд̣̇д̇хо. яо бажжзгасамб̣уд̣̇д̇хо, со д̇зна ад̇ирзго ход̇и, ад̇хиго ход̇и, висзсо ход̇и. д̇асса н̃аан̣ам̣ бабхиж̇ж̇ад̇и.
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā, dvepi asekhapaṭisambhidappattā – eko sāvakapāramippatto, eko paccekasambuddho. Yo paccekasambuddho, so tena atireko hoti, adhiko hoti, viseso hoti. Tassa ñāṇaṃ pabhijjati.
бажжзгаб̣уд̣̇д̇хан̃жа сад̣̇зваган̃жа логам̣ убаад̣̇ааяа д̇ат̇ааг̇ад̇о арахам̣ саммаасамб̣уд̣̇д̇хо аг̇г̇о бадисамбхид̣̇аббад̇д̇о бан̃н̃аабабхзд̣̇агусало бабхиннан̃аан̣о ад̇хиг̇ад̇абадисамбхид̣̇о жад̇увзсаараж̇ж̇аббад̇д̇о д̣̇асаб̣алад̇хаарий бурисаасабхо бурисасийхо…бз… язби д̇з кад̇д̇ияабан̣д̣ид̇аа б̣раахман̣абан̣д̣ид̇аа г̇ахабад̇ибан̣д̣ид̇аа саман̣абан̣д̣ид̇аа нибун̣аа гад̇абараббаваад̣̇аа ваалавзд̇хируубаа вобхинд̣̇анд̇аа ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани, д̇з бан̃хам̣ абхисан̇карид̇ваа абхисан̇карид̇ваа д̇ат̇ааг̇ад̇ам̣ убасан̇гамид̇ваа бужчанд̇и г̇уул̣хаани жа бадижчаннаани жа. гат̇ид̇аа висаж̇ж̇ид̇аа жа д̇з бан̃хаа бхаг̇авад̇аа хонд̇и нид̣̇д̣̇идтагааран̣аа, убагкид̇д̇агаа жа д̇з бхаг̇авад̇о самбаж̇ж̇анд̇и. ат̇а ко бхаг̇аваа д̇ад̇т̇а ад̇ирожад̇и, яад̣̇ид̣̇ам̣ бан̃н̃ааяаад̇и аг̇г̇о бадисамбхид̣̇аббад̇д̇од̇и.
Paccekabuddhañca sadevakañca lokaṃ upādāya tathāgato arahaṃ sammāsambuddho aggo paṭisambhidappatto paññāpabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho…pe… yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā maññe caranti paññāgatena diṭṭhigatāni, te pañhaṃ abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni ca. Kathitā visajjitā ca te pañhā bhagavatā honti niddiṭṭhakāraṇā, upakkhittakā ca te bhagavato sampajjanti. Atha kho bhagavā tattha atirocati, yadidaṃ paññāyāti aggo paṭisambhidappattoti.
махаабан̃н̃аагат̇аа нидтид̇аа.
Mahāpaññākathā niṭṭhitā.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2. буг̇г̇алависзсанид̣̇д̣̇зсаван̣н̣анаа • 2. Puggalavisesaniddesavaṇṇanā
