| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਪੁਗ੍ਗਲવਿਸੇਸਨਿਦ੍ਦੇਸੋ
2. Puggalavisesaniddeso
੮. ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ – ਏਕੋ ਪੁਬ੍ਬਯੋਗਸਮ੍ਪਨ੍ਨੋ, ਏਕੋ ਨ ਪੁਬ੍ਬਯੋਗਸਮ੍ਪਨ੍ਨੋ। ਯੋ ਪੁਬ੍ਬਯੋਗਸਮ੍ਪਨ੍ਨੋ ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
8. Dve puggalā paṭisambhidappattā – eko pubbayogasampanno, eko na pubbayogasampanno. Yo pubbayogasampanno so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ – ਏਕੋ ਬਹੁਸ੍ਸੁਤੋ, ਏਕੋ ਨ ਬਹੁਸ੍ਸੁਤੋ । ਯੋ ਬਹੁਸ੍ਸੁਤੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā – eko bahussuto, eko na bahussuto . Yo bahussuto, so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ – ਏਕੋ ਦੇਸਨਾਬਹੁਲੋ, ਏਕੋ ਨ ਦੇਸਨਾਬਹੁਲੋ। ਯੋ ਦੇਸਨਾਬਹੁਲੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā – eko desanābahulo, eko na desanābahulo. Yo desanābahulo, so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ, ਦ੍વੇਪਿ ਦੇਸਨਾਬਹੁਲਾ – ਏਕੋ ਗਰੂਪਨਿਸ੍ਸਿਤੋ, ਏਕੋ ਨ ਗਰੂਪਨਿਸ੍ਸਿਤੋ । ਯੋ ਗਰੂਪਨਿਸ੍ਸਿਤੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā – eko garūpanissito, eko na garūpanissito . Yo garūpanissito, so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ, ਦ੍વੇਪਿ ਦੇਸਨਾਬਹੁਲਾ, ਦ੍વੇਪਿ ਗਰੂਪਨਿਸ੍ਸਿਤਾ – ਏਕੋ વਿਹਾਰਬਹੁਲੋ, ਏਕੋ ਨ વਿਹਾਰਬਹੁਲੋ। ਯੋ વਿਹਾਰਬਹੁਲੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā – eko vihārabahulo, eko na vihārabahulo. Yo vihārabahulo, so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ, ਦ੍વੇਪਿ ਦੇਸਨਾਬਹੁਲਾ, ਦ੍વੇਪਿ ਗਰੂਪਨਿਸ੍ਸਿਤਾ, ਦ੍વੇਪਿ વਿਹਾਰਬਹੁਲਾ – ਏਕੋ ਪਚ੍ਚવੇਕ੍ਖਣਾਬਹੁਲੋ , ਏਕੋ ਨ ਪਚ੍ਚવੇਕ੍ਖਣਾਬਹੁਲੋ। ਯੋ ਪਚ੍ਚવੇਕ੍ਖਣਾਬਹੁਲੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā – eko paccavekkhaṇābahulo , eko na paccavekkhaṇābahulo. Yo paccavekkhaṇābahulo, so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ, ਦ੍વੇਪਿ ਦੇਸਨਾਬਹੁਲਾ, ਦ੍વੇਪਿ ਗਰੂਪਨਿਸ੍ਸਿਤਾ, ਦ੍વੇਪਿ વਿਹਾਰਬਹੁਲਾ, ਦ੍વੇਪਿ ਪਚ੍ਚવੇਕ੍ਖਣਾਬਹੁਲਾ – ਏਕੋ ਸੇਖਪਟਿਸਮ੍ਭਿਦਪ੍ਪਤ੍ਤੋ, ਏਕੋ ਅਸੇਖਪਟਿਸਮ੍ਭਿਦਪ੍ਪਤ੍ਤੋ। ਯੋ ਅਸੇਖਪਟਿਸਮ੍ਭਿਦਪ੍ਪਤ੍ਤੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā – eko sekhapaṭisambhidappatto, eko asekhapaṭisambhidappatto. Yo asekhapaṭisambhidappatto, so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ, ਦ੍વੇਪਿ ਦੇਸਨਾਬਹੁਲਾ, ਦ੍વੇਪਿ ਗਰੂਪਨਿਸ੍ਸਿਤਾ, ਦ੍વੇਪਿ વਿਹਾਰਬਹੁਲਾ, ਦ੍વੇਪਿ ਪਚ੍ਚવੇਕ੍ਖਣਾਬਹੁਲਾ, ਦ੍વੇਪਿ ਅਸੇਖਪਟਿਸਮ੍ਭਿਦਪ੍ਪਤ੍ਤਾ – ਏਕੋ ਸਾવਕਪਾਰਮਿਪ੍ਪਤ੍ਤੋ, ਏਕੋ ਨ ਸਾવਕਪਾਰਮਿਪ੍ਪਤ੍ਤੋ। ਯੋ ਸਾવਕਪਾਰਮਿਪ੍ਪਤ੍ਤੋ , ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā, dvepi asekhapaṭisambhidappattā – eko sāvakapāramippatto, eko na sāvakapāramippatto. Yo sāvakapāramippatto , so tena atireko hoti, adhiko hoti, viseso hoti. Tassa ñāṇaṃ pabhijjati.
ਦ੍વੇ ਪੁਗ੍ਗਲਾ ਪਟਿਸਮ੍ਭਿਦਪ੍ਪਤ੍ਤਾ, ਦ੍વੇਪਿ ਪੁਬ੍ਬਯੋਗਸਮ੍ਪਨ੍ਨਾ, ਦ੍વੇਪਿ ਬਹੁਸ੍ਸੁਤਾ, ਦ੍વੇਪਿ ਦੇਸਨਾਬਹੁਲਾ, ਦ੍વੇਪਿ ਗਰੂਪਨਿਸ੍ਸਿਤਾ, ਦ੍વੇਪਿ વਿਹਾਰਬਹੁਲਾ, ਦ੍વੇਪਿ ਪਚ੍ਚવੇਕ੍ਖਣਾਬਹੁਲਾ, ਦ੍વੇਪਿ ਅਸੇਖਪਟਿਸਮ੍ਭਿਦਪ੍ਪਤ੍ਤਾ – ਏਕੋ ਸਾવਕਪਾਰਮਿਪ੍ਪਤ੍ਤੋ, ਏਕੋ ਪਚ੍ਚੇਕਸਮ੍ਬੁਦ੍ਧੋ। ਯੋ ਪਚ੍ਚੇਕਸਮ੍ਬੁਦ੍ਧੋ, ਸੋ ਤੇਨ ਅਤਿਰੇਕੋ ਹੋਤਿ, ਅਧਿਕੋ ਹੋਤਿ, વਿਸੇਸੋ ਹੋਤਿ। ਤਸ੍ਸ ਞਾਣਂ ਪਭਿਜ੍ਜਤਿ।
Dve puggalā paṭisambhidappattā, dvepi pubbayogasampannā, dvepi bahussutā, dvepi desanābahulā, dvepi garūpanissitā, dvepi vihārabahulā, dvepi paccavekkhaṇābahulā, dvepi asekhapaṭisambhidappattā – eko sāvakapāramippatto, eko paccekasambuddho. Yo paccekasambuddho, so tena atireko hoti, adhiko hoti, viseso hoti. Tassa ñāṇaṃ pabhijjati.
ਪਚ੍ਚੇਕਬੁਦ੍ਧਞ੍ਚ ਸਦੇવਕਞ੍ਚ ਲੋਕਂ ਉਪਾਦਾਯ ਤਥਾਗਤੋ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਗ੍ਗੋ ਪਟਿਸਮ੍ਭਿਦਪ੍ਪਤ੍ਤੋ ਪਞ੍ਞਾਪਭੇਦਕੁਸਲੋ ਪਭਿਨ੍ਨਞਾਣੋ ਅਧਿਗਤਪਟਿਸਮ੍ਭਿਦੋ ਚਤੁવੇਸਾਰਜ੍ਜਪ੍ਪਤ੍ਤੋ ਦਸਬਲਧਾਰੀ ਪੁਰਿਸਾਸਭੋ ਪੁਰਿਸਸੀਹੋ…ਪੇ॰… ਯੇਪਿ ਤੇ ਖਤ੍ਤਿਯਪਣ੍ਡਿਤਾ ਬ੍ਰਾਹ੍ਮਣਪਣ੍ਡਿਤਾ ਗਹਪਤਿਪਣ੍ਡਿਤਾ ਸਮਣਪਣ੍ਡਿਤਾ ਨਿਪੁਣਾ ਕਤਪਰਪ੍ਪવਾਦਾ વਾਲવੇਧਿਰੂਪਾ વੋਭਿਨ੍ਦਨ੍ਤਾ ਮਞ੍ਞੇ ਚਰਨ੍ਤਿ ਪਞ੍ਞਾਗਤੇਨ ਦਿਟ੍ਠਿਗਤਾਨਿ, ਤੇ ਪਞ੍ਹਂ ਅਭਿਸਙ੍ਖਰਿਤ੍વਾ ਅਭਿਸਙ੍ਖਰਿਤ੍વਾ ਤਥਾਗਤਂ ਉਪਸਙ੍ਕਮਿਤ੍વਾ ਪੁਚ੍ਛਨ੍ਤਿ ਗੂਲ਼੍ਹਾਨਿ ਚ ਪਟਿਚ੍ਛਨ੍ਨਾਨਿ ਚ। ਕਥਿਤਾ વਿਸਜ੍ਜਿਤਾ ਚ ਤੇ ਪਞ੍ਹਾ ਭਗવਤਾ ਹੋਨ੍ਤਿ ਨਿਦ੍ਦਿਟ੍ਠਕਾਰਣਾ, ਉਪਕ੍ਖਿਤ੍ਤਕਾ ਚ ਤੇ ਭਗવਤੋ ਸਮ੍ਪਜ੍ਜਨ੍ਤਿ। ਅਥ ਖੋ ਭਗવਾ ਤਤ੍ਥ ਅਤਿਰੋਚਤਿ, ਯਦਿਦਂ ਪਞ੍ਞਾਯਾਤਿ ਅਗ੍ਗੋ ਪਟਿਸਮ੍ਭਿਦਪ੍ਪਤ੍ਤੋਤਿ।
Paccekabuddhañca sadevakañca lokaṃ upādāya tathāgato arahaṃ sammāsambuddho aggo paṭisambhidappatto paññāpabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho…pe… yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā maññe caranti paññāgatena diṭṭhigatāni, te pañhaṃ abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni ca. Kathitā visajjitā ca te pañhā bhagavatā honti niddiṭṭhakāraṇā, upakkhittakā ca te bhagavato sampajjanti. Atha kho bhagavā tattha atirocati, yadidaṃ paññāyāti aggo paṭisambhidappattoti.
ਮਹਾਪਞ੍ਞਾਕਥਾ ਨਿਟ੍ਠਿਤਾ।
Mahāpaññākathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨. ਪੁਗ੍ਗਲવਿਸੇਸਨਿਦ੍ਦੇਸવਣ੍ਣਨਾ • 2. Puggalavisesaniddesavaṇṇanā
