| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පුලිනචඞ්‌කමියත්‌ථෙරඅපදානං
10. Pulinacaṅkamiyattheraapadānaṃ
90.
90.
‘‘මිගලුද්‌දො පුරෙ ආසිං, අරඤ්‌ඤෙ කානනෙ අහං;
‘‘Migaluddo pure āsiṃ, araññe kānane ahaṃ;
වාතමිගං ගවෙසන්‌තො, චඞ්‌කමං අද්‌දසං අහං.
Vātamigaṃ gavesanto, caṅkamaṃ addasaṃ ahaṃ.
91.
91.
‘‘උච්‌ඡඞ්‌ගෙන පුලිනං 1 ගය්‌හ, චඞ්‌කමෙ ඔකිරිං අහං;
‘‘Ucchaṅgena pulinaṃ 2 gayha, caṅkame okiriṃ ahaṃ;
පසන්‌නචිත්‌තො සුමනො, සුගතස්‌ස සිරීමතො.
Pasannacitto sumano, sugatassa sirīmato.
92.
92.
‘‘එකතිංසෙ ඉතො කප්‌පෙ, පුලිනං ඔකිරිං අහං;
‘‘Ekatiṃse ito kappe, pulinaṃ okiriṃ ahaṃ;
දුග්‌ගතිං නාභිජානාමි, පුලිනස්‌ස ඉදං ඵලං.
Duggatiṃ nābhijānāmi, pulinassa idaṃ phalaṃ.
93.
93.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
94.
94.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
95.
95.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පුලිනචඞ්‌කමියො ථෙරො ඉමා ගාථායො
Itthaṃ sudaṃ āyasmā pulinacaṅkamiyo thero imā gāthāyo
අභාසිත්‌ථාති.
Abhāsitthāti.
පුලිනචඞ්‌කමියත්‌ථෙරස්‌සාපදානං දසමං.
Pulinacaṅkamiyattherassāpadānaṃ dasamaṃ.
නළමාලිවග්‌ගො අට්‌ඨචත්‌තාලීසමො.
Naḷamālivaggo aṭṭhacattālīsamo.
තස්‌සුද්‌දානං –
Tassuddānaṃ –
නළමාලී මණිදදො, උක්‌කාසතිකබීජනී;
Naḷamālī maṇidado, ukkāsatikabījanī;
කුම්‌මාසො ච කුසට්‌ඨො ච, ගිරිපුන්‌නාගියොපි ච.
Kummāso ca kusaṭṭho ca, giripunnāgiyopi ca.
වල්‌ලිකාරො පානධිදො, අථො පුලිනචඞ්‌කමො;
Vallikāro pānadhido, atho pulinacaṅkamo;
ගාථායො පඤ්‌චනවුති, ගණිතායො විභාවිභි.
Gāthāyo pañcanavuti, gaṇitāyo vibhāvibhi.
Footnotes:
